Ratnamālāvadāna 18

तत्रासनानि प्रज्ञप्य सर्वसामग्रसाधनं । कृत्वा सर्वे ऽपि ते लोका महोत्साहं प्रचक्रिरे

tatrāsanāni prajñapya sarvasāmagrasādhanaṃ / kṛtvā sarve 'pi te lokā mahotsāhaṃ pracakrire

Sanskrit only: no published translation is held for this verse.

ततस् ते ब्राह्मणाः प्रातः स्नात्वा शुद्धाम्वरावृताः । तत्राश्रमे समेत्यैवं नत्वा तं प्रार्थयन् मुनिं

tatas te brāhmaṇāḥ prātaḥ snātvā śuddhāmvarāvṛtāḥ / tatrāśrame sametyaivaṃ natvā taṃ prārthayan muniṃ

Sanskrit only: no published translation is held for this verse.

भगवन् नाथ सर्वज्ञ समयो वर्त्तते ऽधुना । तत् ससंघो भवांस् तत्र पुरे आगन्तुम् अर्हति

bhagavan nātha sarvajña samayo varttate 'dhunā / tat sasaṃgho bhavāṃs tatra pure āgantum arhati

Sanskrit only: no published translation is held for this verse.

ततः स भगवान् बुद्धः ससंघश् चीवरावृतः । खिक्खिरिपात्रम् आदाय संप्रतस्थे प्रभासयन्

tataḥ sa bhagavān buddhaḥ sasaṃghaś cīvarāvṛtaḥ / khikkhiripātram ādāya saṃpratasthe prabhāsayan

Sanskrit only: no published translation is held for this verse.

तत्र मार्गेषु सर्वत्र भगवान् स ससांघिकः । भासयं भद्रतां कृत्वा प्रचरंस् तत्पुरे ऽविशत्

tatra mārgeṣu sarvatra bhagavān sa sasāṃghikaḥ / bhāsayaṃ bhadratāṃ kṛtvā pracaraṃs tatpure 'viśat

Sanskrit only: no published translation is held for this verse.

तत्र स भगवान् क्षेत्रे सुशोधिते ससांघिकः । तद् दत्तं पाद्यम् आदाय स्वासने समुपाश्रयत्

tatra sa bhagavān kṣetre suśodhite sasāṃghikaḥ / tad dattaṃ pādyam ādāya svāsane samupāśrayat

Sanskrit only: no published translation is held for this verse.

संबुद्धप्रमुखं सर्वं संघं ते समतोषयत् । ततस् तं सुगतं तृप्तं संघं चापि विलोक्यते

saṃbuddhapramukhaṃ sarvaṃ saṃghaṃ te samatoṣayat / tatas taṃ sugataṃ tṛptaṃ saṃghaṃ cāpi vilokyate

Sanskrit only: no published translation is held for this verse.

तत् पात्राण्य् उपनीत्वा तद् धस्तादीकं व्यशोधयत् । ततः स पूगताम्बूरमहौषध्यरसाय नं

tat pātrāṇy upanītvā tad dhastādīkaṃ vyaśodhayat / tataḥ sa pūgatāmbūramahauṣadhyarasāya naṃ

Sanskrit only: no published translation is held for this verse.

दत्वा क्षमार्थनं कृत्वा तं ससंघं प्रणेमिरे । ततस् ते ब्राह्मणाः सर्वे पौराश् चापि प्रमोदिताः । तत् सद्धर्मामृतं पातिम् उपातस्थुः समाहिताः

datvā kṣamārthanaṃ kṛtvā taṃ sasaṃghaṃ praṇemire / tatas te brāhmaṇāḥ sarve paurāś cāpi pramoditāḥ / tat saddharmāmṛtaṃ pātim upātasthuḥ samāhitāḥ

Sanskrit only: no published translation is held for this verse.

तत्र स भगवान् दृष्ट्वा सर्वांस् तान् समुपस्थितान् । आर्य्यसत्यं समारभ्य सद्धर्मं समुपादिशत्

tatra sa bhagavān dṛṣṭvā sarvāṃs tān samupasthitān / āryyasatyaṃ samārabhya saddharmaṃ samupādiśat

Sanskrit only: no published translation is held for this verse.

