इत्य् उक्त्वा सा सती भद्रा धीमती सहसादरात् । व्रतोपचारसामग्रीं मुदिता समसाधयत्
ity uktvā sā satī bhadrā dhīmatī sahasādarāt / vratopacārasāmagrīṃ muditā samasādhayat
Sanskrit only: no published translation is held for this verse.
Ratnamālāvadāna 37
ततस् तं गुरुम् आनंदं नत्वा सा सांजलिर् मुदा । तद् व्रतारम्भम् आधातुं प्रार्थयेद् एवम् आदरात्
tatas taṃ gurum ānaṃdaṃ natvā sā sāṃjalir mudā / tad vratārambham ādhātuṃ prārthayed evam ādarāt
Sanskrit only: no published translation is held for this verse.
भदन्त श्रीमहादेव्या व्रतदिन उपास्थितः । तद् यथाविधिम् आदिश्य संचारयतां व्रतं
bhadanta śrīmahādevyā vratadina upāsthitaḥ / tad yathāvidhim ādiśya saṃcārayatāṃ vrataṃ
Sanskrit only: no published translation is held for this verse.
तयेति प्रार्थितं श्रुत्वा स आनंदो जिनात्मजः । सर्वविधिं समादिश्य व्रतारंभं समाक्रमत्
tayeti prārthitaṃ śrutvā sa ānaṃdo jinātmajaḥ / sarvavidhiṃ samādiśya vratāraṃbhaṃ samākramat
Sanskrit only: no published translation is held for this verse.
तत्र भूशोधनं कृत्वा स आनंदो यथाविधि । मंडलं वर्त्तयित्वा तत् प्रतिस्थाप्याध्यवासयत्
tatra bhūśodhanaṃ kṛtvā sa ānaṃdo yathāvidhi / maṃḍalaṃ varttayitvā tat pratisthāpyādhyavāsayat
Sanskrit only: no published translation is held for this verse.
तथा तौ दंपती तीर्थे स्नात्वा शुद्धाम्वरावृतौ । यथा शास्त्रा समादिष्टं सर्वं कृत्वोपतस्थतुः
tathā tau daṃpatī tīrthe snātvā śuddhāmvarāvṛtau / yathā śāstrā samādiṣṭaṃ sarvaṃ kṛtvopatasthatuḥ
Sanskrit only: no published translation is held for this verse.
ततस् तौ दंपती तस्य शास्तुर् आदेशतः क्रमात् । शुद्धासनसमासीनाव् उत्तराभिमुखस्थितौ
tatas tau daṃpatī tasya śāstur ādeśataḥ kramāt / śuddhāsanasamāsīnāv uttarābhimukhasthitau
Sanskrit only: no published translation is held for this verse.
गव्यैः कामादि वस्तूनि सर्वाणि शुद्धितान्य् अपि । कृत्वा शास्त्रा यथादिष्टं तथारंभं प्रचक्रतुः
gavyaiḥ kāmādi vastūni sarvāṇi śuddhitāny api / kṛtvā śāstrā yathādiṣṭaṃ tathāraṃbhaṃ pracakratuḥ
Sanskrit only: no published translation is held for this verse.
आदौ गुरुं समभ्यर्च्य ततो रत्नत्रयं मुदा । अभ्यर्च्य शरणं कृत्वा प्रणत्वा विधिनादरात्
ādau guruṃ samabhyarcya tato ratnatrayaṃ mudā / abhyarcya śaraṇaṃ kṛtvā praṇatvā vidhinādarāt
Sanskrit only: no published translation is held for this verse.
ततस् तन्मण्डले देवीं सगणां श्रीवसुंधरां । ध्यात्वा तथा समावाह्य दत्वा पादार्घम् आदरात्
tatas tanmaṇḍale devīṃ sagaṇāṃ śrīvasuṃdharāṃ / dhyātvā tathā samāvāhya datvā pādārgham ādarāt
Sanskrit only: no published translation is held for this verse.
ततस् तां सगणां देवीं समभ्यर्च्य यथाक्रमं । सर्वपूजोपचारैश् च पठित्वा धारणीं ततः
tatas tāṃ sagaṇāṃ devīṃ samabhyarcya yathākramaṃ / sarvapūjopacāraiś ca paṭhitvā dhāraṇīṃ tataḥ
Sanskrit only: no published translation is held for this verse.
सहृद्वीजादिमंत्राणि यथाक्रमं जजल्पतुः । ततो ऽष्टाङ्गप्रणामैश् च नत्वा कृत्वा प्रदक्षिणां
sahṛdvījādimaṃtrāṇi yathākramaṃ jajalpatuḥ / tato 'ṣṭāṅgapraṇāmaiś ca natvā kṛtvā pradakṣiṇāṃ
Sanskrit only: no published translation is held for this verse.
पुण्यानुमोदनां चापि संप्रार्थ्य श्रीसमृद्ध्यतां
puṇyānumodanāṃ cāpi saṃprārthya śrīsamṛddhyatāṃ
Sanskrit only: no published translation is held for this verse.
सलोकपालभूतेभ्यो बलिं पंचामृतान्वितं । यथाविधि प्रढौकित्वा प्रार्थयतां सुसंपदं
salokapālabhūtebhyo baliṃ paṃcāmṛtānvitaṃ / yathāvidhi praḍhaukitvā prārthayatāṃ susaṃpadaṃ
Sanskrit only: no published translation is held for this verse.
ततो दानं प्रदत्वैवं गुरवे ऽपि सुदक्षिणां । ततः क्षमार्थनां कृत्वा समाप्तं चक्रतुर् व्रतं
tato dānaṃ pradatvaivaṃ gurave 'pi sudakṣiṇāṃ / tataḥ kṣamārthanāṃ kṛtvā samāptaṃ cakratur vrataṃ
Sanskrit only: no published translation is held for this verse.
