Svacchandatantra 10

यमः क्रूरश्च विख्यातो गङ्गाधर उमापतिः । भूतेश्वरः कपालीशः शङ्करश्च तथैव च

yamaḥ krūraśca vikhyāto gaṅgādhara umāpatiḥ / bhūteśvaraḥ kapālīśaḥ śaṅkaraśca tathaiva ca

Sanskrit only: no published translation is held for this verse.

अर्धनारीश्वरश्चैव पिङ्गलश्च तथापरः । महाकालश्च संवर्तो मण्डली त्वेकवीरकः

ardhanārīśvaraścaiva piṅgalaśca tathāparaḥ / mahākālaśca saṃvarto maṇḍalī tvekavīrakaḥ

Sanskrit only: no published translation is held for this verse.

तथा चान्यश्च विख्यातो भारभूतेश्वरो ध्रुवः । जह्न्वादिचारुपर्यन्ता ऋषयः पञ्चविंशतिः

tathā cānyaśca vikhyāto bhārabhūteśvaro dhruvaḥ / jahnvādicāruparyantā ṛṣayaḥ pañcaviṃśatiḥ

Sanskrit only: no published translation is held for this verse.

हरादयो ध्रुवान्ताश्च गुरवो विंशतिः स्मृताः । पङ्क्तित्रयं समाख्यातम् ऋषीणां गुरुशिष्ययोः

harādayo dhruvāntāśca guravo viṃśatiḥ smṛtāḥ / paṅktitrayaṃ samākhyātam ṛṣīṇāṃ guruśiṣyayoḥ

Sanskrit only: no published translation is held for this verse.

नाडीविद्याष्टकं देवि कथयामि त्वतः परम् । इडा च चन्द्रिणी गौरी शान्तिः शान्तिकरी तथा

nāḍīvidyāṣṭakaṃ devi kathayāmi tvataḥ param / iḍā ca candriṇī gaurī śāntiḥ śāntikarī tathā

Sanskrit only: no published translation is held for this verse.

माला च मालिनी चैव स्वाहा चैव स्वधा तथा । अथोपरिष्टाद्देवेशि विग्रहाष्टकमुच्यते

mālā ca mālinī caiva svāhā caiva svadhā tathā / athopariṣṭāddeveśi vigrahāṣṭakamucyate

Sanskrit only: no published translation is held for this verse.

कार्यं च करणं चैव सुखदुःखकरं तथा । ज्ञानं साध्यं च विख्यातं साधनं कारणं तथा

kāryaṃ ca karaṇaṃ caiva sukhaduḥkhakaraṃ tathā / jñānaṃ sādhyaṃ ca vikhyātaṃ sādhanaṃ kāraṇaṃ tathā

Sanskrit only: no published translation is held for this verse.

देहपाशानतो वक्ष्ये धर्मं च दशधोदितम् । अहिंसा सत्यमस्तेयं ब्रह्मचर्यमकल्कता

dehapāśānato vakṣye dharmaṃ ca daśadhoditam / ahiṃsā satyamasteyaṃ brahmacaryamakalkatā

Sanskrit only: no published translation is held for this verse.

अक्रोधो गुरुशुश्रूषा शौचं सन्तोष आर्जवम् । एवं दशविधो धर्मो येनोक्तो धर्मकृन्नरः

akrodho guruśuśrūṣā śaucaṃ santoṣa ārjavam / evaṃ daśavidho dharmo yenokto dharmakṛnnaraḥ

Sanskrit only: no published translation is held for this verse.

विकारान्षोडशाख्यास्ये परभावेन संस्थितान् । रसो गन्धश्च रूपं च स्पर्शः शब्दस्तथैवच

vikārānṣoḍaśākhyāsye parabhāvena saṃsthitān / raso gandhaśca rūpaṃ ca sparśaḥ śabdastathaivaca

Sanskrit only: no published translation is held for this verse.

तन्मात्रपञ्चकं ख्यातम् इन्द्रियाणि निबोध मे । वाक्पाणिपादं पायुश्च उपस्थः कर्मसंज्ञकम्

tanmātrapañcakaṃ khyātam indriyāṇi nibodha me / vākpāṇipādaṃ pāyuśca upasthaḥ karmasaṃjñakam

Sanskrit only: no published translation is held for this verse.

श्रोत्रं त्वक्चक्षुषी जिह्वा नासिका पञ्चमी स्मृता । बुद्धीन्द्रियाणि देवेशि मनः षोडशकं स्मृतम्

śrotraṃ tvakcakṣuṣī jihvā nāsikā pañcamī smṛtā / buddhīndriyāṇi deveśi manaḥ ṣoḍaśakaṃ smṛtam

Sanskrit only: no published translation is held for this verse.

देहपाशाः समाख्याताः अतोबुद्धिगुणान्विदुः । धर्मोज्ञानं च वैराग्यम् ऐश्वर्यं च ततः परम्

dehapāśāḥ samākhyātāḥ atobuddhiguṇānviduḥ / dharmojñānaṃ ca vairāgyam aiśvaryaṃ ca tataḥ param

Sanskrit only: no published translation is held for this verse.

अधर्मश्च तथाज्ञानम् अवैराग्यमनीशिता । अहंकारं च त्रिविधं प्रवक्ष्याम्यनुपूर्वशः

adharmaśca tathājñānam avairāgyamanīśitā / ahaṃkāraṃ ca trividhaṃ pravakṣyāmyanupūrvaśaḥ

Sanskrit only: no published translation is held for this verse.

वैकारिकं तैजसं च भूतादिं च यथाक्रमम् । दीक्षाकाले यथा शुद्धिस् तथा चैषां निबोध मे

vaikārikaṃ taijasaṃ ca bhūtādiṃ ca yathākramam / dīkṣākāle yathā śuddhis tathā caiṣāṃ nibodha me

Sanskrit only: no published translation is held for this verse.

तमो रजस्तथा सत्त्वं शोधयेदनुपूर्वशः । शब्दः स्पर्शस्तथा रूपं रसो गन्धश्च पञ्चमः

tamo rajastathā sattvaṃ śodhayedanupūrvaśaḥ / śabdaḥ sparśastathā rūpaṃ raso gandhaśca pañcamaḥ

Sanskrit only: no published translation is held for this verse.

विषयाश्च समाख्याताः शोधनीयाः प्रयत्नतः । कामः क्रोधश्च लोभश्च मोहः पैशुन्यमेव च

viṣayāśca samākhyātāḥ śodhanīyāḥ prayatnataḥ / kāmaḥ krodhaśca lobhaśca mohaḥ paiśunyameva ca

Sanskrit only: no published translation is held for this verse.

जन्ममृत्युजराव्याधिक्- षुत्तृट्तृष्णास्तथैव च । विषादश्च भयं चैव मदो हर्षणमेव च

janmamṛtyujarāvyādhik- ṣuttṛṭtṛṣṇāstathaiva ca / viṣādaśca bhayaṃ caiva mado harṣaṇameva ca

Sanskrit only: no published translation is held for this verse.

रागो द्वेषश्च वैचित्त्यं कुपितानृतद्रोहिता । माया मात्सर्यधर्मश्च अधर्मश्चास्वतन्त्रता

rāgo dveṣaśca vaicittyaṃ kupitānṛtadrohitā / māyā mātsaryadharmaśca adharmaścāsvatantratā

Sanskrit only: no published translation is held for this verse.

आगन्तुकाश्च बोधव्याः गणपाशान्निबोध मे । देवी नन्दिमहाकालौ गणेशो वृषभस्तथा

āgantukāśca bodhavyāḥ gaṇapāśānnibodha me / devī nandimahākālau gaṇeśo vṛṣabhastathā

Sanskrit only: no published translation is held for this verse.

भृङ्गी चण्डीश्वरश्चैव कार्तिकेयो ऽष्टमः स्मृतः । अनन्तस्त्रितनुः सूक्ष्मः श्रीकण्ठश्च शिवोत्तमः

bhṛṅgī caṇḍīśvaraścaiva kārtikeyo 'ṣṭamaḥ smṛtaḥ / anantastritanuḥ sūkṣmaḥ śrīkaṇṭhaśca śivottamaḥ

Sanskrit only: no published translation is held for this verse.

शिखण्डी चैकनेत्रश्च एकरुद्रस्तथापरः । विद्येश्वरात्मकान्पाशान् दीक्षाकाले विशोधयेत्

śikhaṇḍī caikanetraśca ekarudrastathāparaḥ / vidyeśvarātmakānpāśān dīkṣākāle viśodhayet

Sanskrit only: no published translation is held for this verse.

