तथा च ब्रह्मणः शीर्षं निकृत्तं शूलपाणिना । तद् अपि दैवयोगेन तस्माद् दैवं महावली
tathā ca brahmaṇaḥ śīrṣaṃ nikṛttaṃ śūlapāṇinā / tad api daivayogena tasmād daivaṃ mahāvalī
Sanskrit only: no published translation is held for this verse.
Ratnamālāvadāna 12
तथा चक्री सुवीरो ऽपि व्याधेषु निहतो मृतः । तद् अपि दैवयोगेन तस्माद् दैवं महद् वलं
tathā cakrī suvīro 'pi vyādheṣu nihato mṛtaḥ / tad api daivayogena tasmād daivaṃ mahad valaṃ
Sanskrit only: no published translation is held for this verse.
यश् च भूताधिपश् चेशः सो ऽप्य् उमत्तो दिगंवरः । तद् अपि दैवयोगेन तस्माद् दैवं महेश्वरः
yaś ca bhūtādhipaś ceśaḥ so 'py umatto digaṃvaraḥ / tad api daivayogena tasmād daivaṃ maheśvaraḥ
Sanskrit only: no published translation is held for this verse.
चंद्रो ऽपि च कलंकाङ्को मासे मासे ऽपि हीयते । तद् अपि दैवयोगेन तस्माद् दैवं महद्वलं
caṃdro 'pi ca kalaṃkāṅko māse māse 'pi hīyate / tad api daivayogena tasmād daivaṃ mahadvalaṃ
Sanskrit only: no published translation is held for this verse.
एवं चन्द्रदिनेशौ च ग्रहेणापि निपीडितौ । तद् अपि दैवयोगेन तस्माद् दैवं महावली
evaṃ candradineśau ca graheṇāpi nipīḍitau / tad api daivayogena tasmād daivaṃ mahāvalī
Sanskrit only: no published translation is held for this verse.
रामो रक्षोविजेतापि पुत्रेण निहतो रणे । तद् अपि दैवयोगेन तस्माद् दैवं महावली
rāmo rakṣovijetāpi putreṇa nihato raṇe / tad api daivayogena tasmād daivaṃ mahāvalī
Sanskrit only: no published translation is held for this verse.
तथार्ज्जुनः सुधीरो ऽपि पुत्रेणापि हतो रणे । तद् अपि दैवयोगेन तस्माद् दैवं महावलं
tathārjjunaḥ sudhīro 'pi putreṇāpi hato raṇe / tad api daivayogena tasmād daivaṃ mahāvalaṃ
Sanskrit only: no published translation is held for this verse.
तथा च पर्शुरामेण मातापि निहता क्रुधा । तद् अपि दैवयोगेन तस्माद् दैवं महावलः
tathā ca parśurāmeṇa mātāpi nihatā krudhā / tad api daivayogena tasmād daivaṃ mahāvalaḥ
Sanskrit only: no published translation is held for this verse.
बिंबिसारो नृपेन्द्रो ऽपि पुत्रेणाजातशत्रुणा । वंधने मारितं चैवं तद् अपि दैवयोगतः
biṃbisāro nṛpendro 'pi putreṇājātaśatruṇā / vaṃdhane māritaṃ caivaṃ tad api daivayogataḥ
Sanskrit only: no published translation is held for this verse.
तस्माच् च ब्रह्मदत्तेन धर्मपालो स नन्दनः । मारितः प्रमदातुष्ट्यै तद् अपि दैवयोगतः
tasmāc ca brahmadattena dharmapālo sa nandanaḥ / māritaḥ pramadātuṣṭyai tad api daivayogataḥ
Sanskrit only: no published translation is held for this verse.
राज्ञी च दुर्पती माता स्वात्मजस्यापि रोहितं । पीत्वैव निर्दया तुष्टा तद् अपि दैवयोगतः
rājñī ca durpatī mātā svātmajasyāpi rohitaṃ / pītvaiva nirdayā tuṣṭā tad api daivayogataḥ
Sanskrit only: no published translation is held for this verse.
क्षान्तिवादी मुनिश् चापि राज्ञा निर्दयचेतसा । असिना घातितो ऽरण्ये तद् अपि दैवयोगतः
kṣāntivādī muniś cāpi rājñā nirdayacetasā / asinā ghātito 'raṇye tad api daivayogataḥ
Sanskrit only: no published translation is held for this verse.
प्रसेनजिन् नृपेशो ऽपि पुत्रेणापि स्वराज्यतः । निर्वासितो वने भ्रान्तस् तद् अपि दैवयोगतः
prasenajin nṛpeśo 'pi putreṇāpi svarājyataḥ / nirvāsito vane bhrāntas tad api daivayogataḥ
Sanskrit only: no published translation is held for this verse.
एवम् अन्ये ऽपि राजानो हत्वा ज्ञाती स्ववांधवान् । भुंजते प्राप्य राज्यानि तद् अपि दैवयोगतः
evam anye 'pi rājāno hatvā jñātī svavāṃdhavān / bhuṃjate prāpya rājyāni tad api daivayogataḥ
Sanskrit only: no published translation is held for this verse.
एवं पित्रा सुतास् त्यक्त्वा मात्रा च स्वात्मजा अपि । वंधुमित्रादिभिस् त्यक्त्वा केचिद् दैवानुयोगतः
evaṃ pitrā sutās tyaktvā mātrā ca svātmajā api / vaṃdhumitrādibhis tyaktvā kecid daivānuyogataḥ
Sanskrit only: no published translation is held for this verse.
तद् अपि दैवयोगेन तस्माद् दैवं महत्तरं
tad api daivayogena tasmād daivaṃ mahattaraṃ
Sanskrit only: no published translation is held for this verse.
