Somadeva: Kathasaritsagara 9.6

एतत्तदुत्तरं श्रुत्वा सत्यं संभाव्य तं नलम् । विपदुद्भूतवैर् ऊप्यं चारः सो ऽथ ययौ ततः

etattaduttaraṃ śrutvā satyaṃ saṃbhāvya taṃ nalam / vipadudbhūtavair ūpyaṃ cāraḥ so 'tha yayau tataḥ

Sanskrit only: no published translation is held for this verse.

विदर्भान् प्राप्य भीमाय राज्ञे भार्यायुताय सः । दमयन्त्यै च तत्सर्वं दृष्टश्रुतम् अवर्णयत्

vidarbhān prāpya bhīmāya rājñe bhāryāyutāya saḥ / damayantyai ca tatsarvaṃ dṛṣṭaśrutam avarṇayat

Sanskrit only: no published translation is held for this verse.

ततो ऽत्र दमयन्ती सा पितरं स्वैर् अम् अब्रवीत् । निःसंदेहं स एवार्यपुत्रः सूदमिषं श्रितः

tato 'tra damayantī sā pitaraṃ svair am abravīt / niḥsaṃdehaṃ sa evāryaputraḥ sūdamiṣaṃ śritaḥ

Sanskrit only: no published translation is held for this verse.

तत्तदानयने युक्तिर्मन्मता क्रियतामिह । ऋतुपर्णस्य नृपतेस् तस्य दूतो विसृज्यताम्

tattadānayane yuktirmanmatā kriyatāmiha / ṛtuparṇasya nṛpates tasya dūto visṛjyatām

Sanskrit only: no published translation is held for this verse.

प्राप्तमात्रश् च तं भूपमेवं तत्र ब्रवीतु सः । गतः क्वापि नलो राजा प्रवृत्तिर्नास्य बुध्यते

prāptamātraś ca taṃ bhūpamevaṃ tatra bravītu saḥ / gataḥ kvāpi nalo rājā pravṛttirnāsya budhyate

Sanskrit only: no published translation is held for this verse.

तत्प्रातः कुरुते भूयो दमयन्ती स्वयंवरम् । अतो ऽद्यैव विदर्भेषु शिघ्रमागम्यतामिति

tatprātaḥ kurute bhūyo damayantī svayaṃvaram / ato 'dyaiva vidarbheṣu śighramāgamyatāmiti

Sanskrit only: no published translation is held for this verse.

ततः श्रुतैतद्वार्तेन स रथज्ञानिना नृपः । एकाहेनार्यपुत्रेण साकं ध्रुवम् इहैष्यति

tataḥ śrutaitadvārtena sa rathajñāninā nṛpaḥ / ekāhenāryaputreṇa sākaṃ dhruvam ihaiṣyati

Sanskrit only: no published translation is held for this verse.

एवं सपितृकालोच्य संदिश्य च तथैव सा । कोशलान्व्यसृजद्दूतं दमयन्ती यथोचितम्

evaṃ sapitṛkālocya saṃdiśya ca tathaiva sā / kośalānvyasṛjaddūtaṃ damayantī yathocitam

Sanskrit only: no published translation is held for this verse.

तेनर्तुपर्णो गत्वा स तथैवोक्तः समुत्सुकः । जगाद सूदरूपं तं प्रणयात्पार्श्वगं नलम्

tenartuparṇo gatvā sa tathaivoktaḥ samutsukaḥ / jagāda sūdarūpaṃ taṃ praṇayātpārśvagaṃ nalam

Sanskrit only: no published translation is held for this verse.

ह्रस्वबाहो रथज्ञानं ममास्तीत्यवदद्भवान् । तत्प्रापय विदर्भान्मामद्यैवोत्सहसे यदि

hrasvabāho rathajñānaṃ mamāstītyavadadbhavān / tatprāpaya vidarbhānmāmadyaivotsahase yadi

Sanskrit only: no published translation is held for this verse.

तच् छ्रुत्वैव नलो बाढं प्रापयामीत्युदीर्य सः । गत्वा वराश्वान् संयोज्य सज्जं चक्रे रथोत्तमम्

tac chrutvaiva nalo bāḍhaṃ prāpayāmītyudīrya saḥ / gatvā varāśvān saṃyojya sajjaṃ cakre rathottamam

Sanskrit only: no published translation is held for this verse.

