Salinatha: Rasamanjari 6

न चान्नपाने परिहारमस्ति न शीतवाताध्वनि मैथुने च । यथेष्टचेष्टाभिरतः प्रयोगे नरो भवेत्काञ्चनराशिगौरः

na cānnapāne parihāramasti na śītavātādhvani maithune ca / yatheṣṭaceṣṭābhirataḥ prayoge naro bhavetkāñcanarāśigauraḥ

Sanskrit only: no published translation is held for this verse.

<मदोदधिवटी> एकैकं विषसूतं च जाती टङ्कं द्विकं द्विकम् । कृष्णात्रिकं विश्वषट्कं दग्धं कपर्दिकाद्विकम्

<madodadhivaṭī> ekaikaṃ viṣasūtaṃ ca jātī ṭaṅkaṃ dvikaṃ dvikam / kṛṣṇātrikaṃ viśvaṣaṭkaṃ dagdhaṃ kapardikādvikam

Sanskrit only: no published translation is held for this verse.

देवपुष्पं बाणमितं सर्वं संमर्द्य यत्नतः । महोदध्याख्यवटिका नष्टस्याग्नेश्च दीपनी

devapuṣpaṃ bāṇamitaṃ sarvaṃ saṃmardya yatnataḥ / mahodadhyākhyavaṭikā naṣṭasyāgneśca dīpanī

Sanskrit only: no published translation is held for this verse.

<उन्मत्तरसः> रसं च गन्धकं चैव धत्तूरफलजैर् द्रवैः । मर्दयेद् दिनमेकं च तुल्यं त्रिकटुकं क्षिपेत्

<unmattarasaḥ> rasaṃ ca gandhakaṃ caiva dhattūraphalajair dravaiḥ / mardayed dinamekaṃ ca tulyaṃ trikaṭukaṃ kṣipet

Sanskrit only: no published translation is held for this verse.

उन्मत्ताख्यरसो नाम सन्निपातनिकृन्तनः । कस्तेन न कृतो धर्मः कां च पूजां न सोऽर्हति । सन्निपातार्णवे मग्नं योऽभ्युद्धरति देहिनम्

unmattākhyaraso nāma sannipātanikṛntanaḥ / kastena na kṛto dharmaḥ kāṃ ca pūjāṃ na so'rhati / sannipātārṇave magnaṃ yo'bhyuddharati dehinam

Sanskrit only: no published translation is held for this verse.

<संज्ञाकरणरसः> वचा रसोनकटुकं सैन्धवं बृहतीफलम् । रुद्राक्षं मधुसारं च फलं सामुद्रकामृतम्

<saṃjñākaraṇarasaḥ> vacā rasonakaṭukaṃ saindhavaṃ bṛhatīphalam / rudrākṣaṃ madhusāraṃ ca phalaṃ sāmudrakāmṛtam

Sanskrit only: no published translation is held for this verse.

समभागानि चैतानि ह्यर्कक्षीरेण भावयेत् । भावयेन्मत्स्यपित्तेन त्रिवारं चूर्णयेत्ततः

samabhāgāni caitāni hyarkakṣīreṇa bhāvayet / bhāvayenmatsyapittena trivāraṃ cūrṇayettataḥ

Sanskrit only: no published translation is held for this verse.

धमनं कथितं श्रेष्ठं सन्निपाते सुदारुणे । कफोल्वणेऽतिवाते च अपस्मारे हलीमके

dhamanaṃ kathitaṃ śreṣṭhaṃ sannipāte sudāruṇe / kapholvaṇe'tivāte ca apasmāre halīmake

Sanskrit only: no published translation is held for this verse.

शिरोरोगे कर्णरोगे नेत्ररोगे विधानतः । दापयेद्घ्राणछिद्राभ्यां संज्ञाकरणम् उत्तमम्

śiroroge karṇaroge netraroge vidhānataḥ / dāpayedghrāṇachidrābhyāṃ saṃjñākaraṇam uttamam

Sanskrit only: no published translation is held for this verse.

<चन्द्रशेखररसः> शुद्धं सूतं समं गन्धं मरिचं टङ्कणं तथा

<candraśekhararasaḥ> śuddhaṃ sūtaṃ samaṃ gandhaṃ maricaṃ ṭaṅkaṇaṃ tathā

Sanskrit only: no published translation is held for this verse.

चतुस्तुल्या सिता योज्या मत्स्यपित्तेन भावयेत् । त्रिदिनं मर्दयेत्तेन रसोऽयं चन्द्रशेखरः

catustulyā sitā yojyā matsyapittena bhāvayet / tridinaṃ mardayettena raso'yaṃ candraśekharaḥ

Sanskrit only: no published translation is held for this verse.

द्विगुञ्जमार्द्रकद्रावैर्देयं शीतोदकं पुनः । तक्रभक्तं च वृन्ताकं पथ्यं तत्र निधापयेत्

dviguñjamārdrakadrāvairdeyaṃ śītodakaṃ punaḥ / takrabhaktaṃ ca vṛntākaṃ pathyaṃ tatra nidhāpayet

Sanskrit only: no published translation is held for this verse.

<कनकसुन्दररसः> हिङ्गुलं मरिचं गन्धं पिप्पलीं टङ्कणं विषम्

<kanakasundararasaḥ> hiṅgulaṃ maricaṃ gandhaṃ pippalīṃ ṭaṅkaṇaṃ viṣam

Sanskrit only: no published translation is held for this verse.

कनकस्य च बीजानि समांशं विजयारसैः । मर्दयेद्याममात्रं तु चणमात्रा वटी कृता

kanakasya ca bījāni samāṃśaṃ vijayārasaiḥ / mardayedyāmamātraṃ tu caṇamātrā vaṭī kṛtā

Sanskrit only: no published translation is held for this verse.

भक्षणाद्ग्रहणीं हन्याद्रसः कनकसुन्दरः । अग्निमांद्यं ज्वरं तीव्रमतिसारं च नाशयेत्

bhakṣaṇādgrahaṇīṃ hanyādrasaḥ kanakasundaraḥ / agnimāṃdyaṃ jvaraṃ tīvramatisāraṃ ca nāśayet

Sanskrit only: no published translation is held for this verse.

ग्रहणीदोषिणां तक्रं दीपनं ग्राहिलाघवम् । पथ्यं मधुरपाकित्वान्न च पित्तप्रकोपनम्

grahaṇīdoṣiṇāṃ takraṃ dīpanaṃ grāhilāghavam / pathyaṃ madhurapākitvānna ca pittaprakopanam

Sanskrit only: no published translation is held for this verse.