उक्तानुक्ताश्च ये चात्र अन्यतन्त्रोक्तलक्षणाः । पौरुषेये तु शोध्यास्ते ततो मुच्येत पुद्गलः

uktānuktāśca ye cātra anyatantroktalakṣaṇāḥ / pauruṣeye tu śodhyāste tato mucyeta pudgalaḥ

Sanskrit only: no published translation is held for this verse.

अथोर्ध्वे नियतिर्ज्ञेया तस्यां रुद्रान्निबोध मे । वामदेवस्तथा शर्वस् तथा चैव भवोद्भवौ

athordhve niyatirjñeyā tasyāṃ rudrānnibodha me / vāmadevastathā śarvas tathā caiva bhavodbhavau

Sanskrit only: no published translation is held for this verse.

वज्रदेहः प्रभुश्चैव धाता च क्रमविक्रमौ । सुप्रभेदश्च दशमो नियत्यां शङ्कराः स्मृताः

vajradehaḥ prabhuścaiva dhātā ca kramavikramau / suprabhedaśca daśamo niyatyāṃ śaṅkarāḥ smṛtāḥ

Sanskrit only: no published translation is held for this verse.

यत्तद्धृदि स्थितं पद्मम् आत्मा तत्र व्यवस्थितः । नियतिदलमहङ्कार केसरं बुद्धिकर्णिकम्

yattaddhṛdi sthitaṃ padmam ātmā tatra vyavasthitaḥ / niyatidalamahaṅkāra kesaraṃ buddhikarṇikam

Sanskrit only: no published translation is held for this verse.

कालतत्त्वे शिवा ज्ञेया कथयामि समासतः । शुद्धो बुद्धः प्रबुद्धश्च प्रशान्तः परमाक्षरः

kālatattve śivā jñeyā kathayāmi samāsataḥ / śuddho buddhaḥ prabuddhaśca praśāntaḥ paramākṣaraḥ

Sanskrit only: no published translation is held for this verse.

शिवश्च सुशिवश्चैव ध्रुवश्चाक्षरशम्भुराट् । दशैते तु शिवा ज्ञेयाः कालतत्त्वे वरानने

śivaśca suśivaścaiva dhruvaścākṣaraśambhurāṭ / daśaite tu śivā jñeyāḥ kālatattve varānane

Sanskrit only: no published translation is held for this verse.

हेमाभाः शङ्कराः प्रोक्ताः शिवः स्फटिकसन्निभाः । एकैकस्य विनिर्दिष्टा परिवारो यशस्विनि

hemābhāḥ śaṅkarāḥ proktāḥ śivaḥ sphaṭikasannibhāḥ / ekaikasya vinirdiṣṭā parivāro yaśasvini

Sanskrit only: no published translation is held for this verse.

कोटिरेका तथान्यानि सहस्राणि तु षोडश । कूर्माकाराणि सर्वेषां प्रोक्तानि भुवनानि तु

koṭirekā tathānyāni sahasrāṇi tu ṣoḍaśa / kūrmākārāṇi sarveṣāṃ proktāni bhuvanāni tu

Sanskrit only: no published translation is held for this verse.

अत ऊर्ध्वं हरिहरौ रागतत्त्वे निबोध मे । सुहृष्टः सुप्रहृष्टश्च सुरूपो रूपवर्धनः

ata ūrdhvaṃ hariharau rāgatattve nibodha me / suhṛṣṭaḥ suprahṛṣṭaśca surūpo rūpavardhanaḥ

Sanskrit only: no published translation is held for this verse.

मनोन्मनो महाधीरः वीरेशाः परिकीर्तिताः । रागतत्त्वे प्रवक्ष्यामि ये ऽन्ये रुद्रा व्यवस्थिताः

manonmano mahādhīraḥ vīreśāḥ parikīrtitāḥ / rāgatattve pravakṣyāmi ye 'nye rudrā vyavasthitāḥ

Sanskrit only: no published translation is held for this verse.

कल्याणः पिङ्गलो बभ्रुर् वीरश्च प्रब्भवस्तथा । मेधातिथिश्च्छन्दकश्च दाहकः शास्त्रकारिणः

kalyāṇaḥ piṅgalo babhrur vīraśca prabbhavastathā / medhātithiścchandakaśca dāhakaḥ śāstrakāriṇaḥ

Sanskrit only: no published translation is held for this verse.