पुत्रेणापि पिता त्यक्तं मातापि जननी तथा । धात्री चापि परित्यक्तास् तथा पौत्रपितामहः
putreṇāpi pitā tyaktaṃ mātāpi jananī tathā / dhātrī cāpi parityaktās tathā pautrapitāmahaḥ
Sanskrit only: no published translation is held for this verse.
तथा पितामहस् त्यक्तः पुत्रैश् चाप्य् अतिनिर्दयैः । तद् अपि दैवयोगेन तस्माद् दैवं महत्तरं
tathā pitāmahas tyaktaḥ putraiś cāpy atinirdayaiḥ / tad api daivayogena tasmād daivaṃ mahattaraṃ
Sanskrit only: no published translation is held for this verse.
तथा राज्ञा स्वभृत्याश् च सेवका अपि सज्जनाः । अपराधं विना त्यक्तास् तद् अपि दैवयोगतः
tathā rājñā svabhṛtyāś ca sevakā api sajjanāḥ / aparādhaṃ vinā tyaktās tad api daivayogataḥ
Sanskrit only: no published translation is held for this verse.
तथा शिष्यान् गुरुर् हन्ति शिष्यो हन्ति गुरुम् अपि । तद् अपि दैवयोगेन तस्माद् दैवं महत्तरं
tathā śiṣyān gurur hanti śiṣyo hanti gurum api / tad api daivayogena tasmād daivaṃ mahattaraṃ
Sanskrit only: no published translation is held for this verse.
तथापि घ्नन्ति भर्त्तारं स्वामिनं सेवकान्न् अपि । तद् अपि दैवयोगेन तस्माद् दैवं महत्तरं
tathāpi ghnanti bharttāraṃ svāminaṃ sevakānn api / tad api daivayogena tasmād daivaṃ mahattaraṃ
Sanskrit only: no published translation is held for this verse.
तथा च स्वयम् आत्मानं घ्नन्ति केचिद् रुषान्विताः । तद् अपि दैवयोगेन तस्माद् दैवं महत्तमः
tathā ca svayam ātmānaṃ ghnanti kecid ruṣānvitāḥ / tad api daivayogena tasmād daivaṃ mahattamaḥ
Sanskrit only: no published translation is held for this verse.
केचिच् छस्त्रैः स्वयं हत्वा केचिद् भुक्त्वा विषादिकं । केचिद् अग्नौ जले स्वभ्रे प्रपातात् पतिता मृताः
kecic chastraiḥ svayaṃ hatvā kecid bhuktvā viṣādikaṃ / kecid agnau jale svabhre prapātāt patitā mṛtāḥ
Sanskrit only: no published translation is held for this verse.
केचित् पाशैः स्वयं बध्य मृताः केचिच् च वंधने । केचित् पानाशनादींश् च त्यक्त्वा यांति यमालयं
kecit pāśaiḥ svayaṃ badhya mṛtāḥ kecic ca vaṃdhane / kecit pānāśanādīṃś ca tyaktvā yāṃti yamālayaṃ
Sanskrit only: no published translation is held for this verse.
एवं कृत्वापि यान्त्य् एव केचिद् वापि सुरालयं । केचिच् च नरके यान्ति तत् सर्वं दैवयोगतः
evaṃ kṛtvāpi yānty eva kecid vāpi surālayaṃ / kecic ca narake yānti tat sarvaṃ daivayogataḥ
Sanskrit only: no published translation is held for this verse.
तथा मृद्दारुपाषाणे नानाधातुप्रतिष्ठिताः । देवताश् च ददन्त्य् एवं फलं दैवनियोगतः
tathā mṛddārupāṣāṇe nānādhātupratiṣṭhitāḥ / devatāś ca dadanty evaṃ phalaṃ daivaniyogataḥ
Sanskrit only: no published translation is held for this verse.
परे ऽपि स्वजना इष्टाः सहजा अपि च द्विषः । भवन्ति तत् क्षणाद् एव तद् अपि दैवयोगतः
pare 'pi svajanā iṣṭāḥ sahajā api ca dviṣaḥ / bhavanti tat kṣaṇād eva tad api daivayogataḥ
Sanskrit only: no published translation is held for this verse.
एवं त्रैधातुकोत्पन्नाः सर्वे सत्वाश् च जंतवः । षड्गतिषु भ्रमन्तस् ते चरन्ति दैवयोगतः
evaṃ traidhātukotpannāḥ sarve satvāś ca jaṃtavaḥ / ṣaḍgatiṣu bhramantas te caranti daivayogataḥ
Sanskrit only: no published translation is held for this verse.
केचिद् वीरा गुणाढ्याश् च सुंदरा भाग्यमानिनः । सर्वसंपत्समृद्धाश् च चक्रवर्त्तिनृपादयः
kecid vīrā guṇāḍhyāś ca suṃdarā bhāgyamāninaḥ / sarvasaṃpatsamṛddhāś ca cakravarttinṛpādayaḥ
Sanskrit only: no published translation is held for this verse.
केचिच् च निर्गुणाः प्राढ्याः केचिन् निर्गुणिनः शठाः । केचिच् च विकलांगाश् च गुणसंपत्तिभागिनः
kecic ca nirguṇāḥ prāḍhyāḥ kecin nirguṇinaḥ śaṭhāḥ / kecic ca vikalāṃgāś ca guṇasaṃpattibhāginaḥ
Sanskrit only: no published translation is held for this verse.
केचिच् च सुंदरा मूर्खा निर्धना निर्गुणाः शठाः । केचिच् च गुणिनः प्राढ्या नीचकर्मानुचारिणः
kecic ca suṃdarā mūrkhā nirdhanā nirguṇāḥ śaṭhāḥ / kecic ca guṇinaḥ prāḍhyā nīcakarmānucāriṇaḥ
Sanskrit only: no published translation is held for this verse.
दातारो धनिनो वीराः सर्वसत्वानुपालकाः
dātāro dhanino vīrāḥ sarvasatvānupālakāḥ
Sanskrit only: no published translation is held for this verse.
