Somadeva: Kathasaritsagara 1.4

किं च पुत्रशतं तस्य तत्रैव क्षिप्तवानसौ । जीवन्द्विजो ऽमुना दग्ध इति दोषानुकीर्तनात्

kiṃ ca putraśataṃ tasya tatraiva kṣiptavānasau / jīvandvijo 'munā dagdha iti doṣānukīrtanāt

Sanskrit only: no published translation is held for this verse.

एकः शरावः सक्तूनामेकः प्रत्यहमम्भसः । शकटालस्य तत्रान्तः सपुत्रस्य न्यधीयत

ekaḥ śarāvaḥ saktūnāmekaḥ pratyahamambhasaḥ / śakaṭālasya tatrāntaḥ saputrasya nyadhīyata

Sanskrit only: no published translation is held for this verse.

स चोवाच ततः पुत्रानमीभिः सक्तुभिः सुताः । एको ऽपि कृच्छ्राद् वर्तेत बहूनां तु कथैव का

sa covāca tataḥ putrānamībhiḥ saktubhiḥ sutāḥ / eko 'pi kṛcchrād varteta bahūnāṃ tu kathaiva kā

Sanskrit only: no published translation is held for this verse.

तस्मात्संभक्षयत्वेकः प्रत्यहं सजलानमून् । यः शक्तो योगनन्दस्य कर्तुं वैरप्रतिक्रियाम्

tasmātsaṃbhakṣayatvekaḥ pratyahaṃ sajalānamūn / yaḥ śakto yoganandasya kartuṃ vairapratikriyām

Sanskrit only: no published translation is held for this verse.

त्वमेव शक्तो भुङ्क्ष्वैतदिति पुत्रास्तमब्रुवन् । प्राणेभ्यो ऽपि हि धीराणां प्रिया शत्रुप्रतिक्रिया

tvameva śakto bhuṅkṣvaitaditi putrāstamabruvan / prāṇebhyo 'pi hi dhīrāṇāṃ priyā śatrupratikriyā

Sanskrit only: no published translation is held for this verse.

ततः स शकटालस्तैः प्रत्यहं सक्तुवारिभिः । एक एवाकरोद् वृत्तिं कष्टं क्रूरा जिगीषवः

tataḥ sa śakaṭālastaiḥ pratyahaṃ saktuvāribhiḥ / eka evākarod vṛttiṃ kaṣṭaṃ krūrā jigīṣavaḥ

Sanskrit only: no published translation is held for this verse.

अबुद्ध्वा चित्तम् अप्राप्य विस्रम्भं प्रभविष्णुषु । न स्वेच्छं व्यवहर्तव्यम् आत्मनो भूतिम् इच्छता

abuddhvā cittam aprāpya visrambhaṃ prabhaviṣṇuṣu / na svecchaṃ vyavahartavyam ātmano bhūtim icchatā

Sanskrit only: no published translation is held for this verse.

इति चाचिन्तयत् तत्र शकटालो ऽन्धकूपगः । तनयानां क्षुधार्तानां पश्यन् प्राणोद्गमव्यथाम्

iti cācintayat tatra śakaṭālo 'ndhakūpagaḥ / tanayānāṃ kṣudhārtānāṃ paśyan prāṇodgamavyathām

Sanskrit only: no published translation is held for this verse.

ततः सुतशतं तस्य पश्यतस्तद्व्यपद्यत । तत्करङ्कैर्वृतो जीवन्नतिष्ठत्स च केवलः

tataḥ sutaśataṃ tasya paśyatastadvyapadyata / tatkaraṅkairvṛto jīvannatiṣṭhatsa ca kevalaḥ

Sanskrit only: no published translation is held for this verse.

योगनन्दश्च साम्राज्ये बद्धमूलो ऽभवत्ततः । व्याडिरभ्याययौ तं च गुरवे दत्तदक्षिणः

yoganandaśca sāmrājye baddhamūlo 'bhavattataḥ / vyāḍirabhyāyayau taṃ ca gurave dattadakṣiṇaḥ

Sanskrit only: no published translation is held for this verse.

अभ्येत्यैव च सो ऽवादीच्चिरं राज्यं सखे ऽस्तु ते । आमन्त्रितो सि गच्छामि तपस्तप्तुमहं क्वचित्

abhyetyaiva ca so 'vādīcciraṃ rājyaṃ sakhe 'stu te / āmantrito si gacchāmi tapastaptumahaṃ kvacit

Sanskrit only: no published translation is held for this verse.

तच्छ्रुत्वा योगनन्दस्तं बाष्पकण्ठो ऽप्यभाषत । राज्ये मे भुङ्क्ष्व भोगांस्त्वं भुक्त्वा मां मा स्म गा इति

tacchrutvā yoganandastaṃ bāṣpakaṇṭho 'pyabhāṣata / rājye me bhuṅkṣva bhogāṃstvaṃ bhuktvā māṃ mā sma gā iti

Sanskrit only: no published translation is held for this verse.

व्याडिस् ततो ऽवदद् राजञ् शरीरे क्षणनश्वरे । एवंप्रायेष्व् असारेषु धीमान् को नाम मज्जति

vyāḍis tato 'vadad rājañ śarīre kṣaṇanaśvare / evaṃprāyeṣv asāreṣu dhīmān ko nāma majjati

Sanskrit only: no published translation is held for this verse.

नहि मोहयति प्राज्ञं लक्ष्मीर्मरुमरीचिका । इत्युक्त्वैव स तत्कालं तपसे निश्चितो ययौ

nahi mohayati prājñaṃ lakṣmīrmarumarīcikā / ityuktvaiva sa tatkālaṃ tapase niścito yayau

Sanskrit only: no published translation is held for this verse.

अगमद् अथ योगनन्दः पाटलिपुत्रं स्वराजनगरं सः । भोगाय काणभूते मत्सहितः सकलसैन्ययुतः

agamad atha yoganandaḥ pāṭaliputraṃ svarājanagaraṃ saḥ / bhogāya kāṇabhūte matsahitaḥ sakalasainyayutaḥ

Sanskrit only: no published translation is held for this verse.

तत्रोपकोशापरिचर्यमाणः समुद्वहन्मन्त्रिधुरां च तस्य । अहं जनन्या गुरुभिश् च साकम् आसाद्य लक्ष्मीमवसं चिराय

tatropakośāparicaryamāṇaḥ samudvahanmantridhurāṃ ca tasya / ahaṃ jananyā gurubhiś ca sākam āsādya lakṣmīmavasaṃ cirāya

Sanskrit only: no published translation is held for this verse.

बहु तत्र दिने दिने द्युसिन्धुः कनकं मह्यमदात्तपः प्रसन्ना । वदति स्म शरीरिणी च साक्षान् मम कार्याणि सरस्वती सदैव

bahu tatra dine dine dyusindhuḥ kanakaṃ mahyamadāttapaḥ prasannā / vadati sma śarīriṇī ca sākṣān mama kāryāṇi sarasvatī sadaiva

Sanskrit only: no published translation is held for this verse.