Jiva Gosvamin: Samkalpakalpadruma 3

अथ निविविशिरे व्रजेश्वराद्या दनुजरिपुप्रमुखाश् च भिन्नपङ्क्ति । इति१ हि हसरसः समस्तभोज्यं स्वदनविधिं नयते तद् अन्यथा न

atha niviviśire vrajeśvarādyā danujaripupramukhāś ca bhinnapaṅkti | iti1 hi hasarasaḥ samastabhojyaṃ svadanavidhiṃ nayate tad anyathā na

Sanskrit only: no published translation is held for this verse.

दिनमुखम् अनु तत्र पाकवृन्दे दिनजठरप्रसरं दिनाङ्घ्रिपूर्तिम् । ऋतुवलयनिदेशदेशभेदं विविधविधानगतीः स्वयं तु विद्धि

dinamukham anu tatra pākavṛnde dinajaṭharaprasaraṃ dināṅghripūrtim | ṛtuvalayanideśadeśabhedaṃ vividhavidhānagatīḥ svayaṃ tu viddhi

Sanskrit only: no published translation is held for this verse.

प्रथमम् इह फुलं वनाद् उपात्तं बकरिपुना स्वदनाय सुष्ठु जातम् । पुनर् इह हविर्२आदिगोरसान्तं शतविधतेमनजेमनं बभूव

prathamam iha phulaṃ vanād upāttaṃ bakaripunā svadanāya suṣṭhu jātam | punar iha havir2ādigorasāntaṃ śatavidhatemanajemanaṃ babhūva

Sanskrit only: no published translation is held for this verse.

अथ सुरभिजलेन सुष्ठु ताम्बूलजपुटकेन च शोधितास्यपद्माः । व्रजनृपतितदीयनन्दनाद्या बहिर् उपवेशसभाम् अभासयन्त

atha surabhijalena suṣṭhu tāmbūlajapuṭakena ca śodhitāsyapadmāḥ | vrajanṛpatitadīyanandanādyā bahir upaveśasabhām abhāsayanta

Sanskrit only: no published translation is held for this verse.

अथ पुनर् अधिरुह्य चन्द्रशाला३- मुखम् अमृतांशु४मुखीगणाः स्वकान्तम् । अभिमुखसदसि स्फूरन्निवेशं ददृशुर् अमुं निभृतं मिथो ऽप्य् अनूचुः

atha punar adhiruhya candraśālā3- mukham amṛtāṃśu4mukhīgaṇāḥ svakāntam | abhimukhasadasi sphūranniveśaṃ dadṛśur amuṃ nibhṛtaṃ mitho 'py anūcuḥ

Sanskrit only: no published translation is held for this verse.

इह विविषकलाकलापविज्ञाः समुदिततां समवापुर् उत्कचित्ताः । अमुम् उदिताम् इताः कलानिधानं स्वकुलकलां विनिवेद्य भर्तुम् ऐच्छन्

iha viviṣakalākalāpavijñāḥ samuditatāṃ samavāpur utkacittāḥ | amum uditām itāḥ kalānidhānaṃ svakulakalāṃ vinivedya bhartum aicchan

Sanskrit only: no published translation is held for this verse.

यदपि हरिर् असौ कलानिविज्ञस् तदपि तदल्पकलासु तोषम् एति । यदपि कृतमुखाः कलासु सभ्यास् तदपि हरेर् मुखवीक्षया रमन्ते

yadapi harir asau kalānivijñas tadapi tadalpakalāsu toṣam eti | yadapi kṛtamukhāḥ kalāsu sabhyās tadapi harer mukhavīkṣayā ramante

Sanskrit only: no published translation is held for this verse.

न भजति सकलं सदा सभायाः समवसरं बत काव्यनाटकादि । इति निशि निशि भिन्नतानुमत्या व्रजपतिर् इष्टतमं तदातनिष्ट

na bhajati sakalaṃ sadā sabhāyāḥ samavasaraṃ bata kāvyanāṭakādi | iti niśi niśi bhinnatānumatyā vrajapatir iṣṭatamaṃ tadātaniṣṭa

Sanskrit only: no published translation is held for this verse.

