Ratnamālāvadāna 37

इति मे वचनं श्रुत्वा धैर्य्यम् आलम्व्य सांप्रतं । पुत्रपुत्रीं समादाय प्रैहि गृहे व्रजामहे

iti me vacanaṃ śrutvā dhairyyam ālamvya sāṃprataṃ / putraputrīṃ samādāya praihi gṛhe vrajāmahe

Sanskrit only: no published translation is held for this verse.

इति भर्त्रोदितं श्रुत्वा धीमती साभिबोधिता । पुत्रं पुत्रीं पुरोधाय शनैर् भर्त्रा सहाचरत्

iti bhartroditaṃ śrutvā dhīmatī sābhibodhitā / putraṃ putrīṃ purodhāya śanair bhartrā sahācarat

Sanskrit only: no published translation is held for this verse.

तत्र सा स्वगृहे गत्वा क्षणं स्थित्वा निरुत्सहा । ततः शान्तमतीं द्रष्टुं समुत्थाय शनैर् ययौ

tatra sā svagṛhe gatvā kṣaṇaṃ sthitvā nirutsahā / tataḥ śāntamatīṃ draṣṭuṃ samutthāya śanair yayau

Sanskrit only: no published translation is held for this verse.

तत्र सा धीमती तस्याः शांतमत्याः पुरोगता । गलदश्रुविलिप्तास्या निःश्वसंत्य् एवम् अब्रवीत्

tatra sā dhīmatī tasyāḥ śāṃtamatyāḥ purogatā / galadaśruviliptāsyā niḥśvasaṃty evam abravīt

Sanskrit only: no published translation is held for this verse.

शांतमते पितुर् यज्ञमहोत्साहप्रवर्त्तितं । तत् संद्रष्टु गता तत्र महालज्जान्विता चरं

śāṃtamate pitur yajñamahotsāhapravarttitaṃ / tat saṃdraṣṭu gatā tatra mahālajjānvitā caraṃ

Sanskrit only: no published translation is held for this verse.

यन् मां दृष्ट्वा भगिन्यो ऽपि ज्ञातिवंधुसुहृज्जनाः । अपि सर्वे मिथो दृष्ट्वा प्रजल्पिताभ्युपाहसन्

yan māṃ dṛṣṭvā bhaginyo 'pi jñātivaṃdhusuhṛjjanāḥ / api sarve mitho dṛṣṭvā prajalpitābhyupāhasan

Sanskrit only: no published translation is held for this verse.

भागिनेयाश् च सर्वे ऽपि मां दृष्ट्वा रुषिताशयाः । पुत्रपुत्रीं च मे दृष्ट्वा फुत्कृत्य प्रत्याताडयन्

bhāgineyāś ca sarve 'pi māṃ dṛṣṭvā ruṣitāśayāḥ / putraputrīṃ ca me dṛṣṭvā phutkṛtya pratyātāḍayan

Sanskrit only: no published translation is held for this verse.

पितृभ्यां मानिताः सर्वाः भगिन्यस् ता यथादरात् । तथाहं मानिता नैव द्रष्टुम् अपि न चैष्यते

pitṛbhyāṃ mānitāḥ sarvāḥ bhaginyas tā yathādarāt / tathāhaṃ mānitā naiva draṣṭum api na caiṣyate

Sanskrit only: no published translation is held for this verse.

रात्राव् अपि गृहे वासं न मे दत्तं निरादरात् । शिवालये निषण्णा तन् निशां कृच्छ्राद् व्यलंघयं

rātrāv api gṛhe vāsaṃ na me dattaṃ nirādarāt / śivālaye niṣaṇṇā tan niśāṃ kṛcchrād vyalaṃghayaṃ

Sanskrit only: no published translation is held for this verse.

एवम् अहं महल्लज्जादुःखाग्निपतितापिता । मर्त्तुम् अपि तद् इच्छामि किम् एवं जीवितेनपि

evam ahaṃ mahallajjāduḥkhāgnipatitāpitā / marttum api tad icchāmi kim evaṃ jīvitenapi

Sanskrit only: no published translation is held for this verse.

यदि ते ऽस्ति कृपा भद्रे दुःखिन्यां मयि विद्यते । तद् द्रव्योपार्जनोपायं समुपदेष्टुम् अर्हति

yadi te 'sti kṛpā bhadre duḥkhinyāṃ mayi vidyate / tad dravyopārjanopāyaṃ samupadeṣṭum arhati

Sanskrit only: no published translation is held for this verse.

इति तयोदितं श्रुत्वा शान्तमतीर् दयार्दितः । धीमतीं तां समालोक्य समाश्वास्यैवम् अब्रवीत्

iti tayoditaṃ śrutvā śāntamatīr dayārditaḥ / dhīmatīṃ tāṃ samālokya samāśvāsyaivam abravīt

Sanskrit only: no published translation is held for this verse.

धीमती श्रीमहासंपत्साधनोपायम् अस्ति मे । यद्य् अत्राप्य् अस्ति ते वांछा प्रवक्ष्यामि शृणुष्व तत्

dhīmatī śrīmahāsaṃpatsādhanopāyam asti me / yady atrāpy asti te vāṃchā pravakṣyāmi śṛṇuṣva tat

Sanskrit only: no published translation is held for this verse.

यदि श्रद्धास्ति ते देव्या वसुलक्ष्म्या व्रतं चर । ततस् ते श्रीवसुन्धारा महादेवी वसेद् गृहे

yadi śraddhāsti te devyā vasulakṣmyā vrataṃ cara / tatas te śrīvasundhārā mahādevī vased gṛhe

Sanskrit only: no published translation is held for this verse.

