Ratnamālāvadāna 13

अहो सौख्यं कथं ह्य् एवम् अन्यत्र किं गता वयं । कस्य पुण्यानुभावेन क्वास्माकं जायते सुखं

aho saukhyaṃ kathaṃ hy evam anyatra kiṃ gatā vayaṃ / kasya puṇyānubhāvena kvāsmākaṃ jāyate sukhaṃ

Sanskrit only: no published translation is held for this verse.

इति चिन्ताभिदग्धानां तेषां चित्तप्रबोधने । भगवान् निर्मितं बुद्धं संप्रेष्य समदर्शयत्

iti cintābhidagdhānāṃ teṣāṃ cittaprabodhane / bhagavān nirmitaṃ buddhaṃ saṃpreṣya samadarśayat

Sanskrit only: no published translation is held for this verse.

तत्र तं निर्मितं बुद्धं दृष्ट्वा सर्वे ऽपि ते मुदा । विस्मिताः सहसंमील्य पुनर् एवं वभाषिरे

tatra taṃ nirmitaṃ buddhaṃ dṛṣṭvā sarve 'pi te mudā / vismitāḥ sahasaṃmīlya punar evaṃ vabhāṣire

Sanskrit only: no published translation is held for this verse.

अहो समन्तभद्रो ऽयं पुरुषो दृश्यते ऽधुना । नूनम् अस्यानुभावेन सौख्यं नो जायते खलु

aho samantabhadro 'yaṃ puruṣo dṛśyate 'dhunā / nūnam asyānubhāvena saukhyaṃ no jāyate khalu

Sanskrit only: no published translation is held for this verse.

इति संभाष्य ते सर्वे तस्मिन् बुद्धे प्रसादिताः । नमो बुद्धाय धर्माय संघाय चेति प्रावदन्

iti saṃbhāṣya te sarve tasmin buddhe prasāditāḥ / namo buddhāya dharmāya saṃghāya ceti prāvadan

Sanskrit only: no published translation is held for this verse.

ततः सर्वे ऽपि ते सत्वास् त्रिरत्नस्मृतिपुण्यतः । ते दुर्गतिविनिर्मुक्ताः सद्गतिं समुपाययुः

tataḥ sarve 'pi te satvās triratnasmṛtipuṇyataḥ / te durgativinirmuktāḥ sadgatiṃ samupāyayuḥ

Sanskrit only: no published translation is held for this verse.

एवं ता रश्मयः सर्वा अवभास्य समंततः । सर्वसत्वान् समुद्धृत्य मुनेः प्रत्याययुः पुनः

evaṃ tā raśmayaḥ sarvā avabhāsya samaṃtataḥ / sarvasatvān samuddhṛtya muneḥ pratyāyayuḥ punaḥ

Sanskrit only: no published translation is held for this verse.

तथा या रश्मयः काश्चिद् उपरिष्टात् प्रसारिताः । ताः सर्वान् देवलोकानां अवभास्य समन्ततः

tathā yā raśmayaḥ kāścid upariṣṭāt prasāritāḥ / tāḥ sarvān devalokānāṃ avabhāsya samantataḥ

Sanskrit only: no published translation is held for this verse.

यावद् भवाग्रपर्यंतं भासयन्तः प्रसारिताः । एवं चापि महाशब्दम् उद्घुष्य समुदाचरन्

yāvad bhavāgraparyaṃtaṃ bhāsayantaḥ prasāritāḥ / evaṃ cāpi mahāśabdam udghuṣya samudācaran

Sanskrit only: no published translation is held for this verse.

अनित्यं खलु संसारं दुःखं शून्यम् अनात्मकं । तद् भवे सद्गतिं हित्वा सद्धर्मं भजतादरात्

anityaṃ khalu saṃsāraṃ duḥkhaṃ śūnyam anātmakaṃ / tad bhave sadgatiṃ hitvā saddharmaṃ bhajatādarāt

Sanskrit only: no published translation is held for this verse.

निष्क्रामतारभध्वं च युज्यध्वं बुद्धशासने । धुनीत मृत्युसैन्यं च नडागारम् इव द्विपः

niṣkrāmatārabhadhvaṃ ca yujyadhvaṃ buddhaśāsane / dhunīta mṛtyusainyaṃ ca naḍāgāram iva dvipaḥ

Sanskrit only: no published translation is held for this verse.

स हित्वा जातिसंसारं दुःखस्यान्तं करिष्यति

sa hitvā jātisaṃsāraṃ duḥkhasyāntaṃ kariṣyati

Sanskrit only: no published translation is held for this verse.

इत्य् एवं तन् महाशब्दं श्रुत्वा सर्वे ऽपि ते सुराः । तथेत्य् अभ्यनुमोदन्तस् त्रिरत्नशरणं ययुः

ity evaṃ tan mahāśabdaṃ śrutvā sarve 'pi te surāḥ / tathety abhyanumodantas triratnaśaraṇaṃ yayuḥ

Sanskrit only: no published translation is held for this verse.

