Somadeva: Kathasaritsagara 12.6

स्मृत्वा तद्रात्रिवृत्तं सा दृष्ट्वा चालंकृता तनुम् । श्रीदर्शनालंकरणैश्चिन्तास्मौत्सुक्यतो ययौ

smṛtvā tadrātrivṛttaṃ sā dṛṣṭvā cālaṃkṛtā tanum / śrīdarśanālaṃkaraṇaiścintāsmautsukyato yayau

Sanskrit only: no published translation is held for this verse.

स्वप्नभ्रान्तिहरैर् दत्तप्रेमभिर् दुलभे जने । एभिर् आभरणैर् नीतास्म्यहं जीवितसंशयम्

svapnabhrāntiharair dattapremabhir dulabhe jane / ebhir ābharaṇair nītāsmyahaṃ jīvitasaṃśayam

Sanskrit only: no published translation is held for this verse.

इत्यादि चिन्तयन्तीं तां पुरुषाभरणैर् युताम् । पितानङ्गोदयो ऽकस्मात्प्रविश्यात्र व्यलोकयत्

ityādi cintayantīṃ tāṃ puruṣābharaṇair yutām / pitānaṅgodayo 'kasmātpraviśyātra vyalokayat

Sanskrit only: no published translation is held for this verse.

वाससाच्छादिताङ्गीं च लज्जयावनतां ततः । पप्रच्छोत्सङ्गमारोप्य स तां राजातिवत्सलः

vāsasācchāditāṅgīṃ ca lajjayāvanatāṃ tataḥ / papracchotsaṅgamāropya sa tāṃ rājātivatsalaḥ

Sanskrit only: no published translation is held for this verse.

किमयं पुत्रि पुंवेषः किं त्रपा चेदृशी वद । मा कृथा मय्यविश्वासं बद्धाः पाणा हि मे त्वयि

kimayaṃ putri puṃveṣaḥ kiṃ trapā cedṛśī vada / mā kṛthā mayyaviśvāsaṃ baddhāḥ pāṇā hi me tvayi

Sanskrit only: no published translation is held for this verse.

इत्यादिभिः प्रियालापैस्तेन मन्दीकृतत्रपा । पित्रा शनैस्तं वृत्तान्तं कृत्स्नं तस्मै शशंस सा

ityādibhiḥ priyālāpaistena mandīkṛtatrapā / pitrā śanaistaṃ vṛttāntaṃ kṛtsnaṃ tasmai śaśaṃsa sā

Sanskrit only: no published translation is held for this verse.

ततः सो ऽस्या पिता राजा तदमानुषगोचरम् । इन्द्रजालमिवावैत्य ययौ कर्तव्यसंशयम्

tataḥ so 'syā pitā rājā tadamānuṣagocaram / indrajālamivāvaitya yayau kartavyasaṃśayam

Sanskrit only: no published translation is held for this verse.

गत्वैव तच् च पप्रच्छ सुप्रीतं सिद्धयोगिनम् । महाव्रतधरं ब्रह्मसोमं नाम स्वदेशजम्

gatvaiva tac ca papraccha suprītaṃ siddhayoginam / mahāvratadharaṃ brahmasomaṃ nāma svadeśajam

Sanskrit only: no published translation is held for this verse.

स वीक्ष्य प्रणिधानेन नृपं तं तापसो ऽभ्यधात् । मालवात्सत्यमानिन्ये गणैः श्रीदर्शनो नृपः

sa vīkṣya praṇidhānena nṛpaṃ taṃ tāpaso 'bhyadhāt / mālavātsatyamāninye gaṇaiḥ śrīdarśano nṛpaḥ

Sanskrit only: no published translation is held for this verse.

गणेश्वरः प्रसन्नो हि त्वत्पुत्र्यास् तस्य चोभयोः । तत्प्रसादाच् च राजा स सार्वभौमो भविष्यति

gaṇeśvaraḥ prasanno hi tvatputryās tasya cobhayoḥ / tatprasādāc ca rājā sa sārvabhaumo bhaviṣyati

Sanskrit only: no published translation is held for this verse.