ततो भद्राशिषं दत्वा भगवान् सह संघिकैः । भासयं भद्रतां कुर्वन् गत्वा स्वाश्रमम् आश्रयत्

tato bhadrāśiṣaṃ datvā bhagavān saha saṃghikaiḥ / bhāsayaṃ bhadratāṃ kurvan gatvā svāśramam āśrayat

Sanskrit only: no published translation is held for this verse.

एवं वैशालिका लोकास् ते त्रैमास्यं निरंतरं । यथार्हभोजनैः शास्तुः ससंघस्य प्रभेजिरे

evaṃ vaiśālikā lokās te traimāsyaṃ niraṃtaraṃ / yathārhabhojanaiḥ śāstuḥ sasaṃghasya prabhejire

Sanskrit only: no published translation is held for this verse.

ततो ऽन्ते धनिकश् चापि पत्नी पुत्रः स्नुषापि च । संबुद्धप्रमुखं संघं दिव्यभोग्यैः समार्चयत्

tato 'nte dhanikaś cāpi patnī putraḥ snuṣāpi ca / saṃbuddhapramukhaṃ saṃghaṃ divyabhogyaiḥ samārcayat

Sanskrit only: no published translation is held for this verse.

भगवान्न् अपि तथा तेभ्यो दत्वा शुभाशिषं ततः । समुत्थाय ससंघश् च गत्वाश्रमे समाश्रयत्

bhagavānn api tathā tebhyo datvā śubhāśiṣaṃ tataḥ / samutthāya sasaṃghaś ca gatvāśrame samāśrayat

Sanskrit only: no published translation is held for this verse.

ततः स धनिकः पत्नीपुत्रस्नुषासमन्वितः । दृष्टसत्यः सदा रत्नत्रयसेवारतो ऽभवत्

tataḥ sa dhanikaḥ patnīputrasnuṣāsamanvitaḥ / dṛṣṭasatyaḥ sadā ratnatrayasevārato 'bhavat

Sanskrit only: no published translation is held for this verse.

एतत्पुण्यानुभावेन भूयो ऽतिश्रीसमृद्धिमान् । सर्वलोकहितं कृत्वा प्रचचार शुभे सदा

etatpuṇyānubhāvena bhūyo 'tiśrīsamṛddhimān / sarvalokahitaṃ kṛtvā pracacāra śubhe sadā

Sanskrit only: no published translation is held for this verse.

तद् दृष्ट्वा विस्मिताः सर्वे भिक्षवः समुपाश्रिताः । भगवन्तं प्रणत्वैवं पप्रछुस् तत् पुराकृतं

tad dṛṣṭvā vismitāḥ sarve bhikṣavaḥ samupāśritāḥ / bhagavantaṃ praṇatvaivaṃ paprachus tat purākṛtaṃ

Sanskrit only: no published translation is held for this verse.

भगवन् किं पुरानेन धनिकेन वृषं कृतं । कुत्र कथं कदैतन् नः सर्वम् आख्यातुम् अर्हति

bhagavan kiṃ purānena dhanikena vṛṣaṃ kṛtaṃ / kutra kathaṃ kadaitan naḥ sarvam ākhyātum arhati

Sanskrit only: no published translation is held for this verse.

इति तैर् भिक्षुभिः पृष्टे भगवान् स मुनीश्वरः । सर्वान्स् तां संघिकान् दृष्ट्वा तदैवं समुपादिशत्

iti tair bhikṣubhiḥ pṛṣṭe bhagavān sa munīśvaraḥ / sarvāns tāṃ saṃghikān dṛṣṭvā tadaivaṃ samupādiśat

Sanskrit only: no published translation is held for this verse.

शृणुत भिक्षवः सर्वे यद् अनेन वृषं कृतं । तत् पत्न्या च पुत्रेण स्नुषया च तद् उच्यते

śṛṇuta bhikṣavaḥ sarve yad anena vṛṣaṃ kṛtaṃ / tat patnyā ca putreṇa snuṣayā ca tad ucyate

Sanskrit only: no published translation is held for this verse.

