Samadhirajasutra 14

अथ खलु चन्द्रप्रभः कुमारभूत उत्थायासनादेकांसमुत्तरासङ्गं कृत्वा दक्षिणं जानुमण्डलं पृथिव्यां प्रतिष्ठाप्य येन भगवांस्तेनाञ्जलिं प्रणम्य भगवन्तमेतदवोचत् - आश्चर्यं भगवन् यावत् सुभाषितेयं भगवता तथागतेनार्हता सम्यक्संबुद्धेन सर्वधर्मस्वभावसमता सर्वबोधिसत्त्वशिक्षासमाधिनिर्देशः । यथापि नाम भगवन् दीर्घरात्रमत्र शिक्षित्वा समुदागतो ऽनुत्तरायां सम्यक्संबोधौ । प्रतिभाति च मे भगवन्, प्रतिभाति च मे सुगत । भगवानाह - प्रतिभातु ते कुमार यस्येदानीं कालं मन्यसे । अथ खलु चन्द्रप्रभः कुमारभूतो भगवता कृतावकाशो भगवन्तं संमुखं सारूप्याभिर्गाथाभिरभ्यष्टावीत् - दृष्ट्वान सत्त्वान् दुखितानुपद्रुतान् रागेण दोषेण सदाभिभूतान् । चित्तं त्वयोत्पादितु बोधिकारणादू बुद्धो भवेयं ति प्रजान मोचकाः

atha khalu candraprabhaḥ kumārabhūta utthāyāsanādekāṃsamuttarāsaṅgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhagavāṃstenāñjaliṃ praṇamya bhagavantametadavocat - āścaryaṃ bhagavan yāvat subhāṣiteyaṃ bhagavatā tathāgatenārhatā samyaksaṃbuddhena sarvadharmasvabhāvasamatā sarvabodhisattvaśikṣāsamādhinirdeśaḥ | yathāpi nāma bhagavan dīrgharātramatra śikṣitvā samudāgato 'nuttarāyāṃ samyaksaṃbodhau | pratibhāti ca me bhagavan, pratibhāti ca me sugata | bhagavānāha - pratibhātu te kumāra yasyedānīṃ kālaṃ manyase | atha khalu candraprabhaḥ kumārabhūto bhagavatā kṛtāvakāśo bhagavantaṃ saṃmukhaṃ sārūpyābhirgāthābhirabhyaṣṭāvīt - dṛṣṭvāna sattvān dukhitānupadrutān rāgeṇa doṣeṇa sadābhibhūtān / cittaṃ tvayotpāditu bodhikāraṇādū buddho bhaveyaṃ ti prajāna mocakāḥ

Sanskrit only: no published translation is held for this verse.

चीर्णो ऽसि वीर्ये बहुकल्पकोटियो दाने दमे संयमि नित्यु शिक्षितः । शीले च क्षान्तौ तथ वीर्ये ऽतन्द्रितो दानं च दत्तं विपुलमनन्तकम्

cīrṇo 'si vīrye bahukalpakoṭiyo dāne dame saṃyami nityu śikṣitaḥ / śīle ca kṣāntau tatha vīrye 'tandrito dānaṃ ca dattaṃ vipulamanantakam

Sanskrit only: no published translation is held for this verse.

न चो तव मानसु जातु खिन्नं हस्तांश्च पादांस्त्यजमानु जीवितम् । हिरण्यसुवर्णं तथ पुत्रदारं राज्थं च त्यक्तमनपेक्ष भूत्वा

na co tava mānasu jātu khinnaṃ hastāṃśca pādāṃstyajamānu jīvitam / hiraṇyasuvarṇaṃ tatha putradāraṃ rājthaṃ ca tyaktamanapekṣa bhūtvā

Sanskrit only: no published translation is held for this verse.

शीलं तवाच्छं विमलं विशुद्धम् आत्मा च त्यक्तो न च शील खण्डितम् । कायेन वाचा मनसा सुसंवृता सुदान्तचित्ता सुगता नमो ऽस्तु ते

śīlaṃ tavācchaṃ vimalaṃ viśuddham ātmā ca tyakto na ca śīla khaṇḍitam / kāyena vācā manasā susaṃvṛtā sudāntacittā sugatā namo 'stu te

Sanskrit only: no published translation is held for this verse.

क्षान्तीरताः क्षान्तिपथे प्रतिष्ठिताः काये कृते खण्ड पि नैव क्रुध्यसे । क्षीरं ततः प्रस्रवि मैत्रभावना आश्चर्यभूता सुगता नमो ऽस्तु ते

kṣāntīratāḥ kṣāntipathe pratiṣṭhitāḥ kāye kṛte khaṇḍa pi naiva krudhyase / kṣīraṃ tataḥ prasravi maitrabhāvanā āścaryabhūtā sugatā namo 'stu te

Sanskrit only: no published translation is held for this verse.

बलैरुपेता दशभिर्बलैः स्थिता असङ्गुज्ञानी विदि सर्वधर्मान् । करुणानि लोकहितकर धर्मस्वामिन् अनुकम्पसे प्रजा इम अर्थकामः

balairupetā daśabhirbalaiḥ sthitā asaṅgujñānī vidi sarvadharmān / karuṇāni lokahitakara dharmasvāmin anukampase prajā ima arthakāmaḥ

Sanskrit only: no published translation is held for this verse.

शून्यं ति ज्ञानं न च पुनिहास्ति सत्त्वो लोकं च दृष्ट्व तथा ति प्रनष्टमार्गम् । विबोधितास्ते प्रकृतिनिरात्मधर्मे विमुक्तिजाता न च क्वचि सा विमुक्तिः

śūnyaṃ ti jñānaṃ na ca punihāsti sattvo lokaṃ ca dṛṣṭva tathā ti pranaṣṭamārgam / vibodhitāste prakṛtinirātmadharme vimuktijātā na ca kvaci sā vimuktiḥ

Sanskrit only: no published translation is held for this verse.

