Skanda Purāṇa (part) 13

सनत्कुमार उवाच विस्तृते हिमवत्पृष्ठे विमानशतसंकुले । अभवत्स तु कालेन शैलपुत्र्याः स्वयंवरः

sanatkumāra uvāca vistṛte himavatpṛṣṭhe vimānaśatasaṃkule / abhavatsa tu kālena śailaputryāḥ svayaṃvaraḥ

Sanskrit only: no published translation is held for this verse.

अथ पर्वतराजो ऽसौ हिमवान्ध्यानकोविदः । दुहितुर्देवदेवेन ज्ञात्वा तदभिमन्त्रितम्

atha parvatarājo 'sau himavāndhyānakovidaḥ / duhiturdevadevena jñātvā tadabhimantritam

Sanskrit only: no published translation is held for this verse.

जानन्नपि महाशैलः समाचारक्रियेप्सया । स्वयंवरं ततो देव्याः सर्वलोकेष्वघोषयत्

jānannapi mahāśailaḥ samācārakriyepsayā / svayaṃvaraṃ tato devyāḥ sarvalokeṣvaghoṣayat

Sanskrit only: no published translation is held for this verse.

देवदानवसिद्धानां सर्वलोकनिवासिनाम् । वृणुयात्परमेशानं समक्षं येन मे सुता

devadānavasiddhānāṃ sarvalokanivāsinām / vṛṇuyātparameśānaṃ samakṣaṃ yena me sutā

Sanskrit only: no published translation is held for this verse.

तदेव सुकृतं श्लाघ्यं ममाभ्युदयसंमतम् । इति संचिन्त्य शैलेन्द्रः कृत्वा हृदि महेश्वरम्

tadeva sukṛtaṃ ślāghyaṃ mamābhyudayasaṃmatam / iti saṃcintya śailendraḥ kṛtvā hṛdi maheśvaram

Sanskrit only: no published translation is held for this verse.

आब्रह्मकेषु लोकेषु देव्याः शैलेन्द्रसत्तमः । कृत्वा रत्नाकुलं देशं स्वयंवरमचीकरत्

ābrahmakeṣu lokeṣu devyāḥ śailendrasattamaḥ / kṛtvā ratnākulaṃ deśaṃ svayaṃvaramacīkarat

Sanskrit only: no published translation is held for this verse.

अथैवमाघोषितमात्र एव स्वयंवरे व्यास महीध्रपुत्र्याः । देवादयः सर्वजगन्निवासाः समाययुर्दिव्यगृहीतवेषाः

athaivamāghoṣitamātra eva svayaṃvare vyāsa mahīdhraputryāḥ / devādayaḥ sarvajagannivāsāḥ samāyayurdivyagṛhītaveṣāḥ

Sanskrit only: no published translation is held for this verse.

प्रफुल्लपद्मासनसंनिविष्टः सिद्धैर्वृतो योगिभिरप्रमेयैः । विज्ञापितस्तेन महीध्रराज्ञा पितामहस्तत्र समाजगाम

praphullapadmāsanasaṃniviṣṭaḥ siddhairvṛto yogibhiraprameyaiḥ / vijñāpitastena mahīdhrarājñā pitāmahastatra samājagāma

Sanskrit only: no published translation is held for this verse.

अक्ष्णां सहस्रं सुरराट् स बिभ्रद् दिव्याङ्गहारस्रगुदात्तरूपः । ऐरावतं सर्वगजेन्द्रमुख्यं स्रवन्मदासारकृतप्रवाहम् । आरुह्य सर्वामरराट् स वज्रं बिभ्रत्समागात्पुरतः सुराणाम्

akṣṇāṃ sahasraṃ surarāṭ sa bibhrad divyāṅgahārasragudāttarūpaḥ / airāvataṃ sarvagajendramukhyaṃ sravanmadāsārakṛtapravāham / āruhya sarvāmararāṭ sa vajraṃ bibhratsamāgātpurataḥ surāṇām

Sanskrit only: no published translation is held for this verse.

तेजःप्रतापाधिकदिव्यरूपः प्रोद्भासयन्सर्वदिशो विवस्वान् । हैमं विमानं सचलत्पताकम् आरुह्य आगात्त्वरितं जवेन

tejaḥpratāpādhikadivyarūpaḥ prodbhāsayansarvadiśo vivasvān / haimaṃ vimānaṃ sacalatpatākam āruhya āgāttvaritaṃ javena

Sanskrit only: no published translation is held for this verse.

मणिप्रदीप्तोज्ज्वलकुण्डलश्च वह्न्यर्कतेजःप्रतिमे विमाने । समभ्यगात्कश्यपविप्रसूनुर् आदित्य आगाद्भगनामधारी

maṇipradīptojjvalakuṇḍalaśca vahnyarkatejaḥpratime vimāne / samabhyagātkaśyapaviprasūnur āditya āgādbhaganāmadhārī

Sanskrit only: no published translation is held for this verse.

पीनाङ्गयष्टिः सुकृताङ्गहारस् तेजोबलाज्ञासदृशप्रभावः । दण्डं समादाय कृतान्त आगाद् आरुह्य भीमं महिषं जवेन

pīnāṅgayaṣṭiḥ sukṛtāṅgahāras tejobalājñāsadṛśaprabhāvaḥ / daṇḍaṃ samādāya kṛtānta āgād āruhya bhīmaṃ mahiṣaṃ javena

Sanskrit only: no published translation is held for this verse.

महामहीध्रोच्छ्रयपीनगात्रः स्वर्णादिरत्नाचितचारुवेषः । समीरणः सर्वजगद्विभर्ता विमानमारुह्य समभ्यगाद्धि

mahāmahīdhrocchrayapīnagātraḥ svarṇādiratnācitacāruveṣaḥ / samīraṇaḥ sarvajagadvibhartā vimānamāruhya samabhyagāddhi

Sanskrit only: no published translation is held for this verse.

संतापयन्सर्वसुरासुरेशांस् तेजोधिकस्तेजसि संनिविश्य । वह्निः समभ्येत्य सुरेन्द्रमध्ये ज्वलन्प्रतस्थौ वरवेषधारी

saṃtāpayansarvasurāsureśāṃs tejodhikastejasi saṃniviśya / vahniḥ samabhyetya surendramadhye jvalanpratasthau varaveṣadhārī

Sanskrit only: no published translation is held for this verse.

