Somadeva: Kathasaritsagara 18.1

आलम्ब्य दक्षिणं मार्गं स्वरतालपदैस् तथा । अवधानेन सा सम्यग्गायन्ती तामवादयत्

ālambya dakṣiṇaṃ mārgaṃ svaratālapadais tathā / avadhānena sā samyaggāyantī tāmavādayat

Sanskrit only: no published translation is held for this verse.

यथा तच्छ्रवणाकृष्टहृदया गगनागताः । तत्र सिद्धादयो ऽप्यासन्निःस्पन्दा लिखिता इव

yathā tacchravaṇākṛṣṭahṛdayā gaganāgatāḥ / tatra siddhādayo 'pyāsanniḥspandā likhitā iva

Sanskrit only: no published translation is held for this verse.

उपसंहृतगान्धर्वा ततः शंभोर्विसर्जनम् । साकरोत्स च तत्रैव देवः सरसि मग्नवान्

upasaṃhṛtagāndharvā tataḥ śaṃbhorvisarjanam / sākarotsa ca tatraiva devaḥ sarasi magnavān

Sanskrit only: no published translation is held for this verse.

अथोत्थाय समारुह्य वहनं सपरिच्छदा । शनैर् गन्तुं प्रवृत्ताभूत्सा ततो हरिणेक्षणा

athotthāya samāruhya vahanaṃ saparicchadā / śanair gantuṃ pravṛttābhūtsā tato hariṇekṣaṇā

Sanskrit only: no published translation is held for this verse.

केयम् इत्य् असकृद् यत्नादावयोः पृच्छतोर् अपि । नोत्तरं तत्परिजनः कोऽप्य् अदाद् अनुगच्छतोः

keyam ity asakṛd yatnādāvayoḥ pṛcchator api / nottaraṃ tatparijanaḥ ko'py adād anugacchatoḥ

Sanskrit only: no published translation is held for this verse.

ततो ऽस्य सिंहलद्वीपपतिदूतस्य तावकम् । प्रभावं दर्शयिष्यंस्तामित्य् उच्चैर् अहम् अब्रवम्

tato 'sya siṃhaladvīpapatidūtasya tāvakam / prabhāvaṃ darśayiṣyaṃstāmity uccair aham abravam

Sanskrit only: no published translation is held for this verse.

भोः शुभे विक्रमादित्यदेवाङ्घ्रिस्पर्शशापिता । त्वं माया यद्यनाख्याय ममात्मानं गमिष्यसि

bhoḥ śubhe vikramādityadevāṅghrisparśaśāpitā / tvaṃ māyā yadyanākhyāya mamātmānaṃ gamiṣyasi

Sanskrit only: no published translation is held for this verse.

तच् छ्रुत्वा परिवारं सा निवार्यैवावरुह्य च । वहनान्माम् उपागम्य गिरा मधुरयाभ्यधात्

tac chrutvā parivāraṃ sā nivāryaivāvaruhya ca / vahanānmām upāgamya girā madhurayābhyadhāt

Sanskrit only: no published translation is held for this verse.

कच्चिच् छ्रीविक्रमादित्यदेवः कुशलवान् प्रभुः । किं वा पृच्छामि विदितं सर्वं मे ऽनङ्गदेव यत्

kaccic chrīvikramādityadevaḥ kuśalavān prabhuḥ / kiṃ vā pṛcchāmi viditaṃ sarvaṃ me 'naṅgadeva yat

Sanskrit only: no published translation is held for this verse.

प्रदर्श्य मायाम् आनीतो मयैव हि भवानिह । राज्ञो ऽर्थे तस्य स हि मे मान्यस्त्राता महाभयात्

pradarśya māyām ānīto mayaiva hi bhavāniha / rājño 'rthe tasya sa hi me mānyastrātā mahābhayāt

Sanskrit only: no published translation is held for this verse.

तदेहि मद्गृहं तत्र सर्वं वक्ष्याम्यहं तव । याहं यथा च राजा मे मान्यः कार्यं च तस्य यत्

tadehi madgṛhaṃ tatra sarvaṃ vakṣyāmyahaṃ tava / yāhaṃ yathā ca rājā me mānyaḥ kāryaṃ ca tasya yat

Sanskrit only: no published translation is held for this verse.

इत्य् उक्त्वा विनयेन मुक्तवहना पद्भ्यां व्रजन्ती पथि प्रह्वा सा नयति स्म तौ सुवदना स्वर्गोपमं स्वं पुरम् । नानारत्नविचित्रहेमरचितं द्वारेषु नानायुधैर् नानारूपधरैश् च वीरपुरुषैर् अध्यासितं सर्वतः

ity uktvā vinayena muktavahanā padbhyāṃ vrajantī pathi prahvā sā nayati sma tau suvadanā svargopamaṃ svaṃ puram / nānāratnavicitrahemaracitaṃ dvāreṣu nānāyudhair nānārūpadharaiś ca vīrapuruṣair adhyāsitaṃ sarvataḥ

Sanskrit only: no published translation is held for this verse.

तत्रावृते वरवधूभिर् अशेषदिव्यभोगौघसिद्धिभिर् इवाकृतिशालिनीभिः । स्नानानुलेपनसदम्बरभूषणैर् नौ संमान्य विश्रमयति स्म च सांप्रतं सा

tatrāvṛte varavadhūbhir aśeṣadivyabhogaughasiddhibhir ivākṛtiśālinībhiḥ / snānānulepanasadambarabhūṣaṇair nau saṃmānya viśramayati sma ca sāṃprataṃ sā

Sanskrit only: no published translation is held for this verse.