केचिद् उच्चकुलोत्पन्ना निर्गुणा दुष्टवृत्तयः । कृपणा विकलांगाश् च निर्दयाश् च दुराशयाः
kecid uccakulotpannā nirguṇā duṣṭavṛttayaḥ / kṛpaṇā vikalāṃgāś ca nirdayāś ca durāśayāḥ
Sanskrit only: no published translation is held for this verse.
केचिद् वीरा ह्य् अलाभिज्ञाः कुलीनाः साधवो ऽपि ये । ते ऽपि जातिनिहीने ऽपि भजंति शरणं गताः
kecid vīrā hy alābhijñāḥ kulīnāḥ sādhavo 'pi ye / te 'pi jātinihīne 'pi bhajaṃti śaraṇaṃ gatāḥ
Sanskrit only: no published translation is held for this verse.
केचिच् च गुणवन्तो ऽपि कुचेलाः कृशगात्रिकाः । प्रेतवद् भुज्यमानाश् च चरंति भिक्षुका भुवि
kecic ca guṇavanto 'pi kucelāḥ kṛśagātrikāḥ / pretavad bhujyamānāś ca caraṃti bhikṣukā bhuvi
Sanskrit only: no published translation is held for this verse.
केचिच् च निर्गुणा वापि वंचका दुष्टमानसाः । मान्यन्ते साधुवल् लोके तद् अपि दैवयोगतः
kecic ca nirguṇā vāpi vaṃcakā duṣṭamānasāḥ / mānyante sādhuval loke tad api daivayogataḥ
Sanskrit only: no published translation is held for this verse.
एवं नानाविधा लोकाः षड्गतिषु समुद्भवाः । सुखदुःखानि भुंजन्ते भ्रमंति दैवयोगतः
evaṃ nānāvidhā lokāḥ ṣaḍgatiṣu samudbhavāḥ / sukhaduḥkhāni bhuṃjante bhramaṃti daivayogataḥ
Sanskrit only: no published translation is held for this verse.
तस्माद् दैवं महावीरं सर्वत्रैधातुकेष्व् अपि । केनापि शक्यते नैव वशे नेतुं कथं चन
tasmād daivaṃ mahāvīraṃ sarvatraidhātukeṣv api / kenāpi śakyate naiva vaśe netuṃ kathaṃ cana
Sanskrit only: no published translation is held for this verse.
तेन दैवं महानाथः सर्वकर्माधिपः प्रभुः । स्रष्टा भर्त्ता च हर्त्ता च त्रैधातुवासिनाम् अपि
tena daivaṃ mahānāthaḥ sarvakarmādhipaḥ prabhuḥ / sraṣṭā bharttā ca harttā ca traidhātuvāsinām api
Sanskrit only: no published translation is held for this verse.
तस्याप्य् अधिपतिब्रह्मा सर्वलोकेश्वरो विधिः । तत् तस्य शरणं गत्वा भक्त्या नित्यं समर्चय
tasyāpy adhipatibrahmā sarvalokeśvaro vidhiḥ / tat tasya śaraṇaṃ gatvā bhaktyā nityaṃ samarcaya
Sanskrit only: no published translation is held for this verse.
तस्मिं तुष्टे विधौ देवैः परितुष्टं भवेद् ध्रुवं । ततो दैवप्रसादेन सर्वत्र मंगलं भवेत्
tasmiṃ tuṣṭe vidhau devaiḥ parituṣṭaṃ bhaved dhruvaṃ / tato daivaprasādena sarvatra maṃgalaṃ bhavet
Sanskrit only: no published translation is held for this verse.
दैवे तुष्टे सुसिद्ध्यन्ते सर्वकर्माणि यत्नतः । विरुद्धे तु न सिद्ध्यन्ते यत्नैः संसाधितान्य् अपि
daive tuṣṭe susiddhyante sarvakarmāṇi yatnataḥ / viruddhe tu na siddhyante yatnaiḥ saṃsādhitāny api
Sanskrit only: no published translation is held for this verse.
तस्माद् दैवाधिपं देवं ब्रह्माणं चतुराननं । भज दैवप्रसन्नाय सर्वकार्यप्रसिद्धये
tasmād daivādhipaṃ devaṃ brahmāṇaṃ caturānanaṃ / bhaja daivaprasannāya sarvakāryaprasiddhaye
Sanskrit only: no published translation is held for this verse.
दैवं ब्रह्मप्रसादेन शुभदं संमुखी भवेत् । ततस् ते मंगलं नित्यं सर्वकार्य्येषु संभवेत्
daivaṃ brahmaprasādena śubhadaṃ saṃmukhī bhavet / tatas te maṃgalaṃ nityaṃ sarvakāryyeṣu saṃbhavet
Sanskrit only: no published translation is held for this verse.
एवं सार्थपते नत्वा विधानं कार्य्यसाधनं । विधिनाराध्य सद्भक्त्या कुरुष्व कर्मसाधनं
evaṃ sārthapate natvā vidhānaṃ kāryyasādhanaṃ / vidhinārādhya sadbhaktyā kuruṣva karmasādhanaṃ
Sanskrit only: no published translation is held for this verse.
तथा चेत् सर्वथा नित्यं यात्रायं मंगलं भवेत् । अन्यद् वा चिन्तितं कार्यं सर्वाप्य् एवं प्रसत्स्यते
tathā cet sarvathā nityaṃ yātrāyaṃ maṃgalaṃ bhavet / anyad vā cintitaṃ kāryaṃ sarvāpy evaṃ prasatsyate
Sanskrit only: no published translation is held for this verse.
यदि वांछास्ति ते भूयो गन्तुं रत्नाकरं प्रति । तथाभ्यर्च्य विधातारं गछेत् स्वस्ति भवेत् खलु
yadi vāṃchāsti te bhūyo gantuṃ ratnākaraṃ prati / tathābhyarcya vidhātāraṃ gachet svasti bhavet khalu
Sanskrit only: no published translation is held for this verse.