ततस् तस्या महादेव्याः कृपादृष्टिप्रसादतः । संपत्तिस् ते समुद्भूता प्रवर्द्धिता भवेद् गृहे

tatas tasyā mahādevyāḥ kṛpādṛṣṭiprasādataḥ / saṃpattis te samudbhūtā pravarddhitā bhaved gṛhe

Sanskrit only: no published translation is held for this verse.

तदा त्वं श्रद्धयार्थिभ्यो दानं दत्वा यथेप्सितं । त्रिरत्नभजनं कृत्वा शुभे चर सुखाशिनी

tadā tvaṃ śraddhayārthibhyo dānaṃ datvā yathepsitaṃ / triratnabhajanaṃ kṛtvā śubhe cara sukhāśinī

Sanskrit only: no published translation is held for this verse.

एतत्पुण्यविपाकेन सर्वदा सद्गतिं गता । क्रमाद् बोधिं समासाद्य संबुद्धपदम् आप्नुयाः

etatpuṇyavipākena sarvadā sadgatiṃ gatā / kramād bodhiṃ samāsādya saṃbuddhapadam āpnuyāḥ

Sanskrit only: no published translation is held for this verse.

एवं मत्वास्ति ते वांछा संबुद्धपद साधने । श्रीदेव्याः शरणं गत्वा समाधाय व्रतं चर

evaṃ matvāsti te vāṃchā saṃbuddhapada sādhane / śrīdevyāḥ śaraṇaṃ gatvā samādhāya vrataṃ cara

Sanskrit only: no published translation is held for this verse.

इति तया समादिष्टं श्रुत्व सा धीमती मुदा । तां शांतमतीम् आनम्य सांजलीर् एवम् अब्रवीत्

iti tayā samādiṣṭaṃ śrutva sā dhīmatī mudā / tāṃ śāṃtamatīm ānamya sāṃjalīr evam abravīt

Sanskrit only: no published translation is held for this verse.

साधु भद्रे व्रतं धृत्वा श्रीदेव्याः शरणं गता । त्रिरत्नभजनम् कृत्वा चरिष्यामि शुभे सदा

sādhu bhadre vrataṃ dhṛtvā śrīdevyāḥ śaraṇaṃ gatā / triratnabhajanam kṛtvā cariṣyāmi śubhe sadā

Sanskrit only: no published translation is held for this verse.

तद् भवंती कृपादृष्ट्या तद् उपदेशम् आदिश । यावज्जीवं चरिष्यामि श्रीदेव्या व्रतम् आदरात्

tad bhavaṃtī kṛpādṛṣṭyā tad upadeśam ādiśa / yāvajjīvaṃ cariṣyāmi śrīdevyā vratam ādarāt

Sanskrit only: no published translation is held for this verse.

इति तयोदितं श्रुत्वा शान्तमतिः समादरात् । धीमतीं तां समालोक्य पुनर् एवम् अभाषत

iti tayoditaṃ śrutvā śāntamatiḥ samādarāt / dhīmatīṃ tāṃ samālokya punar evam abhāṣata

Sanskrit only: no published translation is held for this verse.

यदि भद्रे ऽस्ति ते सत्यं स्नात्वा शुद्धाम्वरावृता । प्रेहि तं श्रीघनं नाथं संस्मृत्वा प्रार्थयावहे

yadi bhadre 'sti te satyaṃ snātvā śuddhāmvarāvṛtā / prehi taṃ śrīghanaṃ nāthaṃ saṃsmṛtvā prārthayāvahe

Sanskrit only: no published translation is held for this verse.

तयेति समुपादिष्टं श्रुत्वा सा धीमती मुदा । सहसा स्वगृहे गत्वा स्नात्वा शुद्धाम्वरावृता

tayeti samupādiṣṭaṃ śrutvā sā dhīmatī mudā / sahasā svagṛhe gatvā snātvā śuddhāmvarāvṛtā

Sanskrit only: no published translation is held for this verse.

स लाजाक्षतपुष्पाणि गृहित्वा सहसा मुदा । तस्याः शांतमतेर् अग्रे प्रयातेवम् अभाषत

sa lājākṣatapuṣpāṇi gṛhitvā sahasā mudā / tasyāḥ śāṃtamater agre prayātevam abhāṣata

Sanskrit only: no published translation is held for this verse.

भद्रे त्वया यथादिष्टं तथाहं समुपागता । तं मुनीन्द्रम् अनुस्मृत्वा प्रार्थयेह समागमं

bhadre tvayā yathādiṣṭaṃ tathāhaṃ samupāgatā / taṃ munīndram anusmṛtvā prārthayeha samāgamaṃ

Sanskrit only: no published translation is held for this verse.

इति तयोदितं श्रुत्वा सा शान्तमतिर् आदरात् । तां धीमतीं समामंत्र्य प्रासादान्तं ययौ मुदा

iti tayoditaṃ śrutvā sā śāntamatir ādarāt / tāṃ dhīmatīṃ samāmaṃtrya prāsādāntaṃ yayau mudā

Sanskrit only: no published translation is held for this verse.

जानुभ्यां भुवि संस्थित्वा भगवत्स्थितदिग्मुखा

jānubhyāṃ bhuvi saṃsthitvā bhagavatsthitadigmukhā

Sanskrit only: no published translation is held for this verse.

संभवन्त्य् उत्तरासङ्गं सह लाजाक्षतादिभिः । साम्बुपुष्पाञ्जलिं धृत्वा नत्वैवं प्रार्थयन् मुनिं

saṃbhavanty uttarāsaṅgaṃ saha lājākṣatādibhiḥ / sāmbupuṣpāñjaliṃ dhṛtvā natvaivaṃ prārthayan muniṃ

Sanskrit only: no published translation is held for this verse.

भगवन् नाथ सर्वज्ञ विजानीते भवान् अपि । यद् इयं धीमती साध्वी भगवच्छरणम् आगता

bhagavan nātha sarvajña vijānīte bhavān api / yad iyaṃ dhīmatī sādhvī bhagavaccharaṇam āgatā

Sanskrit only: no published translation is held for this verse.