नानामणिप्रज्वलिताङ्गयष्टिर् जगच्चरन्दिव्यविमानमग्र्यम् । आरुह्य सर्वद्रविणाधिपेशः स राजराजस्त्वरितो ऽभ्यगाच्च

nānāmaṇiprajvalitāṅgayaṣṭir jagaccarandivyavimānamagryam / āruhya sarvadraviṇādhipeśaḥ sa rājarājastvarito 'bhyagācca

Sanskrit only: no published translation is held for this verse.

आप्याययन्सर्वसुरासुरेशान् कान्त्या च वेषेण च चारुरूपः । ज्वलन्महारत्नविचित्ररूपं विमानमारुह्य शशी समागात्

āpyāyayansarvasurāsureśān kāntyā ca veṣeṇa ca cārurūpaḥ / jvalanmahāratnavicitrarūpaṃ vimānamāruhya śaśī samāgāt

Sanskrit only: no published translation is held for this verse.

श्यामाङ्गयष्टिः सुविचित्रवेषः सर्वस्रगाबद्धसुगन्धमाली । तार्क्ष्यं समारुह्य महीध्रकल्पं गदाधरो ऽसौ त्वरितं समेतः

śyāmāṅgayaṣṭiḥ suvicitraveṣaḥ sarvasragābaddhasugandhamālī / tārkṣyaṃ samāruhya mahīdhrakalpaṃ gadādharo 'sau tvaritaṃ sametaḥ

Sanskrit only: no published translation is held for this verse.

तथाश्विनौ देवभिषग्वरौ तु एकं विमानं त्वरयाभिरुह्य । मनोहरावुज्ज्वलचारुवेषाव् आजग्मतुर्देवसदः सुवीरौ

tathāśvinau devabhiṣagvarau tu ekaṃ vimānaṃ tvarayābhiruhya / manoharāvujjvalacāruveṣāv ājagmaturdevasadaḥ suvīrau

Sanskrit only: no published translation is held for this verse.

शेषः सहस्रं स्फुरदग्निवर्णं बिभ्रत्स्फटानां ज्वलनार्कतेजाः । सार्धं स नागैरपरैर्महात्मा विमानमारुह्य समभ्यगाच्च

śeṣaḥ sahasraṃ sphuradagnivarṇaṃ bibhratsphaṭānāṃ jvalanārkatejāḥ / sārdhaṃ sa nāgairaparairmahātmā vimānamāruhya samabhyagācca

Sanskrit only: no published translation is held for this verse.

दितेः सुतानां च महासुराणां वह्न्यर्कशक्रानिलतुल्यभासाम् । वरानुरूपं प्रविधाय वेषं वृन्दं समागात्पुरतः सुराणाम्

diteḥ sutānāṃ ca mahāsurāṇāṃ vahnyarkaśakrānilatulyabhāsām / varānurūpaṃ pravidhāya veṣaṃ vṛndaṃ samāgātpurataḥ surāṇām

Sanskrit only: no published translation is held for this verse.

गन्धर्वराजः स च चारुरूपी दिव्यङ्गमो दिव्यविमानचारी । गन्धर्वसंघैः सहितो ऽप्सरोभिः शक्राज्ञया तत्र समाजगाम

gandharvarājaḥ sa ca cārurūpī divyaṅgamo divyavimānacārī / gandharvasaṃghaiḥ sahito 'psarobhiḥ śakrājñayā tatra samājagāma

Sanskrit only: no published translation is held for this verse.

अन्ये च देवास्त्रिदिवौकसेशाः पृथक्पृथक्चारुगृहीतवेषाः । आजग्मुरारुह्य विमानपृष्ठं गन्धर्वयक्षोरगकिंनराश्च

anye ca devāstridivaukaseśāḥ pṛthakpṛthakcārugṛhītaveṣāḥ / ājagmurāruhya vimānapṛṣṭhaṃ gandharvayakṣoragakiṃnarāśca

Sanskrit only: no published translation is held for this verse.

शचीपतिस्तत्र सुरेन्द्रमध्ये राजाधिकाराधिकलक्ष्यमूर्तिः । आज्ञाबलैश्वर्यकृतप्रमोहो वृथाधिकं यत्नमुपाचकार

śacīpatistatra surendramadhye rājādhikārādhikalakṣyamūrtiḥ / ājñābalaiśvaryakṛtapramoho vṛthādhikaṃ yatnamupācakāra

Sanskrit only: no published translation is held for this verse.

हेतुस्त्रिलोकस्य जगत्प्रसूतेर् माता च तेषां ससुरासुराणाम् । पत्नी च शम्भोः पुरुषस्य धाम्नो गीता पुराणे प्रकृतिः परार्था । दक्षस्य कोपाद्धिमवद्गृहं सा कार्यार्थमागात्परमेशपत्नी

hetustrilokasya jagatprasūter mātā ca teṣāṃ sasurāsurāṇām / patnī ca śambhoḥ puruṣasya dhāmno gītā purāṇe prakṛtiḥ parārthā / dakṣasya kopāddhimavadgṛhaṃ sā kāryārthamāgātparameśapatnī

Sanskrit only: no published translation is held for this verse.

एवं यतस्तां न विदुः सुरेशा मोहस्ततस्तान्पर आविवेश । वरार्थमाजग्मुरतो विमूढा ईशेन यस्माद्वृडिताः कृतास्ते

evaṃ yatastāṃ na viduḥ sureśā mohastatastānpara āviveśa / varārthamājagmurato vimūḍhā īśena yasmādvṛḍitāḥ kṛtāste

Sanskrit only: no published translation is held for this verse.

ततः प्रनृत्ताभिरथाप्सरोभिर् गन्धर्वसंघैश्च सुगीतशब्दैः । स्थितैश्च नानाविधरूपवेषैर् देवासुरादित्रिदिवौकसंघैः

tataḥ pranṛttābhirathāpsarobhir gandharvasaṃghaiśca sugītaśabdaiḥ / sthitaiśca nānāvidharūpaveṣair devāsurāditridivaukasaṃghaiḥ

Sanskrit only: no published translation is held for this verse.

विमानपृष्ठे मणिहेमचित्रे स्थिता चलच्चामरवीजिताङ्गी । सर्वर्तुपुष्पां सुसुगन्धमालां प्रगृह्य देवी प्रसभं प्रतस्थे

vimānapṛṣṭhe maṇihemacitre sthitā calaccāmaravījitāṅgī / sarvartupuṣpāṃ susugandhamālāṃ pragṛhya devī prasabhaṃ pratasthe

Sanskrit only: no published translation is held for this verse.