इति तेनोदितं श्रुत्वा सार्थवाहस् तथेति सः । प्रतिज्ञाय समभ्यर्च्य ब्रह्माणं प्रार्थयत् तदा
iti tenoditaṃ śrutvā sārthavāhas tatheti saḥ / pratijñāya samabhyarcya brahmāṇaṃ prārthayat tadā
Sanskrit only: no published translation is held for this verse.
नमस् ते भगवन् ब्रह्मं यात्रासिद्धिं कुरुष्व मे । एवं विधिं समाराध्य स सार्थाधिपतिस् ततः
namas te bhagavan brahmaṃ yātrāsiddhiṃ kuruṣva me / evaṃ vidhiṃ samārādhya sa sārthādhipatis tataḥ
Sanskrit only: no published translation is held for this verse.
भवन्तः श्रूयतां वाक्यं यन् मया समुदीरितं
bhavantaḥ śrūyatāṃ vākyaṃ yan mayā samudīritaṃ
Sanskrit only: no published translation is held for this verse.
अत्रास्ति यदि वो वांछा तथा कर्तुं समुद्यतां । अहं रत्नाकरं भूयो गन्तुं इछामि सांप्रतं
atrāsti yadi vo vāṃchā tathā kartuṃ samudyatāṃ / ahaṃ ratnākaraṃ bhūyo gantuṃ ichāmi sāṃprataṃ
Sanskrit only: no published translation is held for this verse.
तद् यदीछथ रत्नानि तथा यात मया सह । किं चाप्य् अत्र वयं सर्वे सार्थवाहकुलोद्भवाः
tad yadīchatha ratnāni tathā yāta mayā saha / kiṃ cāpy atra vayaṃ sarve sārthavāhakulodbhavāḥ
Sanskrit only: no published translation is held for this verse.
तद् गृहे पशुवद् भुक्त्वा कथं शोभी व्रजेमहि । संसारे सर्वजंतूनां एकधा मरणं ध्रुवं
tad gṛhe paśuvad bhuktvā kathaṃ śobhī vrajemahi / saṃsāre sarvajaṃtūnāṃ ekadhā maraṇaṃ dhruvaṃ
Sanskrit only: no published translation is held for this verse.
तत् किं नो मरणे भीत्या मृत्युं केन निवार्य्यते । यदि दैवाद् विपत्तिः स्याद् अस्माकं कर्म्मदोषतः
tat kiṃ no maraṇe bhītyā mṛtyuṃ kena nivāryyate / yadi daivād vipattiḥ syād asmākaṃ karmmadoṣataḥ
Sanskrit only: no published translation is held for this verse.
सर्वतीर्थजलाधारे मृताः स्वर्गं व्रजेमहि । यदि भाग्याच् च नो यात्रा सिद्धा स्वस्तिमती भवेत् । तदा जीवं सुखं दानं कृत्वा स्वर्गं व्रजेमहि । तद् विषादं परित्यज्य यशोधर्म्मसुखाप्तये
sarvatīrthajalādhāre mṛtāḥ svargaṃ vrajemahi / yadi bhāgyāc ca no yātrā siddhā svastimatī bhavet / tadā jīvaṃ sukhaṃ dānaṃ kṛtvā svargaṃ vrajemahi / tad viṣādaṃ parityajya yaśodharmmasukhāptaye
Sanskrit only: no published translation is held for this verse.
वीर्योत्साहं समाधाय समायात मया सह । इति तस्य वचः श्रुत्वा सर्वे ते वणिजो मुदा
vīryotsāhaṃ samādhāya samāyāta mayā saha / iti tasya vacaḥ śrutvā sarve te vaṇijo mudā
Sanskrit only: no published translation is held for this verse.
तथेति च समुत्साहं कृत्वा गंतुं समुद्यताः । ततः सर्वे ऽपि ते सार्था धृत्वा स्वस्त्ययनं विधिं
tatheti ca samutsāhaṃ kṛtvā gaṃtuṃ samudyatāḥ / tataḥ sarve 'pi te sārthā dhṛtvā svastyayanaṃ vidhiṃ
Sanskrit only: no published translation is held for this verse.
पण्यम् आदाय तेनैव सह सार्थभृता ययुः । ततस् ते प्रस्थिताः सर्वे ग्रामारण्यवनस्थलीः
paṇyam ādāya tenaiva saha sārthabhṛtā yayuḥ / tatas te prasthitāḥ sarve grāmāraṇyavanasthalīḥ
Sanskrit only: no published translation is held for this verse.
समुत्तीर्य्य क्रमाद् यातास् तीरं प्रापुर् महोदधेः । तत्र नावि समारूढा कर्णधारप्रयत्नतः
samuttīryya kramād yātās tīraṃ prāpur mahodadheḥ / tatra nāvi samārūḍhā karṇadhāraprayatnataḥ
Sanskrit only: no published translation is held for this verse.
मरुतांते ऽनुकूलेन जगाहिरे महोदधिं । ततस् तेषां च सर्वेषां दैवयोगानुयोगतः
marutāṃte 'nukūlena jagāhire mahodadhiṃ / tatas teṣāṃ ca sarveṣāṃ daivayogānuyogataḥ
Sanskrit only: no published translation is held for this verse.
सा नौका कालिकावातसंक्षुब्धाभूद् विभेदिता । तदा सर्वे ऽपि ते सार्था दृष्ट्वा नौकां विभेदितां
sā naukā kālikāvātasaṃkṣubdhābhūd vibheditā / tadā sarve 'pi te sārthā dṛṣṭvā naukāṃ vibheditāṃ
Sanskrit only: no published translation is held for this verse.