यद् इयं सांप्रतं शास्तुर् उपदेशाद् यथाविधि । श्रीवसुधामहादेव्या व्रतं चरितुम् इछति

yad iyaṃ sāṃprataṃ śāstur upadeśād yathāvidhi / śrīvasudhāmahādevyā vrataṃ caritum ichati

Sanskrit only: no published translation is held for this verse.

तद् अत्र समुपागत्य कृपयास्मै दयानिधे । श्रीसाधनं व्रतं श्रेष्ठं समुपदेष्टुम् अर्हति

tad atra samupāgatya kṛpayāsmai dayānidhe / śrīsādhanaṃ vrataṃ śreṣṭhaṃ samupadeṣṭum arhati

Sanskrit only: no published translation is held for this verse.

इति संप्रार्थ्य सा शान्तमतिस् तं त्रिजगद्गुरुं । अनुस्मृत्वा त्रिधा नात्वा प्राक्षिपत् तज्जलादिकं

iti saṃprārthya sā śāntamatis taṃ trijagadguruṃ / anusmṛtvā tridhā nātvā prākṣipat tajjalādikaṃ

Sanskrit only: no published translation is held for this verse.

प्रक्षिप्तानि तया तानि साम्बुलाजाक्षताण्य् अपि । सदूर्वाकुण्डपुष्पाणि सर्वाणि गगणे शरन्

prakṣiptāni tayā tāni sāmbulājākṣatāṇy api / sadūrvākuṇḍapuṣpāṇi sarvāṇi gagaṇe śaran

Sanskrit only: no published translation is held for this verse.

ततस् तानि प्रगच्छन्ति विहायसा विहङ्गवत् । कोशाम्व्यां घोषिरारामे विहारे समुपाययुः

tatas tāni pragacchanti vihāyasā vihaṅgavat / kośāmvyāṃ ghoṣirārāme vihāre samupāyayuḥ

Sanskrit only: no published translation is held for this verse.

तत्रस्थस्य मुनीन्द्रस्य मुर्द्धा परि विहायसि । संस्थितानि प्रभासन्ति विरेजुस् तानि छत्रवत्

tatrasthasya munīndrasya murddhā pari vihāyasi / saṃsthitāni prabhāsanti virejus tāni chatravat

Sanskrit only: no published translation is held for this verse.

तद् दृष्ट्वा भिक्षवः सर्वे सांघिकास् ते सविस्मयाः । कुतो निमंत्रणम् आयातम् इति ध्यात्वाभितस्थिरे

tad dṛṣṭvā bhikṣavaḥ sarve sāṃghikās te savismayāḥ / kuto nimaṃtraṇam āyātam iti dhyātvābhitasthire

Sanskrit only: no published translation is held for this verse.

तत्रानन्दः समुत्थाय सांजलिः पुरतो गतः । तं मुनीन्द्रं प्रणत्वैवं पप्रछ विस्मयान्वितः

tatrānandaḥ samutthāya sāṃjaliḥ purato gataḥ / taṃ munīndraṃ praṇatvaivaṃ papracha vismayānvitaḥ

Sanskrit only: no published translation is held for this verse.

भगवन् कुत एतानि साम्बुलाजाक्षतान्य् अपि । पुष्पाणि समुपायान्ति तत् समादेष्टुम् अर्हति

bhagavan kuta etāni sāmbulājākṣatāny api / puṣpāṇi samupāyānti tat samādeṣṭum arhati

Sanskrit only: no published translation is held for this verse.

इति तेनोदितं श्रुत्वा भगवां स मुनीश्वरः । तम् आनंदं समामंत्र्य समालोक्यैवम् अब्रवीत्

iti tenoditaṃ śrutvā bhagavāṃ sa munīśvaraḥ / tam ānaṃdaṃ samāmaṃtrya samālokyaivam abravīt

Sanskrit only: no published translation is held for this verse.

यः काशीपुरे विप्रो विष्णुदासो दरिद्रितः । धर्मध्वजो धनी श्रीमान् गृहस्थो धनदोपमः

yaḥ kāśīpure vipro viṣṇudāso daridritaḥ / dharmadhvajo dhanī śrīmān gṛhastho dhanadopamaḥ

Sanskrit only: no published translation is held for this verse.

तयोर् भार्य उभे साध्वौ शान्तमती रमोपमा । धीमती ब्राह्मणी भद्रा दरिद्रिता सुदुःखिनी

tayor bhārya ubhe sādhvau śāntamatī ramopamā / dhīmatī brāhmaṇī bhadrā daridritā suduḥkhinī

Sanskrit only: no published translation is held for this verse.

ताभ्यां श्रीवसुधाराया व्रतं चरितुम् इछ्यते । तद् इदं निमंत्रणार्थं मे उपहारं समागतं

tābhyāṃ śrīvasudhārāyā vrataṃ caritum ichyate / tad idaṃ nimaṃtraṇārthaṃ me upahāraṃ samāgataṃ

Sanskrit only: no published translation is held for this verse.

तस्माच् छ्रीवसुधाराया व्रतविधिं त्वम् आत्मना । उपदेष्टुं तयोर् गेहे काश्यां गंतुं समर्हसि

tasmāc chrīvasudhārāyā vratavidhiṃ tvam ātmanā / upadeṣṭuṃ tayor gehe kāśyāṃ gaṃtuṃ samarhasi

Sanskrit only: no published translation is held for this verse.

इत्य् आदिष्टं मुनीन्द्रेण श्रुत्वानंदस् तथेति सः । शास्तुर् आज्ञां शिरोधृत्वा काश्यां विहायसा ययौ

ity ādiṣṭaṃ munīndreṇa śrutvānaṃdas tatheti saḥ / śāstur ājñāṃ śirodhṛtvā kāśyāṃ vihāyasā yayau

Sanskrit only: no published translation is held for this verse.

