तत उत्थाय सा क्षेमा कन्यापि सहसा पितुः । उपेत्य चरणौ नत्वा सांजलिर् एवम् अब्रवीत्
tata utthāya sā kṣemā kanyāpi sahasā pituḥ / upetya caraṇau natvā sāṃjalir evam abravīt
Sanskrit only: no published translation is held for this verse.
Ratnamālāvadāna 33
तात कामार्थिनी नाहम् अपि तु सद्गुणार्थिनी । सद्गुणां साधयिष्यामि तद् अनुज्ञां ददातु मे
tāta kāmārthinī nāham api tu sadguṇārthinī / sadguṇāṃ sādhayiṣyāmi tad anujñāṃ dadātu me
Sanskrit only: no published translation is held for this verse.
यद् अहं शासने बौद्धे प्रव्रजित्वा समाहित । ब्रह्मचर्यं समाधाय प्रेछामि चरितुं प्रभो
yad ahaṃ śāsane bauddhe pravrajitvā samāhita / brahmacaryaṃ samādhāya prechāmi carituṃ prabho
Sanskrit only: no published translation is held for this verse.
तद् भवां कृपया तात संबोधिव्रतसाधने । अनुज्ञां संप्रदत्व् मे सर्वथानुग्रहं कुरु
tad bhavāṃ kṛpayā tāta saṃbodhivratasādhane / anujñāṃ saṃpradatv me sarvathānugrahaṃ kuru
Sanskrit only: no published translation is held for this verse.
इत्य् अर्थितं तया पुत्र्या श्रुत्वा स कोशलाधिपः । तां कुमारीं समालोक्य तस्थौ संदिग्धमानसः
ity arthitaṃ tayā putryā śrutvā sa kośalādhipaḥ / tāṃ kumārīṃ samālokya tasthau saṃdigdhamānasaḥ
Sanskrit only: no published translation is held for this verse.
ततः स जनको राजा तां क्षेमां स्वात्मजां प्रियां । बोधयितुं समामंत्र्य समालोक्यैवम् अब्रवीत्
tataḥ sa janako rājā tāṃ kṣemāṃ svātmajāṃ priyāṃ / bodhayituṃ samāmaṃtrya samālokyaivam abravīt
Sanskrit only: no published translation is held for this verse.
नैवं पुत्रि मया कर्तुं शक्यते तत् क्षमस्व मे । यत् ते जन्मनि मे राष्ट्रे क्षेमम् एवं प्रजायते
naivaṃ putri mayā kartuṃ śakyate tat kṣamasva me / yat te janmani me rāṣṭre kṣemam evaṃ prajāyate
Sanskrit only: no published translation is held for this verse.
तदापि त्वं प्रतिज्ञय ब्रह्मदत्तस्य भूपतेः । क्षेमंकराय पुत्राय संकल्पिता मयात्मजे
tadāpi tvaṃ pratijñaya brahmadattasya bhūpateḥ / kṣemaṃkarāya putrāya saṃkalpitā mayātmaje
Sanskrit only: no published translation is held for this verse.
तद् यथा मे प्रतिज्ञातं वचनं पूरयात्मजे । मा कृथाः सर्वथा क्षेमे प्रव्रज्यासाधने मम
tad yathā me pratijñātaṃ vacanaṃ pūrayātmaje / mā kṛthāḥ sarvathā kṣeme pravrajyāsādhane mama
Sanskrit only: no published translation is held for this verse.
यथा मया प्रतिज्ञातं करिष्ये न तद् अन्यथा । मत्वेति मे वचः श्रुत्वा कुलधर्मे चरात्मजे
yathā mayā pratijñātaṃ kariṣye na tad anyathā / matveti me vacaḥ śrutvā kuladharme carātmaje
Sanskrit only: no published translation is held for this verse.
एवं पित्रोदितं श्रुत्वा सा क्षेमा प्रहताशया । उत्थाय स्वालये गत्वा तूष्णीभूता न्यषीदत
evaṃ pitroditaṃ śrutvā sā kṣemā prahatāśayā / utthāya svālaye gatvā tūṣṇībhūtā nyaṣīdata
Sanskrit only: no published translation is held for this verse.
तदा स जनको राजा दूतम् आहूय सादरं । सर्वम् एतत् प्रवृत्तांतं समाख्यायैवम् अब्रवीत्
tadā sa janako rājā dūtam āhūya sādaraṃ / sarvam etat pravṛttāṃtaṃ samākhyāyaivam abravīt
Sanskrit only: no published translation is held for this verse.
गछ साधो नरेन्द्रस्य ब्रह्मदत्तस्य भूपतेः । पुर एतत् प्रवृत्तांतं निवेद्यैवं प्रबोधय
gacha sādho narendrasya brahmadattasya bhūpateḥ / pura etat pravṛttāṃtaṃ nivedyaivaṃ prabodhaya
Sanskrit only: no published translation is held for this verse.
यद् इयं मे सुता क्षेमा प्रव्रजितुं समिछति । तद् इमां सहसागत्वा भवान् आदातुम् अर्हति
yad iyaṃ me sutā kṣemā pravrajituṃ samichati / tad imāṃ sahasāgatvā bhavān ādātum arhati
Sanskrit only: no published translation is held for this verse.
इति राज्ञा समादिष्टं श्रुत्वा पुरः स सादरं । तथेति संप्रतिज्ञाय प्रणत्वा तं ततो ऽचरत्
iti rājñā samādiṣṭaṃ śrutvā puraḥ sa sādaraṃ / tatheti saṃpratijñāya praṇatvā taṃ tato 'carat
Sanskrit only: no published translation is held for this verse.
