Somadeva: Kathasaritsagara 10.10

एकस्मिंश् च दिने धूर्तो मुहुः पश्यन्नियोगिनः । साकूतं मुखमेकस्य चक्रे राज्ञा समं कथाम्

ekasmiṃś ca dine dhūrto muhuḥ paśyanniyoginaḥ / sākūtaṃ mukhamekasya cakre rājñā samaṃ kathām

Sanskrit only: no published translation is held for this verse.

निर्गतश् च बहिस्तेन मुखालोकनकारणम् । एत्याधिकारिणा पृष्टः स स्वैर् अं तं मृषावदत्

nirgataś ca bahistena mukhālokanakāraṇam / etyādhikāriṇā pṛṣṭaḥ sa svair aṃ taṃ mṛṣāvadat

Sanskrit only: no published translation is held for this verse.

देशो मे लुण्ठितो ऽनेनेत्य् एवं ते कुपितो नृपः । मयातस् ते मुखं दृष्टं शमयिष्याम्यहं च तम्

deśo me luṇṭhito 'nenety evaṃ te kupito nṛpaḥ / mayātas te mukhaṃ dṛṣṭaṃ śamayiṣyāmyahaṃ ca tam

Sanskrit only: no published translation is held for this verse.

इत्य् उक्तस्तेन सो ऽलीकमन्त्रिणा सभयो गृहम् । आगत्याधिकृतः स्वर्णसहस्रं तस्य दत्तवान्

ity uktastena so 'līkamantriṇā sabhayo gṛham / āgatyādhikṛtaḥ svarṇasahasraṃ tasya dattavān

Sanskrit only: no published translation is held for this verse.

अन्येद्युश् च समं राज्ञा कथां कृत्वा तथैव सः । निर्गत्य धूर्तो ऽवादीत्तं नियोगिनम् उपागतम्

anyedyuś ca samaṃ rājñā kathāṃ kṛtvā tathaiva saḥ / nirgatya dhūrto 'vādīttaṃ niyoginam upāgatam

Sanskrit only: no published translation is held for this verse.

युक्तियुक्तेर्मया वाक्यैस्तव राजा प्रसादितः । धीरो भवाधुनाहं ते सर्वच्छिद्रेषु रक्षकः

yuktiyuktermayā vākyaistava rājā prasāditaḥ / dhīro bhavādhunāhaṃ te sarvacchidreṣu rakṣakaḥ

Sanskrit only: no published translation is held for this verse.

इति स्वीकृत्य तं युक्त्या विससर्ज च सो ऽपि तम् । अधिकारी सदा तैस्तैर् उपचारैर् उपाचरत्

iti svīkṛtya taṃ yuktyā visasarja ca so 'pi tam / adhikārī sadā taistair upacārair upācarat

Sanskrit only: no published translation is held for this verse.

एवं क्रमेण सर्वेभ्यो नियोगिभ्यः स बुद्धिमान् । राजभ्यो राजपुत्रेभ्यः सेवकेभ्यश् च युक्तिभिः

evaṃ krameṇa sarvebhyo niyogibhyaḥ sa buddhimān / rājabhyo rājaputrebhyaḥ sevakebhyaś ca yuktibhiḥ

Sanskrit only: no published translation is held for this verse.

बह्वीभिर् आददानो ऽर्थानर्जयाम् आस सर्वतः । पञ्च कोटीः सुवर्णस्य कुर्वन्राजा समं कथाः

bahvībhir ādadāno 'rthānarjayām āsa sarvataḥ / pañca koṭīḥ suvarṇasya kurvanrājā samaṃ kathāḥ

Sanskrit only: no published translation is held for this verse.

ततो रहसि राजानं धूर्तमन्त्री जगाद सः । देव दत्त्वापि नित्यं ते दीनारशतपञ्चकम्

tato rahasi rājānaṃ dhūrtamantrī jagāda saḥ / deva dattvāpi nityaṃ te dīnāraśatapañcakam

Sanskrit only: no published translation is held for this verse.

त्वत्प्रसादान्मया प्राप्ताः पञ्च काञ्चनकोटयः । तत्प्रसीद गृहाणैतस्त्वं स्वर्णमहमत्र कः

tvatprasādānmayā prāptāḥ pañca kāñcanakoṭayaḥ / tatprasīda gṛhāṇaitastvaṃ svarṇamahamatra kaḥ

Sanskrit only: no published translation is held for this verse.

