अथ खलु भगवांस्तां महतीं सागरोपमां पर्षदं धर्मकथया संदर्श्य समुत्तेज्य संप्रहर्ष्य समादाप्य उत्थायासनात् प्राक्रामत् । येन च गृध्रकूटपर्वतराजस्तेनैव उपसमक्रामत् । उपसंक्रम्य च प्रज्ञप्त एवासने न्यषीदत् । भिक्षुसंघपरिवृतो देवनागयक्षगन्धर्वासुरगरुडकिन्नरमहोरगमनुष्यामनुष्यनमस्कृतः सागरोपमायां पर्षदि धम संदेशयति स्म । अथ खलु चन्द्रप्रभः कुमारभूतो भगवन्तं निर्गतं विदित्वा अशीत्या प्राणिकोटीशतैः सार्धं सर्वैर्देवभूतैरन्यलोकधात्वागतैश्च संबहुलैर्बोधिसत्त्वमहासत्त्वनियुतैः सार्धं पुष्पधूपगन्धमाल्यविलेपनं गृहीत्वा तूर्यशतैर्वाद्यमानैश्छत्रध्वजघण्टापताकाभिरत्युच्छ्रिताभिः महामाल्याभिनिर्हारमादाय भगवतः पूजाकर्मणे येन गृध्रकूटपर्वतो येन च भगवांस्तेनोपजगाम । उपेत्य च भगवतः पादौ शिरसाभिवन्द्य भगवन्तं त्रिः प्रदक्षिणीकृत्य तैः पुष्पधूपगन्धमाल्यविलेपनैस्तूर्यतालावचरैः प्रवाद्यमानैर्महतीं पूजां कृत्वा एकान्ते न्यषीदत् सगौरवः सप्रतीशो धर्मपरिपृच्छायै ॥ अथ खलु चन्द्रप्रभः कुमारभूतो भगवन्तमेतदवोचत् - पृच्छेयमहं भगवन्तं तथागतमर्हन्तं सम्यक्संबुद्धं कंचिदेव प्रदेशं सचेन्मे भगवानवकाशं कुर्यात् पृष्टप्रश्नव्याकरणाय । एवमुक्ते भगवांश्चन्द्रप्रभं कुमारभूतमेतदवोचत् - पृच्छ त्वं कुमार तथागतमर्हतं सम्यक्संबुद्धं यद् यदेवाकाङ्क्षसि । नित्यकृतस्ते कुमार तथागतेनावकाशः । एवमुक्ते चन्द्रप्रभः कुमारभूतो भगवन्तमेतदवोचत् - कतिभिर्भगवन् धर्मैः समन्वागतो बोधिसत्त्वः इमं सर्वधर्मस्वभावसमताविपञ्चितं समाधिं प्रतिलभते? एवमुक्ते भगवांश्चन्द्रप्रभं कुमारभूतमेतदवोचत् - चतुर्भिः कुमार धर्मैः समन्वागतो बोधिसत्त्वः इमं सर्वधर्मस्वभावसमताविपञ्चितं समाधिं प्रतिलभते । कतमैश्चतुर्भिः? इह कुमार बोधिसत्त्वो महासत्त्वः सूरतो भवति सुविसंवासो दान्तो दान्तभूमिमनुप्राप्तः । स परैराक्रुष्टो वा परिभाषितो वा दुरुक्तानां दुर्भाषितानां वचनपथानां क्षमो भवत्यधिवासनजातीयः कर्मदर्शी निहतमानो धर्मकामः । अनेन कुमार प्रथमेन धर्मेण समन्वागतो बोधिसत्त्वो महासत्त्वः इमः समाधिं प्रतिलभते । पुनरपरं कुमार बोधिसत्त्वो महासत्त्वः शीलवान् भवति । परिशुद्धशीलः (वैद्य १०४) अखण्डशीलः अच्छिद्रशीलः अशबलशीलः अकल्मषशीलः अच्युतशीलः अनाविलशीलः अगर्हितशीलः अभ्युद्गतशीलः अनिश्रितशीलः अपरामृष्टशीलः अनुपलम्भशीलः आर्यप्रशस्तशीलो विज्ञप्रशस्तशीलः । अनेन कुमार द्वितीयेन धर्मेण समन्वागतो बोधिसत्त्वो महासत्त्वः इम समाधिं प्रतिलभते । पुनरपरं कुमार बोधिसत्त्वो महासत्त्वस्त्रैधातुके उत्त्रस्तचित्तो भवति संत्रस्तचित्तो निर्विण्णचित्तो निःसरणचित्तः । अनर्थिकः अनभिरतः अनध्यवसितः अनभिषक्तः । सर्वत्रैधातुके उद्विग्नमानसः । अन्यत्र त्रैधातुकात् सत्त्वानि मोचयिष्यामीति व्यायमते । समुदागच्छत्यनुत्तरायां सम्यक्संबोधौ । अनेन कुमार तृतीयेन धर्मेण समन्वागतो बोधिसत्त्वो महासत्त्व इमं समाधिं प्रतिलभते । पुनरपरं कुमार बोधिसत्त्वो महासत्त्वः श्राद्धो भवति । अतृप्तो भवति धर्मपर्येष्ट्याम् । बहुश्रुतो भवति । विशारदो भवति । धर्मकामश्च धर्मगुरुकः । न लाभसत्कारश्लोकगुरुको न ज्ञानगुरुकः । यथाश्रुतांश्च धर्मान् यथापर्यवाप्तान् परेभ्यश्च विस्तरेण देशयति संप्रकाशयति हितवस्तुपूर्वगमेन चित्तेन न ज्ञात्रलाभकामनया । अपि तु खलु पुनः किमितीमे सत्त्वा इमान् धर्मान् श्रुत्वा अविनिवर्तनीया भवेयुरनुत्तरायाः सम्यक्संबोधेरिति । अनेन कुमार चतुर्थेन धर्मेण समन्वागतो बोधिसत्त्वो महासत्त्वः इमं समाधिं प्रतिलभते ॥ एभिः कुमार चतुर्भिर्धर्मैः समन्वागतो बोधिसत्त्वो महासत्त्व इमं सर्वधर्मस्वभावसमताविपञ्चितं समाधिं प्रतिलभते क्षिप्रं चानुत्तरां सम्यक्संबोधिभभिसंबुध्यते । तदनेनापि ते कुमार पर्यायेणैवं वेदितव्यं यथायं समाधिर्बहुबुद्धदेशितो बहुबुद्धवर्णितो बहुबुद्धसंप्रकाशितो बहुबुद्धप्रविचितः । बहूनां च बुद्धानां भगवतामन्तिकान्मया प्रव्रजित्वा अयं कुमार सर्वधर्मस्वभावसमताविपञ्चितः समाधिर्विस्तरेण श्रुत उद्गृहीतः पृष्टो धारितो वाचितः प्रवर्तितो ऽरणभावनया भावितो बहुलीकृतः परेभ्यश्च विस्तरेण संप्रकाशितः । अथ खलु भगवानिममेव बहुबुद्धनिर्हारसमाधिमुखं पूर्वयोगकथानिर्देशं भूयस्या मात्रया तस्यां वेलायां चन्द्रप्रभस्य कुमारभूतस्य विस्तरेण गाथाभिगीतेन संप्रकाशयति स्म - स्मरामि कल्पे ऽतुलियाप्रमेये यदा जिनो आसि स्वराङ्गघोषः । स्वराङ्गघोषस्य तथागतस्य वर्षं शता षष्टि अभूषि आयुः
atha khalu bhagavāṃstāṃ mahatīṃ sāgaropamāṃ parṣadaṃ dharmakathayā saṃdarśya samuttejya saṃpraharṣya samādāpya utthāyāsanāt prākrāmat | yena ca gṛdhrakūṭaparvatarājastenaiva upasamakrāmat | upasaṃkramya ca prajñapta evāsane nyaṣīdat | bhikṣusaṃghaparivṛto devanāgayakṣagandharvāsuragaruḍakinnaramahoragamanuṣyāmanuṣyanamaskṛtaḥ sāgaropamāyāṃ parṣadi dhama saṃdeśayati sma | atha khalu candraprabhaḥ kumārabhūto bhagavantaṃ nirgataṃ viditvā aśītyā prāṇikoṭīśataiḥ sārdhaṃ sarvairdevabhūtairanyalokadhātvāgataiśca saṃbahulairbodhisattvamahāsattvaniyutaiḥ sārdhaṃ puṣpadhūpagandhamālyavilepanaṃ gṛhītvā tūryaśatairvādyamānaiśchatradhvajaghaṇṭāpatākābhiratyucchritābhiḥ mahāmālyābhinirhāramādāya bhagavataḥ pūjākarmaṇe yena gṛdhrakūṭaparvato yena ca bhagavāṃstenopajagāma | upetya ca bhagavataḥ pādau śirasābhivandya bhagavantaṃ triḥ pradakṣiṇīkṛtya taiḥ puṣpadhūpagandhamālyavilepanaistūryatālāvacaraiḥ pravādyamānairmahatīṃ pūjāṃ kṛtvā ekānte nyaṣīdat sagauravaḥ sapratīśo dharmaparipṛcchāyai || atha khalu candraprabhaḥ kumārabhūto bhagavantametadavocat - pṛccheyamahaṃ bhagavantaṃ tathāgatamarhantaṃ samyaksaṃbuddhaṃ kaṃcideva pradeśaṃ sacenme bhagavānavakāśaṃ kuryāt pṛṣṭapraśnavyākaraṇāya | evamukte bhagavāṃścandraprabhaṃ kumārabhūtametadavocat - pṛccha tvaṃ kumāra tathāgatamarhataṃ samyaksaṃbuddhaṃ yad yadevākāṅkṣasi | nityakṛtaste kumāra tathāgatenāvakāśaḥ | evamukte candraprabhaḥ kumārabhūto bhagavantametadavocat - katibhirbhagavan dharmaiḥ samanvāgato bodhisattvaḥ imaṃ sarvadharmasvabhāvasamatāvipañcitaṃ samādhiṃ pratilabhate? evamukte bhagavāṃścandraprabhaṃ kumārabhūtametadavocat - caturbhiḥ kumāra dharmaiḥ samanvāgato bodhisattvaḥ imaṃ sarvadharmasvabhāvasamatāvipañcitaṃ samādhiṃ pratilabhate | katamaiścaturbhiḥ? iha kumāra bodhisattvo mahāsattvaḥ sūrato bhavati suvisaṃvāso dānto dāntabhūmimanuprāptaḥ | sa parairākruṣṭo vā paribhāṣito vā duruktānāṃ durbhāṣitānāṃ vacanapathānāṃ kṣamo bhavatyadhivāsanajātīyaḥ karmadarśī nihatamāno dharmakāmaḥ | anena kumāra prathamena dharmeṇa samanvāgato bodhisattvo mahāsattvaḥ imaḥ samādhiṃ pratilabhate | punaraparaṃ kumāra bodhisattvo mahāsattvaḥ śīlavān bhavati | pariśuddhaśīlaḥ (Vaidya 104) akhaṇḍaśīlaḥ acchidraśīlaḥ aśabalaśīlaḥ akalmaṣaśīlaḥ acyutaśīlaḥ anāvilaśīlaḥ agarhitaśīlaḥ abhyudgataśīlaḥ aniśritaśīlaḥ aparāmṛṣṭaśīlaḥ anupalambhaśīlaḥ āryapraśastaśīlo vijñapraśastaśīlaḥ | anena kumāra dvitīyena dharmeṇa samanvāgato bodhisattvo mahāsattvaḥ ima samādhiṃ pratilabhate | punaraparaṃ kumāra bodhisattvo mahāsattvastraidhātuke uttrastacitto bhavati saṃtrastacitto nirviṇṇacitto niḥsaraṇacittaḥ | anarthikaḥ anabhirataḥ anadhyavasitaḥ anabhiṣaktaḥ | sarvatraidhātuke udvignamānasaḥ | anyatra traidhātukāt sattvāni mocayiṣyāmīti vyāyamate | samudāgacchatyanuttarāyāṃ samyaksaṃbodhau | anena kumāra tṛtīyena dharmeṇa samanvāgato bodhisattvo mahāsattva imaṃ samādhiṃ pratilabhate | punaraparaṃ kumāra bodhisattvo mahāsattvaḥ śrāddho bhavati | atṛpto bhavati dharmaparyeṣṭyām | bahuśruto bhavati | viśārado bhavati | dharmakāmaśca dharmagurukaḥ | na lābhasatkāraślokaguruko na jñānagurukaḥ | yathāśrutāṃśca dharmān yathāparyavāptān parebhyaśca vistareṇa deśayati saṃprakāśayati hitavastupūrvagamena cittena na jñātralābhakāmanayā | api tu khalu punaḥ kimitīme sattvā imān dharmān śrutvā avinivartanīyā bhaveyuranuttarāyāḥ samyaksaṃbodheriti | anena kumāra caturthena dharmeṇa samanvāgato bodhisattvo mahāsattvaḥ imaṃ samādhiṃ pratilabhate || ebhiḥ kumāra caturbhirdharmaiḥ samanvāgato bodhisattvo mahāsattva imaṃ sarvadharmasvabhāvasamatāvipañcitaṃ samādhiṃ pratilabhate kṣipraṃ cānuttarāṃ samyaksaṃbodhibhabhisaṃbudhyate | tadanenāpi te kumāra paryāyeṇaivaṃ veditavyaṃ yathāyaṃ samādhirbahubuddhadeśito bahubuddhavarṇito bahubuddhasaṃprakāśito bahubuddhapravicitaḥ | bahūnāṃ ca buddhānāṃ bhagavatāmantikānmayā pravrajitvā ayaṃ kumāra sarvadharmasvabhāvasamatāvipañcitaḥ samādhirvistareṇa śruta udgṛhītaḥ pṛṣṭo dhārito vācitaḥ pravartito 'raṇabhāvanayā bhāvito bahulīkṛtaḥ parebhyaśca vistareṇa saṃprakāśitaḥ | atha khalu bhagavānimameva bahubuddhanirhārasamādhimukhaṃ pūrvayogakathānirdeśaṃ bhūyasyā mātrayā tasyāṃ velāyāṃ candraprabhasya kumārabhūtasya vistareṇa gāthābhigītena saṃprakāśayati sma - smarāmi kalpe 'tuliyāprameye yadā jino āsi svarāṅgaghoṣaḥ / svarāṅgaghoṣasya tathāgatasya varṣaṃ śatā ṣaṣṭi abhūṣi āyuḥ
Sanskrit only: no published translation is held for this verse.
तस्यानु बुद्धो परिमेण आसीत् ज्ञानेश्वरो नाम नराणमुत्तमः । ज्ञानेश्वरस्य द्विपदोत्तमस्य वर्षं सहस्रा दश द्वौ च आयुः
tasyānu buddho parimeṇa āsīt jñāneśvaro nāma narāṇamuttamaḥ / jñāneśvarasya dvipadottamasya varṣaṃ sahasrā daśa dvau ca āyuḥ
Sanskrit only: no published translation is held for this verse.
तेजेश्वरस्य द्विपदोत्तमस्य षट्सप्तती वर्षसहस्र आयुः
tejeśvarasya dvipadottamasya ṣaṭsaptatī varṣasahasra āyuḥ
Sanskrit only: no published translation is held for this verse.
तेजेश्वरस्योपरतेन बुद्धो मतीश्वरो नाम जिनो अभूषि । मतीश्वरस्य द्विपदोत्तमस्य वर्षाण कोटी परिपूर्ण आयुः
tejeśvarasyoparatena buddho matīśvaro nāma jino abhūṣi / matīśvarasya dvipadottamasya varṣāṇa koṭī paripūrṇa āyuḥ
Sanskrit only: no published translation is held for this verse.
मतीश्वरस्योपरतेन बुद्धो ब्रह्मेश्वरो नाम जिनो अभूषि । ब्रह्मेश्वरस्य द्विपदोत्तमस्य चतुर्दशो वर्षसहस्र आयुः
matīśvarasyoparatena buddho brahmeśvaro nāma jino abhūṣi / brahmeśvarasya dvipadottamasya caturdaśo varṣasahasra āyuḥ
Sanskrit only: no published translation is held for this verse.
ब्रह्मेश्वरस्योपरतेन बुद्धो अग्नीश्वरो नाम जिनो अभूषि । अग्नीश्वरस्य द्विपदोत्तमस्य षष्टिस्तदा वर्षसहस्र आयुः
brahmeśvarasyoparatena buddho agnīśvaro nāma jino abhūṣi / agnīśvarasya dvipadottamasya ṣaṣṭistadā varṣasahasra āyuḥ
Sanskrit only: no published translation is held for this verse.
अग्नीश्वरस्योपरतेन बुद्धो ब्रह्माननो नाम जिनो अभूषि । ब्रह्माननस्य द्विपदोत्तमस्य रात्रिंदिवा सप्त अभूषि आयुः
agnīśvarasyoparatena buddho brahmānano nāma jino abhūṣi / brahmānanasya dvipadottamasya rātriṃdivā sapta abhūṣi āyuḥ
Sanskrit only: no published translation is held for this verse.
ब्रह्माननस्योपरतेन बुद्धो गणेश्वरो नाम जिनो अभूषि । गणेश्वरस्य द्विपदोत्तमस्य षड्वर्षकोट्यः परिपूर्ण आयुः
brahmānanasyoparatena buddho gaṇeśvaro nāma jino abhūṣi / gaṇeśvarasya dvipadottamasya ṣaḍvarṣakoṭyaḥ paripūrṇa āyuḥ
Sanskrit only: no published translation is held for this verse.