पञ्चशिष्यास्तथाचार्या दशैते संव्यवस्थिताः । विद्यातत्त्वमतश्चोर्ध्वं तस्मिन्वै भुवनं शृणु

pañcaśiṣyāstathācāryā daśaite saṃvyavasthitāḥ / vidyātattvamataścordhvaṃ tasminvai bhuvanaṃ śṛṇu

Sanskrit only: no published translation is held for this verse.

वामो ज्येष्ठश्च रौद्रश्च कलो विकरणस्तथा । बलविकरणश्चैव बलप्रमथनस्तथा

vāmo jyeṣṭhaśca raudraśca kalo vikaraṇastathā / balavikaraṇaścaiva balapramathanastathā

Sanskrit only: no published translation is held for this verse.

सर्वभूतदमनश्च तथा चैव मनोन्मनः । कलातत्त्वे महादेवि महादेवत्रयं स्थितम्

sarvabhūtadamanaśca tathā caiva manonmanaḥ / kalātattve mahādevi mahādevatrayaṃ sthitam

Sanskrit only: no published translation is held for this verse.

महादेवो महातेजा महाज्योतिः प्रतापवान् । कलातत्त्वं समाख्यातं समासेन वरानने

mahādevo mahātejā mahājyotiḥ pratāpavān / kalātattvaṃ samākhyātaṃ samāsena varānane

Sanskrit only: no published translation is held for this verse.

एते रुद्रा महादेवि त्रिनेत्राश्चन्द्रशेखराः । रुद्रकोटिसहस्रैस्तु समन्तात्परिवारिताः

ete rudrā mahādevi trinetrāścandraśekharāḥ / rudrakoṭisahasraistu samantātparivāritāḥ

Sanskrit only: no published translation is held for this verse.

शुद्धस्फटिकसङ्काशाः योगैश्वर्यबलान्विताः । रागे रक्तास्तु विज्ञेया ज्ञानयोगबलोत्कटाः

śuddhasphaṭikasaṅkāśāḥ yogaiśvaryabalānvitāḥ / rāge raktāstu vijñeyā jñānayogabalotkaṭāḥ

Sanskrit only: no published translation is held for this verse.

छत्राकारास्तु तेषां वै गृहा रत्नविचित्रिताः । उपरिष्टाद्भवेन्माया कथयामि समासतः

chatrākārāstu teṣāṃ vai gṛhā ratnavicitritāḥ / upariṣṭādbhavenmāyā kathayāmi samāsataḥ

Sanskrit only: no published translation is held for this verse.

व्याप्य या वै त्वधोध्वानं वैश्वरूप्येण संस्थिता । तत्र रुद्रा महाभागा द्वादशैव महाबलाः

vyāpya yā vai tvadhodhvānaṃ vaiśvarūpyeṇa saṃsthitā / tatra rudrā mahābhāgā dvādaśaiva mahābalāḥ

Sanskrit only: no published translation is held for this verse.

गहनश्च असाध्यश्च तथा हरिहरः प्रभुः । दशेशानश्च देवेशि त्रिगलो गोपतिस्तथा

gahanaśca asādhyaśca tathā hariharaḥ prabhuḥ / daśeśānaśca deveśi trigalo gopatistathā

Sanskrit only: no published translation is held for this verse.

अधःपुटे तु विज्ञेया मायातत्त्वे वरानने । क्षेमेशो ब्रह्मणः स्वामी विद्येशानस्तथैव च

adhaḥpuṭe tu vijñeyā māyātattve varānane / kṣemeśo brahmaṇaḥ svāmī vidyeśānastathaiva ca

Sanskrit only: no published translation is held for this verse.

विद्येशश्च शैवश्चैव अनन्तः षष्ठ उच्यते । ऊर्ध्वमायापुटस्थास्तु रुद्रा एते प्रकीर्तिताः

vidyeśaśca śaivaścaiva anantaḥ ṣaṣṭha ucyate / ūrdhvamāyāpuṭasthāstu rudrā ete prakīrtitāḥ

Sanskrit only: no published translation is held for this verse.

