यथा नर्तकी शृङ्गारादिरसैर् हावभावैश् च निबद्धगीतवादित्रनृत्यानि रङ्गस्य दर्शयित्वा कृतकार्या नृत्यान् निवर्तते । एवं प्रकृतिर् महदहङ्कारतन्मात्रेन्द्रियभूतभावेन(प्।५४) देवमानुषतिर्यग्रूपासु योनिषु सुखदुःखमोहाकृतिः शान्तघोरमूढविषया सती आत्मानं पुरुषस्य प्रकाश्य निवर्तते । तस्यां च निवृत्तायाम् असौ केवलः पुरुषो दुःखत्रयं नानुभवति । यथा जलवाहकस्य घटाभावे तदाधेयस्योदकस्याभावः । तथा दुःखाभावः । ततो ऽसौ मोक्षं गच्छति
yathā nartakī śṛṅgārādirasair hāvabhāvaiś ca nibaddhagītavāditranṛtyāni raṅgasya darśayitvā kṛtakāryā nṛtyān nivartate | evaṃ prakṛtir mahadahaṅkāratanmātrendriyabhūtabhāvena(p.54) devamānuṣatiryagrūpāsu yoniṣu sukhaduḥkhamohākṛtiḥ śāntaghoramūḍhaviṣayā satī ātmānaṃ puruṣasya prakāśya nivartate | tasyāṃ ca nivṛttāyām asau kevalaḥ puruṣo duḥkhatrayaṃ nānubhavati | yathā jalavāhakasya ghaṭābhāve tadādheyasyodakasyābhāvaḥ | tathā duḥkhābhāvaḥ | tato 'sau mokṣaṃ gacchati
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.