सनत्कुमार उवाच मालां प्रगृह्य देव्यां तु स्थितायां देवसंसदि । शक्राद्यैरागतैर्देवैः स्वयंवरमुपागतैः

sanatkumāra uvāca mālāṃ pragṛhya devyāṃ tu sthitāyāṃ devasaṃsadi / śakrādyairāgatairdevaiḥ svayaṃvaramupāgataiḥ

Sanskrit only: no published translation is held for this verse.

देव्या जिज्ञासया शम्भुर् भूत्वा पञ्चशिखः शिशुः । उत्सङ्गतलसंसुप्तो बभूव सहसा विभुः

devyā jijñāsayā śambhur bhūtvā pañcaśikhaḥ śiśuḥ / utsaṅgatalasaṃsupto babhūva sahasā vibhuḥ

Sanskrit only: no published translation is held for this verse.

अकस्मादथ तं देवी शिशुं पञ्चशिखं स्थितम् । ज्ञात्वा योगसमाधानाज् जहृषे प्रीतिसंयुता

akasmādatha taṃ devī śiśuṃ pañcaśikhaṃ sthitam / jñātvā yogasamādhānāj jahṛṣe prītisaṃyutā

Sanskrit only: no published translation is held for this verse.

अथ सा शुद्धसंकल्पा काङ्क्षितप्राप्तसत्फला । निर्वृतेव तदा तस्थौ कृत्वा हृदि तमेव तु

atha sā śuddhasaṃkalpā kāṅkṣitaprāptasatphalā / nirvṛteva tadā tasthau kṛtvā hṛdi tameva tu

Sanskrit only: no published translation is held for this verse.

ततो दृष्ट्वा शिशुं देवा देव्या उत्सङ्गवर्तिनम् । को ऽयमत्रेति संमन्त्र्य चुक्रुधुर्भृशमार्दिताः

tato dṛṣṭvā śiśuṃ devā devyā utsaṅgavartinam / ko 'yamatreti saṃmantrya cukrudhurbhṛśamārditāḥ

Sanskrit only: no published translation is held for this verse.

वज्रमाकारयत्तस्य बाहुमुत्क्षिप्य वृत्रहा । स बाहुरुत्थितस्तस्य तथैव समतिष्ठत

vajramākārayattasya bāhumutkṣipya vṛtrahā / sa bāhurutthitastasya tathaiva samatiṣṭhata

Sanskrit only: no published translation is held for this verse.

स्तम्भितः शिशुरूपेण देवदेवेन शम्भुना । वज्रं क्षेप्तुं न शशाक बाहुं चालयितुं न च

stambhitaḥ śiśurūpeṇa devadevena śambhunā / vajraṃ kṣeptuṃ na śaśāka bāhuṃ cālayituṃ na ca

Sanskrit only: no published translation is held for this verse.

भगो नाम ततो देव आदित्यः काश्यपो बली । उत्क्षिप्य मुशलं दीप्तं क्षेप्तुमैच्छद्विमोहितः । तस्यापि भगवान्बाहुं तथैवास्तम्भयत्तदा

bhago nāma tato deva ādityaḥ kāśyapo balī / utkṣipya muśalaṃ dīptaṃ kṣeptumaicchadvimohitaḥ / tasyāpi bhagavānbāhuṃ tathaivāstambhayattadā

Sanskrit only: no published translation is held for this verse.

शिरः प्रकम्पयन्विष्णुः सक्रोधस्तमवैक्षत । तस्यापि शिरसो देवः खालित्यं प्रचकार ह

śiraḥ prakampayanviṣṇuḥ sakrodhastamavaikṣata / tasyāpi śiraso devaḥ khālityaṃ pracakāra ha

Sanskrit only: no published translation is held for this verse.

पूषा दन्तान्दशन्दन्तैः शर्वमैक्षत मोहितः । तस्यापि दशनाः पेतुर् दृष्टमात्रस्य शम्भुना

pūṣā dantāndaśandantaiḥ śarvamaikṣata mohitaḥ / tasyāpi daśanāḥ petur dṛṣṭamātrasya śambhunā

Sanskrit only: no published translation is held for this verse.

यमस्य स्तम्भितो दण्डस् तेजो वह्नेः शशेः प्रभा । बलं वायोस्तथान्येषां तस्मिन्सर्वदिवौकसाम् । बलं तेजश्च योगं च तथैवास्तम्भयद्विभुः

yamasya stambhito daṇḍas tejo vahneḥ śaśeḥ prabhā / balaṃ vāyostathānyeṣāṃ tasminsarvadivaukasām / balaṃ tejaśca yogaṃ ca tathaivāstambhayadvibhuḥ

Sanskrit only: no published translation is held for this verse.

अथ तेषु स्थितेष्वेवं मन्युमत्सु सुरेषु तु । ब्रह्मा परमसंविग्नो ध्यानमास्थाय सादरम् । बुबुधे देवदेवेशम् उमोत्सङ्गसमास्थितम्

atha teṣu sthiteṣvevaṃ manyumatsu sureṣu tu / brahmā paramasaṃvigno dhyānamāsthāya sādaram / bubudhe devadeveśam umotsaṅgasamāsthitam

Sanskrit only: no published translation is held for this verse.

स बुद्ध्वा परमेशानं शीघ्रमुत्थाय सादरम् । ववन्दे चरणौ शम्भोर् अस्तुवच्च पितामहः । पौराणैः सामसंगीतैः पुण्याख्यैर्गुह्यनामभिः

sa buddhvā parameśānaṃ śīghramutthāya sādaram / vavande caraṇau śambhor astuvacca pitāmahaḥ / paurāṇaiḥ sāmasaṃgītaiḥ puṇyākhyairguhyanāmabhiḥ

Sanskrit only: no published translation is held for this verse.

अजस्त्वममरो देव स्रष्टा हर्ता विभुः परः । प्रधानपुरुषस्तत्त्वं ब्रह्म ध्येयं तदक्षयम्

ajastvamamaro deva sraṣṭā hartā vibhuḥ paraḥ / pradhānapuruṣastattvaṃ brahma dhyeyaṃ tadakṣayam

Sanskrit only: no published translation is held for this verse.

अमृतं परमात्मा च ईश्वरः कारणं महत् । ब्रह्मकृत्प्रकृतेः स्रष्टा सर्वसृक्परमेश्वरः

amṛtaṃ paramātmā ca īśvaraḥ kāraṇaṃ mahat / brahmakṛtprakṛteḥ sraṣṭā sarvasṛkparameśvaraḥ

Sanskrit only: no published translation is held for this verse.