एषां मध्ये तु भगवान् अनन्तेशो जगत्पतिः । उद्भवं भावयित्वा तु स्वेच्छया कुरुते प्रभुः

eṣāṃ madhye tu bhagavān ananteśo jagatpatiḥ / udbhavaṃ bhāvayitvā tu svecchayā kurute prabhuḥ

Sanskrit only: no published translation is held for this verse.

सर्वज्ञः सर्वकर्ता च निग्रहानुग्रहे रतः । प्रथमेन तु भेदेन रुद्रा द्वादश कीर्तिताः

sarvajñaḥ sarvakartā ca nigrahānugrahe rataḥ / prathamena tu bhedena rudrā dvādaśa kīrtitāḥ

Sanskrit only: no published translation is held for this verse.

अस्मिंस्तु ये यथा रुद्रा मायातत्त्वे व्यवस्थिताः । तथाहं कथयिष्यामि भेदत्रयविभागशः

asmiṃstu ye yathā rudrā māyātattve vyavasthitāḥ / tathāhaṃ kathayiṣyāmi bhedatrayavibhāgaśaḥ

Sanskrit only: no published translation is held for this verse.

गोपतिश्च ततो देवि अधोग्रन्थौ व्यवस्थितः । ग्रन्थ्यूर्ध्वे संस्थितो विश्वस् त्रिकलः क्षेम एव च

gopatiśca tato devi adhogranthau vyavasthitaḥ / granthyūrdhve saṃsthito viśvas trikalaḥ kṣema eva ca

Sanskrit only: no published translation is held for this verse.

ब्रह्मणो ऽधिपतिश्चैव शिवश्चेति स पञ्चमः । अध ऊर्ध्वमनन्तस्तु पाशाश्चैवात्र संस्थिताः

brahmaṇo 'dhipatiścaiva śivaśceti sa pañcamaḥ / adha ūrdhvamanantastu pāśāścaivātra saṃsthitāḥ

Sanskrit only: no published translation is held for this verse.

पूर्वं वै कथिता देवि अतो ऋषिकुलं भवेत् । योनिर्वागीश्वरी चैव यस्यां जातो न जायते

pūrvaṃ vai kathitā devi ato ṛṣikulaṃ bhavet / yonirvāgīśvarī caiva yasyāṃ jāto na jāyate

Sanskrit only: no published translation is held for this verse.

ॐकारसाध्यधातारो दमनेशस्ततः परम् । ध्यानं भस्मेशमेवाहुः प्रमाणानि तदूर्ध्वतः

oṃkārasādhyadhātāro damaneśastataḥ param / dhyānaṃ bhasmeśamevāhuḥ pramāṇāni tadūrdhvataḥ

Sanskrit only: no published translation is held for this verse.

पञ्चार्थं गुह्यमेवाहू रुद्राङ्कुशमतः परम् । हृदयं लक्षणं चैव व्युहमाकर्षमेव च

pañcārthaṃ guhyamevāhū rudrāṅkuśamataḥ param / hṛdayaṃ lakṣaṇaṃ caiva vyuhamākarṣameva ca

Sanskrit only: no published translation is held for this verse.

आदर्शं च तथैवेह अष्टमं परिकीर्तितम् । एते परिवृता देवि रुद्रकोटिसहस्रकैः

ādarśaṃ ca tathaiveha aṣṭamaṃ parikīrtitam / ete parivṛtā devi rudrakoṭisahasrakaiḥ

Sanskrit only: no published translation is held for this verse.

नानावर्णविचित्राश्च नानाब्भरणभूषिताः । नानानारीसहस्रैस्तु रमन्ते पत्युरिच्छया

nānāvarṇavicitrāśca nānābbharaṇabhūṣitāḥ / nānānārīsahasraistu ramante patyuricchayā

Sanskrit only: no published translation is held for this verse.

त्रिनेत्राः शूलिनः सर्वे जटाचन्द्रकीरीटिनः । अलुप्तशक्तिविभवा मायातत्त्वाधिकारिणः

trinetrāḥ śūlinaḥ sarve jaṭācandrakīrīṭinaḥ / aluptaśaktivibhavā māyātattvādhikāriṇaḥ

Sanskrit only: no published translation is held for this verse.

भुवनेषु विचित्रेषु योन्याकारेषु संस्थिताः । अतः परं भवेन्माया सर्वजन्तुविमोहिनी

bhuvaneṣu vicitreṣu yonyākāreṣu saṃsthitāḥ / ataḥ paraṃ bhavenmāyā sarvajantuvimohinī

Sanskrit only: no published translation is held for this verse.

