Somadeva: Kathasaritsagara 10.4

प्रार्थयाम् आस च ततो वणिजो ऽस्मात्स भोजनम् । सो ऽपि संतुष्य तत्तस्मै प्रदातुं प्रत्यपद्यत

prārthayām āsa ca tato vaṇijo 'smātsa bhojanam / so 'pi saṃtuṣya tattasmai pradātuṃ pratyapadyata

Sanskrit only: no published translation is held for this verse.

ततः स सह कृत्वास्य वणिजः पुत्रमर्भकम् । स्नातुं वणिक्सुतः प्रायाद्दत्तामलकमात्रकम्

tataḥ sa saha kṛtvāsya vaṇijaḥ putramarbhakam / snātuṃ vaṇiksutaḥ prāyāddattāmalakamātrakam

Sanskrit only: no published translation is held for this verse.

स्नात्वार्भकं तं निक्षिप्य गुप्तं क्वापि सुहृद्गृहे । एक एवाययौ तस्य स धीमान्वणिजो गृहम्

snātvārbhakaṃ taṃ nikṣipya guptaṃ kvāpi suhṛdgṛhe / eka evāyayau tasya sa dhīmānvaṇijo gṛham

Sanskrit only: no published translation is held for this verse.

अर्भकः क्व स इत्येवं पृच्छन्तं वणिजं च तम् । श्येनेन सो ऽर्भको नीतः खान्निपत्येत्युवाच सः

arbhakaḥ kva sa ityevaṃ pṛcchantaṃ vaṇijaṃ ca tam / śyenena so 'rbhako nītaḥ khānnipatyetyuvāca saḥ

Sanskrit only: no published translation is held for this verse.

छादितो मे त्वया पुत्र इति क्रुद्धेन तेन च । नीतः स वणिजा राजकुले ऽप्याह स्म तत् तथा

chādito me tvayā putra iti kruddhena tena ca / nītaḥ sa vaṇijā rājakule 'pyāha sma tat tathā

Sanskrit only: no published translation is held for this verse.

असंभाव्यमिदं श्येनो नयेत्कथमिवार्भकम् । इति सभ्यैश् च तत्रोक्ते वणिक्पुत्रो जगाद सः

asaṃbhāvyamidaṃ śyeno nayetkathamivārbhakam / iti sabhyaiś ca tatrokte vaṇikputro jagāda saḥ

Sanskrit only: no published translation is held for this verse.

मूषकैर् भक्ष्यते लौही देशे यत्र महातुला । तत्र द्विपम् अपि श्येनो नयेत् किं पुनर् अर्भकम्

mūṣakair bhakṣyate lauhī deśe yatra mahātulā / tatra dvipam api śyeno nayet kiṃ punar arbhakam

Sanskrit only: no published translation is held for this verse.

तच् छ्रुत्वा कौतुकात्पृष्टवृत्तान्तैस् तस्य दापिता । सभ्यैस्तुला सा तेनापि स आनीयार्पितो ऽर्भकः

tac chrutvā kautukātpṛṣṭavṛttāntais tasya dāpitā / sabhyaistulā sā tenāpi sa ānīyārpito 'rbhakaḥ

Sanskrit only: no published translation is held for this verse.

इत्य् उपायेन घटयन्त्यभीष्टं बुद्धिशालिनः । त्वया तु साहसेनैव संदेहे प्रापितः प्रभुः

ity upāyena ghaṭayantyabhīṣṭaṃ buddhiśālinaḥ / tvayā tu sāhasenaiva saṃdehe prāpitaḥ prabhuḥ

Sanskrit only: no published translation is held for this verse.

एतत्करटकाच् छ्रुत्वावादीद्दमनको हसन् । मैवं किमुक्षयुद्धे ऽस्ति सिंहस्य जयसंशयः

etatkaraṭakāc chrutvāvādīddamanako hasan / maivaṃ kimukṣayuddhe 'sti siṃhasya jayasaṃśayaḥ

Sanskrit only: no published translation is held for this verse.

मत्तेभदशनाघातघनव्रणविभूषणः । क्व केसरी क्व दान्तश् च प्रतोदक्षतविग्रहः

mattebhadaśanāghātaghanavraṇavibhūṣaṇaḥ / kva kesarī kva dāntaś ca pratodakṣatavigrahaḥ

Sanskrit only: no published translation is held for this verse.

इत्यादि जल्पतो यावज्जम्बुकौ तौ परस्परम् । तावत् संजीवकवृषं युद्धे पिङ्गलको ऽब्रवीत्

ityādi jalpato yāvajjambukau tau parasparam / tāvat saṃjīvakavṛṣaṃ yuddhe piṅgalako 'bravīt

Sanskrit only: no published translation is held for this verse.

तस्मिन् हते स किल पिङ्गलकस्य तस्य पार्श्वे समं करटकेन मृगाधिपस्य । तस्थौ ततो दमनको मुदितश् चिराय मन्त्रित्वम् अप्रतिहतं समवाप्य भूयः

tasmin hate sa kila piṅgalakasya tasya pārśve samaṃ karaṭakena mṛgādhipasya / tasthau tato damanako muditaś cirāya mantritvam apratihataṃ samavāpya bhūyaḥ

Sanskrit only: no published translation is held for this verse.

इति नरवाहनदत्तो नीतिमतो बुद्धिविभवसंपन्नाम् । मन्त्रिवराद्गोमुखतः श्रुत्वा चित्रां कथां जहर्ष भृशम्

iti naravāhanadatto nītimato buddhivibhavasaṃpannām / mantrivarādgomukhataḥ śrutvā citrāṃ kathāṃ jaharṣa bhṛśam

Sanskrit only: no published translation is held for this verse.