इत्य् उक्त्वा प्रकटं राज्ञे कनकं तन् न्यवेदयत् । राजापि कृच्छ्रात् तत् तस्य जग्राहार्धं ततो धनात्

ity uktvā prakaṭaṃ rājñe kanakaṃ tan nyavedayat / rājāpi kṛcchrāt tat tasya jagrāhārdhaṃ tato dhanāt

Sanskrit only: no published translation is held for this verse.

तुष्टश् च स्थापयामास महामन्त्रिपदे स तम् । सो ऽपि प्राप्य श्रियं धूर्तो दानभोगैरमानयत्

tuṣṭaś ca sthāpayāmāsa mahāmantripade sa tam / so 'pi prāpya śriyaṃ dhūrto dānabhogairamānayat

Sanskrit only: no published translation is held for this verse.

एवं प्राप्नोति महतः प्राज्ञो ऽर्थान्नातिपापतः । कूपखानकवत्प्राप्ते फले दोषं निहन्ति च

evaṃ prāpnoti mahataḥ prājño 'rthānnātipāpataḥ / kūpakhānakavatprāpte phale doṣaṃ nihanti ca

Sanskrit only: no published translation is held for this verse.

इत्य् उक्त्वा गोमुखः प्राह वत्सराजसुतं पुनः । एकाम् इदानीम् उद्वाहसोत्सुकः शृण्व् इमां कथाम्

ity uktvā gomukhaḥ prāha vatsarājasutaṃ punaḥ / ekām idānīm udvāhasotsukaḥ śṛṇv imāṃ kathām

Sanskrit only: no published translation is held for this verse.

बभूव दुर्मदारातिकरीन्द्रकुलकेसरी । रत्नाकराख्ये नगरे नाम्ना बुद्धिप्रभो नृपः

babhūva durmadārātikarīndrakulakesarī / ratnākarākhye nagare nāmnā buddhiprabho nṛpaḥ

Sanskrit only: no published translation is held for this verse.

रत्नरेखाभिधानायां राज्ञ्यां तस्योदपद्यत । कन्या हेमप्रभा नाम सर्वलोकैकसुन्दरी

ratnarekhābhidhānāyāṃ rājñyāṃ tasyodapadyata / kanyā hemaprabhā nāma sarvalokaikasundarī

Sanskrit only: no published translation is held for this verse.

सा च विद्याधरी शापादवतीर्णा यदा तदा । नभोविहारसंस्कारमदाच्चिक्रीड दोलया

sā ca vidyādharī śāpādavatīrṇā yadā tadā / nabhovihārasaṃskāramadāccikrīḍa dolayā

Sanskrit only: no published translation is held for this verse.

पातभीत्या निषिद्धापि सा ततो न चचाल यत् । तत्तस्याः स पिता राजा चपेटं कुपितो ददौ

pātabhītyā niṣiddhāpi sā tato na cacāla yat / tattasyāḥ sa pitā rājā capeṭaṃ kupito dadau

Sanskrit only: no published translation is held for this verse.

तावता सावमानेन राजपुत्री वनैषिणी । विहारव्यपदेशेन जगामोपवनं बहिः

tāvatā sāvamānena rājaputrī vanaiṣiṇī / vihāravyapadeśena jagāmopavanaṃ bahiḥ

Sanskrit only: no published translation is held for this verse.

पानमत्तेषु भृत्येषु संचरन्ती च तत्र सा । प्रविश्य वृक्षगहनं तेषां दृष्टिपथाद्ययौ

pānamatteṣu bhṛtyeṣu saṃcarantī ca tatra sā / praviśya vṛkṣagahanaṃ teṣāṃ dṛṣṭipathādyayau

Sanskrit only: no published translation is held for this verse.

गत्वा चैकाकिनी दूरं वनं विरचितोटजा । फलमूलाशिनी तस्थौ हराराधनतत्परा

gatvā caikākinī dūraṃ vanaṃ viracitoṭajā / phalamūlāśinī tasthau harārādhanatatparā

Sanskrit only: no published translation is held for this verse.

