Ratnamālāvadāna 33

पुराभूत् काश्यपो नाम तथागतो मुनीश्वरः । सर्वज्ञो ऽर्हञ् जगच्छास्ता सुगतो धर्माधिपो जिनः

purābhūt kāśyapo nāma tathāgato munīśvaraḥ / sarvajño 'rhañ jagacchāstā sugato dharmādhipo jinaḥ

Sanskrit only: no published translation is held for this verse.

वाराणस्याम् उपारण्ये मृगदावे जिनाश्रमे । सद्धर्मं समुपादिश्य विजहार ससांघिकः

vārāṇasyām upāraṇye mṛgadāve jināśrame / saddharmaṃ samupādiśya vijahāra sasāṃghikaḥ

Sanskrit only: no published translation is held for this verse.

तच् छासने तदा श्रेष्ठिदुहिता शरणं गता । प्रव्रज्याव्रतम् आदाय प्रचचार समाहिता

tac chāsane tadā śreṣṭhiduhitā śaraṇaṃ gatā / pravrajyāvratam ādāya pracacāra samāhitā

Sanskrit only: no published translation is held for this verse.

सा तत्र शासने बौद्धे ददौ दानं समादरात् । द्वादशाब्द सहस्राणि ब्रह्मचर्यं चचार च

sā tatra śāsane bauddhe dadau dānaṃ samādarāt / dvādaśābda sahasrāṇi brahmacaryaṃ cacāra ca

Sanskrit only: no published translation is held for this verse.

न केस्मिं विगुणे ऽभ्यासं चकार सा निरुद्यमा । केवलं संवरं धृत्वा त्रिरत्नं सर्वदाभजत्

na kesmiṃ viguṇe 'bhyāsaṃ cakāra sā nirudyamā / kevalaṃ saṃvaraṃ dhṛtvā triratnaṃ sarvadābhajat

Sanskrit only: no published translation is held for this verse.

तस्यायाभूद् उपाध्याया भिक्षुणी ब्रह्मचारिणी । सा काश्यपेन निर्दिष्टा प्रज्ञावतीगणाग्रगा

tasyāyābhūd upādhyāyā bhikṣuṇī brahmacāriṇī / sā kāśyapena nirdiṣṭā prajñāvatīgaṇāgragā

Sanskrit only: no published translation is held for this verse.

तत् समाकर्ण्य सा साध्वी भिक्षुणी चानुमोदिता । मनसैवं समाधाय प्रणिधानं व्यधान् मुदा

tat samākarṇya sā sādhvī bhikṣuṇī cānumoditā / manasaivaṃ samādhāya praṇidhānaṃ vyadhān mudā

Sanskrit only: no published translation is held for this verse.

यथायम् उत्तरो विप्रो व्याकृतस् तेन तायिना । कलौ शाक्यमुनिर् नाम तथागतो भवेद् इटि

yathāyam uttaro vipro vyākṛtas tena tāyinā / kalau śākyamunir nāma tathāgato bhaved iṭi

Sanskrit only: no published translation is held for this verse.

तदा तस्य मुनीन्द्रस्य शासने शरणं गता । प्रव्रज्यासंवरं धृत्वा चरेयं ब्रह्मचारिकां

tadā tasya munīndrasya śāsane śaraṇaṃ gatā / pravrajyāsaṃvaraṃ dhṛtvā careyaṃ brahmacārikāṃ

Sanskrit only: no published translation is held for this verse.

अहम् अपि तया तत्र प्रज्ञावतीगणाधिपा । भवेय हि यथापीयम् उपाध्याया ममाधुना

aham api tayā tatra prajñāvatīgaṇādhipā / bhaveya hi yathāpīyam upādhyāyā mamādhunā

Sanskrit only: no published translation is held for this verse.

सदैतत्प्रणिधानेन चरंति सा शुभाशया । त्रिरत्नस्मरणं कृत्वा समये मरणं ययौ

sadaitatpraṇidhānena caraṃti sā śubhāśayā / triratnasmaraṇaṃ kṛtvā samaye maraṇaṃ yayau

Sanskrit only: no published translation is held for this verse.

यासौ श्रेष्ठिसुता ह्य् एषा क्षेमा राजसुताधुना । यान्मेति भिक्षवो यूयं मन्यध्वं व्रतम् एव हि

yāsau śreṣṭhisutā hy eṣā kṣemā rājasutādhunā / yānmeti bhikṣavo yūyaṃ manyadhvaṃ vratam eva hi

Sanskrit only: no published translation is held for this verse.

यत् तदा प्रकृतं दानं काश्यपशासने ऽनया । एतद्धर्मविपाकेन भवतीयं नृपात्मजा

yat tadā prakṛtaṃ dānaṃ kāśyapaśāsane 'nayā / etaddharmavipākena bhavatīyaṃ nṛpātmajā

Sanskrit only: no published translation is held for this verse.

यच् चापि ह्य् अनया तत्र ब्रह्मचर्यं सुपालितं । एतत्पुण्यैर् इहार्हन्ती भवतीयं किला ऽधुना

yac cāpi hy anayā tatra brahmacaryaṃ supālitaṃ / etatpuṇyair ihārhantī bhavatīyaṃ kilā 'dhunā

Sanskrit only: no published translation is held for this verse.