तच्छ्लाघनीयो दुहितुस्तव भर्ता स तादृशः । इत्य् उक्ते ज्ञानिना तेन प्रह्वो राजा जगाद तम्

tacchlāghanīyo duhitustava bhartā sa tādṛśaḥ / ity ukte jñāninā tena prahvo rājā jagāda tam

Sanskrit only: no published translation is held for this verse.

क्व मालवः क्व भगवन् हंसद्वीपो महानयम् । पन्था दुर्गश् च कार्यं च नेदं कालान्तरक्षमम्

kva mālavaḥ kva bhagavan haṃsadvīpo mahānayam / panthā durgaś ca kāryaṃ ca nedaṃ kālāntarakṣamam

Sanskrit only: no published translation is held for this verse.

तत्प्रसादपरो नित्यं त्वमेवात्र गतिर्मम । इति राज्ञा स विज्ञप्तस्तपस्वी भक्तवत्सलः

tatprasādaparo nityaṃ tvamevātra gatirmama / iti rājñā sa vijñaptastapasvī bhaktavatsalaḥ

Sanskrit only: no published translation is held for this verse.

एषो ऽहं साधयाम्येतदित्य् उक्त्वान्तर्दधे ततः । क्षणाच् च मालवं प्राप पुरं श्रीसेनभूभृतः

eṣo 'haṃ sādhayāmyetadity uktvāntardadhe tataḥ / kṣaṇāc ca mālavaṃ prāpa puraṃ śrīsenabhūbhṛtaḥ

Sanskrit only: no published translation is held for this verse.

तत्र तस्मिन् प्रविश्यैव श्रीदर्शनविनिर्मिते । देवागारे गणाधीशं प्रणम्योपविवेश सः

tatra tasmin praviśyaiva śrīdarśanavinirmite / devāgāre gaṇādhīśaṃ praṇamyopaviveśa saḥ

Sanskrit only: no published translation is held for this verse.

नमो ऽस्तु तुभ्यं नक्षत्रमालामण्डितमूर्धने । सुमेरुशिखराभाय कल्याणमयमूर्तये

namo 'stu tubhyaṃ nakṣatramālāmaṇḍitamūrdhane / sumeruśikharābhāya kalyāṇamayamūrtaye

Sanskrit only: no published translation is held for this verse.

नौमि नृत्तोत्सवोत्क्षिप्तसरलाभ्रंलिहं तव । करं त्रिभुवनागारधारणस्तम्भसंनिभम्

naumi nṛttotsavotkṣiptasaralābhraṃlihaṃ tava / karaṃ tribhuvanāgāradhāraṇastambhasaṃnibham

Sanskrit only: no published translation is held for this verse.

निधानं सर्वसिद्धीनां विघ्नान्तक नमाम्य् अहम् । पृथुलोदरकुम्भं ते पन्नगाभरणं वपुः

nidhānaṃ sarvasiddhīnāṃ vighnāntaka namāmy aham / pṛthulodarakumbhaṃ te pannagābharaṇaṃ vapuḥ

Sanskrit only: no published translation is held for this verse.

इति तत्र स यावच् च गणेशं स्तौति तापसः । तावत्तत्प्रतिमानेतुः पुत्रस् तस्य वणिक्पतेः

iti tatra sa yāvac ca gaṇeśaṃ stauti tāpasaḥ / tāvattatpratimānetuḥ putras tasya vaṇikpateḥ

Sanskrit only: no published translation is held for this verse.

उपेन्द्रशक्तेर् उद्दामचिरोन्मादविशृङ्खलः । भ्राम्यन्महेन्द्रशक्त्याख्यो विवेशात्रैव दैवतः

upendraśakter uddāmacironmādaviśṛṅkhalaḥ / bhrāmyanmahendraśaktyākhyo viveśātraiva daivataḥ

Sanskrit only: no published translation is held for this verse.

अभ्यधावद्ग्रहीतुं च तम् एव स तपस्विनम् । ततः स पाणिना तत्र तपस्वी तमताडयत्

abhyadhāvadgrahītuṃ ca tam eva sa tapasvinam / tataḥ sa pāṇinā tatra tapasvī tamatāḍayat

Sanskrit only: no published translation is held for this verse.

