Jiva Gosvamin: Samkalpakalpadruma 1

धर्मदाननिदानश्रीः शूरः२ सुरतमानसः । मान्यसामान्यवर्धिष्णुमान्यताक्रियताप्रियः३

dharmadānanidānaśrīḥ śūraḥ2 suratamānasaḥ | mānyasāmānyavardhiṣṇumānyatākriyatāpriyaḥ3

Sanskrit only: no published translation is held for this verse.

अक्षीणविनयः सुष्ठु लज्जितः कूटवर्जितः । कीर्तिप्रतापपूर्तिभ्यां कृतसल्लोकजूर्तिकः

akṣīṇavinayaḥ suṣṭhu lajjitaḥ kūṭavarjitaḥ | kīrtipratāpapūrtibhyāṃ kṛtasallokajūrtikaḥ

Sanskrit only: no published translation is held for this verse.

साधूनां माधुरीदानान् नित्यं साधुसमाश्रयः । द्विषां च मुक्तिकृन् मुक्तिभागाकर्षिगुणाम्बुधिः

sādhūnāṃ mādhurīdānān nityaṃ sādhusamāśrayaḥ | dviṣāṃ ca muktikṛn muktibhāgākarṣiguṇāmbudhiḥ

Sanskrit only: no published translation is held for this verse.

नानाभाषालिसम्भाषो देव४पर्यन्तदेवनः । प्रत्यग्वादिन्य् अपि प्रीति५सत्यतास्फुरदीरितः

nānābhāṣālisambhāṣo deva4paryantadevanaḥ | pratyagvādiny api prīti5satyatāsphuradīritaḥ

Sanskrit only: no published translation is held for this verse.

वावदूकः६ सुधीमूकस्थितिकारिसुधीधरः । दृष्टमात्रतया सर्वबुधतां७ बुधतागुरुः

vāvadūkaḥ6 sudhīmūkasthitikārisudhīdharaḥ | dṛṣṭamātratayā sarvabudhatāṃ7 budhatāguruḥ

Sanskrit only: no published translation is held for this verse.

योग्यानाम् अपि योग्याशी८ रङ्काङाम् अपि शङ्करः । शरणागतरक्षायाः शरणं शर्मकर्मठः

yogyānām api yogyāśī8 raṅkāṅām api śaṅkaraḥ | śaraṇāgatarakṣāyāḥ śaraṇaṃ śarmakarmaṭhaḥ

Sanskrit only: no published translation is held for this verse.

न च भक्तिं विनासक्ति९बिन्दुः सिन्धुवद् अन्तरः । समः सर्वत्र भक्तानां भक्त इत्य् अप्य् असौ समः

na ca bhaktiṃ vināsakti9binduḥ sindhuvad antaraḥ | samaḥ sarvatra bhaktānāṃ bhakta ity apy asau samaḥ

Sanskrit only: no published translation is held for this verse.

भक्तानां भक्ततानन्दी प्रेमस्थेमवशीकृतः । तत्तद्रूपगुणक्रीडाकृतस्वावधिविस्मयः

bhaktānāṃ bhaktatānandī premasthemavaśīkṛtaḥ | tattadrūpaguṇakrīḍākṛtasvāvadhivismayaḥ

Sanskrit only: no published translation is held for this verse.

स्नेहाभिषेकाद् विश्वेषां प्राज्यसाम्राज्यपूजितः । सर्वत्र स्नेहपीयूषवर्षिनित्यनवम्बुदः

snehābhiṣekād viśveṣāṃ prājyasāmrājyapūjitaḥ | sarvatra snehapīyūṣavarṣinityanavambudaḥ

Sanskrit only: no published translation is held for this verse.

गोष्ठवृन्दाटवीशंसिवंशीगानमधून्मदः । निजप्रियावलीभाग्यस्पृहिविष्णुप्रियार्चितः

goṣṭhavṛndāṭavīśaṃsivaṃśīgānamadhūnmadaḥ | nijapriyāvalībhāgyaspṛhiviṣṇupriyārcitaḥ

Sanskrit only: no published translation is held for this verse.

किं बहूक्तेन सूक्तेन सूक्तेन श्रूयताम् इदम् । कृष्ण एव हि कृष्णः स्यात् कृष्णः स्यात् कृष्ण एव हि

kiṃ bahūktena sūktena sūktena śrūyatām idam | kṛṣṇa eva hi kṛṣṇaḥ syāt kṛṣṇaḥ syāt kṛṣṇa eva hi

Sanskrit only: no published translation is held for this verse.

यस् तादृग्गुणवान् गोष्ठं नात्यन्तं त्यक्तुम् अर्हति । तादृग्गुणान्वयिप्रेम्ना तस्य बद्धश् च तद् यथा

yas tādṛgguṇavān goṣṭhaṃ nātyantaṃ tyaktum arhati | tādṛgguṇānvayipremnā tasya baddhaś ca tad yathā

Sanskrit only: no published translation is held for this verse.

यः सङ्कल्पं व्यधाद् एवंकिञ्च भूधरधारणम् । सप्ततराप्य् अहोरात्राम् स्तन्मात्रङ्गीकृतिस्थितिः

yaḥ saṅkalpaṃ vyadhād evaṃkiñca bhūdharadhāraṇam | saptatarāpy ahorātrām stanmātraṅgīkṛtisthitiḥ

Sanskrit only: no published translation is held for this verse.

किं च यः सखिवत्सेषु लुञ्चितेषु विरिञ्चिना । ससर्जान्त्यांस् तदाकारन् परं स्वेनापरेण न

kiṃ ca yaḥ sakhivatseṣu luñciteṣu viriñcinā | sasarjāntyāṃs tadākāran paraṃ svenāpareṇa na

Sanskrit only: no published translation is held for this verse.

तथाप्य् अनिर्वृतिं गच्छंस् तान् आयच्छद् विरिञ्चितः । स्वप्रेमाधिकतत्प्रेमवशताम् आसदद् यतः

tathāpy anirvṛtiṃ gacchaṃs tān āyacchad viriñcitaḥ | svapremādhikatatpremavaśatām āsadad yataḥ

Sanskrit only: no published translation is held for this verse.

यस् तान् स्वस्मिन् बक-ग्रस्ते ग्रस्तेहा-प्राणता-मितान् । स्व-मात्र-प्राण-पात्राङ्गान् विदन् विन्दन्न् अपि स्थितः

yas tān svasmin baka-graste grastehā-prāṇatā-mitān | sva-mātra-prāṇa-pātrāṅgān vidan vindann api sthitaḥ

Sanskrit only: no published translation is held for this verse.

