अथाशोको महीनाथः कृतांजलिपुटो मुदा । उपगुप्तं तम् अर्हन्तं प्रणत्वा प्रार्थयत् पुनः
athāśoko mahīnāthaḥ kṛtāṃjalipuṭo mudā / upaguptaṃ tam arhantaṃ praṇatvā prārthayat punaḥ
Sanskrit only: no published translation is held for this verse.
Ratnamālāvadāna 27
भदन्त श्रोतुम् इछामि पुनर् अन्यत् सुभाषितं । तद्यथा गुरुणादिष्टं तथादेष्टुं त्वं अर्हति
bhadanta śrotum ichāmi punar anyat subhāṣitaṃ / tadyathā guruṇādiṣṭaṃ tathādeṣṭuṃ tvaṃ arhati
Sanskrit only: no published translation is held for this verse.
इति तेन नरेन्द्रेण प्रार्थितं स यतीश्वरः । उपगुप्तो नरेन्द्रन् तं समालोक्यैवं आदिशत्
iti tena narendreṇa prārthitaṃ sa yatīśvaraḥ / upagupto narendran taṃ samālokyaivaṃ ādiśat
Sanskrit only: no published translation is held for this verse.
शृणु साधु महाराज यथा मे गुरुणोदितं । तथाहं तत् प्रवक्ष्यामि तव पुण्यविवृद्धये
śṛṇu sādhu mahārāja yathā me guruṇoditaṃ / tathāhaṃ tat pravakṣyāmi tava puṇyavivṛddhaye
Sanskrit only: no published translation is held for this verse.
तद्यथा भगवान् बुद्धः शाक्यसिंहो जगद्गुरुः । सर्वज्ञः सुगतः शास्ता धर्मराजो मुनीश्वरः
tadyathā bhagavān buddhaḥ śākyasiṃho jagadguruḥ / sarvajñaḥ sugataḥ śāstā dharmarājo munīśvaraḥ
Sanskrit only: no published translation is held for this verse.
एकस्मिन् समये तत्र श्रावस्त्या उपकण्ठिके । जेतारण्ये महोद्याने विहारे श्रावकैः सह
ekasmin samaye tatra śrāvastyā upakaṇṭhike / jetāraṇye mahodyāne vihāre śrāvakaiḥ saha
Sanskrit only: no published translation is held for this verse.
भिक्षुभिश् चैलकैश् चापि भिक्षुणीभिर् उपासकैः । उपासिकाभिर् अन्यैश् च बोधिसत्वगणैर् अपि
bhikṣubhiś cailakaiś cāpi bhikṣuṇībhir upāsakaiḥ / upāsikābhir anyaiś ca bodhisatvagaṇair api
Sanskrit only: no published translation is held for this verse.
सर्वसत्वहितार्थेन बोधिचर्यं प्रकाशयन् । सद्धर्मं समुपादिश्य विजहार प्रभासयन्
sarvasatvahitārthena bodhicaryaṃ prakāśayan / saddharmaṃ samupādiśya vijahāra prabhāsayan
Sanskrit only: no published translation is held for this verse.
तत् सद्धर्मामृतं पातुं सर्वे लोकाः समागताः । शक्रादयो ऽपि देवेन्द्रा ब्रह्मादिलोकपालकाः
tat saddharmāmṛtaṃ pātuṃ sarve lokāḥ samāgatāḥ / śakrādayo 'pi devendrā brahmādilokapālakāḥ
Sanskrit only: no published translation is held for this verse.
दैत्येंद्रा गरुडा नागा यक्षगंधर्वकिंनराः । सिद्धा विद्याधराश् चापि राक्षसाश् च महर्द्धिकाः
daityeṃdrā garuḍā nāgā yakṣagaṃdharvakiṃnarāḥ / siddhā vidyādharāś cāpi rākṣasāś ca maharddhikāḥ
Sanskrit only: no published translation is held for this verse.
ऋषयो ब्राह्मणा चापि क्षत्रियाश् च नराधिपाः । वैश्या राजकुमाराश् च मंत्रिणो ऽमात्यका जनाः
ṛṣayo brāhmaṇā cāpi kṣatriyāś ca narādhipāḥ / vaiśyā rājakumārāś ca maṃtriṇo 'mātyakā janāḥ
Sanskrit only: no published translation is held for this verse.
गृहस्थाः सार्थवाहाश् च वणिजः शिल्पिनो ऽपि च । पौरा जानपदा ग्राम्या अन्ये कार्पटिका अपि
gṛhasthāḥ sārthavāhāś ca vaṇijaḥ śilpino 'pi ca / paurā jānapadā grāmyā anye kārpaṭikā api
Sanskrit only: no published translation is held for this verse.
सर्वे ते समुपागत्य तत्र तं श्रीघनं मुनिं । दृष्ट्वा प्रदक्षिणीकृत्य प्रणत्वा समुपाचरन्
sarve te samupāgatya tatra taṃ śrīghanaṃ muniṃ / dṛṣṭvā pradakṣiṇīkṛtya praṇatvā samupācaran
Sanskrit only: no published translation is held for this verse.
यथाक्रमं समभ्यर्च्य नत्वा सांजलयो मुदा । परिवृत्य पुरस्कृत्य सर्वे ते समुपाश्रयन्
yathākramaṃ samabhyarcya natvā sāṃjalayo mudā / parivṛtya puraskṛtya sarve te samupāśrayan
Sanskrit only: no published translation is held for this verse.
तान् सर्वान् समुपासीनां दृष्ट्वा स भगवान् मुनिः । आर्यसत्यं समारभ्य दिदेश धर्मम् उत्तमं
tān sarvān samupāsīnāṃ dṛṣṭvā sa bhagavān muniḥ / āryasatyaṃ samārabhya dideśa dharmam uttamaṃ
Sanskrit only: no published translation is held for this verse.