वराणस्याम् अभूत् पूर्वं मालिकः कमलाभिधः । दुर्भिक्षक्षपिते काले परां दुर्गतिम् आगतः

varāṇasyām abhūt pūrvaṃ mālikaḥ kamalābhidhaḥ / durbhikṣakṣapite kāle parāṃ durgatim āgataḥ

Sanskrit only: no published translation is held for this verse.

पत्नी पत्नविका नाम पुत्रः कुवलियाभिधः । पाटलोख्या स्नुषा चेति वभूवुस् तस्य संमताः

patnī patnavikā nāma putraḥ kuvaliyābhidhaḥ / pāṭalokhyā snuṣā ceti vabhūvus tasya saṃmatāḥ

Sanskrit only: no published translation is held for this verse.

तदैकस्मिन् दिने तस्य गृहान्तिके प्रपुष्पिते । उद्याने सायम् आगत्य प्रत्येकबुद्ध आश्रयेत्

tadaikasmin dine tasya gṛhāntike prapuṣpite / udyāne sāyam āgatya pratyekabuddha āśrayet

Sanskrit only: no published translation is held for this verse.

ते सर्वे एकवस्त्रा हि पर्य्यायेन नृपालये । दत्वा पुष्पाणि प्रायाताः स्वभवने निषीदिरे

te sarve ekavastrā hi paryyāyena nṛpālaye / datvā puṣpāṇi prāyātāḥ svabhavane niṣīdire

Sanskrit only: no published translation is held for this verse.

तदा स च गृहस्थास् ते तत्रोदाने ज्वलत् प्रभां । दृष्ट्वा किं महोज्वालम् उद्याने इति विस्मिताः

tadā sa ca gṛhasthās te tatrodāne jvalat prabhāṃ / dṛṣṭvā kiṃ mahojvālam udyāne iti vismitāḥ

Sanskrit only: no published translation is held for this verse.

सहसा ते समुत्थाय तत्रोद्याने निरीक्षितुं । सर्वगताः समीक्षन्तः ददृशुस् तं प्रभासयं

sahasā te samutthāya tatrodyāne nirīkṣituṃ / sarvagatāḥ samīkṣantaḥ dadṛśus taṃ prabhāsayaṃ

Sanskrit only: no published translation is held for this verse.

तत्र ते समुपाश्रित्य दृष्ट्वा तं ध्यानसंस्थितं । साञ्जलयः प्रणत्वैव मुदिता स्वगृहं ययुः

tatra te samupāśritya dṛṣṭvā taṃ dhyānasaṃsthitaṃ / sāñjalayaḥ praṇatvaiva muditā svagṛhaṃ yayuḥ

Sanskrit only: no published translation is held for this verse.

तत्र ते स्वगृहासीनाः प्रातस् तत्पूजनोत्सुकाः । निर्द्धनास् तद् व्यथां प्रापु लूनपक्षाः खगा इव

tatra te svagṛhāsīnāḥ prātas tatpūjanotsukāḥ / nirddhanās tad vyathāṃ prāpu lūnapakṣāḥ khagā iva

Sanskrit only: no published translation is held for this verse.

तदा स मालिकस् तस्मै पूजां कर्तुं समुत्सुकः । तद् द्रव्यं स्वगृहे सम्यग् अन्विष्य समलोकयत्

tadā sa mālikas tasmai pūjāṃ kartuṃ samutsukaḥ / tad dravyaṃ svagṛhe samyag anviṣya samalokayat

Sanskrit only: no published translation is held for this verse.

तत्र गृहे स सर्वत्र समन्विष्य समंततः । कञ्चि मात्रम् अपि द्रव्यम् अलब्धैवं व्यचिंतयत्

tatra gṛhe sa sarvatra samanviṣya samaṃtataḥ / kañci mātram api dravyam alabdhaivaṃ vyaciṃtayat

Sanskrit only: no published translation is held for this verse.