यस् तेष्व् अघ-निगीर्णेषु स्वयं कीर्णे हतां व्रजन् । तद्-गलान्तर् विशन्न् आत्म-निर्विशेषान् विवेद तान्

yas teṣv agha-nigīrṇeṣu svayaṃ kīrṇe hatāṃ vrajan | tad-galāntar viśann ātma-nirviśeṣān viveda tān

Sanskrit only: no published translation is held for this verse.

यस् तत्राप्य् अद्भुतं प्रेम श्रीमन्-नन्द-यशोदयोः । दम्पत्योर् नितराम् आसीद् गोप-गोपीष्व् इति स्मरन्

yas tatrāpy adbhutaṃ prema śrīman-nanda-yaśodayoḥ | dampatyor nitarām āsīd gopa-gopīṣv iti smaran

Sanskrit only: no published translation is held for this verse.

सदापि वेदवद् वेद तद् अशेषविदां वरः । यद् एव शुकदेवाद्या वाद्याभं जगुर् उच्चकैः

sadāpi vedavad veda tad aśeṣavidāṃ varaḥ | yad eva śukadevādyā vādyābhaṃ jagur uccakaiḥ

Sanskrit only: no published translation is held for this verse.

यः स्वीयाम् ऋणितां व्यक्तां त्यक्तां कर्तुम् अशक्नुवन् । न पारये ऽहम् इत्य्५ आद्यं प्रतिजज्ञे प्रियाः प्रति

yaḥ svīyām ṛṇitāṃ vyaktāṃ tyaktāṃ kartum aśaknuvan | na pāraye 'ham ity5 ādyaṃ pratijajñe priyāḥ prati

Sanskrit only: no published translation is held for this verse.

यः कंसाद्यान् दन्तवक्र-प्रान्तान्६ सान्तान्७ विनिर्ममे । तद् विना व्रजम् आगन्तुं शान्तिः स्यान्८ नेत्य् अचिन्तयत्

yaḥ kaṃsādyān dantavakra-prāntān6 sāntān7 vinirmame | tad vinā vrajam āgantuṃ śāntiḥ syān8 nety acintayat

Sanskrit only: no published translation is held for this verse.

यस् तन्-मध्ये समुत्कण्ठाम् उत्कण्ठां शमयन्न् इव । स्वस्थान् कर्तुं व्रजान्तः-स्थान् मुहुः सान्त्वनम् आदधे ॥१५९ यः स्व-प्रस्थान-समये "शरीर-स्था इमा नहि । भवेयुर्" इति सञ्जज्ञे प्रतिजज्ञे९ निजागतिम्

yas tan-madhye samutkaṇṭhām utkaṇṭhāṃ śamayann iva | svasthān kartuṃ vrajāntaḥ-sthān muhuḥ sāntvanam ādadhe ||159 yaḥ sva-prasthāna-samaye "śarīra-sthā imā nahi | bhaveyur" iti sañjajñe pratijajñe9 nijāgatim

Sanskrit only: no published translation is held for this verse.

यस् तत्र शुकदेवेन द्राघित-श्लाघितं१ स्तुतः । उभयेषां प्रेम-साम्यं व्यञ्जता व्यञ्जितास्पदः

yas tatra śukadevena drāghita-ślāghitaṃ1 stutaḥ | ubhayeṣāṃ prema-sāmyaṃ vyañjatā vyañjitāspadaḥ

Sanskrit only: no published translation is held for this verse.

यः कंसे लम्भित-ध्वंसे स्वं विनातिविलम्बितम् । कुर्वन्तं पितरं प्रोचे "शोचेः कथम् इतः पितः ॥१६५ यात यूयं व्रजं तात वयं च स्नेह-दुःखितान् । ज्ञातीन् वो द्रष्टुम् एष्यामो विधाय सुहृदां सुखम् ॥१६६॥५ स्नेहेन दुःखितान् इत्य् एतत् प्रोच्य स्नेहवस्तुनि । अतृप्तिं व्यानग् अत्रापि द्रष्टुम् इत्य् एव दर्शनम्

yaḥ kaṃse lambhita-dhvaṃse svaṃ vinātivilambitam | kurvantaṃ pitaraṃ proce "śoceḥ katham itaḥ pitaḥ ||165 yāta yūyaṃ vrajaṃ tāta vayaṃ ca sneha-duḥkhitān | jñātīn vo draṣṭum eṣyāmo vidhāya suhṛdāṃ sukham ||166||5 snehena duḥkhitān ity etat procya snehavastuni | atṛptiṃ vyānag atrāpi draṣṭum ity eva darśanam

Sanskrit only: no published translation is held for this verse.

पुरुषार्थतयावोचद् भाविकालतयापि च । अदृप्तेर् भाविकालस्य चानन्त्यात् तदनन्तकम्

puruṣārthatayāvocad bhāvikālatayāpi ca | adṛpter bhāvikālasya cānantyāt tadanantakam

Sanskrit only: no published translation is held for this verse.

तातज्ञातिपदाभ्यां च तद् युक्तम् इदम् उक्तवान् । सुहृदां सुखम् इत्य् आख्यास्यते यद्वत् तथा नहि

tātajñātipadābhyāṃ ca tad yuktam idam uktavān | suhṛdāṃ sukham ity ākhyāsyate yadvat tathā nahi

Sanskrit only: no published translation is held for this verse.

सुहृच्छब्देनोपकार्योपकारित्वं प्रतीयते । सुखं च सुहृदां गम्यम् उपकारमयं परम्

suhṛcchabdenopakāryopakāritvaṃ pratīyate | sukhaṃ ca suhṛdāṃ gamyam upakāramayaṃ param

Sanskrit only: no published translation is held for this verse.

विधायेति च पूर्वस्य कालस्य च्छिन्नरूपताम् । निर्दिशंस् तद्विधानस्य न्यदिशत् च्छिन्नरूपताम्

vidhāyeti ca pūrvasya kālasya cchinnarūpatām | nirdiśaṃs tadvidhānasya nyadiśat cchinnarūpatām

Sanskrit only: no published translation is held for this verse.

तस्मात् तेषां शत्रुवधः सुखं यत् तत् समाप्स्यति । ज्ञातीनां स्नेहशीलानां तत् तु वो न समाप्स्यति

tasmāt teṣāṃ śatruvadhaḥ sukhaṃ yat tat samāpsyati | jñātīnāṃ snehaśīlānāṃ tat tu vo na samāpsyati

Sanskrit only: no published translation is held for this verse.