इयं च प्रकृतिर्देवी सदा ते सृष्टिकारणम् । पत्नीरूपं समास्थाय जगत्कारणमागता

iyaṃ ca prakṛtirdevī sadā te sṛṣṭikāraṇam / patnīrūpaṃ samāsthāya jagatkāraṇamāgatā

Sanskrit only: no published translation is held for this verse.

नमस्तुभ्यं सदेशान देव्याश्चैव सदा नमः । प्रसादात्तव देवेश नियोगाच्च मया प्रजाः

namastubhyaṃ sadeśāna devyāścaiva sadā namaḥ / prasādāttava deveśa niyogācca mayā prajāḥ

Sanskrit only: no published translation is held for this verse.

देवाद्यास्त इमे सृष्टा मूढास्त्वद्योगमोहिताः । कुरु प्रसादमेतेषां यथापूर्वं भवन्त्विमे

devādyāsta ime sṛṣṭā mūḍhāstvadyogamohitāḥ / kuru prasādameteṣāṃ yathāpūrvaṃ bhavantvime

Sanskrit only: no published translation is held for this verse.

तत एवं तदा ब्रह्मा विज्ञाप्य परमेश्वरम् । स्तम्भितान्सर्वदेवांस्तान् इदमाह महाद्युतिः

tata evaṃ tadā brahmā vijñāpya parameśvaram / stambhitānsarvadevāṃstān idamāha mahādyutiḥ

Sanskrit only: no published translation is held for this verse.

मूढाः स्थ देवताः सर्वे नैनं बुध्यत शंकरम् । देवदेवमिहायातं ममैवोत्पत्तिकारणम्

mūḍhāḥ stha devatāḥ sarve nainaṃ budhyata śaṃkaram / devadevamihāyātaṃ mamaivotpattikāraṇam

Sanskrit only: no published translation is held for this verse.

अयं रुद्रो महादेवः शर्वो भीमः कपर्दिमान् । उग्र ईशान आत्मा च अजः शंकर एव च

ayaṃ rudro mahādevaḥ śarvo bhīmaḥ kapardimān / ugra īśāna ātmā ca ajaḥ śaṃkara eva ca

Sanskrit only: no published translation is held for this verse.

देवदेवः परं धाम ईशः पशुपतिः पतिः । जगत्स्रष्टा जगद्धर्ता जगत्संस्थितिकारणम्

devadevaḥ paraṃ dhāma īśaḥ paśupatiḥ patiḥ / jagatsraṣṭā jagaddhartā jagatsaṃsthitikāraṇam

Sanskrit only: no published translation is held for this verse.

गच्छध्वं शरणं शीघ्रम् एवमेवामरेश्वराः । सार्धं मयैव देवेशं परमात्मानमव्ययम्

gacchadhvaṃ śaraṇaṃ śīghram evamevāmareśvarāḥ / sārdhaṃ mayaiva deveśaṃ paramātmānamavyayam

Sanskrit only: no published translation is held for this verse.

ततस्ते स्तम्भिताः सर्वे तथैव त्रिदिवौकसः । प्रणेमुर्मनसा शर्वं भावशुद्धेन चेतसा

tataste stambhitāḥ sarve tathaiva tridivaukasaḥ / praṇemurmanasā śarvaṃ bhāvaśuddhena cetasā

Sanskrit only: no published translation is held for this verse.

अथ तेषां प्रसन्नो ऽभूद् देवदेवो महेश्वरः । यथापूर्वं चकाराशु देवतानां तनूस्तदा

atha teṣāṃ prasanno 'bhūd devadevo maheśvaraḥ / yathāpūrvaṃ cakārāśu devatānāṃ tanūstadā

Sanskrit only: no published translation is held for this verse.

तत एवं प्रवृत्ते तु सर्वदेवनिवारणे । वपुश्चकार देवेशस् त्र्यक्षं परममद्भुतम् । तेजसा यस्य देवास्ते चक्षुरप्रार्थयन्विभुम्

tata evaṃ pravṛtte tu sarvadevanivāraṇe / vapuścakāra deveśas tryakṣaṃ paramamadbhutam / tejasā yasya devāste cakṣuraprārthayanvibhum

Sanskrit only: no published translation is held for this verse.

तेभ्यः परमकं चक्षुः स्ववपुर्दृष्टिशक्तिमत् । प्रादात्परमदेवेशः अपश्यंस्ते तदा प्रभुम्

tebhyaḥ paramakaṃ cakṣuḥ svavapurdṛṣṭiśaktimat / prādātparamadeveśaḥ apaśyaṃste tadā prabhum

Sanskrit only: no published translation is held for this verse.

ते दृष्ट्वा परमेशानं तृतीयेक्षणधारिणम् । ब्रह्माद्या नेमिरे तूर्णं सर्व एव सुरेश्वराः

te dṛṣṭvā parameśānaṃ tṛtīyekṣaṇadhāriṇam / brahmādyā nemire tūrṇaṃ sarva eva sureśvarāḥ

Sanskrit only: no published translation is held for this verse.

तस्य देवी तदा हृष्टा समक्षं त्रिदिवौकसाम् । पादयोः स्थापयामास स्रग्मालाममितद्युतेः

tasya devī tadā hṛṣṭā samakṣaṃ tridivaukasām / pādayoḥ sthāpayāmāsa sragmālāmamitadyuteḥ

Sanskrit only: no published translation is held for this verse.

साधु साध्विति सम्प्रोच्य देवतास्ते पुनर्विभुम् । सह देव्या नमश्चक्रुः शिरोभिर्भूतलाश्रितैः

sādhu sādhviti samprocya devatāste punarvibhum / saha devyā namaścakruḥ śirobhirbhūtalāśritaiḥ

Sanskrit only: no published translation is held for this verse.

अथास्मिन्नन्तरे व्यास ब्रह्मा लोकपितामहः । हिमवन्तं महाशैलम् इदमाह महाद्युतिः

athāsminnantare vyāsa brahmā lokapitāmahaḥ / himavantaṃ mahāśailam idamāha mahādyutiḥ

Sanskrit only: no published translation is held for this verse.

श्लाघ्यः पूज्यश्च वन्द्यश्च सर्वेषां नस्त्वमद्य हि । शर्वेण सह सम्बन्धो यस्य ते ऽभूदयं महान् । क्रियतां चाशु उद्वाहः किमर्थं स्थीयते परम्

ślāghyaḥ pūjyaśca vandyaśca sarveṣāṃ nastvamadya hi / śarveṇa saha sambandho yasya te 'bhūdayaṃ mahān / kriyatāṃ cāśu udvāhaḥ kimarthaṃ sthīyate param

Sanskrit only: no published translation is held for this verse.