प्रत्यादिशं जहिय सदा प्रमत्तं जित्वा च मारं सबलमनन्तसैन्यम् । बुद्धित्व बोधि विपुलामनन्तज्ञानं दिशेहि धर्मं परम विशुद्धशान्तम्

pratyādiśaṃ jahiya sadā pramattaṃ jitvā ca māraṃ sabalamanantasainyam / buddhitva bodhi vipulāmanantajñānaṃ diśehi dharmaṃ parama viśuddhaśāntam

Sanskrit only: no published translation is held for this verse.

गगनं पतेय्या सह शशितारकेहि पृथिवी विनश्येत् सनगरशैलसंस्था । आकाशधातुरपि च सियान्यथात्वं नो चैव तुभ्यं वितथ भणेय्य वाचा

gaganaṃ pateyyā saha śaśitārakehi pṛthivī vinaśyet sanagaraśailasaṃsthā / ākāśadhāturapi ca siyānyathātvaṃ no caiva tubhyaṃ vitatha bhaṇeyya vācā

Sanskrit only: no published translation is held for this verse.

दृष्ट्वा त्वं दुःखितान् सत्त्वानुपलम्भरताः प्रजाः । अनोपलम्भं देशेसि गम्भीरां शान्तशून्यताम्

dṛṣṭvā tvaṃ duḥkhitān sattvānupalambharatāḥ prajāḥ / anopalambhaṃ deśesi gambhīrāṃ śāntaśūnyatām

Sanskrit only: no published translation is held for this verse.

शिक्षितो ऽसि महावीर कल्पकोटीरचिन्तिया । अनोपलम्भशिक्षायां स्खलितं ते न विद्यते

śikṣito 'si mahāvīra kalpakoṭīracintiyā / anopalambhaśikṣāyāṃ skhalitaṃ te na vidyate

Sanskrit only: no published translation is held for this verse.

यादृशे शिक्षितो धर्मे तादृशं धर्मु भाषसे । अभूमिरत्र बालानां यावन्त अन्यतीर्थिकाः

yādṛśe śikṣito dharme tādṛśaṃ dharmu bhāṣase / abhūmiratra bālānāṃ yāvanta anyatīrthikāḥ

Sanskrit only: no published translation is held for this verse.

ये स्थिता आत्मसंज्ञायां ते स्खलन्ति अविद्वसु । ज्ञात्वा धर्माण नैरात्म्यं स्खलितं ते न विद्यते

ye sthitā ātmasaṃjñāyāṃ te skhalanti avidvasu / jñātvā dharmāṇa nairātmyaṃ skhalitaṃ te na vidyate

Sanskrit only: no published translation is held for this verse.

भूतवादी महावीर भूतधर्मप्रतिष्ठितः । भूते सत्ये स्थितो नाथ भूतां वाचं प्रभाषसे

bhūtavādī mahāvīra bhūtadharmapratiṣṭhitaḥ / bhūte satye sthito nātha bhūtāṃ vācaṃ prabhāṣase

Sanskrit only: no published translation is held for this verse.

भूता ते चारिका आसीद् यथा ते प्रणिधिः कृतः । तस्य भूतस्य निष्यन्दा भूतां वाचं प्रभाषसे

bhūtā te cārikā āsīd yathā te praṇidhiḥ kṛtaḥ / tasya bhūtasya niṣyandā bhūtāṃ vācaṃ prabhāṣase

Sanskrit only: no published translation is held for this verse.

भूतचर्यासु संपन्नो भूतकोटीसुशिक्षिता । भूताशया भूतचरी भूतप्रज्ञ नमो ऽस्तु ते

bhūtacaryāsu saṃpanno bhūtakoṭīsuśikṣitā / bhūtāśayā bhūtacarī bhūtaprajña namo 'stu te

Sanskrit only: no published translation is held for this verse.

समस्ते प्रज्ञया नास्ति ज्ञानवादि प्रभाकर । ज्ञाने विशेषतां प्राप्त ज्ञानवादि नमो ऽस्तु ते

samaste prajñayā nāsti jñānavādi prabhākara / jñāne viśeṣatāṃ prāpta jñānavādi namo 'stu te

Sanskrit only: no published translation is held for this verse.

मित्रस्त्वं सर्वसत्त्वानां मैत्री तव सुभाविता । अप्रकम्प्यो यथा मेरुरचलः सुप्रतिष्ठितः

mitrastvaṃ sarvasattvānāṃ maitrī tava subhāvitā / aprakampyo yathā meruracalaḥ supratiṣṭhitaḥ

Sanskrit only: no published translation is held for this verse.

गणे सुविपुले शास्तुर्गणान् संपरिकर्षसि । गभीरप्रज्ञा सुगता नदसे परिषद्गता

gaṇe suvipule śāsturgaṇān saṃparikarṣasi / gabhīraprajñā sugatā nadase pariṣadgatā

Sanskrit only: no published translation is held for this verse.

सिंहनादं नदि बुद्धः सिंहविक्रान्तविक्रमः । जितास्ते तीर्थिकाः सर्वे सिंहेन क्रोष्टुका यथा

siṃhanādaṃ nadi buddhaḥ siṃhavikrāntavikramaḥ / jitāste tīrthikāḥ sarve siṃhena kroṣṭukā yathā

Sanskrit only: no published translation is held for this verse.

अदान्तदमको वीर अदान्ता दमितास्त्वया । ते च मित्रा दृढा भोन्ति अभेद्या भोन्ति सुस्थिताः

adāntadamako vīra adāntā damitāstvayā / te ca mitrā dṛḍhā bhonti abhedyā bhonti susthitāḥ

Sanskrit only: no published translation is held for this verse.