गणेश्वरस्योपरतेन बुद्धो घोषेश्वरो नाम जिनो अभूषि । घोषेश्वरस्य द्विपदोत्तमस्य नववर्षकोट्यः परिपूर्ण आयुः
gaṇeśvarasyoparatena buddho ghoṣeśvaro nāma jino abhūṣi / ghoṣeśvarasya dvipadottamasya navavarṣakoṭyaḥ paripūrṇa āyuḥ
Sanskrit only: no published translation is held for this verse.
घोषेश्वरस्योपरतेन बुद्धो घोषाननो नाम जिनो अभूषि । घोषाननस्य द्विपदोत्तमस्य दशवर्षकोट्यः परिपूर्ण आयुः
ghoṣeśvarasyoparatena buddho ghoṣānano nāma jino abhūṣi / ghoṣānanasya dvipadottamasya daśavarṣakoṭyaḥ paripūrṇa āyuḥ
Sanskrit only: no published translation is held for this verse.
घोषाननस्योपरतेन बुद्धश्चन्द्राननो नाम जिनो अभूषि । चन्द्राननस्य द्विपदोत्तमस्य रात्रिंदिवा एक अभूषि आयुः
ghoṣānanasyoparatena buddhaścandrānano nāma jino abhūṣi / candrānanasya dvipadottamasya rātriṃdivā eka abhūṣi āyuḥ
Sanskrit only: no published translation is held for this verse.
चन्द्राननस्योपरतेन बुद्धः सूर्याननो नाम जिनो अभूषि । सूर्याननस्य द्विपदोत्तमस्य अष्टादशो वर्षसहस्र आयुः
candrānanasyoparatena buddhaḥ sūryānano nāma jino abhūṣi / sūryānanasya dvipadottamasya aṣṭādaśo varṣasahasra āyuḥ
Sanskrit only: no published translation is held for this verse.
सूर्याननस्योपरतेन बुद्धो ब्रह्माननो नाम जिनो अभूषि । ब्रह्माननस्य द्विपदोत्तमस्य त्रिविंशति वर्षसहस्र आयुः
sūryānanasyoparatena buddho brahmānano nāma jino abhūṣi / brahmānanasya dvipadottamasya triviṃśati varṣasahasra āyuḥ
Sanskrit only: no published translation is held for this verse.
ब्रह्माननस्योपरतेन बुद्धो ब्रह्मश्रवो नाम जिनो अभूषि । ब्रह्मश्रवस्य द्विपदोत्तमस्य अष्टादशो वर्षसहस्र आयुः
brahmānanasyoparatena buddho brahmaśravo nāma jino abhūṣi / brahmaśravasya dvipadottamasya aṣṭādaśo varṣasahasra āyuḥ
Sanskrit only: no published translation is held for this verse.
एकस्मि कल्पस्मि इमे उपन्ना दुवे शते लोकविनायकानाम् । श्रुणोहि नामानिह कीर्तयिष्ये अनाभिभूतान् तथागतानाम्
ekasmi kalpasmi ime upannā duve śate lokavināyakānām / śruṇohi nāmāniha kīrtayiṣye anābhibhūtān tathāgatānām
Sanskrit only: no published translation is held for this verse.
अनन्तघोषश्च विघुष्टघोषो विघुष्टतेजश्च विघुःटशब्दः । स्वराविघुष्टश्च स्वरार्चितश्च स्वराङ्गशूरश्च स्वराङ्गशब्दः
anantaghoṣaśca vighuṣṭaghoṣo vighuṣṭatejaśca vighuḥṭaśabdaḥ / svarāvighuṣṭaśca svarārcitaśca svarāṅgaśūraśca svarāṅgaśabdaḥ
Sanskrit only: no published translation is held for this verse.
ज्ञानाबलो ज्ञानविशेषगश्च ज्ञानाभिभूर्ज्ञानसमुद्गतश्च । ज्ञानार्चिमान् ज्ञानअभ्युद्गतश्च विघुष्टज्ञानस्तथ ज्ञानशूरः
jñānābalo jñānaviśeṣagaśca jñānābhibhūrjñānasamudgataśca / jñānārcimān jñānaabhyudgataśca vighuṣṭajñānastatha jñānaśūraḥ
Sanskrit only: no published translation is held for this verse.
ब्रह्मेश्वरो ब्रह्मनरेन्द्रनेत्रे ब्रह्मस्वराङ्गः स्वरब्रह्मदत्तः
brahmeśvaro brahmanarendranetre brahmasvarāṅgaḥ svarabrahmadattaḥ
Sanskrit only: no published translation is held for this verse.
तेजोबलस्तेजवतिः सुतेजाः तेजेश्वरस्तेजसमुद्रतश्च । तेजोविभुस्तेजविनिश्चितश्च । तेजस्वरेन्द्रः सुविघुष्टतेजाः
tejobalastejavatiḥ sutejāḥ tejeśvarastejasamudrataśca / tejovibhustejaviniścitaśca | tejasvarendraḥ suvighuṣṭatejāḥ
Sanskrit only: no published translation is held for this verse.
भीष्मो बलो भीष्ममतिः सुभीष्मो भीष्माननो भीष्मसमुद्रतश्च । भीष्मार्चि र्भीष्मोत्तरु र्भीष्मघोषा एते जिना लोकविनायका ऽभूत्
bhīṣmo balo bhīṣmamatiḥ subhīṣmo bhīṣmānano bhīṣmasamudrataśca / bhīṣmārci rbhīṣmottaru rbhīṣmaghoṣā ete jinā lokavināyakā 'bhūt
Sanskrit only: no published translation is held for this verse.
गम्भीरघोषः शिरिधारणश्च विशुद्धघोषेश्वरु शुद्धघोषः । अनन्तघोषः सुविमुक्तघोषो मारो बलो मारवित्रासनश्च
gambhīraghoṣaḥ śiridhāraṇaśca viśuddhaghoṣeśvaru śuddhaghoṣaḥ / anantaghoṣaḥ suvimuktaghoṣo māro balo māravitrāsanaśca
Sanskrit only: no published translation is held for this verse.
सुनेत्र शुद्धाननु नेत्रशुद्धो विशुद्धनेत्रश्च अनन्तनेत्रः । समन्तनेत्रश्च विघुष्टनेत्रो नेत्राभिभूर्नेत्र अनिन्दितश्च
sunetra śuddhānanu netraśuddho viśuddhanetraśca anantanetraḥ / samantanetraśca vighuṣṭanetro netrābhibhūrnetra aninditaśca
Sanskrit only: no published translation is held for this verse.
दान्तोत्तरो दान्त सुदान्तचित्तः सुदान्त शान्तेद्रिय शान्तमानसः । शान्तोत्तरः शान्तशिरी प्रशान्तः शान्तीय पारंगतु शान्तिशूरः
dāntottaro dānta sudāntacittaḥ sudānta śāntedriya śāntamānasaḥ / śāntottaraḥ śāntaśirī praśāntaḥ śāntīya pāraṃgatu śāntiśūraḥ
Sanskrit only: no published translation is held for this verse.
स्थितोत्तरः शान्त सुदान्तचित्तः सुदान्तशान्तेन्द्रियु शान्तमानसः । शान्तोत्तरः शान्तश्रिया ज्वलन्तः शान्तप्रशान्तेश्वरु शान्तिशूरः
sthitottaraḥ śānta sudāntacittaḥ sudāntaśāntendriyu śāntamānasaḥ / śāntottaraḥ śāntaśriyā jvalantaḥ śāntapraśānteśvaru śāntiśūraḥ
Sanskrit only: no published translation is held for this verse.
गणेन्द्र गणमुख्यु गणेश्वरश्च गणाभिभूर्गणिवर शुद्धज्ञानी । महागणेन्द्रश्च गणेन्द्रशूरो अन्यो पुनो गणिवर प्रमोचकः
gaṇendra gaṇamukhyu gaṇeśvaraśca gaṇābhibhūrgaṇivara śuddhajñānī / mahāgaṇendraśca gaṇendraśūro anyo puno gaṇivara pramocakaḥ
Sanskrit only: no published translation is held for this verse.
धर्मबलश्चैव सुधर्मशूरः स्वभावधर्मोत्तरनिश्चितश्च
dharmabalaścaiva sudharmaśūraḥ svabhāvadharmottaraniścitaśca
Sanskrit only: no published translation is held for this verse.
स्वभावधर्मोत्तरनिश्चितस्य अशीतिकोट्यः सहनामधेयाः । द्वितीयकल्पस्मि उत्पन्न नायका एते मया पूजित बोधिकारणात्
svabhāvadharmottaraniścitasya aśītikoṭyaḥ sahanāmadheyāḥ / dvitīyakalpasmi utpanna nāyakā ete mayā pūjita bodhikāraṇāt
Sanskrit only: no published translation is held for this verse.
