Somadeva: Kathasaritsagara 7.5

स च प्राप्ताभिषेकः सन् दिग्जयाय ययौ ततः । विज्ञप्य पितरं सर्वैर् बलैः शृङ्गभुजः सह

sa ca prāptābhiṣekaḥ san digjayāya yayau tataḥ / vijñapya pitaraṃ sarvair balaiḥ śṛṅgabhujaḥ saha

Sanskrit only: no published translation is held for this verse.

बाहुवीर्यजिताशेषवसुधाधिपमण्डलम् । आदाय चाययौ दिक्षु प्रविकीर्य यशःश्रियम्

bāhuvīryajitāśeṣavasudhādhipamaṇḍalam / ādāya cāyayau dikṣu pravikīrya yaśaḥśriyam

Sanskrit only: no published translation is held for this verse.

ततो वहन् राज्यभारं प्रणतैर् भ्रातृभिः सह । निश्चिन्तभोगसुखितौ रञ्जयन् पितरौ कृती

tato vahan rājyabhāraṃ praṇatair bhrātṛbhiḥ saha / niścintabhogasukhitau rañjayan pitarau kṛtī

Sanskrit only: no published translation is held for this verse.

दानं ददद् ब्राह्मणेभ्यस् तस्थौ शृङ्गभुजः सुखी । रूपवत्यार्थसिद्ध्येव स रूपशिखया सह

dānaṃ dadad brāhmaṇebhyas tasthau śṛṅgabhujaḥ sukhī / rūpavatyārthasiddhyeva sa rūpaśikhayā saha

Sanskrit only: no published translation is held for this verse.

इत्य् अनन्याः पतिं साध्व्यः सर्वाकारमुपासते । एते गुनवरारूपशिखे श्वश्रूस्नुषे यथा

ity ananyāḥ patiṃ sādhvyaḥ sarvākāramupāsate / ete gunavarārūpaśikhe śvaśrūsnuṣe yathā

Sanskrit only: no published translation is held for this verse.

इति नरवाहनदत्तो हरिशिखमुखतः कथामिमां श्रुत्वा । रत्नप्रभासमेतः साध्विति जल्पंस्तुतोष परम्

iti naravāhanadatto hariśikhamukhataḥ kathāmimāṃ śrutvā / ratnaprabhāsametaḥ sādhviti jalpaṃstutoṣa param

Sanskrit only: no published translation is held for this verse.

उत्थाय चाह्निकमथाशु विधाय गत्वा वत्सेश्वरस्य निकटं स पितुः सभार्यः । भुक्त्वापराह्णमतिवाह्य च गीतवाद्यैः स्वान्तःपुरे सदयितो रजनीं निनाय

utthāya cāhnikamathāśu vidhāya gatvā vatseśvarasya nikaṭaṃ sa pituḥ sabhāryaḥ / bhuktvāparāhṇamativāhya ca gītavādyaiḥ svāntaḥpure sadayito rajanīṃ nināya

Sanskrit only: no published translation is held for this verse.