दृष्ट्वा त्वं दुःखितान् सत्त्वानात्मदृष्टिसमाश्रितान् । नैरात्म्य धर्मं देशेमि यत्र नास्ति प्रियाप्रियम्

dṛṣṭvā tvaṃ duḥkhitān sattvānātmadṛṣṭisamāśritān / nairātmya dharmaṃ deśemi yatra nāsti priyāpriyam

Sanskrit only: no published translation is held for this verse.

अशिक्षितानां बालानां कुमार्गपथचारिणाम् । मार्गं त्वं संप्रकाशेसि येन गच्छन्ति नायकाः

aśikṣitānāṃ bālānāṃ kumārgapathacāriṇām / mārgaṃ tvaṃ saṃprakāśesi yena gacchanti nāyakāḥ

Sanskrit only: no published translation is held for this verse.

ये स्थिता आत्मसंज्ञायां दुःखे ते सुप्रतिष्ठिताः । न ते जानन्ति नैरात्म्यं यत्र दुःखं न विद्यते

ye sthitā ātmasaṃjñāyāṃ duḥkhe te supratiṣṭhitāḥ / na te jānanti nairātmyaṃ yatra duḥkhaṃ na vidyate

Sanskrit only: no published translation is held for this verse.

अखिलितपदधर्मदेशको ऽसि स्खलितु न लभ्यति लोकनाथ । अवितथ गिर संप्रभाषसे त्वं दुःखमोक्षकरा नमस्ते नाथ

akhilitapadadharmadeśako 'si skhalitu na labhyati lokanātha / avitatha gira saṃprabhāṣase tvaṃ duḥkhamokṣakarā namaste nātha

Sanskrit only: no published translation is held for this verse.

बहुनियुतशता सहस्रकोट्यो गगनस्थिताः पृथु देवनागयक्षाः । सर्विं स्पृह जनेन्ति नायकस्मिन् भगवतु वाच श्रुणित्व अर्थयुक्ताम्

bahuniyutaśatā sahasrakoṭyo gaganasthitāḥ pṛthu devanāgayakṣāḥ / sarviṃ spṛha janenti nāyakasmin bhagavatu vāca śruṇitva arthayuktām

Sanskrit only: no published translation is held for this verse.

स्निग्धमृदुमनोज्ञकालयुक्तां सुमधुर वाच प्रणीत प्रेमणीयाम् । अपरिमितस्वराङ्गसंप्रयुक्तां हितकर मोक्षकरीं बहुजनस्य

snigdhamṛdumanojñakālayuktāṃ sumadhura vāca praṇīta premaṇīyām / aparimitasvarāṅgasaṃprayuktāṃ hitakara mokṣakarīṃ bahujanasya

Sanskrit only: no published translation is held for this verse.

दिव्यस्वर विशिष्ट प्रेमणीया अभिभवति सुगतस्य एकवाचा

divyasvara viśiṣṭa premaṇīyā abhibhavati sugatasya ekavācā

Sanskrit only: no published translation is held for this verse.

द्विजगणकलविङ्कमञ्जुधोषाः सुरुचिर प्रेमणीयाः सुगीतशब्दाः । शङ्खपटहभेरिवीणशब्दाः कलमपि न लभन्तिः बुद्धशब्दे

dvijagaṇakalaviṅkamañjudhoṣāḥ surucira premaṇīyāḥ sugītaśabdāḥ / śaṅkhapaṭahabherivīṇaśabdāḥ kalamapi na labhantiḥ buddhaśabde

Sanskrit only: no published translation is held for this verse.

परभृतशुकशारिकाण शब्दास्तथ पुनः क्रौञ्चमयूरकिन्नराणाम् । रुत रवित य केचि प्रेमणीयाः कलमपि बुद्धस्वरस्य नानुभोन्ति

parabhṛtaśukaśārikāṇa śabdāstatha punaḥ krauñcamayūrakinnarāṇām / ruta ravita ya keci premaṇīyāḥ kalamapi buddhasvarasya nānubhonti

Sanskrit only: no published translation is held for this verse.

प्रिय मधुर मनोज्ञ प्रेमणीयाः सुमधुर शान्तगिरा प्रशंसनीयाः । सर्वि गिर प्रयुक्त एककाले गिरवर हर्षणियास्तथागतस्य

priya madhura manojña premaṇīyāḥ sumadhura śāntagirā praśaṃsanīyāḥ / sarvi gira prayukta ekakāle giravara harṣaṇiyāstathāgatasya

Sanskrit only: no published translation is held for this verse.

सुरमनुजनरेन्द्रदानवानां सकलभवे त्रिभवे य अस्ति सत्त्वाः । या प्रभा अभवत् प्रभाकराणां अभिभवति सुगतस्य एकरश्मिः

suramanujanarendradānavānāṃ sakalabhave tribhave ya asti sattvāḥ / yā prabhā abhavat prabhākarāṇāṃ abhibhavati sugatasya ekaraśmiḥ

Sanskrit only: no published translation is held for this verse.

कुसुमितु सुगतस्य आत्मभावः परिवृतु विचित्रु सर्वलक्षणैः । पुण्यशतनिर्वृतु अच्छ शुद्धः प्रतपति सर्वजगे जिनस्य कायः

kusumitu sugatasya ātmabhāvaḥ parivṛtu vicitru sarvalakṣaṇaiḥ / puṇyaśatanirvṛtu accha śuddhaḥ pratapati sarvajage jinasya kāyaḥ

Sanskrit only: no published translation is held for this verse.

