Somadeva: Kathasaritsagara 12.36

अध्यास्य तैश् च सचिवैः सह तामयोध्यां नानादिगागतनृपार्चितपादपद्मः । सम्राट् समं दयितया स शशाङ्कवत्या भोगानकण्टकसुखान् बुभुजे चिराय

adhyāsya taiś ca sacivaiḥ saha tāmayodhyāṃ nānādigāgatanṛpārcitapādapadmaḥ / samrāṭ samaṃ dayitayā sa śaśāṅkavatyā bhogānakaṇṭakasukhān bubhuje cirāya

Sanskrit only: no published translation is held for this verse.

इति स व्याख्याय कथां मलयवनान्ते मुनिः पिशङ्गजटः । तं नरवाहनदत्तं राजसुतं विरहिणं जगदे

iti sa vyākhyāya kathāṃ malayavanānte muniḥ piśaṅgajaṭaḥ / taṃ naravāhanadattaṃ rājasutaṃ virahiṇaṃ jagade

Sanskrit only: no published translation is held for this verse.

तस्मात्सोढक्लेशो मृगाङ्कदत्तो यथा शशाङ्कवतीम् । प्राप पुरा पुत्र तथा प्राप्स्यसि तां मदनमञ्चुकां त्वमपि

tasmātsoḍhakleśo mṛgāṅkadatto yathā śaśāṅkavatīm / prāpa purā putra tathā prāpsyasi tāṃ madanamañcukāṃ tvamapi

Sanskrit only: no published translation is held for this verse.

इति तस्मात्स मुनीन्द्रादाकर्ण्य वचोमृतं पिशङ्गजटात् । हृदि नरवाहनदत्तो धृतिमाधान्मदनमञ्चुकाप्राप्तौ

iti tasmātsa munīndrādākarṇya vacomṛtaṃ piśaṅgajaṭāt / hṛdi naravāhanadatto dhṛtimādhānmadanamañcukāprāptau

Sanskrit only: no published translation is held for this verse.

तद्गतचित्तो ऽथ स तं मुनिवरमामन्त्र्य हारितां पूर्वम् । तत्रानेत्रीं चिन्वन्मलयगिरौ ललितलोचनां व्यचरत्

tadgatacitto 'tha sa taṃ munivaramāmantrya hāritāṃ pūrvam / tatrānetrīṃ cinvanmalayagirau lalitalocanāṃ vyacarat

Sanskrit only: no published translation is held for this verse.