यानि करणान्युक्तानि एते गुणविशेषाः किं विशिष्टाः प्रदीपकल्पाः प्रदीपवद्विषयप्रकाशकाः परस्परविलक्षणा असदृशा भिन्नविषया इत्यर्थः । गुणविषया इत्यर्थः । गुणविशेषा गुणेभ्यो जाताः । कृत्स्नं पुरुषस्यार्थं बुद्धीन्द्रियानि कर्मेन्द्रियाण्यहंकारो मनश्चैतानि स्वं स्वमर्थं पुरुषस्य प्रकाश्य बुद्धौ प्रयच्छन्ति बुद्धिस्थं कुर्वन्तीत्यर्थः । यतो बुद्धिस्थं सर्वं विषयं सुखादिकं पुरुष उपलभ्यते
yāni karaṇānyuktāni ete guṇaviśeṣāḥ kiṃ viśiṣṭāḥ pradīpakalpāḥ pradīpavadviṣayaprakāśakāḥ parasparavilakṣaṇā asadṛśā bhinnaviṣayā ityarthaḥ / guṇaviṣayā ityarthaḥ / guṇaviśeṣā guṇebhyo jātāḥ / kṛtsnaṃ puruṣasyārthaṃ buddhīndriyāni karmendriyāṇyahaṃkāro manaścaitāni svaṃ svamarthaṃ puruṣasya prakāśya buddhau prayacchanti buddhisthaṃ kurvantītyarthaḥ / yato buddhisthaṃ sarvaṃ viṣayaṃ sukhādikaṃ puruṣa upalabhyate
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.