तत्र स सहसा गत्वा ब्रह्मदत्तस्य भूपतेः । उपेत्य सांजलिर् नत्वा पुर एवं न्यवेदयत्
tatra sa sahasā gatvā brahmadattasya bhūpateḥ / upetya sāṃjalir natvā pura evaṃ nyavedayat
Sanskrit only: no published translation is held for this verse.
जय एव यदर्थे ऽहं प्रेषितो ऽत्र महीभृता । कोशलेन्द्रेण तद् भवां शृणोत्व् एवं ब्रवीति सः
jaya eva yadarthe 'haṃ preṣito 'tra mahībhṛtā / kośalendreṇa tad bhavāṃ śṛṇotv evaṃ bravīti saḥ
Sanskrit only: no published translation is held for this verse.
यद् इयं मे सुता क्षेमा प्रव्रजितुं समिछति । तद् इमां सहसागत्वा भवान् आहर्तुम् अर्हति
yad iyaṃ me sutā kṣemā pravrajituṃ samichati / tad imāṃ sahasāgatvā bhavān āhartum arhati
Sanskrit only: no published translation is held for this verse.
यथा मया प्रतिज्ञातं कर्त्तुं न शक्यते ऽन्यथा । तद् अहं ते कुमाराय दास्यामि स्वात्मजाम् इमां
yathā mayā pratijñātaṃ karttuṃ na śakyate 'nyathā / tad ahaṃ te kumārāya dāsyāmi svātmajām imāṃ
Sanskrit only: no published translation is held for this verse.
एवं तेन नरेंद्रेण समाख्याय भवत्पुरः । प्रेषितो ऽहम् इति ज्ञात्वा तत् तत्रागंतुम् अर्हति
evaṃ tena nareṃdreṇa samākhyāya bhavatpuraḥ / preṣito 'ham iti jñātvā tat tatrāgaṃtum arhati
Sanskrit only: no published translation is held for this verse.
इति तेनोदितं श्रुत्वा ब्रह्मदत्तः स भूपतिः । तं दूतं सहसामंत्र्य पुर एवम् अभाषत
iti tenoditaṃ śrutvā brahmadattaḥ sa bhūpatiḥ / taṃ dūtaṃ sahasāmaṃtrya pura evam abhāṣata
Sanskrit only: no published translation is held for this verse.
एवं चेद् आगमिष्यामि सपुत्रः सप्तमे ऽहं । यत् तत् कृत्यं हि तत् सर्वं कर्त्तव्यम् इति कथ्यतां
evaṃ ced āgamiṣyāmi saputraḥ saptame 'haṃ / yat tat kṛtyaṃ hi tat sarvaṃ karttavyam iti kathyatāṃ
Sanskrit only: no published translation is held for this verse.
इत्य् आदिष्टं नरेंद्रेण ब्रह्मदत्तेन सांजलिः । नत्वा तथेति विज्ञप्य समुत्थाय ततो ऽचरत्
ity ādiṣṭaṃ nareṃdreṇa brahmadattena sāṃjaliḥ / natvā tatheti vijñapya samutthāya tato 'carat
Sanskrit only: no published translation is held for this verse.
तत्र स सहसा गत्वा स्वपुरं समुपाचरन् । नृपतिं सांजलिर् नत्वा पुर एवं न्यवेदयत्
tatra sa sahasā gatvā svapuraṃ samupācaran / nṛpatiṃ sāṃjalir natvā pura evaṃ nyavedayat
Sanskrit only: no published translation is held for this verse.
जय देव यथादिष्टं ब्रह्मदत्तस्य भूपतेः । तथा विज्ञापितं सर्वं तद् उक्तं याच्यते शृणु
jaya deva yathādiṣṭaṃ brahmadattasya bhūpateḥ / tathā vijñāpitaṃ sarvaṃ tad uktaṃ yācyate śṛṇu
Sanskrit only: no published translation is held for this verse.
एवं चेद् आगमिष्यामि सपुत्रः सप्तमे ऽहनि । तद् यत् कृत्यं हि तत् सर्वं साधयितुं त्वम् अर्हसि
evaṃ ced āgamiṣyāmi saputraḥ saptame 'hani / tad yat kṛtyaṃ hi tat sarvaṃ sādhayituṃ tvam arhasi
Sanskrit only: no published translation is held for this verse.
इति तेन नरेन्द्रेण प्रतिज्ञाय निदेशितं । इति सत्यं परिज्ञाय सर्वं कृत्यं प्रकारय
iti tena narendreṇa pratijñāya nideśitaṃ / iti satyaṃ parijñāya sarvaṃ kṛtyaṃ prakāraya
Sanskrit only: no published translation is held for this verse.
इति तेनोदितं श्रुत्वा प्रसेनजित् स भूपतिः । तदर्हसर्वसामग्रीं सहसा समसाधयत्
iti tenoditaṃ śrutvā prasenajit sa bhūpatiḥ / tadarhasarvasāmagrīṃ sahasā samasādhayat
Sanskrit only: no published translation is held for this verse.
तदैतत् सर्ववृत्तांतं श्रुत्वा चा दारिका सुधीः । उद्विग्नमानसा क्षेमा मनसैवं व्यचिंतयत्
tadaitat sarvavṛttāṃtaṃ śrutvā cā dārikā sudhīḥ / udvignamānasā kṣemā manasaivaṃ vyaciṃtayat
Sanskrit only: no published translation is held for this verse.
हा किं मयात्र कर्त्तव्यं विवाहां मे भवे यतः । कामभोगं परित्यज्य वांछामि सौगतव्रतं
hā kiṃ mayātra karttavyaṃ vivāhāṃ me bhave yataḥ / kāmabhogaṃ parityajya vāṃchāmi saugatavrataṃ
Sanskrit only: no published translation is held for this verse.
