Ratnamālāvadāna 29

अथाशोको महीपालः समुपेत्य कृतांजलिः । उपगुप्तं यतिं नत्वा प्रार्थयद् एवम् आदरात्

athāśoko mahīpālaḥ samupetya kṛtāṃjaliḥ / upaguptaṃ yatiṃ natvā prārthayad evam ādarāt

Sanskrit only: no published translation is held for this verse.

भदन्त श्रोतुम् इछामि पुनर् अन्यत् सुभाषितं । तद्यथा गुरुणादिष्टं तथाख्यातुं च मे ऽर्हति

bhadanta śrotum ichāmi punar anyat subhāṣitaṃ / tadyathā guruṇādiṣṭaṃ tathākhyātuṃ ca me 'rhati

Sanskrit only: no published translation is held for this verse.

इति संप्रर्थितं राज्ञा श्रुत्वा सो ऽर्हन् महामतिः । उपगुप्तो नरेंद्रं तं समालोक्यैवम् आदिशत्

iti saṃprarthitaṃ rājñā śrutvā so 'rhan mahāmatiḥ / upagupto nareṃdraṃ taṃ samālokyaivam ādiśat

Sanskrit only: no published translation is held for this verse.

साधु शृणु महराज यथा मे गुरुणोदितं । तथाहं ते प्रवक्ष्यामि श्रुत्वा चाप्य् अनुमोदय

sādhu śṛṇu maharāja yathā me guruṇoditaṃ / tathāhaṃ te pravakṣyāmi śrutvā cāpy anumodaya

Sanskrit only: no published translation is held for this verse.

तद्यथा भगवान् बुद्धा शाक्यसिंहो मुनीश्वरः । सर्वज्ञः सुगतः शास्ता धर्मराजो विनायकः

tadyathā bhagavān buddhā śākyasiṃho munīśvaraḥ / sarvajñaḥ sugataḥ śāstā dharmarājo vināyakaḥ

Sanskrit only: no published translation is held for this verse.

एकस्मिन् समये मातुर् मायादेव्या हितेछया । सद्धर्मं समुपादेष्टुं प्राचरत् त्रिदशालये

ekasmin samaye mātur māyādevyā hitechayā / saddharmaṃ samupādeṣṭuṃ prācarat tridaśālaye

Sanskrit only: no published translation is held for this verse.

तत्र स भगवान् गत्वा सुरम्ये नंदने वने । पारिजाततले पाण्डुसच्छिलायाम् उपाश्रयत्

tatra sa bhagavān gatvā suramye naṃdane vane / pārijātatale pāṇḍusacchilāyām upāśrayat

Sanskrit only: no published translation is held for this verse.

तत्र शक्रादयो देवाः सर्वे तं सद्गुणाकरं । शाक्यमुनिं समालोक्य मुदिताः समुपाचरन्

tatra śakrādayo devāḥ sarve taṃ sadguṇākaraṃ / śākyamuniṃ samālokya muditāḥ samupācaran

Sanskrit only: no published translation is held for this verse.

तत्र तं श्रीघनं दृष्ट्वा सर्वे देवाः प्रमोदिताः । त्रिधा प्रदक्षिणीकृत्य साञ्जलयः प्रणेमिरे

tatra taṃ śrīghanaṃ dṛṣṭvā sarve devāḥ pramoditāḥ / tridhā pradakṣiṇīkṛtya sāñjalayaḥ praṇemire

Sanskrit only: no published translation is held for this verse.

ततो देवाधिपः शक्रो दिव्यरत्नमयासनं । संबुद्धस्य जगच्छास्तुः प्राज्ञापयच् छुभोज्ज्वलं

tato devādhipaḥ śakro divyaratnamayāsanaṃ / saṃbuddhasya jagacchāstuḥ prājñāpayac chubhojjvalaṃ

Sanskrit only: no published translation is held for this verse.

तत्र स भगवान् दृष्ट्वा दिव्यरत्नमहोज्वले । आरुह्य समुपाश्रित्य समातस्थौ प्रभासयन्

tatra sa bhagavān dṛṣṭvā divyaratnamahojvale / āruhya samupāśritya samātasthau prabhāsayan

Sanskrit only: no published translation is held for this verse.

तदा सा जननी माता मायादेवी समागता । तम् आत्मजं जगन्नाथं संदृष्ट्वा समुपाचरत्

tadā sā jananī mātā māyādevī samāgatā / tam ātmajaṃ jagannāthaṃ saṃdṛṣṭvā samupācarat

Sanskrit only: no published translation is held for this verse.

तत्र स भगवान् दृष्ट्वा मातरं तां समागतां । उत्थाय समुपासृत्य प्रणत्वैवम् अभाषत

tatra sa bhagavān dṛṣṭvā mātaraṃ tāṃ samāgatāṃ / utthāya samupāsṛtya praṇatvaivam abhāṣata

Sanskrit only: no published translation is held for this verse.

स्वागतं कुशलं मातर् आरोग्यम् अस्तु ते सदा । त्वत्मुखं द्रष्टुम् आयामि तत् प्रसादितुम् अर्हसि

svāgataṃ kuśalaṃ mātar ārogyam astu te sadā / tvatmukhaṃ draṣṭum āyāmi tat prasāditum arhasi

Sanskrit only: no published translation is held for this verse.

अत्रासने समाश्रित्य निषीदैकाग्रमानसा । उपदिक्ष्यामि सद्धर्मं तच् छृणुष्व समाहिता

atrāsane samāśritya niṣīdaikāgramānasā / upadikṣyāmi saddharmaṃ tac chṛṇuṣva samāhitā

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा सा जननी सती । मायादेवी समालोक्य तम् आत्मजं समव्रावीत्

ity ādiṣṭaṃ munīndreṇa śrutvā sā jananī satī / māyādevī samālokya tam ātmajaṃ samavrāvīt

Sanskrit only: no published translation is held for this verse.