तत्पितापि स राजा तां बुद्ध्वा क्वापि ततो गताम् । अन्वियेष न च प्राप महद् दुःखम् उवाह च

tatpitāpi sa rājā tāṃ buddhvā kvāpi tato gatām / anviyeṣa na ca prāpa mahad duḥkham uvāha ca

Sanskrit only: no published translation is held for this verse.

चिरात् किंचित् तनूभूतदुःखश् चित्तं विनोदयन् । बुद्धिप्रभः स निरगान् मृगयायै महीपतिः

cirāt kiṃcit tanūbhūtaduḥkhaś cittaṃ vinodayan / buddhiprabhaḥ sa niragān mṛgayāyai mahīpatiḥ

Sanskrit only: no published translation is held for this verse.

भ्रमंश् च दैवात् तत् प्राप सुदूरं स वनान्तरम् । तपस्यन्ती सुता सास्य यत्र हेमप्रभा स्थिता

bhramaṃś ca daivāt tat prāpa sudūraṃ sa vanāntaram / tapasyantī sutā sāsya yatra hemaprabhā sthitā

Sanskrit only: no published translation is held for this verse.

उटजं तत्र दृष्ट्वा स राजाभ्येत्य तदन्तरे । अशङ्कितं तपःक्षामां तां ददर्श निजां सुताम्

uṭajaṃ tatra dṛṣṭvā sa rājābhyetya tadantare / aśaṅkitaṃ tapaḥkṣāmāṃ tāṃ dadarśa nijāṃ sutām

Sanskrit only: no published translation is held for this verse.

सापि दृष्ट्वा तम् उत्थाय पादयोः सहसाग्रहीत् । आलिङ्ग्य स पिता तां च साश्रुर् अङ्के न्यवेशयत्

sāpi dṛṣṭvā tam utthāya pādayoḥ sahasāgrahīt / āliṅgya sa pitā tāṃ ca sāśrur aṅke nyaveśayat

Sanskrit only: no published translation is held for this verse.

तौ चान्योन्यं चिराद्दृष्ट्वा तथा रुरुदतुस् ततः । उदश्रवो यथा तत्र वने ऽभूवन्मृगा अपि

tau cānyonyaṃ cirāddṛṣṭvā tathā rurudatus tataḥ / udaśravo yathā tatra vane 'bhūvanmṛgā api

Sanskrit only: no published translation is held for this verse.

ततः शनैः समाश्वास्य राजावोचत्स तां सुताम् । त्यक्त्वा राजश्रियं पुत्रि किमिदं विहितं त्वया

tataḥ śanaiḥ samāśvāsya rājāvocatsa tāṃ sutām / tyaktvā rājaśriyaṃ putri kimidaṃ vihitaṃ tvayā

Sanskrit only: no published translation is held for this verse.

तदेहि जननीपार्श्वं वनवासमिमं त्यज । इत्यूचिवांसं जनकं सा तं हेमप्रभाभ्यधात्

tadehi jananīpārśvaṃ vanavāsamimaṃ tyaja / ityūcivāṃsaṃ janakaṃ sā taṃ hemaprabhābhyadhāt

Sanskrit only: no published translation is held for this verse.

दैवेनैव नियुक्तास्मि शक्तिस्तात ममात्र का । नचैष्यामि गृहं भोक्तुं न त्यजामि तपःसुखम्

daivenaiva niyuktāsmi śaktistāta mamātra kā / nacaiṣyāmi gṛhaṃ bhoktuṃ na tyajāmi tapaḥsukham

Sanskrit only: no published translation is held for this verse.

इति ब्रुवाणा सा तस्मान्निश्चयान्न चचाल यत् । तद्राजाकारयत् तस्या वने तत्रैव मन्दिरम्

iti bruvāṇā sā tasmānniścayānna cacāla yat / tadrājākārayat tasyā vane tatraiva mandiram

Sanskrit only: no published translation is held for this verse.

गत्वा च राजधानीं स्वां प्रेषयाम् आस सो ऽन्वहम् । तस्या अतिथिपूजार्थं पक्वान्नानि धनानि च

gatvā ca rājadhānīṃ svāṃ preṣayām āsa so 'nvaham / tasyā atithipūjārthaṃ pakvānnāni dhanāni ca

Sanskrit only: no published translation is held for this verse.