शङ्खान शब्द पणवसुघोषकाणां भेरीण शब्द तथपि च किम्पलानाम् । सर्वे च शब्द सुमधुर प्रेमणीया बुद्धस्य शब्दे शतिम कलां न भोन्ति

śaṅkhāna śabda paṇavasughoṣakāṇāṃ bherīṇa śabda tathapi ca kimpalānām / sarve ca śabda sumadhura premaṇīyā buddhasya śabde śatima kalāṃ na bhonti

Sanskrit only: no published translation is held for this verse.

तूर्याण कोटिनियुतसहस्रशब्दा आस्वादनीय सुमधुर दिव्यकल्पाः । प्रामोदनीय मरुगण अप्सराणां बुद्धस्य शब्दे शतिम कलां न भोन्ति

tūryāṇa koṭiniyutasahasraśabdā āsvādanīya sumadhura divyakalpāḥ / prāmodanīya marugaṇa apsarāṇāṃ buddhasya śabde śatima kalāṃ na bhonti

Sanskrit only: no published translation is held for this verse.

क्रौञ्चा मयूर परभृत चक्रवाका हंसाः कुणाला बहुविधपक्षिसंघाः । ये ते सशब्दाः सुमधुर एककाले बुद्धस्य शब्दे शतिम कलां न भोन्ति

krauñcā mayūra parabhṛta cakravākā haṃsāḥ kuṇālā bahuvidhapakṣisaṃghāḥ / ye te saśabdāḥ sumadhura ekakāle buddhasya śabde śatima kalāṃ na bhonti

Sanskrit only: no published translation is held for this verse.

नागान यक्षाण असुरमहोरगाणां देवेन्द्रब्रह्ममरुपतीनां च शब्दाः । यावन्त शब्दास्त्रिभवे मनोज्ञ कान्ता बुद्धस्वरस्य कलमपि ते न भोन्ति

nāgāna yakṣāṇa asuramahoragāṇāṃ devendrabrahmamarupatīnāṃ ca śabdāḥ / yāvanta śabdāstribhave manojña kāntā buddhasvarasya kalamapi te na bhonti

Sanskrit only: no published translation is held for this verse.

या ब्रह्मणो वा मरुपतिनश्च आभा प्रभास्वराणां मणिरतनान आभाः । सर्वा य आभा विविधमनेकरूपाः सर्वास्त एका अभिभवि बुद्धरश्मिः

yā brahmaṇo vā marupatinaśca ābhā prabhāsvarāṇāṃ maṇiratanāna ābhāḥ / sarvā ya ābhā vividhamanekarūpāḥ sarvāsta ekā abhibhavi buddharaśmiḥ

Sanskrit only: no published translation is held for this verse.

कायेन शुद्धो वचसा मनेन चैव ज्ञानेन शुद्धस्त्रिभवि अनोपलिप्तः । गुणसारराशि गुणरतनो नरेन्द्रः सर्वगुणेहि असमसमः स्वयंभूः

kāyena śuddho vacasā manena caiva jñānena śuddhastribhavi anopaliptaḥ / guṇasārarāśi guṇaratano narendraḥ sarvaguṇehi asamasamaḥ svayaṃbhūḥ

Sanskrit only: no published translation is held for this verse.

एवं स्तवित्वा दशबल सत्यवादिं वाचं प्रभाषि मुदितमनः कुमारः । पूजित्व बुद्धमतुलियमप्रमेयं बुद्धो भवेय यथ इव शाक्यसिंहः

evaṃ stavitvā daśabala satyavādiṃ vācaṃ prabhāṣi muditamanaḥ kumāraḥ / pūjitva buddhamatuliyamaprameyaṃ buddho bhaveya yatha iva śākyasiṃhaḥ

Sanskrit only: no published translation is held for this verse.

तस्यो विदित्वा सुगतु विशिष्ट चर्यामसङ्गज्ञानी स्मितमकरोन्नरेन्द्रः । मैत्रेयु पृच्छी दशबलज्येष्ठपुत्रं कस्यार्थि एतं स्मितु कृतु नायकेन

tasyo viditvā sugatu viśiṣṭa caryāmasaṅgajñānī smitamakaronnarendraḥ / maitreyu pṛcchī daśabalajyeṣṭhaputraṃ kasyārthi etaṃ smitu kṛtu nāyakena

Sanskrit only: no published translation is held for this verse.

आकम्पिताभूद्वसुमति षड्विकारं देवाश्च नाग गगनस्थिता उदग्राः । प्रेक्षन्ति बुद्धं प्रमुदित हृष्टचित्तास्तं व्याकरोहि सुगत अनाभिभूतः

ākampitābhūdvasumati ṣaḍvikāraṃ devāśca nāga gaganasthitā udagrāḥ / prekṣanti buddhaṃ pramudita hṛṣṭacittāstaṃ vyākarohi sugata anābhibhūtaḥ

Sanskrit only: no published translation is held for this verse.

अभूमिरस्मि भगवतु श्रावकाणां यत्र प्रवृत्तं पुरुषवरस्य ज्ञानम् । सुविशुद्धज्ञानिन्ननुपमप्रज्ञभूमि अखिला ते स्मितु कृतु जिन कस्य अर्थे

abhūmirasmi bhagavatu śrāvakāṇāṃ yatra pravṛttaṃ puruṣavarasya jñānam / suviśuddhajñāninnanupamaprajñabhūmi akhilā te smitu kṛtu jina kasya arthe

Sanskrit only: no published translation is held for this verse.

पृच्छमि दशबलं विनायकं शाक्यसिंह द्विपदानमुत्तमम् । ज्ञानपारमिं गतं प्रभाकरं रागद्वेषखिलमोहसादकम्

pṛcchami daśabalaṃ vināyakaṃ śākyasiṃha dvipadānamuttamam / jñānapāramiṃ gataṃ prabhākaraṃ rāgadveṣakhilamohasādakam

Sanskrit only: no published translation is held for this verse.