ततः प्रणम्य हिमवांस् तं देवं प्रत्यभाषत । त्वमेव कारणं देव येन शर्वादयं मम

tataḥ praṇamya himavāṃs taṃ devaṃ pratyabhāṣata / tvameva kāraṇaṃ deva yena śarvādayaṃ mama

Sanskrit only: no published translation is held for this verse.

प्रसादः सहसोत्पन्नो हेतुश्चापि त्वमेव हि । उद्वाहं तु यथा यादृक् तद्विधत्स्व पितामह

prasādaḥ sahasotpanno hetuścāpi tvameva hi / udvāhaṃ tu yathā yādṛk tadvidhatsva pitāmaha

Sanskrit only: no published translation is held for this verse.

तत एवं वचः श्रुत्वा गिरिराज्ञः पितामहः । उद्वाहः क्रियतां देव इति देवमुवाच ह । तमाह शंकरो देवं यथेष्टमिति लोकपः

tata evaṃ vacaḥ śrutvā girirājñaḥ pitāmahaḥ / udvāhaḥ kriyatāṃ deva iti devamuvāca ha / tamāha śaṃkaro devaṃ yatheṣṭamiti lokapaḥ

Sanskrit only: no published translation is held for this verse.

तत्क्षणाच्च ततो व्यास ब्रह्मणा कल्पितं पुरम् । उद्वाहार्थं महेशस्य नानारत्नोपशोभितम्

tatkṣaṇācca tato vyāsa brahmaṇā kalpitaṃ puram / udvāhārthaṃ maheśasya nānāratnopaśobhitam

Sanskrit only: no published translation is held for this verse.

रत्नानि मणयश्चित्रा हेम मौक्तिकमेव च । मूर्तिमन्त उपागम्य अलंचक्रुः पुरोत्तमम्

ratnāni maṇayaścitrā hema mauktikameva ca / mūrtimanta upāgamya alaṃcakruḥ purottamam

Sanskrit only: no published translation is held for this verse.

चित्रा मारकती भूमिः सौवर्णस्तम्भशोभिता । भास्वत्स्फटिकभित्तीभिर् मुक्ताहारप्रलम्बिता

citrā mārakatī bhūmiḥ sauvarṇastambhaśobhitā / bhāsvatsphaṭikabhittībhir muktāhārapralambitā

Sanskrit only: no published translation is held for this verse.

तस्मिञ्छिवपुरे रम्ये उद्वाहार्थं विनिर्मिते । शुशुभे देवदेवस्य महेशस्य महात्मनः

tasmiñchivapure ramye udvāhārthaṃ vinirmite / śuśubhe devadevasya maheśasya mahātmanaḥ

Sanskrit only: no published translation is held for this verse.

सोमादित्यौ समं तत्र भासयन्तौ महामणी । सौरभेयं मनोरम्यं गन्धमाघ्राय मारुतः । प्रववौ सुखसंस्पर्श ईशे भक्तिं प्रसादयन्

somādityau samaṃ tatra bhāsayantau mahāmaṇī / saurabheyaṃ manoramyaṃ gandhamāghrāya mārutaḥ / pravavau sukhasaṃsparśa īśe bhaktiṃ prasādayan

Sanskrit only: no published translation is held for this verse.

समुद्रास्तत्र चत्वारः शक्राद्याश्च सुरोत्तमाः । देवनद्यो महानद्यः सिद्धा मुनय एव च

samudrāstatra catvāraḥ śakrādyāśca surottamāḥ / devanadyo mahānadyaḥ siddhā munaya eva ca

Sanskrit only: no published translation is held for this verse.

गन्धर्वाप्सरसः सर्वे नागा यक्षाः सराक्षसाः । गुह्यकाः खेचराश्चान्ये किंनरा देवचारणाः

gandharvāpsarasaḥ sarve nāgā yakṣāḥ sarākṣasāḥ / guhyakāḥ khecarāścānye kiṃnarā devacāraṇāḥ

Sanskrit only: no published translation is held for this verse.

तुम्बुरुर्नारदो हाहा हूहू चैव तु सामगाः । रत्नान्यादाय वाद्यांश्च तत्राजग्मुस्तदा पुरम्

tumbururnārado hāhā hūhū caiva tu sāmagāḥ / ratnānyādāya vādyāṃśca tatrājagmustadā puram

Sanskrit only: no published translation is held for this verse.

ऋषयः कृत्स्नशस्तत्र वेदगीतांस्तपोधनाः । पुण्यान्वैवाहिकान्मन्त्राञ् जेपुः संहृष्टमानसाः

ṛṣayaḥ kṛtsnaśastatra vedagītāṃstapodhanāḥ / puṇyānvaivāhikānmantrāñ jepuḥ saṃhṛṣṭamānasāḥ

Sanskrit only: no published translation is held for this verse.

जगतो मातरः सर्वा देवकन्याश्च कृत्स्नशः । गायन्ति हृषिताः सर्वा उद्वाहे परमेष्ठिनः

jagato mātaraḥ sarvā devakanyāśca kṛtsnaśaḥ / gāyanti hṛṣitāḥ sarvā udvāhe parameṣṭhinaḥ

Sanskrit only: no published translation is held for this verse.

ऋतवः षट् समं तत्र नानागन्धसुखावहाः । उद्वाहः शंकरस्येति मूर्तिमन्त उपस्थिताः

ṛtavaḥ ṣaṭ samaṃ tatra nānāgandhasukhāvahāḥ / udvāhaḥ śaṃkarasyeti mūrtimanta upasthitāḥ

Sanskrit only: no published translation is held for this verse.

नीलजीमूतसंघातम् अन्द्रध्वानप्रहर्षितैः । केकायमानैः शिखिभिर् नृत्यमानैश्च सर्वशः

nīlajīmūtasaṃghātam andradhvānapraharṣitaiḥ / kekāyamānaiḥ śikhibhir nṛtyamānaiśca sarvaśaḥ

Sanskrit only: no published translation is held for this verse.

विलोलपिङ्गलस्पष्ट- विद्युल्लेखावभासिता । कुमुदापीतशुक्लाभिर् बलाकाभिश्च शोभिता

vilolapiṅgalaspaṣṭa- vidyullekhāvabhāsitā / kumudāpītaśuklābhir balākābhiśca śobhitā

Sanskrit only: no published translation is held for this verse.

