Somadeva: Kathasaritsagara 7.3

तच् छ्रुत्वा सा तस्य बाढं कपेस् तत् सूत्रं कण्ठान् मन्त्रयुक्त्या मुमोच । सो ऽथ त्यक्त्वा मार्कटीमाकृतिं तां सोमस्वामी पूर्ववन्मानुषो ऽभूत्

tac chrutvā sā tasya bāḍhaṃ kapes tat sūtraṃ kaṇṭhān mantrayuktyā mumoca / so 'tha tyaktvā mārkaṭīmākṛtiṃ tāṃ somasvāmī pūrvavanmānuṣo 'bhūt

Sanskrit only: no published translation is held for this verse.

तस्यां ततश् च तडितीव तिरोहितायां दिव्यप्रभावभृति भूरि तपो विधाय । कालेन तत्र किल निश्चयदत्तसोमस्वामिद्विजौ प्रययतुः परमां गतिं तौ

tasyāṃ tataś ca taḍitīva tirohitāyāṃ divyaprabhāvabhṛti bhūri tapo vidhāya / kālena tatra kila niścayadattasomasvāmidvijau prayayatuḥ paramāṃ gatiṃ tau

Sanskrit only: no published translation is held for this verse.

एवं निसर्गचपला ललना विवेकवैराग्यदायिबहुदुश्चरितप्रबन्धाः । साध्वी तु काचिदपि तासु कुलं विशालं यालंकरोत्यभिनवा खमिवेन्दुलेखा

evaṃ nisargacapalā lalanā vivekavairāgyadāyibahuduścaritaprabandhāḥ / sādhvī tu kācidapi tāsu kulaṃ viśālaṃ yālaṃkarotyabhinavā khamivendulekhā

Sanskrit only: no published translation is held for this verse.

इत्य् एतां नरवाहनदत्तः सचिवस्य गोमुखस्य मुखात् । चित्रामाकर्ण्य कथां तुतोष रत्नप्रभासहितः

ity etāṃ naravāhanadattaḥ sacivasya gomukhasya mukhāt / citrāmākarṇya kathāṃ tutoṣa ratnaprabhāsahitaḥ

Sanskrit only: no published translation is held for this verse.