Library·Sāmaveda Saṃhitā (Kauthuma)·2
इन्द्र ज्येष्ठं न आ भर ओजिष्ठं पुपुरि श्रवः । यद्दिधृक्षेम वज्रहस्त रोदसी ओभे सुशिप्र पप्राः ॥ ५८६
indra jyeṣṭhaṃ na ā bhara ojiṣṭhaṃ pupuri śravaḥ . yaddidhṛkṣema vajrahasta rodasī obhe suśipra paprāḥ .. 586
Sanskrit only: no published translation is held for this verse.
इन्द्रो राजा जगतश्चर्षणीनामधिक्षमा विश्वरूपं यदस्य । ततो ददाति दाशुषे वसूनि चोदद्राध उपस्तुतं चिदर्वाक् ॥ ५८७
indro rājā jagataścarṣaṇīnāmadhikṣamā viśvarūpaṃ yadasya . tato dadāti dāśuṣe vasūni codadrādha upastutaṃ cidarvāk .. 587
King of the living world, of men, is Indra, of all in varied form that earth containeth. Thence to the worshipper he giveth riches: may he enrich us also when we laud him.
Translated by Ralph T. H. Griffith (1896)This is the translator's rendering of the same verse where it occurs at RV 7.27.3; the wording of this text may differ in places.
यस्येदमा रजोयुजस्तुजे जने वनं स्वः । इन्द्रस्य रन्त्यं बृहत् ॥ ५८८
yasyedamā rajoyujastuje jane vanaṃ svaḥ . indrasya rantyaṃ bṛhat .. 588
Sanskrit only: no published translation is held for this verse.
उदुत्तमं वरुण पाशमस्मदवाधमं वि मध्यमं श्रथाय । अथादित्य व्रते वयं तवानागसो अदितये स्याम ॥ ५८९
uduttamaṃ varuṇa pāśamasmadavādhamaṃ vi madhyamaṃ śrathāya . athāditya vrate vayaṃ tavānāgaso aditaye syāma .. 589
Sanskrit only: no published translation is held for this verse.
त्वया वयं पवमानेन सोम भरे कृतं वि चिनुयाम शश्वत् । तन्नो मित्रो वरुणो मामहन्तामदितिः सिन्धुः पृथिवी उत द्यौः ॥ ५९०
tvayā vayaṃ pavamānena soma bhare kṛtaṃ vi cinuyāma śaśvat . tanno mitro varuṇo māmahantāmaditiḥ sindhuḥ pṛthivī uta dyauḥ .. 590
Soma, may we, with thee as Pavamana, pile up together all our spoil in battle. This boon vouchsafe us Varuna and Mitra, and Aditi and Sindhu, Earth and Heaven.
Translated by Ralph T. H. Griffith (1896)This is the translator's rendering of the same verse where it occurs at RV 9.97.58; the wording of this text may differ in places.
इमं वृषणं कृणुतैकमिन्माम् ॥ ५९१
imaṃ vṛṣaṇaṃ kṛṇutaikaminmām .. 591
Sanskrit only: no published translation is held for this verse.
स न इन्द्राय यज्यवे वरुणाय मरुद्भ्यः । वरिवोवित्परिस्रव ॥ ५९२
sa na indrāya yajyave varuṇāya marudbhyaḥ . varivovitparisrava .. 592
Finder of room and freedom, flow for Indra whom we must adore, For Varuna and the Marut host.
Translated by Ralph T. H. Griffith (1896)This is the translator's rendering of the same verse where it occurs at RV 9.61.12; the wording of this text may differ in places.
एना विश्वान्यर्य आ द्युम्नानि मानुषाणाम् । सिषासन्तो वनामहे ॥ ५९३
enā viśvānyarya ā dyumnāni mānuṣāṇām . siṣāsanto vanāmahe .. 593
Striving to win, with him we gain all wealth from the ungodly man, Yea, all the glories of mankind.
Translated by Ralph T. H. Griffith (1896)This is the translator's rendering of the same verse where it occurs at RV 9.61.11; the wording of this text may differ in places.
