Asvaghosa: Saundarananda 9

सौन्दरनन्द महाकाव्ये "स्त्रीविघ्न" नाम अष्टम सर्ग समाप्त । नवमः सर्गः अभिमाननिन्दा अथैवमुक्तो ऽपि स तेन भिक्षुणा जगाम नैवोपशमं प्रियां प्रति । तथा हि तामेव तदा स चिन्तयन् न तस्य शुश्राव विसंज्ञवद् वचः

saundarananda mahākāvye "strīvighna" nāma aṣṭama sarga samāpta / navamaḥ sargaḥ abhimānanindā athaivamukto 'pi sa tena bhikṣuṇā jagāma naivopaśamaṃ priyāṃ prati / tathā hi tāmeva tadā sa cintayan na tasya śuśrāva visaṃjñavad vacaḥ

Sanskrit only: no published translation is held for this verse.

यथा हि वैद्यस्य चिकीर्षतः शिवं वचो न गृण्हाति मुमूर्षुरातुरः । तथैव मत्तो बलरूपयौवनैर्हितं न जग्राह स तस्य तद्वचः

yathā hi vaidyasya cikīrṣataḥ śivaṃ vaco na gṛṇhāti mumūrṣurāturaḥ / tathaiva matto balarūpayauvanairhitaṃ na jagrāha sa tasya tadvacaḥ

Sanskrit only: no published translation is held for this verse.

न चात्र चित्रं यदि रागपाप्मना मनो ऽभिभूयेत तमोवृतात्मनः । नरस्य पाप्मा हि तदा निवर्तते यदा भवत्यन्तगतं तमस्तनु

na cātra citraṃ yadi rāgapāpmanā mano 'bhibhūyeta tamovṛtātmanaḥ / narasya pāpmā hi tadā nivartate yadā bhavatyantagataṃ tamastanu

Sanskrit only: no published translation is held for this verse.

ततस्तथाक्षिप्तमवेक्ष्य तं तदा बलेन रूपेण च यौवनेन च । गृहप्रयाणं प्रति च व्यवस्थितं शशास नन्दं श्रमणः स शान्तये

tatastathākṣiptamavekṣya taṃ tadā balena rūpeṇa ca yauvanena ca / gṛhaprayāṇaṃ prati ca vyavasthitaṃ śaśāsa nandaṃ śramaṇaḥ sa śāntaye

Sanskrit only: no published translation is held for this verse.

बलं च रूपं च नवं च यौवनं तथावगच्छामि यथावगच्छसि । अहं त्विदं ते त्रयमव्यवस्थितं यथावबुद्ध्ये न तथावबुध्यसे

balaṃ ca rūpaṃ ca navaṃ ca yauvanaṃ tathāvagacchāmi yathāvagacchasi / ahaṃ tvidaṃ te trayamavyavasthitaṃ yathāvabuddhye na tathāvabudhyase

Sanskrit only: no published translation is held for this verse.

इदं हि रोगायतनं जरावशं नदीतटानोकहवच्चलाचलम् । न वेत्सि देहं जलफेनदुर्बलं बलस्थतामात्मनि येन मन्यसे

idaṃ hi rogāyatanaṃ jarāvaśaṃ nadītaṭānokahavaccalācalam / na vetsi dehaṃ jalaphenadurbalaṃ balasthatāmātmani yena manyase

Sanskrit only: no published translation is held for this verse.

यदान्नपानासनयानकर्मणामसेवनादप्यतिसेवनादपि । शरीरमासन्नविपत्ति दृश्यते बले ऽभिमानस्तव केन हेतुना

yadānnapānāsanayānakarmaṇāmasevanādapyatisevanādapi / śarīramāsannavipatti dṛśyate bale 'bhimānastava kena hetunā

Sanskrit only: no published translation is held for this verse.

हिमातपव्याधिजराक्षुदादिभिर्यदाप्यनर्थैरुपमीयते जगत् । जलं शुचौ मास इवार्करश्मिभिः क्षयं व्रजन् किं बलदृप्त मन्यसे

himātapavyādhijarākṣudādibhiryadāpyanarthairupamīyate jagat / jalaṃ śucau māsa ivārkaraśmibhiḥ kṣayaṃ vrajan kiṃ baladṛpta manyase

Sanskrit only: no published translation is held for this verse.