कल्पकोटि चरितो ऽसि नायको गङ्गवालुकसमास्ततोत्तरम् । एषमाणु वरबोधिमुत्तमां कस्य अर्थि स्मितु एतु दर्शितम्

kalpakoṭi carito 'si nāyako gaṅgavālukasamāstatottaram / eṣamāṇu varabodhimuttamāṃ kasya arthi smitu etu darśitam

Sanskrit only: no published translation is held for this verse.

हस्तपाद परिकृत्त शास्तुना पुत्रदार प्रियज्ञाति बान्धवान् । एषमाणु वरज्ञानमुत्तमं को नु हेतु स्मितदर्शने मुने

hastapāda parikṛtta śāstunā putradāra priyajñāti bāndhavān / eṣamāṇu varajñānamuttamaṃ ko nu hetu smitadarśane mune

Sanskrit only: no published translation is held for this verse.

अश्वहस्तिरथपत्तियो त्वया दासदासिमणिरत्न रूप्यकम् । नैव द्रव्यरतनं च लभ्यते यन्न त्यक्तु चरता ति चारिकाम्

aśvahastirathapattiyo tvayā dāsadāsimaṇiratna rūpyakam / naiva dravyaratanaṃ ca labhyate yanna tyaktu caratā ti cārikām

Sanskrit only: no published translation is held for this verse.

ज्ञानु श्रेष्ठु त्रिभवे ऽतिवर्तते सर्वसत्त्वचरियां प्रजानसे । धातुचित्तु अधिमुक्तिकोविदा कस्य अर्थि स्मितु एतु दर्शितम्

jñānu śreṣṭhu tribhave 'tivartate sarvasattvacariyāṃ prajānase / dhātucittu adhimuktikovidā kasya arthi smitu etu darśitam

Sanskrit only: no published translation is held for this verse.

केन पूजित नराणमुत्तमाः कस्य वार्थ विपुलो भविष्यति । को च अस्य चरियाय ग्राहकः कस्य अर्थि स्मितु दर्शितं मुने

kena pūjita narāṇamuttamāḥ kasya vārtha vipulo bhaviṣyati / ko ca asya cariyāya grāhakaḥ kasya arthi smitu darśitaṃ mune

Sanskrit only: no published translation is held for this verse.

षड्विकार पृथिवी प्रकम्पिता पद्मकोट्य धरणीतु उत्थिताः । कोटिपत्रपरमा प्रभास्वरा हेमवर्णरुचिरा मनोरमा

ṣaḍvikāra pṛthivī prakampitā padmakoṭya dharaṇītu utthitāḥ / koṭipatraparamā prabhāsvarā hemavarṇarucirā manoramā

Sanskrit only: no published translation is held for this verse.

यत्रिमे स्थित जिनस्य औरसा बोधिसत्त्व परमा महर्द्धिकाः । धर्मभाणक बहू समागतास्तेष कारुणिक पृच्छि नायकम्

yatrime sthita jinasya aurasā bodhisattva paramā maharddhikāḥ / dharmabhāṇaka bahū samāgatāsteṣa kāruṇika pṛcchi nāyakam

Sanskrit only: no published translation is held for this verse.

भेरिशङ्खतुणवाः सुघोषकास्तूर्य कोटिनियुताः प्रवादिताः । तेष शब्द गगनस्मि श्रूयते यादृशः सुगतघोष अचिन्तियः

bheriśaṅkhatuṇavāḥ sughoṣakāstūrya koṭiniyutāḥ pravāditāḥ / teṣa śabda gaganasmi śrūyate yādṛśaḥ sugataghoṣa acintiyaḥ

Sanskrit only: no published translation is held for this verse.

हंसक्रौञ्चकलविङ्ककोकिलाः पक्षिसंघ बहुकाः समागताः । मुञ्चि घोष परमं प्रभास्वरं बुद्धघोषकल नानुभोन्ति ते

haṃsakrauñcakalaviṅkakokilāḥ pakṣisaṃgha bahukāḥ samāgatāḥ / muñci ghoṣa paramaṃ prabhāsvaraṃ buddhaghoṣakala nānubhonti te

Sanskrit only: no published translation is held for this verse.

केन दान दम संयमः पुरे कल्पकोटि बहुका निषेविताः । केन पूजित नराण उत्तमा कस्य अर्थि स्मितु एतु दर्शितम्

kena dāna dama saṃyamaḥ pure kalpakoṭi bahukā niṣevitāḥ / kena pūjita narāṇa uttamā kasya arthi smitu etu darśitam

Sanskrit only: no published translation is held for this verse.

केन पूर्वि द्विपदेन्द्रु पृच्छितो गौरवं परमु संजनित्वन । बुद्धबोधि कथमेष लभ्यते कस्य अर्थि स्मितु एतु दर्शितम्

kena pūrvi dvipadendru pṛcchito gauravaṃ paramu saṃjanitvana / buddhabodhi kathameṣa labhyate kasya arthi smitu etu darśitam

Sanskrit only: no published translation is held for this verse.

यात्तिका दशबला अतीतकाः प्रत्युत्पन्न सुगता अनागताः । सर्व जानसि नराणमुत्तमो तेन पृच्छमि प्रजाय कारणात्

yāttikā daśabalā atītakāḥ pratyutpanna sugatā anāgatāḥ / sarva jānasi narāṇamuttamo tena pṛcchami prajāya kāraṇāt

Sanskrit only: no published translation is held for this verse.

