* [ * इह रसकर्माणि चतुरशीतिः गुटिकाभेदाश्चतुरशीतिः अञ्जनानि चतुरशीतिः ॥ १ * एवं ते द्विपञ्चाशदधिके द्वे शते भेदाः ॥ २ * तत एतेषां भेदानां मध्याद् यदैका काचित् क्रिया प्रारभ्यते तदा प्रारम्भात्पूर्वं मासमेकं ब्रह्मचर्यरूपं तपः कर्तव्यम् ॥ ३ * ब्रह्मचर्यस्यैव सर्वतपोमूलत्वात् ॥ ४ * तद्रहितस्यापरतपसः सर्वस्यापि निष्फलत्वात् ॥ ५ * यद्वा ब्रह्मचर्यं धार्यम् ॥ ६ * तथाचार्यादिना यथायुक्त्या तपः कार्यम् ॥ ७ * द्वयोरपि सर्वकर्मफलानाम् आदिमूलत्वात् ॥ ८ * तथा हविष्यान्नं घृतशर्करामिश्रं पायसं क्षीरभोजनं कार्यम् ॥ ९ * अपरैर् आहारैर् देहशुद्धेरभावात् ॥ १० * प्राणायामसाधनाभावाच् च ॥ ११ * तत एवं कर्म पालयता तत्कर्मफलं यावन् नेतव्यम् ॥ १२ * यतो रसादिका क्रियाः साधके भ्रष्टे यथोक्तभोजनम् अकुर्वति न सिध्यन्ति ॥ १३ * तपोनष्टे न च फलन्ति ॥ १४ * एतच् च ग्रन्थान्ते स्वयं स्पष्टयिष्यति ॥ १५] अथाध्यायं समायातं श्रीकङ्कालययोगिनः । वदामि व्यञ्जितो यत्र युक्तिभिः शृङ्खलारसः
* [ * iha rasakarmāṇi caturaśītiḥ guṭikābhedāścaturaśītiḥ añjanāni caturaśītiḥ || 1 * evaṃ te dvipañcāśadadhike dve śate bhedāḥ || 2 * tata eteṣāṃ bhedānāṃ madhyād yadaikā kācit kriyā prārabhyate tadā prārambhātpūrvaṃ māsamekaṃ brahmacaryarūpaṃ tapaḥ kartavyam || 3 * brahmacaryasyaiva sarvatapomūlatvāt || 4 * tadrahitasyāparatapasaḥ sarvasyāpi niṣphalatvāt || 5 * yadvā brahmacaryaṃ dhāryam || 6 * tathācāryādinā yathāyuktyā tapaḥ kāryam || 7 * dvayorapi sarvakarmaphalānām ādimūlatvāt || 8 * tathā haviṣyānnaṃ ghṛtaśarkarāmiśraṃ pāyasaṃ kṣīrabhojanaṃ kāryam || 9 * aparair āhārair dehaśuddherabhāvāt || 10 * prāṇāyāmasādhanābhāvāc ca || 11 * tata evaṃ karma pālayatā tatkarmaphalaṃ yāvan netavyam || 12 * yato rasādikā kriyāḥ sādhake bhraṣṭe yathoktabhojanam akurvati na sidhyanti || 13 * taponaṣṭe na ca phalanti || 14 * etac ca granthānte svayaṃ spaṣṭayiṣyati || 15] athādhyāyaṃ samāyātaṃ śrīkaṅkālayayoginaḥ / vadāmi vyañjito yatra yuktibhiḥ śṛṅkhalārasaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.