स्वां स्वामिति वीप्सा बुद्ध्यहंकारमनांसि स्वां स्वां वृत्तिं परस्पराकूतहेतुकामाकूतकादरासम्भ्रम इति प्रतिपद्यन्ते पुरुषार्थकरणाय । बुद्धेरहंकारादयो बुद्धिरहंकाराकूतं ज्ञात्वा स्वस्वविषयं प्रतिपद्यते किमर्थमिति चेत् पुरुषार्थ एव हेतुः पुरुषार्थः कर्त्तव्य इत्येवमर्थं गुणानां प्रवृत्तिस्तस्मादेतानि करणानि पुरुषार्थं प्रकाशयन्ति कथं स्वयं प्रवर्तन्ते न केनचित् कार्यते करणं पुरुषार्थ एवैकः कारयतीति वाक्यार्थो न केनचिदीश्वरेण पुरुषेण कार्यते प्रबोध्यते करणम्
svāṃ svāmiti vīpsā buddhyahaṃkāramanāṃsi svāṃ svāṃ vṛttiṃ parasparākūtahetukāmākūtakādarāsambhrama iti pratipadyante puruṣārthakaraṇāya / buddherahaṃkārādayo buddhirahaṃkārākūtaṃ jñātvā svasvaviṣayaṃ pratipadyate kimarthamiti cet puruṣārtha eva hetuḥ puruṣārthaḥ karttavya ityevamarthaṃ guṇānāṃ pravṛttistasmādetāni karaṇāni puruṣārthaṃ prakāśayanti kathaṃ svayaṃ pravartante na kenacit kāryate karaṇaṃ puruṣārtha evaikaḥ kārayatīti vākyārtho na kenacidīśvareṇa puruṣeṇa kāryate prabodhyate karaṇam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.