सा च हेमप्रभा तत्र धनैर् अन्नैश् च तैः सदा । पूजयन्त्यतिथीनासीत्फलमूलाशिनी स्वयम्

sā ca hemaprabhā tatra dhanair annaiś ca taiḥ sadā / pūjayantyatithīnāsītphalamūlāśinī svayam

Sanskrit only: no published translation is held for this verse.

एकदा चाययौ तस्या राजपुत्र्यास्तमाश्रमम् । प्रव्राजिकैका भ्राम्यन्ती कौमारब्रह्मचारिणी

ekadā cāyayau tasyā rājaputryāstamāśramam / pravrājikaikā bhrāmyantī kaumārabrahmacāriṇī

Sanskrit only: no published translation is held for this verse.

स तयाभ्यर्चिता हेमप्रभया स्वकथान्तरे । प्रव्रज्याकारणं पृष्ट्वा बालप्रव्राजिकाब्रवीत्

sa tayābhyarcitā hemaprabhayā svakathāntare / pravrajyākāraṇaṃ pṛṣṭvā bālapravrājikābravīt

Sanskrit only: no published translation is held for this verse.

संवाहयन्ती चरणाव् अहं कन्या सती पितुः । सीदत्करयुगाभूवं निद्राकुलितलोचना

saṃvāhayantī caraṇāv ahaṃ kanyā satī pituḥ / sīdatkarayugābhūvaṃ nidrākulitalocanā

Sanskrit only: no published translation is held for this verse.

किं निद्रासीति पादेन ततः पित्राहमाहता । तन्मन्युना प्रव्रजिता निर्गत्यैवास्मि तद्गृहात्

kiṃ nidrāsīti pādena tataḥ pitrāhamāhatā / tanmanyunā pravrajitā nirgatyaivāsmi tadgṛhāt

Sanskrit only: no published translation is held for this verse.

इति प्रव्राजिकाम् उक्तवतीं हेमप्रभाथ सा । समानशीलप्रीता तां वनवाससखी व्यधात्

iti pravrājikām uktavatīṃ hemaprabhātha sā / samānaśīlaprītā tāṃ vanavāsasakhī vyadhāt

Sanskrit only: no published translation is held for this verse.

एकदा तामवोचत्सा प्रातः प्रव्राजिकां सखीम् । सखि स्वप्ने ऽद्य जाने ऽहमुत्तीर्णा विपुलां नदीम्

ekadā tāmavocatsā prātaḥ pravrājikāṃ sakhīm / sakhi svapne 'dya jāne 'hamuttīrṇā vipulāṃ nadīm

Sanskrit only: no published translation is held for this verse.

आरूढास्मि ततः श्वेतं गजं तदनु पर्वतम् । तत्राश्रमे मया दृष्टो भगवानम्बिकापतिः

ārūḍhāsmi tataḥ śvetaṃ gajaṃ tadanu parvatam / tatrāśrame mayā dṛṣṭo bhagavānambikāpatiḥ

Sanskrit only: no published translation is held for this verse.

तदग्रे प्राप्य वीणां च गायन्त्य् अहमवादयम् । ततो ऽद्राक्षं च पुरुषं दिव्याकारम् उपागतम्

tadagre prāpya vīṇāṃ ca gāyanty ahamavādayam / tato 'drākṣaṃ ca puruṣaṃ divyākāram upāgatam

Sanskrit only: no published translation is held for this verse.

तं दृष्ट्वा च त्वया साकमहमुत्पतिता नभः । इयद्दृष्ट्वा प्रबुद्धास्मि व्यतिक्रान्ता च यामिनी

taṃ dṛṣṭvā ca tvayā sākamahamutpatitā nabhaḥ / iyaddṛṣṭvā prabuddhāsmi vyatikrāntā ca yāminī

Sanskrit only: no published translation is held for this verse.

एतच् छ्रुत्वैव तां हेमप्रभामाह स्म मा सखी । शापावतीर्णा कापि त्वं दिव्या कल्याणि निश्चितम्

etac chrutvaiva tāṃ hemaprabhāmāha sma mā sakhī / śāpāvatīrṇā kāpi tvaṃ divyā kalyāṇi niścitam

Sanskrit only: no published translation is held for this verse.