कामा हि गर्ह्यते सद्भि वर्ण्यते सौगतं व्रतं । तद् अत्र किं करिष्यामि यन् मे न गोचरं व्रते
kāmā hi garhyate sadbhi varṇyate saugataṃ vrataṃ / tad atra kiṃ kariṣyāmi yan me na gocaraṃ vrate
Sanskrit only: no published translation is held for this verse.
धिग् जन्म तस्य संसारे यस्य न गोचरं व्रते । व्रतं विनात्र किं सारं कामभोग्यै गुणैर् अपि
dhig janma tasya saṃsāre yasya na gocaraṃ vrate / vrataṃ vinātra kiṃ sāraṃ kāmabhogyai guṇair api
Sanskrit only: no published translation is held for this verse.
तद् अत्र क्व गमिष्यामि निमग्ना कामपंकिले । को मे त्राता भवेद् अत्र संबुद्धाद् अपरः कृती
tad atra kva gamiṣyāmi nimagnā kāmapaṃkile / ko me trātā bhaved atra saṃbuddhād aparaḥ kṛtī
Sanskrit only: no published translation is held for this verse.
तद् अत्र तं जगन्नाथं सर्वज्ञं सर्वतायिनं । संस्मृत्वा शरणं गत्वा प्रार्थये साधुनादरात्
tad atra taṃ jagannāthaṃ sarvajñaṃ sarvatāyinaṃ / saṃsmṛtvā śaraṇaṃ gatvā prārthaye sādhunādarāt
Sanskrit only: no published translation is held for this verse.
नूनं बुद्धो जगन्नाथो जगच्छास्ता मुनीश्वरः । कृपया मां समालोक्य बुद्धव्रते नियोजयेत्
nūnaṃ buddho jagannātho jagacchāstā munīśvaraḥ / kṛpayā māṃ samālokya buddhavrate niyojayet
Sanskrit only: no published translation is held for this verse.
यदि मे दैवयोगेन व्रतं नैव लभेय हि । संबुद्धशरणोद्भूतं पुण्यं तु लभ्यते ध्रुवं
yadi me daivayogena vrataṃ naiva labheya hi / saṃbuddhaśaraṇodbhūtaṃ puṇyaṃ tu labhyate dhruvaṃ
Sanskrit only: no published translation is held for this verse.
संबुद्धस्मृतिजं पुण्यं न क्षिणोति कदा चन । संबुद्धसंवरं दद्याद् इति प्रज्ञैर् निगद्यते
saṃbuddhasmṛtijaṃ puṇyaṃ na kṣiṇoti kadā cana / saṃbuddhasaṃvaraṃ dadyād iti prajñair nigadyate
Sanskrit only: no published translation is held for this verse.
तद् अहं तं जगन्नाथं स्मृत्वात्र मरणं वरं । न तु कामविषं भोक्ष्ये भोज्ये पुण्यामृतं ध्रुवं
tad ahaṃ taṃ jagannāthaṃ smṛtvātra maraṇaṃ varaṃ / na tu kāmaviṣaṃ bhokṣye bhojye puṇyāmṛtaṃ dhruvaṃ
Sanskrit only: no published translation is held for this verse.
इति निश्चित्य सा क्षेमा स्नात्वा शुद्धाम्वरावृता । शरणपृष्ठम् आरुह्य अभवद् दिन्मुखा स्थिता
iti niścitya sā kṣemā snātvā śuddhāmvarāvṛtā / śaraṇapṛṣṭham āruhya abhavad dinmukhā sthitā
Sanskrit only: no published translation is held for this verse.
जानुभ्यां भुवि संस्थिता कृतांजलिपुटा मुदा । भगवन्तम् अनुस्मृत्वा नत्वैवं प्रार्थयत् त्रिधा
jānubhyāṃ bhuvi saṃsthitā kṛtāṃjalipuṭā mudā / bhagavantam anusmṛtvā natvaivaṃ prārthayat tridhā
Sanskrit only: no published translation is held for this verse.
भगवन् नाथ सर्वज्ञ सर्वसत्वानुकंपक । ब्रह्मचारिन् महाभिज्ञ महर्षे दुरितान्तकः
bhagavan nātha sarvajña sarvasatvānukaṃpaka / brahmacārin mahābhijña maharṣe duritāntakaḥ
Sanskrit only: no published translation is held for this verse.
प्रशमोपायविद् विज्ञ शान्त चित्त महामुने । त्वम् एव हि जगन्नाथ तत् ते ऽहं शरणं व्रजे
praśamopāyavid vijña śānta citta mahāmune / tvam eva hi jagannātha tat te 'haṃ śaraṇaṃ vraje
Sanskrit only: no published translation is held for this verse.
तन् मां भवोदधौ मग्नां कृपयोद्धर्तुम् अर्हति । इति संप्रार्थिते सत्यो कन्यया क्षेमया तया । भगवान् कृपया दृष्ट्या ददर्श तां शुभाशयां
tan māṃ bhavodadhau magnāṃ kṛpayoddhartum arhati / iti saṃprārthite satyo kanyayā kṣemayā tayā / bhagavān kṛpayā dṛṣṭyā dadarśa tāṃ śubhāśayāṃ
Sanskrit only: no published translation is held for this verse.
ततः स भगवान् दृष्ट्वा तां क्षेमां बोधिभाविनीं । ऋद्ध्याकशात् समागत्य तत्र क्षेमान्तिके ययौ
tataḥ sa bhagavān dṛṣṭvā tāṃ kṣemāṃ bodhibhāvinīṃ / ṛddhyākaśāt samāgatya tatra kṣemāntike yayau
Sanskrit only: no published translation is held for this verse.
तत्र तं श्रीघनं दृष्ट्वा सा क्षेमा सहसोत्थिता । प्रज्ञप्य स्वासनं नत्वा सांजलिर् एवम् अब्रवीत्
tatra taṃ śrīghanaṃ dṛṣṭvā sā kṣemā sahasotthitā / prajñapya svāsanaṃ natvā sāṃjalir evam abravīt
Sanskrit only: no published translation is held for this verse.