तत्राकाशान् स आनंदः शांतमतेर् गृहे पुरः । अवतीर्य सुधारश्मिर् इव तस्थौ प्रभासयन्

tatrākāśān sa ānaṃdaḥ śāṃtamater gṛhe puraḥ / avatīrya sudhāraśmir iva tasthau prabhāsayan

Sanskrit only: no published translation is held for this verse.

तत्रस्थं तं समालोक्य शान्तमतिः स धीमती । मुदिता सहसा तस्य प्रणंतुं समुपाचरत्

tatrasthaṃ taṃ samālokya śāntamatiḥ sa dhīmatī / muditā sahasā tasya praṇaṃtuṃ samupācarat

Sanskrit only: no published translation is held for this verse.

तत्र सा समुपासृत्य शांतमतिः सधीमती। तम् आनंदं समालोक्य नत्वैवं प्रार्थयन् मुदा

tatra sā samupāsṛtya śāṃtamatiḥ sadhīmatī/ tam ānaṃdaṃ samālokya natvaivaṃ prārthayan mudā

Sanskrit only: no published translation is held for this verse.

भदन्त चरणौ वंदे भवतां शरणं गता । तद् अत्र कृपयास्माकम् अनुगृह्य प्रसीदतु

bhadanta caraṇau vaṃde bhavatāṃ śaraṇaṃ gatā / tad atra kṛpayāsmākam anugṛhya prasīdatu

Sanskrit only: no published translation is held for this verse.

वसुधारामहादेव्या व्रतविधिं समादिश

vasudhārāmahādevyā vratavidhiṃ samādiśa

Sanskrit only: no published translation is held for this verse.

यद् इयं धीमती भद्रा भवताम् उपदेशतः । वसुलक्ष्म्या महादेव्या व्रतं चरितुम् इछति

yad iyaṃ dhīmatī bhadrā bhavatām upadeśataḥ / vasulakṣmyā mahādevyā vrataṃ caritum ichati

Sanskrit only: no published translation is held for this verse.

तद् अस्यै श्रीमहादेव्या व्रतविधिं यथाक्रमं । विस्तरं समुपादेष्टुम् अर्हति कृपया भवान्

tad asyai śrīmahādevyā vratavidhiṃ yathākramaṃ / vistaraṃ samupādeṣṭum arhati kṛpayā bhavān

Sanskrit only: no published translation is held for this verse.

इति संप्रार्थितं शान्तमत्या तया निशम्य सः । आनंदस् ते उभे दृष्ट्वा तथेति प्रत्यभाषत

iti saṃprārthitaṃ śāntamatyā tayā niśamya saḥ / ānaṃdas te ubhe dṛṣṭvā tatheti pratyabhāṣata

Sanskrit only: no published translation is held for this verse.

ततः सा धीमती नत्वा सांजलिस् तं जिनात्मजं । आनंदं सुप्रसन्नास्या दृष्ट्वैवं प्रार्थयन् मुदा

tataḥ sā dhīmatī natvā sāṃjalis taṃ jinātmajaṃ / ānaṃdaṃ suprasannāsyā dṛṣṭvaivaṃ prārthayan mudā

Sanskrit only: no published translation is held for this verse.

भदंतो ऽहं स्वदैवेन पापिनी दुःखभागिनी । तद् भवच्छरणं गत्वा समिछे वसुधाव्रतं

bhadaṃto 'haṃ svadaivena pāpinī duḥkhabhāginī / tad bhavaccharaṇaṃ gatvā samiche vasudhāvrataṃ

Sanskrit only: no published translation is held for this verse.

तद् भवान् कृपया शास्तर् गृहे मे समुपागतः । यथाविधि समादिश्य व्रतं मे दातुम् अर्हति

tad bhavān kṛpayā śāstar gṛhe me samupāgataḥ / yathāvidhi samādiśya vrataṃ me dātum arhati

Sanskrit only: no published translation is held for this verse.

तयैवं प्रार्थितं श्रुत्वा स आनंदो जिनात्मजः । तत्र उत्थाय धीमत्यास् तस्या गृहे उपाचरत्

tayaivaṃ prārthitaṃ śrutvā sa ānaṃdo jinātmajaḥ / tatra utthāya dhīmatyās tasyā gṛhe upācarat

Sanskrit only: no published translation is held for this verse.

तत्र सा धीमती साध्वी शान्तमत्या समन्विता । सहसा स्वगृहे गत्वा प्रस्तारयत् तदासनं

tatra sā dhīmatī sādhvī śāntamatyā samanvitā / sahasā svagṛhe gatvā prastārayat tadāsanaṃ

Sanskrit only: no published translation is held for this verse.

ततः सा धीमती तस्य शास्तुः शुद्धाम्बुना मुदा । पादप्रक्षालनं कृत्वा प्रणत्वैव च प्रार्थयत्

tataḥ sā dhīmatī tasya śāstuḥ śuddhāmbunā mudā / pādaprakṣālanaṃ kṛtvā praṇatvaiva ca prārthayat

Sanskrit only: no published translation is held for this verse.

भदंतार्हन् महाभिज्ञ ममानुग्रहकारणं । अत्रासने समाश्रित्य धर्मम् आदेष्टुम् अर्हति

bhadaṃtārhan mahābhijña mamānugrahakāraṇaṃ / atrāsane samāśritya dharmam ādeṣṭum arhati

Sanskrit only: no published translation is held for this verse.

तयेति प्रार्थितं श्रुत्वा स आनंदः प्रसन्नधीः । तद् दत्तासन आश्रित्य तस्थौ ध्यात्वा प्रभासयन्

tayeti prārthitaṃ śrutvā sa ānaṃdaḥ prasannadhīḥ / tad dattāsana āśritya tasthau dhyātvā prabhāsayan

Sanskrit only: no published translation is held for this verse.