स तेन न्यस्तमन्त्रेण पाणिना तस्य ताडितः । शान्तोन्मादस् तथैवाभूत्स्वस्थबुद्धिर्वणिक्स्तुतः

sa tena nyastamantreṇa pāṇinā tasya tāḍitaḥ / śāntonmādas tathaivābhūtsvasthabuddhirvaṇikstutaḥ

Sanskrit only: no published translation is held for this verse.

जातलज्जश् च स ततो निर्गत्यैव दिगम्बरः । हस्ताच्छादितकौपीनो जगाम स्वगृहं प्रति

jātalajjaś ca sa tato nirgatyaiva digambaraḥ / hastācchāditakaupīno jagāma svagṛhaṃ prati

Sanskrit only: no published translation is held for this verse.

तत्कालं लोकतो बुद्ध्वा समेत्यानन्दनिर्भरः । उपेन्द्रशक्तिः स्वपिता तमनैषीन्निजं गृहम्

tatkālaṃ lokato buddhvā sametyānandanirbharaḥ / upendraśaktiḥ svapitā tamanaiṣīnnijaṃ gṛham

Sanskrit only: no published translation is held for this verse.

तत्र तं स्नपयित्वा च कृत्वा वस्त्राद्यलंकृतम् । तद्युक्तस्तापसं तं स ब्रह्मसोमम् उपास्ययौ

tatra taṃ snapayitvā ca kṛtvā vastrādyalaṃkṛtam / tadyuktastāpasaṃ taṃ sa brahmasomam upāsyayau

Sanskrit only: no published translation is held for this verse.

उपानयच् च बह्वस्मै धनं पुत्रप्रदायिने । स तु तन्नैव जग्राह तापसो दिव्यसिद्धिभृत्

upānayac ca bahvasmai dhanaṃ putrapradāyine / sa tu tannaiva jagrāha tāpaso divyasiddhibhṛt

Sanskrit only: no published translation is held for this verse.

अत्रान्तरे च तद्बुद्ध्वा तम् उपागात्तपस्विनम् । श्रीदर्शनान्वितो भक्त्या श्रीसेननृपतिः स्वयम्

atrāntare ca tadbuddhvā tam upāgāttapasvinam / śrīdarśanānvito bhaktyā śrīsenanṛpatiḥ svayam

Sanskrit only: no published translation is held for this verse.

प्रणिपत्य स्तुतिं कृत्वा तं स राजा व्यजिज्ञपत् । संपन्ना वणिजस्तावत् पुत्रस्वास्थ्यादुपक्रिया

praṇipatya stutiṃ kṛtvā taṃ sa rājā vyajijñapat / saṃpannā vaṇijastāvat putrasvāsthyādupakriyā

Sanskrit only: no published translation is held for this verse.

युष्मदागमनादस्य तन्ममापि तथा कुरु । यथा श्रीदर्शनस्यास्य मत्सूनोः कुशलं भवेत्

yuṣmadāgamanādasya tanmamāpi tathā kuru / yathā śrīdarśanasyāsya matsūnoḥ kuśalaṃ bhavet

Sanskrit only: no published translation is held for this verse.

इति तेनार्थितो राज्ञा तापसः सो ऽब्रवीद् धसन् । राजन् किमस्य चौरस्य करोम्य् अहम् अभीप्सितम्

iti tenārthito rājñā tāpasaḥ so 'bravīd dhasan / rājan kimasya caurasya karomy aham abhīpsitam

Sanskrit only: no published translation is held for this verse.

यो राजपुत्र्या हृदयं मुषित्वाभरणानि च । रात्रावनङ्गमञ्जर्या हंसद्वीपादिहागतः

yo rājaputryā hṛdayaṃ muṣitvābharaṇāni ca / rātrāvanaṅgamañjaryā haṃsadvīpādihāgataḥ

Sanskrit only: no published translation is held for this verse.