इति प्रोच्येदम् अव्याञ्जीत् तेषां धैर्यप्रदं६ परम् । मागधादिवधान्तस्थं७ स्वस्थता धाम यद् भवेत्

iti procyedam avyāñjīt teṣāṃ dhairyapradaṃ6 param | māgadhādivadhāntasthaṃ7 svasthatā dhāma yad bhavet

Sanskrit only: no published translation is held for this verse.

जरासन्धादिशत्रूणां प्रतिबन्धान् उपेक्ष्य च । यद्य् एष्याम्य् अनुसन्धानं कुर्युस् तत्रापि ते द्विषः

jarāsandhādiśatrūṇāṃ pratibandhān upekṣya ca | yady eṣyāmy anusandhānaṃ kuryus tatrāpi te dviṣaḥ

Sanskrit only: no published translation is held for this verse.

स्वेषाम् एव प्रतिज्ञाय व्रजागमनम् ईश्वरः । न यूयम् अत्रायातेति व्यज्य व्याञ्जीद् इदं पुनः

sveṣām eva pratijñāya vrajāgamanam īśvaraḥ | na yūyam atrāyāteti vyajya vyāñjīd idaṃ punaḥ

Sanskrit only: no published translation is held for this verse.

यदि वात्र भवन्तः स्युर् गमागमविधायिनः । तथाप्य् अच्छिन्नमत्स्नेहं ज्ञात्वा हन्युर् व्रजं द्विषः

yadi vātra bhavantaḥ syur gamāgamavidhāyinaḥ | tathāpy acchinnamatsnehaṃ jñātvā hanyur vrajaṃ dviṣaḥ

Sanskrit only: no published translation is held for this verse.

तस्मात् तावद् धीरभावं विधत्त व्रजसंसदि । मां च युष्मत्प्रियं नित्यं लालनं च समाप्स्यथ

tasmāt tāvad dhīrabhāvaṃ vidhatta vrajasaṃsadi | māṃ ca yuṣmatpriyaṃ nityaṃ lālanaṃ ca samāpsyatha

Sanskrit only: no published translation is held for this verse.

यः सङ्गत्य गुरोर् गेहात् प्रतत्य स्वव्रजस्मृतिम् । प्राहिणोद् उद्धवं वक्तुं सुनिश्चितम् इदं यथा

yaḥ saṅgatya guror gehāt pratatya svavrajasmṛtim | prāhiṇod uddhavaṃ vaktuṃ suniścitam idaṃ yathā

Sanskrit only: no published translation is held for this verse.

यः सास्रम् उद्धवं सास्रः पतिस् तासां स्वयं रहः । असङ्कोचम् अवोचेत्थं प्रेष्ठम् एकान्तिनं क्वचित्

yaḥ sāsram uddhavaṃ sāsraḥ patis tāsāṃ svayaṃ rahaḥ | asaṅkocam avocetthaṃ preṣṭham ekāntinaṃ kvacit

Sanskrit only: no published translation is held for this verse.

गृहीत्वा पाणिना पाणिं प्रपन्नार्तिहरो हरिः । गच्छोद्धव व्रजं सौम्य पित्रोर् नः प्रीतिम् आवह

gṛhītvā pāṇinā pāṇiṃ prapannārtiharo hariḥ | gacchoddhava vrajaṃ saumya pitror naḥ prītim āvaha

Sanskrit only: no published translation is held for this verse.

गोपीनां मद्वियोगाधिं मत्सन्देशैर् विमोचय । ता मन्मनस्का मत्प्राणा मदर्थे त्यक्तदैहिकाः

gopīnāṃ madviyogādhiṃ matsandeśair vimocaya | tā manmanaskā matprāṇā madarthe tyaktadaihikāḥ

Sanskrit only: no published translation is held for this verse.

माम् एव दयितं प्रेष्ठम् आत्मानं मनसा गताः । ये त्यक्तलोकधर्माश् च मदर्थे तान् बिभर्म्य् अहम्

mām eva dayitaṃ preṣṭham ātmānaṃ manasā gatāḥ | ye tyaktalokadharmāś ca madarthe tān bibharmy aham

Sanskrit only: no published translation is held for this verse.

मयि ताः प्रेयसां प्रेष्ठे दूरस्थे गोकुलस्त्रियः । स्मरन्त्यो ऽङ्ग विमुह्यन्ति विरहौत्कण्ठ्यविह्वलाः

mayi tāḥ preyasāṃ preṣṭhe dūrasthe gokulastriyaḥ | smarantyo 'ṅga vimuhyanti virahautkaṇṭhyavihvalāḥ

Sanskrit only: no published translation is held for this verse.

यस् तथा प्रोच्य यत् प्रत्याययत् तच् च विलोच्यताम् । यद् विलोचनमात्रेण भ्रमस् ते श्वभ्रतां व्रजेत्

yas tathā procya yat pratyāyayat tac ca vilocyatām | yad vilocanamātreṇa bhramas te śvabhratāṃ vrajet

Sanskrit only: no published translation is held for this verse.

माम् एवेत्य् आदिना तासाम् अन्तःपतिर् अहं परम् । बहिर् व्यवहृतिर् लोकदृष्टेति स्पष्टम् आतनोत्

mām evety ādinā tāsām antaḥpatir ahaṃ param | bahir vyavahṛtir lokadṛṣṭeti spaṣṭam ātanot

Sanskrit only: no published translation is held for this verse.

यत् पित्रोर् इत्य् उरीचक्रे पितृत्वं वल्लवेन्द्रयोः । तस्माद् वल्लवमानित्वम् आत्मानश् च व्यजिज्ञपत्

yat pitror ity urīcakre pitṛtvaṃ vallavendrayoḥ | tasmād vallavamānitvam ātmānaś ca vyajijñapat

Sanskrit only: no published translation is held for this verse.

तत्र चाह न इत्य् एतद् बहुवाचिपदाद् इदम् । मयि जाते तयोः पुत्रे रामे त्वयि च पुत्रता

tatra cāha na ity etad bahuvācipadād idam | mayi jāte tayoḥ putre rāme tvayi ca putratā

Sanskrit only: no published translation is held for this verse.

ततश् च ताः प्रति प्राख्यद् वल्लव्यो म इति स्फुटम् । यद् अमूषु स्वदारत्वे४ व्यानञ्ज स्वयम् अञ्जसा

tataś ca tāḥ prati prākhyad vallavyo ma iti sphuṭam | yad amūṣu svadāratve4 vyānañja svayam añjasā

Sanskrit only: no published translation is held for this verse.