प्रत्यग्रसंजातशिलीन्ध्रकन्दला लताद्रुमाभ्युद्गतचारुपल्लवा । शुभाम्बुधाराप्रणयप्रबोधितैर् मदालसैर्भेकगणैश्च नादिता

pratyagrasaṃjātaśilīndhrakandalā latādrumābhyudgatacārupallavā / śubhāmbudhārāpraṇayaprabodhitair madālasairbhekagaṇaiśca nāditā

Sanskrit only: no published translation is held for this verse.

प्रियेषु मानोन्नतमानसानां सुनिश्चितानामपि कामिनीनाम् । मयूरकेकाभिरुतैः क्षणेन मनोहरैर्मानविभङ्गकर्त्री

priyeṣu mānonnatamānasānāṃ suniścitānāmapi kāminīnām / mayūrakekābhirutaiḥ kṣaṇena manoharairmānavibhaṅgakartrī

Sanskrit only: no published translation is held for this verse.

तथा त्रिवर्णोज्ज्वलचारुमूर्तिना शशाङ्कलेखाकुटिलेन सर्वतः । पयोदसंघातसमीपवर्तिना महेन्द्रचापेन भृशं विराजिता

tathā trivarṇojjvalacārumūrtinā śaśāṅkalekhākuṭilena sarvataḥ / payodasaṃghātasamīpavartinā mahendracāpena bhṛśaṃ virājitā

Sanskrit only: no published translation is held for this verse.

विचित्रपुष्पस्पर्शात्सुगन्धिभिर् घनाम्बुसम्पर्कतया सुशीतलैः । विकम्पयन्ती पवनैर्मनोहरैः सुराङ्गनानामलकावलीः शुभाः

vicitrapuṣpasparśātsugandhibhir ghanāmbusamparkatayā suśītalaiḥ / vikampayantī pavanairmanoharaiḥ surāṅganānāmalakāvalīḥ śubhāḥ

Sanskrit only: no published translation is held for this verse.

गर्जत्पयोदस्थगितेन्दुबिम्बा नवाम्बुसेकोद्गतचारुदूर्वा । निरीक्षिता सादरमुत्सुकाभिर् निश्वासधूम्रं पथिकाङ्गनाभिः

garjatpayodasthagitendubimbā navāmbusekodgatacārudūrvā / nirīkṣitā sādaramutsukābhir niśvāsadhūmraṃ pathikāṅganābhiḥ

Sanskrit only: no published translation is held for this verse.

हंसनूपुरशब्दाढ्या समुन्नतपयोधरा । चलद्विद्युल्लताकाञ्ची स्पष्टपद्मविलोचना

haṃsanūpuraśabdāḍhyā samunnatapayodharā / caladvidyullatākāñcī spaṣṭapadmavilocanā

Sanskrit only: no published translation is held for this verse.

असितजलदवृन्दध् वानवित्रस्तहंसा विमलसलिलधारापातनम्रोत्पलाग्रा । सुरभिकुसुमरेणुकॢप्तसर्वाङ्गशोभा गिरिदुहितृविवाहे प्रावृडागाद्विभूत्यै

asitajaladavṛndadh vānavitrastahaṃsā vimalasaliladhārāpātanamrotpalāgrā / surabhikusumareṇukḷptasarvāṅgaśobhā giriduhitṛvivāhe prāvṛḍāgādvibhūtyai

Sanskrit only: no published translation is held for this verse.

मेघकञ्चुकनिर्मुक्ता पद्मकोशोद्गतस्तनी । हंसनूपुरनिर्ह्रादा सर्वरम्यदिगन्तरा

meghakañcukanirmuktā padmakośodgatastanī / haṃsanūpuranirhrādā sarvaramyadigantarā

Sanskrit only: no published translation is held for this verse.

विस्तीर्णपुलिनश्रोणी कूजत्सारसमेखला । प्रफुल्लेन्दीवराभोग- विलोचनमनोहरा

vistīrṇapulinaśroṇī kūjatsārasamekhalā / praphullendīvarābhoga- vilocanamanoharā

Sanskrit only: no published translation is held for this verse.

पक्वबिम्बाधरपुटा कुन्ददन्तप्रहासिनी । नवश्यामालताश्याम- रोमराजीपरिष्कृता

pakvabimbādharapuṭā kundadantaprahāsinī / navaśyāmālatāśyāma- romarājīpariṣkṛtā

Sanskrit only: no published translation is held for this verse.

चन्द्रांशुहारवर्येण सौधोरःस्थलसर्पिणा । प्रह्लादयन्ती चेतांसि सर्वेषां त्रिदिवौकसाम्

candrāṃśuhāravaryeṇa saudhoraḥsthalasarpiṇā / prahlādayantī cetāṃsi sarveṣāṃ tridivaukasām

Sanskrit only: no published translation is held for this verse.

समदालिकुलोद्गीत- मधुरस्वरभाषिणी । चलत्कुमुदसंघात- चारुकुण्डलशोभिनी

samadālikulodgīta- madhurasvarabhāṣiṇī / calatkumudasaṃghāta- cārukuṇḍalaśobhinī

Sanskrit only: no published translation is held for this verse.

रक्ताशोकाग्रशाखोत्थ- पल्लवाङ्गुलिधारिणी । तत्पुष्पसंचयमयैर् वासोभिः समलंकृता

raktāśokāgraśākhottha- pallavāṅgulidhāriṇī / tatpuṣpasaṃcayamayair vāsobhiḥ samalaṃkṛtā

Sanskrit only: no published translation is held for this verse.

रक्तोत्पलाग्रचरणा जातीपुष्पनखावली । कदलीस्तम्भचारूरुः शशाङ्कवदना तथा

raktotpalāgracaraṇā jātīpuṣpanakhāvalī / kadalīstambhacārūruḥ śaśāṅkavadanā tathā

Sanskrit only: no published translation is held for this verse.

पद्मकिञ्जल्कसम्पृक्त- पवनाग्रकरैः सुरान् । प्रेम्णा स्पृशन्ती कान्तेव शरदागान्मनोरमा

padmakiñjalkasampṛkta- pavanāgrakaraiḥ surān / premṇā spṛśantī kānteva śaradāgānmanoramā

Sanskrit only: no published translation is held for this verse.

निर्मुक्तासितमेघकञ्चुकपुटा पूर्णेन्दुबिम्बानना नीलाम्भोजविलोचनारविन्दमुकुलप्रोद्भिन्नचारुस्तनी । नानापुष्परजःसुगन्धिपवनप्रह्लादनी चेतसां तत्रागात्कलहंसनूपुररवा देव्या विवाहे शरत्

nirmuktāsitameghakañcukapuṭā pūrṇendubimbānanā nīlāmbhojavilocanāravindamukulaprodbhinnacārustanī / nānāpuṣparajaḥsugandhipavanaprahlādanī cetasāṃ tatrāgātkalahaṃsanūpuraravā devyā vivāhe śarat

Sanskrit only: no published translation is held for this verse.