तद् धर्मं समुपाकर्ण्य सर्वे ते संप्रबोधिताः । धर्मवैशेषम् आज्ञाय बभुवुर् बोधिवांछिताः
tad dharmaṃ samupākarṇya sarve te saṃprabodhitāḥ / dharmavaiśeṣam ājñāya babhuvur bodhivāṃchitāḥ
Sanskrit only: no published translation is held for this verse.
तदा तत्र पुरे राजा प्रसेनजित् कौशलः । यदा न सुगतस् तत्र तदा तीर्थिकभाग् अभूत्
tadā tatra pure rājā prasenajit kauśalaḥ / yadā na sugatas tatra tadā tīrthikabhāg abhūt
Sanskrit only: no published translation is held for this verse.
यदा तु सुगतस् तत्र ससांघिकः समागतः । तदा स नृपतिर् नित्यं श्रीघनं तं सदाभजत्
yadā tu sugatas tatra sasāṃghikaḥ samāgataḥ / tadā sa nṛpatir nityaṃ śrīghanaṃ taṃ sadābhajat
Sanskrit only: no published translation is held for this verse.
नवं पद्मैः समादाय राज्ञे दातुं पुरे ऽविशत्
navaṃ padmaiḥ samādāya rājñe dātuṃ pure 'viśat
Sanskrit only: no published translation is held for this verse.
तत्रैकपथि तं दृष्ट्वा तीर्थिकोपासिको मुदा । सहसा तस्य पुरो गत्वा प्रार्थयत् तं सरोरुहं
tatraikapathi taṃ dṛṣṭvā tīrthikopāsiko mudā / sahasā tasya puro gatvā prārthayat taṃ saroruhaṃ
Sanskrit only: no published translation is held for this verse.
भो मालिन्न् इदं पद्मं यदि विक्रेतुम् इछसि । उचितं मूल्यम् आदाय मह्यं दातुं त्वम् अर्हसि
bho mālinn idaṃ padmaṃ yadi vikretum ichasi / ucitaṃ mūlyam ādāya mahyaṃ dātuṃ tvam arhasi
Sanskrit only: no published translation is held for this verse.
इति तेनार्थितं श्रुत्वा मालिकः लुभिताशयः । यदीछति भवान् दद्याम् इति तं दातुम् ऐछत
iti tenārthitaṃ śrutvā mālikaḥ lubhitāśayaḥ / yadīchati bhavān dadyām iti taṃ dātum aichata
Sanskrit only: no published translation is held for this verse.
तस्मिन्न् एव क्षणे तत्र गृहस्थो ऽनाथपिण्डदः । पुष्पार्थी समुपायातो मालिकं तम् अपृछत
tasminn eva kṣaṇe tatra gṛhastho 'nāthapiṇḍadaḥ / puṣpārthī samupāyāto mālikaṃ tam apṛchata
Sanskrit only: no published translation is held for this verse.
भो मालिन्न् इदं पद्मं यदि विक्रेतुम् इछति । द्विगुणं मूल्यम् आदाय भवान् मे दातुम् अर्हति
bho mālinn idaṃ padmaṃ yadi vikretum ichati / dviguṇaṃ mūlyam ādāya bhavān me dātum arhati
Sanskrit only: no published translation is held for this verse.
इति तेनोदितं श्रुत्वा तीर्थिकोपासको ऽपि सः । तद्द्विगुणेन मूल्येन तद् पद्मं समयाचत
iti tenoditaṃ śrutvā tīrthikopāsako 'pi saḥ / taddviguṇena mūlyena tad padmaṃ samayācata
Sanskrit only: no published translation is held for this verse.
इति तेनार्थितं श्रुत्वा स चाप्य् अनाथपिण्डदः । तद्द्वैगुण्येन मूल्येन कमलं तम् अयाचत
iti tenārthitaṃ śrutvā sa cāpy anāthapiṇḍadaḥ / taddvaiguṇyena mūlyena kamalaṃ tam ayācata
Sanskrit only: no published translation is held for this verse.
तच् छ्रुत्वा तैर्थिकः सो ऽपि मददर्पाभिमानिनः । तत्त्रिगुणमूल्येन गृहीतुं तं समैछत
tac chrutvā tairthikaḥ so 'pi madadarpābhimāninaḥ / tattriguṇamūlyena gṛhītuṃ taṃ samaichata
Sanskrit only: no published translation is held for this verse.
तद् दृष्ट्वा स गृहस्थेणानाथपिण्डदोत्सही । चतुर्गुणेन मूल्येन पद्मं तम् अभ्ययाचत
tad dṛṣṭvā sa gṛhastheṇānāthapiṇḍadotsahī / caturguṇena mūlyena padmaṃ tam abhyayācata
Sanskrit only: no published translation is held for this verse.
एवं तौ गृहपती सो थ यावच् छतसहर्स्रकैः । मूल्य तं पद्मम् आदाय मालिनं तं ययाचतुः
evaṃ tau gṛhapatī so tha yāvac chatasaharsrakaiḥ / mūlya taṃ padmam ādāya mālinaṃ taṃ yayācatuḥ
Sanskrit only: no published translation is held for this verse.
तद् दृष्ट्वारामिकः स ऽपि प्रवर्द्धयन् परस्परं । तयोर् द्वयोर् अदत्वैव मनसैवं व्यचिंतयत्
tad dṛṣṭvārāmikaḥ sa 'pi pravarddhayan parasparaṃ / tayor dvayor adatvaiva manasaivaṃ vyaciṃtayat
Sanskrit only: no published translation is held for this verse.