मद्दारत्वंच तासां ताः सदा यस्मान् मदात्मिकाः । मदात्मकत्वम् आशु स्याद् अभेदाच् छक्तितद्वतोः

maddāratvaṃca tāsāṃ tāḥ sadā yasmān madātmikāḥ | madātmakatvam āśu syād abhedāc chaktitadvatoḥ

Sanskrit only: no published translation is held for this verse.

इति व्यञ्जन् मन्मनस्का इत्य् उक्तं नात्यपैक्षतः । न चान्यवद् इहापेक्ष्यम् अन्यद् इत्य् अप्य् अमन्यत

iti vyañjan manmanaskā ity uktaṃ nātyapaikṣataḥ | na cānyavad ihāpekṣyam anyad ity apy amanyata

Sanskrit only: no published translation is held for this verse.

धारयन्तीति च प्रोच्य प्रत्यागमनम् उद्दिशन् । वल्लव्यो म इति प्राख्यत् तस्माद् एव न्यजीगमत्

dhārayantīti ca procya pratyāgamanam uddiśan | vallavyo ma iti prākhyat tasmād eva nyajīgamat

Sanskrit only: no published translation is held for this verse.

गमनं मम तज् जज्ञे स्वाम् अवश्यं कृतिं प्रति । आगम्य स्वीयतां तासां पूरयिष्याम्य् अदूरतः

gamanaṃ mama taj jajñe svām avaśyaṃ kṛtiṃ prati | āgamya svīyatāṃ tāsāṃ pūrayiṣyāmy adūrataḥ

Sanskrit only: no published translation is held for this verse.

यस् तासु बहुधा ज्ञानं निदिश्यापि मुधा विदन् । साक्षाद् आत्मीयसम्प्राप्ति१ साक्षाद् एव निदिष्टवान्

yas tāsu bahudhā jñānaṃ nidiśyāpi mudhā vidan | sākṣād ātmīyasamprāpti1 sākṣād eva nidiṣṭavān

Sanskrit only: no published translation is held for this verse.

यस् तदा सन्दिशन् सन्दीपितम् एतद् विनिर्ममे । तद् एतच् छृणु मच्चित्त गुप्तवित्तं मनुष्व च

yas tadā sandiśan sandīpitam etad vinirmame | tad etac chṛṇu maccitta guptavittaṃ manuṣva ca

Sanskrit only: no published translation is held for this verse.

वृत्तिर् यद् अन्या निर्मुच्य मय्य् आमुच्य मनः स्थिताः । माम् आप्स्यथ द्रुतं तस्मान् मम नात्र स्वतन्त्रता

vṛttir yad anyā nirmucya mayy āmucya manaḥ sthitāḥ | mām āpsyatha drutaṃ tasmān mama nātra svatantratā

Sanskrit only: no published translation is held for this verse.

मयीत्य् अनेन प्राप्ते ऽपि कृष्णे कृष्णपदं ब्रुवन् । अन्यरूपं मन्यमानान् हन्यमानान् व्यधात् प्रभुः ॥२०१ मयीत्य् एवं माम् इति च प्रोच्य माम् इत्य् अवोचत । तच् चावृत्त्या दृढीकृत्य मतं परिदृढीकृतम्

mayīty anena prāpte 'pi kṛṣṇe kṛṣṇapadaṃ bruvan | anyarūpaṃ manyamānān hanyamānān vyadhāt prabhuḥ ||201 mayīty evaṃ mām iti ca procya mām ity avocata | tac cāvṛttyā dṛḍhīkṛtya mataṃ paridṛḍhīkṛtam

Sanskrit only: no published translation is held for this verse.

कृष्ण इति पदं लब्धे मयीत्य् अस्य विशेषणे । मां द्वये ऽप्य् उपलब्धासा तद्विशेषणता स्वतः

kṛṣṇa iti padaṃ labdhe mayīty asya viśeṣaṇe | māṃ dvaye 'py upalabdhāsā tadviśeṣaṇatā svataḥ

Sanskrit only: no published translation is held for this verse.

मयि कृष्णे ऽत्र मां कृष्णं मां कृष्णम् इति सिध्यति । कल्याण्य इति सम्बोध्य प्रबोध्यं कृतवान् इदम्

mayi kṛṣṇe 'tra māṃ kṛṣṇaṃ māṃ kṛṣṇam iti sidhyati | kalyāṇya iti sambodhya prabodhyaṃ kṛtavān idam

Sanskrit only: no published translation is held for this verse.

न तासाम् इव मत्प्राप्तिर् देहं वः परम् ईहते । इत्य् एवम् अन्यद् अप्य् अत्र मन्यमानं मनः कुरु

na tāsām iva matprāptir dehaṃ vaḥ param īhate | ity evam anyad apy atra manyamānaṃ manaḥ kuru

Sanskrit only: no published translation is held for this verse.

यः श्रीरामेण सन्दिश्य प्रियासु निजहृद्गतम् । यथावद् व्यञ्जयामास श्रीपराशरगीर् यथा

yaḥ śrīrāmeṇa sandiśya priyāsu nijahṛdgatam | yathāvad vyañjayāmāsa śrīparāśaragīr yathā

Sanskrit only: no published translation is held for this verse.

यः कुरुक्षेत्रयात्राया व्याजान् मात्रादिकान् चिरात् । संसज्यामून् विसृज्यान्यान् सहवासमुदं दधे

yaḥ kurukṣetrayātrāyā vyājān mātrādikān cirāt | saṃsajyāmūn visṛjyānyān sahavāsamudaṃ dadhe

Sanskrit only: no published translation is held for this verse.

यः सुरघ्नान् व्रजे गन्तुं विघ्नान् हन्तुं व्रजेशितुः । व्रजे गमनम् आचर्य द्वारकागतिम् आददे

yaḥ suraghnān vraje gantuṃ vighnān hantuṃ vrajeśituḥ | vraje gamanam ācarya dvārakāgatim ādade

Sanskrit only: no published translation is held for this verse.

यः क्रामद्भिः सुदीर्घेण सुष्ठु क्रष्टुं व्रजं प्रति । आमुक्तः पाशसङ्काशमनसा व्रजवासिभिः

yaḥ krāmadbhiḥ sudīrgheṇa suṣṭhu kraṣṭuṃ vrajaṃ prati | āmuktaḥ pāśasaṅkāśamanasā vrajavāsibhiḥ

Sanskrit only: no published translation is held for this verse.

यः प्रकाशं महाराजसम्पदं दधद् ईक्षितः । व्रजाय व्रजराजाद्येनाहूतः पूर्ववद् गिरा

yaḥ prakāśaṃ mahārājasampadaṃ dadhad īkṣitaḥ | vrajāya vrajarājādyenāhūtaḥ pūrvavad girā

Sanskrit only: no published translation is held for this verse.