अहमस्मि प्रथमजा ऋतस्य पूर्वं देवेभ्यो अमृतस्य नाम । यो मा ददाति स इदेवमावदहमन्नमन्नमदन्तमद्मि ॥ ५९४
ahamasmi prathamajā ṛtasya pūrvaṃ devebhyo amṛtasya nāma . yo mā dadāti sa idevamāvadahamannamannamadantamadmi .. 594
Sanskrit only: no published translation is held for this verse.
त्वमेतदधारयः कृष्णासु रोहिणीषु च । परुष्णीषु रुशत्पयः ॥ ५९५
tvametadadhārayaḥ kṛṣṇāsu rohiṇīṣu ca . paruṣṇīṣu ruśatpayaḥ .. 595
Sanskrit only: no published translation is held for this verse.
अरूरुचदुषसः पृश्निरग्रिय उक्षा मिमेति भुवनेषु वाजयुः । मायाविनो ममिरे अस्य मायया नृचक्षसः पितरो गर्भमादधुः ॥ ५९६
arūrucaduṣasaḥ pṛśniragriya ukṣā mimeti bhuvaneṣu vājayuḥ . māyāvino mamire asya māyayā nṛcakṣasaḥ pitaro garbhamādadhuḥ .. 596
Sanskrit only: no published translation is held for this verse.
इन्द्र इद्धर्योः सचा सम्मिश्ल आ वचोयुजा । इन्द्रो वज्री हिरण्ययः ॥ ५९७
indra iddharyoḥ sacā sammiśla ā vacoyujā . indro vajrī hiraṇyayaḥ .. 597
Indra hath ever close to him his two bay steeds and word-yoked car, Indra the golden, thunder-armed.
Translated by Ralph T. H. Griffith (1896)This is the translator's rendering of the same verse where it occurs at RV 1.7.2; the wording of this text may differ in places.
इन्द्र वाजेषु नो ऽव सहस्रप्रधनेषु च । उग्र उग्राभिरूतिभिः ॥ ५९८
indra vājeṣu no 'va sahasrapradhaneṣu ca . ugra ugrābhirūtibhiḥ .. 598
Help us, O Indra, in the frays, yea, frays, where thousand spoils are gained, With awful aids, O awful One.
Translated by Ralph T. H. Griffith (1896)This is the translator's rendering of the same verse where it occurs at RV 1.7.4; the wording of this text may differ in places.
प्रथश्च यस्य सप्रथश्च नामानुष्टुभस्य हविषो हविर्यत् । धातुर्द्युतानात्सवितुश्च विष्णो रथन्तरमा जभारा वसिष्ठः ॥ ५९९
prathaśca yasya saprathaśca nāmānuṣṭubhasya haviṣo haviryat . dhāturdyutānātsavituśca viṣṇo rathantaramā jabhārā vasiṣṭhaḥ .. 599
Vasistha mastered the Rathantara, took it from radiant Dhatar, Savitar, and Visnu, Oblation, portion of fourfold oblation, known by the names of Saprathas and Prathas.
Translated by Ralph T. H. Griffith (1896)This is the translator's rendering of the same verse where it occurs at RV 10.181.1; the wording of this text may differ in places.
नियुत्वान्वायवा गह्ययं शुक्रो अयामि ते । गन्तासि सुन्वतो गृहम् ॥ ६००
niyutvānvāyavā gahyayaṃ śukro ayāmi te . gantāsi sunvato gṛham .. 600
Drawn by thy team, O Vayu, come; to thee is offered this, the pure. Thou visitest the presser's house.
Translated by Ralph T. H. Griffith (1896)This is the translator's rendering of the same verse where it occurs at RV 2.41.2; the wording of this text may differ in places.
यज्जायथा अपूर्व्य मघवन्वृत्रहत्याय । तत्पृथिवीमप्रथयस्तदस्तभ्ना उतो दिवम् ॥ ६०१
yajjāyathā apūrvya maghavanvṛtrahatyāya . tatpṛthivīmaprathayastadastabhnā uto divam .. 601
Sanskrit only: no published translation is held for this verse.