स्वभावधर्मोत्तरनिश्चितस्य यो नामधेयं शृणुते जिनस्य । श्रुत्वा च धारेति विघुष्ट नाम स क्षिप्रमेतं लभते समाधिम्
svabhāvadharmottaraniścitasya yo nāmadheyaṃ śṛṇute jinasya / śrutvā ca dhāreti vighuṣṭa nāma sa kṣiprametaṃ labhate samādhim
Sanskrit only: no published translation is held for this verse.
एतेष बुद्धान् परेण अन्यो अचिन्तिये अपरिमितस्मि कल्पे । अभूषि बुद्धो नरदेवपूजितः स नामधेयेन नरेन्द्रघोषः
eteṣa buddhān pareṇa anyo acintiye aparimitasmi kalpe / abhūṣi buddho naradevapūjitaḥ sa nāmadheyena narendraghoṣaḥ
Sanskrit only: no published translation is held for this verse.
नरेन्द्रघोषस्य तथागतस्य षट्सप्तती वर्षसहस्रमायुः । त्रयश्च कोटीशत श्रावकाणां यः सन्निपातः प्रथमो अभूषि
narendraghoṣasya tathāgatasya ṣaṭsaptatī varṣasahasramāyuḥ / trayaśca koṭīśata śrāvakāṇāṃ yaḥ sannipātaḥ prathamo abhūṣi
Sanskrit only: no published translation is held for this verse.
षडभिज्ञ त्रैविद्य जितेन्द्रियाणां महानुभावान महर्द्धिकानाम् । क्षीणास्रवाणान्तिमदेहधारिणां संघस्तदा आसि प्रभाकरस्य
ṣaḍabhijña traividya jitendriyāṇāṃ mahānubhāvāna maharddhikānām / kṣīṇāsravāṇāntimadehadhāriṇāṃ saṃghastadā āsi prabhākarasya
Sanskrit only: no published translation is held for this verse.
अशीति कोटीनियुता सहस्रा यो बोधिसत्त्वान गणो अभूषि । गम्भीरबुद्धीन विशारदानां महानुभावान महर्द्धिकानाम्
aśīti koṭīniyutā sahasrā yo bodhisattvāna gaṇo abhūṣi / gambhīrabuddhīna viśāradānāṃ mahānubhāvāna maharddhikānām
Sanskrit only: no published translation is held for this verse.
अभिज्ञप्राप्ताः प्रतिभानवन्तो गतिगताः सर्वित शुन्यतायाः । ऋद्धीय गच्छन्ति ते क्षेत्रकोटियो ततोत्तरे यात्तिक गङ्गवालुकाः
abhijñaprāptāḥ pratibhānavanto gatigatāḥ sarvita śunyatāyāḥ / ṛddhīya gacchanti te kṣetrakoṭiyo tatottare yāttika gaṅgavālukāḥ
Sanskrit only: no published translation is held for this verse.
पृच्छित्व प्रश्नं द्विपदाननुत्तमान् पुनेन्ति तस्यैव जिनस्य अन्तिके । सूत्रान्तनिर्हारनिरुक्तिकोविदा आलोकभूता विचरन्ति मेदिनीम्
pṛcchitva praśnaṃ dvipadānanuttamān punenti tasyaiva jinasya antike / sūtrāntanirhāraniruktikovidā ālokabhūtā vicaranti medinīm
Sanskrit only: no published translation is held for this verse.
सत्त्वानमर्थाय चरन्ति चारिकां महानुभावाः सुगतस्य पुत्राः । न कामहेतोः प्रकरोन्ति पापं देवा पि तेषां स्पृह संजनेन्ति
sattvānamarthāya caranti cārikāṃ mahānubhāvāḥ sugatasya putrāḥ / na kāmahetoḥ prakaronti pāpaṃ devā pi teṣāṃ spṛha saṃjanenti
Sanskrit only: no published translation is held for this verse.
अनर्थिका भवगतिषु न निश्रिताः समाहिता ध्यानविहारगोचराः । विनिश्चितार्थाश्च विशारदाश्च निरामगन्धाः सद ब्रह्मचारिणः
anarthikā bhavagatiṣu na niśritāḥ samāhitā dhyānavihāragocarāḥ / viniścitārthāśca viśāradāśca nirāmagandhāḥ sada brahmacāriṇaḥ
Sanskrit only: no published translation is held for this verse.
अच्छेद्यवाक्याः प्रतिभानवन्तो निरुक्तिनिर्देशपदार्थकोविदाः । सर्वत्रसंदर्शक बुद्धपुत्राः परिगृहीताः कुशलेन कर्मणा
acchedyavākyāḥ pratibhānavanto niruktinirdeśapadārthakovidāḥ / sarvatrasaṃdarśaka buddhaputrāḥ parigṛhītāḥ kuśalena karmaṇā
Sanskrit only: no published translation is held for this verse.
अनन्तकल्पाश्चरियाय उद्गताः स्तुताः प्रशस्ताः सद नायकेहि । विमोक्षतत्त्वार्थपदान देशकाः असंकिलिष्टाः सुविशुद्धशीलाः
anantakalpāścariyāya udgatāḥ stutāḥ praśastāḥ sada nāyakehi / vimokṣatattvārthapadāna deśakāḥ asaṃkiliṣṭāḥ suviśuddhaśīlāḥ
Sanskrit only: no published translation is held for this verse.
अनोपलिप्ताः पदुमेन वारिणा विमुक्त त्रैधातुकतो ऽप्रमत्ताः । अनोपलिप्ताष्टहि लोकधर्मैर्विशुद्धकायाः परिशुद्धकर्माः
anopaliptāḥ padumena vāriṇā vimukta traidhātukato 'pramattāḥ / anopaliptāṣṭahi lokadharmairviśuddhakāyāḥ pariśuddhakarmāḥ
Sanskrit only: no published translation is held for this verse.
अल्पेच्छ संतुष्ट महानुभावा अगृद्ध ते बुद्धगुणाः प्रतिष्ठिताः । सर्वेष सत्त्वान गतिः परायणा न घोषमात्रप्रतिपत्तिसाराः
alpeccha saṃtuṣṭa mahānubhāvā agṛddha te buddhaguṇāḥ pratiṣṭhitāḥ / sarveṣa sattvāna gatiḥ parāyaṇā na ghoṣamātrapratipattisārāḥ
Sanskrit only: no published translation is held for this verse.
वैश्वासिकाः कोशधरा जिनानां ते सर्वि त्रैधातुकि त्रस्तमानसाः
vaiśvāsikāḥ kośadharā jinānāṃ te sarvi traidhātuki trastamānasāḥ
Sanskrit only: no published translation is held for this verse.
प्रशान्तचित्ताः सद रण्यगोचरा अधिष्ठिता लोकविनायकेभिः । भाषन्ति सुत्रान्तसहस्रकोटियो यं चैव भाषन्ति त बुद्धवर्णितम्
praśāntacittāḥ sada raṇyagocarā adhiṣṭhitā lokavināyakebhiḥ / bhāṣanti sutrāntasahasrakoṭiyo yaṃ caiva bhāṣanti ta buddhavarṇitam
Sanskrit only: no published translation is held for this verse.
विवर्जिताः सर्वपदेभि लौकिकाः शून्याधिमुक्ताः परमार्थदेशकाः । अनन्तवर्णा गुणसागरोपमाः बहुश्रुताः पण्डित विज्ञवन्तः
vivarjitāḥ sarvapadebhi laukikāḥ śūnyādhimuktāḥ paramārthadeśakāḥ / anantavarṇā guṇasāgaropamāḥ bahuśrutāḥ paṇḍita vijñavantaḥ
Sanskrit only: no published translation is held for this verse.
सचेत् कुमारो बहुकल्पकोटिय अधिष्ठिहन्तः प्रवदेय वर्णम् । स अल्पकं तत् परिकीर्तितं भवेद् यथा समुद्रादुदबिन्दुरेकः
sacet kumāro bahukalpakoṭiya adhiṣṭhihantaḥ pravadeya varṇam / sa alpakaṃ tat parikīrtitaṃ bhaved yathā samudrādudabindurekaḥ
Sanskrit only: no published translation is held for this verse.
तस्मिंश्च काले स नरेन्द्रघोषो देशेतिमं शान्त समाधि दुर्दृशम् । महात्रिसाहस्रिय लोकधातु देवेहि नागेहि स्फुटो अभूषि
tasmiṃśca kāle sa narendraghoṣo deśetimaṃ śānta samādhi durdṛśam / mahātrisāhasriya lokadhātu devehi nāgehi sphuṭo abhūṣi
Sanskrit only: no published translation is held for this verse.