त्रसिताः सहसा तस्मात् प्रत्याययुः प्रयत्नतः । ततस् ते वणिजः सर्वे विपंनाशा विषादिताः
trasitāḥ sahasā tasmāt pratyāyayuḥ prayatnataḥ / tatas te vaṇijaḥ sarve vipaṃnāśā viṣāditāḥ
Sanskrit only: no published translation is held for this verse.
रात्रौ स्वस्वगृहे गत्वा विभग्नासा विषेदिरे । तथासौ सार्थवाहो ऽपि लज्जितः खण्डिताशयः
rātrau svasvagṛhe gatvā vibhagnāsā viṣedire / tathāsau sārthavāho 'pi lajjitaḥ khaṇḍitāśayaḥ
Sanskrit only: no published translation is held for this verse.
खेदितात्मा गृहे तस्थौ मूकवद् धि नतोत्सवः । ततो भार्य्या सती भद्रा पतिखेदविभेदितं । दृष्ट्वा तं विकलीभूतं समुपेत्याब्रवीत् पुनः
kheditātmā gṛhe tasthau mūkavad dhi natotsavaḥ / tato bhāryyā satī bhadrā patikhedavibheditaṃ / dṛṣṭvā taṃ vikalībhūtaṃ samupetyābravīt punaḥ
Sanskrit only: no published translation is held for this verse.
मा विषादं कृथाः स्वामिन्न् अत्र धैर्य्यं समाश्रयः । धर्मिष्ठे शरणं गत्वा कुरुष्व धर्मसाधनं
mā viṣādaṃ kṛthāḥ svāminn atra dhairyyaṃ samāśrayaḥ / dharmiṣṭhe śaraṇaṃ gatvā kuruṣva dharmasādhanaṃ
Sanskrit only: no published translation is held for this verse.
धर्म्मेण जीयते पापं निष्पापो निर्मलाशयः । शुद्धचित्तो विशुद्धात्मा पुण्यात्मा भाग्यम् आप्नुयात्
dharmmeṇa jīyate pāpaṃ niṣpāpo nirmalāśayaḥ / śuddhacitto viśuddhātmā puṇyātmā bhāgyam āpnuyāt
Sanskrit only: no published translation is held for this verse.
ततो भाग्यवतः पुंसो यद् यत् कर्मणि साधितं । तत् तत् सर्वं प्रसिद्ध्येत तस्माद् धर्मं चरोत्तमं
tato bhāgyavataḥ puṃso yad yat karmaṇi sādhitaṃ / tat tat sarvaṃ prasiddhyeta tasmād dharmaṃ carottamaṃ
Sanskrit only: no published translation is held for this verse.
धर्मम् एव सुहृद् मित्रम् इहामुत्र सहानुगः । धर्म्मेण पाल्यते सर्वं तस्माद् धर्मो जगत्सुहृत्
dharmam eva suhṛd mitram ihāmutra sahānugaḥ / dharmmeṇa pālyate sarvaṃ tasmād dharmo jagatsuhṛt
Sanskrit only: no published translation is held for this verse.
धर्मा नानाविधा लोके कुलचर्य्यानुसरतः । सर्वेषाम् अपि धर्माणां दया धर्मे विशिष्यते
dharmā nānāvidhā loke kulacaryyānusarataḥ / sarveṣām api dharmāṇāṃ dayā dharme viśiṣyate
Sanskrit only: no published translation is held for this verse.
दयालुः सुगतो बुद्धो धर्मराजस् तथागतः । समन्तभद्र आत्मज्ञः सर्वसत्वहितंकरः
dayāluḥ sugato buddho dharmarājas tathāgataḥ / samantabhadra ātmajñaḥ sarvasatvahitaṃkaraḥ
Sanskrit only: no published translation is held for this verse.
सर्वज्ञो मारजिच् छास्ता जगन्नाथः शुभार्थदः । षडभिज्ञो जगद्भर्त्ता सर्वलोकाधिपेश्वरः
sarvajño mārajic chāstā jagannāthaḥ śubhārthadaḥ / ṣaḍabhijño jagadbharttā sarvalokādhipeśvaraḥ
Sanskrit only: no published translation is held for this verse.
तस्मात् तस्य मुनीन्द्रस्य सद्भक्त्या शरणं व्रजन् । सद्धर्मशरणं कृत्वा भज नित्यम् उपासकः
tasmāt tasya munīndrasya sadbhaktyā śaraṇaṃ vrajan / saddharmaśaraṇaṃ kṛtvā bhaja nityam upāsakaḥ
Sanskrit only: no published translation is held for this verse.
ततस् ते नश्यते पापं मंगलं च भवेद् ध्रुवं । तदैव सर्वकार्याणि समेत्स्यंते न संशयः
tatas te naśyate pāpaṃ maṃgalaṃ ca bhaved dhruvaṃ / tadaiva sarvakāryāṇi sametsyaṃte na saṃśayaḥ
Sanskrit only: no published translation is held for this verse.
इति भार्योदितं श्रुत्वा स सार्थाधिपतिर् मुदा । तथेति संप्रतिज्ञाय संबुद्धशरणं ययौ
iti bhāryoditaṃ śrutvā sa sārthādhipatir mudā / tatheti saṃpratijñāya saṃbuddhaśaraṇaṃ yayau
Sanskrit only: no published translation is held for this verse.
नमस् ते भगवन् नाथ पापिस्थो ऽहं सुदुर्भगः । भवतां शरणं गछे तन् मां दृष्ट्वाशु रक्षतां
namas te bhagavan nātha pāpistho 'haṃ sudurbhagaḥ / bhavatāṃ śaraṇaṃ gache tan māṃ dṛṣṭvāśu rakṣatāṃ
Sanskrit only: no published translation is held for this verse.