ततो गुरुस् तयोः शास्ता व्रतसूत्रं समर्प्पयत् । संपत्तिससमृद्धाशीर्वादं ददौ प्रसादितः
tato gurus tayoḥ śāstā vratasūtraṃ samarppayat / saṃpattisasamṛddhāśīrvādaṃ dadau prasāditaḥ
Sanskrit only: no published translation is held for this verse.
ततो गुरुं पुरस्कृत्य यथोक्तं व्रतपालनं । कृत्वा ततः पुनः स्नात्वा देवीं ध्यात्वा निषेदितुः
tato guruṃ puraskṛtya yathoktaṃ vratapālanaṃ / kṛtvā tataḥ punaḥ snātvā devīṃ dhyātvā niṣedituḥ
Sanskrit only: no published translation is held for this verse.
ततो रात्रौ समाधाय सगणां वसुंधरां । देवीं ध्यात्वा समभ्यर्च्य धर्म्मं श्रुत्वा निषेदतुः
tato rātrau samādhāya sagaṇāṃ vasuṃdharāṃ / devīṃ dhyātvā samabhyarcya dharmmaṃ śrutvā niṣedatuḥ
Sanskrit only: no published translation is held for this verse.
ततः प्रातः समुत्थाय स्नात्वा शुद्धाम्वरावृतौ । तथा तां सगणां देवीम् आवाह्यानर्चतुः क्रमात्
tataḥ prātaḥ samutthāya snātvā śuddhāmvarāvṛtau / tathā tāṃ sagaṇāṃ devīm āvāhyānarcatuḥ kramāt
Sanskrit only: no published translation is held for this verse.
ततस् तद् व्रतसंपूर्णं कृत्वा दानं सदक्षिणं । प्रदत्वा गुरवे नत्वा तन् मण्डलं व्यसर्जतां
tatas tad vratasaṃpūrṇaṃ kṛtvā dānaṃ sadakṣiṇaṃ / pradatvā gurave natvā tan maṇḍalaṃ vyasarjatāṃ
Sanskrit only: no published translation is held for this verse.
ततस् तद् रजम् आदाय भंडागारे यथोदितं । निधाय तत् स निर्माल्यं शेषं नद्यां यथाविधिं
tatas tad rajam ādāya bhaṃḍāgāre yathoditaṃ / nidhāya tat sa nirmālyaṃ śeṣaṃ nadyāṃ yathāvidhiṃ
Sanskrit only: no published translation is held for this verse.
गुरुर् नागान् समभ्यर्च्य समर्प्य प्राक्षिपज् जले । ततस् तज् जलम् आदाय महोत्साहैर् गृहं ययौ
gurur nāgān samabhyarcya samarpya prākṣipaj jale / tatas taj jalam ādāya mahotsāhair gṛhaṃ yayau
Sanskrit only: no published translation is held for this verse.
तत गृहे तद् अम्भोभिर् अभिषिंच्य समन्ततः । कुमारीं विधिनाराध्य गणचक्रं समर्चयत्
tata gṛhe tad ambhobhir abhiṣiṃcya samantataḥ / kumārīṃ vidhinārādhya gaṇacakraṃ samarcayat
Sanskrit only: no published translation is held for this verse.
ततस् तौ दंपती नत्वा सांजलि सादरं मुदा । संपत्तिप्रार्थनां कृत्वा क्षमाप्य तद् व्यसर्जतां
tatas tau daṃpatī natvā sāṃjali sādaraṃ mudā / saṃpattiprārthanāṃ kṛtvā kṣamāpya tad vyasarjatāṃ
Sanskrit only: no published translation is held for this verse.
ततस् तस्या गृहे देवी वसुन्धारा स्वयं स्थिता । सर्वद्रव्यसमापूर्णं कृत्वा तस्थौ प्रसादिता
tatas tasyā gṛhe devī vasundhārā svayaṃ sthitā / sarvadravyasamāpūrṇaṃ kṛtvā tasthau prasāditā
Sanskrit only: no published translation is held for this verse.
सर्वद्रव्याभिसंपूर्णं दृष्ट्वा तौ दंपती गृहं । विस्मयानंदसंपन्नौ मिथ एवं समूचतुः
sarvadravyābhisaṃpūrṇaṃ dṛṣṭvā tau daṃpatī gṛhaṃ / vismayānaṃdasaṃpannau mitha evaṃ samūcatuḥ
Sanskrit only: no published translation is held for this verse.
अहो सत्यं जगच्छास्तुर् यथादिष्टं तथा खलु । तथावां शरणं गत्वा देव्या व्रतं चरेवहि
aho satyaṃ jagacchāstur yathādiṣṭaṃ tathā khalu / tathāvāṃ śaraṇaṃ gatvā devyā vrataṃ carevahi
Sanskrit only: no published translation is held for this verse.
इत्य् उक्त्वा तौ प्रसीदंतौ शरणं गत्वा समाहितौ । तस्याः श्रीमहादेव्याः सदा व्रतं प्रचेरतुः
ity uktvā tau prasīdaṃtau śaraṇaṃ gatvā samāhitau / tasyāḥ śrīmahādevyāḥ sadā vrataṃ praceratuḥ
Sanskrit only: no published translation is held for this verse.
तदारभ्यः सदार्थिभ्यो दत्वा दानं यथार्थितं । त्रिरत्नभजनं कृत्वा प्रचेरतुः शुभे सदा
tadārabhyaḥ sadārthibhyo datvā dānaṃ yathārthitaṃ / triratnabhajanaṃ kṛtvā praceratuḥ śubhe sadā
Sanskrit only: no published translation is held for this verse.
ततो ऽसौ यतिर् आनंदस् तौ समामंत्र्य दंपती । पक्षिवत् सहसाकाशात् कौशांव्यां समुपाचरत्
tato 'sau yatir ānaṃdas tau samāmaṃtrya daṃpatī / pakṣivat sahasākāśāt kauśāṃvyāṃ samupācarat
Sanskrit only: no published translation is held for this verse.