स्वयंवरप्रवादो ऽयं जाने मत्प्राप्तये तया । कृतो न दमयन्ती तु सा स्वप्ने ऽपीदृशी भवेत्

svayaṃvarapravādo 'yaṃ jāne matprāptaye tayā / kṛto na damayantī tu sā svapne 'pīdṛśī bhavet

Sanskrit only: no published translation is held for this verse.

तत् तत्र तावद् गच्छामि पश्यामीति विचिन्त्य सः । राज्ञस् तस्यर्तुपर्णस्य सज्जं रथम् उपानयत्

tat tatra tāvad gacchāmi paśyāmīti vicintya saḥ / rājñas tasyartuparṇasya sajjaṃ ratham upānayat

Sanskrit only: no published translation is held for this verse.

आरूढे च नृपे तस्मिंस्तं संवाहयितुं रथम् । नलः प्रववृते तार्क्ष्यजवजैत्रेण रंहसा

ārūḍhe ca nṛpe tasmiṃstaṃ saṃvāhayituṃ ratham / nalaḥ pravavṛte tārkṣyajavajaitreṇa raṃhasā

Sanskrit only: no published translation is held for this verse.

रथवेगच्युतं वस्त्रं प्राप्तं रथविधारणम् । ब्रुवाणमथ मार्गे तमृतुपर्णं नलो ऽब्रवीत्

rathavegacyutaṃ vastraṃ prāptaṃ rathavidhāraṇam / bruvāṇamatha mārge tamṛtuparṇaṃ nalo 'bravīt

Sanskrit only: no published translation is held for this verse.

राजन् क्व तव तद्वस्त्रम् अनेनैव क्षणेन हि । बहूनि योजनान्य् एष व्यतिक्रान्तो रथस् तव

rājan kva tava tadvastram anenaiva kṣaṇena hi / bahūni yojanāny eṣa vyatikrānto rathas tava

Sanskrit only: no published translation is held for this verse.

श्रुत्वैतदृतुपर्णस्तमवादीदङ्ग देहि मे । रथज्ञानमिदं तुभ्यमक्षज्ञानं ददाम्य् अहम्

śrutvaitadṛtuparṇastamavādīdaṅga dehi me / rathajñānamidaṃ tubhyamakṣajñānaṃ dadāmy aham

Sanskrit only: no published translation is held for this verse.

येन वश्य भवन्त्यक्षाः संख्याज्ञानं च जायते । संप्रत्येव च पश्यात्र वदामि प्रत्ययं तव

yena vaśya bhavantyakṣāḥ saṃkhyājñānaṃ ca jāyate / saṃpratyeva ca paśyātra vadāmi pratyayaṃ tava

Sanskrit only: no published translation is held for this verse.

दृश्यते ऽग्रे तरुर्यो ऽयं संख्यामेतस्य ते ऽधुना । वच्म्यहं फलपर्णानां गणयित्वा च पश्य ताम्

dṛśyate 'gre taruryo 'yaṃ saṃkhyāmetasya te 'dhunā / vacmyahaṃ phalaparṇānāṃ gaṇayitvā ca paśya tām

Sanskrit only: no published translation is held for this verse.

इत्य् उक्त्वा फलपर्णानि यावन्त्येव जगाद सः । नलेन गणितान्यासंस्तावन्त्येवात्र शाखिनः

ity uktvā phalaparṇāni yāvantyeva jagāda saḥ / nalena gaṇitānyāsaṃstāvantyevātra śākhinaḥ

Sanskrit only: no published translation is held for this verse.

ततो नलो रथज्ञानमृतुपर्णाय तद्ददौ । ऋतुपर्णो ऽप्य् अदादक्षज्ञानं तस्मै नलाय तत्

tato nalo rathajñānamṛtuparṇāya taddadau / ṛtuparṇo 'py adādakṣajñānaṃ tasmai nalāya tat

Sanskrit only: no published translation is held for this verse.

परीक्षते स्म तज्ज्ञानं नलो गत्वापरे तरौ । सम्यक् च बुबुधे संख्या पत्त्रादिष्व् अत्र तेन सा

parīkṣate sma tajjñānaṃ nalo gatvāpare tarau / samyak ca bubudhe saṃkhyā pattrādiṣv atra tena sā

Sanskrit only: no published translation is held for this verse.

ततो हृष्यति यावत् स तावत्तस्य शरीरतः । निरगात्पुरुषः कृष्णस्तं स को ऽसीति पृष्टवान्

tato hṛṣyati yāvat sa tāvattasya śarīrataḥ / niragātpuruṣaḥ kṛṣṇastaṃ sa ko 'sīti pṛṣṭavān

Sanskrit only: no published translation is held for this verse.