मयि वर्चो अथो यशो ऽथो यज्ञस्य यत्पयः । परमेष्ठी प्रजापतिर्दिवि द्यामिव दृंहतु ॥ ६०२
mayi varco atho yaśo 'tho yajñasya yatpayaḥ . parameṣṭhī prajāpatirdivi dyāmiva dṛṃhatu .. 602
Sanskrit only: no published translation is held for this verse.
सं ते पयांसि समु यन्तु वाजाः सं वृष्ण्यान्यभिमातिषाहः । आप्यायमानो अमृताय सोम दिवि श्रवांस्युत्तमानि धिष्व ॥ ६०३
saṃ te payāṃsi samu yantu vājāḥ saṃ vṛṣṇyānyabhimātiṣāhaḥ . āpyāyamāno amṛtāya soma divi śravāṃsyuttamāni dhiṣva .. 603
Sanskrit only: no published translation is held for this verse.
त्वमिमा ओषधीः सोम विश्वास्त्वमपो अजनयस्त्वं गाः । त्वमातनोरुर्वा३न्तरिक्षं त्वं ज्योतिषा वि तमो ववर्थ ॥ ६०४
tvamimā oṣadhīḥ soma viśvāstvamapo ajanayastvaṃ gāḥ . tvamātanorurvā3ntarikṣaṃ tvaṃ jyotiṣā vi tamo vavartha .. 604
Sanskrit only: no published translation is held for this verse.
अग्निमीडे पुरोहितं यज्ञस्य देवमृत्विजम् । होतारं रत्नधातमम् ॥ ६०५
agnimīḍe purohitaṃ yajñasya devamṛtvijam . hotāraṃ ratnadhātamam .. 605
Sanskrit only: no published translation is held for this verse.
ते मन्वत प्रथमं नाम गोनां त्रिः सप्त परमं नाम जनान् । ता जानतीरभ्यनूषत क्षा आविर्भुवन्नरुणीर्यशसा गावः ॥ ६०६
te manvata prathamaṃ nāma gonāṃ triḥ sapta paramaṃ nāma janān . tā jānatīrabhyanūṣata kṣā āvirbhuvannaruṇīryaśasā gāvaḥ .. 606
Sanskrit only: no published translation is held for this verse.
समन्या यन्त्युपयन्त्यन्याः समानमूर्वं नद्यस्पृणन्ति । तमू शुचिं शुचयो दीदिवांसमपान्नपातमुप यन्त्यापः ॥ ६०७
samanyā yantyupayantyanyāḥ samānamūrvaṃ nadyaspṛṇanti . tamū śuciṃ śucayo dīdivāṃsamapānnapātamupa yantyāpaḥ .. 607
Some floods unite themselves and others join them: die sounding rivers fill one common storehouse. On every side the bright Floods have encompassed the bright resplendent Offspring of the Waters.
Translated by Ralph T. H. Griffith (1896)This is the translator's rendering of the same verse where it occurs at RV 2.35.3; the wording of this text may differ in places.
आ प्रागाद्भद्रा युवतिरह्नः केतून्त्समीर्त्सति । अभूद्भद्रा निवेशनी विश्वस्य जगतो रात्री ॥ ६०८
ā prāgādbhadrā yuvatirahnaḥ ketūntsamīrtsati . abhūdbhadrā niveśanī viśvasya jagato rātrī .. 608
Sanskrit only: no published translation is held for this verse.
प्रक्षस्य वृष्णो अरुषस्य नू महः प्र नो वचो विदथा जातवेदसे । वैश्वानराय मतिर्नव्यसे शुचिः सोम इव पवते चारुरग्नये ॥ ६०९
prakṣasya vṛṣṇo aruṣasya nū mahaḥ pra no vaco vidathā jātavedase . vaiśvānarāya matirnavyase śuciḥ soma iva pavate cāruragnaye .. 609
At Jatavedas' holy gathering I will tell aloud the conquering might of the swift red-hued Steer. A pure and fresher hymn flows to Vaisvanara, even as for Agni lovely Soma is made pure.
Translated by Ralph T. H. Griffith (1896)This is the translator's rendering of the same verse where it occurs at RV 6.8.1; the wording of this text may differ in places.
