हरिम् अथ जितकाशिनं बभाषे हरिरमणीविततिः स्मितं दधाना । "वयम् इह युवतीजनास् तद् अस्मत्परिचितम् एव विहारम् आदिशस्व ॥"७५॥ हरिर् अथ विहसन् जगाद "यूयं भरतमतं प्रति राजथातिविज्ञाः । तद् अनुसरत गीतवाद्यनृत्यं मम भवतीभिर् उदेतु तारतम्यम् ॥"७६॥ द्रव इव हरिगानतः शिलाद्यं हरिरमणीजनसीमकं बभूव । हरिर् अजनि कथञ्चनापि धीरः स च न तथाजनि गानतस् तु तासाम्
harim atha jitakāśinaṃ babhāṣe hariramaṇīvitatiḥ smitaṃ dadhānā | "vayam iha yuvatījanās tad asmatparicitam eva vihāram ādiśasva ||"75|| harir atha vihasan jagāda "yūyaṃ bharatamataṃ prati rājathātivijñāḥ | tad anusarata gītavādyanṛtyaṃ mama bhavatībhir udetu tāratamyam ||"76|| drava iva harigānataḥ śilādyaṃ hariramaṇījanasīmakaṃ babhūva | harir ajani kathañcanāpi dhīraḥ sa ca na tathājani gānatas tu tāsām
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.