प्रत्यासन्नं च शापान्तं तव स्वप्नो वदत्यसौ । श्रुत्वैतदभ्यनन्दत्सा राजपुत्री सखीवचः

pratyāsannaṃ ca śāpāntaṃ tava svapno vadatyasau / śrutvaitadabhyanandatsā rājaputrī sakhīvacaḥ

Sanskrit only: no published translation is held for this verse.

ततो भूयिष्ठमुदिते जगद्दीपे दिवाकरे । आययौ तुरगारूढो राजपुत्रो ऽत्र कश्चन

tato bhūyiṣṭhamudite jagaddīpe divākare / āyayau turagārūḍho rājaputro 'tra kaścana

Sanskrit only: no published translation is held for this verse.

स तां हेमप्रभां दृष्ट्वा तापसीवेषधारिणीम् । जातप्रीतिरुपागत्य ववन्दे मुक्तवाहनः

sa tāṃ hemaprabhāṃ dṛṣṭvā tāpasīveṣadhāriṇīm / jātaprītirupāgatya vavande muktavāhanaḥ

Sanskrit only: no published translation is held for this verse.

सापि तं रचितातिथ्या कृतासनपरिग्रहम् । संजातप्रणयाप्राक्षीन् महात्मन् को भवान् इति

sāpi taṃ racitātithyā kṛtāsanaparigraham / saṃjātapraṇayāprākṣīn mahātman ko bhavān iti

Sanskrit only: no published translation is held for this verse.

राजपुत्रो ऽथ सो ऽवादीन्महाभागे महीपतिः । प्रतापसेन इत्यस्ति शुभनामानुकीर्तनः

rājaputro 'tha so 'vādīnmahābhāge mahīpatiḥ / pratāpasena ityasti śubhanāmānukīrtanaḥ

Sanskrit only: no published translation is held for this verse.

स तप्यमानः पुत्रार्थं हरस्याराधनं तपः । तेनादिश्यत देवेन प्रादुर्भूय प्रसादिना

sa tapyamānaḥ putrārthaṃ harasyārādhanaṃ tapaḥ / tenādiśyata devena prādurbhūya prasādinā

Sanskrit only: no published translation is held for this verse.

विद्याधरावतारस् ते पुत्र एको भविष्यति । स च शापक्षये लोकं निजम् एव प्रपत्स्यते

vidyādharāvatāras te putra eko bhaviṣyati / sa ca śāpakṣaye lokaṃ nijam eva prapatsyate

Sanskrit only: no published translation is held for this verse.

द्वितीयस्तु सुतो भावी वंशरज्यधरस्तव । इत्य् उक्तः शंभुनोत्थाय हृष्टश्चक्रे स पारणम्

dvitīyastu suto bhāvī vaṃśarajyadharastava / ity uktaḥ śaṃbhunotthāya hṛṣṭaścakre sa pāraṇam

Sanskrit only: no published translation is held for this verse.

कालेन जातस् तस्यैको लक्ष्मीसेनाभिधः सुतः । शूरसेनाभिधानश् च द्वितीयो नृपतेः क्रमात्

kālena jātas tasyaiko lakṣmīsenābhidhaḥ sutaḥ / śūrasenābhidhānaś ca dvitīyo nṛpateḥ kramāt

Sanskrit only: no published translation is held for this verse.

तदिमं मां विजानीहि लक्ष्मीसेनं वरानने । आनीतम् इह वाताश्वेनाकृष्याखेटनिर्गतम्

tadimaṃ māṃ vijānīhi lakṣmīsenaṃ varānane / ānītam iha vātāśvenākṛṣyākheṭanirgatam

Sanskrit only: no published translation is held for this verse.

इत्य् उक्ता तेन साप्य् उक्त्वा स्वोदन्तं तस्य पृच्छतः । सद्यो हेमप्रभा जातिं स्मृत्वा हृष्टा जगाद तम्

ity uktā tena sāpy uktvā svodantaṃ tasya pṛcchataḥ / sadyo hemaprabhā jātiṃ smṛtvā hṛṣṭā jagāda tam

Sanskrit only: no published translation is held for this verse.