यस् तेषां सुष्ठु निर्निन्ये यन् मनः स्वागतिस्पृहिः२ । तेनान्तःकर्षणं प्राप्तः कर्षम् अन्येन नार्हति

yas teṣāṃ suṣṭhu nirninye yan manaḥ svāgatispṛhiḥ2 | tenāntaḥkarṣaṇaṃ prāptaḥ karṣam anyena nārhati

Sanskrit only: no published translation is held for this verse.

यः स्वीयसहितस् तेषां स्वीयकामान् अपूरयत् । कृष्णे कमलपत्राक्षे सन्न्यस्ताखिलराधसा

yaḥ svīyasahitas teṣāṃ svīyakāmān apūrayat | kṛṣṇe kamalapatrākṣe sannyastākhilarādhasā

Sanskrit only: no published translation is held for this verse.

आगमिष्यत्य् अधीर्घेणेत्य्३ आशालब्धं यद् ईप्सितम् । तद् अर्थम् एव तान् अर्थान् ये स्वीचक्रुः परान् अपि

āgamiṣyaty adhīrgheṇety3 āśālabdhaṃ yad īpsitam | tad artham eva tān arthān ye svīcakruḥ parān api

Sanskrit only: no published translation is held for this verse.

यः स्वागमनमर्यादां प्रेयसीषु निजां व्यधात् । दन्तवक्रान्तशत्रूणां मारणं सर्वतारणम्

yaḥ svāgamanamaryādāṃ preyasīṣu nijāṃ vyadhāt | dantavakrāntaśatrūṇāṃ māraṇaṃ sarvatāraṇam

Sanskrit only: no published translation is held for this verse.

अपि स्मरथ नः सख्यः स्वानाम् अर्थं४ चिकीर्षया । गतांश् चिरायितान् शत्रुपक्षक्षपणचेतसः ॥२१६॥ ५ मयि भक्तिर् हि भूतानाम् अमृतत्वाय कल्पते । दिष्ट्या यद् आसीन् मत्स्नेहो भवतीनां मदापनः ॥२१७॥६ यस् तात्कालिकशान्त्यर्थे तथापि ज्ञानम् आदिशत् । आहूश् चेत्य्७आदिके पद्ये प्रार्थितस् ताभिर् अन्यथा

api smaratha naḥ sakhyaḥ svānām arthaṃ4 cikīrṣayā | gatāṃś cirāyitān śatrupakṣakṣapaṇacetasaḥ ||216|| 5 mayi bhaktir hi bhūtānām amṛtatvāya kalpate | diṣṭyā yad āsīn matsneho bhavatīnāṃ madāpanaḥ ||217||6 yas tātkālikaśāntyarthe tathāpi jñānam ādiśat | āhūś cety7ādike padye prārthitas tābhir anyathā

Sanskrit only: no published translation is held for this verse.

तत्राङ्घ्रिस्मृतियाच्ञा तु लक्ष्यम् एव विनिर्ममे । तत्प्रत्यागतितात्पर्या सा तु पर्यवसाय्यते

tatrāṅghrismṛtiyācñā tu lakṣyam eva vinirmame | tatpratyāgatitātparyā sā tu paryavasāyyate

Sanskrit only: no published translation is held for this verse.

मयि ताः प्रेयसाम् इत्य्८ आद्य् उक्तं तेन स्वयं यतः । तस्मात् तच्चिन्तनाशक्त्या व्यक्त्या तद्दर्शनार्थिता

mayi tāḥ preyasām ity8 ādy uktaṃ tena svayaṃ yataḥ | tasmāt taccintanāśaktyā vyaktyā taddarśanārthitā

Sanskrit only: no published translation is held for this verse.

तथानुगृह्य भगवान् गोपीनां स गुरुर् गतिः ।९ इत्य् अनेन मुनिः प्रोच्य तासां वाञ्छितपूरणम्

tathānugṛhya bhagavān gopīnāṃ sa gurur gatiḥ |9 ity anena muniḥ procya tāsāṃ vāñchitapūraṇam

Sanskrit only: no published translation is held for this verse.

मयि भक्तिर् हीति कृष्णप्रोक्तम् एव न्यजीगमत् । मय्य् आवेश्य मनः कृष्ण इत्य्१० आद्य् अपि च तद्वचः

mayi bhaktir hīti kṛṣṇaproktam eva nyajīgamat | mayy āveśya manaḥ kṛṣṇa ity10 ādy api ca tadvacaḥ

Sanskrit only: no published translation is held for this verse.

यः पृथिव्या गुणस्तोमे सत्येनादाव् अभिष्टुतः सत्यं विधातुं सत्यं तन् नाव्रजेत् किं व्रजे बत

yaḥ pṛthivyā guṇastome satyenādāv abhiṣṭutaḥ satyaṃ vidhātuṃ satyaṃ tan nāvrajet kiṃ vraje bata

Sanskrit only: no published translation is held for this verse.

सम्भावना ममैवेयम् इति नात्र विचार्यताम् । व्रजस्थानां व्रजप्राणवर्यस्याप्य् अवधार्यताम्

sambhāvanā mamaiveyam iti nātra vicāryatām | vrajasthānāṃ vrajaprāṇavaryasyāpy avadhāryatām

Sanskrit only: no published translation is held for this verse.

श्रीमद्व्रजाधिराजस्य कृष्णकान्तागणस्य च । उद्धवं प्रति गीर् ईदृग् दृश्यतां दशमादिषु

śrīmadvrajādhirājasya kṛṣṇakāntāgaṇasya ca | uddhavaṃ prati gīr īdṛg dṛśyatāṃ daśamādiṣu

Sanskrit only: no published translation is held for this verse.

यस् तु यर्ह्य् अम्बुजाक्षेति१ स्तुवद्भिर् द्वारकाजनैः । कदाचिद् व्रजम् आगाद् इत्य् अभ्युधायि कदाचन

yas tu yarhy ambujākṣeti1 stuvadbhir dvārakājanaiḥ | kadācid vrajam āgād ity abhyudhāyi kadācana

Sanskrit only: no published translation is held for this verse.

यस् तथा श्रूयते पाद्मोत्तरखण्डाद् अपि स्फुटम् । अदाद् व्रजाय स्वप्राप्तिमङ्गलं नित्यम् इत्य् अपि

yas tathā śrūyate pādmottarakhaṇḍād api sphuṭam | adād vrajāya svaprāptimaṅgalaṃ nityam ity api

Sanskrit only: no published translation is held for this verse.