तथापि त्वद्वचः कार्यं मयेत्य् उक्त्वा प्रकोष्ठतः । श्रीदर्शनं तमादाय तापसो ऽन्तर्दधे ऽथ सः

tathāpi tvadvacaḥ kāryaṃ mayety uktvā prakoṣṭhataḥ / śrīdarśanaṃ tamādāya tāpaso 'ntardadhe 'tha saḥ

Sanskrit only: no published translation is held for this verse.

स प्राप्य हंसद्वीपं च राज्ञो ऽनङ्गोदयस्य तम् । प्रावेशयद् राजधानीं तत्सुताभरणैर् युतम्

sa prāpya haṃsadvīpaṃ ca rājño 'naṅgodayasya tam / prāveśayad rājadhānīṃ tatsutābharaṇair yutam

Sanskrit only: no published translation is held for this verse.

सो ऽप्य् अभ्यनन्दत् तं राजा प्राप्तं श्रीदर्शनं तदा । हृष्टः पूर्वं तम् अभ्यर्च्य पादनम्रस् तपस्विनम्

so 'py abhyanandat taṃ rājā prāptaṃ śrīdarśanaṃ tadā / hṛṣṭaḥ pūrvaṃ tam abhyarcya pādanamras tapasvinam

Sanskrit only: no published translation is held for this verse.

ददौ च तां सुतां तस्मै पुण्याहे ऽनङ्गमञ्जरीम् । श्रीदर्शनाय रत्नौघमालिनीं वसुधामिव

dadau ca tāṃ sutāṃ tasmai puṇyāhe 'naṅgamañjarīm / śrīdarśanāya ratnaughamālinīṃ vasudhāmiva

Sanskrit only: no published translation is held for this verse.

तया बद्ध्वा समेतं च तं स जामातरं पुनः । मालवं प्रापयाम् आस शक्त्या तस्य तपस्विनः

tayā baddhvā sametaṃ ca taṃ sa jāmātaraṃ punaḥ / mālavaṃ prāpayām āsa śaktyā tasya tapasvinaḥ

Sanskrit only: no published translation is held for this verse.

तत्र प्राप्तश् च स ततः कास्न्ताद्वितयसंगतः । श्रीदर्शनः सुखं तस्थौ हृष्टराजाभिनन्दितः

tatra prāptaś ca sa tataḥ kāsntādvitayasaṃgataḥ / śrīdarśanaḥ sukhaṃ tasthau hṛṣṭarājābhinanditaḥ

Sanskrit only: no published translation is held for this verse.

कालेन तस्मिञ् श्रीसेने राज्ञि लोकान्तरं गते । तद्राज्यं प्राप्य पृथिवीं कृत्स्नां वीरो जिगाय सः

kālena tasmiñ śrīsene rājñi lokāntaraṃ gate / tadrājyaṃ prāpya pṛthivīṃ kṛtsnāṃ vīro jigāya saḥ

Sanskrit only: no published translation is held for this verse.

समासादितसाम्राज्यः स तयोर् भार्ययोर् द्वयोः । पद्मिष्ठानङ्गमञ्जर्योस्तनयौ द्वावजीजनत्

samāsāditasāmrājyaḥ sa tayor bhāryayor dvayoḥ / padmiṣṭhānaṅgamañjaryostanayau dvāvajījanat

Sanskrit only: no published translation is held for this verse.

एकं तयोः पद्मसेनं नाम्ना स कृतवान्नृपः । अनङ्गसेनमपरं वृद्धिं तौ चात्र नीतवान्

ekaṃ tayoḥ padmasenaṃ nāmnā sa kṛtavānnṛpaḥ / anaṅgasenamaparaṃ vṛddhiṃ tau cātra nītavān

Sanskrit only: no published translation is held for this verse.

याति काले च देवीभ्यां सह सो ऽभ्यन्तरे स्थितः । श्रीदर्शनो ऽशृणोद्राजा विप्रस्याक्रन्दितं बहिः

yāti kāle ca devībhyāṃ saha so 'bhyantare sthitaḥ / śrīdarśano 'śṛṇodrājā viprasyākranditaṃ bahiḥ

Sanskrit only: no published translation is held for this verse.