तथा ता अर्चिषः सर्वा अवभास्य समंततः । पुनः प्रत्यागतास् तस्य मुनेर् अन्तिकम् आययुः

tathā tā arciṣaḥ sarvā avabhāsya samaṃtataḥ / punaḥ pratyāgatās tasya muner antikam āyayuḥ

Sanskrit only: no published translation is held for this verse.

ततस् ता अर्चिषः सर्वाः संमील्य समुपास्थिताः । कृत्वा प्रदक्षिणां त्रैधम् उष्णीषे ऽन्तर्दधौ मुनेः

tatas tā arciṣaḥ sarvāḥ saṃmīlya samupāsthitāḥ / kṛtvā pradakṣiṇāṃ traidham uṣṇīṣe 'ntardadhau muneḥ

Sanskrit only: no published translation is held for this verse.

अथानंदस् तम् आलोक्य विस्मितः सहसोत्थितः । कृताञ्जलिपुटो नत्वा पप्रछैवं मुनीश्वरं

athānaṃdas tam ālokya vismitaḥ sahasotthitaḥ / kṛtāñjalipuṭo natvā paprachaivaṃ munīśvaraṃ

Sanskrit only: no published translation is held for this verse.

भगवन् भवतो वक्त्रात् पंचवर्णाः सुरश्मयः । विनिसृता दिशः सर्वा भाषयन्ति समन्ततः

bhagavan bhavato vaktrāt paṃcavarṇāḥ suraśmayaḥ / vinisṛtā diśaḥ sarvā bhāṣayanti samantataḥ

Sanskrit only: no published translation is held for this verse.

नाकारणं जिना बुद्धा दर्शयन्ति स्मितं क्वचित् । भवत्स्मितं समालोक्य सर्वे भवन्ति विस्मिताः

nākāraṇaṃ jinā buddhā darśayanti smitaṃ kvacit / bhavatsmitaṃ samālokya sarve bhavanti vismitāḥ

Sanskrit only: no published translation is held for this verse.

तद्धेतु श्रोतुम् इछंति सर्वे ऽपीमे सभाश्रिताः । तद् एषां संशयं छेतुं तद्धेतु समुपादिश

taddhetu śrotum ichaṃti sarve 'pīme sabhāśritāḥ / tad eṣāṃ saṃśayaṃ chetuṃ taddhetu samupādiśa

Sanskrit only: no published translation is held for this verse.

इति तेनार्थितं श्रुत्वा भगवान् स मुनीश्वरः । तां च सर्वां सभां दृष्ट्वा तथानन्दम् अभाषत

iti tenārthitaṃ śrutvā bhagavān sa munīśvaraḥ / tāṃ ca sarvāṃ sabhāṃ dṛṣṭvā tathānandam abhāṣata

Sanskrit only: no published translation is held for this verse.

पश्यानंद ममानेन वडिकेनानुमोदिना । संघेषु श्रद्धया भक्त्या सत्कृत्य भजनं कृतं

paśyānaṃda mamānena vaḍikenānumodinā / saṃgheṣu śraddhayā bhaktyā satkṛtya bhajanaṃ kṛtaṃ

Sanskrit only: no published translation is held for this verse.

एतत्पुण्यविपाकेन वडिको ऽयं सुधीः कृती । क्रमाद् बोधिचरीः पूर्य दशभूमीश्वरो भवन्

etatpuṇyavipākena vaḍiko 'yaṃ sudhīḥ kṛtī / kramād bodhicarīḥ pūrya daśabhūmīśvaro bhavan

Sanskrit only: no published translation is held for this verse.

सर्वमारगणां जित्वा संबोधिं समवाप्तवान् । श्लक्ष्णवाण्यभिधो बुद्धस् तथागतो भविष्यति

sarvamāragaṇāṃ jitvā saṃbodhiṃ samavāptavān / ślakṣṇavāṇyabhidho buddhas tathāgato bhaviṣyati

Sanskrit only: no published translation is held for this verse.

यद् अनेन त्रिरत्नेषु शरणं संप्रसादिना । प्रणिधानं कृतं तेन संबुद्धो ऽयं भवेद् ध्रुवं

yad anena triratneṣu śaraṇaṃ saṃprasādinā / praṇidhānaṃ kṛtaṃ tena saṃbuddho 'yaṃ bhaved dhruvaṃ

Sanskrit only: no published translation is held for this verse.

एवं मत्वा तथानंद त्रिरत्नशरणं गतः । सत्कृत्य समुपाश्रित्य भज नित्यं समाहितः

evaṃ matvā tathānaṃda triratnaśaraṇaṃ gataḥ / satkṛtya samupāśritya bhaja nityaṃ samāhitaḥ

Sanskrit only: no published translation is held for this verse.

ये सत्वाः श्रद्धया स्मृत्वा त्रिरत्नशरणं गताः । दुर्गतिं ते न गछन्ति भवन्ति बोधिभागिनः

ye satvāḥ śraddhayā smṛtvā triratnaśaraṇaṃ gatāḥ / durgatiṃ te na gachanti bhavanti bodhibhāginaḥ

Sanskrit only: no published translation is held for this verse.