दत्त्वा तत्कृतकृत्यः सन् प्रादुर्भावान्तरं गतः । जगाम द्वारकाम् इत्य् अप्य् अश्रावीत्य् अपि युक्तिमत्

dattvā tatkṛtakṛtyaḥ san prādurbhāvāntaraṃ gataḥ | jagāma dvārakām ity apy aśrāvīty api yuktimat

Sanskrit only: no published translation is held for this verse.

आगमिष्यत्य् अदीर्घेणेत्य् उद्धवाद् बुद्धम् अन्यथा । यथा न स्यात् तथा भाष्यं२ कथान्या वितथा मता

āgamiṣyaty adīrgheṇety uddhavād buddham anyathā | yathā na syāt tathā bhāṣyaṃ2 kathānyā vitathā matā

Sanskrit only: no published translation is held for this verse.

यस् त्यजन्न् अपि गाम् आख्यत् तम् उद्धवकम् उत्सुकः । रामेण सार्धम् इत्य्३आद्यं तासां कामितलम्भनम्

yas tyajann api gām ākhyat tam uddhavakam utsukaḥ | rāmeṇa sārdham ity3ādyaṃ tāsāṃ kāmitalambhanam

Sanskrit only: no published translation is held for this verse.

रामेणेति द्वयेनाह वियुक्तेर् यद् व्यतीतताम् । तेन नास्ति वियुक्तिः सा तदानीम् इति भाव्यते

rāmeṇeti dvayenāha viyukter yad vyatītatām | tena nāsti viyuktiḥ sā tadānīm iti bhāvyate

Sanskrit only: no published translation is held for this verse.

मयि ताः प्रेयसां प्रेष्ठ इति४ प्राक्तनवाग्द्वये । वियुक्तेर् वर्तमानत्वं दृष्ट्वा निष्टङ्कताम् इदम्

mayi tāḥ preyasāṃ preṣṭha iti4 prāktanavāgdvaye | viyukter vartamānatvaṃ dṛṣṭvā niṣṭaṅkatām idam

Sanskrit only: no published translation is held for this verse.

स्वेन तासां पुनः सङ्गे यद् वृत्तं प्रथमे ऽहनि । तदप्य् अतीतरीत्य् आह प्रीत्या समदधद् उद्धवम्

svena tāsāṃ punaḥ saṅge yad vṛttaṃ prathame 'hani | tadapy atītarīty āha prītyā samadadhad uddhavam

Sanskrit only: no published translation is held for this verse.

ता नाविदन्न् इति५ प्रोचे यत्र तासां मदात्मताम् । बभूव स महाभावः सर्वासां परतः परः

tā nāvidann iti5 proce yatra tāsāṃ madātmatām | babhūva sa mahābhāvaḥ sarvāsāṃ parataḥ paraḥ

Sanskrit only: no published translation is held for this verse.

ततश् च नामरूपात्मन्य् उद्भूते स्वीयवैभवे । प्रविष्टा इव न स्पष्टं प्रविष्टा गत्यभावतः ॥२३५ दृष्टान्तयुगलं तत् तु नाविदन्न् इति केवले । अवेदनं नदीपक्षे प्य् अब्ध्यन्यरसताहतिः ॥२३६ समाधाव् इति दृष्टान्तस्याङ्गरूपतयोर् इतम् । दार्ष्टान्तिकस्यानुषङ्गं स्याद् अङ्गं तद्भिदाद्वयोः ॥२३७ मत्कामा रमणं जारम् अस्वरूपविदो ऽबलाः । ब्रह्म मां परमं प्रापुर् इति६ पद्ये तु तत्परे

tataś ca nāmarūpātmany udbhūte svīyavaibhave | praviṣṭā iva na spaṣṭaṃ praviṣṭā gatyabhāvataḥ ||235 dṛṣṭāntayugalaṃ tat tu nāvidann iti kevale | avedanaṃ nadīpakṣe py abdhyanyarasatāhatiḥ ||236 samādhāv iti dṛṣṭāntasyāṅgarūpatayor itam | dārṣṭāntikasyānuṣaṅgaṃ syād aṅgaṃ tadbhidādvayoḥ ||237 matkāmā ramaṇaṃ jāram asvarūpavido 'balāḥ | brahma māṃ paramaṃ prāpur iti6 padye tu tatpare

Sanskrit only: no published translation is held for this verse.

पच्यन्तां विविधाः पाका७ इतीवात्रार्थिकः क्रमः । ता ब्रह्म प्रापुर् इत्य् एवं ता इत्य् अस्यात्र चान्वयः

pacyantāṃ vividhāḥ pākā7 itīvātrārthikaḥ kramaḥ | tā brahma prāpur ity evaṃ tā ity asyātra cānvayaḥ

Sanskrit only: no published translation is held for this verse.

कीदृग् ब्रह्मेति बोधाय यत् प्राह परमं पदम् । तत्राप्य् आकाङ्क्षयावादीन् माम् इति स्वं पुनः प्रभुः

kīdṛg brahmeti bodhāya yat prāha paramaṃ padam | tatrāpy ākāṅkṣayāvādīn mām iti svaṃ punaḥ prabhuḥ

Sanskrit only: no published translation is held for this verse.

मयि भक्तिर् हीति वाक्याद् आह प्राग् एतद् एव हि । धारयन्त्य् अतिकृच्छ्रेणेत्य् उक्त्या व्यानग् इदं पुरा

mayi bhaktir hīti vākyād āha prāg etad eva hi | dhārayanty atikṛcchreṇety uktyā vyānag idaṃ purā

Sanskrit only: no published translation is held for this verse.

प्राणत्यागेन मत्प्राप्तिर् नान्यवत् तासु मन्मता । मत्कामा इति पूर्वार्धे चाख्यत् प्राप्तिविभक्तताम्

prāṇatyāgena matprāptir nānyavat tāsu manmatā | matkāmā iti pūrvārdhe cākhyat prāptivibhaktatām

Sanskrit only: no published translation is held for this verse.

अस्वरूपविदः सत्यः प्रापुर् जारधियेत्य् अवक् । नित्यतत्प्रेयसीरूपस्वरूपं हि तदीयकम्

asvarūpavidaḥ satyaḥ prāpur jāradhiyety avak | nityatatpreyasīrūpasvarūpaṃ hi tadīyakam

Sanskrit only: no published translation is held for this verse.