अयं गृहपतिः श्रेष्ठो ह्य् अनाथपिण्डदः सुधीः । अचपलो महाधीरः स्थिरसत्वो विचक्षणः
ayaṃ gṛhapatiḥ śreṣṭho hy anāthapiṇḍadaḥ sudhīḥ / acapalo mahādhīraḥ sthirasatvo vicakṣaṇaḥ
Sanskrit only: no published translation is held for this verse.
कस्यार्थे न्व् इदं पद्मम् इयन् मूल्येन याचते । नूनम् अत्र महद्धेतुर् भविष्यति न संशयः
kasyārthe nv idaṃ padmam iyan mūlyena yācate / nūnam atra mahaddhetur bhaviṣyati na saṃśayaḥ
Sanskrit only: no published translation is held for this verse.
तद् एतत् परिपृछाव दास्यामि सद्गुणार्थिने
tad etat paripṛchāva dāsyāmi sadguṇārthine
Sanskrit only: no published translation is held for this verse.
इति ध्यात्वा स्वचित्तेन स आरामिक उत्सुकः । तैर्थिकं तं समालोक्य पप्रछैवं समादरात्
iti dhyātvā svacittena sa ārāmika utsukaḥ / tairthikaṃ taṃ samālokya paprachaivaṃ samādarāt
Sanskrit only: no published translation is held for this verse.
भो पुरुष भवान् कस्य कार्यस्यार्थे इदं कजं । इयन्मूल्येन विक्रेतुम् इछति तद् वदस्व मे
bho puruṣa bhavān kasya kāryasyārthe idaṃ kajaṃ / iyanmūlyena vikretum ichati tad vadasva me
Sanskrit only: no published translation is held for this verse.
इति तेनोदितं श्रुत्वा स तैर्थिकः प्रमोदितः । आरामिकं तम् आलोक्य प्रबोधयितुम् अब्रवीत्
iti tenoditaṃ śrutvā sa tairthikaḥ pramoditaḥ / ārāmikaṃ tam ālokya prabodhayitum abravīt
Sanskrit only: no published translation is held for this verse.
यः श्रीपतिर् जगद्भर्त्ता नारायनो जनार्दनः । तस्य पूजां करिष्यामि तद् इदं देहि मे ऽम्बुजं
yaḥ śrīpatir jagadbharttā nārāyano janārdanaḥ / tasya pūjāṃ kariṣyāmi tad idaṃ dehi me 'mbujaṃ
Sanskrit only: no published translation is held for this verse.
इति तेनोदितं श्रुत्वारामिको सानुबोधितः । अनाथपिण्डदं तं च दृष्ट्वा कार्यम् अपृछत
iti tenoditaṃ śrutvārāmiko sānubodhitaḥ / anāthapiṇḍadaṃ taṃ ca dṛṣṭvā kāryam apṛchata
Sanskrit only: no published translation is held for this verse.
भो साधो भवंश् चापि किम् अर्थम् इदम् अम्बुजं । बहुमूल्यैव समाहर्त्तुम् इछति तद् वदस्व मे
bho sādho bhavaṃś cāpi kim artham idam ambujaṃ / bahumūlyaiva samāharttum ichati tad vadasva me
Sanskrit only: no published translation is held for this verse.
इति तद् वचनं श्रुत्वा सो ऽनाथपिण्डदः सुधीः । आरामिकं तम् आलोक्य प्रबोधयितुम् अब्रवीत्
iti tad vacanaṃ śrutvā so 'nāthapiṇḍadaḥ sudhīḥ / ārāmikaṃ tam ālokya prabodhayitum abravīt
Sanskrit only: no published translation is held for this verse.
साधु साधु महाभाग यद् इदं ते सरोरुहं । बहुमूल्येन वांछामि तद् अर्थं कथ्यते शृणु
sādhu sādhu mahābhāga yad idaṃ te saroruhaṃ / bahumūlyena vāṃchāmi tad arthaṃ kathyate śṛṇu
Sanskrit only: no published translation is held for this verse.
यो ऽत्र शौद्धोदनी राजा चक्रवर्त्ती नृपाधिपः । सर्वसत्वहितार्थेन संबोधिसाधनोद्यतः
yo 'tra śauddhodanī rājā cakravarttī nṛpādhipaḥ / sarvasatvahitārthena saṃbodhisādhanodyataḥ
Sanskrit only: no published translation is held for this verse.
सर्वत्र भुवने लोके क्लेशाकुलासमाहिते । बोधिचर्याविहीने ऽत्र म्लेछधर्मप्रवर्त्तते
sarvatra bhuvane loke kleśākulāsamāhite / bodhicaryāvihīne 'tra mlechadharmapravarttate
Sanskrit only: no published translation is held for this verse.
बोधिचर्यां स्वयं धृत्वा प्रकाशयितुम् उद्यतः । सर्वराज्यं परित्यज्य सर्वांश् चापि परिग्रहान्
bodhicaryāṃ svayaṃ dhṛtvā prakāśayitum udyataḥ / sarvarājyaṃ parityajya sarvāṃś cāpi parigrahān
Sanskrit only: no published translation is held for this verse.
वैराग्यधर्मम् आश्रित्य संसारभोगनिस्पृहः । गयाशीर्षे नगे गत्वा कृत्वा तपः सुदुष्करं
vairāgyadharmam āśritya saṃsārabhoganispṛhaḥ / gayāśīrṣe nage gatvā kṛtvā tapaḥ suduṣkaraṃ
Sanskrit only: no published translation is held for this verse.
ततो लोके हितं कर्तुं समुत्थाय समाहितः । बोधिवृक्षतलासीनस् तस्थौ ध्यानसमाहितः
tato loke hitaṃ kartuṃ samutthāya samāhitaḥ / bodhivṛkṣatalāsīnas tasthau dhyānasamāhitaḥ
Sanskrit only: no published translation is held for this verse.