<राववाणरसः> सूतकं गन्धकं चैव शाणं शाणं च गृह्यते

<rāvavāṇarasaḥ> sūtakaṃ gandhakaṃ caiva śāṇaṃ śāṇaṃ ca gṛhyate

Sanskrit only: no published translation is held for this verse.

दरदं टङ्कणं चैव मरिचं च विषं तथा । चत्वार औषधयः सर्वे द्विद्विटङ्कं च कथ्यते

daradaṃ ṭaṅkaṇaṃ caiva maricaṃ ca viṣaṃ tathā / catvāra auṣadhayaḥ sarve dvidviṭaṅkaṃ ca kathyate

Sanskrit only: no published translation is held for this verse.

जैपालबीजं संयोज्यं टङ्कं च दिक्प्रमाणतः । तिन्तिडीरससंमर्द्यं गुञ्जामात्रवटी कृता

jaipālabījaṃ saṃyojyaṃ ṭaṅkaṃ ca dikpramāṇataḥ / tintiḍīrasasaṃmardyaṃ guñjāmātravaṭī kṛtā

Sanskrit only: no published translation is held for this verse.

तुलसीपत्रसंयुक्ता सर्वे च विषमज्वराः । ऐकाहिकं द्व्याहिकं च त्र्याहिकं च चतुर्थकम्

tulasīpatrasaṃyuktā sarve ca viṣamajvarāḥ / aikāhikaṃ dvyāhikaṃ ca tryāhikaṃ ca caturthakam

Sanskrit only: no published translation is held for this verse.

शीतदाह्यादिकं सर्वं नाशयति च वेगतः । पथ्यं दुग्धौदनं देयं दधिभक्तं च भोजनम्

śītadāhyādikaṃ sarvaṃ nāśayati ca vegataḥ / pathyaṃ dugdhaudanaṃ deyaṃ dadhibhaktaṃ ca bhojanam

Sanskrit only: no published translation is held for this verse.

रामवाणरसो नाम सर्वरोगप्रणाशकः

rāmavāṇaraso nāma sarvarogapraṇāśakaḥ

Sanskrit only: no published translation is held for this verse.

<चन्द्रप्रभावटी> मृतं सूतं मृतं ताम्रं मृतं स्वर्णं समं समम् । तुल्यं च खादिरं सारं तथा मोचरसं क्षिपेत्

<candraprabhāvaṭī> mṛtaṃ sūtaṃ mṛtaṃ tāmraṃ mṛtaṃ svarṇaṃ samaṃ samam / tulyaṃ ca khādiraṃ sāraṃ tathā mocarasaṃ kṣipet

Sanskrit only: no published translation is held for this verse.

द्रवैः शाल्मलिमूलोत्थैर् मर्दयेत् प्रहरद्वयम् । चणमात्रां वटीं भक्षेन्निष्कैकं जीरकैः सह । त्रिदोषोत्थमतीसारं सज्वरं नाशयेद्ध्रुवम्

dravaiḥ śālmalimūlotthair mardayet praharadvayam / caṇamātrāṃ vaṭīṃ bhakṣenniṣkaikaṃ jīrakaiḥ saha / tridoṣotthamatīsāraṃ sajvaraṃ nāśayeddhruvam

Sanskrit only: no published translation is held for this verse.

<चित्राम्बररसः> शुद्धसूतं मृतं चाभ्रं गन्धकं मर्दयेत्समम् । लोहपात्रे घृताभ्यक्ते यामं मृद्वग्निना पचेत्

<citrāmbararasaḥ> śuddhasūtaṃ mṛtaṃ cābhraṃ gandhakaṃ mardayetsamam / lohapātre ghṛtābhyakte yāmaṃ mṛdvagninā pacet

Sanskrit only: no published translation is held for this verse.

चालयेल्लोहदण्डेन ह्यवतार्य विभावयेत् । त्रिदिनं जीरकैः क्वाथैर् मासैकं भक्षयेन्नरः

cālayellohadaṇḍena hyavatārya vibhāvayet / tridinaṃ jīrakaiḥ kvāthair māsaikaṃ bhakṣayennaraḥ

Sanskrit only: no published translation is held for this verse.

रसश् चित्राम्बरो नाम ग्रहणीं रक्तसंयुताम् । शमयेदनुपानेन आमशूलं प्रवाहिकाम्

rasaś citrāmbaro nāma grahaṇīṃ raktasaṃyutām / śamayedanupānena āmaśūlaṃ pravāhikām

Sanskrit only: no published translation is held for this verse.

<ग्रहणीकपाटरसः> तारमौक्तिकहेमायः सारश् चैकैकभागिकाः । द्विभागो गन्धकः सूतस्त्रिभागो मर्दयेद्दिनम्

<grahaṇīkapāṭarasaḥ> tāramauktikahemāyaḥ sāraś caikaikabhāgikāḥ / dvibhāgo gandhakaḥ sūtastribhāgo mardayeddinam

Sanskrit only: no published translation is held for this verse.

कपित्थस्वरसैर्गाढं मृगशृङ्गे ततः क्षिपेत् । पुटेन्मध्यपुटेनैव तत उद्धृत्य मर्दयेत्

kapitthasvarasairgāḍhaṃ mṛgaśṛṅge tataḥ kṣipet / puṭenmadhyapuṭenaiva tata uddhṛtya mardayet

Sanskrit only: no published translation is held for this verse.

बलारसैः सप्तधैवम् अपामार्गरसैस् त्रिधा । लोध्रप्रतिविषामुस्ताधातकीन्द्रयवामृताः

balārasaiḥ saptadhaivam apāmārgarasais tridhā / lodhraprativiṣāmustādhātakīndrayavāmṛtāḥ

Sanskrit only: no published translation is held for this verse.

प्रत्येकमेषां स्वरसैर्भावना स्यात्त्रिधा त्रिधा । माषमात्ररसो देयो मधुना मरिचैः सह

pratyekameṣāṃ svarasairbhāvanā syāttridhā tridhā / māṣamātraraso deyo madhunā maricaiḥ saha

Sanskrit only: no published translation is held for this verse.