प्रायामि ते मुखं द्रष्टुं कुशलं ते सदात्मज । तन् ममानुग्रहार्थेन धर्मम् आदेष्टुम् अर्हसि

prāyāmi te mukhaṃ draṣṭuṃ kuśalaṃ te sadātmaja / tan mamānugrahārthena dharmam ādeṣṭum arhasi

Sanskrit only: no published translation is held for this verse.

इत्य् उक्त्वा सा सती मायादेवी माता जगद्गुरोः । उपासनं समाश्रित्य निससाद समाहिता

ity uktvā sā satī māyādevī mātā jagadguroḥ / upāsanaṃ samāśritya nisasāda samāhitā

Sanskrit only: no published translation is held for this verse.

पूजांगैस् तं जगन्नाथं मायादेवीं च प्रार्चयन्

pūjāṃgais taṃ jagannāthaṃ māyādevīṃ ca prārcayan

Sanskrit only: no published translation is held for this verse.

ततः पादान्स् तयोर् नत्वा कृत्वा च त्रिप्रदक्षिणं । परिवृत्य पुरस्कृत्वा धर्मं श्रोतुम् उपाश्रयन्

tataḥ pādāns tayor natvā kṛtvā ca tripradakṣiṇaṃ / parivṛtya puraskṛtvā dharmaṃ śrotum upāśrayan

Sanskrit only: no published translation is held for this verse.

ततस् त भगवान् दृष्ट्वा तान् देवान् समुपस्थितान् । आर्यसत्यं समारभ्य सद्धर्मं समुपादिशत्

tatas ta bhagavān dṛṣṭvā tān devān samupasthitān / āryasatyaṃ samārabhya saddharmaṃ samupādiśat

Sanskrit only: no published translation is held for this verse.

ततश् च भगवांस् तेषां देवानां सुखमानिनं । संबोधिसाधनं पुनर् एवम् उपादिशत्

tataś ca bhagavāṃs teṣāṃ devānāṃ sukhamāninaṃ / saṃbodhisādhanaṃ punar evam upādiśat

Sanskrit only: no published translation is held for this verse.

अनित्यं खलु संसारे दुःखं शून्यं ह्य् अनात्मकं । कामे किंचित् सुखं नात्र क्लेशसंघे समाकुले

anityaṃ khalu saṃsāre duḥkhaṃ śūnyaṃ hy anātmakaṃ / kāme kiṃcit sukhaṃ nātra kleśasaṃghe samākule

Sanskrit only: no published translation is held for this verse.

इति मत्वात्र संसारे सदा सौख्यं यदीछथ । बोधिचर्याव्रतं धृत्वा संचरध्वं सदा शुभं

iti matvātra saṃsāre sadā saukhyaṃ yadīchatha / bodhicaryāvrataṃ dhṛtvā saṃcaradhvaṃ sadā śubhaṃ

Sanskrit only: no published translation is held for this verse.

निष्क्रामतारभध्वं च युज्यध्वं बुद्धशासने । मारचर्य्यां परित्यज्य चरध्वं बोधिचारिकां

niṣkrāmatārabhadhvaṃ ca yujyadhvaṃ buddhaśāsane / māracaryyāṃ parityajya caradhvaṃ bodhicārikāṃ

Sanskrit only: no published translation is held for this verse.

यः सत्वहितार्थेन बोधिचर्यां चरिष्यति । स सम्यग् बोधिम् आसाद्य संबुद्धपदम् आप्स्यति

yaḥ satvahitārthena bodhicaryāṃ cariṣyati / sa samyag bodhim āsādya saṃbuddhapadam āpsyati

Sanskrit only: no published translation is held for this verse.

एवं मत्वात्र संसारे सर्वे यूयं समाहिताः । त्रिरत्नभजनं कृत्वा चरध्वं बोधिसंवरं

evaṃ matvātra saṃsāre sarve yūyaṃ samāhitāḥ / triratnabhajanaṃ kṛtvā caradhvaṃ bodhisaṃvaraṃ

Sanskrit only: no published translation is held for this verse.

ये त्रिरत्नं भजन्त्य् अत्र न ते गछंति दुर्गतिं । सदा सद्गतिसंयाताः क्रमाद् बोधिम् अवाप्नुयुः

ye triratnaṃ bhajanty atra na te gachaṃti durgatiṃ / sadā sadgatisaṃyātāḥ kramād bodhim avāpnuyuḥ

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा सर्वे ऽपि ते ऽमराः । सत्यम् एव परिज्ञाय प्राभ्यनन्दन् प्रबोधिताः

ity ādiṣṭaṃ munīndreṇa śrutvā sarve 'pi te 'marāḥ / satyam eva parijñāya prābhyanandan prabodhitāḥ

Sanskrit only: no published translation is held for this verse.

ततः शक्रः समुत्थाय कृतांजलिः । भगवंतं तम् आनम्य प्रार्थयद् एवम् आदरात्

tataḥ śakraḥ samutthāya kṛtāṃjaliḥ / bhagavaṃtaṃ tam ānamya prārthayad evam ādarāt

Sanskrit only: no published translation is held for this verse.

भगवन् नाथ सर्वज्ञ सर्वदेह सुरालये । सद्धर्मं नः समादिश्य भवन् विहर्तुम् अर्हति

bhagavan nātha sarvajña sarvadeha surālaye / saddharmaṃ naḥ samādiśya bhavan vihartum arhati

Sanskrit only: no published translation is held for this verse.