तत्र मारगणान् सर्वाञ् जित्वा क्लेशगणान् अपि । संबोधिज्ञानं आसाद्य बुद्धो भवति सांप्रतं
tatra māragaṇān sarvāñ jitvā kleśagaṇān api / saṃbodhijñānaṃ āsādya buddho bhavati sāṃprataṃ
Sanskrit only: no published translation is held for this verse.
सो ऽयं बुद्धो जगच्छास्ता जगन्नाथो जगद्गुरुः । जगद्भर्त्ता जगत्त्रायी धर्मराजा मुनीश्वरः
so 'yaṃ buddho jagacchāstā jagannātho jagadguruḥ / jagadbharttā jagattrāyī dharmarājā munīśvaraḥ
Sanskrit only: no published translation is held for this verse.
सर्वज्ञः सुगतः श्रिमान् षडभिज्ञो विनायकः । सत्यवादी महाधीरः सत्यधर्मशुभार्थभृत्
sarvajñaḥ sugataḥ śrimān ṣaḍabhijño vināyakaḥ / satyavādī mahādhīraḥ satyadharmaśubhārthabhṛt
Sanskrit only: no published translation is held for this verse.
समन्तभद्ररूपांशः सौम्यरूपो जितेंद्रियः । द्वात्रिंशल्लक्षणाशीतिव्यंजनप्रतिमंडितः
samantabhadrarūpāṃśaḥ saumyarūpo jiteṃdriyaḥ / dvātriṃśallakṣaṇāśītivyaṃjanapratimaṃḍitaḥ
Sanskrit only: no published translation is held for this verse.
भगवाञ् छ्रीघनो ब्रह्मविहारिको गुणाकरः । सर्वत्रैधातुकाधीशःसर्वदुष्टप्रशान्तकृत्
bhagavāñ chrīghano brahmavihāriko guṇākaraḥ / sarvatraidhātukādhīśaḥsarvaduṣṭapraśāntakṛt
Sanskrit only: no published translation is held for this verse.
सर्वमारविजेतार्हं संबोधिमार्गदेशकः । वाञ्छितार्थप्रदातारश् चिंतामणिगुणाधिकः
sarvamāravijetārhaṃ saṃbodhimārgadeśakaḥ / vāñchitārthapradātāraś ciṃtāmaṇiguṇādhikaḥ
Sanskrit only: no published translation is held for this verse.
शुद्धशीलः शुभाचारः क्षान्तिव्रतधरः सुधीः । सर्वसत्वहितोद्योगी निःक्लेशः सर्वजित् कृती
śuddhaśīlaḥ śubhācāraḥ kṣāntivratadharaḥ sudhīḥ / sarvasatvahitodyogī niḥkleśaḥ sarvajit kṛtī
Sanskrit only: no published translation is held for this verse.
समाधिध्यानसंरक्तः संबोधिधर्मभास्करः । प्रज्ञानिधिर् महाविज्ञः सर्वविद्याविशारदः
samādhidhyānasaṃraktaḥ saṃbodhidharmabhāskaraḥ / prajñānidhir mahāvijñaḥ sarvavidyāviśāradaḥ
Sanskrit only: no published translation is held for this verse.
सर्वोपायविधानज्ञः प्रणिधिपारतारकः । त्रैलोकविजयी वीरः संबोधिकार्यपूरकः
sarvopāyavidhānajñaḥ praṇidhipāratārakaḥ / trailokavijayī vīraḥ saṃbodhikāryapūrakaḥ
Sanskrit only: no published translation is held for this verse.
विज्ञानोर्मिसमाधिस्थः संबोधिज्ञानरत्नभृत् । सर्वसत्वशुभंकारी सर्वाकारस्वरूपिकः
vijñānormisamādhisthaḥ saṃbodhijñānaratnabhṛt / sarvasatvaśubhaṃkārī sarvākārasvarūpikaḥ
Sanskrit only: no published translation is held for this verse.
शाक्यमुनिर् महाबुद्धो जिनेश्वरस् तथागतः । सर्वसत्वहितार्थेन सर्वत्र समुपाचरन्
śākyamunir mahābuddho jineśvaras tathāgataḥ / sarvasatvahitārthena sarvatra samupācaran
Sanskrit only: no published translation is held for this verse.
भासयन् सकलान् लोकान् भद्रं कृत्वा समंततः । इहापि सर्वसत्वानां भद्रं कर्तुं समागतः
bhāsayan sakalān lokān bhadraṃ kṛtvā samaṃtataḥ / ihāpi sarvasatvānāṃ bhadraṃ kartuṃ samāgataḥ
Sanskrit only: no published translation is held for this verse.
सांप्रतं जेतकारामे विहारे सह सांघिकैः । सद्धर्मम् आदिशन् नित्यं विहरति प्रभासयन्
sāṃprataṃ jetakārāme vihāre saha sāṃghikaiḥ / saddharmam ādiśan nityaṃ viharati prabhāsayan
Sanskrit only: no published translation is held for this verse.
तस्य पूजाम् अहं कर्तुम् इछामि सांप्रतं खलु । तदर्थे बहुमूल्येन याचामीदं सरोरुहं
tasya pūjām ahaṃ kartum ichāmi sāṃprataṃ khalu / tadarthe bahumūlyena yācāmīdaṃ saroruhaṃ
Sanskrit only: no published translation is held for this verse.
तद् भवान् मूल्यम् आदाय देहि मे इदम् अम्बुजं । यथाभिलषितं द्रव्यं दास्यामि ते प्रसाणयन्
tad bhavān mūlyam ādāya dehi me idam ambujaṃ / yathābhilaṣitaṃ dravyaṃ dāsyāmi te prasāṇayan
Sanskrit only: no published translation is held for this verse.
