Somadeva: Kathasaritsagara 8.6

तन् मन्त्रम् इमम् आदत्स्व मत्त इत्य् अभिधाय सः । अग्निदत्तो ददौ तस्मै मन्त्रं तं गुणशर्मणे

tan mantram imam ādatsva matta ity abhidhāya saḥ / agnidatto dadau tasmai mantraṃ taṃ guṇaśarmaṇe

Sanskrit only: no published translation is held for this verse.

तेनाराधितवान् स्कन्दं गुणशर्मा स भूगृहे । तयोपचर्यमाणः सन् सुन्दर्या नियतव्रतः

tenārādhitavān skandaṃ guṇaśarmā sa bhūgṛhe / tayopacaryamāṇaḥ san sundaryā niyatavrataḥ

Sanskrit only: no published translation is held for this verse.

ततः प्रत्यक्षताम् एत्य साक्षाद् देवः स षण्मुखः । तुष्टो ऽस्मि ते वरं पुत्र वृणीष्वेति तम् आदिशत्

tataḥ pratyakṣatām etya sākṣād devaḥ sa ṣaṇmukhaḥ / tuṣṭo 'smi te varaṃ putra vṛṇīṣveti tam ādiśat

Sanskrit only: no published translation is held for this verse.

व् -। - - व् -। - व्। अ पथ्या - -। - -। व्। - व् - ब् चोर्रेच्त् - -। व्। -। व् -। - व्। च् पथ्या व् - - व्। व्। - व् - द् चोर्रेच्त्

v -| - - v -| - v| A pathyā - -| - -| v| - v - B correct - -| v| -| v -| - v| C pathyā v - - v| v| - v - D correct

Sanskrit only: no published translation is held for this verse.

आक्षीणकोषो भूत्वा त्वां महासेनं विजित्य च । गत्वाप्रतिहतः पुत्र पृथ्वीराज्यं करिष्यसि

ākṣīṇakoṣo bhūtvā tvāṃ mahāsenaṃ vijitya ca / gatvāpratihataḥ putra pṛthvīrājyaṃ kariṣyasi

Sanskrit only: no published translation is held for this verse.

इति दत्त्वाधिकं तस्मै वरं स्कन्दस् तिरोदधे । संप्राप्ताक्षयकोशश् च गुणशर्मापि सो ऽभवत्

iti dattvādhikaṃ tasmai varaṃ skandas tirodadhe / saṃprāptākṣayakośaś ca guṇaśarmāpi so 'bhavat

Sanskrit only: no published translation is held for this verse.

ऋद्ध्या ततः स्वमहिमोचितयाग्निदत्तविप्रात्मजाम् अनुदिनाधिकबद्धभावाम् । भाव्यर्थसिद्धिम् इव रूपवतीम् उपेतां तां सुन्दरीं स सुकृती विधिनोपयेमे

ṛddhyā tataḥ svamahimocitayāgnidattaviprātmajām anudinādhikabaddhabhāvām / bhāvyarthasiddhim iva rūpavatīm upetāṃ tāṃ sundarīṃ sa sukṛtī vidhinopayeme

Sanskrit only: no published translation is held for this verse.

आक्षीणकोषनिचयप्रभवप्रभावात् संभूतभूरिगजवाजिपदातिसैन्यः । दानप्रसादमिलिताखिलपार्थिवानां रुन्धन् बलैर् अवनिम् उज्जयिनीं जगाम

ākṣīṇakoṣanicayaprabhavaprabhāvāt saṃbhūtabhūrigajavājipadātisainyaḥ / dānaprasādamilitākhilapārthivānāṃ rundhan balair avanim ujjayinīṃ jagāma

Sanskrit only: no published translation is held for this verse.

प्रख्याप्य तस्यां तद् अशोकवत्याः प्रजास्व् अशीलं समरे च भूपम् । जित्वा महासेनम् अपास्य राज्यात् पृथ्वीपतित्वं स समाससाद

prakhyāpya tasyāṃ tad aśokavatyāḥ prajāsv aśīlaṃ samare ca bhūpam / jitvā mahāsenam apāsya rājyāt pṛthvīpatitvaṃ sa samāsasāda

Sanskrit only: no published translation is held for this verse.

अन्याश् च कन्याः परिणीय राज्ञाम् अब्धेस् तटेष्व् अप्य् अपराङ्मुखाक्षः । इष्टान् स भोगान् गुणशर्मसम्राट् चिराय भुङ्क्ते स्म ससुन्दरीकः

anyāś ca kanyāḥ pariṇīya rājñām abdhes taṭeṣv apy aparāṅmukhākṣaḥ / iṣṭān sa bhogān guṇaśarmasamrāṭ cirāya bhuṅkte sma sasundarīkaḥ

Sanskrit only: no published translation is held for this verse.

इति पुरुषविशेषाज्ञानतो मूढबुद्धिः सपदि विपदम् आप प्राङ् महासेनभूपः । इति च स गुणशर्मा धैर्यम् एकं सहायं कृतमतिर् अवलम्ब्य प्राप्तवान् ऋद्धिम् अग्र्याम्

iti puruṣaviśeṣājñānato mūḍhabuddhiḥ sapadi vipadam āpa prāṅ mahāsenabhūpaḥ / iti ca sa guṇaśarmā dhairyam ekaṃ sahāyaṃ kṛtamatir avalambya prāptavān ṛddhim agryām

Sanskrit only: no published translation is held for this verse.

एवं कथां स्वसचिवस्य मुखाद् उदारां सूर्यप्रभो निशि निशम्य स वीतभीतेः । वीरो महासमरसागरम् उत्तितीर्षुर् उत्साहम् अभ्यधिकम् आप शनैश् च शिश्ये

evaṃ kathāṃ svasacivasya mukhād udārāṃ sūryaprabho niśi niśamya sa vītabhīteḥ / vīro mahāsamarasāgaram uttitīrṣur utsāham abhyadhikam āpa śanaiś ca śiśye

Sanskrit only: no published translation is held for this verse.