यत् पूर्वं भावयन् भावं भाविनीनाम् अमूदृशाम् । मत्कामा इति निःक्षिप्य जारत्वे स्थैर्यम्१ आक्षिपत्

yat pūrvaṃ bhāvayan bhāvaṃ bhāvinīnām amūdṛśām | matkāmā iti niḥkṣipya jāratve sthairyam1 ākṣipat

Sanskrit only: no published translation is held for this verse.

मयि कामः सदा यासां ता मत्कामा इतीरिताः । कामश् च रमणत्वेन स्पृहात्र प्रतिपद्यते

mayi kāmaḥ sadā yāsāṃ tā matkāmā itīritāḥ | kāmaś ca ramaṇatvena spṛhātra pratipadyate

Sanskrit only: no published translation is held for this verse.

अस्मिन्न् अपि बतेत्य्२आदि श्रीराधागीर् अलिं प्रति । विविच्यतां ततः सर्वम् अन्यद् अन्यद् विविच्यताम्

asminn api batety2ādi śrīrādhāgīr aliṃ prati | vivicyatāṃ tataḥ sarvam anyad anyad vivicyatām

Sanskrit only: no published translation is held for this verse.

अत्रार्यपुत्र३ शब्दः स्यात् पत्याव् एव प्रसिद्धिभाक् । तथापि स्वेषु कैङ्कर्यं दैन्यात् कन्यावद् ईरितम्

atrāryaputra3 śabdaḥ syāt patyāv eva prasiddhibhāk | tathāpi sveṣu kaiṅkaryaṃ dainyāt kanyāvad īritam

Sanskrit only: no published translation is held for this verse.

सङ्क् प्तापतिता ताभिः पुनर् इत्थम् उदीरितम् । श्यामसुन्दर ते दास्य इति४ यद्वत् तथेह च

saṅk ptāpatitā tābhiḥ punar ittham udīritam | śyāmasundara te dāsya iti4 yadvat tatheha ca

Sanskrit only: no published translation is held for this verse.

आर्यपुत्रः कदास्माकं किङ्करीणां तु मूर्धनि । भुजं धास्यत्य् एवम् आसां तत्पत्नीपदकामता

āryaputraḥ kadāsmākaṃ kiṅkarīṇāṃ tu mūrdhani | bhujaṃ dhāsyaty evam āsāṃ tatpatnīpadakāmatā

Sanskrit only: no published translation is held for this verse.

तत्कामता हि सिद्धा चेत् तेन तद्दानम् अव्ययम् । ये यथा मां प्रपद्यन्ते इति५ यत्वत्६ प्रतिश्रवः

tatkāmatā hi siddhā cet tena taddānam avyayam | ye yathā māṃ prapadyante iti5 yatvat6 pratiśravaḥ

Sanskrit only: no published translation is held for this verse.

वल्लव्यो मे मदात्मान इति७ यत् प्रोक्तम् आत्मना । सर्वेषां वचसाम् ऊर्ध्वं तद् आस्तां सर्वमूर्धनि

vallavyo me madātmāna iti7 yat proktam ātmanā | sarveṣāṃ vacasām ūrdhvaṃ tad āstāṃ sarvamūrdhani

Sanskrit only: no published translation is held for this verse.

यन् मत्कामा इति प्रोचे तासां प्राप्तिस् तथा स्वयम् । तन् मया साधु तत् प्रोक्तं तासां कामितलम्भनम्

yan matkāmā iti proce tāsāṃ prāptis tathā svayam | tan mayā sādhu tat proktaṃ tāsāṃ kāmitalambhanam

Sanskrit only: no published translation is held for this verse.

मत्कामा इति पद्यस्य तुर्यांशे त्व् इदम् उच्यते । पराश् च सङ्गतस् तासां प्रापुः शतसहस्रशः८

matkāmā iti padyasya turyāṃśe tv idam ucyate | parāś ca saṅgatas tāsāṃ prāpuḥ śatasahasraśaḥ8

Sanskrit only: no published translation is held for this verse.

यः श्रीगर्गवचः पूर्णं तूर्णं चक्रे स्वयं द्वयम् । एष वः श्रेय आधस्यद् य एतस्मिन् महेति९ दिक्

yaḥ śrīgargavacaḥ pūrṇaṃ tūrṇaṃ cakre svayaṃ dvayam | eṣa vaḥ śreya ādhasyad ya etasmin maheti9 dik

Sanskrit only: no published translation is held for this verse.

सदा स्वम् अददाद् यस्माद् व्रजे कान्ताव्रजेष्व् अपि

sadā svam adadād yasmād vraje kāntāvrajeṣv api

Sanskrit only: no published translation is held for this verse.

यः प्रादाद् व्रजवासिभ्यः पूर्वरीत्या निजां गतिम् । वृन्दावनस्थां गोलोकनाम्नीं यां प्राग् अलोकयत्

yaḥ prādād vrajavāsibhyaḥ pūrvarītyā nijāṃ gatim | vṛndāvanasthāṃ golokanāmnīṃ yāṃ prāg alokayat

Sanskrit only: no published translation is held for this verse.

यां श्रीबृहद्गौतमीये प्राह वृन्दावनं प्रति । सर्वदेवमयश् चाहं न त्यजामि वनं क्वचित्

yāṃ śrībṛhadgautamīye prāha vṛndāvanaṃ prati | sarvadevamayaś cāhaṃ na tyajāmi vanaṃ kvacit

Sanskrit only: no published translation is held for this verse.

आविर्भावस् तिरोभावो भवेन् मेऽत्र युगे युगे । तेजोमयम् इदं रम्यम् अदृश्यं चर्मचक्षुषा ॥२५८॥१ तद् एतद् विस्तराद् ब्रह्मसंहितायां निरूपितम् । गोलोकनाम्ना२ तन्मध्ये गोकुलाख्यं हरेः पदम्

āvirbhāvas tirobhāvo bhaven me'tra yuge yuge | tejomayam idaṃ ramyam adṛśyaṃ carmacakṣuṣā ||258||1 tad etad vistarād brahmasaṃhitāyāṃ nirūpitam | golokanāmnā2 tanmadhye gokulākhyaṃ hareḥ padam

Sanskrit only: no published translation is held for this verse.

न त्यजामीति यत् तत् तु द्विधाभिप्रायकं मतम् । विरहे ऽपि व्रजे स्फूर्त्या पूर्त्या शीघ्रागतेर् अपि

na tyajāmīti yat tat tu dvidhābhiprāyakaṃ matam | virahe 'pi vraje sphūrtyā pūrtyā śīghrāgater api

Sanskrit only: no published translation is held for this verse.