श्रद्धयेदं प्रदत्तं चेत् त्वयाहं संप्रमोदितः । एतत्पुण्यविपाकेन बोधिचित्तम् अवाप्स्यसि
śraddhayedaṃ pradattaṃ cet tvayāhaṃ saṃpramoditaḥ / etatpuṇyavipākena bodhicittam avāpsyasi
Sanskrit only: no published translation is held for this verse.
सर्वदा सद्गतिं यायाद् दुर्गतिं न कदा चन । क्रमाद् बोधिचरीः पूर्य संबोधिम् अपि प्राप्नुयाः
sarvadā sadgatiṃ yāyād durgatiṃ na kadā cana / kramād bodhicarīḥ pūrya saṃbodhim api prāpnuyāḥ
Sanskrit only: no published translation is held for this verse.
एवं मत्वा भवान् साधो यदि संबोधिम् इछति । यथाभिलषितं द्रव्यम् आदायेदं प्रदेहि मे
evaṃ matvā bhavān sādho yadi saṃbodhim ichati / yathābhilaṣitaṃ dravyam ādāyedaṃ pradehi me
Sanskrit only: no published translation is held for this verse.
इति तेनार्थितं श्रुत्वा स मालिकः प्रमोदितः । तं गृहस्थम् अनाथानां भर्त्तारम् एवम् अब्रवीत्
iti tenārthitaṃ śrutvā sa mālikaḥ pramoditaḥ / taṃ gṛhastham anāthānāṃ bharttāram evam abravīt
Sanskrit only: no published translation is held for this verse.
अहो बुद्धो महाभिज्ञो दृश्यते न कदा चन । ईदृग् महद् गुणं चापि श्रुयते न क्वचिन् मया
aho buddho mahābhijño dṛśyate na kadā cana / īdṛg mahad guṇaṃ cāpi śruyate na kvacin mayā
Sanskrit only: no published translation is held for this verse.
तद् अहं तं जगन्नाथं द्रष्टुम् इछामि सांप्रतं । तत् सद्धर्मामृतं पातुं वांछा मे जायते खलु
tad ahaṃ taṃ jagannāthaṃ draṣṭum ichāmi sāṃprataṃ / tat saddharmāmṛtaṃ pātuṃ vāṃchā me jāyate khalu
Sanskrit only: no published translation is held for this verse.
तस्मात् तत्र स्वयं गत्वा संबुद्धं तं मुनीश्वरं । अनेन पुण्डरीकेन पूजयिष्ये ऽहम् आदरात्
tasmāt tatra svayaṃ gatvā saṃbuddhaṃ taṃ munīśvaraṃ / anena puṇḍarīkena pūjayiṣye 'ham ādarāt
Sanskrit only: no published translation is held for this verse.
तद् भवान् कृपया साधो संबुद्धस्य जगद्गुरोः । नीत्वा माम् आश्रमे तत्र सद्धर्मे योक्तुम् अर्हति
tad bhavān kṛpayā sādho saṃbuddhasya jagadguroḥ / nītvā mām āśrame tatra saddharme yoktum arhati
Sanskrit only: no published translation is held for this verse.
इति तेनार्थितं श्रुत्वा सो ऽनाथपिण्डदो मुदा । मालिकं तं समालोक्य पुनर् एवम् अभाषत
iti tenārthitaṃ śrutvā so 'nāthapiṇḍado mudā / mālikaṃ taṃ samālokya punar evam abhāṣata
Sanskrit only: no published translation is held for this verse.
साधु साधु महाभाग कुरुष्वेवं यदीछसि । प्रागछ त्वं मया सार्द्धं पूजये तं मुनीश्वरं
sādhu sādhu mahābhāga kuruṣvevaṃ yadīchasi / prāgacha tvaṃ mayā sārddhaṃ pūjaye taṃ munīśvaraṃ
Sanskrit only: no published translation is held for this verse.
इत्य् उक्त्वा मालिकं तं स गृहपतिः प्रसादयन् । आदाय जेतकारामे विहारे समुदाचरत्
ity uktvā mālikaṃ taṃ sa gṛhapatiḥ prasādayan / ādāya jetakārāme vihāre samudācarat
Sanskrit only: no published translation is held for this verse.
तत्र तेन सहायेभ्य सो ऽनाथपिण्डदो गृही । सांजलिस् तं जगन्नाथं नत्वैकान्ते समाश्रयत्
tatra tena sahāyebhya so 'nāthapiṇḍado gṛhī / sāṃjalis taṃ jagannāthaṃ natvaikānte samāśrayat
Sanskrit only: no published translation is held for this verse.
ततः स मालिको द्राक्षीच् छ्रीघनं तं मुनीश्वरैः । सभामध्यासनासीनं भिक्षुसंघपुरस्कृतं
tataḥ sa māliko drākṣīc chrīghanaṃ taṃ munīśvaraiḥ / sabhāmadhyāsanāsīnaṃ bhikṣusaṃghapuraskṛtaṃ
Sanskrit only: no published translation is held for this verse.
द्वात्रिंशल्लक्षणाशीतिव्यांजनप्रतिमण्डितं । रत्नराशिम् इवोज्वालं व्योमप्रभाभ्यलंकृतं
dvātriṃśallakṣaṇāśītivyāṃjanapratimaṇḍitaṃ / ratnarāśim ivojvālaṃ vyomaprabhābhyalaṃkṛtaṃ
Sanskrit only: no published translation is held for this verse.
समंतभद्ररूपांशं सौम्यरूपं शुभेन्द्रियं । दृष्ट्वा स मुदितो नत्वा कृत्वा त्रिधा प्रदक्षिणं
samaṃtabhadrarūpāṃśaṃ saumyarūpaṃ śubhendriyaṃ / dṛṣṭvā sa mudito natvā kṛtvā tridhā pradakṣiṇaṃ
Sanskrit only: no published translation is held for this verse.