अहो मया पुरा पापं प्रकृतं किं यतो ऽधुना । अकिंचन्यो दरिद्रो ऽस्मि किम् अत्र जीवितेन मे

aho mayā purā pāpaṃ prakṛtaṃ kiṃ yato 'dhunā / akiṃcanyo daridro 'smi kim atra jīvitena me

Sanskrit only: no published translation is held for this verse.

यतो न विद्यते द्रव्यं किं चिद् अपि गृहे मम । तत् केन करिष्यामि पूजाम् अस्य महात्मनः

yato na vidyate dravyaṃ kiṃ cid api gṛhe mama / tat kena kariṣyāmi pūjām asya mahātmanaḥ

Sanskrit only: no published translation is held for this verse.

अत्रायं स्वयम् आगत्य ममोद्याने समाश्रितः । प्रत्येकबुद्ध आत्मजो ध्यात्वा तिष्ठति भासयन्

atrāyaṃ svayam āgatya mamodyāne samāśritaḥ / pratyekabuddha ātmajo dhyātvā tiṣṭhati bhāsayan

Sanskrit only: no published translation is held for this verse.

तद् अस्य सुगतस्यात्र कर्त्तव्या सत्कृतिर् मया । कदायं पुरि रम्यत्र समागछेत् स्वयं पुनः

tad asya sugatasyātra karttavyā satkṛtir mayā / kadāyaṃ puri ramyatra samāgachet svayaṃ punaḥ

Sanskrit only: no published translation is held for this verse.

तत् प्रातः शून्यपात्रेण गछेद् इतो ममात्मवित् । तन् ममात्र भवे शून्यम् इव जन्मापि निस्फलं

tat prātaḥ śūnyapātreṇa gached ito mamātmavit / tan mamātra bhave śūnyam iva janmāpi nisphalaṃ

Sanskrit only: no published translation is held for this verse.

यतो मान्यो ऽभिपूज्यो यं पूज्यते न कथं चन । तत्र किं जायते भद्रं पुण्यं वास्य कथं कुतः

yato mānyo 'bhipūjyo yaṃ pūjyate na kathaṃ cana / tatra kiṃ jāyate bhadraṃ puṇyaṃ vāsya kathaṃ kutaḥ

Sanskrit only: no published translation is held for this verse.

पुण्यं विनात्र संसारे किं सारं जन्म निस्फलं । भुक्त्वापि किं सुखान्य् अत्र सुचिरं जीविते ननु

puṇyaṃ vinātra saṃsāre kiṃ sāraṃ janma nisphalaṃ / bhuktvāpi kiṃ sukhāny atra suciraṃ jīvite nanu

Sanskrit only: no published translation is held for this verse.

पुण्यार्थे जीवितं जन्म तद् अत्र यदि नश्यति । किम् एव जीवितेनापि जन्मना पापसाधिना

puṇyārthe jīvitaṃ janma tad atra yadi naśyati / kim eva jīvitenāpi janmanā pāpasādhinā

Sanskrit only: no published translation is held for this verse.

तन् मृत्युर् मे वरं ह्य् अत्र न मिथ्याचिरजीवितं । अवश्यम् एव संसारे सर्वत्र मरणं ध्रुवं

tan mṛtyur me varaṃ hy atra na mithyācirajīvitaṃ / avaśyam eva saṃsāre sarvatra maraṇaṃ dhruvaṃ

Sanskrit only: no published translation is held for this verse.

किम् एवं देहपुष्टेन भुक्त्वा दुःखां सर्वदा । तत् केनापि प्रदानेन पूजयेयम् इमं जिनं

kim evaṃ dehapuṣṭena bhuktvā duḥkhāṃ sarvadā / tat kenāpi pradānena pūjayeyam imaṃ jinaṃ

Sanskrit only: no published translation is held for this verse.

पुण्येन सद्गतिं यायां पापेन दुर्गतिं सदा । तत् पापं परित्यक्तुं पुण्यं प्राप्तु यतेय हि

puṇyena sadgatiṃ yāyāṃ pāpena durgatiṃ sadā / tat pāpaṃ parityaktuṃ puṇyaṃ prāptu yateya hi

Sanskrit only: no published translation is held for this verse.