यन् मया प्रकृतं पापं कारितं वानुमोदितः । तत् सर्वं देशयिष्यामि तन् मे देहि शुभां गतिं
yan mayā prakṛtaṃ pāpaṃ kāritaṃ vānumoditaḥ / tat sarvaṃ deśayiṣyāmi tan me dehi śubhāṃ gatiṃ
Sanskrit only: no published translation is held for this verse.
भवतां सर्वदा नाथ शरणं याम्य् उपासकः । अन्यो मे शरणं नास्ति तन् मां रक्ष सदा भजे
bhavatāṃ sarvadā nātha śaraṇaṃ yāmy upāsakaḥ / anyo me śaraṇaṃ nāsti tan māṃ rakṣa sadā bhaje
Sanskrit only: no published translation is held for this verse.
त्रिधापि मे जगन्नाथ यात्रा भग्ना स्वदैवतः । गृहस्थः सार्थवाहो ऽहं तन् मे देहि सुसंपदः
tridhāpi me jagannātha yātrā bhagnā svadaivataḥ / gṛhasthaḥ sārthavāho 'haṃ tan me dehi susaṃpadaḥ
Sanskrit only: no published translation is held for this verse.
यन्व् अहं सांप्रतं नाथ भवतं शरणं व्रजन् । भूयो रत्नाकरं गन्तुं इछामि रत्नलब्धये
yanv ahaṃ sāṃprataṃ nātha bhavataṃ śaraṇaṃ vrajan / bhūyo ratnākaraṃ gantuṃ ichāmi ratnalabdhaye
Sanskrit only: no published translation is held for this verse.
यदि यात्रा भवेत् सिद्धि यावल् लाभं च लप्स्यते । तदुपायेन संबुद्धं पूजयेयं ससांघिकं
yadi yātrā bhavet siddhi yāval lābhaṃ ca lapsyate / tadupāyena saṃbuddhaṃ pūjayeyaṃ sasāṃghikaṃ
Sanskrit only: no published translation is held for this verse.
इत्य् एवं निश्चयं कृत्वा संबुद्धं संस्मरन् मुहुः । तां भार्य्यां भद्रिकां दृष्ट्वा पुनर् एवम् अभाषत
ity evaṃ niścayaṃ kṛtvā saṃbuddhaṃ saṃsmaran muhuḥ / tāṃ bhāryyāṃ bhadrikāṃ dṛṣṭvā punar evam abhāṣata
Sanskrit only: no published translation is held for this verse.
भद्रे त्वया यद् आदिष्टं तथा कर्तुं समुत्सहे । अद्याग्रेण जगन्नाथं शरणं यास्याम्य् उपासकः
bhadre tvayā yad ādiṣṭaṃ tathā kartuṃ samutsahe / adyāgreṇa jagannāthaṃ śaraṇaṃ yāsyāmy upāsakaḥ
Sanskrit only: no published translation is held for this verse.
भद्रे नाम्ना जिनेन्द्रस्य यास्ये रत्नाकरे पुनः । यदि यात्रा भवेत् सिद्धि यावल् लाभं च लप्स्यते
bhadre nāmnā jinendrasya yāsye ratnākare punaḥ / yadi yātrā bhavet siddhi yāval lābhaṃ ca lapsyate
Sanskrit only: no published translation is held for this verse.
तदुपार्द्धेन रत्नेन ससंघं सुगतं तदा । यथार्हं पूजयिष्ये ऽहम् इति संकल्पितं मया
tadupārddhena ratnena sasaṃghaṃ sugataṃ tadā / yathārhaṃ pūjayiṣye 'ham iti saṃkalpitaṃ mayā
Sanskrit only: no published translation is held for this verse.
यदि दैवाद् विपत्तिः स्यात् संबुद्धनाम संस्मरन् । सर्वतीर्थजलाधाने मृतो यायां सुखावतीं
yadi daivād vipattiḥ syāt saṃbuddhanāma saṃsmaran / sarvatīrthajalādhāne mṛto yāyāṃ sukhāvatīṃ
Sanskrit only: no published translation is held for this verse.
तद् अत्र यदि मे कार्य्यं शुभं कर्तुं समिछसि । तद् विषादं परित्यज्य धैर्य्यं कृत्वा सुखं वस
tad atra yadi me kāryyaṃ śubhaṃ kartuṃ samichasi / tad viṣādaṃ parityajya dhairyyaṃ kṛtvā sukhaṃ vasa
Sanskrit only: no published translation is held for this verse.
इति भर्त्त्रोदितं श्रुत्वा सा भार्य्या भद्रिका सती । तथेति प्रतिसंमोद्य स्वामिनं तं समब्रवीत्
iti bharttroditaṃ śrutvā sā bhāryyā bhadrikā satī / tatheti pratisaṃmodya svāminaṃ taṃ samabravīt
Sanskrit only: no published translation is held for this verse.
यद्य् एवं ते समीहास्ति कृत्व् एतं निश्चयं प्रभो । संबुद्धस्मरणं धृत्वा गछ स्वस्तिं समाचर
yady evaṃ te samīhāsti kṛtv etaṃ niścayaṃ prabho / saṃbuddhasmaraṇaṃ dhṛtvā gacha svastiṃ samācara
Sanskrit only: no published translation is held for this verse.
यदि बुद्धकृपादृष्टिः सत्वेषु विद्यते किल । तथावश्यं स संबुद्धः पश्यन् त्वां चाप्य् अचेत् खलु
yadi buddhakṛpādṛṣṭiḥ satveṣu vidyate kila / tathāvaśyaṃ sa saṃbuddhaḥ paśyan tvāṃ cāpy acet khalu
Sanskrit only: no published translation is held for this verse.
तदा ते मङ्गलं नित्यं यात्रा स्वस्तिमती भवेत् । ततस् ते जन्म संसारे साफल्यं च भवेत् खलु
tadā te maṅgalaṃ nityaṃ yātrā svastimatī bhavet / tatas te janma saṃsāre sāphalyaṃ ca bhavet khalu
Sanskrit only: no published translation is held for this verse.