वयं सर्वे सुरा नित्यं भवतां शरणं गताः । सद्धर्मं सर्वदाकर्ण्य चरिष्यामः शुभां चरिं

vayaṃ sarve surā nityaṃ bhavatāṃ śaraṇaṃ gatāḥ / saddharmaṃ sarvadākarṇya cariṣyāmaḥ śubhāṃ cariṃ

Sanskrit only: no published translation is held for this verse.

ततः सापि महामायादेवि माता समुत्थिता । उपेत्य सांजलिर् नत्वा भगवन्तं तम् अब्रवीत्

tataḥ sāpi mahāmāyādevi mātā samutthitā / upetya sāṃjalir natvā bhagavantaṃ tam abravīt

Sanskrit only: no published translation is held for this verse.

धन्यो ऽसि यत् त्वया पुत्र प्रतिज्ञातं यथापुरा । तथा त्वं पूर्यते सर्वं सर्वार्थसिद्धिर् अस्तु ते

dhanyo 'si yat tvayā putra pratijñātaṃ yathāpurā / tathā tvaṃ pūryate sarvaṃ sarvārthasiddhir astu te

Sanskrit only: no published translation is held for this verse.

सदात्र देवलोकानां हितार्थे च प्रबोधयन् । सद्धर्मं समुपादिश्य विहर संप्रभासयन्

sadātra devalokānāṃ hitārthe ca prabodhayan / saddharmaṃ samupādiśya vihara saṃprabhāsayan

Sanskrit only: no published translation is held for this verse.

इति मात्रार्थितं श्रुत्वा भगवान् स जगद्गुरुः । जननीं तां सभां चापि समालोक्यैवम् आदिशत्

iti mātrārthitaṃ śrutvā bhagavān sa jagadguruḥ / jananīṃ tāṃ sabhāṃ cāpi samālokyaivam ādiśat

Sanskrit only: no published translation is held for this verse.

मातर् नैकहितार्थेनबोधिचर्यां दधामि हि । सर्वेषाम् अपि सत्वानां हितार्थे ऽहं जिनो भवे

mātar naikahitārthenabodhicaryāṃ dadhāmi hi / sarveṣām api satvānāṃ hitārthe 'haṃ jino bhave

Sanskrit only: no published translation is held for this verse.

तद् अत्र सर्वदा नैवं तिष्ठेयं त्रिदशैः सह । वर्षा मासत्रयं स्थातुम् इछामि धर्मम् आदिशन्

tad atra sarvadā naivaṃ tiṣṭheyaṃ tridaśaiḥ saha / varṣā māsatrayaṃ sthātum ichāmi dharmam ādiśan

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा सा जननी मुदा । तथास्त्व् इति प्रभाषित्वा प्राभ्यनंदत् प्रबोधिता

ity ādiṣṭaṃ munīndreṇa śrutvā sā jananī mudā / tathāstv iti prabhāṣitvā prābhyanaṃdat prabodhitā

Sanskrit only: no published translation is held for this verse.

तथा स भगवान्स् तत्र बोधिचर्यां प्रकाशयन् । सद्धर्मं समुपादिश्य तस्थौ मासत्रयं दिवि

tathā sa bhagavāns tatra bodhicaryāṃ prakāśayan / saddharmaṃ samupādiśya tasthau māsatrayaṃ divi

Sanskrit only: no published translation is held for this verse.

सर्वशक्रादयो देवास् त्रिरत्नशरणं गताः । सत्कृत्य श्रद्धया नित्यं धर्मं श्रुत्वा प्रभेजिरे

sarvaśakrādayo devās triratnaśaraṇaṃ gatāḥ / satkṛtya śraddhayā nityaṃ dharmaṃ śrutvā prabhejire

Sanskrit only: no published translation is held for this verse.

तदा तत्र सदा स्वर्गे मंगलं निरुपद्रवं । सद्धर्मसाधनोत्साहं प्रावर्त्तते समंततः

tadā tatra sadā svarge maṃgalaṃ nirupadravaṃ / saddharmasādhanotsāhaṃ prāvarttate samaṃtataḥ

Sanskrit only: no published translation is held for this verse.

तस्मिंश् चा समये तत्र स्रावस्त्या वहिर् आश्रमे । जेतोद्याने विहारे स मौद्गल्यायन आश्रयत्

tasmiṃś cā samaye tatra srāvastyā vahir āśrame / jetodyāne vihāre sa maudgalyāyana āśrayat

Sanskrit only: no published translation is held for this verse.

तदा ते सांघिकाः सर्वे तं मौद्गल्यायनं यतिं । विहारे संस्थितं दृष्ट्वा धर्मं श्रोतुं समीछिरे

tadā te sāṃghikāḥ sarve taṃ maudgalyāyanaṃ yatiṃ / vihāre saṃsthitaṃ dṛṣṭvā dharmaṃ śrotuṃ samīchire

Sanskrit only: no published translation is held for this verse.

ततस् ते सांघिकाः सर्वे लोकाश् चान्ये ऽपि सज्जनाः । तत् सद्धर्मदेशनां श्रोतुं मुदिताः समुपाचरन्

tatas te sāṃghikāḥ sarve lokāś cānye 'pi sajjanāḥ / tat saddharmadeśanāṃ śrotuṃ muditāḥ samupācaran

Sanskrit only: no published translation is held for this verse.

तत्र सर्वे ऽपि ते लोकास् तं मौद्गल्यायनं गुरुं । समभ्यर्च्य समानम्य धर्मं श्रोतु]म् उपाश्रयन्

tatra sarve 'pi te lokās taṃ maudgalyāyanaṃ guruṃ / samabhyarcya samānamya dharmaṃ śrotu]m upāśrayan

Sanskrit only: no published translation is held for this verse.