तं दृष्ट्वा ब्राह्मणः सो ऽपि विष्णुदासः प्रसादितः । सहसा सांजलिर् नत्वा तत्रैकांत उपाश्रयन्

taṃ dṛṣṭvā brāhmaṇaḥ so 'pi viṣṇudāsaḥ prasāditaḥ / sahasā sāṃjalir natvā tatraikāṃta upāśrayan

Sanskrit only: no published translation is held for this verse.

ततः सा धीमती साध्वी सांतमतीसमन्विता । तम् आनंदं समभ्यर्च्य भोजनेनाभ्यतोषयत्

tataḥ sā dhīmatī sādhvī sāṃtamatīsamanvitā / tam ānaṃdaṃ samabhyarcya bhojanenābhyatoṣayat

Sanskrit only: no published translation is held for this verse.

ततः सा प्रणतिं कृत्वा नीचासनसमाश्रिता । तम् आनंदं महाभिज्ञं सांजलिर् एवम् अब्रवीत्

tataḥ sā praṇatiṃ kṛtvā nīcāsanasamāśritā / tam ānaṃdaṃ mahābhijñaṃ sāṃjalir evam abravīt

Sanskrit only: no published translation is held for this verse.

भदन्त भवताम् आज्ञां धृत्वाहं शिरसा मुदा । श्रीदेव्या वसुधारायाश् चरिष्यामि व्रतं ध्रुवं

bhadanta bhavatām ājñāṃ dhṛtvāhaṃ śirasā mudā / śrīdevyā vasudhārāyāś cariṣyāmi vrataṃ dhruvaṃ

Sanskrit only: no published translation is held for this verse.

तद् भदन्त भवाञ् छास्ता तद् विधिं मे यथाक्रमं । कृपानुग्रहम् आधाय समुपादेष्टुम् अर्हति

tad bhadanta bhavāñ chāstā tad vidhiṃ me yathākramaṃ / kṛpānugraham ādhāya samupādeṣṭum arhati

Sanskrit only: no published translation is held for this verse.

इति संप्रार्थिते तेन विष्णुदासेन सद्धिया । श्रुत्वानंदः स संपश्यन्स् तं द्विजम् एवम् अब्रवीत्

iti saṃprārthite tena viṣṇudāsena saddhiyā / śrutvānaṃdaḥ sa saṃpaśyans taṃ dvijam evam abravīt

Sanskrit only: no published translation is held for this verse.

शृणु विप्र मुनीन्द्रेण याथादिष्टं मया श्रुतं । तथाहं ते प्रवक्ष्यामि श्रीव्रतस्य विधिं क्रमात्

śṛṇu vipra munīndreṇa yāthādiṣṭaṃ mayā śrutaṃ / tathāhaṃ te pravakṣyāmi śrīvratasya vidhiṃ kramāt

Sanskrit only: no published translation is held for this verse.

भाद्रपदे ऽशिते पक्षे तृतीयायां तिथौ तथा । माघे वापि शिते पक्षे शुक्लपक्षे ऽपि वा सदा

bhādrapade 'śite pakṣe tṛtīyāyāṃ tithau tathā / māghe vāpi śite pakṣe śuklapakṣe 'pi vā sadā

Sanskrit only: no published translation is held for this verse.

तीर्थे देवालये शुद्धभूप्रदेशे गृहेषु वा । सम्यग् भूशोधनं कुर्याद् गोमयेन मृदाम्बुना

tīrthe devālaye śuddhabhūpradeśe gṛheṣu vā / samyag bhūśodhanaṃ kuryād gomayena mṛdāmbunā

Sanskrit only: no published translation is held for this verse.

प्रातर् उत्थाय तीर्थेषु स्नात्वा शुचिसमाचरः । त्रिधाचम्यामृतं कायं पंचगव्येन शोधयेत्

prātar utthāya tīrtheṣu snātvā śucisamācaraḥ / tridhācamyāmṛtaṃ kāyaṃ paṃcagavyena śodhayet

Sanskrit only: no published translation is held for this verse.

संबोधिचित्तम् आधाय सद्गुरोर् उपदेश धृक्

saṃbodhicittam ādhāya sadguror upadeśa dhṛk

Sanskrit only: no published translation is held for this verse.

सुभूमौ मण्डलं सम्यग् वर्त्तयित्वा यथाविधि । ध्वजछत्रपताकाभि वितानैश् चाभिमंडयेत्

subhūmau maṇḍalaṃ samyag varttayitvā yathāvidhi / dhvajachatrapatākābhi vitānaiś cābhimaṃḍayet

Sanskrit only: no published translation is held for this verse.

मंडलस्य वहिस् तस्य ज्वालावल्या वहिः पुनः । पंचवल्यावलीभिश् च स लाजाक्षतसंयुतैः

maṃḍalasya vahis tasya jvālāvalyā vahiḥ punaḥ / paṃcavalyāvalībhiś ca sa lājākṣatasaṃyutaiḥ

Sanskrit only: no published translation is held for this verse.

वेष्टयित्वा ततो वाह्ये क्रमान् संस्थापयेद् घटान् । तीर्थाम्बुपूरितान् पीतवस्त्रावृतान् सचिंह्नितान्

veṣṭayitvā tato vāhye kramān saṃsthāpayed ghaṭān / tīrthāmbupūritān pītavastrāvṛtān saciṃhnitān

Sanskrit only: no published translation is held for this verse.

तात्र श्रीवसुधां देवीं सगणां विधिना क्रमात् । समावाह्य समभ्यर्च्य प्रतिष्ठाप्याधिवासयेत्

tātra śrīvasudhāṃ devīṃ sagaṇāṃ vidhinā kramāt / samāvāhya samabhyarcya pratiṣṭhāpyādhivāsayet

Sanskrit only: no published translation is held for this verse.