हन्यात्सर्वानतीसारान्ग्रहणीं पञ्चधापि च । कपाटो ग्रहणीनाम रसोऽयं चाग्निदीपनः

hanyātsarvānatīsārāngrahaṇīṃ pañcadhāpi ca / kapāṭo grahaṇīnāma raso'yaṃ cāgnidīpanaḥ

Sanskrit only: no published translation is held for this verse.

<ग्रहणीकपाटरसः> मुक्तासुवर्णं रसगन्धटङ्कणं घनं कपर्दोऽमृततुल्यभागम् । सर्वैः समं शङ्खकचूर्णयुक्तं खल्वे च भाव्योऽतिविषाद्रवेण

<grahaṇīkapāṭarasaḥ> muktāsuvarṇaṃ rasagandhaṭaṅkaṇaṃ ghanaṃ kapardo'mṛtatulyabhāgam / sarvaiḥ samaṃ śaṅkhakacūrṇayuktaṃ khalve ca bhāvyo'tiviṣādraveṇa

Sanskrit only: no published translation is held for this verse.

गोलं च कृत्वा मृत्कर्पटस्थं संरुध्य भाण्डे हि पचेद् दिनार्धम् । सुस्वाङ्गशीतो रस एष भाव्यो धत्तूरवह्णिमुशलीद्रवैश्च

golaṃ ca kṛtvā mṛtkarpaṭasthaṃ saṃrudhya bhāṇḍe hi paced dinārdham / susvāṅgaśīto rasa eṣa bhāvyo dhattūravahṇimuśalīdravaiśca

Sanskrit only: no published translation is held for this verse.

लोहस्य पात्रे परिपाचितश्च सिद्धो भवेत् संग्रहणीकपाटः । वातोत्तरायां मरिचाज्ययुक्तः पित्तोत्तरायां मधुपिप्पलीभिः

lohasya pātre paripācitaśca siddho bhavet saṃgrahaṇīkapāṭaḥ / vātottarāyāṃ maricājyayuktaḥ pittottarāyāṃ madhupippalībhiḥ

Sanskrit only: no published translation is held for this verse.

श्लेष्मोत्तरायां विजयारसेन कटुत्रयेणापि युतो ग्रहण्याम्

śleṣmottarāyāṃ vijayārasena kaṭutrayeṇāpi yuto grahaṇyām

Sanskrit only: no published translation is held for this verse.

क्षये ज्वरेऽप्यर्शसि विड्विकारे सामातिसारेऽरुचिपीनसे च । मोहे च कृच्छ्रे गतधातुवृद्धौ गुञ्जाद्वयं चापि महामयघ्नम्

kṣaye jvare'pyarśasi viḍvikāre sāmātisāre'rucipīnase ca / mohe ca kṛcchre gatadhātuvṛddhau guñjādvayaṃ cāpi mahāmayaghnam

Sanskrit only: no published translation is held for this verse.

<वज्रकपाटरसः> मृतसूताभ्रकं गन्धं यवक्षारं सटङ्कणम्

<vajrakapāṭarasaḥ> mṛtasūtābhrakaṃ gandhaṃ yavakṣāraṃ saṭaṅkaṇam

Sanskrit only: no published translation is held for this verse.

अग्निमन्थं वचां कुर्यात् सूततुल्याम् इमां सुधीः । ततो जयन्तीजम्बीरभृङ्गद्रावैर् विमर्दयेत्

agnimanthaṃ vacāṃ kuryāt sūtatulyām imāṃ sudhīḥ / tato jayantījambīrabhṛṅgadrāvair vimardayet

Sanskrit only: no published translation is held for this verse.

त्रिवासरं ततो गोलं कृत्वा संशोष्य धारयेत् । लोहपात्रे च लवणं अथोपरि निधापयेत्

trivāsaraṃ tato golaṃ kṛtvā saṃśoṣya dhārayet / lohapātre ca lavaṇaṃ athopari nidhāpayet

Sanskrit only: no published translation is held for this verse.

अधोवह्निं शनैः कुर्याद् यामार्धं च तद् उद्धरेत् । रसतुल्यामतिविषां दद्यान्मोचरसं तथा

adhovahniṃ śanaiḥ kuryād yāmārdhaṃ ca tad uddharet / rasatulyāmativiṣāṃ dadyānmocarasaṃ tathā

Sanskrit only: no published translation is held for this verse.

कपित्थविजयाद्रावैर्भावयेत् सप्तधा भिषक् । धातकीन्द्रयवमुस्तालोध्रबिल्वगुडूचिकाः

kapitthavijayādrāvairbhāvayet saptadhā bhiṣak / dhātakīndrayavamustālodhrabilvaguḍūcikāḥ

Sanskrit only: no published translation is held for this verse.

एतद्रसैर्भावयित्वा वारैकं च विशोषयेत् । रसवज्रं कपाटाख्यं माषैकं मधुना लिहेत्

etadrasairbhāvayitvā vāraikaṃ ca viśoṣayet / rasavajraṃ kapāṭākhyaṃ māṣaikaṃ madhunā lihet

Sanskrit only: no published translation is held for this verse.

वह्निः शुण्ठी विडङ्गापि बिल्वं च लवणं समम् । पिबेद् उष्णाम्बुना चानु सर्वजां ग्रहणीं जयेत्

vahniḥ śuṇṭhī viḍaṅgāpi bilvaṃ ca lavaṇaṃ samam / pibed uṣṇāmbunā cānu sarvajāṃ grahaṇīṃ jayet

Sanskrit only: no published translation is held for this verse.

<विजयभैरवरसः> सूतकं गन्धकं लोहं विषं चित्रकमभ्रकम् । विडङ्गं रेणुका मुस्ता एला केशरपत्रकम् । फलत्रयं त्रिकटुकं शुल्बभस्म तथैव च

<vijayabhairavarasaḥ> sūtakaṃ gandhakaṃ lohaṃ viṣaṃ citrakamabhrakam / viḍaṅgaṃ reṇukā mustā elā keśarapatrakam / phalatrayaṃ trikaṭukaṃ śulbabhasma tathaiva ca

Sanskrit only: no published translation is held for this verse.

एतानि समभागानि द्विगुणो दीयते गुडः । कासे श्वासे क्षये गुल्मे प्रमेहे विषमज्वरे

etāni samabhāgāni dviguṇo dīyate guḍaḥ / kāse śvāse kṣaye gulme pramehe viṣamajvare

Sanskrit only: no published translation is held for this verse.