त्वयि दृष्टे मया जातिर् विद्याभिः सह संस्मृता । साकं सख्यानया शापच्युता विद्याधरी ह्य् अहम्

tvayi dṛṣṭe mayā jātir vidyābhiḥ saha saṃsmṛtā / sākaṃ sakhyānayā śāpacyutā vidyādharī hy aham

Sanskrit only: no published translation is held for this verse.

त्वं च विद्याधरः शापच्युतः स्वसचिवान्वितः । भर्ता मे त्वं च मत्सख्या अस्यास्त्वत्सचिवश् च सः

tvaṃ ca vidyādharaḥ śāpacyutaḥ svasacivānvitaḥ / bhartā me tvaṃ ca matsakhyā asyāstvatsacivaś ca saḥ

Sanskrit only: no published translation is held for this verse.

क्षीणश् च ससखीकायाः स शापो मम सांप्रतम् । लोके वैद्याधरे भूयः सर्वेषां नः समागमः

kṣīṇaś ca sasakhīkāyāḥ sa śāpo mama sāṃpratam / loke vaidyādhare bhūyaḥ sarveṣāṃ naḥ samāgamaḥ

Sanskrit only: no published translation is held for this verse.

इत्य् उक्ता दिव्यरूपत्वं प्राप्य सख्या समं तया । हेमप्रभा खमुत्पत्य सा स्वलोकमगात्तदा

ity uktā divyarūpatvaṃ prāpya sakhyā samaṃ tayā / hemaprabhā khamutpatya sā svalokamagāttadā

Sanskrit only: no published translation is held for this verse.

लक्ष्मीसेनश् च यावत् स साश्चर्यो ऽत्र स्थितः क्षणात् । तावत् स सचिवस् तस्य चिन्वानो मार्गमाययौ

lakṣmīsenaś ca yāvat sa sāścaryo 'tra sthitaḥ kṣaṇāt / tāvat sa sacivas tasya cinvāno mārgamāyayau

Sanskrit only: no published translation is held for this verse.

तस्मै स राजपुत्रश् च सख्ये यावद्ब्रवीति तत् । तावद्बुद्धिप्रभो ऽप्यागात्स राजा स्वसुतोत्सुकः

tasmai sa rājaputraś ca sakhye yāvadbravīti tat / tāvadbuddhiprabho 'pyāgātsa rājā svasutotsukaḥ

Sanskrit only: no published translation is held for this verse.

सो ऽदृष्ट्वैव सुतां दृष्ट्वा लक्ष्मीसेनस्ः समन्त्रिकः । स्मृत्वा शापक्षयाज्जातिं स्वलोकं नभसा ययौ

so 'dṛṣṭvaiva sutāṃ dṛṣṭvā lakṣmīsenasḥ samantrikaḥ / smṛtvā śāpakṣayājjātiṃ svalokaṃ nabhasā yayau

Sanskrit only: no published translation is held for this verse.

ततो बुद्धिप्रभे विग्ने लक्ष्मीसेनः समन्त्रिकः । स्मृत्वा शापक्षयाज् जातिं खलोकं नभसा ययौ

tato buddhiprabhe vigne lakṣmīsenaḥ samantrikaḥ / smṛtvā śāpakṣayāj jātiṃ khalokaṃ nabhasā yayau

Sanskrit only: no published translation is held for this verse.

प्राप्य हेमप्रभां भार्यामागत्य च तया सह । बुद्धिप्रभं तमामन्त्र्य व्यसृजत्स निजं पुरम्

prāpya hemaprabhāṃ bhāryāmāgatya ca tayā saha / buddhiprabhaṃ tamāmantrya vyasṛjatsa nijaṃ puram

Sanskrit only: no published translation is held for this verse.

गत्वा च प्राप्तभार्येण तेन सख्या समं ततः । पित्रे प्रतापसेनाय स्ववृत्तान्तमवर्णयत्

gatvā ca prāptabhāryeṇa tena sakhyā samaṃ tataḥ / pitre pratāpasenāya svavṛttāntamavarṇayat

Sanskrit only: no published translation is held for this verse.

तेन दत्तं क्रमप्राप्तं राज्यं दत्त्वानुजन्मने । शूरसेनाय स ययौ वैद्याधरपुरं निजम्

tena dattaṃ kramaprāptaṃ rājyaṃ dattvānujanmane / śūrasenāya sa yayau vaidyādharapuraṃ nijam

Sanskrit only: no published translation is held for this verse.