तृतीयायां तथा प्रातः स्नात्वा शुद्धाम्वरावृतः । मध्याह्ने स्वासनासीन उत्तरादिग्मुखस्थितः

tṛtīyāyāṃ tathā prātaḥ snātvā śuddhāmvarāvṛtaḥ / madhyāhne svāsanāsīna uttarādigmukhasthitaḥ

Sanskrit only: no published translation is held for this verse.

आदौ गुरुं समभ्यर्च्य रत्नत्रयं समर्चयेत् । ततो ध्यात्वा महादेवीं वसुधारां शुभकरीं

ādau guruṃ samabhyarcya ratnatrayaṃ samarcayet / tato dhyātvā mahādevīṃ vasudhārāṃ śubhakarīṃ

Sanskrit only: no published translation is held for this verse.

सगणां तां समावाह्य दत्वा पादार्घम् आदरात् । पीतमयोपहारेण समभ्यर्च्य यथाविधि

sagaṇāṃ tāṃ samāvāhya datvā pādārgham ādarāt / pītamayopahāreṇa samabhyarcya yathāvidhi

Sanskrit only: no published translation is held for this verse.

सर्वोपकरणान्य् अग्रे निवेस्य समढोकयत् । ततस् तद्धारणीं सम्यक् पठेन् मंत्राणि च क्रमात्

sarvopakaraṇāny agre nivesya samaḍhokayat / tatas taddhāraṇīṃ samyak paṭhen maṃtrāṇi ca kramāt

Sanskrit only: no published translation is held for this verse.

ततः कृतांजलिः स्तुत्वा कुर्याश् च पापदेशनां । पुण्यानुमोदनां चापि कुर्याच् च प्रणतिं स्मरन्

tataḥ kṛtāṃjaliḥ stutvā kuryāś ca pāpadeśanāṃ / puṇyānumodanāṃ cāpi kuryāc ca praṇatiṃ smaran

Sanskrit only: no published translation is held for this verse.

कुर्यात् प्रदक्षिणान्य् एवम् अष्टाङ्गैः प्रणमेत् पुनः । बोधिचित्तं समाधाय संप्रार्थयेद् अभीप्सितं

kuryāt pradakṣiṇāny evam aṣṭāṅgaiḥ praṇamet punaḥ / bodhicittaṃ samādhāya saṃprārthayed abhīpsitaṃ

Sanskrit only: no published translation is held for this verse.

ततो वलिं प्रदत्वा च स भूतान् परितोषयेत् । ततः क्षमार्थनां कृत्वा व्रतसूत्रं च प्रार्थयेत्

tato valiṃ pradatvā ca sa bhūtān paritoṣayet / tataḥ kṣamārthanāṃ kṛtvā vratasūtraṃ ca prārthayet

Sanskrit only: no published translation is held for this verse.

षोडशभेदितं सूत्रम् षोडशग्रंथिसंयुतं । व्रतसूत्रं समादाय रक्षार्थं वंधयेत् करे

ṣoḍaśabheditaṃ sūtram ṣoḍaśagraṃthisaṃyutaṃ / vratasūtraṃ samādāya rakṣārthaṃ vaṃdhayet kare

Sanskrit only: no published translation is held for this verse.

ततो गुरुं समाराध्य देयाद् दानं समिछितं । सदक्षिणं सुसत्कारैः सत्कृत्य समतोषयेत्

tato guruṃ samārādhya deyād dānaṃ samichitaṃ / sadakṣiṇaṃ susatkāraiḥ satkṛtya samatoṣayet

Sanskrit only: no published translation is held for this verse.

ततस् तृतीया यामे ऽह्नेः प्राश्नुयाद् यवपूरकान् । पंचामृतफलस्कंदमूलपत्रादिकान् अपि

tatas tṛtīyā yāme 'hneḥ prāśnuyād yavapūrakān / paṃcāmṛtaphalaskaṃdamūlapatrādikān api

Sanskrit only: no published translation is held for this verse.

पालनान्ते पुनः स्नात्वा तां श्रीदेवीम् अनुस्मरन् । तद्धारणीं पठन् रात्रौ पूजयेच् च समाहितः

pālanānte punaḥ snātvā tāṃ śrīdevīm anusmaran / taddhāraṇīṃ paṭhan rātrau pūjayec ca samāhitaḥ

Sanskrit only: no published translation is held for this verse.

एवं नित्यं चतुः संध्यं पूजयेच् छ्रीवसुंधरां । तत् परेद्युस् तथाभ्यर्च्य तन् मंडलं विसर्जयेत्

evaṃ nityaṃ catuḥ saṃdhyaṃ pūjayec chrīvasuṃdharāṃ / tat paredyus tathābhyarcya tan maṃḍalaṃ visarjayet

Sanskrit only: no published translation is held for this verse.

तद् रजांसि समादाय संनिधाय शुभे घटे । भंडागारे प्रतिस्थाप्य सदारान् भजेन् नमेत्

tad rajāṃsi samādāya saṃnidhāya śubhe ghaṭe / bhaṃḍāgāre pratisthāpya sadārān bhajen namet

Sanskrit only: no published translation is held for this verse.

शेषरजः स निर्माल्यं नद्यां नागान् यथाविधि । समभ्यर्च्य समर्प्पित्वा सर्वं जले प्रवाहयेत्

śeṣarajaḥ sa nirmālyaṃ nadyāṃ nāgān yathāvidhi / samabhyarcya samarppitvā sarvaṃ jale pravāhayet

Sanskrit only: no published translation is held for this verse.