सूतायां ग्रहणीमांद्ये शूले पाण्ड्वामये तथा । हस्तपादादिरोगेषु गुटिकेयं प्रशस्यते

sūtāyāṃ grahaṇīmāṃdye śūle pāṇḍvāmaye tathā / hastapādādirogeṣu guṭikeyaṃ praśasyate

Sanskrit only: no published translation is held for this verse.

<आनन्दभैरवरसः> दरदं वत्सनाभं च मरिचं टङ्कणं कणा

<ānandabhairavarasaḥ> daradaṃ vatsanābhaṃ ca maricaṃ ṭaṅkaṇaṃ kaṇā

Sanskrit only: no published translation is held for this verse.

चूर्णयेत्समभागेन रसो ह्यानन्दभैरवः । गुञ्जैकं तु द्विगुञ्जं वा बलं ज्ञात्वा प्रयोजयेत्

cūrṇayetsamabhāgena raso hyānandabhairavaḥ / guñjaikaṃ tu dviguñjaṃ vā balaṃ jñātvā prayojayet

Sanskrit only: no published translation is held for this verse.

मधुना लेहयेच्चानु कुटजस्य फलत्वचम् । चूर्णितं कर्षमात्रं तु त्रिदोषस्यातिसारजित्

madhunā lehayeccānu kuṭajasya phalatvacam / cūrṇitaṃ karṣamātraṃ tu tridoṣasyātisārajit

Sanskrit only: no published translation is held for this verse.

दध्यन्नं दापयेत्पथ्यं गव्याजं तक्रमेव च । पिपासायां जलं शीतं हिता च विजया निशि

dadhyannaṃ dāpayetpathyaṃ gavyājaṃ takrameva ca / pipāsāyāṃ jalaṃ śītaṃ hitā ca vijayā niśi

Sanskrit only: no published translation is held for this verse.

<मेघडम्बररसः> तण्डुलीयजलैः पिष्टं सूततुल्यं च गन्धकम् । अन्धमूषागतं पक्त्वा भूधरे भस्मतां नयेत्

<meghaḍambararasaḥ> taṇḍulīyajalaiḥ piṣṭaṃ sūtatulyaṃ ca gandhakam / andhamūṣāgataṃ paktvā bhūdhare bhasmatāṃ nayet

Sanskrit only: no published translation is held for this verse.

दशमूलकषायेण भावयेत्प्रहरद्वयम् । गुञ्जाद्वयं हरत्याशु हिक्कां कासं ज्वरं तथा । अनुपानेन दातव्यो रसोऽयं मेघडम्बरः

daśamūlakaṣāyeṇa bhāvayetpraharadvayam / guñjādvayaṃ haratyāśu hikkāṃ kāsaṃ jvaraṃ tathā / anupānena dātavyo raso'yaṃ meghaḍambaraḥ

Sanskrit only: no published translation is held for this verse.

<त्रिगुणाख्यरसः> गन्धकाद् द्विगुणं सूतं शुद्धं मृद्वग्निना क्षणम्

<triguṇākhyarasaḥ> gandhakād dviguṇaṃ sūtaṃ śuddhaṃ mṛdvagninā kṣaṇam

Sanskrit only: no published translation is held for this verse.

पक्त्वावतार्य संचूर्ण्य चूर्णतुल्याभयायुतम् । सप्तगुञ्जामितं खादेद्वर्धयेच्च दिने दिने

paktvāvatārya saṃcūrṇya cūrṇatulyābhayāyutam / saptaguñjāmitaṃ khādedvardhayecca dine dine

Sanskrit only: no published translation is held for this verse.

गुञ्जैकं च क्रमेणैव यावत्स्याद् एकविंशतिः । क्षीराज्यशर्करामिश्रं शाल्यन्नं पथ्यमाचरेत्

guñjaikaṃ ca krameṇaiva yāvatsyād ekaviṃśatiḥ / kṣīrājyaśarkarāmiśraṃ śālyannaṃ pathyamācaret

Sanskrit only: no published translation is held for this verse.

कम्पवातप्रशान्त्यर्थं निर्वाते निवसेत्सदा । त्रिगुणाख्यो रसो नाम त्रिपक्षात्कम्पवातनुत्

kampavātapraśāntyarthaṃ nirvāte nivasetsadā / triguṇākhyo raso nāma tripakṣātkampavātanut

Sanskrit only: no published translation is held for this verse.

<वातरिपुरसः> सूतहाटकवज्राणि तारं लोहं च माक्षिकम् । तालं नीलाञ्जनं तुत्थमब्धिफेनं समांशकम्

<vātaripurasaḥ> sūtahāṭakavajrāṇi tāraṃ lohaṃ ca mākṣikam / tālaṃ nīlāñjanaṃ tutthamabdhiphenaṃ samāṃśakam

Sanskrit only: no published translation is held for this verse.

पञ्चानां लवणानां च भागमेकं विमर्दयेत् । वज्रक्षीरैर् दिनैकं तु रुद्ध्वा तं भूधरे पुटेत्

pañcānāṃ lavaṇānāṃ ca bhāgamekaṃ vimardayet / vajrakṣīrair dinaikaṃ tu ruddhvā taṃ bhūdhare puṭet

Sanskrit only: no published translation is held for this verse.

माषैकमार्द्रकद्रावैर् लेहयेद् वातनाशनम् । पिप्पलीमूलजं क्वाथं सकृष्णमनुपाययेत्

māṣaikamārdrakadrāvair lehayed vātanāśanam / pippalīmūlajaṃ kvāthaṃ sakṛṣṇamanupāyayet

Sanskrit only: no published translation is held for this verse.

सर्ववातविकारांस्तु निहन्त्याक्षेपकादिकान् । रसः सर्वत्र विख्यातो नाम वातरिपुः स्मृतः

sarvavātavikārāṃstu nihantyākṣepakādikān / rasaḥ sarvatra vikhyāto nāma vātaripuḥ smṛtaḥ

Sanskrit only: no published translation is held for this verse.

<वातगजाङ्कुशरसः> मृतं लोहं सूतगन्धं ताम्रतालकमाक्षिकम् । पथ्यां शृङ्गीविषं त्र्यूषम् अग्निमन्थं च टङ्कणम्

<vātagajāṅkuśarasaḥ> mṛtaṃ lohaṃ sūtagandhaṃ tāmratālakamākṣikam / pathyāṃ śṛṅgīviṣaṃ tryūṣam agnimanthaṃ ca ṭaṅkaṇam

Sanskrit only: no published translation is held for this verse.