चित्तसंतति प्रजाय जानते सर्वि प्राणिन अनन्तगोचराः । यस्य यादृशु नरस्य आशयस्तेन पृच्छमि नराणमुत्तमम्

cittasaṃtati prajāya jānate sarvi prāṇina anantagocarāḥ / yasya yādṛśu narasya āśayastena pṛcchami narāṇamuttamam

Sanskrit only: no published translation is held for this verse.

ये चरन्ति चरियामनुत्तमां हेतुयुक्तिविनयस्मि कोविदाः । बुद्धज्ञान कथमेतु लभ्यते एतदर्थि द्विपदेन्द्रु पृच्छिहम्

ye caranti cariyāmanuttamāṃ hetuyuktivinayasmi kovidāḥ / buddhajñāna kathametu labhyate etadarthi dvipadendru pṛcchiham

Sanskrit only: no published translation is held for this verse.

ये हि धर्म सुखुमाः सुदुर्दृशाः शून्य शान्त अतुला अचिन्तियाः । भाविता दशबलान गोचरास्तेष अर्थ अहु पृच्छि नायकम्

ye hi dharma sukhumāḥ sudurdṛśāḥ śūnya śānta atulā acintiyāḥ / bhāvitā daśabalāna gocarāsteṣa artha ahu pṛcchi nāyakam

Sanskrit only: no published translation is held for this verse.

येष मैत्रि करुणा सुभाविता सर्वप्राणिषु जगे अचिन्तिया । सत्त्वसंज्ञ न च येष वर्तते तेष अर्थि द्विपदेन्द्रु पृच्छियाम्

yeṣa maitri karuṇā subhāvitā sarvaprāṇiṣu jage acintiyā / sattvasaṃjña na ca yeṣa vartate teṣa arthi dvipadendru pṛcchiyām

Sanskrit only: no published translation is held for this verse.

येष ज्ञानमतुलमचिन्तियं तेष ग्राह्य न कदाचि विद्यते । चित्तगोचरिय पारमिं गता तेष अर्थि अहु नाथ पृच्छमि

yeṣa jñānamatulamacintiyaṃ teṣa grāhya na kadāci vidyate / cittagocariya pāramiṃ gatā teṣa arthi ahu nātha pṛcchami

Sanskrit only: no published translation is held for this verse.

शीलज्ञानगुणपारमिं गता त्र्यध्वज्ञानमतुलं भिवर्तते । नैव तुभ्य स्खलितूपलभ्यते कस्य अर्थि स्मितु एतु दर्शितम्

śīlajñānaguṇapāramiṃ gatā tryadhvajñānamatulaṃ bhivartate / naiva tubhya skhalitūpalabhyate kasya arthi smitu etu darśitam

Sanskrit only: no published translation is held for this verse.

शारिपुत्र अनिरुद्ध कोलिता ये च अन्य सुगतस्य श्रावकाः । नैव तेष इह ज्ञानु वर्तते बुद्धगोचरु अयं निरूत्तरः

śāriputra aniruddha kolitā ye ca anya sugatasya śrāvakāḥ / naiva teṣa iha jñānu vartate buddhagocaru ayaṃ nirūttaraḥ

Sanskrit only: no published translation is held for this verse.

सर्वधर्मवशिपारमिं गताः सर्वशिक्षचरियाय उद्गताः । संजनेत्व करुणां विनायका मुञ्च घोष परमार्थकोविदा

sarvadharmavaśipāramiṃ gatāḥ sarvaśikṣacariyāya udgatāḥ / saṃjanetva karuṇāṃ vināyakā muñca ghoṣa paramārthakovidā

Sanskrit only: no published translation is held for this verse.

ये ऽपि पूर्व बहुकल्पकोटियो एव चिन्ति द्विपदेन्द्रु पृच्छितः । भष्यमग्रु शरणं परायणं तेष अद्य फल ब्रूहि नायका

ye 'pi pūrva bahukalpakoṭiyo eva cinti dvipadendru pṛcchitaḥ / bhaṣyamagru śaraṇaṃ parāyaṇaṃ teṣa adya phala brūhi nāyakā

Sanskrit only: no published translation is held for this verse.

यक्षराक्षसकुम्भाण्डगुह्यकाः प्रेक्षमाण द्विपदानमुत्तमम् । सर्वि प्राञ्जलिस्थिताः सगौरवाः श्रोतु व्याकरणमग्रपुद्गलान्

yakṣarākṣasakumbhāṇḍaguhyakāḥ prekṣamāṇa dvipadānamuttamam / sarvi prāñjalisthitāḥ sagauravāḥ śrotu vyākaraṇamagrapudgalān

Sanskrit only: no published translation is held for this verse.

बोधिसत्त्व बहवो ऽद्य आगता ऋद्धिमन्त बहुक्षेत्रकोटिभिः । जेष्ठपुत्र सुगतस्य औरसाः सर्वि प्राञ्जलिस्थिताः सगौरवाः

bodhisattva bahavo 'dya āgatā ṛddhimanta bahukṣetrakoṭibhiḥ / jeṣṭhaputra sugatasya aurasāḥ sarvi prāñjalisthitāḥ sagauravāḥ

Sanskrit only: no published translation is held for this verse.

गन्धहस्ति पुरिमादिशा गतो ऽक्षोभ्यक्षेत्र दिशि लोकविश्रुतः । बोधिसत्त्वनयुतैः पुरस्कृतः शाक्यसिंहु द्विपदेन्द्रु पृच्छना

gandhahasti purimādiśā gato 'kṣobhyakṣetra diśi lokaviśrutaḥ / bodhisattvanayutaiḥ puraskṛtaḥ śākyasiṃhu dvipadendru pṛcchanā

Sanskrit only: no published translation is held for this verse.