ततस् तज् जलम् आदाय गृहे गत्वा समन्ततः । प्रोक्ष्य तन् मंडलस्थाने कुमारीं विधिनार्चयेत्

tatas taj jalam ādāya gṛhe gatvā samantataḥ / prokṣya tan maṃḍalasthāne kumārīṃ vidhinārcayet

Sanskrit only: no published translation is held for this verse.

ततस् तन् सगणं चक्रं समभ्यर्च्य यथाविधि । भोजनैः संपरितोष्य प्रार्थयेद् यत् समीछितं

tatas tan sagaṇaṃ cakraṃ samabhyarcya yathāvidhi / bhojanaiḥ saṃparitoṣya prārthayed yat samīchitaṃ

Sanskrit only: no published translation is held for this verse.

तथा तत् सगणं चक्रं कृत्वा क्षमार्थनां ततः । सांजलिश् च क्रमान् नत्वा विसर्जयेत् प्रसादयन्

tathā tat sagaṇaṃ cakraṃ kṛtvā kṣamārthanāṃ tataḥ / sāṃjaliś ca kramān natvā visarjayet prasādayan

Sanskrit only: no published translation is held for this verse.

तदा श्रीवसुधा देवी स्वयम् आगत्य तद्गृहे । समाश्रित्य सदा सर्वद्रव्यैः संपूरयेद् ध्रुवं

tadā śrīvasudhā devī svayam āgatya tadgṛhe / samāśritya sadā sarvadravyaiḥ saṃpūrayed dhruvaṃ

Sanskrit only: no published translation is held for this verse.

ततस् तत्र गृहे नित्यं मंगलं निरुपद्रवं । दानपुण्यमहोत्साहप्रवर्त्तितं भवेत् सदा

tatas tatra gṛhe nityaṃ maṃgalaṃ nirupadravaṃ / dānapuṇyamahotsāhapravarttitaṃ bhavet sadā

Sanskrit only: no published translation is held for this verse.

एवं तस्या महादेव्या वसुलक्ष्म्या व्रतोद्भवं । पुण्यं महद् असंख्येयम् अप्रमेयं विदुर् जिनाः

evaṃ tasyā mahādevyā vasulakṣmyā vratodbhavaṃ / puṇyaṃ mahad asaṃkhyeyam aprameyaṃ vidur jināḥ

Sanskrit only: no published translation is held for this verse.

एवं महत्तरं पुण्यं विज्ञाय द्विज तत् तथा । श्रद्धये तद्व्रतं कुर्या यदि संपत्तिम् इछसि

evaṃ mahattaraṃ puṇyaṃ vijñāya dvija tat tathā / śraddhaye tadvrataṃ kuryā yadi saṃpattim ichasi

Sanskrit only: no published translation is held for this verse.

यश् च तां श्रीमहादेवीं वसुधाराम् अनुस्मरन् । यत् कार्य्यम् आरभेत् तस्य तत् सर्वं हि समृद्ध्यति

yaś ca tāṃ śrīmahādevīṃ vasudhārām anusmaran / yat kāryyam ārabhet tasya tat sarvaṃ hi samṛddhyati

Sanskrit only: no published translation is held for this verse.

रत्नार्थी लभते रत्नं धनार्थी लभते धनं । भोग्यार्थी लभते भोग्यं यसो ऽर्थी लभते यशः

ratnārthī labhate ratnaṃ dhanārthī labhate dhanaṃ / bhogyārthī labhate bhogyaṃ yaso 'rthī labhate yaśaḥ

Sanskrit only: no published translation is held for this verse.

द्रव्यार्थी लभते द्रव्यान् गुणार्थी लभते गुणान् । विद्यार्थी लभते विद्यां शुभार्थी लभते शुभं

dravyārthī labhate dravyān guṇārthī labhate guṇān / vidyārthī labhate vidyāṃ śubhārthī labhate śubhaṃ

Sanskrit only: no published translation is held for this verse.

मान्यार्थी लभते मान्यं जयार्थी लभते जयं । धर्मार्थी लभते धर्मान् सुखार्थी लभते सुखं

mānyārthī labhate mānyaṃ jayārthī labhate jayaṃ / dharmārthī labhate dharmān sukhārthī labhate sukhaṃ

Sanskrit only: no published translation is held for this verse.

राज्यार्थी लभते राज्यं गृहार्थी लभते गृहं । क्षेत्रार्थी लभते क्षेत्रान् रसार्थी लभते रसान्

rājyārthī labhate rājyaṃ gṛhārthī labhate gṛhaṃ / kṣetrārthī labhate kṣetrān rasārthī labhate rasān

Sanskrit only: no published translation is held for this verse.

भार्यार्थी लभते भार्यां सुतार्थी लभते सुतां । पुत्रार्थी लभते पुत्रान् पौत्रार्थी पौत्रम् आप्नुयात्

bhāryārthī labhate bhāryāṃ sutārthī labhate sutāṃ / putrārthī labhate putrān pautrārthī pautram āpnuyāt

Sanskrit only: no published translation is held for this verse.

ज्ञानार्थी लभते ज्ञानं मोक्षार्थी मोक्षम् आप्नुयात् । एवम् अन्यानि वस्तूनि सर्वोपकरणान्य् अपि

jñānārthī labhate jñānaṃ mokṣārthī mokṣam āpnuyāt / evam anyāni vastūni sarvopakaraṇāny api

Sanskrit only: no published translation is held for this verse.

सर्वाणि द्रव्यजातानि वस्त्रादि भूषणान्य् अपि । समाप्नुयात् समृद्धानि वसुलक्ष्म्याः प्रसादतः

sarvāṇi dravyajātāni vastrādi bhūṣaṇāny api / samāpnuyāt samṛddhāni vasulakṣmyāḥ prasādataḥ

Sanskrit only: no published translation is held for this verse.