तुल्यं खल्वे दिनं मर्द्य मुण्डीनिर्गुण्डिजैर् द्रवैः । द्विगुञ्जां वटिकां खादेत्सर्ववातप्रशान्तये । साध्यासाध्यं निहन्त्याशु रसो वातगजाङ्कुशः

tulyaṃ khalve dinaṃ mardya muṇḍīnirguṇḍijair dravaiḥ / dviguñjāṃ vaṭikāṃ khādetsarvavātapraśāntaye / sādhyāsādhyaṃ nihantyāśu raso vātagajāṅkuśaḥ

Sanskrit only: no published translation is held for this verse.

<अम्लपित्तान्तकरसः> मृतसूताभ्रलोहानां तुल्यां पथ्यां विचूर्णयेत् । माषत्रयं लिहेत्क्षौद्रैरम्लपित्तप्रशान्तये

<amlapittāntakarasaḥ> mṛtasūtābhralohānāṃ tulyāṃ pathyāṃ vicūrṇayet / māṣatrayaṃ lihetkṣaudrairamlapittapraśāntaye

Sanskrit only: no published translation is held for this verse.

<अग्निकुमाररसः> सूतं गन्धं च नागानां चूर्णं हंसाङ्घ्रिवारिणा । दिनं घर्मे विमर्द्याथ गोलिकां तस्य योजयेत्

<agnikumārarasaḥ> sūtaṃ gandhaṃ ca nāgānāṃ cūrṇaṃ haṃsāṅghrivāriṇā / dinaṃ gharme vimardyātha golikāṃ tasya yojayet

Sanskrit only: no published translation is held for this verse.

काचकुप्यां च संवेष्ट्य तां त्रिभिर् मृत्पुटैर् दृढम् । मुखं संरुध्य संशोष्य स्थापयेत्सिकताह्वये

kācakupyāṃ ca saṃveṣṭya tāṃ tribhir mṛtpuṭair dṛḍham / mukhaṃ saṃrudhya saṃśoṣya sthāpayetsikatāhvaye

Sanskrit only: no published translation is held for this verse.

सार्धं दिनं क्रमेणाग्निं ज्वालयेत् तदधस्ततः । स्वांगशीतं समुद्धृत्य षडंशेनामृतं क्षिपेत्

sārdhaṃ dinaṃ krameṇāgniṃ jvālayet tadadhastataḥ / svāṃgaśītaṃ samuddhṛtya ṣaḍaṃśenāmṛtaṃ kṣipet

Sanskrit only: no published translation is held for this verse.

मरिचान्यर्द्धभागेन समं वास्याथ मर्दयेत् । अयमग्निकुमाराख्यो रसो मात्रास्य रक्तिका

maricānyarddhabhāgena samaṃ vāsyātha mardayet / ayamagnikumārākhyo raso mātrāsya raktikā

Sanskrit only: no published translation is held for this verse.

ताम्बूलीरससंयुक्तो हन्ति रोगानमून् अयम् । वातरोगान् क्षयं श्वासं कासं पाण्डुकफोल्बणम्

tāmbūlīrasasaṃyukto hanti rogānamūn ayam / vātarogān kṣayaṃ śvāsaṃ kāsaṃ pāṇḍukapholbaṇam

Sanskrit only: no published translation is held for this verse.

अग्निमांद्यं सन्निपातं पथ्यं शाल्यादिकं लघु । जलयोगप्रयोगोऽपि शस्तस्तापप्रशान्तये

agnimāṃdyaṃ sannipātaṃ pathyaṃ śālyādikaṃ laghu / jalayogaprayogo'pi śastastāpapraśāntaye

Sanskrit only: no published translation is held for this verse.

<अग्निकुमाररसः> टङ्कणं रसगन्धौ च समभागं त्रयो विषम् । कपर्दिसर्जिकाक्षारमागधीविश्वभेषजम्

<agnikumārarasaḥ> ṭaṅkaṇaṃ rasagandhau ca samabhāgaṃ trayo viṣam / kapardisarjikākṣāramāgadhīviśvabheṣajam

Sanskrit only: no published translation is held for this verse.

पृथक्पृथक् कर्षमात्रं त्वष्टभागं मरीचकम् । जम्बीराम्लैर्दिनं पिष्टं भवेदग्निकुमारकः । विषूचिशूलवातादिवह्णिमांद्यप्रशान्तये

pṛthakpṛthak karṣamātraṃ tvaṣṭabhāgaṃ marīcakam / jambīrāmlairdinaṃ piṣṭaṃ bhavedagnikumārakaḥ / viṣūciśūlavātādivahṇimāṃdyapraśāntaye

Sanskrit only: no published translation is held for this verse.

<लीलाविलासरसः> रसो रविर्व्योम बलिः सुलोहं धात्र्यक्षनीरैस्त्रिदिनं विमर्द्य । तदल्पघृष्टं मृदुमार्कवेण संमर्दयेद् अस्य च वल्लयुग्मम्

<līlāvilāsarasaḥ> raso ravirvyoma baliḥ sulohaṃ dhātryakṣanīraistridinaṃ vimardya / tadalpaghṛṣṭaṃ mṛdumārkaveṇa saṃmardayed asya ca vallayugmam

Sanskrit only: no published translation is held for this verse.

हन्त्यम्लपित्तं मधुनावलीढं लीलाविलासो रसराज एषः । दुग्धं सकूष्माण्डरसं सधात्रीफलं शनैस्तत्सहितं भजेद्वा

hantyamlapittaṃ madhunāvalīḍhaṃ līlāvilāso rasarāja eṣaḥ / dugdhaṃ sakūṣmāṇḍarasaṃ sadhātrīphalaṃ śanaistatsahitaṃ bhajedvā

Sanskrit only: no published translation is held for this verse.

<मन्थानभैरवरसः> मृतं सूतं मृतं ताम्रं हिङ्गुपुष्करमूलकम् । सैन्धवं गन्धकं तालं टङ्कणं चूर्णयेत्समम्

<manthānabhairavarasaḥ> mṛtaṃ sūtaṃ mṛtaṃ tāmraṃ hiṅgupuṣkaramūlakam / saindhavaṃ gandhakaṃ tālaṃ ṭaṅkaṇaṃ cūrṇayetsamam

Sanskrit only: no published translation is held for this verse.