यद्यापि ह्य् अनया तत्र प्रणिधानं कृतं यथा । तथेयं भवति ह्य् अत्र प्रज्ञावतीगणाधिपा

yadyāpi hy anayā tatra praṇidhānaṃ kṛtaṃ yathā / tatheyaṃ bhavati hy atra prajñāvatīgaṇādhipā

Sanskrit only: no published translation is held for this verse.

एवं हि यत् कृतं येन तेनैव भुज्यते फलं । अभुक्तं क्षीयते नैव कर्म क्वापि कदा चन

evaṃ hi yat kṛtaṃ yena tenaiva bhujyate phalaṃ / abhuktaṃ kṣīyate naiva karma kvāpi kadā cana

Sanskrit only: no published translation is held for this verse.

नाग्निभिर् दह्यते कर्म क्लिद्यते नोदकैर् अपि । वायुभिः शुष्यते नैव क्षीयते नापि भूमिषु

nāgnibhir dahyate karma klidyate nodakair api / vāyubhiḥ śuṣyate naiva kṣīyate nāpi bhūmiṣu

Sanskrit only: no published translation is held for this verse.

न प्रणश्यंति कर्माणि जन्मकल्पशतैर् अपि । सामाग्रीं प्राप्य काले हि फलन्ति प्राणिनां खलु

na praṇaśyaṃti karmāṇi janmakalpaśatair api / sāmāgrīṃ prāpya kāle hi phalanti prāṇināṃ khalu

Sanskrit only: no published translation is held for this verse.

अन्यथापि भवेन् नैव कृतकर्मफलं क्वचित् । कृष्णकर्मविपाके हि दुःखतैव सदा भवे

anyathāpi bhaven naiva kṛtakarmaphalaṃ kvacit / kṛṣṇakarmavipāke hi duḥkhataiva sadā bhave

Sanskrit only: no published translation is held for this verse.

शुभकर्मविपाके तु सुखतैव सदा भवेत् । मिश्रितकर्मपाकेन मिश्रितता सदैव हि

śubhakarmavipāke tu sukhataiva sadā bhavet / miśritakarmapākena miśritatā sadaiva hi

Sanskrit only: no published translation is held for this verse.

यथैव यत् कृतं कर्म तथैव तत् फलं ध्रुवं । एवं मत्वात्र संसारे सर्वदा शुभवांछिभिः

yathaiva yat kṛtaṃ karma tathaiva tat phalaṃ dhruvaṃ / evaṃ matvātra saṃsāre sarvadā śubhavāṃchibhiḥ

Sanskrit only: no published translation is held for this verse.

त्रिरत्नभजनं कृत्वा चरितव्यं सदा शुभे

triratnabhajanaṃ kṛtvā caritavyaṃ sadā śubhe

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वा ते सर्वसांघिकाः । तथेति प्रतिविज्ञप्य प्राभ्यनन्दन् प्रबोधिताः

ity ādiṣṭaṃ munīndreṇa śrutvā te sarvasāṃghikāḥ / tatheti prativijñapya prābhyanandan prabodhitāḥ

Sanskrit only: no published translation is held for this verse.

एतन् मे गुरुणादिष्टं श्रुतं मया तथोच्यते । त्वं चाप्य् एवं महाराज चर नित्यं शुभे सदा

etan me guruṇādiṣṭaṃ śrutaṃ mayā tathocyate / tvaṃ cāpy evaṃ mahārāja cara nityaṃ śubhe sadā

Sanskrit only: no published translation is held for this verse.

प्रजाश् चापि तथा राजन् बोधयित्वा प्रयत्नतः । बोधिमार्गे प्रतिष्ठाप्य पालयस्व समाहितः

prajāś cāpi tathā rājan bodhayitvā prayatnataḥ / bodhimārge pratiṣṭhāpya pālayasva samāhitaḥ

Sanskrit only: no published translation is held for this verse.

तेन ते सर्वदा नित्यं सर्वत्रापि शुभं भवेत् । क्रमाद् बोधिं च संप्राप्य संबुद्धपदम् आप्नुयाः

tena te sarvadā nityaṃ sarvatrāpi śubhaṃ bhavet / kramād bodhiṃ ca saṃprāpya saṃbuddhapadam āpnuyāḥ

Sanskrit only: no published translation is held for this verse.

इति तेनार्हतादिष्टं श्रुत्वा ऽशोकः स भूपतिः । तथेति प्रतिविज्ञप्य प्राभ्यनन्दत् सपार्षदः

iti tenārhatādiṣṭaṃ śrutvā 'śokaḥ sa bhūpatiḥ / tatheti prativijñapya prābhyanandat sapārṣadaḥ

Sanskrit only: no published translation is held for this verse.

क्षेमावदानं मनुजा इदं ये शृण्वंति चापि निशामयन्ति । ते सर्व एवं सततं सुखानि भुक्त्वा प्रयान्त्य् एव जिनालयन् ते

kṣemāvadānaṃ manujā idaṃ ye śṛṇvaṃti cāpi niśāmayanti / te sarva evaṃ satataṃ sukhāni bhuktvā prayānty eva jinālayan te

Sanskrit only: no published translation is held for this verse.