भगवन् नाथ संबुद्ध प्रविशात्रासने शुभे । प्रसीद कृपयपायान् मां समुद्धर्तुं अर्हसि
bhagavan nātha saṃbuddha praviśātrāsane śubhe / prasīda kṛpayapāyān māṃ samuddhartuṃ arhasi
Sanskrit only: no published translation is held for this verse.
इति तस्यार्थितं श्रुत्वा भगवान् स मुनीश्वरः । तां क्षेमां भद्रिकां कन्यां समालोक्यैवम् आदिशत्
iti tasyārthitaṃ śrutvā bhagavān sa munīśvaraḥ / tāṃ kṣemāṃ bhadrikāṃ kanyāṃ samālokyaivam ādiśat
Sanskrit only: no published translation is held for this verse.
मा भैषि भद्रिके कन्ये त्वदीहितं समृध्यति । तथा मे शरणं गत्वा चर शुभे समाहिता
mā bhaiṣi bhadrike kanye tvadīhitaṃ samṛdhyati / tathā me śaraṇaṃ gatvā cara śubhe samāhitā
Sanskrit only: no published translation is held for this verse.
इत्य् आदिश्य पुनस् तस्याः संबोधिपदसाधनं । आर्य्यसत्यं समारभ्य सद्धर्मं समुपादिशत्
ity ādiśya punas tasyāḥ saṃbodhipadasādhanaṃ / āryyasatyaṃ samārabhya saddharmaṃ samupādiśat
Sanskrit only: no published translation is held for this verse.
तद् आर्य्यधर्मम् आकर्ण्य क्षेमा परिबोधिता । अनागामिफलं प्राप्ता लब्धाभिज्ञाभवत् तदा
tad āryyadharmam ākarṇya kṣemā paribodhitā / anāgāmiphalaṃ prāptā labdhābhijñābhavat tadā
Sanskrit only: no published translation is held for this verse.
ततः सा मुदिता कन्या दृष्टसत्या प्रसादिता । सांजलिस् तं मुनिं नत्वा प्रार्थयच् चैवम् आदरात्
tataḥ sā muditā kanyā dṛṣṭasatyā prasāditā / sāṃjalis taṃ muniṃ natvā prārthayac caivam ādarāt
Sanskrit only: no published translation is held for this verse.
भगवन् सर्वविन् नाथ सदैवं कृपया भवान् । दृष्ट्वा मां सौगते धर्मे नियोज्य त्रातुम् अर्हति
bhagavan sarvavin nātha sadaivaṃ kṛpayā bhavān / dṛṣṭvā māṃ saugate dharme niyojya trātum arhati
Sanskrit only: no published translation is held for this verse.
इत्य् अर्थितं तया श्रुत्वा भगवान् स मुनीश्वरः । तथा हीति प्रतिज्ञाय तथार्द्ध्या चाश्रमे ययौ
ity arthitaṃ tayā śrutvā bhagavān sa munīśvaraḥ / tathā hīti pratijñāya tathārddhyā cāśrame yayau
Sanskrit only: no published translation is held for this verse.
तदा सा कन्यका क्षेमा संबुद्धशरणं गता । संस्मृत्य श्रद्धया नित्यं प्राचरन् मुदिता शुभे
tadā sā kanyakā kṣemā saṃbuddhaśaraṇaṃ gatā / saṃsmṛtya śraddhayā nityaṃ prācaran muditā śubhe
Sanskrit only: no published translation is held for this verse.
तदा स ब्रह्मदत्तो ऽपि पुत्रपुरोहितादिभिः । स्वजनैः सहसोत्साहैः श्रावस्त्यां समुपाचरत्
tadā sa brahmadatto 'pi putrapurohitādibhiḥ / svajanaiḥ sahasotsāhaiḥ śrāvastyāṃ samupācarat
Sanskrit only: no published translation is held for this verse.
तदागतम् समाकर्ण्य प्रसेनजित् स भूपतिः । सहसा मंगलोत्साहैः प्रत्युद्ययौ तम् आदरात्
tadāgatam samākarṇya prasenajit sa bhūpatiḥ / sahasā maṃgalotsāhaiḥ pratyudyayau tam ādarāt
Sanskrit only: no published translation is held for this verse.
तत्र स कोशलेशस् तं ब्रह्मदत्तं नराधिपं । उपेत्य कुशलं दृष्ट्वा स्वपुरे संन्यवेशयत्
tatra sa kośaleśas taṃ brahmadattaṃ narādhipaṃ / upetya kuśalaṃ dṛṣṭvā svapure saṃnyaveśayat
Sanskrit only: no published translation is held for this verse.
तत्रानेकाः समायाता लोकाः सर्वे प्रमोदिताः । तद्विवाहमहोत्साहं द्रष्टुं समुपतस्थिरे
tatrānekāḥ samāyātā lokāḥ sarve pramoditāḥ / tadvivāhamahotsāhaṃ draṣṭuṃ samupatasthire
Sanskrit only: no published translation is held for this verse.
ततः स कौशलो राजा तद्विवाहदिने शुभे । साधितसर्वसामग्रीं होतुः समत्यढौकयत्
tataḥ sa kauśalo rājā tadvivāhadine śubhe / sādhitasarvasāmagrīṃ hotuḥ samatyaḍhaukayat
Sanskrit only: no published translation is held for this verse.
तदा क्षेमा कुमारी सा सर्वालंकारभूषिता । मात्रा सह समागत्य तत्रासने समाश्रयत्
tadā kṣemā kumārī sā sarvālaṃkārabhūṣitā / mātrā saha samāgatya tatrāsane samāśrayat
Sanskrit only: no published translation is held for this verse.