तस्यो इमं शान्त समाधि भाषतः प्रकम्पिता मेदिनि षड्विकारम् । देवा मनुष्या यथ गङ्गवालिका अविवर्तिकाये स्थित बुद्धज्ञाने
tasyo imaṃ śānta samādhi bhāṣataḥ prakampitā medini ṣaḍvikāram / devā manuṣyā yatha gaṅgavālikā avivartikāye sthita buddhajñāne
Sanskrit only: no published translation is held for this verse.
तत्रासि राजा मनुजान ईश्वरः शिरीबलो नाम महानुभावः । पुत्राण तस्यो शत पञ्च आसन्नभिरूप प्रासादिक दर्शनीयाः
tatrāsi rājā manujāna īśvaraḥ śirībalo nāma mahānubhāvaḥ / putrāṇa tasyo śata pañca āsannabhirūpa prāsādika darśanīyāḥ
Sanskrit only: no published translation is held for this verse.
अशीति कोटीशत इस्त्रियाणामन्तःपुरं तस्य अभूषि राज्ञः । चतुर्दशो कोटिसहस्र पूर्णा दुहितरो तस्य अभूषि राज्ञः
aśīti koṭīśata istriyāṇāmantaḥpuraṃ tasya abhūṣi rājñaḥ / caturdaśo koṭisahasra pūrṇā duhitaro tasya abhūṣi rājñaḥ
Sanskrit only: no published translation is held for this verse.
अशीतिकोटीनियुतेहि सार्धमुपागमल्लोकगुरुस्य अन्तिकम्
aśītikoṭīniyutehi sārdhamupāgamallokagurusya antikam
Sanskrit only: no published translation is held for this verse.
वन्दित्व पादौ द्विपदोत्तमस्य न्यषीदि राजा पुरतो जिनस्य । अध्याशयं तस्य विदित्व राज्ञो इमं समाधिं द्विपदेन्द्र देशयि
vanditva pādau dvipadottamasya nyaṣīdi rājā purato jinasya / adhyāśayaṃ tasya viditva rājño imaṃ samādhiṃ dvipadendra deśayi
Sanskrit only: no published translation is held for this verse.
स पार्थिवः श्रत्व समाधिमेतमुत्सृज्य राज्यं यथ खेटपिण्डम् । परित्यजित्वा प्रिय ज्ञातिबान्धवान् स प्रव्रजी तस्य जिनस्य शासने
sa pārthivaḥ śratva samādhimetamutsṛjya rājyaṃ yatha kheṭapiṇḍam / parityajitvā priya jñātibāndhavān sa pravrajī tasya jinasya śāsane
Sanskrit only: no published translation is held for this verse.
पुत्राण पञ्चाशत प्रव्रजिंसु अन्तःपुरं चैव तथैव धीतरो । अन्ये च तत्र पुत्रज्ञातिबान्धवाः षट्सप्ततिर्नयुत त्रयश्च कोट्यः
putrāṇa pañcāśata pravrajiṃsu antaḥpuraṃ caiva tathaiva dhītaro / anye ca tatra putrajñātibāndhavāḥ ṣaṭsaptatirnayuta trayaśca koṭyaḥ
Sanskrit only: no published translation is held for this verse.
स प्रव्रजित्वेह सपुत्रदारं स्थपेत्व आहारनिर्हारभूमिम् । अधिष्ठितश्चंक्रमि अष्टवर्षं स चंक्रमे वस्थितु काल कार्षीत्
sa pravrajitveha saputradāraṃ sthapetva āhāranirhārabhūmim / adhiṣṭhitaścaṃkrami aṣṭavarṣaṃ sa caṃkrame vasthitu kāla kārṣīt
Sanskrit only: no published translation is held for this verse.
स कालु कृत्वा तद राजकुञ्जरो समाधिचित्तो सुसमाहितः सदा । तत्रैव सो राजकुले उपन्नो उपपादुको गर्भमलैरलिप्तः
sa kālu kṛtvā tada rājakuñjaro samādhicitto susamāhitaḥ sadā / tatraiva so rājakule upanno upapāduko garbhamalairaliptaḥ
Sanskrit only: no published translation is held for this verse.
दृढबलो नाम पितास्य भूषि महामती नाम जनेत्रि आसीत् । स जातमात्रो अवची कुमारो कच्चिन्नु सो तिष्ठति लोकनाथः
dṛḍhabalo nāma pitāsya bhūṣi mahāmatī nāma janetri āsīt / sa jātamātro avacī kumāro kaccinnu so tiṣṭhati lokanāthaḥ
Sanskrit only: no published translation is held for this verse.
अप्रत्यया अपगतप्रत्यया च यो एक निर्देशु भवे गतीनाम्
apratyayā apagatapratyayā ca yo eka nirdeśu bhave gatīnām
Sanskrit only: no published translation is held for this verse.
या सर्वधर्माण स्वभावमुद्रा यः सूत्रकोटीनियुतान आगमः । यो बोधिसत्त्वान धनं निरूत्तरं कच्चिज्जिनो भाषति तं समाधिम्
yā sarvadharmāṇa svabhāvamudrā yaḥ sūtrakoṭīniyutāna āgamaḥ / yo bodhisattvāna dhanaṃ nirūttaraṃ kaccijjino bhāṣati taṃ samādhim
Sanskrit only: no published translation is held for this verse.
कायस्य शुद्धी तथ वाच शुद्धी चित्तस्य शुद्धिस्तथ दृष्टिशुद्धिः । आरम्बणानां समतिक्रमो यः कच्चिज्जिनो भाषति तं समाधिम्
kāyasya śuddhī tatha vāca śuddhī cittasya śuddhistatha dṛṣṭiśuddhiḥ / ārambaṇānāṃ samatikramo yaḥ kaccijjino bhāṣati taṃ samādhim
Sanskrit only: no published translation is held for this verse.
अविप्रणाशः फलधर्मदर्शनं अष्टाङ्गिका मार्गवरस्य भावना । तथागतैः संगमु तीक्ष्णप्रज्ञता सत्यप्रवेशः सद धर्मज्ञानम्
avipraṇāśaḥ phaladharmadarśanaṃ aṣṭāṅgikā mārgavarasya bhāvanā / tathāgataiḥ saṃgamu tīkṣṇaprajñatā satyapraveśaḥ sada dharmajñānam
Sanskrit only: no published translation is held for this verse.
स्कन्धपरिज्ञा समता च धातुनामपकर्षणं चायतनान सर्वशः । अनुत्पाद साक्षात्क्रिययावतारः कच्चिज्जिनो भाषति तं समाधिम्
skandhaparijñā samatā ca dhātunāmapakarṣaṇaṃ cāyatanāna sarvaśaḥ / anutpāda sākṣātkriyayāvatāraḥ kaccijjino bhāṣati taṃ samādhim
Sanskrit only: no published translation is held for this verse.
प्रतिसंविदा शान्त्यवतारज्ञानं सर्वाक्षराणां च प्रभेदज्ञानम् । वस्तुनिवेशसमतिक्रमो यः कच्चिज्जिनो भाषति तं समाधिम्
pratisaṃvidā śāntyavatārajñānaṃ sarvākṣarāṇāṃ ca prabhedajñānam / vastuniveśasamatikramo yaḥ kaccijjino bhāṣati taṃ samādhim
Sanskrit only: no published translation is held for this verse.
घोषः परिज्ञाथ प्रामोद्यलाभः प्रीतिश्च भोती सुगतान वर्णम् । आर्या गतिर्मार्दवता च उज्जुका कच्चिज्जिनो भाषति तं समाधिम्
ghoṣaḥ parijñātha prāmodyalābhaḥ prītiśca bhotī sugatāna varṇam / āryā gatirmārdavatā ca ujjukā kaccijjino bhāṣati taṃ samādhim
Sanskrit only: no published translation is held for this verse.
ना जातु कुर्याद्भुकुटिं स सूरतः साखिल्य माधुर्य स्मितं मुखं च । दृष्ट्वा च सत्त्वान् प्रथमालपेति कच्चिज्जिनो भाषति तं समाधिम्
nā jātu kuryādbhukuṭiṃ sa sūrataḥ sākhilya mādhurya smitaṃ mukhaṃ ca / dṛṣṭvā ca sattvān prathamālapeti kaccijjino bhāṣati taṃ samādhim
Sanskrit only: no published translation is held for this verse.
अनालस्यता गौरवता गुरूणां शुश्रूषणा वन्दन प्रेमदर्शना । उपपत्ति संतुष्टित शुक्लता च कच्चिज्जिनो भाषति तं समाधिम्
anālasyatā gauravatā gurūṇāṃ śuśrūṣaṇā vandana premadarśanā / upapatti saṃtuṣṭita śuklatā ca kaccijjino bhāṣati taṃ samādhim
Sanskrit only: no published translation is held for this verse.