पुनर्नवादेवदारुनिर्गुण्डीतण्डुलीयकैः । तिक्तकोशातकीद्रावैर्दिनैकं मर्दयेद् दृढम्

punarnavādevadārunirguṇḍītaṇḍulīyakaiḥ / tiktakośātakīdrāvairdinaikaṃ mardayed dṛḍham

Sanskrit only: no published translation is held for this verse.

माषमात्रं लिहेत्क्षौद्रै रसो मन्थानभैरवः । कफरोगप्रशान्त्यर्थं निम्बक्वाथं पिबेदनु

māṣamātraṃ lihetkṣaudrai raso manthānabhairavaḥ / kapharogapraśāntyarthaṃ nimbakvāthaṃ pibedanu

Sanskrit only: no published translation is held for this verse.

<क्रव्यादरसः> पलं रसस्य द्विपलं बलेः स्याच्छुल्वायसी चार्धपलप्रमाणे । संचूर्ण्य सर्वं द्रुतम् अग्नियोगाद् एरण्डपत्रेषु निवेशनीयम्

<kravyādarasaḥ> palaṃ rasasya dvipalaṃ baleḥ syācchulvāyasī cārdhapalapramāṇe / saṃcūrṇya sarvaṃ drutam agniyogād eraṇḍapatreṣu niveśanīyam

Sanskrit only: no published translation is held for this verse.

पिष्ट्वाथ तां पर्पटिकां निदध्याल्लोहस्य पात्रे वरपूतम् अस्मिन् । जम्बीरजं पक्वरसं पलानां शतं नियोज्याग्निमथाम्लमात्रम्

piṣṭvātha tāṃ parpaṭikāṃ nidadhyāllohasya pātre varapūtam asmin / jambīrajaṃ pakvarasaṃ palānāṃ śataṃ niyojyāgnimathāmlamātram

Sanskrit only: no published translation is held for this verse.

जीर्णे रसे भावितमेतदेतैः सपञ्चकोलोद्भववारिपूरैः । सवेतसाम्लैः शतमत्र योज्यं समं रजष् टंकणजं सुभृष्टम्

jīrṇe rase bhāvitametadetaiḥ sapañcakolodbhavavāripūraiḥ / savetasāmlaiḥ śatamatra yojyaṃ samaṃ rajaṣ ṭaṃkaṇajaṃ subhṛṣṭam

Sanskrit only: no published translation is held for this verse.

विडं ददर्धं मरिचं समं च तत्सप्तधार्द्रं चणकाम्लवारि । क्रव्यादनामा भवति प्रसिद्धो रसः सुमन्थानकभैरवोक्तः । माषद्वयं सैन्धवतक्रपीतम् एतसुधन्यं खलु भोजनान्ते

viḍaṃ dadardhaṃ maricaṃ samaṃ ca tatsaptadhārdraṃ caṇakāmlavāri / kravyādanāmā bhavati prasiddho rasaḥ sumanthānakabhairavoktaḥ / māṣadvayaṃ saindhavatakrapītam etasudhanyaṃ khalu bhojanānte

Sanskrit only: no published translation is held for this verse.

गुरूणि मांसानि पयांसि पिष्टीघृतानि खाद्यानि फलानि वेगात् । मात्रातिरिक्तान्यपि सेवितानि यामद्वयाज्जारयति प्रसिद्धः

gurūṇi māṃsāni payāṃsi piṣṭīghṛtāni khādyāni phalāni vegāt / mātrātiriktānyapi sevitāni yāmadvayājjārayati prasiddhaḥ

Sanskrit only: no published translation is held for this verse.

<अग्नितुण्डीवटी> शुद्धं सूतं विषं गन्धमजमोदाफलत्रयम् । सर्जिक्षारं यवक्षारं वह्णिसैन्धवजीरकम्

<agnituṇḍīvaṭī> śuddhaṃ sūtaṃ viṣaṃ gandhamajamodāphalatrayam / sarjikṣāraṃ yavakṣāraṃ vahṇisaindhavajīrakam

Sanskrit only: no published translation is held for this verse.

सौवर्चलं विडङ्गानि सामुद्रं टङ्कणं समम् । विषमुष्टिं सर्वतुल्यं जम्बीराम्लेन मर्दयेत्

sauvarcalaṃ viḍaṅgāni sāmudraṃ ṭaṅkaṇaṃ samam / viṣamuṣṭiṃ sarvatulyaṃ jambīrāmlena mardayet

Sanskrit only: no published translation is held for this verse.

मरिचाभां वटीं खादेद्वह्णिमांद्यप्रशान्तये

maricābhāṃ vaṭīṃ khādedvahṇimāṃdyapraśāntaye

Sanskrit only: no published translation is held for this verse.

<आनन्दोदयरसः> पारदं गन्धकं लोहमभ्रकं विषमेव च । समांशं मरिचं चाष्टौ टङ्कणं च चतुर्गुणम्

<ānandodayarasaḥ> pāradaṃ gandhakaṃ lohamabhrakaṃ viṣameva ca / samāṃśaṃ maricaṃ cāṣṭau ṭaṅkaṇaṃ ca caturguṇam

Sanskrit only: no published translation is held for this verse.

भृङ्गराजरसैः सप्त भावनाश्चाम्लदाडिमैः । गुञ्जाद्वयं पर्णखण्डैर्हन्ति सायं तु भक्षितः

bhṛṅgarājarasaiḥ sapta bhāvanāścāmladāḍimaiḥ / guñjādvayaṃ parṇakhaṇḍairhanti sāyaṃ tu bhakṣitaḥ

Sanskrit only: no published translation is held for this verse.

वातश्लेष्मोद्भवान्रोगान्मन्दाग्निग्रहणीज्वरान् । अरुचिं पाण्डुतां चैव जयेदचिरसेवनात्

vātaśleṣmodbhavānrogānmandāgnigrahaṇījvarān / aruciṃ pāṇḍutāṃ caiva jayedacirasevanāt

Sanskrit only: no published translation is held for this verse.

<चिन्तामणिरसः> रसं गन्धं मृतं शुल्बं मृतमभ्रं फलत्रिकम् । त्र्यूषणं बीजजैपालं समं खल्वे विमर्दयेत्

<cintāmaṇirasaḥ> rasaṃ gandhaṃ mṛtaṃ śulbaṃ mṛtamabhraṃ phalatrikam / tryūṣaṇaṃ bījajaipālaṃ samaṃ khalve vimardayet

Sanskrit only: no published translation is held for this verse.