क्षेमंकरकुमारो ऽपि सर्वालंकारभूषितः । पित्रा सह समागत्य तत्रासने उपाविशत्
kṣemaṃkarakumāro 'pi sarvālaṃkārabhūṣitaḥ / pitrā saha samāgatya tatrāsane upāviśat
Sanskrit only: no published translation is held for this verse.
ततः स विधिविद् धोता शुद्धासने समाश्रयन् । विधिनाग्निं समावाह्य स हव्यैः समतर्पयत्
tataḥ sa vidhivid dhotā śuddhāsane samāśrayan / vidhināgniṃ samāvāhya sa havyaiḥ samatarpayat
Sanskrit only: no published translation is held for this verse.
ततः पुरोहितो विप्रस् तद्वेला समुपागते । क्षेमंकराय तां क्षेमां संकल्पयितुम् आरभत्
tataḥ purohito vipras tadvelā samupāgate / kṣemaṃkarāya tāṃ kṣemāṃ saṃkalpayitum ārabhat
Sanskrit only: no published translation is held for this verse.
यथाविधि समारभ्य ब्राह्मणः स पुरोहितः । क्षेमाया हस्तम् आदाय कुमारस्यास्य प्राग्रहीत्
yathāvidhi samārabhya brāhmaṇaḥ sa purohitaḥ / kṣemāyā hastam ādāya kumārasyāsya prāgrahīt
Sanskrit only: no published translation is held for this verse.
तस्मिन्न् एव क्षणे तत्र सा क्षेमा सहसोद्गता । पक्षिवत् खं समाश्रित्य तस्थौ ध्यात्वा मुनीश्वरं
tasminn eva kṣaṇe tatra sā kṣemā sahasodgatā / pakṣivat khaṃ samāśritya tasthau dhyātvā munīśvaraṃ
Sanskrit only: no published translation is held for this verse.
तात्र सा भासयन्त्य् एव स्थिता चिरं समाहिता । प्रातिहार्याणि चित्राणि विविधान्य् अभ्यदर्शयत्
tātra sā bhāsayanty eva sthitā ciraṃ samāhitā / prātihāryāṇi citrāṇi vividhāny abhyadarśayat
Sanskrit only: no published translation is held for this verse.
तद् दृष्ट्वा कौशलो राजा प्रसेनजित् पितापि सः । ब्रह्मदत्तो नरेन्द्रो ऽपि पुरोहितो द्विजो ऽपि सः
tad dṛṣṭvā kauśalo rājā prasenajit pitāpi saḥ / brahmadatto narendro 'pi purohito dvijo 'pi saḥ
Sanskrit only: no published translation is held for this verse.
क्षेमंकरः कुमारो ऽपि सर्वे ऽपि ब्राह्मणाश् च ते । अमात्या मंत्रिणश् चापि सर्वे सैन्यगणा अपि
kṣemaṃkaraḥ kumāro 'pi sarve 'pi brāhmaṇāś ca te / amātyā maṃtriṇaś cāpi sarve sainyagaṇā api
Sanskrit only: no published translation is held for this verse.
पौराश् चापि स्त्रियो ऽन्ये ऽपि दारका दारिका अपि । सर्वे ऽतिविस्मयाक्रांतहृदया अवतस्थिरे
paurāś cāpi striyo 'nye 'pi dārakā dārikā api / sarve 'tivismayākrāṃtahṛdayā avatasthire
Sanskrit only: no published translation is held for this verse.
तत्र क्षेमंकरो राजकुमारो ब्राह्मणैः सह । तां क्षेमां सांजलिर् नत्वा प्रार्थयद् एवम् आदरात्
tatra kṣemaṃkaro rājakumāro brāhmaṇaiḥ saha / tāṃ kṣemāṃ sāṃjalir natvā prārthayad evam ādarāt
Sanskrit only: no published translation is held for this verse.
नमस् ते भगिनि क्षेमे यत् ते ऽहं कामलालसाः । पाणिं ग्रहीतुम् इछामि तत् क्षमस्व दयानिधे
namas te bhagini kṣeme yat te 'haṃ kāmalālasāḥ / pāṇiṃ grahītum ichāmi tat kṣamasva dayānidhe
Sanskrit only: no published translation is held for this verse.
यद् एवं त्वं महाभिज्ञापदप्राप्ता महर्द्धिका । यत् कामान् परिभुंजीथा इत्य् अस्थानम् एव हि
yad evaṃ tvaṃ mahābhijñāpadaprāptā maharddhikā / yat kāmān paribhuṃjīthā ity asthānam eva hi
Sanskrit only: no published translation is held for this verse.
तत् क्षमस्व त्वम् आकाशाद् अवतीर्य महीतले । सर्वलोकाभिबोधार्थं सद्धर्मं समुपादिश
tat kṣamasva tvam ākāśād avatīrya mahītale / sarvalokābhibodhārthaṃ saddharmaṃ samupādiśa
Sanskrit only: no published translation is held for this verse.
इति संप्रार्थितं तेन कुमारेण निशम्य सा । क्षेमा प्रसन्नास्या तत्राकाशाद् अवातरत्
iti saṃprārthitaṃ tena kumāreṇa niśamya sā / kṣemā prasannāsyā tatrākāśād avātarat
Sanskrit only: no published translation is held for this verse.
तत्र सा समुपागत्य जनकाये सभासने । स्थित्वार्यसत्यम् आरभ्य सद्धर्मं समुपादिशत्
tatra sā samupāgatya janakāye sabhāsane / sthitvāryasatyam ārabhya saddharmaṃ samupādiśat
Sanskrit only: no published translation is held for this verse.