तेन स्वामिं जिनेंद्रस्य नामस्वस्त्ययनं दधत् । गछ यात्रा सुसिद्धास्तु स्वस्ति प्रत्यागताशु च
tena svāmiṃ jineṃdrasya nāmasvastyayanaṃ dadhat / gacha yātrā susiddhāstu svasti pratyāgatāśu ca
Sanskrit only: no published translation is held for this verse.
इति भार्योदितं श्रुत्वा स सार्थाधिपतिर् मुदा । भूयः सार्थगणान् सर्वान् समाहूयाब्रवीत् तथा
iti bhāryoditaṃ śrutvā sa sārthādhipatir mudā / bhūyaḥ sārthagaṇān sarvān samāhūyābravīt tathā
Sanskrit only: no published translation is held for this verse.
भवन्त श्रूयतां वाक्यं यन् मयात्र समीहितं । अहं रत्नाकरं भूयो गन्तुम् इछामि सांप्रतं
bhavanta śrūyatāṃ vākyaṃ yan mayātra samīhitaṃ / ahaṃ ratnākaraṃ bhūyo gantum ichāmi sāṃprataṃ
Sanskrit only: no published translation is held for this verse.
तद् अस्ति यदि वो वांछा यशःसंपत्सुखाप्तये । समायात मया सार्द्धं रत्नाकरं व्रजेमहि
tad asti yadi vo vāṃchā yaśaḥsaṃpatsukhāptaye / samāyāta mayā sārddhaṃ ratnākaraṃ vrajemahi
Sanskrit only: no published translation is held for this verse.
यदि भाग्याद् धि नो यात्रा सिद्धा स्वस्तिमतिर् भवेत् । यावजीवं सुखं धर्मं कृत्वा स्वर्गं व्रजेमहि । अथ वा स्याद् विपत्तिर् नः सर्वतीर्थजलाश्रये । मृताः स्वर्गं गमिष्यामो ह्य् अवश्यं मरणे सति
yadi bhāgyād dhi no yātrā siddhā svastimatir bhavet / yāvajīvaṃ sukhaṃ dharmaṃ kṛtvā svargaṃ vrajemahi / atha vā syād vipattir naḥ sarvatīrthajalāśraye / mṛtāḥ svargaṃ gamiṣyāmo hy avaśyaṃ maraṇe sati
Sanskrit only: no published translation is held for this verse.
पशुवत् किं गृहे स्थित्वा सुखं वा किं यशो विना । यशोन्विता मृता ये हि तत्पुमांसो नरोत्तमाः
paśuvat kiṃ gṛhe sthitvā sukhaṃ vā kiṃ yaśo vinā / yaśonvitā mṛtā ye hi tatpumāṃso narottamāḥ
Sanskrit only: no published translation is held for this verse.
यद् अर्थम् एव जीवामस् तद् अर्थं यन् न विद्यते । किं तेन जीवितेनापि केवलं दुःखभागिनः
yad artham eva jīvāmas tad arthaṃ yan na vidyate / kiṃ tena jīvitenāpi kevalaṃ duḥkhabhāginaḥ
Sanskrit only: no published translation is held for this verse.
यस्माच् चिरम् अपि स्थित्वा मृत्युर् केन निवार्य्यते
yasmāc ciram api sthitvā mṛtyur kena nivāryyate
Sanskrit only: no published translation is held for this verse.
इति मृत्युभयं दृष्ट्वा सर्वत्राप्य् अनिवारणं । त्यक्त्वा विषादकौशीद्यं प्रोद्यमह्यं यशोर्जने
iti mṛtyubhayaṃ dṛṣṭvā sarvatrāpy anivāraṇaṃ / tyaktvā viṣādakauśīdyaṃ prodyamahyaṃ yaśorjane
Sanskrit only: no published translation is held for this verse.
एवं नानाप्रकारेण तेन सार्थभृतापि ते । बोध्यमाना वणिक्संघाः किं चिन् नैव समूचिरे
evaṃ nānāprakāreṇa tena sārthabhṛtāpi te / bodhyamānā vaṇiksaṃghāḥ kiṃ cin naiva samūcire
Sanskrit only: no published translation is held for this verse.
अभद्रो ऽयं पुमां चापि यतो यात्रा न सिद्ध्यति । इति तेन महांभोधौ नैको ऽपि गन्तुम् ऐछत
abhadro 'yaṃ pumāṃ cāpi yato yātrā na siddhyati / iti tena mahāṃbhodhau naiko 'pi gantum aichata
Sanskrit only: no published translation is held for this verse.
अथ सार्थपतिर् दृष्ट्वा तान् सर्वान् विरतोत्सवान् । एको ऽपि वा स्वयं गन्तुम् ऐछद् रत्नाकरं प्रति
atha sārthapatir dṛṣṭvā tān sarvān viratotsavān / eko 'pi vā svayaṃ gantum aichad ratnākaraṃ prati
Sanskrit only: no published translation is held for this verse.
ततो भार्यां समामंत्र्य परिबोध्य प्रसन्नधीः । स्वस्त्ययनविधिं कृत्वा प्रतस्थे भारकैः सह
tato bhāryāṃ samāmaṃtrya paribodhya prasannadhīḥ / svastyayanavidhiṃ kṛtvā pratasthe bhārakaiḥ saha
Sanskrit only: no published translation is held for this verse.
ततः पण्यं समादाय भारवाहजनैः सह । पुराद् वहि विनिर्गत्य क्रमाद् देशांतरं ययौ
tataḥ paṇyaṃ samādāya bhāravāhajanaiḥ saha / purād vahi vinirgatya kramād deśāṃtaraṃ yayau
Sanskrit only: no published translation is held for this verse.