प्रवेश्य तं च पप्रच्छ विप्रमाक्रन्दकारणम् । ततः स दर्शितोद्वेगो विप्रस्तम् इदम् अब्रवीत्

praveśya taṃ ca papraccha vipramākrandakāraṇam / tataḥ sa darśitodvego viprastam idam abravīt

Sanskrit only: no published translation is held for this verse.

यो ऽभूद्दीप्तशिखो ऽग्निर्मे सो ऽट्टहासमुचाधुना । सज्योतिधूमलेखो ऽपि कालमेघेन नाशितः

yo 'bhūddīptaśikho 'gnirme so 'ṭṭahāsamucādhunā / sajyotidhūmalekho 'pi kālameghena nāśitaḥ

Sanskrit only: no published translation is held for this verse.

इत्य् उक्त्वा दृष्टनष्टो ऽभूद्ब्राह्मणः सो ऽत्र तत्क्षणम् । किमेतदुक्तमेतेन क्व गतश्चेति विस्मयात्

ity uktvā dṛṣṭanaṣṭo 'bhūdbrāhmaṇaḥ so 'tra tatkṣaṇam / kimetaduktametena kva gataśceti vismayāt

Sanskrit only: no published translation is held for this verse.

यावत् स राजा ब्रूते च तावद्देव्यावशङ्कितम् । धाराश्रुणा रुदन्त्यौ ते तस्य पञ्चत्वमापतुः

yāvat sa rājā brūte ca tāvaddevyāvaśaṅkitam / dhārāśruṇā rudantyau te tasya pañcatvamāpatuḥ

Sanskrit only: no published translation is held for this verse.

तद्दृष्ट्वाशनिपातोग्रं सहसा स महीपतिः । हा हा किम् इदमित्यार्तो विलपन्नपदद्भुवि

taddṛṣṭvāśanipātograṃ sahasā sa mahīpatiḥ / hā hā kim idamityārto vilapannapadadbhuvi

Sanskrit only: no published translation is held for this verse.

पतितं च तमादाय पार्श्वगा निन्युरन्यतः । देव्योश् च वह्निसंस्कारं नीत्वा मुखरको व्यधात्

patitaṃ ca tamādāya pārśvagā ninyuranyataḥ / devyoś ca vahnisaṃskāraṃ nītvā mukharako vyadhāt

Sanskrit only: no published translation is held for this verse.

लब्धसंज्ञो ऽनुशोच्याथ भार्ये ते सुचिरं नृपः । तयोर् निर्वर्तयाम् आस स स्नेहादौर्ध्वदैहिकम्

labdhasaṃjño 'nuśocyātha bhārye te suciraṃ nṛpaḥ / tayor nirvartayām āsa sa snehādaurdhvadaihikam

Sanskrit only: no published translation is held for this verse.

बाष्पदुर्दिनबद्धान्धकारं नीत्वा च वत्सरम् । द्वाभ्यां विभज्य पुत्राभ्यां पृथ्वीराज्यं ददौ द्विधा

bāṣpadurdinabaddhāndhakāraṃ nītvā ca vatsaram / dvābhyāṃ vibhajya putrābhyāṃ pṛthvīrājyaṃ dadau dvidhā

Sanskrit only: no published translation is held for this verse.

ततो निर्गत्य नगरात्प्रकृतीरनुयायिनीः । निर्वत्य जातवैर् आग्यः शिश्रिये तपसे वनम्

tato nirgatya nagarātprakṛtīranuyāyinīḥ / nirvatya jātavair āgyaḥ śiśriye tapase vanam

Sanskrit only: no published translation is held for this verse.

फलमूलाशनस् तत्र वसञ्जातु यदृच्छया । भ्रमन्सो ऽन्तिकमेकस्य प्राप न्यग्रोधशाखिनः

phalamūlāśanas tatra vasañjātu yadṛcchayā / bhramanso 'ntikamekasya prāpa nyagrodhaśākhinaḥ

Sanskrit only: no published translation is held for this verse.