तत्र विद्याधरैश्वर्यसुखं हेमप्रभायुतः । लक्ष्मीसेनः स भुङ्क्ते स्म सख्या तेनान्वितश्चिरम्

tatra vidyādharaiśvaryasukhaṃ hemaprabhāyutaḥ / lakṣmīsenaḥ sa bhuṅkte sma sakhyā tenānvitaściram

Sanskrit only: no published translation is held for this verse.

इत्थं कथा निगदिताः किल गोमुखेन शृण्वन् क्रमात् स नरवाहनदत्तदेवः । आसन्नवर्तिनवशक्तियशोविवाहसूत्को ऽपि तां क्षणम् इव क्षणदां निनाय

itthaṃ kathā nigaditāḥ kila gomukhena śṛṇvan kramāt sa naravāhanadattadevaḥ / āsannavartinavaśaktiyaśovivāhasūtko 'pi tāṃ kṣaṇam iva kṣaṇadāṃ nināya

Sanskrit only: no published translation is held for this verse.

एवं विनोद्य च दिनानि स राजपुत्रः प्राप्ते विवाहदिवसे पितुरन्तिकस्थः । वत्सेश्वरस्य नभसः सहसावतीर्णं वैद्याधरं तपनदीप्ति बलं ददर्श

evaṃ vinodya ca dināni sa rājaputraḥ prāpte vivāhadivase piturantikasthaḥ / vatseśvarasya nabhasaḥ sahasāvatīrṇaṃ vaidyādharaṃ tapanadīpti balaṃ dadarśa

Sanskrit only: no published translation is held for this verse.

तन्मध्ये च स्वकदुहितरं दित्सितां तां गृहीत्वा प्रीत्या प्राप्तं स्फटिकयशसं वीक्ष्य विद्याधरेन्द्रम् । प्रत्युद्गम्य श्वशुर इति तं पूजयाम् आस हर्षाद्वत्सेशेन प्रथमविहितातिथ्यमर्घ्यादिना सः

tanmadhye ca svakaduhitaraṃ ditsitāṃ tāṃ gṛhītvā prītyā prāptaṃ sphaṭikayaśasaṃ vīkṣya vidyādharendram / pratyudgamya śvaśura iti taṃ pūjayām āsa harṣādvatseśena prathamavihitātithyamarghyādinā saḥ

Sanskrit only: no published translation is held for this verse.

सो ऽप्यावेद्य यथार्थमम्बरचराधीशः क्षणात्कल्पिता शेषस्वोचितदिव्यवैभवविधिः सिद्धिप्रभावात्ततः । रत्नौघप्रतिपूरिताय विधिवद्वत्सेशपुत्राय तां तस्मै स्वां विततार शक्तियशसं पूर्वप्रदिष्टां सुताम्

so 'pyāvedya yathārthamambaracarādhīśaḥ kṣaṇātkalpitā śeṣasvocitadivyavaibhavavidhiḥ siddhiprabhāvāttataḥ / ratnaughapratipūritāya vidhivadvatseśaputrāya tāṃ tasmai svāṃ vitatāra śaktiyaśasaṃ pūrvapradiṣṭāṃ sutām

Sanskrit only: no published translation is held for this verse.

स च नरवाहनदत्तो भार्यां विद्याधरेन्द्रतनयां ताम् । संप्राप्य शक्तियशसं पद्म इवार्कद्युतिं व्यरुचत्

sa ca naravāhanadatto bhāryāṃ vidyādharendratanayāṃ tām / saṃprāpya śaktiyaśasaṃ padma ivārkadyutiṃ vyarucat

Sanskrit only: no published translation is held for this verse.

स्फटिकयशस्युपयाते कौशाम्ब्यां पुरि स वत्सराजसुतः । शक्तियशोवदनाम्बुजसक्तेक्षणषट्पदस् तदा तस्थौ

sphaṭikayaśasyupayāte kauśāmbyāṃ puri sa vatsarājasutaḥ / śaktiyaśovadanāmbujasaktekṣaṇaṣaṭpadas tadā tasthau

Sanskrit only: no published translation is held for this verse.