त्वगस्थिमांसक्षतजात्मकं यदा शरीरमाहारवशेन तिष्ठति । अजस्रमार्तं सततप्रतिक्रियं बलान्वितो ऽस्मीति कथं विहन्यसे

tvagasthimāṃsakṣatajātmakaṃ yadā śarīramāhāravaśena tiṣṭhati / ajasramārtaṃ satatapratikriyaṃ balānvito 'smīti kathaṃ vihanyase

Sanskrit only: no published translation is held for this verse.

यथा घटं मृन्मयमाममाश्रितो नरस्तितीर्षेत् क्षुभितं महार्णवम् । समुच्छ्रयं तद्वदसारमुद्वरहन् बलं व्यवस्येद् विषयार्थमुद्यतः

yathā ghaṭaṃ mṛnmayamāmamāśrito narastitīrṣet kṣubhitaṃ mahārṇavam / samucchrayaṃ tadvadasāramudvarahan balaṃ vyavasyed viṣayārthamudyataḥ

Sanskrit only: no published translation is held for this verse.

शरीरमामादपि मृन्मयाद् घटादिदं तु निःसारतमं मतं मम । चिरं हि तिष्ठेद् विधिवद् धृतो घटः समुच्छ्रयो ऽयं सुधृतो ऽपि भिद्यते

śarīramāmādapi mṛnmayād ghaṭādidaṃ tu niḥsāratamaṃ mataṃ mama / ciraṃ hi tiṣṭhed vidhivad dhṛto ghaṭaḥ samucchrayo 'yaṃ sudhṛto 'pi bhidyate

Sanskrit only: no published translation is held for this verse.

यदाम्बुभूवाय्वनलाश्च धातवः सदा विरुद्धा विषमा इवोरगाः । भवन्त्यनर्थाय शरीरमाश्रिताः कथं बलं रोगविधो व्यवस्यसि

yadāmbubhūvāyvanalāśca dhātavaḥ sadā viruddhā viṣamā ivoragāḥ / bhavantyanarthāya śarīramāśritāḥ kathaṃ balaṃ rogavidho vyavasyasi

Sanskrit only: no published translation is held for this verse.

प्रयान्ति मन्त्रैः प्रशमं भुजङ्गमा न मन्त्रसाध्यस्तु भवन्ति धातवः । क्वचिच्च कंचिच्च दशन्ति पन्नगाः सदा च सर्वं च तुदन्ति धातवः

prayānti mantraiḥ praśamaṃ bhujaṅgamā na mantrasādhyastu bhavanti dhātavaḥ / kvacicca kaṃcicca daśanti pannagāḥ sadā ca sarvaṃ ca tudanti dhātavaḥ

Sanskrit only: no published translation is held for this verse.

इदं हि शय्यासनपानभोजनैर्गुणैः शरीरं चिरमप्यवेक्षितम् । न मर्षयत्येकमपि व्यतिक्रमं यतो महाशीविषवत् प्रकुप्यति

idaṃ hi śayyāsanapānabhojanairguṇaiḥ śarīraṃ ciramapyavekṣitam / na marṣayatyekamapi vyatikramaṃ yato mahāśīviṣavat prakupyati

Sanskrit only: no published translation is held for this verse.

यदा हिमार्तो ज्वलनं निषेवते हिमं निदाधाभिहतो ऽभिकाङ्क्षति । क्षुधान्वितो ऽन्नं सलिलं तृषान्वितो बलं कुतः किं च कथं च कस्य च

yadā himārto jvalanaṃ niṣevate himaṃ nidādhābhihato 'bhikāṅkṣati / kṣudhānvito 'nnaṃ salilaṃ tṛṣānvito balaṃ kutaḥ kiṃ ca kathaṃ ca kasya ca

Sanskrit only: no published translation is held for this verse.

तदेवमाज्ञाय शरीरमातुरं बलान्वितो ऽस्मीति न मन्तुमर्हसि । असारमस्वन्तमनिश्चितं जगज्जगत्यनित्ये बलमव्यवस्थितम्

tadevamājñāya śarīramāturaṃ balānvito 'smīti na mantumarhasi / asāramasvantamaniścitaṃ jagajjagatyanitye balamavyavasthitam

Sanskrit only: no published translation is held for this verse.