तान् दृष्ट्वा समुपासीनान् स मौद्गल्यो जिनात्मजः । आदिमध्यांतकल्याणं दिदेश धर्मम् उत्तमं

tān dṛṣṭvā samupāsīnān sa maudgalyo jinātmajaḥ / ādimadhyāṃtakalyāṇaṃ dideśa dharmam uttamaṃ

Sanskrit only: no published translation is held for this verse.

तत् सद्धर्मामृतं पीत्वा सर्वे लोकाश् च सांघिकाः । सद्धर्म्मसाधनोद्युक्ता वभूवुः परिबोधिताः

tat saddharmāmṛtaṃ pītvā sarve lokāś ca sāṃghikāḥ / saddharmmasādhanodyuktā vabhūvuḥ paribodhitāḥ

Sanskrit only: no published translation is held for this verse.

अथ ते भिक्षवः सर्वे कृतांजलिः पुटो मुदा । तं मौद्गल्यायनं नत्वा पप्रछुर् एवम् आदरात्

atha te bhikṣavaḥ sarve kṛtāṃjaliḥ puṭo mudā / taṃ maudgalyāyanaṃ natvā paprachur evam ādarāt

Sanskrit only: no published translation is held for this verse.

भदन्त भगवं छास्ता कुत्रेदानीं समाश्रितः । सद्धर्मं समुपादिश्य विहरति न मन्यते

bhadanta bhagavaṃ chāstā kutredānīṃ samāśritaḥ / saddharmaṃ samupādiśya viharati na manyate

Sanskrit only: no published translation is held for this verse.

तद् अस्माकं मनान्स्य् अत्र भगवाञ् छास्ता यतः स्थितः । तत् सत्यं समुपादिश्य प्रबोधयितुम् अर्हति

tad asmākaṃ manānsy atra bhagavāñ chāstā yataḥ sthitaḥ / tat satyaṃ samupādiśya prabodhayitum arhati

Sanskrit only: no published translation is held for this verse.

इति तैः प्रार्थितं श्रुत्वा स मौद्गल्यायनः सुधीः । सर्वान्स् तान् संघिकान् भिक्षून् समालोक्यैवम् अब्रवीत्

iti taiḥ prārthitaṃ śrutvā sa maudgalyāyanaḥ sudhīḥ / sarvāns tān saṃghikān bhikṣūn samālokyaivam abravīt

Sanskrit only: no published translation is held for this verse.

श्रुतं मया भवन्तो ऽसौ भगवाञ् छास्ता ऽधुना दिवि । ततो मातुः सुराणां चा तिष्ठते धर्मम् आदिशत्

śrutaṃ mayā bhavanto 'sau bhagavāñ chāstā 'dhunā divi / tato mātuḥ surāṇāṃ cā tiṣṭhate dharmam ādiśat

Sanskrit only: no published translation is held for this verse.

ततो वर्षात्रिमासान्ते भगवान् स जगद्गुरुः । अत्र लोकहितं कर्तुम् अवतरेत् स्वयं खलु

tato varṣātrimāsānte bhagavān sa jagadguruḥ / atra lokahitaṃ kartum avataret svayaṃ khalu

Sanskrit only: no published translation is held for this verse.

इति तेनार्हताख्यातं श्रुत्वा ते सांघिका जनाः । सर्वे ऽप्य् ऽभ्यनुमोदन्तः स्वस्वालयं समाचरन्

iti tenārhatākhyātaṃ śrutvā te sāṃghikā janāḥ / sarve 'py 'bhyanumodantaḥ svasvālayaṃ samācaran

Sanskrit only: no published translation is held for this verse.

सदा ते सांघिकास् तस्य मौद्गल्यस्य महामतेः । सद्धर्मं सर्वदाकर्ण्य भजन्तः समुपाश्रयन्

sadā te sāṃghikās tasya maudgalyasya mahāmateḥ / saddharmaṃ sarvadākarṇya bhajantaḥ samupāśrayan

Sanskrit only: no published translation is held for this verse.

ततो वर्षात्रिमासान्ते सर्वे ते सांघिका जनाः । अपि तं मौद्गल्यम् आनत्वा प्रार्थयद् एवम् आदरात्

tato varṣātrimāsānte sarve te sāṃghikā janāḥ / api taṃ maudgalyam ānatvā prārthayad evam ādarāt

Sanskrit only: no published translation is held for this verse.

भवन्तात्र भवाञ् छास्ता विजानीयाज् जगद्गुरोः । द्रष्टुम् इछामहे शास्तुः सद्धर्मं तृषिता वयं

bhavantātra bhavāñ chāstā vijānīyāj jagadguroḥ / draṣṭum ichāmahe śāstuḥ saddharmaṃ tṛṣitā vayaṃ

Sanskrit only: no published translation is held for this verse.

चिरदृष्टो यद् अस्माभिर् भगवां स मुनीश्वरः । तद् अस्याग्रमुनीन्द्रस्य दर्शनं दातुम् अर्हति

ciradṛṣṭo yad asmābhir bhagavāṃ sa munīśvaraḥ / tad asyāgramunīndrasya darśanaṃ dātum arhati

Sanskrit only: no published translation is held for this verse.

तद् अस्मदनुकम्पार्थं भवन् ऋद्धिप्रभावतः । गत्वा स्वर्गे मुनीन्द्रस्य सहसा समुपक्रमेत्

tad asmadanukampārthaṃ bhavan ṛddhiprabhāvataḥ / gatvā svarge munīndrasya sahasā samupakramet

Sanskrit only: no published translation is held for this verse.