तत् सद्धर्मामृतं पीत्वा सर्वे लोकाः प्रबोधिताः । सत्यम् इति परिज्ञाय प्राभ्यनन्दन् प्रसादिताः
tat saddharmāmṛtaṃ pītvā sarve lokāḥ prabodhitāḥ / satyam iti parijñāya prābhyanandan prasāditāḥ
Sanskrit only: no published translation is held for this verse.
ततः क्षेमंकरः पित्रा सह तं कोशलाधिपं । आमंत्र्य तद्गुणाहृष्टमनाः स्वं नगरं ययौ
tataḥ kṣemaṃkaraḥ pitrā saha taṃ kośalādhipaṃ / āmaṃtrya tadguṇāhṛṣṭamanāḥ svaṃ nagaraṃ yayau
Sanskrit only: no published translation is held for this verse.
ततः सा कन्यका क्षेमा साञ्जलिः पुरतो गता । पितुः पादाम्बुजे नत्वा प्रार्थयेद् एवम् आदरात्
tataḥ sā kanyakā kṣemā sāñjaliḥ purato gatā / pituḥ pādāmbuje natvā prārthayed evam ādarāt
Sanskrit only: no published translation is held for this verse.
नाहं कामार्थिनी तात संबुद्धशरणार्थिनी । तद् इतः शासने बौद्धे गन्तुम् इछामि सांप्रतं
nāhaṃ kāmārthinī tāta saṃbuddhaśaraṇārthinī / tad itaḥ śāsane bauddhe gantum ichāmi sāṃprataṃ
Sanskrit only: no published translation is held for this verse.
तद् यदि ते मयि प्रीतिर् अस्ति धार्मे ऽपि वा रुचिः । तद् अत्र कृपयानुज्ञां दातुम् अर्हति मे पित
tad yadi te mayi prītir asti dhārme 'pi vā ruciḥ / tad atra kṛpayānujñāṃ dātum arhati me pita
Sanskrit only: no published translation is held for this verse.
इति संप्रार्थितं पुत्र्या श्रुत्वा स कौशलाधिपः । तां क्षेमां स्वात्मजां कन्यां चिरं दृष्ट्वैवम् अब्रवीत्
iti saṃprārthitaṃ putryā śrutvā sa kauśalādhipaḥ / tāṃ kṣemāṃ svātmajāṃ kanyāṃ ciraṃ dṛṣṭvaivam abravīt
Sanskrit only: no published translation is held for this verse.
किमेत्र वक्ष्यते पुत्रि यत् त्वं सद्धर्मवांछिनी । किं चाप्य् असि महाभिज्ञावती प्रज्ञावती सुधीः
kimetra vakṣyate putri yat tvaṃ saddharmavāṃchinī / kiṃ cāpy asi mahābhijñāvatī prajñāvatī sudhīḥ
Sanskrit only: no published translation is held for this verse.
किं तु त्वं दारिका कन्या शीतवातातपाहता । तत् प्रव्रज्याव्रतं वाल्ये चरितुं शक्नुयाः कथं
kiṃ tu tvaṃ dārikā kanyā śītavātātapāhatā / tat pravrajyāvrataṃ vālye carituṃ śaknuyāḥ kathaṃ
Sanskrit only: no published translation is held for this verse.
सद्धर्म यदि ते वांछा गृहे स्थित्वा समाहिता । त्रिरत्नभजनं कृत्वा सद्धर्मं साधयात्मजे
saddharma yadi te vāṃchā gṛhe sthitvā samāhitā / triratnabhajanaṃ kṛtvā saddharmaṃ sādhayātmaje
Sanskrit only: no published translation is held for this verse.
त्रिरत्नभजनोद्भूतं पुण्यं सद्धर्मसाधनं । तेन संबोधिम् आसाद्य संबुद्धपदम् आप्नुयाः
triratnabhajanodbhūtaṃ puṇyaṃ saddharmasādhanaṃ / tena saṃbodhim āsādya saṃbuddhapadam āpnuyāḥ
Sanskrit only: no published translation is held for this verse.
एवं मत्वा स्वगेहे त्वं शुद्धशीलव्रतावृता । त्रिरत्नभजनं कृत्वा चर नित्यं शुभे सदा
evaṃ matvā svagehe tvaṃ śuddhaśīlavratāvṛtā / triratnabhajanaṃ kṛtvā cara nityaṃ śubhe sadā
Sanskrit only: no published translation is held for this verse.
इति पित्रोदितं श्रुत्वा शा क्षेमा कामनिःस्पृहा । पितरं तं समालोक्य पुनर् एवम् अभाषत
iti pitroditaṃ śrutvā śā kṣemā kāmaniḥspṛhā / pitaraṃ taṃ samālokya punar evam abhāṣata
Sanskrit only: no published translation is held for this verse.
न मे तात गृहावासे क्लेशमारगणाकुले । क्षणं स्थातुं मनस् तेन वांछति सौगतं व्रतं
na me tāta gṛhāvāse kleśamāragaṇākule / kṣaṇaṃ sthātuṃ manas tena vāṃchati saugataṃ vrataṃ
Sanskrit only: no published translation is held for this verse.
सर्वे ऽपि सौगतः सन्तो विहारे सुगताश्रमे । सदा धर्मामृतं भुक्त्वा वसन्ति सद्गुणोद्यताः
sarve 'pi saugataḥ santo vihāre sugatāśrame / sadā dharmāmṛtaṃ bhuktvā vasanti sadguṇodyatāḥ
Sanskrit only: no published translation is held for this verse.
त एव सद्गुणाधारा बोधिसत्वाः सुखान्विताः । यावज्जीवं व्रतं धृत्वा यान्ति चान्ते जिनालयं
ta eva sadguṇādhārā bodhisatvāḥ sukhānvitāḥ / yāvajjīvaṃ vrataṃ dhṛtvā yānti cānte jinālayaṃ
Sanskrit only: no published translation is held for this verse.