एवं मत्वा त्रिरत्नानां सत्कृत्य श्रद्धया मुदा । संस्मृत्य शरणं गत्वा भक्तव्यं बोधिवांछिभिः

evaṃ matvā triratnānāṃ satkṛtya śraddhayā mudā / saṃsmṛtya śaraṇaṃ gatvā bhaktavyaṃ bodhivāṃchibhiḥ

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वानंदः स मोदितः । सांघिकं सह लोकैश् च तथेति प्राभ्यनंदत

ity ādiṣṭaṃ munīndreṇa śrutvānaṃdaḥ sa moditaḥ / sāṃghikaṃ saha lokaiś ca tatheti prābhyanaṃdata

Sanskrit only: no published translation is held for this verse.

ततः स भगवांस् तस्मै वडिकाय सुभागिने । दत्वाशीर्वचनं भूयः समामंत्र्य तम् अब्रवीत्

tataḥ sa bhagavāṃs tasmai vaḍikāya subhāgine / datvāśīrvacanaṃ bhūyaḥ samāmaṃtrya tam abravīt

Sanskrit only: no published translation is held for this verse.

वडिक त्वं महाभाग त्रिरत्नं शरणं गतः । बोधिचर्य्यां चरन् नित्यं संबोधिं समवाप्नुयाः

vaḍika tvaṃ mahābhāga triratnaṃ śaraṇaṃ gataḥ / bodhicaryyāṃ caran nityaṃ saṃbodhiṃ samavāpnuyāḥ

Sanskrit only: no published translation is held for this verse.

इति सत्यं परिज्ञाय सर्वसत्वहितार्थभृत् । तथा रत्नत्रयं स्मृत्वा भज नित्यं समाहितः

iti satyaṃ parijñāya sarvasatvahitārthabhṛt / tathā ratnatrayaṃ smṛtvā bhaja nityaṃ samāhitaḥ

Sanskrit only: no published translation is held for this verse.

इत्य् आदिश्य मुनीन्द्रः स संघैः सार्द्धं समुत्थितः । वडिकं तं समामंत्र्य स्वविहारं ययौ तथा

ity ādiśya munīndraḥ sa saṃghaiḥ sārddhaṃ samutthitaḥ / vaḍikaṃ taṃ samāmaṃtrya svavihāraṃ yayau tathā

Sanskrit only: no published translation is held for this verse.

तथा स वडिको नित्यं त्रिरत्नशरणं गतः । सदा लोकहितं कृत्वा बोधिचर्यां समाचरत्

tathā sa vaḍiko nityaṃ triratnaśaraṇaṃ gataḥ / sadā lokahitaṃ kṛtvā bodhicaryāṃ samācarat

Sanskrit only: no published translation is held for this verse.

एतन् मे गुरुणादिष्टं श्रुतं मया नराधिप । तथा ते कथ्यते राजं श्रुत्वा चैवं प्रकाशय

etan me guruṇādiṣṭaṃ śrutaṃ mayā narādhipa / tathā te kathyate rājaṃ śrutvā caivaṃ prakāśaya

Sanskrit only: no published translation is held for this verse.

तथा त्वयापि राजेन्द्र सत्वानां हितसाधने । त्रिरत्नशरणैः कृत्वा कर्त्तव्या बोधिचारिकाः

tathā tvayāpi rājendra satvānāṃ hitasādhane / triratnaśaraṇaiḥ kṛtvā karttavyā bodhicārikāḥ

Sanskrit only: no published translation is held for this verse.

तथा ते सर्वदा नित्यं सर्वत्र मंगलं भवेत् । क्रमाद् बोधिचरीं पूर्य संबोधिम् अपि चाप्नुयाः

tathā te sarvadā nityaṃ sarvatra maṃgalaṃ bhavet / kramād bodhicarīṃ pūrya saṃbodhim api cāpnuyāḥ

Sanskrit only: no published translation is held for this verse.

इति मत्वा महाराज प्रजाश् चापि प्रबोधयन् । सद्धर्मे संप्रतिस्थाप्य सर्वथा त्रातुम् अर्हसि

iti matvā mahārāja prajāś cāpi prabodhayan / saddharme saṃpratisthāpya sarvathā trātum arhasi

Sanskrit only: no published translation is held for this verse.

इति तेनोपगुप्तेन समादिष्टं निशम्य सः । राजा तथेति विज्ञप्य प्राभ्यनन्दत् सपार्षदः

iti tenopaguptena samādiṣṭaṃ niśamya saḥ / rājā tatheti vijñapya prābhyanandat sapārṣadaḥ

Sanskrit only: no published translation is held for this verse.

श्रुत्वावदानं वडिकस्य साधोर् इदं नरा ये ऽभ्यनुमोदयन्ति । सर्वे ऽपि ते लोकहितानुरक्ता भवन्ति बोधिगुणलाभिका हि

śrutvāvadānaṃ vaḍikasya sādhor idaṃ narā ye 'bhyanumodayanti / sarve 'pi te lokahitānuraktā bhavanti bodhiguṇalābhikā hi

Sanskrit only: no published translation is held for this verse.