ततो दानानि दद्यात् स शुद्धशीलः समाचरेत् । क्षान्तिं च भावयेन् नित्यं धर्मवीर्य्यं समारभेत्

tato dānāni dadyāt sa śuddhaśīlaḥ samācaret / kṣāntiṃ ca bhāvayen nityaṃ dharmavīryyaṃ samārabhet

Sanskrit only: no published translation is held for this verse.

तथा ध्यानं समाधाय प्रज्ञाब्धिं संतरेद् द्रुतं । सर्वोपायविधानज्ञो बोधिप्रणिधिमानसः

tathā dhyānaṃ samādhāya prajñābdhiṃ saṃtared drutaṃ / sarvopāyavidhānajño bodhipraṇidhimānasaḥ

Sanskrit only: no published translation is held for this verse.

सद्बुद्धिबलवान् धीरः स बोधिज्ञानम् आप्नुयात् । सर्वमारगणाञ् जित्वा निःक्लेशो ऽर्हञ् जितेन्द्रियः । संबुद्धपदम् आसाद्य निर्वृतपदम् आप्नुयात्

sadbuddhibalavān dhīraḥ sa bodhijñānam āpnuyāt / sarvamāragaṇāñ jitvā niḥkleśo 'rhañ jitendriyaḥ / saṃbuddhapadam āsādya nirvṛtapadam āpnuyāt

Sanskrit only: no published translation is held for this verse.

एवं ब्राह्मण विज्ञाय सद्धर्म्मं यदि वांछसि । तां श्रीदेवीं महालक्ष्मीं वसुधारां सदा भज

evaṃ brāhmaṇa vijñāya saddharmmaṃ yadi vāṃchasi / tāṃ śrīdevīṃ mahālakṣmīṃ vasudhārāṃ sadā bhaja

Sanskrit only: no published translation is held for this verse.

तथा ते सर्वदा गेहे मंगलं निरुपद्रवं । सर्वत्रेह परत्रापि भवेन् नूनं न संशयः

tathā te sarvadā gehe maṃgalaṃ nirupadravaṃ / sarvatreha paratrāpi bhaven nūnaṃ na saṃśayaḥ

Sanskrit only: no published translation is held for this verse.

तथा दानानि दत्वा त्वं स्वयं तद्व्रतं संचरन् । सर्वसत्वहितं कृत्वा यावज्जीवं सुखं चर

tathā dānāni datvā tvaṃ svayaṃ tadvrataṃ saṃcaran / sarvasatvahitaṃ kṛtvā yāvajjīvaṃ sukhaṃ cara

Sanskrit only: no published translation is held for this verse.

ततः क्लेशविमुक्तात्मा संबोधिप्रणिधानधृक् । बोधिचर्याव्रतारक्ता बोधिसत्वो भवेद् ध्रुवं

tataḥ kleśavimuktātmā saṃbodhipraṇidhānadhṛk / bodhicaryāvratāraktā bodhisatvo bhaved dhruvaṃ

Sanskrit only: no published translation is held for this verse.

वसुधाराव्रतं धृत्वा संविभ्रति जगत्त्रयं

vasudhārāvrataṃ dhṛtvā saṃvibhrati jagattrayaṃ

Sanskrit only: no published translation is held for this verse.

इति तेनार्हतादिष्टं श्रुत्वा स ब्राह्मणो मुदा । तथा श्रीवसुधाराया व्रतं चरितुम् ऐछत

iti tenārhatādiṣṭaṃ śrutvā sa brāhmaṇo mudā / tathā śrīvasudhārāyā vrataṃ caritum aichata

Sanskrit only: no published translation is held for this verse.

ततः स विष्णुदासो ऽपि भार्यां तां धीमतीं मुदा । सुप्रसन्नमुखाम्भोजः समालोक्यैवम् अब्रवीत्

tataḥ sa viṣṇudāso 'pi bhāryāṃ tāṃ dhīmatīṃ mudā / suprasannamukhāmbhojaḥ samālokyaivam abravīt

Sanskrit only: no published translation is held for this verse.

प्रिये धन्यासि कल्याणी यद् अहं त्वत्प्रयत्नतः । श्रीदेव्या व्रतं रत्नं प्राप्नोमि सांप्रतं खलु

priye dhanyāsi kalyāṇī yad ahaṃ tvatprayatnataḥ / śrīdevyā vrataṃ ratnaṃ prāpnomi sāṃprataṃ khalu

Sanskrit only: no published translation is held for this verse.

तद् यथानेन शास्त्रात्र समादिष्टं तथा खलु । श्रीदेव्याः शरणं गत्वा वांछामि चरितुं व्रतं

tad yathānena śāstrātra samādiṣṭaṃ tathā khalu / śrīdevyāḥ śaraṇaṃ gatvā vāṃchāmi carituṃ vrataṃ

Sanskrit only: no published translation is held for this verse.

तत् त्वम् अपि समाधाय मया सार्द्धं तथादरात् । श्रीदेव्याः शरणं कृत्वा व्रतं चरितुम् अर्हति

tat tvam api samādhāya mayā sārddhaṃ tathādarāt / śrīdevyāḥ śaraṇaṃ kṛtvā vrataṃ caritum arhati

Sanskrit only: no published translation is held for this verse.

इति भर्त्रोदितं श्रुत्वा धीमती सानुमोदिता । भर्त्तारं तं समालोक्य पुनर् एवम् अभाषत

iti bhartroditaṃ śrutvā dhīmatī sānumoditā / bharttāraṃ taṃ samālokya punar evam abhāṣata

Sanskrit only: no published translation is held for this verse.

तथा सत्यं समाधाय श्रद्धया शरणं गतौ । श्रीदेव्या व्रतम् अत्रावां समादराच् चरावहे

tathā satyaṃ samādhāya śraddhayā śaraṇaṃ gatau / śrīdevyā vratam atrāvāṃ samādarāc carāvahe

Sanskrit only: no published translation is held for this verse.