आजीवशुद्धिस्तथ रण्यवासो धूते स्थितानुस्मृतेरप्रमोषः । स्कन्धेषु कौशल्यमथापि धातुषु कच्चिज्जिनो भाषति तं समाधिम्
ājīvaśuddhistatha raṇyavāso dhūte sthitānusmṛterapramoṣaḥ / skandheṣu kauśalyamathāpi dhātuṣu kaccijjino bhāṣati taṃ samādhim
Sanskrit only: no published translation is held for this verse.
आयतनकौशल्यमभिज्ञज्ञानं किलेशअपकर्षण दान्तभूमि । पृथुसर्वमन्त्राणमसावुच्छेदः कच्चिज्जिनो भाषति तं समाधिम्
āyatanakauśalyamabhijñajñānaṃ kileśaapakarṣaṇa dāntabhūmi / pṛthusarvamantrāṇamasāvucchedaḥ kaccijjino bhāṣati taṃ samādhim
Sanskrit only: no published translation is held for this verse.
समतिक्रमः सर्वभवग्गतीनां जातिस्मृति धर्मनिष्काङ्क्षता च । धर्मे च चित्तं श्रुत एषणा च कच्चिज्जिनो भाषति तं समाधिम्
samatikramaḥ sarvabhavaggatīnāṃ jātismṛti dharmaniṣkāṅkṣatā ca / dharme ca cittaṃ śruta eṣaṇā ca kaccijjino bhāṣati taṃ samādhim
Sanskrit only: no published translation is held for this verse.
विशेषगामी सद भावनारति आपत्ति कौशल्यत निःसृतौ स्थितः । यत्र स्थितो ऽनुशयितां जहाति कच्चिज्जिनो भाषति तं समाधिम्
viśeṣagāmī sada bhāvanārati āpatti kauśalyata niḥsṛtau sthitaḥ / yatra sthito 'nuśayitāṃ jahāti kaccijjino bhāṣati taṃ samādhim
Sanskrit only: no published translation is held for this verse.
तीक्ष्णस्य ज्ञानस्य वरागमो यतो अचालियो शैलसमो अकम्पितः । अविवर्तितालक्षण धारणीमुखं कच्चिज्जिनो भाषति तं समाधिम्
tīkṣṇasya jñānasya varāgamo yato acāliyo śailasamo akampitaḥ / avivartitālakṣaṇa dhāraṇīmukhaṃ kaccijjino bhāṣati taṃ samādhim
Sanskrit only: no published translation is held for this verse.
शुक्लान धर्माण सदा गवेषणा पापान धर्माण सदा विवर्जना । संक्लेशपक्षस्य सदा प्रचारु यो कच्चिज्जिनो भाषति तं समाधिम्
śuklāna dharmāṇa sadā gaveṣaṇā pāpāna dharmāṇa sadā vivarjanā / saṃkleśapakṣasya sadā pracāru yo kaccijjino bhāṣati taṃ samādhim
Sanskrit only: no published translation is held for this verse.
सत्त्वान चो आशयु ज्ञात्व चोदको देशेति धर्मं वरबुद्धबोधौ
sattvāna co āśayu jñātva codako deśeti dharmaṃ varabuddhabodhau
Sanskrit only: no published translation is held for this verse.
विशेषज्ञानं उपपत्तिज्ञानं अनन्तज्ञानं सुसमाप्तज्ञानम् । सर्वग्गतीनां प्रतिसंधिज्ञानं कच्चिज्जिनो भाषति तं समाधिम्
viśeṣajñānaṃ upapattijñānaṃ anantajñānaṃ susamāptajñānam / sarvaggatīnāṃ pratisaṃdhijñānaṃ kaccijjino bhāṣati taṃ samādhim
Sanskrit only: no published translation is held for this verse.
गृहान् समुत्सृज्य प्रव्रज्यचित्तं त्रैधातुके अनभिरती ननुग्रहः । चित्तस्य संप्रग्रहणं सहर्षणा देशेति धर्मं द्विपदानमुत्तमः
gṛhān samutsṛjya pravrajyacittaṃ traidhātuke anabhiratī nanugrahaḥ / cittasya saṃpragrahaṇaṃ saharṣaṇā deśeti dharmaṃ dvipadānamuttamaḥ
Sanskrit only: no published translation is held for this verse.
धर्मेषु चो नाभिनिवेश तायि परिग्रहो धर्मवरे सदा च । कर्मविपाके च दृढाधिमुक्तिं देशेति धर्म द्विपदानमुत्तमः
dharmeṣu co nābhiniveśa tāyi parigraho dharmavare sadā ca / karmavipāke ca dṛḍhādhimuktiṃ deśeti dharma dvipadānamuttamaḥ
Sanskrit only: no published translation is held for this verse.
विनयस्मि कौशल्य विपाकज्ञानं कलहं विवादान तथोपशान्तिः । अविग्रहं वाप्यविवादभूमिं देशेति धर्म द्विपदानमुत्तमः
vinayasmi kauśalya vipākajñānaṃ kalahaṃ vivādāna tathopaśāntiḥ / avigrahaṃ vāpyavivādabhūmiṃ deśeti dharma dvipadānamuttamaḥ
Sanskrit only: no published translation is held for this verse.
क्षान्तीसमादानमक्रोधस्थानं विनिश्चये धर्मि सदा च कौशलम् । पदप्रभेदेषु च ज्ञानदर्शनं देशेति धर्मं करुणां जनेत्वा
kṣāntīsamādānamakrodhasthānaṃ viniścaye dharmi sadā ca kauśalam / padaprabhedeṣu ca jñānadarśanaṃ deśeti dharmaṃ karuṇāṃ janetvā
Sanskrit only: no published translation is held for this verse.
पूर्वान्तज्ञानमपरान्तज्ञानं त्रियध्वसमता सुगतान शासने । परिच्छेद उक्तः स त्रिमण्डलस्य एवं जिनो देशयि धर्मस्वामी
pūrvāntajñānamaparāntajñānaṃ triyadhvasamatā sugatāna śāsane / pariccheda uktaḥ sa trimaṇḍalasya evaṃ jino deśayi dharmasvāmī
Sanskrit only: no published translation is held for this verse.
चित्तव्यवस्थान एकाग्रता च कायव्यवस्थान यथार्यभूमिः । ईर्यापथस्थो सद कालि रक्षणा देशेति धर्मं पुरुषर्षभो मुनिः
cittavyavasthāna ekāgratā ca kāyavyavasthāna yathāryabhūmiḥ / īryāpathastho sada kāli rakṣaṇā deśeti dharmaṃ puruṣarṣabho muniḥ
Sanskrit only: no published translation is held for this verse.
हिरिश्च ओत्राप्यु प्रासादिकं च युक्तां गिरं भाषति लोकज्ञानम् । प्रवृत्तिधर्मं प्रकृतिं च प्राणिनां देशेति धर्मं वरबोधिउमग्र्याम्
hiriśca otrāpyu prāsādikaṃ ca yuktāṃ giraṃ bhāṣati lokajñānam / pravṛttidharmaṃ prakṛtiṃ ca prāṇināṃ deśeti dharmaṃ varabodhiumagryām
Sanskrit only: no published translation is held for this verse.
अनुग्रहं चो हिरिमोत्राप्यं च चित्तस्य चाकुशलता जुगुप्सना । धूतस्यानुत्सर्गत पिण्डचर्यां देशेति धर्मं द्विपदानमुत्तमः
anugrahaṃ co hirimotrāpyaṃ ca cittasya cākuśalatā jugupsanā / dhūtasyānutsargata piṇḍacaryāṃ deśeti dharmaṃ dvipadānamuttamaḥ
Sanskrit only: no published translation is held for this verse.
हिरिश्च ओत्राप्यु सदाचरेता गुरूणाभिवादन प्रत्युत्थानम् । मानस्य चो निग्रह आदितैव एवं जिनो देशयि धर्मस्वामी
hiriśca otrāpyu sadācaretā gurūṇābhivādana pratyutthānam / mānasya co nigraha āditaiva evaṃ jino deśayi dharmasvāmī
Sanskrit only: no published translation is held for this verse.
चित्तसमुत्थानत चित्तकल्यता ज्ञानप्रतीवेधु तथानुबोधम् । अज्ञानपक्षस्य सदा विवर्जना देशेति धर्मान् वरबुद्धबोधिम्
cittasamutthānata cittakalyatā jñānapratīvedhu tathānubodham / ajñānapakṣasya sadā vivarjanā deśeti dharmān varabuddhabodhim
Sanskrit only: no published translation is held for this verse.
चित्तप्रवेशं च रूतस्य ज्ञानं निरुक्त्यवस्थान विनिश्चितार्थम् । सर्वेष्वनर्थान सदा विवर्जनम् एवं जिनो देशयि धर्मस्वामी
cittapraveśaṃ ca rūtasya jñānaṃ niruktyavasthāna viniścitārtham / sarveṣvanarthāna sadā vivarjanam evaṃ jino deśayi dharmasvāmī
Sanskrit only: no published translation is held for this verse.