द्रोणपुष्पीरसैर्भाव्यं शुष्कं तद्वस्त्रगालितम् । चिन्तामणिरसोऽप्येष अजीर्णानां प्रशस्यते

droṇapuṣpīrasairbhāvyaṃ śuṣkaṃ tadvastragālitam / cintāmaṇiraso'pyeṣa ajīrṇānāṃ praśasyate

Sanskrit only: no published translation is held for this verse.

ज्वरम् अष्टविधं हन्ति सर्वशूलेषु शस्यते । गुञ्जैको वा द्विगुंजो वा आमरोगहरः परः

jvaram aṣṭavidhaṃ hanti sarvaśūleṣu śasyate / guñjaiko vā dviguṃjo vā āmarogaharaḥ paraḥ

Sanskrit only: no published translation is held for this verse.

<राजवल्लभरसः> रसनिष्कैकगन्धैकं निष्कमात्रः प्रदीपनः

<rājavallabharasaḥ> rasaniṣkaikagandhaikaṃ niṣkamātraḥ pradīpanaḥ

Sanskrit only: no published translation is held for this verse.

सार्धं पलं प्रदातव्यं चूलिकालवणं भिषक् । खल्वे संमर्दयेत्तत्तु शुष्कवस्त्रेण गालयेत्

sārdhaṃ palaṃ pradātavyaṃ cūlikālavaṇaṃ bhiṣak / khalve saṃmardayettattu śuṣkavastreṇa gālayet

Sanskrit only: no published translation is held for this verse.

माषमात्रं प्रदातव्यो मुक्तमांसादिजारकः । अजीर्णेषु त्रिदोषेषु देयोऽयं राजवल्लभः

māṣamātraṃ pradātavyo muktamāṃsādijārakaḥ / ajīrṇeṣu tridoṣeṣu deyo'yaṃ rājavallabhaḥ

Sanskrit only: no published translation is held for this verse.

<त्रिनेत्राख्यरसः> टङ्कणं हारिणं शृङ्गं स्वर्णं शुल्बं मृतं रसम् । दिनैकमार्द्रकद्रावैर्मर्द्य रुद्ध्वा पुटे पचेत्

<trinetrākhyarasaḥ> ṭaṅkaṇaṃ hāriṇaṃ śṛṅgaṃ svarṇaṃ śulbaṃ mṛtaṃ rasam / dinaikamārdrakadrāvairmardya ruddhvā puṭe pacet

Sanskrit only: no published translation is held for this verse.

त्रिनेत्राख्यो रसो नाम्ना माषैकं मधुसर्पिषा । सैन्धवं जीरकं हिङ्गुमध्वाज्याभ्यां लिहेदनु । पक्तिशूलहरं ख्यातं याममात्रान्न संशयः

trinetrākhyo raso nāmnā māṣaikaṃ madhusarpiṣā / saindhavaṃ jīrakaṃ hiṅgumadhvājyābhyāṃ lihedanu / paktiśūlaharaṃ khyātaṃ yāmamātrānna saṃśayaḥ

Sanskrit only: no published translation is held for this verse.

<मेहवज्ररसः> भस्म सूतं मृतं कान्तं शुल्बभस्म शिलाजतु । शुद्धताप्यं शिला व्योषं त्रिफलाङ्कोलबीजकम्

<mehavajrarasaḥ> bhasma sūtaṃ mṛtaṃ kāntaṃ śulbabhasma śilājatu / śuddhatāpyaṃ śilā vyoṣaṃ triphalāṅkolabījakam

Sanskrit only: no published translation is held for this verse.

कपित्थरजनीचूर्णं भृङ्गराजेन भावयेत् । विंशद्वारं विशोष्याथ मधुयुक्तं लिहेत्सदा

kapittharajanīcūrṇaṃ bhṛṅgarājena bhāvayet / viṃśadvāraṃ viśoṣyātha madhuyuktaṃ lihetsadā

Sanskrit only: no published translation is held for this verse.

निष्कमात्रं लिहेन्मेही मेहवज्रो महारसः । महानिम्बस्य बीजानि पिष्ट्वा कर्षमितानि च

niṣkamātraṃ lihenmehī mehavajro mahārasaḥ / mahānimbasya bījāni piṣṭvā karṣamitāni ca

Sanskrit only: no published translation is held for this verse.

पलं तण्डुलतोयेन घृतनिष्कद्वयेन च । एकीकृत्य पिबेत्तोयं हन्ति मेहं चिरोत्थितम्

palaṃ taṇḍulatoyena ghṛtaniṣkadvayena ca / ekīkṛtya pibettoyaṃ hanti mehaṃ cirotthitam

Sanskrit only: no published translation is held for this verse.

<इन्द्रवटीरसः> मृतं सूतं मृतं वंगमर्जुनस्य त्वचान्वितम् । तुल्यांशं मर्दयेत् खल्वे शाल्मल्या मूलजैर् द्रवैः

<indravaṭīrasaḥ> mṛtaṃ sūtaṃ mṛtaṃ vaṃgamarjunasya tvacānvitam / tulyāṃśaṃ mardayet khalve śālmalyā mūlajair dravaiḥ

Sanskrit only: no published translation is held for this verse.

दिनान्ते वटिका कार्या माषमात्रा प्रमेहहा । एषा इन्द्रवटी नाम्ना मधुमेहप्रशान्तये

dinānte vaṭikā kāryā māṣamātrā pramehahā / eṣā indravaṭī nāmnā madhumehapraśāntaye

Sanskrit only: no published translation is held for this verse.

<रसेन्द्रमङ्गलरसः> तालसत्त्वं मृतं ताम्रं मृतं लोहं मृतं रसम् । हतमभ्रं हतं तारं गन्धं तुत्थं मनःशिला

<rasendramaṅgalarasaḥ> tālasattvaṃ mṛtaṃ tāmraṃ mṛtaṃ lohaṃ mṛtaṃ rasam / hatamabhraṃ hataṃ tāraṃ gandhaṃ tutthaṃ manaḥśilā

Sanskrit only: no published translation is held for this verse.

सौवीराञ्जनकासीसं नीलीभल्लातकानि च । शिलाजत्वर्कमूलं तु कदलीकन्दचित्रकम्

sauvīrāñjanakāsīsaṃ nīlībhallātakāni ca / śilājatvarkamūlaṃ tu kadalīkandacitrakam

Sanskrit only: no published translation is held for this verse.