विश्वे देवा मम शृण्वन्तु यज्ञमुभे रोदसी अपां नपाच्च मन्म । मा वो वचांसि परिचक्ष्याणि वोचं सुम्नेष्विद्वो अन्तमा मदेम ॥ ६१०
viśve devā mama śṛṇvantu yajñamubhe rodasī apāṃ napācca manma . mā vo vacāṃsi paricakṣyāṇi vocaṃ sumneṣvidvo antamā madema .. 610
May the All-Gods who claim our worship hear my thought; may the two World-halves hear it, and the Waters' Child. Let me not utter words that ye may disregard. Closely allied with you may we rejoice in bliss.
Translated by Ralph T. H. Griffith (1896)This is the translator's rendering of the same verse where it occurs at RV 6.52.14; the wording of this text may differ in places.
यशो मा द्यावापृथिवी यशो मेन्द्रबृहस्पती । यशो भगस्य विन्दतु यशो मा प्रतिमुच्यताम् । यशस्व्या३स्याः सं सदो ऽहं प्रवदिता स्याम् ॥ ६११
yaśo mā dyāvāpṛthivī yaśo mendrabṛhaspatī . yaśo bhagasya vindatu yaśo mā pratimucyatām . yaśasvyā3syāḥ saṃ sado 'haṃ pravaditā syām .. 611
Sanskrit only: no published translation is held for this verse.
इन्द्रस्य नु वीर्याणि प्रवोचं यानि चकार प्रथमानि वज्री । अहन्नहिमन्वपस्ततर्द प्र वक्षणा अभिनत्पर्वतानाम् ॥ ६१२
indrasya nu vīryāṇi pravocaṃ yāni cakāra prathamāni vajrī . ahannahimanvapastatarda pra vakṣaṇā abhinatparvatānām .. 612
Sanskrit only: no published translation is held for this verse.
अग्निरस्मि जन्मना जातवेदा घृतं मे चक्षुरमृतं म आसन् । त्रिधातुरर्को रजसो विमानो ऽजस्रं ज्योतिर्हविरस्मि सर्वम् ॥ ६१३
agnirasmi janmanā jātavedā ghṛtaṃ me cakṣuramṛtaṃ ma āsan . tridhāturarko rajaso vimāno 'jasraṃ jyotirhavirasmi sarvam .. 613
Sanskrit only: no published translation is held for this verse.
पात्यग्निर्विपो अग्रं पदं वेः पाति यह्वश्चरणं सूर्यस्य । पाति नाभा सप्तशीर्षाणमग्निः ॥ ६१४
pātyagnirvipo agraṃ padaṃ veḥ pāti yahvaścaraṇaṃ sūryasya . pāti nābhā saptaśīrṣāṇamagniḥ .. 614
Sanskrit only: no published translation is held for this verse.
भ्राजन्त्यग्ने समिधान दीदिवो जिह्वा चरत्यन्तरासनि । स त्वं नो अग्ने पयसा वसुविद्रयिं वर्चो दृशे ऽदाः ॥ ६१५
bhrājantyagne samidhāna dīdivo jihvā caratyantarāsani . sa tvaṃ no agne payasā vasuvidrayiṃ varco dṛśe 'dāḥ .. 615
Sanskrit only: no published translation is held for this verse.
वसन्त इन्नु रन्त्यो ग्रीष्म इन्नु रन्त्यः । वर्षाण्यनु शरदो हेमन्तः शिशिर इन्नु रन्त्यः ॥ ६१६
vasanta innu rantyo grīṣma innu rantyaḥ . varṣāṇyanu śarado hemantaḥ śiśira innu rantyaḥ .. 616
Sanskrit only: no published translation is held for this verse.
सहस्रशीर्षा पुरुषः सहस्राक्षः सहस्रपात् । स भूमिं सर्वतो वृत्वात्यतिष्ठद्दशाङ्गुलम् ॥ ६१७
sahasraśīrṣā puruṣaḥ sahasrākṣaḥ sahasrapāt . sa bhūmiṃ sarvato vṛtvātyatiṣṭhaddaśāṅgulam .. 617
A THOUSAND heads hath Purusa, a thousand eyes, a thousand feet. On every side pervading earth he fills a space ten fingers wide.