यद्य् अत्र पूज्यते नायं द्रक्ष्यते च कदा कुह । बुद्धपूजां विना भद्रे पुण्यं च लप्स्यते कुतः

yady atra pūjyate nāyaṃ drakṣyate ca kadā kuha / buddhapūjāṃ vinā bhadre puṇyaṃ ca lapsyate kutaḥ

Sanskrit only: no published translation is held for this verse.

यावन् न प्राप्यते पुण्यं तावद् दुर्गतिचारणं । तस्मात् पुण्यं प्रयत्नेन कर्त्तव्यं सुखताप्तये

yāvan na prāpyate puṇyaṃ tāvad durgaticāraṇaṃ / tasmāt puṇyaṃ prayatnena karttavyaṃ sukhatāptaye

Sanskrit only: no published translation is held for this verse.

तद् अत्र श्रद्धया किंचिन् मात्रेणापि स्ववस्तुना । सत्कृत्यैनं महाभिज्ञं भजेयं समुपस्थितः

tad atra śraddhayā kiṃcin mātreṇāpi svavastunā / satkṛtyainaṃ mahābhijñaṃ bhajeyaṃ samupasthitaḥ

Sanskrit only: no published translation is held for this verse.

इति ध्यात्वा विनिश्चित्य मालिकः संप्रमोदितः । भार्यां पुत्रं स्नुषां चापि समामंत्र्यैवम् अब्रवीत्

iti dhyātvā viniścitya mālikaḥ saṃpramoditaḥ / bhāryāṃ putraṃ snuṣāṃ cāpi samāmaṃtryaivam abravīt

Sanskrit only: no published translation is held for this verse.

अये प्रिये स्नुषे पुत्र यूयं शृणुत मद्वचः । यद् अत्र कर्तुम् इछामि तत्र यूयं प्रसादतः

aye priye snuṣe putra yūyaṃ śṛṇuta madvacaḥ / yad atra kartum ichāmi tatra yūyaṃ prasādataḥ

Sanskrit only: no published translation is held for this verse.

यद् अत्रायं महाभिज्ञः स्वयम् एव समागतः । अस्माकं गृहे द्रव्यं किञ्चित् मात्रं न विद्यते

yad atrāyaṃ mahābhijñaḥ svayam eva samāgataḥ / asmākaṃ gṛhe dravyaṃ kiñcit mātraṃ na vidyate

Sanskrit only: no published translation is held for this verse.

तत् केनात्र करिष्यामः पूजाम् अस्य महात्मनः ॥ र्म् १८।१६९ ६९! ॥ यदि न पूज्यते ऽस्माभिः सुगतो ऽयं मुनिर् यतिः । तदा पुण्यं वयं कुत्र लप्स्यामहे कदा कथं

tat kenātra kariṣyāmaḥ pūjām asya mahātmanaḥ // Rm 18.169 69! // yadi na pūjyate 'smābhiḥ sugato 'yaṃ munir yatiḥ / tadā puṇyaṃ vayaṃ kutra lapsyāmahe kadā kathaṃ

Sanskrit only: no published translation is held for this verse.

पुण्यं विनात्र संसारे निस्फलं जन्म जीवितं । तद् वयं पुण्यतो प्राप्तुं यतेम सर्वथा वयं

puṇyaṃ vinātra saṃsāre nisphalaṃ janma jīvitaṃ / tad vayaṃ puṇyato prāptuṃ yatema sarvathā vayaṃ

Sanskrit only: no published translation is held for this verse.

पुण्येन सद्गतिं प्राप्य पापेन दुर्गतिं सदा । तत् सद्गतिसुखप्राप्त्यै पुण्यं कुर्वीमहि ध्रुवं

puṇyena sadgatiṃ prāpya pāpena durgatiṃ sadā / tat sadgatisukhaprāptyai puṇyaṃ kurvīmahi dhruvaṃ

Sanskrit only: no published translation is held for this verse.

चतुर्णां विद्यते ऽस्माकम् एकं सर्वस्वम् अम्वरं । अनेनाप्य् एनम् आछाद्य प्रभजमहि सांप्रतं

caturṇāṃ vidyate 'smākam ekaṃ sarvasvam amvaraṃ / anenāpy enam āchādya prabhajamahi sāṃprataṃ

Sanskrit only: no published translation is held for this verse.