तत् पद्मं पुरतः क्षिप्त्वा कृतांजलिः पुरो मुदा । नत्वा पादौ मुनेस् तस्य तत्रैकान्ते समाश्रयत्
tat padmaṃ purataḥ kṣiptvā kṛtāṃjaliḥ puro mudā / natvā pādau munes tasya tatraikānte samāśrayat
Sanskrit only: no published translation is held for this verse.
क्षिप्तमात्रं च तत्पद्मं सहसाकाशं संसरन् । छत्रीभूत्वा मुने मूर्द्ध्नर् उपरिस्थं व्यराजत
kṣiptamātraṃ ca tatpadmaṃ sahasākāśaṃ saṃsaran / chatrībhūtvā mune mūrddhnar uparisthaṃ vyarājata
Sanskrit only: no published translation is held for this verse.
तद् दृष्ट्वा ते सभालोकः सर्वे ते विस्मयान्विताः । अहो बुद्धस्य माहात्म्यम् इति प्रोक्त्वा प्रसेदिरे
tad dṛṣṭvā te sabhālokaḥ sarve te vismayānvitāḥ / aho buddhasya māhātmyam iti proktvā prasedire
Sanskrit only: no published translation is held for this verse.
तद् दृष्ट्वा मालिकः स ऽतिविस्मयानंदिताशयः । उत्थाय सहसा शस्तुः पादयो न्यपतन् नतः
tad dṛṣṭvā mālikaḥ sa 'tivismayānaṃditāśayaḥ / utthāya sahasā śastuḥ pādayo nyapatan nataḥ
Sanskrit only: no published translation is held for this verse.
ततः स सांजलिर् नत्वा पादाब्जवोर् जगद्गुरोः । संबुद्धपदलाभाय प्रणिधानं व्यधाद् धृदो
tataḥ sa sāṃjalir natvā pādābjavor jagadguroḥ / saṃbuddhapadalābhāya praṇidhānaṃ vyadhād dhṛdo
Sanskrit only: no published translation is held for this verse.
एतत्पुण्यविपाकेन लोके ऽन्धे ऽपरिनायके । क्लेशाकुले विनष्टे ऽहं भूयासं सुगतो जिनः
etatpuṇyavipākena loke 'ndhe 'parināyake / kleśākule vinaṣṭe 'haṃ bhūyāsaṃ sugato jinaḥ
Sanskrit only: no published translation is held for this verse.
स्वयं तर्त्तुम् अशक्तानं तारयिता भवोदधिं । तथा क्लेशाब्धिमग्नानां समुद्धर्त्ता विमोचाकाः
svayaṃ tarttum aśaktānaṃ tārayitā bhavodadhiṃ / tathā kleśābdhimagnānāṃ samuddharttā vimocākāḥ
Sanskrit only: no published translation is held for this verse.
धर्मे ऽनाश्वसितानं च सादाश्वासयितापि वै । अदृष्टबोधिमार्गानां दर्शयिता भवेय हि
dharme 'nāśvasitānaṃ ca sādāśvāsayitāpi vai / adṛṣṭabodhimārgānāṃ darśayitā bhaveya hi
Sanskrit only: no published translation is held for this verse.
इति तेन कृतं मत्वा प्रणिधानम् स सर्ववित् । भगवान् मुदितः प्राविरकार्षीत् स स्मितं तदा
iti tena kṛtaṃ matvā praṇidhānam sa sarvavit / bhagavān muditaḥ prāvirakārṣīt sa smitaṃ tadā
Sanskrit only: no published translation is held for this verse.
तत्र स्मिते मुनीन्द्रस्य मुखपद्माद् विनिर्गताः । सुरश्मयः पंचवर्णाः प्रसेस्रुस् त्रिजगत्स्व् अपि
tatra smite munīndrasya mukhapadmād vinirgatāḥ / suraśmayaḥ paṃcavarṇāḥ prasesrus trijagatsv api
Sanskrit only: no published translation is held for this verse.
या अधस्ताद् गताभासस् ता सर्वनरकेष्व् अपि । अवभास्य शुभं कृत्वा प्रचक्रु दुःखनाशणं
yā adhastād gatābhāsas tā sarvanarakeṣv api / avabhāsya śubhaṃ kṛtvā pracakru duḥkhanāśaṇaṃ
Sanskrit only: no published translation is held for this verse.
तत्प्रभाभिः परिस्पृष्ट्वा सर्वे ते नरकाश्रिताः । दुःखमुक्ता सुखस्पृष्टा विस्मिता एवम् अब्रुवन्
tatprabhābhiḥ parispṛṣṭvā sarve te narakāśritāḥ / duḥkhamuktā sukhaspṛṣṭā vismitā evam abruvan
Sanskrit only: no published translation is held for this verse.
अहो किं नु महासौख्यम् अस्माकं जायते ऽधुना । इतश् च्युताः कुहान्यत्र समुत्पन्ना वयं नु किं
aho kiṃ nu mahāsaukhyam asmākaṃ jāyate 'dhunā / itaś cyutāḥ kuhānyatra samutpannā vayaṃ nu kiṃ
Sanskrit only: no published translation is held for this verse.
इति चिन्तापरितानां तेषां चित्तप्रबोधने । भगवान् निर्मितं बुद्धं प्रेषयत् प्रति नैरयं
iti cintāparitānāṃ teṣāṃ cittaprabodhane / bhagavān nirmitaṃ buddhaṃ preṣayat prati nairayaṃ
Sanskrit only: no published translation is held for this verse.
