इह सतामप्यर्थानामतिदूरादनुपलब्धिर्दृष्टा । यथा देशान्तरस्थानां चैत्रमैत्रविष्णुमित्राणाम् । सामीप्याद्यथा चक्षुषो ऽञ्जनानुपलब्धिः । इन्द्रियाभिघाताद्यथा बधिरान्धयोः शब्दरूपानुपलब्धिः । मनो ऽनवस्थानाद्यथा व्यग्रचित्तः सम्यक्कथितमपि नावधारयति । सौक्ष्म्याद्यथा धूमोष्मजलनीहारपरमाणवो गगनगता नोपलभ्यन्ते । व्यवधानाद्यथा कुड्येन पिहितं वस्तु नोपलभ्यते । अभिभवाद्यथा सूर्यतेजसाभिभूता ग्रहनक्षत्रतारकादयो नोपलभ्यन्ते । समानाभिहाराद्यथा मुद्गराशौ मुद्गः क्षिप्तः कुवलयामलकमध्ये कुवलयामलके क्षिप्ते कपोतमध्ये कपोतो नोपलभ्यते सनानद्रव्यमध्याहृतत्वात् । एवमष्टधानुपलब्धिः सतामर्थानामिह दृष्टा
iha satāmapyarthānāmatidūrādanupalabdhirdṛṣṭā / yathā deśāntarasthānāṃ caitramaitraviṣṇumitrāṇām / sāmīpyādyathā cakṣuṣo 'ñjanānupalabdhiḥ / indriyābhighātādyathā badhirāndhayoḥ śabdarūpānupalabdhiḥ / mano 'navasthānādyathā vyagracittaḥ samyakkathitamapi nāvadhārayati / saukṣmyādyathā dhūmoṣmajalanīhāraparamāṇavo gaganagatā nopalabhyante / vyavadhānādyathā kuḍyena pihitaṃ vastu nopalabhyate / abhibhavādyathā sūryatejasābhibhūtā grahanakṣatratārakādayo nopalabhyante / samānābhihārādyathā mudgarāśau mudgaḥ kṣiptaḥ kuvalayāmalakamadhye kuvalayāmalake kṣipte kapotamadhye kapoto nopalabhyate sanānadravyamadhyāhṛtatvāt / evamaṣṭadhānupalabdhiḥ satāmarthānāmiha dṛṣṭā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.