तत्र स तं जगन्नाथं प्रणत्वा सांजलिः पुनः । एतत् सर्वं प्रवृत्तांतं निवेद्यैकान्तम् आश्रयत्
tatra sa taṃ jagannāthaṃ praṇatvā sāṃjaliḥ punaḥ / etat sarvaṃ pravṛttāṃtaṃ nivedyaikāntam āśrayat
Sanskrit only: no published translation is held for this verse.
ततः स भगवान् दृष्ट्वा तम् आनंदं सभां च तां । धीमत्याः शांतमत्याश् च प्रसादित्वैवम् आदिशत्
tataḥ sa bhagavān dṛṣṭvā tam ānaṃdaṃ sabhāṃ ca tāṃ / dhīmatyāḥ śāṃtamatyāś ca prasāditvaivam ādiśat
Sanskrit only: no published translation is held for this verse.
धन्या सा धीमती शान्तमती चापि सुभाविनी । यत् ते श्रीवसुधाराया भवेतां व्रतधारिणी
dhanyā sā dhīmatī śāntamatī cāpi subhāvinī / yat te śrīvasudhārāyā bhavetāṃ vratadhāriṇī
Sanskrit only: no published translation is held for this verse.
सर्वसत्वहिताधानबोधिचर्यासमुद्यते
sarvasatvahitādhānabodhicaryāsamudyate
Sanskrit only: no published translation is held for this verse.
क्रमाद् बोधिं समासाद्य बुद्धपदम् अवाप्स्यत ॥ र्म् ३७।४०० ५०! ॥ इत्य् आदिष्टं मुनीन्द्रेण श्रुत्वा ते सर्वसांघिकाः । तां श्रीवसुंधरां देवीं स्मृत्वा नित्यं प्रभेजिरे
kramād bodhiṃ samāsādya buddhapadam avāpsyata // Rm 37.400 50! // ity ādiṣṭaṃ munīndreṇa śrutvā te sarvasāṃghikāḥ / tāṃ śrīvasuṃdharāṃ devīṃ smṛtvā nityaṃ prabhejire
Sanskrit only: no published translation is held for this verse.
तदा तस्याः पिता विप्रा धीमत्या दुहितुर् गृहे । समुद्भूता महासंपद् इत्य् अश्रोषीज् जनोदितं
tadā tasyāḥ pitā viprā dhīmatyā duhitur gṛhe / samudbhūtā mahāsaṃpad ity aśroṣīj janoditaṃ
Sanskrit only: no published translation is held for this verse.
ततः स ब्राह्मणो भार्यां धीमत्या मातरं मुदा । सहसा समुपामंत्र्य पुर एवम् अभाषत
tataḥ sa brāhmaṇo bhāryāṃ dhīmatyā mātaraṃ mudā / sahasā samupāmaṃtrya pura evam abhāṣata
Sanskrit only: no published translation is held for this verse.
किं त्वयानुश्रुतं भार्ये धीमत्या यद् गृहे ऽधुना । महासंपत् समुद्भूता मयेति श्रूयते खलु
kiṃ tvayānuśrutaṃ bhārye dhīmatyā yad gṛhe 'dhunā / mahāsaṃpat samudbhūtā mayeti śrūyate khalu
Sanskrit only: no published translation is held for this verse.
इति भर्त्रा समाख्यातं श्रुत्वा सा विस्मयान्विता । कथम् एतद् भवेत् सत्यम् इति तं पतिम् अब्रवीत्
iti bhartrā samākhyātaṃ śrutvā sā vismayānvitā / katham etad bhavet satyam iti taṃ patim abravīt
Sanskrit only: no published translation is held for this verse.
इति भार्योदितं श्रुत्वा हरिशर्मापि स द्विजः । सविस्मयेनाख्यातं श्रुत्वा चैवम् अभाषत
iti bhāryoditaṃ śrutvā hariśarmāpi sa dvijaḥ / savismayenākhyātaṃ śrutvā caivam abhāṣata
Sanskrit only: no published translation is held for this verse.
प्रिये श्रुतं मया सत्यं धीमत्या यद् गृहे ऽधुना । महासंपत्समुद्भूता वसुन्धाराप्रसादतः
priye śrutaṃ mayā satyaṃ dhīmatyā yad gṛhe 'dhunā / mahāsaṃpatsamudbhūtā vasundhārāprasādataḥ
Sanskrit only: no published translation is held for this verse.
यदि नैतत् प्रतीतो ऽपि जनैः सा धीमती सुता । स्वगृहे ऽत्र समाहूय त्वम् एवं परिपृछ्यतां
yadi naitat pratīto 'pi janaiḥ sā dhīmatī sutā / svagṛhe 'tra samāhūya tvam evaṃ paripṛchyatāṃ
Sanskrit only: no published translation is held for this verse.
कथं संजायते संपन् महती ते गृहे ऽधुना । एतत् सत्यं त्वया पुत्री पुरो मे कथ्यताम् इति
kathaṃ saṃjāyate saṃpan mahatī te gṛhe 'dhunā / etat satyaṃ tvayā putrī puro me kathyatām iti
Sanskrit only: no published translation is held for this verse.
एवं भर्त्रा समाख्यातं श्रुत्व सा धीमतीप्रसूः । तथेति प्रतिविज्ञाय स्वसखीम् एवम् अब्रवीत्
evaṃ bhartrā samākhyātaṃ śrutva sā dhīmatīprasūḥ / tatheti prativijñāya svasakhīm evam abravīt
Sanskrit only: no published translation is held for this verse.
शृणु सखि सुताया मे धीमत्या यद् गृहे ऽधुना । संभूता महती संपद् वसुंधारा प्रसादतः
śṛṇu sakhi sutāyā me dhīmatyā yad gṛhe 'dhunā / saṃbhūtā mahatī saṃpad vasuṃdhārā prasādataḥ
Sanskrit only: no published translation is held for this verse.
