ततो ऽसौ भगवान् बुद्धो दृष्ट्वा तां दारिकां स्वयं । शिरसि पाणिना स्पृष्ट्वा स्वाशीर्वचनम् आदिशत्
tato 'sau bhagavān buddho dṛṣṭvā tāṃ dārikāṃ svayaṃ / śirasi pāṇinā spṛṣṭvā svāśīrvacanam ādiśat
Sanskrit only: no published translation is held for this verse.
भद्रे ते मंगलं भूया विनिपातं न चाप्नुहि । क्रमात् पारमिताः पूर्य्य प्रत्येकं बोधिं आप्नुहि
bhadre te maṃgalaṃ bhūyā vinipātaṃ na cāpnuhi / kramāt pāramitāḥ pūryya pratyekaṃ bodhiṃ āpnuhi
Sanskrit only: no published translation is held for this verse.
इत्य् आशीर्वचनं दत्वा संबुद्धो ऽसौ मुनीश्वरः । ततो राजगृहं गंतुं उपाचरत् ससांघिकः
ity āśīrvacanaṃ datvā saṃbuddho 'sau munīśvaraḥ / tato rājagṛhaṃ gaṃtuṃ upācarat sasāṃghikaḥ
Sanskrit only: no published translation is held for this verse.
ततो ऽसौ दारिका चापि नत्वा तं सुगतं पुनः । दृष्ट्वैवं मुहुः स्मृत्वा स्वगेहं समुपाययौ
tato 'sau dārikā cāpi natvā taṃ sugataṃ punaḥ / dṛṣṭvaivaṃ muhuḥ smṛtvā svagehaṃ samupāyayau
Sanskrit only: no published translation is held for this verse.
तत्र गेहे प्रविष्ट्वासौ दारिका संप्रमोदिता । भर्त्तुर् अग्रे च तद्वृत्तम् आचख्ये सर्वम् आदरात्
tatra gehe praviṣṭvāsau dārikā saṃpramoditā / bharttur agre ca tadvṛttam ācakhye sarvam ādarāt
Sanskrit only: no published translation is held for this verse.
भर्त्ताप्य् असौ तथा श्रुत्वा बुद्धधर्मानुमोदितः । तयैवं भार्यया सार्द्धं भेजे रत्नत्रयं सदा
bharttāpy asau tathā śrutvā buddhadharmānumoditaḥ / tayaivaṃ bhāryayā sārddhaṃ bheje ratnatrayaṃ sadā
Sanskrit only: no published translation is held for this verse.
एवं मे गुरुणा ख्यातं तथा ते कथ्यते मया । त्वम् अप्य् एवं महाराज त्रिरत्नानि सदा भज
evaṃ me guruṇā khyātaṃ tathā te kathyate mayā / tvam apy evaṃ mahārāja triratnāni sadā bhaja
Sanskrit only: no published translation is held for this verse.
प्रजाश् चापि त्रिरत्नानां भजने प्रेरय प्रभो । तथा ते मंगलं नित्यं बोधिं चापि समाप्नुयाः
prajāś cāpi triratnānāṃ bhajane preraya prabho / tathā te maṃgalaṃ nityaṃ bodhiṃ cāpi samāpnuyāḥ
Sanskrit only: no published translation is held for this verse.
इति तेनोपगुप्तेन भाषितं तत् सुभाषितं । श्रुत्वाशोको नरेन्द्रो ऽसौ मुमोद सह पार्षदैः
iti tenopaguptena bhāṣitaṃ tat subhāṣitaṃ / śrutvāśoko narendro 'sau mumoda saha pārṣadaiḥ
Sanskrit only: no published translation is held for this verse.
एतच् चक्रावदानं मुनिवरगुणदं यः शृणोति प्रसाद्य । श्रुत्वा यश् चानुमोद्य प्रमुदितमनसा श्रावयत्य् एवम् अन्यान् । स जित्वा क्लेशसंघान् विगतकलिमलो बुद्धधर्मानुचारी । पूतात्मा सद्गुणाढ्यः मुनिवरनिलयैः संप्रयाति प्रमोदात्
etac cakrāvadānaṃ munivaraguṇadaṃ yaḥ śṛṇoti prasādya / śrutvā yaś cānumodya pramuditamanasā śrāvayaty evam anyān / sa jitvā kleśasaṃghān vigatakalimalo buddhadharmānucārī / pūtātmā sadguṇāḍhyaḥ munivaranilayaiḥ saṃprayāti pramodāt
Sanskrit only: no published translation is held for this verse.