नाद्यराजकुले नग्ना गछामः किं भविष्यति । एतत् मे वचनं श्रुत्वाभ्यनुमोदितुम् अर्हथ

nādyarājakule nagnā gachāmaḥ kiṃ bhaviṣyati / etat me vacanaṃ śrutvābhyanumoditum arhatha

Sanskrit only: no published translation is held for this verse.

इति तेनोदितं श्रुत्वा पत्नी पुत्रः स्नुषापि ते । सर्वे ऽप्य् अभ्यनुमोदित्वा तथा कुर्व् इति प्रोचिरे ॥ र्म् १८।१७५ ७६! ॥ इत्य् एतत् समयं कृत्वा सर्वे ते श्रद्धयान्विताः । गत्वा तेनैकवस्त्रेण तं प्राछाद्य समार्चयन्

iti tenoditaṃ śrutvā patnī putraḥ snuṣāpi te / sarve 'py abhyanumoditvā tathā kurv iti procire // Rm 18.175 76! // ity etat samayaṃ kṛtvā sarve te śraddhayānvitāḥ / gatvā tenaikavastreṇa taṃ prāchādya samārcayan

Sanskrit only: no published translation is held for this verse.

ततस् ते मुदिताः सर्वे कृताञ्जलिपुटा मुनेः । तस्य पादौ प्रणत्वैवं प्रणिधानं प्रचक्रिरे

tatas te muditāḥ sarve kṛtāñjalipuṭā muneḥ / tasya pādau praṇatvaivaṃ praṇidhānaṃ pracakrire

Sanskrit only: no published translation is held for this verse.

अनेन वस्त्रदानेन वयं सर्वे शुभाशयाः । भवेयं सद्गतिं याता दिव्यसंपत्तिहानिनः

anena vastradānena vayaṃ sarve śubhāśayāḥ / bhaveyaṃ sadgatiṃ yātā divyasaṃpattihāninaḥ

Sanskrit only: no published translation is held for this verse.

शास्तारं सुगतं बुद्धं समाराध्य सदा भवे । त्रिरत्नभजनं कृत्वा भवेम बोधिचारिणः

śāstāraṃ sugataṃ buddhaṃ samārādhya sadā bhave / triratnabhajanaṃ kṛtvā bhavema bodhicāriṇaḥ

Sanskrit only: no published translation is held for this verse.

इति तैर् मुदितैः सर्वैः प्रणिधानं कृतं तथा । विदित्वा स महाविज्ञस् तथास्त्व् इति समादिशत्

iti tair muditaiḥ sarvaiḥ praṇidhānaṃ kṛtaṃ tathā / viditvā sa mahāvijñas tathāstv iti samādiśat

Sanskrit only: no published translation is held for this verse.

ततस् तेसां मनोहर्षं कृत्वा स सुगतो मुनिः । तत उड्डीय पक्षीव भासयन् स्वाश्रमे ययौ

tatas tesāṃ manoharṣaṃ kṛtvā sa sugato muniḥ / tata uḍḍīya pakṣīva bhāsayan svāśrame yayau

Sanskrit only: no published translation is held for this verse.

तद् दृष्ट्वा ते नन्दिताः सर्वे बुद्धधर्मानुशंसिनः । त्रिरत्नस्मरणं कृत्वा प्रचेरिरे सुखं सदा

tad dṛṣṭvā te nanditāḥ sarve buddhadharmānuśaṃsinaḥ / triratnasmaraṇaṃ kṛtvā pracerire sukhaṃ sadā

Sanskrit only: no published translation is held for this verse.

जातो दिव्यप्रभावर्द्धिः पत्नीपुत्रस्नुषान्वितः

jāto divyaprabhāvarddhiḥ patnīputrasnuṣānvitaḥ

Sanskrit only: no published translation is held for this verse.