इति श्रुतं मया सत्यं द्रष्टुम् इछामि तत् खलु । तत् तां सुतां समाहूय समादराद् इहानय
iti śrutaṃ mayā satyaṃ draṣṭum ichāmi tat khalu / tat tāṃ sutāṃ samāhūya samādarād ihānaya
Sanskrit only: no published translation is held for this verse.
इति तया समाख्यातं श्रुत्वा सा सुप्रिया सखी । तथेति प्रतिविज्ञप्य धीमत्या भवने ययौ
iti tayā samākhyātaṃ śrutvā sā supriyā sakhī / tatheti prativijñapya dhīmatyā bhavane yayau
Sanskrit only: no published translation is held for this verse.
तत्र सा समुपासृत्य धीमतीं तां सुभद्रिकां । दृष्ट्वा सविस्मयानंदयुक्ता नत्वैवम् अब्रवीत्
tatra sā samupāsṛtya dhīmatīṃ tāṃ subhadrikāṃ / dṛṣṭvā savismayānaṃdayuktā natvaivam abravīt
Sanskrit only: no published translation is held for this verse.
भद्रे ऽहं प्रेषिता मात्रा त्वदाह्वानं प्रतीह तत् । सहसा त्वं समागंतुम् अर्हसि स्वात्मजान्विता
bhadre 'haṃ preṣitā mātrā tvadāhvānaṃ pratīha tat / sahasā tvaṃ samāgaṃtum arhasi svātmajānvitā
Sanskrit only: no published translation is held for this verse.
इति तया समाख्यातं श्रुत्वा सा धीमती मुदा । हसन्ती तां सखीं मातुः समालोक्यैवम् अब्रवीत्
iti tayā samākhyātaṃ śrutvā sā dhīmatī mudā / hasantī tāṃ sakhīṃ mātuḥ samālokyaivam abravīt
Sanskrit only: no published translation is held for this verse.
अयि मां स्मरते माता किम् अर्थं सांप्रतं कथं । तदाहं न स्मृता मात्रा दारिद्रियदुःखिनी यदा
ayi māṃ smarate mātā kim arthaṃ sāṃprataṃ kathaṃ / tadāhaṃ na smṛtā mātrā dāridriyaduḥkhinī yadā
Sanskrit only: no published translation is held for this verse.
तथाप्य् अहं मुखं मातुर् द्रष्टुम् इछामि सांप्रतं । तथाहम् आगमिष्यामि यथा मातुः समीहितं
tathāpy ahaṃ mukhaṃ mātur draṣṭum ichāmi sāṃprataṃ / tathāham āgamiṣyāmi yathā mātuḥ samīhitaṃ
Sanskrit only: no published translation is held for this verse.
इत्य् उक्त्वा धीमती साथ पुत्रं च भूषणं । भूषयित्वा सुवस्त्रैश् च प्रावार्य सममण्डयत्
ity uktvā dhīmatī sātha putraṃ ca bhūṣaṇaṃ / bhūṣayitvā suvastraiś ca prāvārya samamaṇḍayat
Sanskrit only: no published translation is held for this verse.
स्वयं च सा प्रसाधित्वा दुष्यपट्टाम्वरावृता । श्रीमद् रत्नाम्वलंकारैर् मण्डितांगाभिशोभिता
svayaṃ ca sā prasādhitvā duṣyapaṭṭāmvarāvṛtā / śrīmad ratnāmvalaṃkārair maṇḍitāṃgābhiśobhitā
Sanskrit only: no published translation is held for this verse.
ततः सख्या तया सार्द्धं पुत्रपुत्रीसमन्विता । संप्रस्थिता जनैश् चापि सह मातुर् गृहे ययौ
tataḥ sakhyā tayā sārddhaṃ putraputrīsamanvitā / saṃprasthitā janaiś cāpi saha mātur gṛhe yayau
Sanskrit only: no published translation is held for this verse.
तत्र सा जननी दृष्ट्वा धीमतीं तां समागतां । तं सुपुत्रं सुपुत्रीं च पश्यन्ती समुपाचरन्
tatra sā jananī dṛṣṭvā dhīmatīṃ tāṃ samāgatāṃ / taṃ suputraṃ suputrīṃ ca paśyantī samupācaran
Sanskrit only: no published translation is held for this verse.
तत्र तां जननीं दृष्ट्वा धीमती सात्मजान्विता । सहसा समुपागत्य नत्वापृछत् सुकौशलं
tatra tāṃ jananīṃ dṛṣṭvā dhīmatī sātmajānvitā / sahasā samupāgatya natvāpṛchat sukauśalaṃ
Sanskrit only: no published translation is held for this verse.
जननी सापि तां पुत्रीं पुत्रपुत्रीसमन्वितां । धीमतीं सहसालिंग्य पप्रछ कौशलं मुदा
jananī sāpi tāṃ putrīṃ putraputrīsamanvitāṃ / dhīmatīṃ sahasāliṃgya papracha kauśalaṃ mudā
Sanskrit only: no published translation is held for this verse.
ततः सा धीमती पुत्री पुत्रपुत्रीसमन्विता । मात्रा सहाभिगछंती पितुर् गेहम् उपासरत्
tataḥ sā dhīmatī putrī putraputrīsamanvitā / mātrā sahābhigachaṃtī pitur geham upāsarat
Sanskrit only: no published translation is held for this verse.
तत्र साधीमतीं पुत्रीं पुत्रपुत्रीसहागतां । दृष्ट्वा स जनको ऽप्य् एवं पश्यन् प्रत्युद्ययौ मुदा
tatra sādhīmatīṃ putrīṃ putraputrīsahāgatāṃ / dṛṣṭvā sa janako 'py evaṃ paśyan pratyudyayau mudā
Sanskrit only: no published translation is held for this verse.