सुखावतीय वरलोकधातुतो महास्थाम प्राप्त अवलोकितेश्वरः । बोधिसत्त्वनयुतैः पुरस्कृतः शाक्यसिंहु द्विपदेन्द्रु पृच्छना

sukhāvatīya varalokadhātuto mahāsthāma prāpta avalokiteśvaraḥ / bodhisattvanayutaiḥ puraskṛtaḥ śākyasiṃhu dvipadendru pṛcchanā

Sanskrit only: no published translation is held for this verse.

येन पूर्व बहुकल्पकोटियो अप्रमेय सुगता उपस्थिताः । सागराण सकला च वालिका एषता परम ज्ञानमुत्तमम्

yena pūrva bahukalpakoṭiyo aprameya sugatā upasthitāḥ / sāgarāṇa sakalā ca vālikā eṣatā parama jñānamuttamam

Sanskrit only: no published translation is held for this verse.

सर्वबुद्धस्तुत संप्रशंसितः सर्वधर्मगुणपारमिं गतः । सर्वलोकदिशतासु विश्रुतो मञ्जुघोष स्थितु प्राञ्जलीकृतः

sarvabuddhastuta saṃpraśaṃsitaḥ sarvadharmaguṇapāramiṃ gataḥ / sarvalokadiśatāsu viśruto mañjughoṣa sthitu prāñjalīkṛtaḥ

Sanskrit only: no published translation is held for this verse.

बुद्धक्षेत्रनियुतैश्चरित्वना सुदुर्लभमीदृशकान दर्शनम् । बुद्धपुत्रगुणवत् सुशिक्षिताः सर्वि प्राञ्जलिस्थिताः सगौरवाः

buddhakṣetraniyutaiścaritvanā sudurlabhamīdṛśakāna darśanam / buddhaputraguṇavat suśikṣitāḥ sarvi prāñjalisthitāḥ sagauravāḥ

Sanskrit only: no published translation is held for this verse.

नास्ति अन्य इह कश्चि भाजनं एवरूपि यथ एत सूरताः । धर्मकोषधर सर्वशास्तुनां स्निग्धभाव गिर मुञ्च नायका

nāsti anya iha kaści bhājanaṃ evarūpi yatha eta sūratāḥ / dharmakoṣadhara sarvaśāstunāṃ snigdhabhāva gira muñca nāyakā

Sanskrit only: no published translation is held for this verse.

न ह्यकारणक जिना विनायका दर्शयन्ति स्मितमग्रपुद्गलाः । मुञ्च घोषवर दुन्दुभिस्वर कस्य अर्थि स्मितु एतु दर्शितम्

na hyakāraṇaka jinā vināyakā darśayanti smitamagrapudgalāḥ / muñca ghoṣavara dundubhisvara kasya arthi smitu etu darśitam

Sanskrit only: no published translation is held for this verse.

हंसकोकिलमयूरसारसा मेघनाद वृषभाः प्रगर्जिताः । दिव्यवाद्यमधुराः प्रवादिता व्याकरोहि गिर सत्त्वमोचनी

haṃsakokilamayūrasārasā meghanāda vṛṣabhāḥ pragarjitāḥ / divyavādyamadhurāḥ pravāditā vyākarohi gira sattvamocanī

Sanskrit only: no published translation is held for this verse.

विनिश्चितभावविभावितदुःखनिरोधपदार्थनिदर्शनी । सर्वकुतीर्थकवादध्वंसनी शून्य निसत्त्व निजीव विभावनि

viniścitabhāvavibhāvitaduḥkhanirodhapadārthanidarśanī / sarvakutīrthakavādadhvaṃsanī śūnya nisattva nijīva vibhāvani

Sanskrit only: no published translation is held for this verse.

पुण्यसहस्रशतेहि अलंकृतः बुद्धसहस्रशतेहि चरित्विह । देवसहस्रशतेहि सुसंस्तुतः ब्रह्मसहस्रशतेहि नमस्कृतः

puṇyasahasraśatehi alaṃkṛtaḥ buddhasahasraśatehi caritviha / devasahasraśatehi susaṃstutaḥ brahmasahasraśatehi namaskṛtaḥ

Sanskrit only: no published translation is held for this verse.

राक्षसयक्षकुम्भाण्डप्रसादनि नागसुपर्णमहोरगमोचनि । नित्यमसक्तप्रयुक्तौदीरणि कर्मफलेहि शुभेहि समुद्गतः

rākṣasayakṣakumbhāṇḍaprasādani nāgasuparṇamahoragamocani / nityamasaktaprayuktaudīraṇi karmaphalehi śubhehi samudgataḥ

Sanskrit only: no published translation is held for this verse.

ये च केचि जिनाः परिनिर्वृता ये च अनागत ये च अवस्थिताः । सर्वि प्रजानसि सङ्गु न ते ऽस्तीति सर्वगुणेहि समुद्गत नायक

ye ca keci jināḥ parinirvṛtā ye ca anāgata ye ca avasthitāḥ / sarvi prajānasi saṅgu na te 'stīti sarvaguṇehi samudgata nāyaka

Sanskrit only: no published translation is held for this verse.

भूतधरा ससमुद्रपर्वत सर्वि मही षड्विकार प्रकम्पिता । देवगणा नभि पुष्प क्षिपन्ति च दिव्यु प्रवायति गन्धु मनोरमु

bhūtadharā sasamudraparvata sarvi mahī ṣaḍvikāra prakampitā / devagaṇā nabhi puṣpa kṣipanti ca divyu pravāyati gandhu manoramu

Sanskrit only: no published translation is held for this verse.

प्रशान्त शून्य अनिमित्तरता नरसिंहनादु नद कारुणिका

praśānta śūnya animittaratā narasiṃhanādu nada kāruṇikā

Sanskrit only: no published translation is held for this verse.