यस् तस्माद् उभयत्रापि राजतीति शुकेन च । जयतीत्य्६ आदि-वाक्येन वर्णितः क्षितिपं प्रति

yas tasmād ubhayatrāpi rājatīti śukena ca | jayatīty6 ādi-vākyena varṇitaḥ kṣitipaṃ prati

Sanskrit only: no published translation is held for this verse.

यश् चम्पू-युगल-प्रान्तम् ईदृक् सिद्धान्तम् ईरितम् । जीवान्तर्यामितां प्राप्तस् तूर्णं पूर्णम् अचीकरत्

yaś campū-yugala-prāntam īdṛk siddhāntam īritam | jīvāntaryāmitāṃ prāptas tūrṇaṃ pūrṇam acīkarat

Sanskrit only: no published translation is held for this verse.

स तु हरिर् अधिवर्त्म दन्तवक्रं युधि शमयन् व्रज-वासम् आससाद । तम् अभिययुर् अमी व्रजेश-मुख्याः शशिनम् इव क्षुधिताश् चकोर-वाराः

sa tu harir adhivartma dantavakraṃ yudhi śamayan vraja-vāsam āsasāda | tam abhiyayur amī vrajeśa-mukhyāḥ śaśinam iva kṣudhitāś cakora-vārāḥ

Sanskrit only: no published translation is held for this verse.

स च जनक-मुखान् निरीक्ष्य शुष्कान् स्वदृग्-अमृतेन सिञ्चति स्म । पुलक-कुल-मिषाद् यथाङ्कुराणां ततिम् अदधुर् बत तेऽपि गोपवृक्षाः

sa ca janaka-mukhān nirīkṣya śuṣkān svadṛg-amṛtena siñcati sma | pulaka-kula-miṣād yathāṅkurāṇāṃ tatim adadhur bata te'pi gopavṛkṣāḥ

Sanskrit only: no published translation is held for this verse.

अथ हरि-हरिणीदृशश् च तर्हि स्फुरणम् इव प्रतिपद्य पूर्व-तुल्यम् । नयन-गततयान्यथा च मत्वा मुहुर् अगमन् भ्रमम् अभ्रमं च तत्र

atha hari-hariṇīdṛśaś ca tarhi sphuraṇam iva pratipadya pūrva-tulyam | nayana-gatatayānyathā ca matvā muhur agaman bhramam abhramaṃ ca tatra

Sanskrit only: no published translation is held for this verse.

व्रजम् अथ विशतः स-रत्नम् आरात्रिकम् अनुलब्धवतश् च तस्य लोकः । कुसुम-कुल-सहोदरं वितन्वन् जय-जय-घोषम् उवाच भद्र-वाचम्

vrajam atha viśataḥ sa-ratnam ārātrikam anulabdhavataś ca tasya lokaḥ | kusuma-kula-sahodaraṃ vitanvan jaya-jaya-ghoṣam uvāca bhadra-vācam

Sanskrit only: no published translation is held for this verse.

व्रजम् अथ सुखयन् विनीत-वाचा क्रमम् अनुलब्ध-तदीय-सङ्गमश् च । द्रुत-गति जननीं सुखेन सेक्तुं गृहम् अदसीयम् इयाय कृष्ण-चन्द्रः

vrajam atha sukhayan vinīta-vācā kramam anulabdha-tadīya-saṅgamaś ca | druta-gati jananīṃ sukhena sektuṃ gṛham adasīyam iyāya kṛṣṇa-candraḥ

Sanskrit only: no published translation is held for this verse.

चिरम् अपि विरचय्य शर्म तस्यास् तद्-अनुमतिं प्रतिलभ्य तत्-तनूजः । सह-सखि-निकरेण दिव्य-शय्यां सुखम् अधिशय्य निशाविराम-दृष्टः

ciram api viracayya śarma tasyās tad-anumatiṃ pratilabhya tat-tanūjaḥ | saha-sakhi-nikareṇa divya-śayyāṃ sukham adhiśayya niśāvirāma-dṛṣṭaḥ

Sanskrit only: no published translation is held for this verse.

पुनर् अपि निज-वृन्द-सौख्य-वृन्दं विदधद् उदित्य स नित्य-चित्र-मित्रः । निज-मुख-कमलं विकास्य नेत्र-भ्रमर-मधूत्सवम् आततान तत्र

punar api nija-vṛnda-saukhya-vṛndaṃ vidadhad uditya sa nitya-citra-mitraḥ | nija-mukha-kamalaṃ vikāsya netra-bhramara-madhūtsavam ātatāna tatra

Sanskrit only: no published translation is held for this verse.

अहरहर् इदम् एव तत्र पूर्व-१प्रतिनव-भावम् अवाप केवलं न । जन-समुदितिर् अप्य् अदृष्ट-पूर्वां वपुर् अनुकान्तिम् इयाय शश्वद् एव

aharahar idam eva tatra pūrva-1pratinava-bhāvam avāpa kevalaṃ na | jana-samuditir apy adṛṣṭa-pūrvāṃ vapur anukāntim iyāya śaśvad eva

Sanskrit only: no published translation is held for this verse.

दिवस-कतिपये तदातियाते२ पशुपति-पालकताप्त-तादृग्-इच्छुः । निज-रथ-तरसा निनाय गोष्ठं सह-जननी-कबलं तम् उद्धवं च

divasa-katipaye tadātiyāte2 paśupati-pālakatāpta-tādṛg-icchuḥ | nija-ratha-tarasā nināya goṣṭhaṃ saha-jananī-kabalaṃ tam uddhavaṃ ca

Sanskrit only: no published translation is held for this verse.

अघरिपु-सुदृशां धवाभिमानिष्व् अकृत-तनु-प्रतिमाः पुरा तु माया । सरभसम् अधुना स्म ता विभज्य प्रकृत-तनूस् तनुते प्रेमास्पदानि

agharipu-sudṛśāṃ dhavābhimāniṣv akṛta-tanu-pratimāḥ purā tu māyā | sarabhasam adhunā sma tā vibhajya prakṛta-tanūs tanute premāspadāni

Sanskrit only: no published translation is held for this verse.

अथ गतवति मूर्ति-भेद-रीत्या यदु-पुरम् अत्र च राजमान-धाम्नि । व्रज-भव-जन-मात्र-दृश्य-रूपे मतिर् उदियात् तव चित्त गोप-कृष्णे

atha gatavati mūrti-bheda-rītyā yadu-puram atra ca rājamāna-dhāmni | vraja-bhava-jana-mātra-dṛśya-rūpe matir udiyāt tava citta gopa-kṛṣṇe

Sanskrit only: no published translation is held for this verse.