अहं कलिः शरीरान्तर्दमयन्तीवृतस्य ते । ईर्ष्यया प्राविशं तेन भ्रष्टा द्यूतेन ते श्रियः

ahaṃ kaliḥ śarīrāntardamayantīvṛtasya te / īrṣyayā prāviśaṃ tena bhraṣṭā dyūtena te śriyaḥ

Sanskrit only: no published translation is held for this verse.

ततस्त्वां दशता तेन कार्कोटेन तदा वने । न दग्धस्त्वमहं त्वेष पश्य दग्धस्त्वयि स्थितः

tatastvāṃ daśatā tena kārkoṭena tadā vane / na dagdhastvamahaṃ tveṣa paśya dagdhastvayi sthitaḥ

Sanskrit only: no published translation is held for this verse.

मिथ्या परापकारो हि कृतः स्यात्कस्य शर्मणे । तद्गच्छाम्यवकाशो हि नास्त्यन्येषु न वत्स मे

mithyā parāpakāro hi kṛtaḥ syātkasya śarmaṇe / tadgacchāmyavakāśo hi nāstyanyeṣu na vatsa me

Sanskrit only: no published translation is held for this verse.

इत्य् उक्त्वा स कलिस् तस्य तिरो ऽभूत्सो ऽपि तत्क्षणम् । जातधर्ममतिः प्राप्ततेजाः प्राग्वदभून्नलः

ity uktvā sa kalis tasya tiro 'bhūtso 'pi tatkṣaṇam / jātadharmamatiḥ prāptatejāḥ prāgvadabhūnnalaḥ

Sanskrit only: no published translation is held for this verse.

आगत्य चारुह्य रथं तस्मिन्नेवाह्नि तं जवात् । विदर्भानृतुपर्णं तं प्रापयाम् आस भूपतिम्

āgatya cāruhya rathaṃ tasminnevāhni taṃ javāt / vidarbhānṛtuparṇaṃ taṃ prāpayām āsa bhūpatim

Sanskrit only: no published translation is held for this verse.

स चोपहस्यमानो ऽत्र पृष्टागमनकारणैः । ऋतुपर्णो जनै राजगृहासन्ने समावसत्

sa copahasyamāno 'tra pṛṣṭāgamanakāraṇaiḥ / ṛtuparṇo janai rājagṛhāsanne samāvasat

Sanskrit only: no published translation is held for this verse.

प्राप्तं तं तत्र बुद्ध्वा सा श्रुताश्चर्यरथस्वना । दमयन्ती जहर्षान्तः संभावितनलागमा

prāptaṃ taṃ tatra buddhvā sā śrutāścaryarathasvanā / damayantī jaharṣāntaḥ saṃbhāvitanalāgamā

Sanskrit only: no published translation is held for this verse.

विससर्जाथ सा तत्त्वमन्वेष्टुं चेटिकां निजाम् । सा चान्विष्यागता चेटी ताम् उवाच प्रियोत्सुकाम्

visasarjātha sā tattvamanveṣṭuṃ ceṭikāṃ nijām / sā cānviṣyāgatā ceṭī tām uvāca priyotsukām

Sanskrit only: no published translation is held for this verse.

देवि गत्वा मयान्विष्टमेष यः कोशलेश्वरः । स्वयंवरप्रवादं ते मिथ्या श्रुत्वा किलागतः

devi gatvā mayānviṣṭameṣa yaḥ kośaleśvaraḥ / svayaṃvarapravādaṃ te mithyā śrutvā kilāgataḥ

Sanskrit only: no published translation is held for this verse.

आनीतो रथवाहेन सूदेन ह्रस्वबाहुना । एकेनैव दिनेनाद्य रथविज्ञानशालिना

ānīto rathavāhena sūdena hrasvabāhunā / ekenaiva dinenādya rathavijñānaśālinā

Sanskrit only: no published translation is held for this verse.

स च तत्सूदशालायां गत्वा सूदो मयेक्षितः । कृष्णवर्णो विरूपश् च प्रभावः कोऽपि तस्य तु

sa ca tatsūdaśālāyāṃ gatvā sūdo mayekṣitaḥ / kṛṣṇavarṇo virūpaś ca prabhāvaḥ ko'pi tasya tu

Sanskrit only: no published translation is held for this verse.