तद् दृष्ट्वा नरकस्थास् ते सर्वे ऽतिविस्मयान्विताः । परस्परं समालोक्य पुनर् एवं वभाषिरे
tad dṛṣṭvā narakasthās te sarve 'tivismayānvitāḥ / parasparaṃ samālokya punar evaṃ vabhāṣire
Sanskrit only: no published translation is held for this verse.
भवन्तो नो इतश् च्युत्वा नान्यत्र संगता वयं । इहैव नरके स्थाः स्म कुत्रापि चलिता न हि
bhavanto no itaś cyutvā nānyatra saṃgatā vayaṃ / ihaiva narake sthāḥ sma kutrāpi calitā na hi
Sanskrit only: no published translation is held for this verse.
किं त्व् अयं समुपायाता ह्य् अपूर्वदर्शनः पुमान् । नूनम् अस्यानुभावेन जायते शुभता ऽधुना
kiṃ tv ayaṃ samupāyātā hy apūrvadarśanaḥ pumān / nūnam asyānubhāvena jāyate śubhatā 'dhunā
Sanskrit only: no published translation is held for this verse.
नूनम् अयं महासत्वो दृष्ट्वास्मान् दुःखपीडितान् । कृपया सर्वथोद्धर्त्तुं नरके ऽत्र समागतः
nūnam ayaṃ mahāsatvo dṛṣṭvāsmān duḥkhapīḍitān / kṛpayā sarvathoddharttuṃ narake 'tra samāgataḥ
Sanskrit only: no published translation is held for this verse.
तद् अस्य समुपाश्रित्य प्रकृत्वा शरणं सदा । प्रणत्वा श्रद्धया नित्यं भजेमहि समादरात्
tad asya samupāśritya prakṛtvā śaraṇaṃ sadā / praṇatvā śraddhayā nityaṃ bhajemahi samādarāt
Sanskrit only: no published translation is held for this verse.
इति संभाष्य ते सर्वे नारकीयाः प्रबोधिताः । तं बुद्धं शरणं गत्वा प्रणत्वा प्राभजन् मुदा
iti saṃbhāṣya te sarve nārakīyāḥ prabodhitāḥ / taṃ buddhaṃ śaraṇaṃ gatvā praṇatvā prābhajan mudā
Sanskrit only: no published translation is held for this verse.
तद्भजनोद्भवैः पुण्यैः सर्वे ते नरकोत्थिताः । सहसा सद्गतिं याता बभूवुर् धर्मभाजनाः
tadbhajanodbhavaiḥ puṇyaiḥ sarve te narakotthitāḥ / sahasā sadgatiṃ yātā babhūvur dharmabhājanāḥ
Sanskrit only: no published translation is held for this verse.
एवं ता रश्मयः सर्वाः सर्वांस् तान् नरकाश्रितान् । समुद्धृत्य पुनस् तत्र जगच्छास्तुर् उपाययुः
evaṃ tā raśmayaḥ sarvāḥ sarvāṃs tān narakāśritān / samuddhṛtya punas tatra jagacchāstur upāyayuḥ
Sanskrit only: no published translation is held for this verse.
या चाप्य् ऊर्द्ध्वं गताभासस् तावभास्य दिशो ऽष्ट च । यावद् भवाग्रपर्यन्तम् अवभास्याभिप्रासरन्
yā cāpy ūrddhvaṃ gatābhāsas tāvabhāsya diśo 'ṣṭa ca / yāvad bhavāgraparyantam avabhāsyābhiprāsaran
Sanskrit only: no published translation is held for this verse.
गाथाभिश् च सुरान् सर्वान् दिव्यकायसुखारतान् । समन्ततो महच्छब्दं रुच्चैर् एवम् अचोदयन्
gāthābhiś ca surān sarvān divyakāyasukhāratān / samantato mahacchabdaṃ ruccair evam acodayan
Sanskrit only: no published translation is held for this verse.
अनित्यं सर्वसंसारं दुःखं शून्यम् अनात्मकं । इति मत्वा शुभे धर्मं सर्वदा चरतादरात्
anityaṃ sarvasaṃsāraṃ duḥkhaṃ śūnyam anātmakaṃ / iti matvā śubhe dharmaṃ sarvadā caratādarāt
Sanskrit only: no published translation is held for this verse.
निष्क्रामतारभध्वं तद् युज्यध्वं बुद्धशासने । त्रिरत्नशरणं कृत्वा भजध्वं सर्वदादरात्
niṣkrāmatārabhadhvaṃ tad yujyadhvaṃ buddhaśāsane / triratnaśaraṇaṃ kṛtvā bhajadhvaṃ sarvadādarāt
Sanskrit only: no published translation is held for this verse.
यो ह्य् अस्मिं सौगते धर्मे चरिष्यति समाहितः । स हित्वा जन्म संसारे दुःखस्यान्तं करिष्यति
yo hy asmiṃ saugate dharme cariṣyati samāhitaḥ / sa hitvā janma saṃsāre duḥkhasyāntaṃ kariṣyati
Sanskrit only: no published translation is held for this verse.
एतच् छब्दं समाकर्ण्य सर्वे देवाः प्रबोधिताः । त्रिरत्नशरणं कृत्वा प्रभेजिरे समाहिताः
etac chabdaṃ samākarṇya sarve devāḥ prabodhitāḥ / triratnaśaraṇaṃ kṛtvā prabhejire samāhitāḥ
Sanskrit only: no published translation is held for this verse.
एवं ताः रश्मयः पंचः सर्वांल् लोकान् सुरान् अपि । त्रिरत्नशरणे स्थाप्य पुनर् मुनेर् उपाययुः
evaṃ tāḥ raśmayaḥ paṃcaḥ sarvāṃl lokān surān api / triratnaśaraṇe sthāpya punar muner upāyayuḥ
Sanskrit only: no published translation is held for this verse.