निर्वैरपरिपन्थिन्या तया भ्रमितबुद्धयः । इदं तत्त्वमिदं नेति विवदन्तीह वादिनः

nirvairaparipanthinyā tayā bhramitabuddhayaḥ / idaṃ tattvamidaṃ neti vivadantīha vādinaḥ

Sanskrit only: no published translation is held for this verse.

सत्पथं तु परित्यज्य नयति द्रुतमुत्पथम् । गुरुदेवाग्निशास्त्रस्य ये न भक्ता नराधमाः

satpathaṃ tu parityajya nayati drutamutpatham / gurudevāgniśāstrasya ye na bhaktā narādhamāḥ

Sanskrit only: no published translation is held for this verse.

असद्युक्तिविचारज्ञाः शुष्कतर्कावलंबिनः । भ्रमयत्येव तान्माया ह्य् अमोक्षे मोक्षलिप्सया

asadyuktivicārajñāḥ śuṣkatarkāvalaṃbinaḥ / bhramayatyeva tānmāyā hy amokṣe mokṣalipsayā

Sanskrit only: no published translation is held for this verse.

शिवदीक्षासिना च्छिन्ना न प्ररोहेत्तु सा पुनः । अथोपरि महाविद्या सर्वविद्याभवोद्भवा

śivadīkṣāsinā cchinnā na prarohettu sā punaḥ / athopari mahāvidyā sarvavidyābhavodbhavā

Sanskrit only: no published translation is held for this verse.

जगतः प्रलयोत्पत्ति- विभूतिनिधिरव्यया । सा एव परमा देवी वागीशीति निगद्यते

jagataḥ pralayotpatti- vibhūtinidhiravyayā / sā eva paramā devī vāgīśīti nigadyate

Sanskrit only: no published translation is held for this verse.

अष्टवर्गविभिन्ना च विद्या सा मातृकैव तु । भुवनानि प्रवक्ष्यामि यथावदनुपूर्वशः

aṣṭavargavibhinnā ca vidyā sā mātṛkaiva tu / bhuvanāni pravakṣyāmi yathāvadanupūrvaśaḥ

Sanskrit only: no published translation is held for this verse.

वामा ज्येष्ठा तथा रौद्री काली विकरणी तथा । बलविकरणी चैव बलप्रमथनी ताथा

vāmā jyeṣṭhā tathā raudrī kālī vikaraṇī tathā / balavikaraṇī caiva balapramathanī tāthā

Sanskrit only: no published translation is held for this verse.

दमनी सर्वभूतानां तथा चैव मनोन्मनी । तप्तचामीकराकाराः पञ्चवक्त्रास्त्रिलोचनाः

damanī sarvabhūtānāṃ tathā caiva manonmanī / taptacāmīkarākārāḥ pañcavaktrāstrilocanāḥ

Sanskrit only: no published translation is held for this verse.

अमोघवीर्याः सर्वज्ञाः सर्वतः सर्वदा स्थिताः । सर्वज्ञानुगताः सर्वाः सर्वाभरणभूषिताः

amoghavīryāḥ sarvajñāḥ sarvataḥ sarvadā sthitāḥ / sarvajñānugatāḥ sarvāḥ sarvābharaṇabhūṣitāḥ

Sanskrit only: no published translation is held for this verse.

सर्वलक्षणसम्पन्नः सर्वैश्वर्यसमन्विताः । प्रधानाः सप्त कोट्यस्तु मन्त्राणां या व्यवस्थिताः

sarvalakṣaṇasampannaḥ sarvaiśvaryasamanvitāḥ / pradhānāḥ sapta koṭyastu mantrāṇāṃ yā vyavasthitāḥ

Sanskrit only: no published translation is held for this verse.

एकैकस्य परीवारो लक्षायुतसहस्रशः । पद्माकारेषु दिव्येषु क्रीडन्ति भुवनेषु ते

ekaikasya parīvāro lakṣāyutasahasraśaḥ / padmākāreṣu divyeṣu krīḍanti bhuvaneṣu te

Sanskrit only: no published translation is held for this verse.