अक्षिप्तम् एव यत् तस्य पानीयं चरुषूद्गतम् । काष्ठान्यनर्पिताग्नीति स्वयं प्रज्वलितानि च

akṣiptam eva yat tasya pānīyaṃ caruṣūdgatam / kāṣṭhānyanarpitāgnīti svayaṃ prajvalitāni ca

Sanskrit only: no published translation is held for this verse.

क्षणाच् च भोजनैस्तैस्तैर् निष्पन्नं दिव्यम् एव च । एतद्दृष्ट्वा महाश्चर्यं ततश्चाहमिहागता

kṣaṇāc ca bhojanaistaistair niṣpannaṃ divyam eva ca / etaddṛṣṭvā mahāścaryaṃ tataścāhamihāgatā

Sanskrit only: no published translation is held for this verse.

एतच्चेटीमुखाच् छ्रुत्वा दमयन्ती व्यचिन्तयत् । वश्याग्निवरुणः सूदो रथविद्यारहस्यवित्

etacceṭīmukhāc chrutvā damayantī vyacintayat / vaśyāgnivaruṇaḥ sūdo rathavidyārahasyavit

Sanskrit only: no published translation is held for this verse.

आर्यपुत्रो भवत्येष गतो वैरूप्यमन्यथा । जाने मद्विप्रयोगार्तं जिज्ञासे ऽहं तदप्यमुम्

āryaputro bhavatyeṣa gato vairūpyamanyathā / jāne madviprayogārtaṃ jijñāse 'haṃ tadapyamum

Sanskrit only: no published translation is held for this verse.

इति संकल्प्य युक्त्या स्वौ सह चेट्या तयैव सा । तस्यान्तिकं दर्शयितुं प्राहिणोद्दारकावुभौ

iti saṃkalpya yuktyā svau saha ceṭyā tayaiva sā / tasyāntikaṃ darśayituṃ prāhiṇoddārakāvubhau

Sanskrit only: no published translation is held for this verse.

स तौ निजशिशू दृष्ट्वा कृत्वा चाङ्के नलश्चिरम् । बद्धधाराप्रवाहेण तूष्णीमरुददश्रुणा

sa tau nijaśiśū dṛṣṭvā kṛtvā cāṅke nalaściram / baddhadhārāpravāheṇa tūṣṇīmarudadaśruṇā

Sanskrit only: no published translation is held for this verse.

ईदृशावेव मे बालौ मातामहगृहे स्थितौ । जातं मे तत्स्मृतेर्दुःखमित्य् उवाच च चेटिकाम्

īdṛśāveva me bālau mātāmahagṛhe sthitau / jātaṃ me tatsmṛterduḥkhamity uvāca ca ceṭikām

Sanskrit only: no published translation is held for this verse.

सा शिशुभ्यां सहागत्य चेटी सर्वं शशंस तत् । दमयन्त्यै ततः सापि जातास्था सुतरामभूत्

sā śiśubhyāṃ sahāgatya ceṭī sarvaṃ śaśaṃsa tat / damayantyai tataḥ sāpi jātāsthā sutarāmabhūt

Sanskrit only: no published translation is held for this verse.

अपरेयुश् च तां प्रातः स्वचेटीमादिदेश सा । गत्वा तमृतुपर्णस्य सूदं मद्वचनाद्वद

apareyuś ca tāṃ prātaḥ svaceṭīmādideśa sā / gatvā tamṛtuparṇasya sūdaṃ madvacanādvada

Sanskrit only: no published translation is held for this verse.

श्रुतं मया यद्भवता तुल्यो नान्यो ऽस्ति सूपकृत् । तन्ममाद्य त्वयागत्य व्यञ्जनं साध्यतामिति

śrutaṃ mayā yadbhavatā tulyo nānyo 'sti sūpakṛt / tanmamādya tvayāgatya vyañjanaṃ sādhyatāmiti

Sanskrit only: no published translation is held for this verse.

तथेति स तदा गत्वा नलश्चेट्या तयार्थितः । ऋतुपर्णमनुज्ञाप्य दमयन्तीम् उपाययौ

tatheti sa tadā gatvā nalaśceṭyā tayārthitaḥ / ṛtuparṇamanujñāpya damayantīm upāyayau

Sanskrit only: no published translation is held for this verse.