तत्र गत्वा भवाच् छास्तुर् मुनीन्द्रस्य जगद्गुरोः । अस्माकं वचनैश् चापि वंदतां चरणाम्बुजौ

tatra gatvā bhavāc chāstur munīndrasya jagadguroḥ / asmākaṃ vacanaiś cāpi vaṃdatāṃ caraṇāmbujau

Sanskrit only: no published translation is held for this verse.

देहे च कौशलं सौख्यं पृछतां वचनैश् च नः । एवं चापि पुरः शास्तुर् निवेदितुं समर्हति

dehe ca kauśalaṃ saukhyaṃ pṛchatāṃ vacanaiś ca naḥ / evaṃ cāpi puraḥ śāstur nivedituṃ samarhati

Sanskrit only: no published translation is held for this verse.

भगवं नाथ सर्वज्ञ ते जाम्बूद्वीपिका नराः । भवन्तं द्रष्टुम् इछन्ति सद्धर्मामृतलालसाः

bhagavaṃ nātha sarvajña te jāmbūdvīpikā narāḥ / bhavantaṃ draṣṭum ichanti saddharmāmṛtalālasāḥ

Sanskrit only: no published translation is held for this verse.

यद् भवान् सर्वसत्वानां हितं कर्तुं समुद्यतः । तद् भगवान् मनुष्याणां धर्मम् आदेष्टुम् अर्हति

yad bhavān sarvasatvānāṃ hitaṃ kartuṃ samudyataḥ / tad bhagavān manuṣyāṇāṃ dharmam ādeṣṭum arhati

Sanskrit only: no published translation is held for this verse.

नराः स्वर्गे समागंतुं शक्नुवन्ति न के चन । देवास् तु सर्वलोकेषु प्रचरन्ति यथेछया

narāḥ svarge samāgaṃtuṃ śaknuvanti na ke cana / devās tu sarvalokeṣu pracaranti yathechayā

Sanskrit only: no published translation is held for this verse.

तद् भगवान् मनुष्याणां हितार्थायानुकम्पया । सद्धर्मं समुपादेष्टुं जम्बुद्वीपम् अवातरेत्

tad bhagavān manuṣyāṇāṃ hitārthāyānukampayā / saddharmaṃ samupādeṣṭuṃ jambudvīpam avātaret

Sanskrit only: no published translation is held for this verse.

वयं सर्वे सदा नित्यं भवतां शरणं गताः । सत्कृत्य श्रद्धया धर्म्मं श्रुत्वा संप्रभजेमहि

vayaṃ sarve sadā nityaṃ bhavatāṃ śaraṇaṃ gatāḥ / satkṛtya śraddhayā dharmmaṃ śrutvā saṃprabhajemahi

Sanskrit only: no published translation is held for this verse.

एवं शास्तर् महाविज्ञ गत्वा तत्र सुरालये । भगवंतं जगन्नाथं संप्रार्थ्येह समानय

evaṃ śāstar mahāvijña gatvā tatra surālaye / bhagavaṃtaṃ jagannāthaṃ saṃprārthyeha samānaya

Sanskrit only: no published translation is held for this verse.

इति तैः प्रार्थितैः श्रुत्वा स मौद्गल्यो महार्द्धिमान् । एवम् इति प्रतिज्ञाय तूष्णीभूत्वाध्युवास तत्

iti taiḥ prārthitaiḥ śrutvā sa maudgalyo mahārddhimān / evam iti pratijñāya tūṣṇībhūtvādhyuvāsa tat

Sanskrit only: no published translation is held for this verse.

अथ ते सांघिकाः सर्वे लोकाश् चापि महात्मना । तेनाधिवासितं मत्वा मुदिताः स्वस्वालयं ययुः

atha te sāṃghikāḥ sarve lokāś cāpi mahātmanā / tenādhivāsitaṃ matvā muditāḥ svasvālayaṃ yayuḥ

Sanskrit only: no published translation is held for this verse.

अथ सो ऽर्हं महाभिज्ञो मौद्गल्यन आत्मवित् । स्वर्गे गंतुं समाधाय समाधिं विदधे क्षणं

atha so 'rhaṃ mahābhijño maudgalyana ātmavit / svarge gaṃtuṃ samādhāya samādhiṃ vidadhe kṣaṇaṃ

Sanskrit only: no published translation is held for this verse.

ततः स ऋद्धिवीर्येण सुपर्ण इव खे ऽगमत् । भासयन् सहसा गत्वा दिवि शास्तुर् उपाचरत्

tataḥ sa ṛddhivīryeṇa suparṇa iva khe 'gamat / bhāsayan sahasā gatvā divi śāstur upācarat

Sanskrit only: no published translation is held for this verse.

तत्र तं समुपायातं दृष्ट्वा स भगवान् मुदा । स्वागतं प्रेहि मौद्गल्य निषीदेति समब्रवीत्

tatra taṃ samupāyātaṃ dṛṣṭvā sa bhagavān mudā / svāgataṃ prehi maudgalya niṣīdeti samabravīt

Sanskrit only: no published translation is held for this verse.

इत्य् आदिष्टे मुनीन्द्रेण स मौद्गल्यः प्रमोदितः । साञ्जलिः पादयोः शास्तुः प्रणत्वैवं समब्रवीत्

ity ādiṣṭe munīndreṇa sa maudgalyaḥ pramoditaḥ / sāñjaliḥ pādayoḥ śāstuḥ praṇatvaivaṃ samabravīt

Sanskrit only: no published translation is held for this verse.

भगवन् नाथ सर्वज्ञ प्रागतो ऽहं मुदा दिवि । भवतां दर्शनं कर्तुं तत् प्रसीद दयानिधे

bhagavan nātha sarvajña prāgato 'haṃ mudā divi / bhavatāṃ darśanaṃ kartuṃ tat prasīda dayānidhe

Sanskrit only: no published translation is held for this verse.