Translated by Ralph T. H. Griffith (1896)This is the translator's rendering of the same verse where it occurs at RV 10.90.1; the wording of this text may differ in places.
त्रिपादूर्ध्व उदैत्पुरुषः पदो ऽस्येहाभवत्पुनः । तथा विष्वङ् व्यक्रामदशनानशने अभि ॥ ६१८
tripādūrdhva udaitpuruṣaḥ pado 'syehābhavatpunaḥ . tathā viṣvaṅ vyakrāmadaśanānaśane abhi .. 618
With three-fourths Purusa went up: one fourth of him again was here. Thence he strode out to every side over what eats not and what eats.
Translated by Ralph T. H. Griffith (1896)This is the translator's rendering of the same verse where it occurs at RV 10.90.4; the wording of this text may differ in places.
पुरुष एवेदं सर्वं यद्भूतं यच्च भाव्यम् । पादो ऽस्य सर्वा भूतानि त्रिपादस्यामृतं दिवि ॥ ६१९
puruṣa evedaṃ sarvaṃ yadbhūtaṃ yacca bhāvyam . pādo 'sya sarvā bhūtāni tripādasyāmṛtaṃ divi .. 619
Sanskrit only: no published translation is held for this verse.
तावानस्य महिमा ततो ज्यायांश्च पूरुषः । उतामृतत्वस्येशानो यदन्नेनातिरोहति ॥ ६२०
tāvānasya mahimā tato jyāyāṃśca pūruṣaḥ . utāmṛtatvasyeśāno yadannenātirohati .. 620
Sanskrit only: no published translation is held for this verse.
ततो विराडजायत विराजो अधि पूरुषः । स जातो अत्यरिच्यत पश्चाद्भूमिमथो पुरः ॥ ६२१
tato virāḍajāyata virājo adhi pūruṣaḥ . sa jāto atyaricyata paścādbhūmimatho puraḥ .. 621
From him Viraj was born; again Purusa from Viraj was born. As soon as he was born he spread eastward and westward o'er the earth.
Translated by Ralph T. H. Griffith (1896)This is the translator's rendering of the same verse where it occurs at RV 10.90.5; the wording of this text may differ in places.
मन्ये वां द्यावापृथिवी सुभोजसौ ये अप्रथेथाममितमभि योजनम् । द्यावापृथिवी भवतं स्योने ते नो मुञ्चतमंहसः ॥ ६२२
manye vāṃ dyāvāpṛthivī subhojasau ye aprathethāmamitamabhi yojanam . dyāvāpṛthivī bhavataṃ syone te no muñcatamaṃhasaḥ .. 622
Sanskrit only: no published translation is held for this verse.
हरी त इन्द्र श्मश्रूण्युतो ते हरितौ हरि । तं त्वा स्तुवन्ति कवयः पुरुषासो वनर्गवः ॥ ६२३
harī ta indra śmaśrūṇyuto te haritau hari . taṃ tvā stuvanti kavayaḥ puruṣāso vanargavaḥ .. 623
Sanskrit only: no published translation is held for this verse.
यद्वर्चो हिरण्यस्य यद्वा वर्चो गवामुत । सत्यस्य ब्रह्मणो वर्चस्तेन मा सं सृजामसि ॥ ६२४
yadvarco hiraṇyasya yadvā varco gavāmuta . satyasya brahmaṇo varcastena mā saṃ sṛjāmasi .. 624
Sanskrit only: no published translation is held for this verse.
सहस्तन्न इन्द्र दद्ध्योज ईशे ह्यस्य महतो विरप्शिन् । क्रतुं न नृम्णं स्थविरं च वाजं वृत्रेषु शत्रून्त्सुहना कृधी नः ॥ ६२५
sahastanna indra daddhyoja īśe hyasya mahato virapśin . kratuṃ na nṛmṇaṃ sthaviraṃ ca vājaṃ vṛtreṣu śatrūntsuhanā kṛdhī naḥ .. 625
Sanskrit only: no published translation is held for this verse.