जिनं प्रदक्षिणीकृत्य तद् उष्णीषे विशेत् पुनः
jinaṃ pradakṣiṇīkṛtya tad uṣṇīṣe viśet punaḥ
Sanskrit only: no published translation is held for this verse.
तद् दृष्ट्वा ते सभालोकाः सर्वे ते विस्मयान्विताः । किम् आदेशेन् मुनीन्द्रो ऽयम् इति ध्यात्वा निषेदिरे
tad dṛṣṭvā te sabhālokāḥ sarve te vismayānvitāḥ / kim ādeśen munīndro 'yam iti dhyātvā niṣedire
Sanskrit only: no published translation is held for this verse.
अथा युष्मान् स आनन्दो मत्वा तेषां वितर्कितं । उत्थाय सांजलिर् नत्वा भगवन्तं तम् अब्रवीत्
athā yuṣmān sa ānando matvā teṣāṃ vitarkitaṃ / utthāya sāṃjalir natvā bhagavantaṃ tam abravīt
Sanskrit only: no published translation is held for this verse.
भगवन् भवता केन हेतुना सृज्यते स्मितं । नाहेतु सुगताः सर्वे विहसन्ति कदा चन
bhagavan bhavatā kena hetunā sṛjyate smitaṃ / nāhetu sugatāḥ sarve vihasanti kadā cana
Sanskrit only: no published translation is held for this verse.
यदर्थे हेतुना स्मितं भवान् मुंचति सांप्रतं । तदर्थं श्रोतुम् इछन्ति सर्वे लोका इमे खलु
yadarthe hetunā smitaṃ bhavān muṃcati sāṃprataṃ / tadarthaṃ śrotum ichanti sarve lokā ime khalu
Sanskrit only: no published translation is held for this verse.
यदर्थेन भवान् स्मितं प्रकरोति जगद्गुरो । तदर्थं समुपादिश्य सर्वान् लोकान् प्रबोधय
yadarthena bhavān smitaṃ prakaroti jagadguro / tadarthaṃ samupādiśya sarvān lokān prabodhaya
Sanskrit only: no published translation is held for this verse.
इत्य् आनन्दोदितं श्रुत्वा भगवान् स मुनीश्वरः । सर्वान् लोकान् समालोक्य तम् आनंदं चाब्रवीत्
ity ānandoditaṃ śrutvā bhagavān sa munīśvaraḥ / sarvān lokān samālokya tam ānaṃdaṃ cābravīt
Sanskrit only: no published translation is held for this verse.
एवम् एतन् महानंद नाहेतुप्रत्ययं क्वचित् । सर्वबुद्धाः प्रमुंचन्ति स्मितं किंचित् कदा चन
evam etan mahānaṃda nāhetupratyayaṃ kvacit / sarvabuddhāḥ pramuṃcanti smitaṃ kiṃcit kadā cana
Sanskrit only: no published translation is held for this verse.
पश्य त्वं यद् अयं साधु आरामिकः प्रसादितः । ममैवं श्रद्धया पूजां करोति श्रद्धया मुदा
paśya tvaṃ yad ayaṃ sādhu ārāmikaḥ prasāditaḥ / mamaivaṃ śraddhayā pūjāṃ karoti śraddhayā mudā
Sanskrit only: no published translation is held for this verse.
एतत्पुण्यविपाकेन मालिको ऽयं सुबुद्धिमान् । बोधिचित्तं समासाद्य बोधिचर्यां चरन् क्रमात्
etatpuṇyavipākena māliko 'yaṃ subuddhimān / bodhicittaṃ samāsādya bodhicaryāṃ caran kramāt
Sanskrit only: no published translation is held for this verse.
सर्वाः पारमिताः पूर्य्य सर्वान् मारगणान् विनिजयन् । सम्यक्षंबोधिम् आसाद्य निःक्लेशो ऽर्हन् मुनीश्वरः
sarvāḥ pāramitāḥ pūryya sarvān māragaṇān vinijayan / samyakṣaṃbodhim āsādya niḥkleśo 'rhan munīśvaraḥ
Sanskrit only: no published translation is held for this verse.
दशबलो जगन्नाथः सर्वसत्वहितार्थभृत् । पद्मोत्तमो ऽभिधो बुद्धस् तथागतो भविष्यति
daśabalo jagannāthaḥ sarvasatvahitārthabhṛt / padmottamo 'bhidho buddhas tathāgato bhaviṣyati
Sanskrit only: no published translation is held for this verse.
यद् अयं मम सद्धर्मसाधने ऽभिप्रसादितः । संबोधिप्रणिधिं धृत्वा करोति श्रद्धयार्चनां
yad ayaṃ mama saddharmasādhane 'bhiprasāditaḥ / saṃbodhipraṇidhiṃ dhṛtvā karoti śraddhayārcanāṃ
Sanskrit only: no published translation is held for this verse.
एवं ये श्रद्धया नित्यं त्रिरत्नं शरणं गताः । भजन्ति ते जनाः सर्वे भवेयुः सुगतात्मजाः
evaṃ ye śraddhayā nityaṃ triratnaṃ śaraṇaṃ gatāḥ / bhajanti te janāḥ sarve bhaveyuḥ sugatātmajāḥ
Sanskrit only: no published translation is held for this verse.
ततस् ते सर्वसत्वानां हितार्थेषु समुद्यताः । बोधिसत्वा महासत्वा भविष्यंति गुणाकराः
tatas te sarvasatvānāṃ hitārtheṣu samudyatāḥ / bodhisatvā mahāsatvā bhaviṣyaṃti guṇākarāḥ
Sanskrit only: no published translation is held for this verse.