मनःशुद्धिविधानेन दानेनातिग्लघीयसा । भवन्त्य् अलघ्व्याः संकल्पैः संपदः सत्वशालिनां

manaḥśuddhividhānena dānenātiglaghīyasā / bhavanty alaghvyāḥ saṃkalpaiḥ saṃpadaḥ satvaśālināṃ

Sanskrit only: no published translation is held for this verse.

बुद्धक्षेत्रेषु यत् कर्म सुकृतं दुःकृतं तथा । महत्तरत्वम् आसाद्य फलत्य् एव सदा भवे

buddhakṣetreṣu yat karma sukṛtaṃ duḥkṛtaṃ tathā / mahattaratvam āsādya phalaty eva sadā bhave

Sanskrit only: no published translation is held for this verse.

इति मत्वात्र संसारे कर्त्तव्यं सुकृतं सदा । बौद्धे सत्कृतपुण्येन लभन्ति बोधिसंपदः

iti matvātra saṃsāre karttavyaṃ sukṛtaṃ sadā / bauddhe satkṛtapuṇyena labhanti bodhisaṃpadaḥ

Sanskrit only: no published translation is held for this verse.

इति शास्त्रा समादिष्टं श्रुत्वा सर्वे ऽपि सांघिकाः । मेनिरे चित्तवैमल्यमूलं दानफलश्रियं

iti śāstrā samādiṣṭaṃ śrutvā sarve 'pi sāṃghikāḥ / menire cittavaimalyamūlaṃ dānaphalaśriyaṃ

Sanskrit only: no published translation is held for this verse.

तच् छ्रुत्वा ब्राह्मणास् ते ऽपि तत्पुण्यविस्मिता मुदा । भगवंतं सदा स्मृत्वा प्रभेजिरे ऽनुमोदिताः

tac chrutvā brāhmaṇās te 'pi tatpuṇyavismitā mudā / bhagavaṃtaṃ sadā smṛtvā prabhejire 'numoditāḥ

Sanskrit only: no published translation is held for this verse.

तथा ते ब्राह्मणाश् चापि सर्वे ऽपि पौरिकास् तथा । तत्पुण्यपरिशुद्धांशा वभुवुः कुशलोद्यताः

tathā te brāhmaṇāś cāpi sarve 'pi paurikās tathā / tatpuṇyapariśuddhāṃśā vabhuvuḥ kuśalodyatāḥ

Sanskrit only: no published translation is held for this verse.

हेलार्पितं रत्नधनं तृणाग्रं श्रद्धावतीर्णं तृणम् अप्य् अनर्घं । अनेकशोभानुभवं हि चित्तं चित्तं निमित्तं शुभसंभवानां

helārpitaṃ ratnadhanaṃ tṛṇāgraṃ śraddhāvatīrṇaṃ tṛṇam apy anarghaṃ / anekaśobhānubhavaṃ hi cittaṃ cittaṃ nimittaṃ śubhasaṃbhavānāṃ

Sanskrit only: no published translation is held for this verse.

इति मे गुरुणादिष्टं श्रुतं मया तथोच्यते । श्रुत्वाप्य् एवं महाराज कर्त्तव्यं सुकृतं सदा

iti me guruṇādiṣṭaṃ śrutaṃ mayā tathocyate / śrutvāpy evaṃ mahārāja karttavyaṃ sukṛtaṃ sadā

Sanskrit only: no published translation is held for this verse.

प्रजाश् चापि महाराज बोधयित्वा प्रयत्नतः । क्रमाद् बोधिं समासाद्य संबुद्धपदम् आप्नुयाः

prajāś cāpi mahārāja bodhayitvā prayatnataḥ / kramād bodhiṃ samāsādya saṃbuddhapadam āpnuyāḥ

Sanskrit only: no published translation is held for this verse.

इति तेनार्हताख्यातं श्रुत्वाशोकः स भूपतिः । तथा हीति प्रतिज्ञाय प्राभ्यनन्दत् सपार्षदः

iti tenārhatākhyātaṃ śrutvāśokaḥ sa bhūpatiḥ / tathā hīti pratijñāya prābhyanandat sapārṣadaḥ

Sanskrit only: no published translation is held for this verse.