तत्र प्राप्तमकस्मात्तं निर्गत्यैव तरोस् ततः । ऊचतुर्दिव्यरूपे द्वे फलमूलकरे स्त्रियौ

tatra prāptamakasmāttaṃ nirgatyaiva taros tataḥ / ūcaturdivyarūpe dve phalamūlakare striyau

Sanskrit only: no published translation is held for this verse.

राजन्नेहि गृहाणैतान्यद्य मूलफलानि नौ । तच् छ्रुत्वा सो ऽब्रवीद्ब्रूतं तावन्मे के युवामिति

rājannehi gṛhāṇaitānyadya mūlaphalāni nau / tac chrutvā so 'bravīdbrūtaṃ tāvanme ke yuvāmiti

Sanskrit only: no published translation is held for this verse.

ततस् ते दिव्यनार्यौ तमूचतुस्तर्हि नौ गृहम् । एहि प्रविश्य तत्रैतद्वक्ष्यामस् ते यथातथम्

tatas te divyanāryau tamūcatustarhi nau gṛham / ehi praviśya tatraitadvakṣyāmas te yathātatham

Sanskrit only: no published translation is held for this verse.

तच् छ्रुत्वा स तथेत्य् उक्त्वा ताभ्यां श्रीदर्शनः सह । प्रविष्टो ऽत्र ददर्शान्तर्दिव्यं हेममयं पुरम्

tac chrutvā sa tathety uktvā tābhyāṃ śrīdarśanaḥ saha / praviṣṭo 'tra dadarśāntardivyaṃ hemamayaṃ puram

Sanskrit only: no published translation is held for this verse.

विश्रान्तस् तत्र दिव्यानि भुक्तवांश् च फलानि सः । नारीभ्यां जगदे ताभ्यामिदानीं नृपते शृणु

viśrāntas tatra divyāni bhuktavāṃś ca phalāni saḥ / nārībhyāṃ jagade tābhyāmidānīṃ nṛpate śṛṇu

Sanskrit only: no published translation is held for this verse.

आसीत्कमलगर्भाख्यः प्रतिष्ठाने पुरा द्विजः । तस्याभूतां च भार्ये द्वे एका पथ्या बलापरा

āsītkamalagarbhākhyaḥ pratiṣṭhāne purā dvijaḥ / tasyābhūtāṃ ca bhārye dve ekā pathyā balāparā

Sanskrit only: no published translation is held for this verse.

जराक्रान्ताश् च कालेन ते भार्यापतयस्त्रयः । पर्यन्ते विविशुर्वह्निं सहान्योन्यानुरागिणः

jarākrāntāś ca kālena te bhāryāpatayastrayaḥ / paryante viviśurvahniṃ sahānyonyānurāgiṇaḥ

Sanskrit only: no published translation is held for this verse.

भार्यापतित्वं सर्वस्मिन् भूयाज्जन्मनि नः प्रभो । इति प्रार्थ्यत तस्मिंश् च काले तैर् अनलाद्वरः

bhāryāpatitvaṃ sarvasmin bhūyājjanmani naḥ prabho / iti prārthyata tasmiṃś ca kāle tair analādvaraḥ

Sanskrit only: no published translation is held for this verse.

ततः कमलगर्भो ऽसौ यक्षयोनावजायत । प्रदीप्ताक्षस्य यक्षस्य पुत्र् ओदीप्तशिखाभिधः

tataḥ kamalagarbho 'sau yakṣayonāvajāyata / pradīptākṣasya yakṣasya putr odīptaśikhābhidhaḥ

Sanskrit only: no published translation is held for this verse.

कनीयानट्टहासस्य भ्राता तीव्रतपोबलात् । तद्भार्ये अपि ते पथ्याबले यक्षपतेः सुते

kanīyānaṭṭahāsasya bhrātā tīvratapobalāt / tadbhārye api te pathyābale yakṣapateḥ sute

Sanskrit only: no published translation is held for this verse.

धूमकेत्वभिधानस्य जज्ञाते यक्षकन्यके । ज्योतिर्लेखाभिधानैका धूमलेखेति चापरा

dhūmaketvabhidhānasya jajñāte yakṣakanyake / jyotirlekhābhidhānaikā dhūmalekheti cāparā

Sanskrit only: no published translation is held for this verse.