क्व कार्तवीर्यस्य बलाभिमानिनः सहस्रबाहोबलमर्जुनस्य तत् । चकर्त बाहून् युधि यस्य भार्गवः महान्ति श्रृङ्गाण्यशनिर्गिरेतिव

kva kārtavīryasya balābhimāninaḥ sahasrabāhobalamarjunasya tat / cakarta bāhūn yudhi yasya bhārgavaḥ mahānti śrṛṅgāṇyaśanirgiretiva

Sanskrit only: no published translation is held for this verse.

क्व तद् वलं कंसविकर्षिणो हरेस्तुरङ्गराजस्य पुटावभेदिनः । यमेकबाणेन निजघ्निवान् जराः क्रमागता रूपमिवोत्तमं जरा

kva tad valaṃ kaṃsavikarṣiṇo haresturaṅgarājasya puṭāvabhedinaḥ / yamekabāṇena nijaghnivān jarāḥ kramāgatā rūpamivottamaṃ jarā

Sanskrit only: no published translation is held for this verse.

दितेः सुतस्यामररोषकारिणश्चमूरुचेर्वा नमुचेः क्व तद् बलम् । यमाहवे क्रुद्धमिवान्तकं स्थितं जघान फेनावयवेन वासवः

diteḥ sutasyāmararoṣakāriṇaścamūrucervā namuceḥ kva tad balam / yamāhave kruddhamivāntakaṃ sthitaṃ jaghāna phenāvayavena vāsavaḥ

Sanskrit only: no published translation is held for this verse.

बलं कुरूणां क्व च तत्तदाभवद् युधि ज्वलित्वा तरसौजसा च ये । समित्समिद्धा ज्वलना इवाध्वरे हतासवो भस्मनि पर्यवस्थिताः

balaṃ kurūṇāṃ kva ca tattadābhavad yudhi jvalitvā tarasaujasā ca ye / samitsamiddhā jvalanā ivādhvare hatāsavo bhasmani paryavasthitāḥ

Sanskrit only: no published translation is held for this verse.

अतो विदित्वा बलवीर्यमानिनां बलान्वितानामवमर्दितं बलम् । जगज्जरामृत्युवशं विचारयन् बले ऽभिमानं न विधातुमर्हसि

ato viditvā balavīryamānināṃ balānvitānāmavamarditaṃ balam / jagajjarāmṛtyuvaśaṃ vicārayan bale 'bhimānaṃ na vidhātumarhasi

Sanskrit only: no published translation is held for this verse.

बलं महद् यदि वा न मन्यसे कुरुष्व युद्धं सह तावदिन्द्रियैः । जयश्च ते ऽत्रास्ति महच्च ते बलं पराजयश्चेद् वितथं च ते बलम्

balaṃ mahad yadi vā na manyase kuruṣva yuddhaṃ saha tāvadindriyaiḥ / jayaśca te 'trāsti mahacca te balaṃ parājayaśced vitathaṃ ca te balam

Sanskrit only: no published translation is held for this verse.

तथा हि वीराः पुरुषा न ते मता जयन्ति ये साश्वरथद्विपानरीन् यथा मता वीरतरा मनीषिणो जयन्ति लोलानि षडिन्द्रियाणि ये

tathā hi vīrāḥ puruṣā na te matā jayanti ye sāśvarathadvipānarīn yathā matā vīratarā manīṣiṇo jayanti lolāni ṣaḍindriyāṇi ye

Sanskrit only: no published translation is held for this verse.

अहं वपुष्मानिति यच्च मन्यसे विचक्षणं नैतदिदं च गृह्यताम् । क्व तद्वपुः सा च वपुष्मती तनुर्गदस्य शाम्बस्य च सारणस्य च

ahaṃ vapuṣmāniti yacca manyase vicakṣaṇaṃ naitadidaṃ ca gṛhyatām / kva tadvapuḥ sā ca vapuṣmatī tanurgadasya śāmbasya ca sāraṇasya ca

Sanskrit only: no published translation is held for this verse.

यथा मयूरश्चलचित्रचन्द्रको बिभर्ति रूपं गुणवत् स्वभावतः । शरीरसंस्कारगुणादृते तथा बिभर्ति रूपं यदि रूपवानसि

yathā mayūraścalacitracandrako bibharti rūpaṃ guṇavat svabhāvataḥ / śarīrasaṃskāraguṇādṛte tathā bibharti rūpaṃ yadi rūpavānasi

Sanskrit only: no published translation is held for this verse.