कच्चित् ते कुशलं शास्तः किञ्चिद् वाधापि नैव हि । यात्रा सुखं वलं वीर्यं कच्चित् काये न चान्यथा

kaccit te kuśalaṃ śāstaḥ kiñcid vādhāpi naiva hi / yātrā sukhaṃ valaṃ vīryaṃ kaccit kāye na cānyathā

Sanskrit only: no published translation is held for this verse.

भवान् अपि विजानीयाद् यदर्थे ऽहम् इहागतः । तथापि भगवन्न् अत्र विज्ञापयेय सर्वथा

bhavān api vijānīyād yadarthe 'ham ihāgataḥ / tathāpi bhagavann atra vijñāpayeya sarvathā

Sanskrit only: no published translation is held for this verse.

भवतां सांघिकैः सर्वैर् लोकैश् चापि महाजनैः । भवन्तं द्रष्टुम् इछद्भिः प्रेषितो ऽहम् इहागतः

bhavatāṃ sāṃghikaiḥ sarvair lokaiś cāpi mahājanaiḥ / bhavantaṃ draṣṭum ichadbhiḥ preṣito 'ham ihāgataḥ

Sanskrit only: no published translation is held for this verse.

ते सर्वे सांघिका लोका भवतां चरणाम्बुजे । वन्दन्ति कौशलं काये परिपृछन्ति चादरात्

te sarve sāṃghikā lokā bhavatāṃ caraṇāmbuje / vandanti kauśalaṃ kāye paripṛchanti cādarāt

Sanskrit only: no published translation is held for this verse.

एवं चापि वदन्ते ते सर्वे लोकाश् च सांघिकाः । सद्धर्मश्रवणोत्साहरहिता विकलाशयाः

evaṃ cāpi vadante te sarve lokāś ca sāṃghikāḥ / saddharmaśravaṇotsāharahitā vikalāśayāḥ

Sanskrit only: no published translation is held for this verse.

भगवान् सर्वसत्वानां हितार्थे बोधिम् आप्तवान् । तत् तथात्र मनुष्याणां धर्मम् आदेष्टुम् अर्हति

bhagavān sarvasatvānāṃ hitārthe bodhim āptavān / tat tathātra manuṣyāṇāṃ dharmam ādeṣṭum arhati

Sanskrit only: no published translation is held for this verse.

ततः स्वर्गे समागंतुं शक्नुवन्ति न के चन । देवास् तु सर्वलोकेषु प्रचरन्ति यथेछया

tataḥ svarge samāgaṃtuṃ śaknuvanti na ke cana / devās tu sarvalokeṣu pracaranti yathechayā

Sanskrit only: no published translation is held for this verse.

सद्धर्मं समुपादेष्टुं जम्बूद्वीपम् अवातरेत्

saddharmaṃ samupādeṣṭuṃ jambūdvīpam avātaret

Sanskrit only: no published translation is held for this verse.

वयं सर्वे सदा नित्यं भवतां शरणं गताः । सत्कृत्य श्रद्धया धर्मं श्रुत्वा संप्रभजेमहि

vayaṃ sarve sadā nityaṃ bhavatāṃ śaraṇaṃ gatāḥ / satkṛtya śraddhayā dharmaṃ śrutvā saṃprabhajemahi

Sanskrit only: no published translation is held for this verse.

एवम् अस्मद्वचोभिस् त्वं गत्वा तत्र सुरालये । भगवंतं जगन्नाथं संप्रार्थ्येह समानय

evam asmadvacobhis tvaṃ gatvā tatra surālaye / bhagavaṃtaṃ jagannāthaṃ saṃprārthyeha samānaya

Sanskrit only: no published translation is held for this verse.

इति तैः प्रार्थ्यमाने ऽहं तथेति प्रतिबोधितः । भवतां विज्ञापनां कर्तुं सहसा समुपाचरे

iti taiḥ prārthyamāne 'haṃ tatheti pratibodhitaḥ / bhavatāṃ vijñāpanāṃ kartuṃ sahasā samupācare

Sanskrit only: no published translation is held for this verse.

तद् भगवन् मनुष्याणां हितानुकम्पयाधुना । सद्धर्मं समुपादेष्टुं भुव्य् एव तर्त्तुम् अर्हति

tad bhagavan manuṣyāṇāṃ hitānukampayādhunā / saddharmaṃ samupādeṣṭuṃ bhuvy eva tarttum arhati

Sanskrit only: no published translation is held for this verse.

इति तेनार्थितं श्रुत्वा भगवान् स मुनीश्वरः । तं मौद्गल्यायनं दृष्ट्वा तूष्णीभूत्वाध्युवास तत्

iti tenārthitaṃ śrutvā bhagavān sa munīśvaraḥ / taṃ maudgalyāyanaṃ dṛṣṭvā tūṣṇībhūtvādhyuvāsa tat

Sanskrit only: no published translation is held for this verse.

तस्मिंश् च समये तत्र सर्वे शक्रादयो ऽमराः । सद्धर्मम् श्रवणोत्साहाः समागाताः समंततः

tasmiṃś ca samaye tatra sarve śakrādayo 'marāḥ / saddharmam śravaṇotsāhāḥ samāgātāḥ samaṃtataḥ

Sanskrit only: no published translation is held for this verse.

कृत्वा पूजां मुनीन्द्रस्य प्रणत्वा चरणाम्बुजे । परिवृत्य पुरस्कृत्य धर्मं श्रोतुम् उपाश्रयन्

kṛtvā pūjāṃ munīndrasya praṇatvā caraṇāmbuje / parivṛtya puraskṛtya dharmaṃ śrotum upāśrayan

Sanskrit only: no published translation is held for this verse.