क्रमाच् चंचूर्य्यमानो ऽसौ ग्रामारण्यवनस्थलीः । परिक्रमन् समुल्लंघ्य प्रापुस् तीरं महोदधेः
kramāc caṃcūryyamāno 'sau grāmāraṇyavanasthalīḥ / parikraman samullaṃghya prāpus tīraṃ mahodadheḥ
Sanskrit only: no published translation is held for this verse.
तत्रासौ सार्थभृद् दृष्ट्वा तं समुद्रं महाम्बुधिं । कृतांजलिपुटो नत्वा प्रार्थयच् छरणं गतः
tatrāsau sārthabhṛd dṛṣṭvā taṃ samudraṃ mahāmbudhiṃ / kṛtāṃjalipuṭo natvā prārthayac charaṇaṃ gataḥ
Sanskrit only: no published translation is held for this verse.
नमस् ते जीवम् आधार सर्वसत्वार्थसंपदे । त्वदासया समायामि तद् आशां मे प्रपूरय
namas te jīvam ādhāra sarvasatvārthasaṃpade / tvadāsayā samāyāmi tad āśāṃ me prapūraya
Sanskrit only: no published translation is held for this verse.
ततो ऽसौ कर्णधारं च तोषयित्वा प्रबोधयन् । कृतांजलिपुटो नत्वा संधृत्वा समयाचत
tato 'sau karṇadhāraṃ ca toṣayitvā prabodhayan / kṛtāṃjalipuṭo natvā saṃdhṛtvā samayācata
Sanskrit only: no published translation is held for this verse.
कर्णधार महावाहो तवाहं शरणं व्रजे । तत् स्वस्ति चारयन् नौकां यात्रासिद्धिं प्रसाधय
karṇadhāra mahāvāho tavāhaṃ śaraṇaṃ vraje / tat svasti cārayan naukāṃ yātrāsiddhiṃ prasādhaya
Sanskrit only: no published translation is held for this verse.
तथासौ वहनं कृत्वा दृढीतं गाढवंधितं । कृतांजलिपुटो नत्वा संधृत्वा समयाचत
tathāsau vahanaṃ kṛtvā dṛḍhītaṃ gāḍhavaṃdhitaṃ / kṛtāṃjalipuṭo natvā saṃdhṛtvā samayācata
Sanskrit only: no published translation is held for this verse.
यथा माता च गर्भस्थं वालकं संप्ररक्षते । तथा माम् एव गर्भस्थे नौके मातः प्ररक्षतां
yathā mātā ca garbhasthaṃ vālakaṃ saṃprarakṣate / tathā mām eva garbhasthe nauke mātaḥ prarakṣatāṃ
Sanskrit only: no published translation is held for this verse.
ततश् च सुगतं स्मृत्वा त्रिरत्नशरणं गतः । कृतांजलिपुटो भूत्वा प्रणम्यैवम् अयाचत
tataś ca sugataṃ smṛtvā triratnaśaraṇaṃ gataḥ / kṛtāṃjalipuṭo bhūtvā praṇamyaivam ayācata
Sanskrit only: no published translation is held for this verse.
नमस् ते भगवन् नाथ यथा त्रासि जगत्त्रयं । तथा मां कृपया दृष्ट्वा पाहि व्रजे रत्नाकरे
namas te bhagavan nātha yathā trāsi jagattrayaṃ / tathā māṃ kṛpayā dṛṣṭvā pāhi vraje ratnākare
Sanskrit only: no published translation is held for this verse.
भाण्डान्य् आरोप्य नौकायं समारोहज् जनं सह
bhāṇḍāny āropya naukāyaṃ samārohaj janaṃ saha
Sanskrit only: no published translation is held for this verse.
ततो ऽसौ नौक्रमेणैव कर्णधारप्रयत्नतः । मरुतां चानुकूलेन संजगाह महाम्बुधौ
tato 'sau naukrameṇaiva karṇadhāraprayatnataḥ / marutāṃ cānukūlena saṃjagāha mahāmbudhau
Sanskrit only: no published translation is held for this verse.
यत् तत्र सार्थवाहो ऽसौ संस्मरन् सुगतं मुहुः । तेन पुण्यबलेनैव सा नौका स्वस्तिम् आचरन्
yat tatra sārthavāho 'sau saṃsmaran sugataṃ muhuḥ / tena puṇyabalenaiva sā naukā svastim ācaran
Sanskrit only: no published translation is held for this verse.
तथा क्रमाच् चरन्त्य् एवं द्वीपलोकान्तराणि च । व्यतिक्रम्य सुशिघ्रेण रत्नाकरं समाययौ
tathā kramāc caranty evaṃ dvīpalokāntarāṇi ca / vyatikramya suśighreṇa ratnākaraṃ samāyayau
Sanskrit only: no published translation is held for this verse.
तत्र रत्नाकरे प्राप्य रत्नानि समसाधयन् । ततो रत्नानि संगृह्य प्रतस्थे वहनास्थितः
tatra ratnākare prāpya ratnāni samasādhayan / tato ratnāni saṃgṛhya pratasthe vahanāsthitaḥ
Sanskrit only: no published translation is held for this verse.
ततः क्रमाद् व्यतिक्रम्य द्वीपलोकान्तराणि च । तीरं प्रापुः सुशीघ्रेण बुद्धदृष्टिप्रसादतः
tataḥ kramād vyatikramya dvīpalokāntarāṇi ca / tīraṃ prāpuḥ suśīghreṇa buddhadṛṣṭiprasādataḥ
Sanskrit only: no published translation is held for this verse.
ततः स्थलं समासाद्य शैलारण्यवनस्थलीः । ग्रामां देशां परिक्रम्य श्रावस्त्यां पुरम् आययौ
tataḥ sthalaṃ samāsādya śailāraṇyavanasthalīḥ / grāmāṃ deśāṃ parikramya śrāvastyāṃ puram āyayau
Sanskrit only: no published translation is held for this verse.