अत्यर्थशीतलाम्भोभिः प्लावयन्तौ गिरेः शिलाः । ऋतू शिशिरहेमन्ताव् आजग्मतुरतिद्युती

atyarthaśītalāmbhobhiḥ plāvayantau gireḥ śilāḥ / ṛtū śiśirahemantāv ājagmaturatidyutī

Sanskrit only: no published translation is held for this verse.

ताभ्यामृतुभ्यां प्राप्ताभ्यां हिमवान्स नगोत्तमः । प्रालेयचूर्णवर्षिभ्यां क्षिप्रं रौप्य इवाबभौ

tābhyāmṛtubhyāṃ prāptābhyāṃ himavānsa nagottamaḥ / prāleyacūrṇavarṣibhyāṃ kṣipraṃ raupya ivābabhau

Sanskrit only: no published translation is held for this verse.

तेन प्रालेयवर्षेण घनेन स हिमाचलः । अगाधेन तदा रेजे क्षीरोद इव सागरः

tena prāleyavarṣeṇa ghanena sa himācalaḥ / agādhena tadā reje kṣīroda iva sāgaraḥ

Sanskrit only: no published translation is held for this verse.

हिमस्थानेषु हिमवान् नाशयामास पादपान् । साधूपचारान्सहसा कृतार्थ इव दुर्जनः

himasthāneṣu himavān nāśayāmāsa pādapān / sādhūpacārānsahasā kṛtārtha iva durjanaḥ

Sanskrit only: no published translation is held for this verse.

प्रालेयपटलच्छन्नैः शृङ्गैः स शुशुभे नगः । छत्रैरिव महाभोगैः पाण्डरैः पृथिवीपतिः

prāleyapaṭalacchannaiḥ śṛṅgaiḥ sa śuśubhe nagaḥ / chatrairiva mahābhogaiḥ pāṇḍaraiḥ pṛthivīpatiḥ

Sanskrit only: no published translation is held for this verse.

पाण्डराणि विशालानि श्रीमन्ति सुभगानि च । तुङ्गानि चाद्रिशृङ्गाणि सौधानीव चकाशिरे

pāṇḍarāṇi viśālāni śrīmanti subhagāni ca / tuṅgāni cādriśṛṅgāṇi saudhānīva cakāśire

Sanskrit only: no published translation is held for this verse.

तस्याचलेन्द्रस्य दरीष्वतीव विचित्रसारङ्गकुलाकुलासु । प्रालेयधाराः शशिपादगौरा गोक्षीरधारा इव संनिपेतुः

tasyācalendrasya darīṣvatīva vicitrasāraṅgakulākulāsu / prāleyadhārāḥ śaśipādagaurā gokṣīradhārā iva saṃnipetuḥ

Sanskrit only: no published translation is held for this verse.

बहुकुसुमरजोभिरुत्कराङ्गा हिमकणसङ्गसुशीतलाः समीराः । ववुरमरगणेश्वराम्बराणि प्रतनुतमानि शनैर्विकम्पयन्तः

bahukusumarajobhirutkarāṅgā himakaṇasaṅgasuśītalāḥ samīrāḥ / vavuramaragaṇeśvarāmbarāṇi pratanutamāni śanairvikampayantaḥ

Sanskrit only: no published translation is held for this verse.

निर्धूतरूक्षानिलशीतदोषः प्रोद्भिन्नचूताङ्कुरकर्णपूरः । वसन्तकालश्च तमद्रिपुत्री- सेवार्थमागाद्धिमवन्तमाशु

nirdhūtarūkṣānilaśītadoṣaḥ prodbhinnacūtāṅkurakarṇapūraḥ / vasantakālaśca tamadriputrī- sevārthamāgāddhimavantamāśu

Sanskrit only: no published translation is held for this verse.

तस्मिन्नृतावद्रिसुताविवाह- सिषेवया तं गिरिमभ्युपेते । प्रादुर्बभूवुः कुसुमावतंसाः समन्ततः पादपगुल्मषण्डाः

tasminnṛtāvadrisutāvivāha- siṣevayā taṃ girimabhyupete / prādurbabhūvuḥ kusumāvataṃsāḥ samantataḥ pādapagulmaṣaṇḍāḥ

Sanskrit only: no published translation is held for this verse.

ववुः सुगन्धाः सुभगाः सुशीता विचित्रपुष्पाग्ररजोत्कराङ्गाः । मनोभवोद्रेककराः सुराणां सुराङ्गनानां च मुहुः समीराः

vavuḥ sugandhāḥ subhagāḥ suśītā vicitrapuṣpāgrarajotkarāṅgāḥ / manobhavodrekakarāḥ surāṇāṃ surāṅganānāṃ ca muhuḥ samīrāḥ

Sanskrit only: no published translation is held for this verse.

स्वच्छाम्बुपूर्णाश्च तथा नलिन्यः पद्मोत्पलानां मुकुलैरुपेताः । ईषत्समुद्भिन्नपयोधराग्रा नार्यो यथा रम्यतमा बभूवुः

svacchāmbupūrṇāśca tathā nalinyaḥ padmotpalānāṃ mukulairupetāḥ / īṣatsamudbhinnapayodharāgrā nāryo yathā ramyatamā babhūvuḥ

Sanskrit only: no published translation is held for this verse.

ऋतोः स्वभावाच्च मदोद्भवाच्च फुल्लासु शाखासु निलीनपक्षाः । चेतोभिरामं त्रिदशाङ्गनानां पुंस्कोकिलाश्चातिकलं विनेदुः

ṛtoḥ svabhāvācca madodbhavācca phullāsu śākhāsu nilīnapakṣāḥ / cetobhirāmaṃ tridaśāṅganānāṃ puṃskokilāścātikalaṃ vineduḥ

Sanskrit only: no published translation is held for this verse.

नात्युष्णशीतानि सरःपयांसि किञ्जल्कचूर्णैः कपिलीकृतानि । चक्राह्वयुग्मैरुपनादितानि पपुः प्रहृष्टाः सुरदन्तिमुख्याः

nātyuṣṇaśītāni saraḥpayāṃsi kiñjalkacūrṇaiḥ kapilīkṛtāni / cakrāhvayugmairupanāditāni papuḥ prahṛṣṭāḥ suradantimukhyāḥ

Sanskrit only: no published translation is held for this verse.