क्वच निशि नृपतिः स वष्टि काव्यं क्वचिद् अपि नाट्यकलां क्वचापि चित्रम् । पृथग् अपि न पृथग् विभाति सर्वं हरिरचितानि परं पुरः करोति

kvaca niśi nṛpatiḥ sa vaṣṭi kāvyaṃ kvacid api nāṭyakalāṃ kvacāpi citram | pṛthag api na pṛthag vibhāti sarvaṃ hariracitāni paraṃ puraḥ karoti

Sanskrit only: no published translation is held for this verse.

इति पुरुकुतुके गते तु यामे हरिबलसंवलिताः समस्तलोकाः । व्रजनरपतिम् उत्थितं विलोक्य प्रति तदवस्थिति तस्थुर् आदरेण

iti purukutuke gate tu yāme haribalasaṃvalitāḥ samastalokāḥ | vrajanarapatim utthitaṃ vilokya prati tadavasthiti tasthur ādareṇa

Sanskrit only: no published translation is held for this verse.

मुरजिति गदितुं किम् अप्य् अनीशे पितरि च बाष्पनिरुद्धकण्ठदेशे । स्थविरगुरुजना द्वयं निवेद्य प्रतिविधये समनस्कम् आचरन् स्म

murajiti gadituṃ kim apy anīśe pitari ca bāṣpaniruddhakaṇṭhadeśe | sthaviragurujanā dvayaṃ nivedya pratividhaye samanaskam ācaran sma

Sanskrit only: no published translation is held for this verse.

अवनतपितृकः परान् यथार्हं नतिविनयादिभृतान् विधाय कृष्णः । सहबलम् अनुगत्य मातृयुग्मं तदुचितलालिततां चिरं जगाम

avanatapitṛkaḥ parān yathārhaṃ nativinayādibhṛtān vidhāya kṛṣṇaḥ | sahabalam anugatya mātṛyugmaṃ taducitalālitatāṃ ciraṃ jagāma

Sanskrit only: no published translation is held for this verse.

अनुमतिम् अथ मातृयुग्मदत्ताम् अवकलयन् प्रणमन् सनम्रदृष्टिः । हलधरम् अनुगम्य तं प्रणम्य श्रितनववर्षवरः स्ववासम् आप

anumatim atha mātṛyugmadattām avakalayan praṇaman sanamradṛṣṭiḥ | haladharam anugamya taṃ praṇamya śritanavavarṣavaraḥ svavāsam āpa

Sanskrit only: no published translation is held for this verse.

इति मुरहरवर्णनां स कुर्वन् मुरहरम् अप्य् अवलोक्य सद्मसीम्नि । द्रुततरम् अवरुह्य राधिकादिर् निजतदपह्णवम् आचचार वर्गः

iti muraharavarṇanāṃ sa kurvan muraharam apy avalokya sadmasīmni | drutataram avaruhya rādhikādir nijatadapahṇavam ācacāra vargaḥ

Sanskrit only: no published translation is held for this verse.

इह मतम् अपरेण सर्वकान्तास्व् अनुनिशम् अञ्चति सो ऽयम् इत्थम् अस्तु । हृदय कलय किन्तु चारु राधाहरिचरितं परितः स्मर त्वम् अत्र

iha matam apareṇa sarvakāntāsv anuniśam añcati so 'yam ittham astu | hṛdaya kalaya kintu cāru rādhāharicaritaṃ paritaḥ smara tvam atra

Sanskrit only: no published translation is held for this verse.

वृषरवितनयादिभिस् तदा द्राक् समगमि हारि हरिः सुवेश एषः । नवघन इव विद्युतावलीभिर् यद् अमृतवृष्टिमयी बभूव दृष्टिः

vṛṣaravitanayādibhis tadā drāk samagami hāri hariḥ suveśa eṣaḥ | navaghana iva vidyutāvalībhir yad amṛtavṛṣṭimayī babhūva dṛṣṭiḥ

Sanskrit only: no published translation is held for this verse.

व्रततिमणिविवेकखण्डिशोभा परिमलभाग् इह सद्म किन्तु कुञ्जम् । इह किम् उ कुसुमं किम् अंशुकं वा शयनं इदं मिथुनम् यद् अध्यशेते

vratatimaṇivivekakhaṇḍiśobhā parimalabhāg iha sadma kintu kuñjam | iha kim u kusumaṃ kim aṃśukaṃ vā śayanaṃ idaṃ mithunam yad adhyaśete

Sanskrit only: no published translation is held for this verse.