जनकं तं समालोक्य धीमती सात्मजान्विता । संस्मिता समुपासृत्य नत्वापृछत् सुकौशलं
janakaṃ taṃ samālokya dhīmatī sātmajānvitā / saṃsmitā samupāsṛtya natvāpṛchat sukauśalaṃ
Sanskrit only: no published translation is held for this verse.
पितापि स समालोक्य धीमतीं तां शुभांशिकां । पुत्रपुत्र्यौ च संभाष्य पप्रछ कौशलं मुदा
pitāpi sa samālokya dhīmatīṃ tāṃ śubhāṃśikāṃ / putraputryau ca saṃbhāṣya papracha kauśalaṃ mudā
Sanskrit only: no published translation is held for this verse.
पिता स जननी सापि धीमतीं तां सुभाविनीं । पौत्रं पौत्रीं च संधृत्वा स्वगृहे जग्मतुर् मुदा
pitā sa jananī sāpi dhīmatīṃ tāṃ subhāvinīṃ / pautraṃ pautrīṃ ca saṃdhṛtvā svagṛhe jagmatur mudā
Sanskrit only: no published translation is held for this verse.
तत्र सा जननी तस्याः पौत्र्याः पौत्रस्य चादरात् । पादान् प्रक्षालयित्वाशु स्वकम् आनयत्
tatra sā jananī tasyāḥ pautryāḥ pautrasya cādarāt / pādān prakṣālayitvāśu svakam ānayat
Sanskrit only: no published translation is held for this verse.
तद् आसनं समास्तीर्य तां पुत्रीं स्वयम् आदरात् । पौत्रं पौत्रीं च तान् सर्वान् संधृत्वा संन्यवेशयत्
tad āsanaṃ samāstīrya tāṃ putrīṃ svayam ādarāt / pautraṃ pautrīṃ ca tān sarvān saṃdhṛtvā saṃnyaveśayat
Sanskrit only: no published translation is held for this verse.
तत्रासने समाश्रित्य पार्श्वयोर् वामदक्षयोः । पुत्रीं पुत्रम् उपस्थाप्य तस्थौ सा धीमती स्मिता
tatrāsane samāśritya pārśvayor vāmadakṣayoḥ / putrīṃ putram upasthāpya tasthau sā dhīmatī smitā
Sanskrit only: no published translation is held for this verse.
ताम् आगतां समाकर्ण्य सर्वे ऽपि जातयो मुदा । सहसा द्रष्टुम् आगत्य सा दरं समुपाययुः
tām āgatāṃ samākarṇya sarve 'pi jātayo mudā / sahasā draṣṭum āgatya sā daraṃ samupāyayuḥ
Sanskrit only: no published translation is held for this verse.
तथा ते वांधवाः सर्वे सुहृत्मिन्रजना अपि । तां तथा स्वगृहायातां कुशलं प्रष्टुम् आययुः
tathā te vāṃdhavāḥ sarve suhṛtminrajanā api / tāṃ tathā svagṛhāyātāṃ kuśalaṃ praṣṭum āyayuḥ
Sanskrit only: no published translation is held for this verse.
तथा ताश् च भगिन्यो ऽपि तासां सर्वे ऽपि चात्मजाः । तां धीमतीं तथायातां श्रुत्वा द्रष्टु समा ययुः
tathā tāś ca bhaginyo 'pi tāsāṃ sarve 'pi cātmajāḥ / tāṃ dhīmatīṃ tathāyātāṃ śrutvā draṣṭu samā yayuḥ
Sanskrit only: no published translation is held for this verse.
एवम् अन्ये ऽपि लोकाश् च धीमतीं तां सुभूषणां । स्वमातुर् गृहमायातां श्रुत्वा द्रष्टुम् उपाययुः
evam anye 'pi lokāś ca dhīmatīṃ tāṃ subhūṣaṇāṃ / svamātur gṛhamāyātāṃ śrutvā draṣṭum upāyayuḥ
Sanskrit only: no published translation is held for this verse.
तत्रेतं धीमतीं कांतां सुवस्त्रभूषणावृतां । ते सज्ञात्यादयः सर्वे दृष्ट्वा विस्मयम् आययुः
tatretaṃ dhīmatīṃ kāṃtāṃ suvastrabhūṣaṇāvṛtāṃ / te sajñātyādayaḥ sarve dṛṣṭvā vismayam āyayuḥ
Sanskrit only: no published translation is held for this verse.
ततो ऽनुजा भगिन्यादि ज्ञातिवंधुसुहृज्जनाः । सर्वे तां सादरं नत्वा पप्रछुः कुशलं मुदा
tato 'nujā bhaginyādi jñātivaṃdhusuhṛjjanāḥ / sarve tāṃ sādaraṃ natvā paprachuḥ kuśalaṃ mudā
Sanskrit only: no published translation is held for this verse.
तथा सा धीमती चापि ज्ञातिवंधुसुहृज्जनान् । वन्दनीयान्स् तान् नत्वापृछत् सुकौशलं
tathā sā dhīmatī cāpi jñātivaṃdhusuhṛjjanān / vandanīyāns tān natvāpṛchat sukauśalaṃ
Sanskrit only: no published translation is held for this verse.
ततः सा जननी तस्यै धीमत्यै सादरान् मुदा । वर्णगंधरसोपेतं भोजनं समुपाहरत्
tataḥ sā jananī tasyai dhīmatyai sādarān mudā / varṇagaṃdharasopetaṃ bhojanaṃ samupāharat
Sanskrit only: no published translation is held for this verse.
तथा सौताय सौतायै भोजनं सुरसान्वितं । सादरम् उपढोकित्वा पुर एवम् अभाषत
tathā sautāya sautāyai bhojanaṃ surasānvitaṃ / sādaram upaḍhokitvā pura evam abhāṣata
Sanskrit only: no published translation is held for this verse.