तदा स भगवान् दृष्ट्वा तान् सर्वन् समुपाश्रितान् । आर्यसत्यं समारभ्य सद्धर्मं समुपादिशत्

tadā sa bhagavān dṛṣṭvā tān sarvan samupāśritān / āryasatyaṃ samārabhya saddharmaṃ samupādiśat

Sanskrit only: no published translation is held for this verse.

तत् सद्धर्मामृतं पीत्वा सर्वे शक्रादयो ऽपि ते । देवाः संहर्षिता बोधिचर्याभिवाञ्छितो ऽभवन्

tat saddharmāmṛtaṃ pītvā sarve śakrādayo 'pi te / devāḥ saṃharṣitā bodhicaryābhivāñchito 'bhavan

Sanskrit only: no published translation is held for this verse.

तत् समीक्ष्य स मौद्गल्यः किञ्चिद् विहसितो मुदा । भगवंतं मुनीन्द्रं तं दृष्ट्वैवं समचिंतयत्

tat samīkṣya sa maudgalyaḥ kiñcid vihasito mudā / bhagavaṃtaṃ munīndraṃ taṃ dṛṣṭvaivaṃ samaciṃtayat

Sanskrit only: no published translation is held for this verse.

इहापि भगवान्न् एवं समाकीर्णसभाश्रितः । सद्धर्मं समुपादिश्य विहरति यथाभुवि

ihāpi bhagavānn evaṃ samākīrṇasabhāśritaḥ / saddharmaṃ samupādiśya viharati yathābhuvi

Sanskrit only: no published translation is held for this verse.

अथ स भगवांस् तस्य मौद्गल्यस्य महामतेः । मनश्चिन्तितम् आज्ञाय तं मौद्गल्यं समब्रवीत्

atha sa bhagavāṃs tasya maudgalyasya mahāmateḥ / manaścintitam ājñāya taṃ maudgalyaṃ samabravīt

Sanskrit only: no published translation is held for this verse.

न मे मौद्गल्य सत्कारवंधितं भवते मनः । अपि त्व् अहं यथेछामि तथा सर्वं समृद्ध्यति

na me maudgalya satkāravaṃdhitaṃ bhavate manaḥ / api tv ahaṃ yathechāmi tathā sarvaṃ samṛddhyati

Sanskrit only: no published translation is held for this verse.

आयान्त्व् इहामराः सर्वे इति मया यदेच्छ्यते । तदा सर्व इमे देवा आगछंति समंततः

āyāntv ihāmarāḥ sarve iti mayā yadecchyate / tadā sarva ime devā āgachaṃti samaṃtataḥ

Sanskrit only: no published translation is held for this verse.

गछन्तु च सुराः सर्वे इति मया यदेह्यते । तदा सर्व इमे देवा गछंति च स्वम् आलयं

gachantu ca surāḥ sarve iti mayā yadehyate / tadā sarva ime devā gachaṃti ca svam ālayaṃ

Sanskrit only: no published translation is held for this verse.

एवं मे सर्वकार्येषु मनो ऽभिलषितं यथा । तथात्र सर्वकार्याणि सिद्ध्यंते हि सदा तदा

evaṃ me sarvakāryeṣu mano 'bhilaṣitaṃ yathā / tathātra sarvakāryāṇi siddhyaṃte hi sadā tadā

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा मौद्गल्य आत्मवित् । शास्तुः पादाम्बुजौ नत्वा सांजलिः समुपाश्रयत्

ity ādiṣṭaṃ munīndreṇa śrutvā maudgalya ātmavit / śāstuḥ pādāmbujau natvā sāṃjaliḥ samupāśrayat

Sanskrit only: no published translation is held for this verse.

ततः सभां सुरां कीर्णां स मौद्गल्यायनो यतिः । तार सर्वां संनिरीक्ष्यैवं भगवन्तम् अभाषत

tataḥ sabhāṃ surāṃ kīrṇāṃ sa maudgalyāyano yatiḥ / tāra sarvāṃ saṃnirīkṣyaivaṃ bhagavantam abhāṣata

Sanskrit only: no published translation is held for this verse.

विचित्रा भगवन् देवापर्षद् इयं विराजते । नूनम् इमे सुराः सर्वे संबुद्धपदलाभिनः

vicitrā bhagavan devāparṣad iyaṃ virājate / nūnam ime surāḥ sarve saṃbuddhapadalābhinaḥ

Sanskrit only: no published translation is held for this verse.

सन्ति ह्य् अस्यां सभायां ये संबुद्धे संप्रसादिताः । कायभेदाद् इहोत्पन्नास् ते संबोधिलाभिनः

santi hy asyāṃ sabhāyāṃ ye saṃbuddhe saṃprasāditāḥ / kāyabhedād ihotpannās te saṃbodhilābhinaḥ

Sanskrit only: no published translation is held for this verse.

सन्ति धर्मे प्रसन्ना ये आर्यशीलैः समन्विताः । कायभेदाद् इहोत्पन्नास् ते ऽपि संबोधिलाभिनः

santi dharme prasannā ye āryaśīlaiḥ samanvitāḥ / kāyabhedād ihotpannās te 'pi saṃbodhilābhinaḥ

Sanskrit only: no published translation is held for this verse.

सन्ति संघे प्रसन्ना ये आर्यधर्मानुचारिणः । कायभेदाद् इहोत्पन्नास् ते ऽपि संबोधिलाभिनः

santi saṃghe prasannā ye āryadharmānucāriṇaḥ / kāyabhedād ihotpannās te 'pi saṃbodhilābhinaḥ

Sanskrit only: no published translation is held for this verse.