सत्यं ब्रूहि नलो राजा यदि त्वं सूदरूपभृत् । चिन्ताब्धिमग्नां पारं मां प्रापयाद्येत्युवाच सा

satyaṃ brūhi nalo rājā yadi tvaṃ sūdarūpabhṛt / cintābdhimagnāṃ pāraṃ māṃ prāpayādyetyuvāca sā

Sanskrit only: no published translation is held for this verse.

तच् छ्रुत्वा स नलः स्नेहहर्षदुःखत्रपाकुलः । अवाङ्मुखः प्राप्तकालं ताम् उवाचाश्रुगद्गदम्

tac chrutvā sa nalaḥ snehaharṣaduḥkhatrapākulaḥ / avāṅmukhaḥ prāptakālaṃ tām uvācāśrugadgadam

Sanskrit only: no published translation is held for this verse.

स एवास्मि नलः सत्यं पापः कुलिशकर्कशः । त्वां संतापयता येन व्यमोहादनलायितम्

sa evāsmi nalaḥ satyaṃ pāpaḥ kuliśakarkaśaḥ / tvāṃ saṃtāpayatā yena vyamohādanalāyitam

Sanskrit only: no published translation is held for this verse.

इत्य् उक्तवान् स पृष्टो ऽभूद्दमयन्त्या तया नलः । यद्येवं तर्ह्यरूपत्वं कथं प्राप्तो भवानिति

ity uktavān sa pṛṣṭo 'bhūddamayantyā tayā nalaḥ / yadyevaṃ tarhyarūpatvaṃ kathaṃ prāpto bhavāniti

Sanskrit only: no published translation is held for this verse.

ततः स तस्यै स्वोदन्तं नलः कृत्स्नमवर्णयत् । कार्कोटसख्याद् आरभ्य कलिनिर्गमनावधिम्

tataḥ sa tasyai svodantaṃ nalaḥ kṛtsnamavarṇayat / kārkoṭasakhyād ārabhya kalinirgamanāvadhim

Sanskrit only: no published translation is held for this verse.

तदैव चाग्निशौचं तद्दत्तं कार्कोटकेन सः । प्रावृत्य वस्त्रयुगलं रूपं स्वं प्रत्यपद्यत

tadaiva cāgniśaucaṃ taddattaṃ kārkoṭakena saḥ / prāvṛtya vastrayugalaṃ rūpaṃ svaṃ pratyapadyata

Sanskrit only: no published translation is held for this verse.

दृष्ट्वा नलं पुनरवाप्तनिजाभिर् आमरूपं तमाशु विकसद्वदनारविन्दा । नेत्राम्बुभिः शमितदुःखदवानलेव हर्षं कम् अप्य् अनुपमं दमयन्त्यवाप

dṛṣṭvā nalaṃ punaravāptanijābhir āmarūpaṃ tamāśu vikasadvadanāravindā / netrāmbubhiḥ śamitaduḥkhadavānaleva harṣaṃ kam apy anupamaṃ damayantyavāpa

Sanskrit only: no published translation is held for this verse.

बुद्ध्वा च तत्परिजनात्प्रमदप्रवृत्ताद् आगत्य तत्र सहसा स विदर्भराजः । भीमो नलं समभिनन्द्य कृतानुरूपपूजं महोत्सवमयं स्वपुरं चकार

buddhvā ca tatparijanātpramadapravṛttād āgatya tatra sahasā sa vidarbharājaḥ / bhīmo nalaṃ samabhinandya kṛtānurūpapūjaṃ mahotsavamayaṃ svapuraṃ cakāra

Sanskrit only: no published translation is held for this verse.

हसता हृदि भीमभूभुजा कृतसंवृत्त्युपचारसत्क्रियः । ऋतुपर्णनृपो ऽपि तं नलं प्रतिपूज्याथ जगाम कोशलान्

hasatā hṛdi bhīmabhūbhujā kṛtasaṃvṛttyupacārasatkriyaḥ / ṛtuparṇanṛpo 'pi taṃ nalaṃ pratipūjyātha jagāma kośalān

Sanskrit only: no published translation is held for this verse.

अथ निषधनरेश्वरो निजं कलिदौरात्म्यविजृम्भितं नलः । श्वशुराय स तत्र वर्णयन्न् अवसत् प्राणसमासखः सुखम्

atha niṣadhanareśvaro nijaṃ kalidaurātmyavijṛmbhitaṃ nalaḥ / śvaśurāya sa tatra varṇayann avasat prāṇasamāsakhaḥ sukham

Sanskrit only: no published translation is held for this verse.