गृह्णाण सुरसं भोग्यं भुक्ष्व हृद् धीमति प्रिये । यो सौत सौते च सौदार्द्द प्रोच्युतं यदभीप्सितं
gṛhṇāṇa surasaṃ bhogyaṃ bhukṣva hṛd dhīmati priye / yo sauta saute ca saudārdda procyutaṃ yadabhīpsitaṃ
Sanskrit only: no published translation is held for this verse.
जनको वितथ्य सर्वो भगिन्यो भ्रातरो ऽपि च । भातृजायां सुखाश् चापि तस्याश् चक्रुः समादरं
janako vitathya sarvo bhaginyo bhrātaro 'pi ca / bhātṛjāyāṃ sukhāś cāpi tasyāś cakruḥ samādaraṃ
Sanskrit only: no published translation is held for this verse.
तथादरां कृतं सर्वे श्रुत्वा सा धीमती तदा । पूर्ववृत्तिम् अनुस्मृत्वा मनसैवं व्यचिंतयत्
tathādarāṃ kṛtaṃ sarve śrutvā sā dhīmatī tadā / pūrvavṛttim anusmṛtvā manasaivaṃ vyaciṃtayat
Sanskrit only: no published translation is held for this verse.
नैवाहं मानिता ह्य् एभिर् नायं पुत्रो ऽपि मानितः । न च यं मानिता पुत्रि धनम् एवात्र मन्यते
naivāhaṃ mānitā hy ebhir nāyaṃ putro 'pi mānitaḥ / na ca yaṃ mānitā putri dhanam evātra manyate
Sanskrit only: no published translation is held for this verse.
यदा न मे गृहे संपद् दरिद्रो ऽहं च दुःखिनी । तदेमे सर्व एते ऽपि नापि ऽपश्यन् मुखं मम
yadā na me gṛhe saṃpad daridro 'haṃ ca duḥkhinī / tademe sarva ete 'pi nāpi 'paśyan mukhaṃ mama
Sanskrit only: no published translation is held for this verse.
इदानीं मे गृहे संपज् जाता तत् सुखान्वितां । एवं मते ऽपि सर्वे मां मानयंति समादरात्
idānīṃ me gṛhe saṃpaj jātā tat sukhānvitāṃ / evaṃ mate 'pi sarve māṃ mānayaṃti samādarāt
Sanskrit only: no published translation is held for this verse.
यद् अहं मानिता नैव धनम् एवाभिमान्यते । तद् यस्य तैः क्रियते मान्यं स भुंज्याद् इदम् आदरं
yad ahaṃ mānitā naiva dhanam evābhimānyate / tad yasya taiḥ kriyate mānyaṃ sa bhuṃjyād idam ādaraṃ
Sanskrit only: no published translation is held for this verse.
इति सा मनसा ध्यात्वा सर्वाणि भूषणान्य् अपि । स्वानि पुत्रस्य पुत्र्याश् च संनिरीक्ष्य समाददे
iti sā manasā dhyātvā sarvāṇi bhūṣaṇāny api / svāni putrasya putryāś ca saṃnirīkṣya samādade
Sanskrit only: no published translation is held for this verse.
ततः सा धीमती कांशस्थाल्यां सर्वाणि तान्य् अपि । भूषणानि प्रसार्यैवं सादरं प्रत्यभाषत
tataḥ sā dhīmatī kāṃśasthālyāṃ sarvāṇi tāny api / bhūṣaṇāni prasāryaivaṃ sādaraṃ pratyabhāṣata
Sanskrit only: no published translation is held for this verse.
भो भो भवन्ति सर्वाणि भूषणानि प्रियाणि मे । इदं सौरसिकं भोज्यं प्राश्नुत स्वेछया सुखं
bho bho bhavanti sarvāṇi bhūṣaṇāni priyāṇi me / idaṃ saurasikaṃ bhojyaṃ prāśnuta svechayā sukhaṃ
Sanskrit only: no published translation is held for this verse.
संसारे माननीयं हि धनम् एव सदादरात् । धनानुरूपेण यल् लोके मान्यते निंद्यते नरः
saṃsāre mānanīyaṃ hi dhanam eva sadādarāt / dhanānurūpeṇa yal loke mānyate niṃdyate naraḥ
Sanskrit only: no published translation is held for this verse.
धनवान् पुरुषो लोके नीचो ऽपि मान्यते ऽगुणः । निर्धना गुणवांश् चापि सुजातो ऽपि न मान्यते
dhanavān puruṣo loke nīco 'pi mānyate 'guṇaḥ / nirdhanā guṇavāṃś cāpi sujāto 'pi na mānyate
Sanskrit only: no published translation is held for this verse.
धनानुरूपेण सर्वत्र विचारमान्यभोजनं । धनप्रसंगतो मूर्खो नीचो ऽपि धन्यतो भवेत्
dhanānurūpeṇa sarvatra vicāramānyabhojanaṃ / dhanaprasaṃgato mūrkho nīco 'pi dhanyato bhavet
Sanskrit only: no published translation is held for this verse.
यावत् संपद् गृहे तावल् लोके समाद्रितो नरः । यदा संपद् विहीने तु तदा स भूतवच् चरेत्
yāvat saṃpad gṛhe tāval loke samādrito naraḥ / yadā saṃpad vihīne tu tadā sa bhūtavac caret
Sanskrit only: no published translation is held for this verse.
इति साभिलपन्त्य् एव सर्वाणि भूषणान्य् अपि । तानि पुनः समादाय यथा स्थानं न्ययोजयत्
iti sābhilapanty eva sarvāṇi bhūṣaṇāny api / tāni punaḥ samādāya yathā sthānaṃ nyayojayat
Sanskrit only: no published translation is held for this verse.