प्रियङ्गूश्चूततरवश् चूतांश्चापि प्रियङ्गवः । तर्जयन्त इवान्योन्यं मञ्जरीभिश्चकाशिरे

priyaṅgūścūtataravaś cūtāṃścāpi priyaṅgavaḥ / tarjayanta ivānyonyaṃ mañjarībhiścakāśire

Sanskrit only: no published translation is held for this verse.

हिमशुक्लेषु शृङ्गेषु तिलकाः कुसुमोत्कराः । शुशुभुः कार्यमुद्दिश्य वृद्धा इव समागताः

himaśukleṣu śṛṅgeṣu tilakāḥ kusumotkarāḥ / śuśubhuḥ kāryamuddiśya vṛddhā iva samāgatāḥ

Sanskrit only: no published translation is held for this verse.

फुल्लाशोकलतास्तत्र रेजिरे शालसंश्रिताः । कामिन्य इव कान्तानां कण्ठालम्बितमूर्तयः

phullāśokalatāstatra rejire śālasaṃśritāḥ / kāminya iva kāntānāṃ kaṇṭhālambitamūrtayaḥ

Sanskrit only: no published translation is held for this verse.

समदालिकुलोद्गीत- लताकुसुमसंचयाः । परस्परं हि मालत्यो भाषन्त्य इव रेजिरे

samadālikulodgīta- latākusumasaṃcayāḥ / parasparaṃ hi mālatyo bhāṣantya iva rejire

Sanskrit only: no published translation is held for this verse.

नीलानि नीलाम्बुरुहैः पयांसि गौराणि गौरैश्च सनालदण्डैः । रक्तैश्च रक्तानि भृशं कृतानि मत्तद्विरेफार्धविदष्टपत्रैः

nīlāni nīlāmburuhaiḥ payāṃsi gaurāṇi gauraiśca sanāladaṇḍaiḥ / raktaiśca raktāni bhṛśaṃ kṛtāni mattadvirephārdhavidaṣṭapatraiḥ

Sanskrit only: no published translation is held for this verse.

हैमानि विस्तीर्णजलेषु केषुचिन् निरन्तरं मारकतानि केषुचित् । वैदूर्यनालानि सरःसु केषुचित् प्रजज्ञिरे पद्मवनानि सर्वतः

haimāni vistīrṇajaleṣu keṣucin nirantaraṃ mārakatāni keṣucit / vaidūryanālāni saraḥsu keṣucit prajajñire padmavanāni sarvataḥ

Sanskrit only: no published translation is held for this verse.

वाप्यस्तत्राभवन्रम्याः कमलोत्पलभूषिताः । नानाविहगसंघुष्टा हेमसोपानपङ्क्तयः

vāpyastatrābhavanramyāḥ kamalotpalabhūṣitāḥ / nānāvihagasaṃghuṣṭā hemasopānapaṅktayaḥ

Sanskrit only: no published translation is held for this verse.

शृङ्गाणि तस्य तु गिरेः कर्णिकारैः सुपुष्पितैः । समुच्छ्रितान्यविरलैर् हैमानीव बभुर्मुने

śṛṅgāṇi tasya tu gireḥ karṇikāraiḥ supuṣpitaiḥ / samucchritānyaviralair haimānīva babhurmune

Sanskrit only: no published translation is held for this verse.

ईषदुद्भिन्नकुसुमैः पाटलैश्चापि पाटलाः । सम्बभूवुर्दिशः सर्वाः पवनाकम्पिमूर्तिभिः

īṣadudbhinnakusumaiḥ pāṭalaiścāpi pāṭalāḥ / sambabhūvurdiśaḥ sarvāḥ pavanākampimūrtibhiḥ

Sanskrit only: no published translation is held for this verse.

कृष्णाञ्जनाद्रिशृङ्गाभा नीलाशोकमहीरुहाः । गिरौ ववृधिरे फुल्लाः स्पर्धयेव परस्परम्

kṛṣṇāñjanādriśṛṅgābhā nīlāśokamahīruhāḥ / girau vavṛdhire phullāḥ spardhayeva parasparam

Sanskrit only: no published translation is held for this verse.

चीरुवाकविघुष्टानि किंशुकानां वनानि च । पर्वतस्य नितम्बेषु सर्वेष्वेवाभिजज्ञिरे

cīruvākavighuṣṭāni kiṃśukānāṃ vanāni ca / parvatasya nitambeṣu sarveṣvevābhijajñire

Sanskrit only: no published translation is held for this verse.

तमालगुल्मैस्तस्यासीच् छोभा हिमवतस्तदा । नीलजीमूतसंघातैर् निलीनैरिव सन्धिषु

tamālagulmaistasyāsīc chobhā himavatastadā / nīlajīmūtasaṃghātair nilīnairiva sandhiṣu

Sanskrit only: no published translation is held for this verse.

निकामपुष्पैः सुविशालशाखैः समुच्छ्रितैश्चम्पकपादपैश्च । प्रमत्तपुंस्कोकिलसम्प्रलापैर् हिमाचलो ऽतीव तदा रराज

nikāmapuṣpaiḥ suviśālaśākhaiḥ samucchritaiścampakapādapaiśca / pramattapuṃskokilasampralāpair himācalo 'tīva tadā rarāja

Sanskrit only: no published translation is held for this verse.

श्रुत्वा शब्दं ऋतुमदकलं सर्वतः कोकिलानां चञ्चत्पक्षाः सुमधुररुतं नीलकण्ठा विनेदुः । तेषां शब्दैरुपचितबलः पुष्पचापेषुहस्तः सज्जीभूतस्त्रिदशवनिता वेद्धुमङ्गेष्वनङ्गः

śrutvā śabdaṃ ṛtumadakalaṃ sarvataḥ kokilānāṃ cañcatpakṣāḥ sumadhurarutaṃ nīlakaṇṭhā vineduḥ / teṣāṃ śabdairupacitabalaḥ puṣpacāpeṣuhastaḥ sajjībhūtastridaśavanitā veddhumaṅgeṣvanaṅgaḥ

Sanskrit only: no published translation is held for this verse.

पटुसूर्यातपश्चापि प्रायः सोष्णजलाशयः । देवीविवाहसेवार्थं ग्रीष्म आगाद्धिमाचलम्

paṭusūryātapaścāpi prāyaḥ soṣṇajalāśayaḥ / devīvivāhasevārthaṃ grīṣma āgāddhimācalam

Sanskrit only: no published translation is held for this verse.