कालेन च भगिन्यौ ते कन्यके प्राप्तयौवने । भर्त्रर्थं तपसा गत्वारण्ये ऽतोषयतां हरम्

kālena ca bhaginyau te kanyake prāptayauvane / bhartrarthaṃ tapasā gatvāraṇye 'toṣayatāṃ haram

Sanskrit only: no published translation is held for this verse.

स तुष्टो दर्शनं दत्त्वा देवस् ते द्वे समादिशत् । समम् एव प्रविश्याग्निं युवाभ्यां पूर्वजन्मनि

sa tuṣṭo darśanaṃ dattvā devas te dve samādiśat / samam eva praviśyāgniṃ yuvābhyāṃ pūrvajanmani

Sanskrit only: no published translation is held for this verse.

येन साकं वृतं भार्यापतित्वं सर्वजन्मसु । स वां यक्षो ऽट्टहासस्य भ्राता दीप्तशिखाभिधः

yena sākaṃ vṛtaṃ bhāryāpatitvaṃ sarvajanmasu / sa vāṃ yakṣo 'ṭṭahāsasya bhrātā dīptaśikhābhidhaḥ

Sanskrit only: no published translation is held for this verse.

जातः स स्वामिशापेन पुनर्मर्त्यत्वमागतः । जातः श्रीदर्शनो नाम तद्युवाम् अपिगच्छतम्

jātaḥ sa svāmiśāpena punarmartyatvamāgataḥ / jātaḥ śrīdarśano nāma tadyuvām apigacchatam

Sanskrit only: no published translation is held for this verse.

भवेतां मर्त्यलोके ऽस्य भार्ये शापक्षये पुनः । यूयं च भार्यापतयो यक्षाः सर्वे भविष्यथ

bhavetāṃ martyaloke 'sya bhārye śāpakṣaye punaḥ / yūyaṃ ca bhāryāpatayo yakṣāḥ sarve bhaviṣyatha

Sanskrit only: no published translation is held for this verse.

इति गौरीपतेर्वाक्यादुभे ते यक्षकन्यके । पद्मिष्ठानङ्गमञ्जर्यावजायेतां भुवस्तले

iti gaurīpatervākyādubhe te yakṣakanyake / padmiṣṭhānaṅgamañjaryāvajāyetāṃ bhuvastale

Sanskrit only: no published translation is held for this verse.

श्रीदर्शनस्य भार्यात्वं प्राप्ते सत्यौ च ते ऽचिरात् । एत्य तेनाट्टहासेन युक्त्या ब्राह्मणरूपिणा

śrīdarśanasya bhāryātvaṃ prāpte satyau ca te 'cirāt / etya tenāṭṭahāsena yuktyā brāhmaṇarūpiṇā

Sanskrit only: no published translation is held for this verse.

श्लिष्टोक्त्या स्मारिते दैवाज्जातिं नामान्युदीर्य यत् । तेन ते तां तनुं त्यक्त्वा यक्षणीत्वम् उपागते

śliṣṭoktyā smārite daivājjātiṃ nāmānyudīrya yat / tena te tāṃ tanuṃ tyaktvā yakṣaṇītvam upāgate

Sanskrit only: no published translation is held for this verse.

ते चावां त्वमिमे विद्धि बह्वान्दीप्तशिखश् च सः । इत्य् उक्त एव ताभ्यां तां जातिं श्रीदर्शनो ऽस्मरत्

te cāvāṃ tvamime viddhi bahvāndīptaśikhaś ca saḥ / ity ukta eva tābhyāṃ tāṃ jātiṃ śrīdarśano 'smarat

Sanskrit only: no published translation is held for this verse.

संपन्नश् च ततः सद्यो यक्षो दीप्तशिखो ऽत्र सः । प्राप्तश् च ताभ्यां भार्याभ्यां संयोगं विधिवत्पुनः

saṃpannaś ca tataḥ sadyo yakṣo dīptaśikho 'tra saḥ / prāptaś ca tābhyāṃ bhāryābhyāṃ saṃyogaṃ vidhivatpunaḥ

Sanskrit only: no published translation is held for this verse.