ततस् तद्भोजनं किंचिद् भक्त्वा सा स्वात्मजान्विता । नत्वैव पितरौ भर्त्तुर् गृहे ययौ प्रसादिता
tatas tadbhojanaṃ kiṃcid bhaktvā sā svātmajānvitā / natvaiva pitarau bharttur gṛhe yayau prasāditā
Sanskrit only: no published translation is held for this verse.
तत्र सा धीमती भर्त्तुर् विष्णुदासस्य पादयोः । नत्वा सर्वप्रवृत्तांतं न्यवेदयत् पुरः स्थिता
tatra sā dhīmatī bharttur viṣṇudāsasya pādayoḥ / natvā sarvapravṛttāṃtaṃ nyavedayat puraḥ sthitā
Sanskrit only: no published translation is held for this verse.
एतद् भार्यासमाख्यातं श्रुत्वा स ब्राह्मणः पतिः । मुदितस् तां सुकल्याणीं भार्यं दृष्ट्वैवम् अब्रवीत्
etad bhāryāsamākhyātaṃ śrutvā sa brāhmaṇaḥ patiḥ / muditas tāṃ sukalyāṇīṃ bhāryaṃ dṛṣṭvaivam abravīt
Sanskrit only: no published translation is held for this verse.
धन्यो ऽसि त्वं सुकल्याणी यत् ते समुपादेशतः । श्रीदेवीव्रतम् आधाय समाप्नोमि सुसंपदं
dhanyo 'si tvaṃ sukalyāṇī yat te samupādeśataḥ / śrīdevīvratam ādhāya samāpnomi susaṃpadaṃ
Sanskrit only: no published translation is held for this verse.
प्रिये त्वाम् अत्र तद्रत्नसंभवकुलसंभवां । श्रीवसुधामहादेवीसमां मन्ये ऽहम् आत्मना
priye tvām atra tadratnasaṃbhavakulasaṃbhavāṃ / śrīvasudhāmahādevīsamāṃ manye 'ham ātmanā
Sanskrit only: no published translation is held for this verse.
इत्य् उक्त्वा ब्राह्मणो भर्त्ता विष्णुदासः कृतांजलिः । धीमतीं तं सुकल्याणीं नत्वैवं पुनर् अब्रवीत्
ity uktvā brāhmaṇo bharttā viṣṇudāsaḥ kṛtāṃjaliḥ / dhīmatīṃ taṃ sukalyāṇīṃ natvaivaṃ punar abravīt
Sanskrit only: no published translation is held for this verse.
प्रिये तव प्रसादेन साफल्यं जन्म मे ऽधुना । यच् छ्रीवसुंधरादेव्या उपासको व्रती भवे
priye tava prasādena sāphalyaṃ janma me 'dhunā / yac chrīvasuṃdharādevyā upāsako vratī bhave
Sanskrit only: no published translation is held for this verse.
तन् मया प्रकृतं पापं तत् सर्वं क्षीयते ऽधुना । संपत्तिः संप्रजाता च नैव क्षीणा भवे धि नः
tan mayā prakṛtaṃ pāpaṃ tat sarvaṃ kṣīyate 'dhunā / saṃpattiḥ saṃprajātā ca naiva kṣīṇā bhave dhi naḥ
Sanskrit only: no published translation is held for this verse.
तथा वयं सदाप्य् अस्याः श्रीदेव्याः शरणं गताः । यथाविधि व्रतं धृत्वा चरेमहि शुभे ऽधुना
tathā vayaṃ sadāpy asyāḥ śrīdevyāḥ śaraṇaṃ gatāḥ / yathāvidhi vrataṃ dhṛtvā caremahi śubhe 'dhunā
Sanskrit only: no published translation is held for this verse.
त्रिरत्नभजनं कृत्वा दत्वार्थिभ्यो यथेप्सितं । यावज्जीवं शुभं कृत्वा भुक्त्वा सौख्यं चरेमहि
triratnabhajanaṃ kṛtvā datvārthibhyo yathepsitaṃ / yāvajjīvaṃ śubhaṃ kṛtvā bhuktvā saukhyaṃ caremahi
Sanskrit only: no published translation is held for this verse.
एतत्पुण्यविपाकेन सर्वदा सद्गतीं गताः । क्रमात् संबोधिम् आसाद्य बुद्धपदं लभेमहि
etatpuṇyavipākena sarvadā sadgatīṃ gatāḥ / kramāt saṃbodhim āsādya buddhapadaṃ labhemahi
Sanskrit only: no published translation is held for this verse.
इति भर्त्रोदितं श्रुत्वा धीमती सानुमोदिता । तथा सदा वसुंधाराव्रतं धृत्वा शुभे ऽचरत्
iti bhartroditaṃ śrutvā dhīmatī sānumoditā / tathā sadā vasuṃdhārāvrataṃ dhṛtvā śubhe 'carat
Sanskrit only: no published translation is held for this verse.
ततः सा धीमती तस्याः शांतमतेः पुरोगता । सर्वम् एतत् प्रवृत्तांतं निवेद्यैवम् अभाषत
tataḥ sā dhīmatī tasyāḥ śāṃtamateḥ purogatā / sarvam etat pravṛttāṃtaṃ nivedyaivam abhāṣata
Sanskrit only: no published translation is held for this verse.
प्रिये सखि महाभागे भवत्कृपाप्रसादतः । पापं मे क्षीयते सर्वं तज् जन्म सफलं भवे
priye sakhi mahābhāge bhavatkṛpāprasādataḥ / pāpaṃ me kṣīyate sarvaṃ taj janma saphalaṃ bhave
Sanskrit only: no published translation is held for this verse.
संपत्तिः संप्रजाता मे नैव क्षीणा भवेद् अपि । तद् यावज्जीवितं देव्याः शरणस्थो भजानि हि
saṃpattiḥ saṃprajātā me naiva kṣīṇā bhaved api / tad yāvajjīvitaṃ devyāḥ śaraṇastho bhajāni hi
Sanskrit only: no published translation is held for this verse.