यदि प्रतीपं वृणुयान्न वाससा न शौचकाले यदि संस्पृशेदपः । मृजाविशेषं यदि नाददीत वा वपुर्वपुष्मन् वद कीदृशं भवेत्

yadi pratīpaṃ vṛṇuyānna vāsasā na śaucakāle yadi saṃspṛśedapaḥ / mṛjāviśeṣaṃ yadi nādadīta vā vapurvapuṣman vada kīdṛśaṃ bhavet

Sanskrit only: no published translation is held for this verse.

नवं वयश्चात्मगतं निशाम्य यद्गृ होन्मुखं ते विषयाप्तये मनः । नियच्छ तच्छैलनदीरयोपमं द्रुतं हि गच्छत्यनिवर्ति यौवनम्

navaṃ vayaścātmagataṃ niśāmya yadgṛ honmukhaṃ te viṣayāptaye manaḥ / niyaccha tacchailanadīrayopamaṃ drutaṃ hi gacchatyanivarti yauvanam

Sanskrit only: no published translation is held for this verse.

ऋतुर्व्यतीतः परिवर्तते पुनः क्षयं प्रयातः पुनरेति चन्द्रमाः । गतं गतं नैव तु संनिवर्तते जलं नदीनां च नृणां च यौवनम्

ṛturvyatītaḥ parivartate punaḥ kṣayaṃ prayātaḥ punareti candramāḥ / gataṃ gataṃ naiva tu saṃnivartate jalaṃ nadīnāṃ ca nṛṇāṃ ca yauvanam

Sanskrit only: no published translation is held for this verse.

विवर्णितश्मश्रु वलीविकुञ्चितं विशीर्णदन्तं शिथिलभ्रु निष्प्रभम् । यदा मुखं द्रक्ष्यसि जर्जरं तदा जराभिभूतो विमदो भविष्यसि

vivarṇitaśmaśru valīvikuñcitaṃ viśīrṇadantaṃ śithilabhru niṣprabham / yadā mukhaṃ drakṣyasi jarjaraṃ tadā jarābhibhūto vimado bhaviṣyasi

Sanskrit only: no published translation is held for this verse.

निषेव्य पानं मदनीयमुत्तमं निशाविवासेषु चिराद् विमाद्यति । नरस्तु मत्तो बलरूपयोउवनैर्न कश्चिदप्राप्य जरां विमाद्यति

niṣevya pānaṃ madanīyamuttamaṃ niśāvivāseṣu cirād vimādyati / narastu matto balarūpayouvanairna kaścidaprāpya jarāṃ vimādyati

Sanskrit only: no published translation is held for this verse.

यथेक्षुरत्यन्तरसप्रपीडितो भुवि प्रविद्धो दहनाय शुष्यते । तथा जरायन्त्रनिपीडिता तनुर्निपीतसारा मरणाय तिष्ठति

yathekṣuratyantarasaprapīḍito bhuvi praviddho dahanāya śuṣyate / tathā jarāyantranipīḍitā tanurnipītasārā maraṇāya tiṣṭhati

Sanskrit only: no published translation is held for this verse.

यथा हि नृभ्यां करपत्रमीरितं समुच्छ्रितं दारु भिनत्त्यनेकधा । तथोच्छ्रितां पातयति प्रजामिमामहर्निशाभ्यामुपसंहिता जरा

yathā hi nṛbhyāṃ karapatramīritaṃ samucchritaṃ dāru bhinattyanekadhā / tathocchritāṃ pātayati prajāmimāmaharniśābhyāmupasaṃhitā jarā

Sanskrit only: no published translation is held for this verse.

स्मृतेः प्रमोषो वपुषः पराभवो रतेः क्षयो वाच्छ्रुतिचक्षुषां ग्रहः । श्रमस्य योनिर्बलवीर्ययोर्वधो जरासमो नास्ति शरीरिणां रिपुः

smṛteḥ pramoṣo vapuṣaḥ parābhavo rateḥ kṣayo vācchruticakṣuṣāṃ grahaḥ / śramasya yonirbalavīryayorvadho jarāsamo nāsti śarīriṇāṃ ripuḥ

Sanskrit only: no published translation is held for this verse.

इदं विदित्वा निधनस्य दैशिकं जराभिधानं जगतो महद्भयम् । अहं वपुष्मान् बलवान् युवेति वा न मानमारोढुमनार्यमर्हसि

idaṃ viditvā nidhanasya daiśikaṃ jarābhidhānaṃ jagato mahadbhayam / ahaṃ vapuṣmān balavān yuveti vā na mānamāroḍhumanāryamarhasi

Sanskrit only: no published translation is held for this verse.