सहर्षभाः सहवत्सा उदेत विश्वा रूपाणी बिभ्रतीर्द्व्यूद्नीः । उरुः पृथुरयं वो अस्तु लोक इमा आपः सुप्रपाणा इह स्त ॥ ६२६
saharṣabhāḥ sahavatsā udeta viśvā rūpāṇī bibhratīrdvyūdnīḥ . uruḥ pṛthurayaṃ vo astu loka imā āpaḥ suprapāṇā iha sta .. 626
Sanskrit only: no published translation is held for this verse.
अग्न आयूंषि पवस आसुवोर्जमिषं च नः । आरे बाधस्व दुच्छुनाम् ॥ ६२७
agna āyūṃṣi pavasa āsuvorjamiṣaṃ ca naḥ . āre bādhasva ducchunām .. 627
Agni, thou pourest life; send down upon us food and vigorous strength; Drive thou misfortune far away,
Translated by Ralph T. H. Griffith (1896)This is the translator's rendering of the same verse where it occurs at RV 9.66.19; the wording of this text may differ in places.
विभ्राङ्बृहत्पिबतु सोम्यं मध्वायुर्दधद्यज्ञपतावविह्रुतम् । वातजूतो यो अभिरक्षति त्मना प्रजाः पिपर्ति बहुधा वि राजति ॥ ६२८
vibhrāṅbṛhatpibatu somyaṃ madhvāyurdadhadyajñapatāvavihrutam . vātajūto yo abhirakṣati tmanā prajāḥ piparti bahudhā vi rājati .. 628
May the Bright God drink glorious Soma-mingled meath, giving the sacrifice's lord uninjured life; He who, wind-urged, in person guards our offspring well, hath nourished them with food and shines o'er many a land.
Translated by Ralph T. H. Griffith (1896)This is the translator's rendering of the same verse where it occurs at RV 10.170.1; the wording of this text may differ in places.
चित्रं देवानामुदगादनीकं चक्षुर्मित्रस्य वरुणस्याग्नेः । आप्रा द्यावापृथिवी अन्तरिक्षं सूर्य आत्मा जगतस्तस्थुषश्च ॥ ६२९
citraṃ devānāmudagādanīkaṃ cakṣurmitrasya varuṇasyāgneḥ . āprā dyāvāpṛthivī antarikṣaṃ sūrya ātmā jagatastasthuṣaśca .. 629
The brilliant presence of the Gods hath risen, the eye of Mitra, Varuna and Agni. The soul of all that moveth not or moveth, the Sun hath filled the air and earth and heaven.
Translated by Ralph T. H. Griffith (1896)This is the translator's rendering of the same verse where it occurs at RV 1.115.1; the wording of this text may differ in places.
आयं गौः पृश्निरक्रमीदसदन्मातरं पुरः । पितरं च प्रयन्त्स्वः ॥ ६३०
āyaṃ gauḥ pṛśnirakramīdasadanmātaraṃ puraḥ . pitaraṃ ca prayantsvaḥ .. 630
This spotted Bull hath come, and sat before the Mother in the east, Advancing to his Father heaven.
Translated by Ralph T. H. Griffith (1896)This is the translator's rendering of the same verse where it occurs at RV 10.189.1; the wording of this text may differ in places.
अन्तश्चरति रोचनास्य प्राणादपानती । व्यख्यन्महिषो दिवम् ॥ ६३१
antaścarati rocanāsya prāṇādapānatī . vyakhyanmahiṣo divam .. 631
Expiring when he draws his breath, she moves along the lucid spheres: The Bull shines out through all the sky.
Translated by Ralph T. H. Griffith (1896)This is the translator's rendering of the same verse where it occurs at RV 10.189.2; the wording of this text may differ in places.
त्रिंषद्धाम वि राजति वाक्पतङ्गाय धीयते । प्रति वस्तोरह द्युभिः ॥ ६३२
triṃṣaddhāma vi rājati vākpataṅgāya dhīyate . prati vastoraha dyubhiḥ .. 632
Song is bestowed upon the Bird: it rules supreme through thirty realms Throughout the days at break of morn.
Translated by Ralph T. H. Griffith (1896)This is the translator's rendering of the same verse where it occurs at RV 10.189.3; the wording of this text may differ in places.