इति मौद्गल्यसंप्रोक्तं श्रुत्वा स भगवांस् तथा । तं मौद्गल्यायनं दृष्ट्वानुवर्णयन् सामादिशत्

iti maudgalyasaṃproktaṃ śrutvā sa bhagavāṃs tathā / taṃ maudgalyāyanaṃ dṛṣṭvānuvarṇayan sāmādiśat

Sanskrit only: no published translation is held for this verse.

एवम् एतद् धि मौद्गल्य विचित्रेयं महासभा । सुरेन्द्रप्रमुखा देवा यत्र सन्ति प्रमोदिताः

evam etad dhi maudgalya vicitreyaṃ mahāsabhā / surendrapramukhā devā yatra santi pramoditāḥ

Sanskrit only: no published translation is held for this verse.

सन्ति बुद्धे प्रसन्ना ये संबोधिसाधनोत्सहाः । कायभेदाद् इहोत्पन्नास् ते संबोधिपदोन्मुखाः

santi buddhe prasannā ye saṃbodhisādhanotsahāḥ / kāyabhedād ihotpannās te saṃbodhipadonmukhāḥ

Sanskrit only: no published translation is held for this verse.

सन्ति धर्मे प्रसन्ना ये आर्यशीलसमाचराः । कायभेदाद् इहोत्पन्नास् ते ऽपि संबोधिगामिनः

santi dharme prasannā ye āryaśīlasamācarāḥ / kāyabhedād ihotpannās te 'pi saṃbodhigāminaḥ

Sanskrit only: no published translation is held for this verse.

संति संघे प्रसन्ना ये आर्यसत्यसमन्विताः । कायभेदाद् इहोत्पन्नास् ते ऽपि संबोधिलाभिनः

saṃti saṃghe prasannā ye āryasatyasamanvitāḥ / kāyabhedād ihotpannās te 'pi saṃbodhilābhinaḥ

Sanskrit only: no published translation is held for this verse.

एवं शास्त्रा समाख्यातं श्रुत्वा देवाधिपो ऽपि सः । भगवंतं समालोक्य मौद्गल्यं च तथाब्रवीत्

evaṃ śāstrā samākhyātaṃ śrutvā devādhipo 'pi saḥ / bhagavaṃtaṃ samālokya maudgalyaṃ ca tathābravīt

Sanskrit only: no published translation is held for this verse.

विचित्रा भगवन् देवपर्षद् इयं विराजते । यत्र सन्ति महासत्वाः संबोधिसाधनोद्यताः

vicitrā bhagavan devaparṣad iyaṃ virājate / yatra santi mahāsatvāḥ saṃbodhisādhanodyatāḥ

Sanskrit only: no published translation is held for this verse.

सन्ति बुद्धे प्रसन्ना ये श्रद्धया शरणं गताः । कायभेदाद् इहोत्पन्नास् ते संबुद्धपदलाभिनः

santi buddhe prasannā ye śraddhayā śaraṇaṃ gatāḥ / kāyabhedād ihotpannās te saṃbuddhapadalābhinaḥ

Sanskrit only: no published translation is held for this verse.

संति धर्मे प्रसन्ना ये श्रद्धया शरणं गताः । कायभेदाद् इहोत्पन्नास् ते संबुद्धपदलाभिनः

saṃti dharme prasannā ye śraddhayā śaraṇaṃ gatāḥ / kāyabhedād ihotpannās te saṃbuddhapadalābhinaḥ

Sanskrit only: no published translation is held for this verse.

सन्ति धर्मे प्रसन्ना ये श्रद्धया शरणं गताः । कायभेदाद् इहोत्पन्नास् ते ऽपि संबोधिलाभिनः

santi dharme prasannā ye śraddhayā śaraṇaṃ gatāḥ / kāyabhedād ihotpannās te 'pi saṃbodhilābhinaḥ

Sanskrit only: no published translation is held for this verse.

संति संघे प्रसन्ना ये श्रद्धया शरणं गताः । कायभेदाद् इहोत्पन्नास् ते ऽपि संबोधिलाभिनः

saṃti saṃghe prasannā ye śraddhayā śaraṇaṃ gatāḥ / kāyabhedād ihotpannās te 'pi saṃbodhilābhinaḥ

Sanskrit only: no published translation is held for this verse.

इति देवाधिपाख्यातं श्रुत्वान्यापि सुरात्मजः । मौद्गल्यं श्रीघनं चापि शक्रं चैक्ष्यैवम् अब्रवीत्

iti devādhipākhyātaṃ śrutvānyāpi surātmajaḥ / maudgalyaṃ śrīghanaṃ cāpi śakraṃ caikṣyaivam abravīt

Sanskrit only: no published translation is held for this verse.

विचित्रेयं महासत्व देवसभा विराजते । सन्ति यत्र महात्मानः संबोधिसाधोद्यताः

vicitreyaṃ mahāsatva devasabhā virājate / santi yatra mahātmānaḥ saṃbodhisādhodyatāḥ

Sanskrit only: no published translation is held for this verse.

सन्ति संघे प्रसन्ना ये सत्कृत्य प्रभजन्ति ते । देहभेदाद् इहोत्पन्ना भवंति बोधिलाभिनः

santi saṃghe prasannā ye satkṛtya prabhajanti te / dehabhedād ihotpannā bhavaṃti bodhilābhinaḥ

Sanskrit only: no published translation is held for this verse.

सन्ति धर्मे प्रसन्ना ये भजन्ति श्रद्धया मुदा । देहभेदाद् इहोत्पन्नास् ते ऽपि संबोधिलाभिनः

santi dharme prasannā ye bhajanti śraddhayā mudā / dehabhedād ihotpannās te 'pi saṃbodhilābhinaḥ

Sanskrit only: no published translation is held for this verse.