गत्वाल्पैश् च दिनैस् ततः स निषधान्सैन्यैः सह श्वाशुरैर् अक्षज्ञानजितं विधाय विनतं तं पुष्कराख्यं पुनः । धर्मात्मा कृतसंविभागमनुजं देहाद्गतद्वापरं राज्यं स्वं दमयन्त्यवाप्तिसुखितो भेजे यथावन्नलः

gatvālpaiś ca dinais tataḥ sa niṣadhānsainyaiḥ saha śvāśurair akṣajñānajitaṃ vidhāya vinataṃ taṃ puṣkarākhyaṃ punaḥ / dharmātmā kṛtasaṃvibhāgamanujaṃ dehādgatadvāparaṃ rājyaṃ svaṃ damayantyavāptisukhito bheje yathāvannalaḥ

Sanskrit only: no published translation is held for this verse.

इति स व्याख्याय कथां नगरे तारापुरे द्विजः सुमनाः । राजसुतां बन्धुमतीं प्रोषितपतिकाम् उवाच तां भूयः

iti sa vyākhyāya kathāṃ nagare tārāpure dvijaḥ sumanāḥ / rājasutāṃ bandhumatīṃ proṣitapatikām uvāca tāṃ bhūyaḥ

Sanskrit only: no published translation is held for this verse.

एवं देवि महान्तो विषह्य दुःखं भजन्ति कल्याणम् । अनुभूयास्तमनं किल दिनकृत्प्रमुखा व्रजन्त्युदयम्

evaṃ devi mahānto viṣahya duḥkhaṃ bhajanti kalyāṇam / anubhūyāstamanaṃ kila dinakṛtpramukhā vrajantyudayam

Sanskrit only: no published translation is held for this verse.

तस्मात्वम् अपितमाप्स्यसि पतिमनघे प्रोषितागतं नचिरात् । कुरु धृतिमरतिं परिहर विहर च पतिकामनालाभैः

tasmātvam apitamāpsyasi patimanaghe proṣitāgataṃ nacirāt / kuru dhṛtimaratiṃ parihara vihara ca patikāmanālābhaiḥ

Sanskrit only: no published translation is held for this verse.

इति तं द्विजमुक्तयुक्तवाक्यं बहुनाभ्यस्र्च्य धनेन सद्गुणं सा । अवलम्ब्य धृतिं प्रतीक्षमाणा दयितं बन्धुमती स्वमत्र तस्थौ

iti taṃ dvijamuktayuktavākyaṃ bahunābhyasrcya dhanena sadguṇaṃ sā / avalambya dhṛtiṃ pratīkṣamāṇā dayitaṃ bandhumatī svamatra tasthau

Sanskrit only: no published translation is held for this verse.

अल्पैर् एव च तस्या दिनैः स पतिराययौ महीपालः । देशान्तरे स्थितां तां जननीमादाय पितृसहितः

alpair eva ca tasyā dinaiḥ sa patirāyayau mahīpālaḥ / deśāntare sthitāṃ tāṃ jananīmādāya pitṛsahitaḥ

Sanskrit only: no published translation is held for this verse.

आगत्य चामृतांशुः पार्वण इव वारिराशिजललक्ष्मीम् । जननयनोत्सवदायी बन्धुमतीं नन्दयामास

āgatya cāmṛtāṃśuḥ pārvaṇa iva vārirāśijalalakṣmīm / jananayanotsavadāyī bandhumatīṃ nandayāmāsa

Sanskrit only: no published translation is held for this verse.

अह तत्र तया सहितस् तत्पित्रा पूर्वदत्तराज्यधुरः । स महीपालो बुभुजे राजा सन्न् ईप्सितान् भोगान्

aha tatra tayā sahitas tatpitrā pūrvadattarājyadhuraḥ / sa mahīpālo bubhuje rājā sann īpsitān bhogān

Sanskrit only: no published translation is held for this verse.

इत्यात्ममन्त्रिमरुभूतिमुखान्निशम्य चित्रां कथामनुपमामनुरागरम्याम् । रामासखः स नरवाहनदत्तदेवो वत्सेश्वरस्य तनयो भृशमभ्यतुष्यत्

ityātmamantrimarubhūtimukhānniśamya citrāṃ kathāmanupamāmanurāgaramyām / rāmāsakhaḥ sa naravāhanadattadevo vatseśvarasya tanayo bhṛśamabhyatuṣyat

Sanskrit only: no published translation is held for this verse.