इति दृष्ट्वाहम् इछामि प्रव्रजितुं जिनाश्रमे । तद् भवान् कृपयानुज्ञां दातुम् अर्हति मे प्रभो
iti dṛṣṭvāham ichāmi pravrajituṃ jināśrame / tad bhavān kṛpayānujñāṃ dātum arhati me prabho
Sanskrit only: no published translation is held for this verse.
इति संप्रार्थितं पुत्र्या श्रुत्वा स बोधितः पिता । तथानुमोदनां कृत्वा तां क्षेमाम् एवम् अब्रवीत्
iti saṃprārthitaṃ putryā śrutvā sa bodhitaḥ pitā / tathānumodanāṃ kṛtvā tāṃ kṣemām evam abravīt
Sanskrit only: no published translation is held for this verse.
किं मया वक्ष्यते वत्से त्वम् एवं सत्सुभार्थिनी । तद् व्रज शासने बौद्धे व्रतं चर समाहिता
kiṃ mayā vakṣyate vatse tvam evaṃ satsubhārthinī / tad vraja śāsane bauddhe vrataṃ cara samāhitā
Sanskrit only: no published translation is held for this verse.
इति पित्राभ्यनुज्ञातं श्रुत्वा सा मुदिताशया । क्षेमा तस्य पितुः पादौ नत्वैव निर्ययौ ततः
iti pitrābhyanujñātaṃ śrutvā sā muditāśayā / kṣemā tasya pituḥ pādau natvaiva niryayau tataḥ
Sanskrit only: no published translation is held for this verse.
ततः सा मुदिता क्षेमा सहसा तत्र जिनाश्रमे । गता तं श्रीघनं दृष्ट्वा मुदिता समुपाचरत्
tataḥ sā muditā kṣemā sahasā tatra jināśrame / gatā taṃ śrīghanaṃ dṛṣṭvā muditā samupācarat
Sanskrit only: no published translation is held for this verse.
तत्र सा साञ्जलिर् नत्वा सास्तारं तं मुनीश्वरं । पुरतः समुपासीना प्रार्थयद् एवम् आदरात्
tatra sā sāñjalir natvā sāstāraṃ taṃ munīśvaraṃ / purataḥ samupāsīnā prārthayad evam ādarāt
Sanskrit only: no published translation is held for this verse.
भगवन् नाथ सर्वज्ञ भवतां शरणं व्रजे । तत् प्रव्रज्याव्रतं दत्वा सदा मे ऽनुग्रहं कुरु
bhagavan nātha sarvajña bhavatāṃ śaraṇaṃ vraje / tat pravrajyāvrataṃ datvā sadā me 'nugrahaṃ kuru
Sanskrit only: no published translation is held for this verse.
इत्य् अर्थितं तया श्रुत्वा भगवान् स मुनीश्वरः । तच् छिरो दक्षहस्तेन पृष्ट्वा ताम् एवम् अब्रवीत्
ity arthitaṃ tayā śrutvā bhagavān sa munīśvaraḥ / tac chiro dakṣahastena pṛṣṭvā tām evam abravīt
Sanskrit only: no published translation is held for this verse.
एहि वत्से प्रगछ त्वं गौतम्याः शरणं व्रज । सा माता भिक्षुणीशास्ता प्रव्रज्यां ते प्रदास्यति
ehi vatse pragacha tvaṃ gautamyāḥ śaraṇaṃ vraja / sā mātā bhikṣuṇīśāstā pravrajyāṃ te pradāsyati
Sanskrit only: no published translation is held for this verse.
इत्य् आदिष्टं मुनीन्द्रेण श्रुत्वा सा मुदिताशया । क्षेमा तस्या जगन्मातुर् गौतम्याः समुपाचरत्
ity ādiṣṭaṃ munīndreṇa śrutvā sā muditāśayā / kṣemā tasyā jaganmātur gautamyāḥ samupācarat
Sanskrit only: no published translation is held for this verse.
तत्र सा समुपासृत्य दृष्ट्वा तां गौतमीं मुदा । कृताञ्जलिपुटो नत्वा प्रार्थयद् एवम् आदरात्
tatra sā samupāsṛtya dṛṣṭvā tāṃ gautamīṃ mudā / kṛtāñjalipuṭo natvā prārthayad evam ādarāt
Sanskrit only: no published translation is held for this verse.
जगन्मातर् अहं क्षेमा भवत्याः शरणं व्रजे । तन् प्रव्रज्याव्रतं मह्यं भवन्ती दातुम् अर्हति
jaganmātar ahaṃ kṣemā bhavatyāḥ śaraṇaṃ vraje / tan pravrajyāvrataṃ mahyaṃ bhavantī dātum arhati
Sanskrit only: no published translation is held for this verse.
इत्य् अर्थितं तया श्रुत्वा गौतामी सा प्रसादिता । तच् छिरो दक्षहस्तेन पृष्ट्वैवं ताम् अभाषत
ity arthitaṃ tayā śrutvā gautāmī sā prasāditā / tac chiro dakṣahastena pṛṣṭvaivaṃ tām abhāṣata
Sanskrit only: no published translation is held for this verse.
एहि भिक्षुणि वत्से शासने सौगते शुभे । प्रव्रज्यासंवरं धृत्वा ब्रह्मचर्यं समाचर
ehi bhikṣuṇi vatse śāsane saugate śubhe / pravrajyāsaṃvaraṃ dhṛtvā brahmacaryaṃ samācara
Sanskrit only: no published translation is held for this verse.
एहीति समादिष्टे गौतम्यास्य शुभाशया । क्षेमाभून् मुण्डिता पात्रधरा सुचीवरावृता
ehīti samādiṣṭe gautamyāsya śubhāśayā / kṣemābhūn muṇḍitā pātradharā sucīvarāvṛtā
Sanskrit only: no published translation is held for this verse.