प्रतिभानवन्त सुविशालयशा सुसमाप्तप्रज्ञ तथज्ञान जिना । तव लोकि नास्ति समु कारुणिका भण कस्यु अर्थि स्मितु दर्शयसे

pratibhānavanta suviśālayaśā susamāptaprajña tathajñāna jinā / tava loki nāsti samu kāruṇikā bhaṇa kasyu arthi smitu darśayase

Sanskrit only: no published translation is held for this verse.

कलविङ्ककोकिलमयूररवास्तथ जीवंजीवं जीवकमनोज्ञरुताः । रञ्जनीय शब्दु भुवि एकक्षणे कल तेन भोन्ति सुगतस्य स्वरे

kalaviṅkakokilamayūraravāstatha jīvaṃjīvaṃ jīvakamanojñarutāḥ / rañjanīya śabdu bhuvi ekakṣaṇe kala tena bhonti sugatasya svare

Sanskrit only: no published translation is held for this verse.

भेर्यो मृदङ्गपणवाश्च तथा शङ्ख सवेणु तथा वल्लरियो । तूर्यासहस्र सिय एकरवाः कल नानुभोन्ति सुगतस्य रुते

bheryo mṛdaṅgapaṇavāśca tathā śaṅkha saveṇu tathā vallariyo / tūryāsahasra siya ekaravāḥ kala nānubhonti sugatasya rute

Sanskrit only: no published translation is held for this verse.

तूर्यसहस्र वर दिव्यरुता रञ्जनीय गीत सिय अप्सरसाम् । सुगीति शब्दरति संजने कल न भोन्ति सुगतस्य रुते

tūryasahasra vara divyarutā rañjanīya gīta siya apsarasām / sugīti śabdarati saṃjane kala na bhonti sugatasya rute

Sanskrit only: no published translation is held for this verse.

एकस्वरा तु तव लोकहिता नानाधिमुक्ति स्वरु निश्चरति । एकैकु मन्यि मम भाषि जिनो ब्रूहि स्मितं ति कृतु कस्य कृते

ekasvarā tu tava lokahitā nānādhimukti svaru niścarati / ekaiku manyi mama bhāṣi jino brūhi smitaṃ ti kṛtu kasya kṛte

Sanskrit only: no published translation is held for this verse.

देवान शब्द तथ नागरुता ये चापि किन्नररुता मधुराः । प्रशमेन्ति क्लेश न कदाचिदपि बुद्धस्वरास्तु सद क्लेशनुदाः

devāna śabda tatha nāgarutā ye cāpi kinnararutā madhurāḥ / praśamenti kleśa na kadācidapi buddhasvarāstu sada kleśanudāḥ

Sanskrit only: no published translation is held for this verse.

प्रीतिं जनेति न च रागरतिं मैत्रीं जनेति न च दोषमतिम् । प्रज्ञां जनेति न च मोहरतिं बुद्धान सर्व मलनाशि स्वरः

prītiṃ janeti na ca rāgaratiṃ maitrīṃ janeti na ca doṣamatim / prajñāṃ janeti na ca moharatiṃ buddhāna sarva malanāśi svaraḥ

Sanskrit only: no published translation is held for this verse.

न च ओनतो न हि च औन्नमतो समसौख्यदर्शन स्वरो मुनिनः

na ca onato na hi ca aunnamato samasaukhyadarśana svaro muninaḥ

Sanskrit only: no published translation is held for this verse.

भज्यादियं मही सशैलरणा क्षीयते सागरजलं च तथा । चन्द्रो ऽथ सूर्यु धरणीं प्रपतेद् गिरमन्यथा न पुन भाषि जिनः

bhajyādiyaṃ mahī saśailaraṇā kṣīyate sāgarajalaṃ ca tathā / candro 'tha sūryu dharaṇīṃ prapated giramanyathā na puna bhāṣi jinaḥ

Sanskrit only: no published translation is held for this verse.

सर्वाङ्गवाक्य परिशुद्धगिरा सिंहस्वरा मधुरमञ्जगिरा । ब्रह्मस्वरा सुगत कारुणिका भण कस्य अर्थि स्मितु दर्शयसे

sarvāṅgavākya pariśuddhagirā siṃhasvarā madhuramañjagirā / brahmasvarā sugata kāruṇikā bhaṇa kasya arthi smitu darśayase

Sanskrit only: no published translation is held for this verse.

यावन्त सत्त्व इह सर्व जगे सर्वेष चित्त चरते कुशलः । ये अतीतनागत ये सांप्रतिका भण कस्य अर्थि स्मितु दर्शयसे

yāvanta sattva iha sarva jage sarveṣa citta carate kuśalaḥ / ye atītanāgata ye sāṃpratikā bhaṇa kasya arthi smitu darśayase

Sanskrit only: no published translation is held for this verse.

यावन्त केचिज्जिन कारुणिका ज्ञानस्मि सर्वि वशि पारमिं गताः । न च ते जिना विमलचन्द्रमुखा नाहैतुकं स्मित सद दर्शयसे

yāvanta kecijjina kāruṇikā jñānasmi sarvi vaśi pāramiṃ gatāḥ / na ca te jinā vimalacandramukhā nāhaitukaṃ smita sada darśayase

Sanskrit only: no published translation is held for this verse.

अपि कल्पकोटि भणि अप्रतिमा यथ गङ्गवालिक भणेय्य गुणान् । न च शक्यु कीर्तितु प्रमाणु गुणे भण कस्य अर्थि स्मितु दर्शयसे

api kalpakoṭi bhaṇi apratimā yatha gaṅgavālika bhaṇeyya guṇān / na ca śakyu kīrtitu pramāṇu guṇe bhaṇa kasya arthi smitu darśayase

Sanskrit only: no published translation is held for this verse.