ससङ्गता सत्पुरुषेहि नित्यं विवर्जना कापुरुषान चैव । जिने प्रसादं सद प्रेमतां च एवं जिनो देशयि धर्म श्रेष्ठम्
sasaṅgatā satpuruṣehi nityaṃ vivarjanā kāpuruṣāna caiva / jine prasādaṃ sada prematāṃ ca evaṃ jino deśayi dharma śreṣṭham
Sanskrit only: no published translation is held for this verse.
संकेतप्रज्ञप्तिव्याहारतां च संसारदुःखानि सदा विवर्जना । अलाभि लाभे च असक्तभावमेवं जिनो देशयि धर्ममुत्तमम्
saṃketaprajñaptivyāhāratāṃ ca saṃsāraduḥkhāni sadā vivarjanā / alābhi lābhe ca asaktabhāvamevaṃ jino deśayi dharmamuttamam
Sanskrit only: no published translation is held for this verse.
सत्कारु लब्ध्वा च न विस्मयेय्या असत्कृतश्चापि भवेदुपेक्षकः । भूते ऽपि वर्णं न कदाचि मोदिये इय देशना लोकहितस्य ईदृशी
satkāru labdhvā ca na vismayeyyā asatkṛtaścāpi bhavedupekṣakaḥ / bhūte 'pi varṇaṃ na kadāci modiye iya deśanā lokahitasya īdṛśī
Sanskrit only: no published translation is held for this verse.
आक्रोशनां पंसन सर्वशो सहेदसंस्तवः सर्वगृहीहि सार्धम् । संसर्गतां प्रव्रजितेन कुर्यादेवं जिनो देशयि धर्मस्वामी
ākrośanāṃ paṃsana sarvaśo sahedasaṃstavaḥ sarvagṛhīhi sārdham / saṃsargatāṃ pravrajitena kuryādevaṃ jino deśayi dharmasvāmī
Sanskrit only: no published translation is held for this verse.
बुद्धान चो गोचरि सुप्रतिष्ठितो अगोचरं सर्व विवर्जयित्वा । आचारसंपन्न सुदान्तचित्तो इय धर्मनेत्री सुगतेन देशिता
buddhāna co gocari supratiṣṭhito agocaraṃ sarva vivarjayitvā / ācārasaṃpanna sudāntacitto iya dharmanetrī sugatena deśitā
Sanskrit only: no published translation is held for this verse.
ये बालधर्माः सद तान् विवर्जयेत् कुलदूषणं सर्व विवर्जयेच्च । आरक्षितव्यं सद बुद्धशासनं एवं जिनो देशयि धर्मस्वामी
ye bāladharmāḥ sada tān vivarjayet kuladūṣaṇaṃ sarva vivarjayecca / ārakṣitavyaṃ sada buddhaśāsanaṃ evaṃ jino deśayi dharmasvāmī
Sanskrit only: no published translation is held for this verse.
अल्पं च भाष्ये मधुरं सुयुक्तं कल्याणतां मृदुवचनं परेषाम् । प्रत्यर्थिकानां सहधर्मनिग्रहो इयं जिने ईदृश आनुशासनी
alpaṃ ca bhāṣye madhuraṃ suyuktaṃ kalyāṇatāṃ mṛduvacanaṃ pareṣām / pratyarthikānāṃ sahadharmanigraho iyaṃ jine īdṛśa ānuśāsanī
Sanskrit only: no published translation is held for this verse.
प्रतिक्रमेत् कालि न चो अकाले न विश्वसेत् सर्वपृथग्जनेषु । दुःखेन स्पृष्टो न भवेत दुर्मना इयं जिने ईदृश आनुशासनी
pratikramet kāli na co akāle na viśvaset sarvapṛthagjaneṣu / duḥkhena spṛṣṭo na bhaveta durmanā iyaṃ jine īdṛśa ānuśāsanī
Sanskrit only: no published translation is held for this verse.
दरिद्र दृष्ट्वा सधनं करेय्या दुःशील दृष्ट्वा अनुकम्पितव्या । हितवस्तुतायां सद ओवदेय्य इयं जिने ईदृश आनुशासनी
daridra dṛṣṭvā sadhanaṃ kareyyā duḥśīla dṛṣṭvā anukampitavyā / hitavastutāyāṃ sada ovadeyya iyaṃ jine īdṛśa ānuśāsanī
Sanskrit only: no published translation is held for this verse.
धर्मेण सत्त्वा अनुगृह्णितव्या लोकामिषत्यागु सदा च कार्यो । न संचयं नो निचयं च कुर्यादियं जिने ईदृश आनुशासनी
dharmeṇa sattvā anugṛhṇitavyā lokāmiṣatyāgu sadā ca kāryo / na saṃcayaṃ no nicayaṃ ca kuryādiyaṃ jine īdṛśa ānuśāsanī
Sanskrit only: no published translation is held for this verse.
शीलप्रशंसा च कुशीलकुत्सना अशाठ्यता शीलवतां निषेवणम् । सर्वस्वकात्यागि धने ऽप्यनिश्रितो इयं जिने ईदृश आनुशासनी
śīlapraśaṃsā ca kuśīlakutsanā aśāṭhyatā śīlavatāṃ niṣevaṇam / sarvasvakātyāgi dhane 'pyaniśrito iyaṃ jine īdṛśa ānuśāsanī
Sanskrit only: no published translation is held for this verse.
अध्याशयेनो गुरुणा निमन्त्रणा यथा च भाषे तथ सर्व कुर्याम् । अभीक्ष्ण सेवेय्य च धर्मभाणकं इयं जिने ईदृश आनुशासनी
adhyāśayeno guruṇā nimantraṇā yathā ca bhāṣe tatha sarva kuryām / abhīkṣṇa seveyya ca dharmabhāṇakaṃ iyaṃ jine īdṛśa ānuśāsanī
Sanskrit only: no published translation is held for this verse.
सगौरवः प्रीतमनाः सदा भवेत् सोम्याय दृष्टीय सदा स्थितो भवेत् । पूर्वासु चर्यासु सुनिश्चितः सदा इयं जिने ईदृश आनुशासनी
sagauravaḥ prītamanāḥ sadā bhavet somyāya dṛṣṭīya sadā sthito bhavet / pūrvāsu caryāsu suniścitaḥ sadā iyaṃ jine īdṛśa ānuśāsanī
Sanskrit only: no published translation is held for this verse.
पूर्वंगमः कुशलचरीषु नित्यमुपायकौशल्य निमित्तवजने । संज्ञाविवर्ते तथ वस्तुलक्षणे इयं जिने ईदृश आनुशासनी
pūrvaṃgamaḥ kuśalacarīṣu nityamupāyakauśalya nimittavajane / saṃjñāvivarte tatha vastulakṣaṇe iyaṃ jine īdṛśa ānuśāsanī
Sanskrit only: no published translation is held for this verse.
सूत्रान्तनिर्हारपदेषु कौशलं सत्यान निर्देशपदेषु निश्चयः । विमुक्तिज्ञानस्य च साक्षिकारिता इयं जिने ईदृश आनुशासनी
sūtrāntanirhārapadeṣu kauśalaṃ satyāna nirdeśapadeṣu niścayaḥ / vimuktijñānasya ca sākṣikāritā iyaṃ jine īdṛśa ānuśāsanī
Sanskrit only: no published translation is held for this verse.
शून्याश्च धर्माः सद सेवितव्या विशारदाः शीलबले प्रतिष्ठिताः । समाधिस्थानेन समोत्तरेय्या इयं जिने ईदृश आनुशासनी
śūnyāśca dharmāḥ sada sevitavyā viśāradāḥ śīlabale pratiṣṭhitāḥ / samādhisthānena samottareyyā iyaṃ jine īdṛśa ānuśāsanī
Sanskrit only: no published translation is held for this verse.
न ज्ञात्रलाभं पि कदाचि देशयेच्चित्तस्य चापी कुहनां न कुर्यात् । दृष्टीकृतां सर्व विवर्जयेच्च इयं जिने ईदृश आनुशासनी
na jñātralābhaṃ pi kadāci deśayeccittasya cāpī kuhanāṃ na kuryāt / dṛṣṭīkṛtāṃ sarva vivarjayecca iyaṃ jine īdṛśa ānuśāsanī
Sanskrit only: no published translation is held for this verse.
प्रतिभानु श्रेष्ठं वर धारणीये ज्ञानस्य चोभासु अनन्तपारो । अधिष्ठानमन्त्र प्रतिभानयुक्तिरियं जिने ईदृश आनुशासनी
pratibhānu śreṣṭhaṃ vara dhāraṇīye jñānasya cobhāsu anantapāro / adhiṣṭhānamantra pratibhānayuktiriyaṃ jine īdṛśa ānuśāsanī
Sanskrit only: no published translation is held for this verse.