तम् इमं विद्धि मां यक्षं विचित्रकथ ते इमे । ज्योतिर्लेखां तथा धूमलेखां जानीहि मे प्रिये

tam imaṃ viddhi māṃ yakṣaṃ vicitrakatha te ime / jyotirlekhāṃ tathā dhūmalekhāṃ jānīhi me priye

Sanskrit only: no published translation is held for this verse.

तदेवं मादृशां देववंशजानामपीदृशम् । सुखदुःखं भवेत्कामं मानुषाणां कथैव का

tadevaṃ mādṛśāṃ devavaṃśajānāmapīdṛśam / sukhaduḥkhaṃ bhavetkāmaṃ mānuṣāṇāṃ kathaiva kā

Sanskrit only: no published translation is held for this verse.

युष्माकं चाचिराद्वत्स भविष्यति समागमः । भर्त्रा मृगाङ्कदत्तेन मा विषादमतः कृथाः

yuṣmākaṃ cācirādvatsa bhaviṣyati samāgamaḥ / bhartrā mṛgāṅkadattena mā viṣādamataḥ kṛthāḥ

Sanskrit only: no published translation is held for this verse.

अहं चेह तवातिथ्यहेतोर् आस्थाम् इदं हि मे । भौमं धाम तदास्स्वेह करिष्ये ऽभिमतं तव

ahaṃ ceha tavātithyahetor āsthām idaṃ hi me / bhaumaṃ dhāma tadāssveha kariṣye 'bhimataṃ tava

Sanskrit only: no published translation is held for this verse.

ततो यास्यामि कैलासं स्वं धामेति निजां कथाम् । उक्त्वा स यक्षो मां तत्र कंचित्कालम् उपाचरत्

tato yāsyāmi kailāsaṃ svaṃ dhāmeti nijāṃ kathām / uktvā sa yakṣo māṃ tatra kaṃcitkālam upācarat

Sanskrit only: no published translation is held for this verse.

अद्य युष्मानिह प्राप्ताञ्ज्ञात्वा रात्रौ स सन्मतिः । सुप्तानां भवतां मध्ये सुप्तमानीय मां न्यधात्

adya yuṣmāniha prāptāñjñātvā rātrau sa sanmatiḥ / suptānāṃ bhavatāṃ madhye suptamānīya māṃ nyadhāt

Sanskrit only: no published translation is held for this verse.

ततो दृष्टो ऽस्मि युष्माभिर् यूयं दृष्टा मयापि च । इत्य् एष युष्मद्विश्लेषे वृत्तान्तो देव मामकः

tato dṛṣṭo 'smi yuṣmābhir yūyaṃ dṛṣṭā mayāpi ca / ity eṣa yuṣmadviśleṣe vṛttānto deva māmakaḥ

Sanskrit only: no published translation is held for this verse.

इति निजसचिवान् निशम्य तस्मान् निशि स विचित्रकथाद्यथार्थनाम्नः । सुखमभजदतीव राजपुत्रः सममपरैः सचिवैर् मृगाङ्कदत्तः

iti nijasacivān niśamya tasmān niśi sa vicitrakathādyathārthanāmnaḥ / sukhamabhajadatīva rājaputraḥ samamaparaiḥ sacivair mṛgāṅkadattaḥ

Sanskrit only: no published translation is held for this verse.

नीत्वात्र रात्रिमटवीभुवि नागशाप विश्लेषितान् मिलितशेषसखीन्विचिन्वन् । अभ्युज्जयिन्युदचलच् च शशाङ्कवत्या लाभाय सो ऽर्पितमतिः सह तैर् वयस्यैः

nītvātra rātrimaṭavībhuvi nāgaśāpa viśleṣitān militaśeṣasakhīnvicinvan / abhyujjayinyudacalac ca śaśāṅkavatyā lābhāya so 'rpitamatiḥ saha tair vayasyaiḥ

Sanskrit only: no published translation is held for this verse.