ततः सा भिक्षुणी क्षेमा सौम्यरूपा जितेन्द्रिया । भित्वा ऽविद्यागणान् दुष्टान् प्राप्तविद्यागणाञ् छुभान्
tataḥ sā bhikṣuṇī kṣemā saumyarūpā jitendriyā / bhitvā 'vidyāgaṇān duṣṭān prāptavidyāgaṇāñ chubhān
Sanskrit only: no published translation is held for this verse.
समाधिधारणीविद्या घटमाना समुद्यता । महाभिज्ञापदप्राप्ता संबोधिपदसाधिनी
samādhidhāraṇīvidyā ghaṭamānā samudyatā / mahābhijñāpadaprāptā saṃbodhipadasādhinī
Sanskrit only: no published translation is held for this verse.
ततः सा सुमतीर् मत्वा भवचक्रं चलाचलं । मत्वा च सर्वसंस्कारगतिश् चापि विघातिनीः
tataḥ sā sumatīr matvā bhavacakraṃ calācalaṃ / matvā ca sarvasaṃskāragatiś cāpi vighātinīḥ
Sanskrit only: no published translation is held for this verse.
सर्वक्लेशगणान् हित्वा जित्वा मारगणान् अपि । साक्षाद् अर्हत्पदं प्राप्य बभूव ब्रह्मचारिणी
sarvakleśagaṇān hitvā jitvā māragaṇān api / sākṣād arhatpadaṃ prāpya babhūva brahmacāriṇī
Sanskrit only: no published translation is held for this verse.
ततः साकाशसादृश्या निर्विकल्पा निरंजना । वासिचंदनकल्पांशा परिशुद्धत्रिमंडला
tataḥ sākāśasādṛśyā nirvikalpā niraṃjanā / vāsicaṃdanakalpāṃśā pariśuddhatrimaṃḍalā
Sanskrit only: no published translation is held for this verse.
स देवासुरलोकानां वंद्या पूज्याभवत् सती
sa devāsuralokānāṃ vaṃdyā pūjyābhavat satī
Sanskrit only: no published translation is held for this verse.
ततः स भगवाञ् छास्ता सर्वज्ञो ऽर्हन् मुनीश्वरः । सर्वान्स् तां श्रावकां भिक्षून् समामंत्र्यैवम् आदिशत्
tataḥ sa bhagavāñ chāstā sarvajño 'rhan munīśvaraḥ / sarvāns tāṃ śrāvakāṃ bhikṣūn samāmaṃtryaivam ādiśat
Sanskrit only: no published translation is held for this verse.
एषाग्रा भिक्षवः सर्वभिक्षूणीनां ममाश्रमे । अभिज्ञाप्रतिभाणसत्प्रज्ञानां यद् इयं सुधीः
eṣāgrā bhikṣavaḥ sarvabhikṣūṇīnāṃ mamāśrame / abhijñāpratibhāṇasatprajñānāṃ yad iyaṃ sudhīḥ
Sanskrit only: no published translation is held for this verse.
क्षेमाख्या भिक्षुणी सत्यवादिनी ब्रह्मचारिणी । सत्य् अद्वयपरिज्ञाता संबोधिपदगामिनी
kṣemākhyā bhikṣuṇī satyavādinī brahmacāriṇī / saty advayaparijñātā saṃbodhipadagāminī
Sanskrit only: no published translation is held for this verse.
इत्य् आदिष्टे मुनीन्द्रेण सर्वे ते सांघिका अपि । विस्मितास् तं मुनिं नत्वा पप्रछुस् तत् पुराकृतं
ity ādiṣṭe munīndreṇa sarve te sāṃghikā api / vismitās taṃ muniṃ natvā paprachus tat purākṛtaṃ
Sanskrit only: no published translation is held for this verse.
भगवन्न् अनया कर्म किं पुरा सुकृतं कृतं । येनेयं भद्रिका क्षेमा प्रज्ञावती महर्द्धिका
bhagavann anayā karma kiṃ purā sukṛtaṃ kṛtaṃ / yeneyaṃ bhadrikā kṣemā prajñāvatī maharddhikā
Sanskrit only: no published translation is held for this verse.
महाप्रज्ञावतीनां च सर्वासाम् अपि सद्धियां । महर्द्धिप्रतिभाणानाम् अग्रा निर्दिश्यते त्वया
mahāprajñāvatīnāṃ ca sarvāsām api saddhiyāṃ / maharddhipratibhāṇānām agrā nirdiśyate tvayā
Sanskrit only: no published translation is held for this verse.
तद् इमे सांघिकाः सर्वे श्रोतुम् इछंति सांप्रतं । तत् सर्वं समुपादिश्य सर्वाल् लोकान् प्रबोधय
tad ime sāṃghikāḥ sarve śrotum ichaṃti sāṃprataṃ / tat sarvaṃ samupādiśya sarvāl lokān prabodhaya
Sanskrit only: no published translation is held for this verse.
इति तैः प्रार्थितं श्रुत्वा भगवान् स मुनीश्वरः । सर्वान्स् तान् सांघिकान् भिक्षून् समालोक्यैवम् आदिशत्
iti taiḥ prārthitaṃ śrutvā bhagavān sa munīśvaraḥ / sarvāns tān sāṃghikān bhikṣūn samālokyaivam ādiśat
Sanskrit only: no published translation is held for this verse.
शृणुत भिक्षवः सर्वे पुरा यद् अनया कृतं । तद् अहं संप्रवक्ष्यामि सर्वलोकाभिबोधने
śṛṇuta bhikṣavaḥ sarve purā yad anayā kṛtaṃ / tad ahaṃ saṃpravakṣyāmi sarvalokābhibodhane
Sanskrit only: no published translation is held for this verse.