अप त्ये तायवो यथा नक्षत्रा यन्त्यक्तुभिः । सूराय विश्वचक्षसे ॥ ६३३
apa tye tāyavo yathā nakṣatrā yantyaktubhiḥ . sūrāya viśvacakṣase .. 633
The constellations pass away, like thieves, together with their beams, Before the all-beholding Sun.
Translated by Ralph T. H. Griffith (1896)This is the translator's rendering of the same verse where it occurs at RV 1.50.2; the wording of this text may differ in places.
अदृश्रन्नस्य केतवो वि रश्मयो जनां अनु । भ्राजन्तो अग्नयो यथा ॥ ६३४
adṛśrannasya ketavo vi raśmayo janāṃ anu . bhrājanto agnayo yathā .. 634
Sanskrit only: no published translation is held for this verse.
तरणिर्विश्वदर्शतो ज्योतिष्कृदसि सूर्य । विश्वमाभासि रोचनम् ॥ ६३५
taraṇirviśvadarśato jyotiṣkṛdasi sūrya . viśvamābhāsi rocanam .. 635
Swift and all beautiful art thou, O Surya, maker of the light, Illuming all the radiant realm.
Translated by Ralph T. H. Griffith (1896)This is the translator's rendering of the same verse where it occurs at RV 1.50.4; the wording of this text may differ in places.
प्रत्यङ् देवानां विशः प्रत्यङ्ङुदेषि मानुषान् । प्रत्यङ् विश्वं स्वर्दृशे ॥ ६३६
pratyaṅ devānāṃ viśaḥ pratyaṅṅudeṣi mānuṣān . pratyaṅ viśvaṃ svardṛśe .. 636
Thou goest to the hosts of Gods, thou comest hither to mankind, Hither all light to be beheld.
Translated by Ralph T. H. Griffith (1896)This is the translator's rendering of the same verse where it occurs at RV 1.50.5; the wording of this text may differ in places.
येना पावक चक्षसा भुरण्यन्तं जनां अनु । त्वं वरुण पश्यसि ॥ ६३७
yenā pāvaka cakṣasā bhuraṇyantaṃ janāṃ anu . tvaṃ varuṇa paśyasi .. 637
With that same eye of thine wherewith thou lookest brilliant Varuna, Upon the busy race of men,
Translated by Ralph T. H. Griffith (1896)This is the translator's rendering of the same verse where it occurs at RV 1.50.6; the wording of this text may differ in places.
उद्द्यामेषि रजः पृथ्वहा मिमानो अक्तुभिः । पश्यञ्जन्मानि सूर्य ॥ ६३८
uddyāmeṣi rajaḥ pṛthvahā mimāno aktubhiḥ . paśyañjanmāni sūrya .. 638
Traversing sky and wide mid-air, thou metest with thy beams our days, Sun, seeing all things that have birth.
Translated by Ralph T. H. Griffith (1896)This is the translator's rendering of the same verse where it occurs at RV 1.50.7; the wording of this text may differ in places.
अयुक्त सप्त शुन्ध्युवः सूरो रथस्य नप्त्र्यः । ताभिर्याति स्वयुक्तिभिः ॥ ६३९
ayukta sapta śundhyuvaḥ sūro rathasya naptryaḥ . tābhiryāti svayuktibhiḥ .. 639
Surya hath yoked the pure bright Seven, the daughters of the car; with these, His own dear team, he goeth forth.
Translated by Ralph T. H. Griffith (1896)This is the translator's rendering of the same verse where it occurs at RV 1.50.9; the wording of this text may differ in places.
सप्त त्वा हरितो रथे वहन्ति देव सूर्य । शोचिष्केशं विचक्षण ॥ ६४०
sapta tvā harito rathe vahanti deva sūrya . śociṣkeśaṃ vicakṣaṇa .. 640
Seven Bay Steeds harnessed to thy car bear thee, O thou farseeing One, God, Surya, with the radiant hair.
Translated by Ralph T. H. Griffith (1896)This is the translator's rendering of the same verse where it occurs at RV 1.50.8; the wording of this text may differ in places.