अहं ममेत्येव च रक्तचेतसां शरीरसंज्ञा तव यः कलौ ग्रहः । तमुत्सृजैवं यदि शाम्यता भवेद् भयं ह्यहं चेति ममेति चार्छति

ahaṃ mametyeva ca raktacetasāṃ śarīrasaṃjñā tava yaḥ kalau grahaḥ / tamutsṛjaivaṃ yadi śāmyatā bhaved bhayaṃ hyahaṃ ceti mameti cārchati

Sanskrit only: no published translation is held for this verse.

यदा शरीरे न वशो ऽस्ति कस्यचिन्निरस्यमाने विविधैरुपप्लवैः । कथं क्षमं वेत्तुमहं ममेति वा शरीरसंज्ञं गृहमापदामिदम्

yadā śarīre na vaśo 'sti kasyacinnirasyamāne vividhairupaplavaiḥ / kathaṃ kṣamaṃ vettumahaṃ mameti vā śarīrasaṃjñaṃ gṛhamāpadāmidam

Sanskrit only: no published translation is held for this verse.

सपन्नगे यः कुगृहे सदाशुचौ रमेत नित्यं प्रतिसंस्कृते ऽबले । स दुष्टधातावशुचौ चलाचले रमेत काये विपरीतदर्शनः

sapannage yaḥ kugṛhe sadāśucau rameta nityaṃ pratisaṃskṛte 'bale / sa duṣṭadhātāvaśucau calācale rameta kāye viparītadarśanaḥ

Sanskrit only: no published translation is held for this verse.

यथा प्रजाभ्यः कुनृपो बलाद् बलीन् हरत्यशेषं च न चाभिरक्षति । तथैव कायो वसनादिसाधनं हरत्यशेषं च न चानुवर्तते

yathā prajābhyaḥ kunṛpo balād balīn haratyaśeṣaṃ ca na cābhirakṣati / tathaiva kāyo vasanādisādhanaṃ haratyaśeṣaṃ ca na cānuvartate

Sanskrit only: no published translation is held for this verse.

यथा प्ररोहन्ति तृणान्ययत्नतः क्षितौ प्रयत्नात् तु भवन्ति शालयः । तथैव दुःखानि भवन्त्ययत्नतः सुखानि यत्नेन भवन्ति वा न वा

yathā prarohanti tṛṇānyayatnataḥ kṣitau prayatnāt tu bhavanti śālayaḥ / tathaiva duḥkhāni bhavantyayatnataḥ sukhāni yatnena bhavanti vā na vā

Sanskrit only: no published translation is held for this verse.

शरीरमार्तं परिकर्षतश्चलं न चास्ति किञ्चित् परमार्थतः सुखम् । सुखं हि दुःखप्रतिकारसेवया स्थिते च दुःखे तनुनि व्यवस्यति

śarīramārtaṃ parikarṣataścalaṃ na cāsti kiñcit paramārthataḥ sukham / sukhaṃ hi duḥkhapratikārasevayā sthite ca duḥkhe tanuni vyavasyati

Sanskrit only: no published translation is held for this verse.

यथानपेक्ष्याग्र्यमपीप्सितं सुखं प्रवाधते दुःखमुपेतमण्वपि । तथानपेक्ष्यात्मनि दुःखमागतं न विद्यते किञ्चन कस्यचित् सुखं

yathānapekṣyāgryamapīpsitaṃ sukhaṃ pravādhate duḥkhamupetamaṇvapi / tathānapekṣyātmani duḥkhamāgataṃ na vidyate kiñcana kasyacit sukhaṃ

Sanskrit only: no published translation is held for this verse.

शरीरमीदृग् बहुदुःखाध्रुवं फलानुरोधादथ नावगच्छसि । द्रवत्फलेभ्यो धृतिरश्मिभिर्मनो निगृह्यतां गौरिव शस्यलालसा

śarīramīdṛg bahuduḥkhādhruvaṃ phalānurodhādatha nāvagacchasi / dravatphalebhyo dhṛtiraśmibhirmano nigṛhyatāṃ gauriva śasyalālasā

Sanskrit only: no published translation is held for this verse.