शीलस्य द्वारमिम मार्गभावना प्रतिपत्ति - ओवादनयश्च भद्रको । अनुशासनी अत्र चरित्व शासनी इयं जिने ईदृश आनुशासनी
śīlasya dvāramima mārgabhāvanā pratipatti - ovādanayaśca bhadrako / anuśāsanī atra caritva śāsanī iyaṃ jine īdṛśa ānuśāsanī
Sanskrit only: no published translation is held for this verse.
अनुलोमिकी क्षान्ति य बुद्धवर्णिता क्षान्तिस्थितो दोष विवर्जयेत । अज्ञान वर्जेय्य स्थिहित्व ज्ञाने इयं जिने ईदृश आनुशासनी
anulomikī kṣānti ya buddhavarṇitā kṣāntisthito doṣa vivarjayeta / ajñāna varjeyya sthihitva jñāne iyaṃ jine īdṛśa ānuśāsanī
Sanskrit only: no published translation is held for this verse.
ज्ञानप्रतिष्ठा तथ योगभूमी योगेश्वरी बोधयि प्रस्थितानाम् । निषेवणा सत्पुरुषाण नित्यं इयं जिने ईदृश आनुशासनी
jñānapratiṣṭhā tatha yogabhūmī yogeśvarī bodhayi prasthitānām / niṣevaṇā satpuruṣāṇa nityaṃ iyaṃ jine īdṛśa ānuśāsanī
Sanskrit only: no published translation is held for this verse.
अयुक्तयोगीन सदा विवर्जना तथागतैर्भाषित बुद्धभूमि । अनुमोदिता सर्विहि पण्डितेहि इयं जिने ईदृश आनुशासनी
ayuktayogīna sadā vivarjanā tathāgatairbhāṣita buddhabhūmi / anumoditā sarvihi paṇḍitehi iyaṃ jine īdṛśa ānuśāsanī
Sanskrit only: no published translation is held for this verse.
बालैः प्रतिक्षिप्त अज्ञातकेहि अभूभिरत्र पृथुश्रावकाणाम् । परिगृहीताः सद बोधिसत्त्वैः इयं जिने ईदृश आनुशासनी
bālaiḥ pratikṣipta ajñātakehi abhūbhiratra pṛthuśrāvakāṇām / parigṛhītāḥ sada bodhisattvaiḥ iyaṃ jine īdṛśa ānuśāsanī
Sanskrit only: no published translation is held for this verse.
तथागतेहि अनुबुद्धमेतं देवेहि चो सत्कृतु पूजितं च । अनुमोदितं ब्रह्मसहस्रकोटिभिः कच्चिज्जिनो भाषति तं समाधिम्
tathāgatehi anubuddhametaṃ devehi co satkṛtu pūjitaṃ ca / anumoditaṃ brahmasahasrakoṭibhiḥ kaccijjino bhāṣati taṃ samādhim
Sanskrit only: no published translation is held for this verse.
नागसहस्रेहि सदा सुसत्कृतं सुपर्णयक्षेहि च किन्नरेहि । या भाषिता बोधिवरा जिनेभिः कच्चिज्जिनो भाषति तं समाधिम्
nāgasahasrehi sadā susatkṛtaṃ suparṇayakṣehi ca kinnarehi / yā bhāṣitā bodhivarā jinebhiḥ kaccijjino bhāṣati taṃ samādhim
Sanskrit only: no published translation is held for this verse.
निरामिषं ज्ञान चिकित्स उत्तमा कच्चिज्जिनो भाषति तं समाधिम्
nirāmiṣaṃ jñāna cikitsa uttamā kaccijjino bhāṣati taṃ samādhim
Sanskrit only: no published translation is held for this verse.
ज्ञानस्य कोषः प्रतिभानमक्षयं सूत्रान्तकोटीन प्रवेश एषः । परिज्ञ त्रैधातुकि भूतज्ञानं कच्चिज्जिनो भाषति तं समाधिम्
jñānasya koṣaḥ pratibhānamakṣayaṃ sūtrāntakoṭīna praveśa eṣaḥ / parijña traidhātuki bhūtajñānaṃ kaccijjino bhāṣati taṃ samādhim
Sanskrit only: no published translation is held for this verse.
नौका इयं देशित पारगामिनां नावा पि चो ओघगतान एषा । कीर्तिर्यशो वर्धति वर्णमाला येषामयं शान्त समाधि देशितः
naukā iyaṃ deśita pāragāmināṃ nāvā pi co oghagatāna eṣā / kīrtiryaśo vardhati varṇamālā yeṣāmayaṃ śānta samādhi deśitaḥ
Sanskrit only: no published translation is held for this verse.
प्रशंस एषा च तथागतानां स्तवश्च एषो पुरुषर्षभाणाम् । स्तव बोधिसत्त्वान नयश्च अक्षयो येही अयं शान्त समाधि देशितः
praśaṃsa eṣā ca tathāgatānāṃ stavaśca eṣo puruṣarṣabhāṇām / stava bodhisattvāna nayaśca akṣayo yehī ayaṃ śānta samādhi deśitaḥ
Sanskrit only: no published translation is held for this verse.
मैत्री इयं दोषशमे प्रकाशिता उपेक्षियं कारुणिकान भूमिम् । आश्वासयन्तेष महाशयानां येषां कृतेनैष समाधि भाषितः
maitrī iyaṃ doṣaśame prakāśitā upekṣiyaṃ kāruṇikāna bhūmim / āśvāsayanteṣa mahāśayānāṃ yeṣāṃ kṛtenaiṣa samādhi bhāṣitaḥ
Sanskrit only: no published translation is held for this verse.
प्रतिपत्तियं देशित सिंहनादिनामितु बुद्धज्ञानस्य वरस्य आगमः । सर्वेष धर्माण स्वभावमुद्राः समाध्ययं देशितु नायकेहि
pratipattiyaṃ deśita siṃhanādināmitu buddhajñānasya varasya āgamaḥ / sarveṣa dharmāṇa svabhāvamudrāḥ samādhyayaṃ deśitu nāyakehi
Sanskrit only: no published translation is held for this verse.
सर्वज्ञज्ञानस्य च आहरित्रिमा चर्या इयं बोधयि प्रस्थितानाम् । वित्रासनं मारचमूय चापि समाध्ययं शान्त जिनेन देशितः
sarvajñajñānasya ca āharitrimā caryā iyaṃ bodhayi prasthitānām / vitrāsanaṃ māracamūya cāpi samādhyayaṃ śānta jinena deśitaḥ
Sanskrit only: no published translation is held for this verse.
विद्या इयं धर्मस्थितान तायिनां अमित्रमध्ये परमा च रक्षा । प्रत्यर्थिंकानां सहधर्मनिग्रहाः समाध्ययं शान्त जिनेन देशितः
vidyā iyaṃ dharmasthitāna tāyināṃ amitramadhye paramā ca rakṣā / pratyarthiṃkānāṃ sahadharmanigrahāḥ samādhyayaṃ śānta jinena deśitaḥ
Sanskrit only: no published translation is held for this verse.
प्रतिभानभूमी इय संप्रकाशिता बला विमोक्षा तथ इन्द्रियाणि । विशिष्ट अष्टादश बुद्धधर्माः समाधि शान्तेष निषेवमाणाः
pratibhānabhūmī iya saṃprakāśitā balā vimokṣā tatha indriyāṇi / viśiṣṭa aṣṭādaśa buddhadharmāḥ samādhi śānteṣa niṣevamāṇāḥ
Sanskrit only: no published translation is held for this verse.
दशान पर्येष्टि बलान भूता पूर्वनिमित्तं पि च बुद्धज्ञाने । ये बुद्धधर्माः पुरुषोत्तमेन प्रकाशिता लोकहितानुकम्पिना
daśāna paryeṣṭi balāna bhūtā pūrvanimittaṃ pi ca buddhajñāne / ye buddhadharmāḥ puruṣottamena prakāśitā lokahitānukampinā
Sanskrit only: no published translation is held for this verse.
बुद्धान पुत्रेभिरयं प्रतीहितो विमोक्षकामानयु मार्गु देशितः । प्रीतिश्च तस्मिन् सुगतात्मजानां श्रुणित्विमं शान्त समाधि दुर्दृशम्
buddhāna putrebhirayaṃ pratīhito vimokṣakāmānayu mārgu deśitaḥ / prītiśca tasmin sugatātmajānāṃ śruṇitvimaṃ śānta samādhi durdṛśam
Sanskrit only: no published translation is held for this verse.
या बुद्धज्ञानस्य च पारिपूरिता याभेषते पण्डितु बोधिसत्त्वः । विशुद्धचित्तश्च शुचिर्निरङ्गणो इमं निषेवेत समाधि शान्तम्
yā buddhajñānasya ca pāripūritā yābheṣate paṇḍitu bodhisattvaḥ / viśuddhacittaśca śucirniraṅgaṇo imaṃ niṣeveta samādhi śāntam
Sanskrit only: no published translation is held for this verse.