त्वचम् अङ्कोलजां कृष्णां कृष्णधत्तूरमूलकम् । अवल्गुजानि बीजानि गौरीमाध्वीफलानि च

tvacam aṅkolajāṃ kṛṣṇāṃ kṛṣṇadhattūramūlakam / avalgujāni bījāni gaurīmādhvīphalāni ca

Sanskrit only: no published translation is held for this verse.

हेमाह्वां फेनजात्यां च फलिनीं विषतिन्दुकम् । तैलिन्यो लोहकिट्टं च पुराणममृतं च तत्

hemāhvāṃ phenajātyāṃ ca phalinīṃ viṣatindukam / tailinyo lohakiṭṭaṃ ca purāṇamamṛtaṃ ca tat

Sanskrit only: no published translation is held for this verse.

त्वचा च मीनकाक्षस्य पुनरुक्तं पलं पृथक् । तैलिन्यो वटकास्तासु सर्वमेकत्र चूर्णयेत्

tvacā ca mīnakākṣasya punaruktaṃ palaṃ pṛthak / tailinyo vaṭakāstāsu sarvamekatra cūrṇayet

Sanskrit only: no published translation is held for this verse.

खल्वे निधाय दातव्या पुनरेषां च भावना । ब्रह्मदण्डी शिखापुङ्खा देवदाली च नीलिका

khalve nidhāya dātavyā punareṣāṃ ca bhāvanā / brahmadaṇḍī śikhāpuṅkhā devadālī ca nīlikā

Sanskrit only: no published translation is held for this verse.

वाणशोना नृपतरु निम्बसारो विभीतकः । करञ्जो भृङ्गराजश्च गायत्री तिन्तडीफलम्

vāṇaśonā nṛpataru nimbasāro vibhītakaḥ / karañjo bhṛṅgarājaśca gāyatrī tintaḍīphalam

Sanskrit only: no published translation is held for this verse.

मलयूमूलमेतेषां तिस्रस्तिस्रस्तु भावनाः । दातव्या कुप्पिकां कृत्वा सम्यक् संशोष्य चातपे

malayūmūlameteṣāṃ tisrastisrastu bhāvanāḥ / dātavyā kuppikāṃ kṛtvā samyak saṃśoṣya cātape

Sanskrit only: no published translation is held for this verse.

भाण्डे तद्धारयेद्भाण्डं मुद्रितं चाथ कारयेत् । यामं मन्दाग्निना पच्यात् पुटमध्ये ह्यसौ रसः

bhāṇḍe taddhārayedbhāṇḍaṃ mudritaṃ cātha kārayet / yāmaṃ mandāgninā pacyāt puṭamadhye hyasau rasaḥ

Sanskrit only: no published translation is held for this verse.

पुण्डरीकं निहन्त्येव नात्र कार्या विचारणा । द्विमासाभ्यन्तरे पुंसामपथ्यं न तु भोजयेत्

puṇḍarīkaṃ nihantyeva nātra kāryā vicāraṇā / dvimāsābhyantare puṃsāmapathyaṃ na tu bhojayet

Sanskrit only: no published translation is held for this verse.

रोगाः सर्वे विलीयन्ते कुष्ठानि सकलानि च । भानुभक्तिप्रवृत्तानां गुरुभक्तिकृतां सदा

rogāḥ sarve vilīyante kuṣṭhāni sakalāni ca / bhānubhaktipravṛttānāṃ gurubhaktikṛtāṃ sadā

Sanskrit only: no published translation is held for this verse.

रसेन्द्रमंगलो नाम्ना रसोऽयं प्रकटीकृतः । अनुग्रहाय भक्तानां शिवेन करुणात्मना

rasendramaṃgalo nāmnā raso'yaṃ prakaṭīkṛtaḥ / anugrahāya bhaktānāṃ śivena karuṇātmanā

Sanskrit only: no published translation is held for this verse.

<सर्वेश्वररसः> मृतताम्राभ्रलोहानां हिङ्गुलं च पलं पलम् । जम्बीरोन्मत्तभार्गीभिः स्नुह्यर्कविषमुष्टिभिः

<sarveśvararasaḥ> mṛtatāmrābhralohānāṃ hiṅgulaṃ ca palaṃ palam / jambīronmattabhārgībhiḥ snuhyarkaviṣamuṣṭibhiḥ

Sanskrit only: no published translation is held for this verse.

मर्द्यं हयारिजैर् द्रावैः प्रत्येकं च दिनं दिनम् । एवं सप्तदिनं मर्द्यं तद्गोलं वस्त्रवेष्टितम्

mardyaṃ hayārijair drāvaiḥ pratyekaṃ ca dinaṃ dinam / evaṃ saptadinaṃ mardyaṃ tadgolaṃ vastraveṣṭitam

Sanskrit only: no published translation is held for this verse.

वालुकायन्त्रगं स्वेद्यं त्रिदिनं लघुवह्णिना । आदाय चूर्णयेत् सर्वं पलैकं योजयेद्विषम्

vālukāyantragaṃ svedyaṃ tridinaṃ laghuvahṇinā / ādāya cūrṇayet sarvaṃ palaikaṃ yojayedviṣam

Sanskrit only: no published translation is held for this verse.

द्विपलं पिप्पलीचूर्णमिश्रं सर्वेश्वरं रसम् । द्विगुञ्जं लेहयेत् क्षौद्रैर् मुनिमण्डलकुष्ठनुत्

dvipalaṃ pippalīcūrṇamiśraṃ sarveśvaraṃ rasam / dviguñjaṃ lehayet kṣaudrair munimaṇḍalakuṣṭhanut

Sanskrit only: no published translation is held for this verse.

वाकुची चैव दारू च कर्षमात्रं विचूर्णितम् । लिहेद् एरण्डतैलेन ह्यनुपानं सुखावहम्

vākucī caiva dārū ca karṣamātraṃ vicūrṇitam / lihed eraṇḍatailena hyanupānaṃ sukhāvaham

Sanskrit only: no published translation is held for this verse.

रक्ताधिक्ये सिरामोक्षः पादे बाहौ ललाटके । कर्तव्यो दृष्टिरोगेषु कुष्ठिनां च विशेषतः

raktādhikye sirāmokṣaḥ pāde bāhau lalāṭake / kartavyo dṛṣṭirogeṣu kuṣṭhināṃ ca viśeṣataḥ

Sanskrit only: no published translation is held for this verse.