न कामभोगा हि भवन्ति तृप्तये हवींषि दीप्तस्य विभावसोरिव । यथा यथा कामसुखेषु वर्तते तथा तथेच्छा विषयेषु वर्द्धते

na kāmabhogā hi bhavanti tṛptaye havīṃṣi dīptasya vibhāvasoriva / yathā yathā kāmasukheṣu vartate tathā tathecchā viṣayeṣu varddhate

Sanskrit only: no published translation is held for this verse.

यथा च कुष्ठव्यसनेन दुःखितः प्रतापनान्नैव शमं निगच्छति । तथेन्द्रियार्थेष्वजितेन्द्रियश्चरन्न कामभोगैरुपशान्तिमृच्छति

yathā ca kuṣṭhavyasanena duḥkhitaḥ pratāpanānnaiva śamaṃ nigacchati / tathendriyārtheṣvajitendriyaścaranna kāmabhogairupaśāntimṛcchati

Sanskrit only: no published translation is held for this verse.

यथा हि भैषज्यसुखाभिकाङ्क्षया भजेत रोगान्न भजेत तत्क्षमम् । तथा शरीरे बहुदुःखभाजने रमेत मोहाद् विषयाभिकाङ्क्षया

yathā hi bhaiṣajyasukhābhikāṅkṣayā bhajeta rogānna bhajeta tatkṣamam / tathā śarīre bahuduḥkhabhājane rameta mohād viṣayābhikāṅkṣayā

Sanskrit only: no published translation is held for this verse.

अनर्थकामः पुरुषस्य यो जनः स तस्य शत्रुः किल तेन कर्मणा । अनर्थमूला विषयाश्च केवला ननु प्रहेया विषमा यथारयः

anarthakāmaḥ puruṣasya yo janaḥ sa tasya śatruḥ kila tena karmaṇā / anarthamūlā viṣayāśca kevalā nanu praheyā viṣamā yathārayaḥ

Sanskrit only: no published translation is held for this verse.

इहैव भूत्वा रिपवो वधात्मकाः प्रयान्ति काले पुरुषस्य मित्रतां । परत्र चैवेह च दुःखहेतवो भवन्ति कामा न तु कस्यचिच्छिवाः

ihaiva bhūtvā ripavo vadhātmakāḥ prayānti kāle puruṣasya mitratāṃ / paratra caiveha ca duḥkhahetavo bhavanti kāmā na tu kasyacicchivāḥ

Sanskrit only: no published translation is held for this verse.

यथोपयुक्तं रसवर्णगन्धवद् वधाय किम्पाकफलं न पुष्टये । निषेव्यमाणा विषयाश्चलात्मनो भवन्त्यनर्थाय तथा न भूतये

yathopayuktaṃ rasavarṇagandhavad vadhāya kimpākaphalaṃ na puṣṭaye / niṣevyamāṇā viṣayāścalātmano bhavantyanarthāya tathā na bhūtaye

Sanskrit only: no published translation is held for this verse.

तदेतदाज्ञाय विपाप्मनात्मना विमोक्षधर्माद्युपसहितं हितम् । जुषस्व मे सज्जनसंमतं मतं प्रचक्ष्व वा निश्चयमुद् गिरन् गिरम्

tadetadājñāya vipāpmanātmanā vimokṣadharmādyupasahitaṃ hitam / juṣasva me sajjanasaṃmataṃ mataṃ pracakṣva vā niścayamud giran giram

Sanskrit only: no published translation is held for this verse.

इति हितमपि बह्वपीदमुक्तः श्रुतमहता श्रमणेन तेन नन्दः । न धृतिमुपययौ न शर्म लेभे द्विरद इवातिमदो मदान्धचेताः

iti hitamapi bahvapīdamuktaḥ śrutamahatā śramaṇena tena nandaḥ / na dhṛtimupayayau na śarma lebhe dvirada ivātimado madāndhacetāḥ

Sanskrit only: no published translation is held for this verse.

नन्दस्य भावमवगम्य ततः स भिक्षुः पारिप्लवं गृहसुखाभिमुखं न धर्मे । सत्त्वाशयानुशयभावपरीक्षकाय बुद्धाय तत्त्वविदुषे कथयांचकार

nandasya bhāvamavagamya tataḥ sa bhikṣuḥ pāriplavaṃ gṛhasukhābhimukhaṃ na dharme / sattvāśayānuśayabhāvaparīkṣakāya buddhāya tattvaviduṣe kathayāṃcakāra

Sanskrit only: no published translation is held for this verse.