त्वम् एव शास्ता न चान्या हि सद्धर्मोपदेशिनी । तन् मे पुण्यानुभावेन संबुद्धपदम् आप्नुहि
tvam eva śāstā na cānyā hi saddharmopadeśinī / tan me puṇyānubhāvena saṃbuddhapadam āpnuhi
Sanskrit only: no published translation is held for this verse.
इत्य् उदिते तम् आश्रुत्वा शांतमतिश् च सा मुदा । धीमतीं तां समालोक्य पुनर् एवम् अभाषात
ity udite tam āśrutvā śāṃtamatiś ca sā mudā / dhīmatīṃ tāṃ samālokya punar evam abhāṣāta
Sanskrit only: no published translation is held for this verse.
भद्रे धीमति संबुद्धशरणस्था सदादरात् । श्रीदेव्याव्रतम् आधाय शुभे चर समाहिता
bhadre dhīmati saṃbuddhaśaraṇasthā sadādarāt / śrīdevyāvratam ādhāya śubhe cara samāhitā
Sanskrit only: no published translation is held for this verse.
एतत्पुण्यविपाकेन सर्वदा सद्गतीं गता । क्रमात् संबोधिम् आसाद्य संबुद्धपदम् आप्नुयाः
etatpuṇyavipākena sarvadā sadgatīṃ gatā / kramāt saṃbodhim āsādya saṃbuddhapadam āpnuyāḥ
Sanskrit only: no published translation is held for this verse.
इति मत्वात्र संसारे शुभं धर्मार्थसाधनं । धर्मो लोकहितार्थाय तल् लोकार्थे धर्मम् आचरेः
iti matvātra saṃsāre śubhaṃ dharmārthasādhanaṃ / dharmo lokahitārthāya tal lokārthe dharmam ācareḥ
Sanskrit only: no published translation is held for this verse.
इति तयोदितं श्रुत्वा धीमती सा प्रबोधिता । तथेति प्रतिनंदित्वा मुदिता स्वगृहे ययौ
iti tayoditaṃ śrutvā dhīmatī sā prabodhitā / tatheti pratinaṃditvā muditā svagṛhe yayau
Sanskrit only: no published translation is held for this verse.
ततः प्रभृति सा साध्वी धीमती सर्वदा गृहे । श्रीदेव्या भजनं कृत्वा दत्वा दानं शुभे ऽचरत्
tataḥ prabhṛti sā sādhvī dhīmatī sarvadā gṛhe / śrīdevyā bhajanaṃ kṛtvā datvā dānaṃ śubhe 'carat
Sanskrit only: no published translation is held for this verse.
तथा तस्या गृहे संपद् दिने दिने प्रवर्द्धिता । सर्वसत्वोपभोग्यार्थं बभूव धर्मसाधिनी
tathā tasyā gṛhe saṃpad dine dine pravarddhitā / sarvasatvopabhogyārthaṃ babhūva dharmasādhinī
Sanskrit only: no published translation is held for this verse.
तथा सा धीमती दृष्ट्वा सर्वसंपत्प्रवर्द्धितां । मुदा लोकहितं कृत्वा प्रचचार शुभे सदा
tathā sā dhīmatī dṛṣṭvā sarvasaṃpatpravarddhitāṃ / mudā lokahitaṃ kṛtvā pracacāra śubhe sadā
Sanskrit only: no published translation is held for this verse.
इति मे गुरुणादिष्टं श्रुतं मया तथोच्यते । तथा त्वम् अपि राजेन्द्र वसुधाराव्रतं चर
iti me guruṇādiṣṭaṃ śrutaṃ mayā tathocyate / tathā tvam api rājendra vasudhārāvrataṃ cara
Sanskrit only: no published translation is held for this verse.
श्रीदेव्याः शरणे स्थाप्य व्रतं चारय सर्वदा
śrīdevyāḥ śaraṇe sthāpya vrataṃ cāraya sarvadā
Sanskrit only: no published translation is held for this verse.
तथा ते सर्वदा क्षेमं सर्वत्रापि भवेद् ध्रुवं । क्रमाद् बोधिं समासाद्य संबुद्धपदम् आप्नुयाः
tathā te sarvadā kṣemaṃ sarvatrāpi bhaved dhruvaṃ / kramād bodhiṃ samāsādya saṃbuddhapadam āpnuyāḥ
Sanskrit only: no published translation is held for this verse.
इति तेनार्हतादिष्टं श्रुत्वाशोकः स भूपतिः । तथेत्य् अभ्यनुमोदित्वा प्राभ्यनन्दत् सपार्षदः
iti tenārhatādiṣṭaṃ śrutvāśokaḥ sa bhūpatiḥ / tathety abhyanumoditvā prābhyanandat sapārṣadaḥ
Sanskrit only: no published translation is held for this verse.
धीमत्या ये ऽवदानं शुभफलदम् इदं सुप्रसन्नाः शृण्वन्ति । श्रावयन्ति प्रमुदितमनसा बोधिचर्यानुरागाः । सर्वे ते बोधिसत्वाः सकलगुणधराः सर्वसंपत्समृद्धाः । श्रीमन्तो लोकश्रेष्ठा जिननिलयगताः संवसंति सुखाढ्याः
dhīmatyā ye 'vadānaṃ śubhaphaladam idaṃ suprasannāḥ śṛṇvanti / śrāvayanti pramuditamanasā bodhicaryānurāgāḥ / sarve te bodhisatvāḥ sakalaguṇadharāḥ sarvasaṃpatsamṛddhāḥ / śrīmanto lokaśreṣṭhā jinanilayagatāḥ saṃvasaṃti sukhāḍhyāḥ
Sanskrit only: no published translation is held for this verse.