त्रिगुणी ब्रह्मवेताली स्थाणुमत्यम्बिका परा । रूपिणी मर्दिनी ज्वाला सप्तसङ्ख्यास्तदीश्वराः

triguṇī brahmavetālī sthāṇumatyambikā parā / rūpiṇī mardinī jvālā saptasaṅkhyāstadīśvarāḥ

Sanskrit only: no published translation is held for this verse.

विद्याराज्ञ्यः समाख्याताः दीक्षाकाले विशोधयेत् । बाह्ये तस्यैश्वरं तत्त्वं भुवनान्यत्र मे शृणु

vidyārājñyaḥ samākhyātāḥ dīkṣākāle viśodhayet / bāhye tasyaiśvaraṃ tattvaṃ bhuvanānyatra me śṛṇu

Sanskrit only: no published translation is held for this verse.

अष्टविद्येश्वरैर्युक्तो वीतमायो निरञ्जनः । स्थितिसंहारकर्ता वै मोक्षैश्वर्यप्रदायकः

aṣṭavidyeśvarairyukto vītamāyo nirañjanaḥ / sthitisaṃhārakartā vai mokṣaiśvaryapradāyakaḥ

Sanskrit only: no published translation is held for this verse.

तस्यासनं तु विस्तीर्णं सहस्रदलसम्मितम् । तिस्रः कोट्यो ऽर्धकोटिश्च मन्त्रास्तस्यासने स्थिताः

tasyāsanaṃ tu vistīrṇaṃ sahasradalasammitam / tisraḥ koṭyo 'rdhakoṭiśca mantrāstasyāsane sthitāḥ

Sanskrit only: no published translation is held for this verse.

तत्रस्थ ईश्वरो देवो वरदः सार्वतोमुखः । पञ्चवक्त्रः सुतेजस्को दशबाहुस्त्रिलोचनः

tatrastha īśvaro devo varadaḥ sārvatomukhaḥ / pañcavaktraḥ sutejasko daśabāhustrilocanaḥ

Sanskrit only: no published translation is held for this verse.

गोक्षीरधवलः सौम्यो नागयज्ञोपवीतवान् । दिव्याम्बरधरो देवो दिव्यगन्धानुलेपनः

gokṣīradhavalaḥ saumyo nāgayajñopavītavān / divyāmbaradharo devo divyagandhānulepanaḥ

Sanskrit only: no published translation is held for this verse.

सर्वलक्षणसंपूर्णः सर्वाभरणभूषितः । त्रिशूलपाणीन्दुमौलिर् जटामुकुटमण्डितः

sarvalakṣaṇasaṃpūrṇaḥ sarvābharaṇabhūṣitaḥ / triśūlapāṇīndumaulir jaṭāmukuṭamaṇḍitaḥ

Sanskrit only: no published translation is held for this verse.

प्रसन्नवदनः कान्तो योगैश्वर्यप्रदायकः । वरदाभयहस्तश्च ध्येयो ऽसावीशयोगिभिः

prasannavadanaḥ kānto yogaiśvaryapradāyakaḥ / varadābhayahastaśca dhyeyo 'sāvīśayogibhiḥ

Sanskrit only: no published translation is held for this verse.

तस्योत्सङ्गगता विद्या सर्वविद्यासमास्रिता । दिव्यवस्त्रपरीधाना दिव्यमाल्यानुलेपना

tasyotsaṅgagatā vidyā sarvavidyāsamāsritā / divyavastraparīdhānā divyamālyānulepanā

Sanskrit only: no published translation is held for this verse.

दिव्यस्रग्दाममालाभिर् मुक्ताहारैर्विभूषिता । मुक्ताफलप्रतीकाशा पञ्चवक्त्रा त्रिलोचना

divyasragdāmamālābhir muktāhārairvibhūṣitā / muktāphalapratīkāśā pañcavaktrā trilocanā

Sanskrit only: no published translation is held for this verse.

आराधिता विधानेन वेदयेज्ज्ञानिनः सदा । प्रहसन्तीव सा भाति महेशवदनेक्षणात्

ārādhitā vidhānena vedayejjñāninaḥ sadā / prahasantīva sā bhāti maheśavadanekṣaṇāt

Sanskrit only: no published translation is held for this verse.

विद्येश्वरानतो वक्ष्ये पूर्वादीशान्तगान्क्रमात् । अनन्तश्चैव सूक्ष्मश्च तथा चैव शिवोत्तमः

vidyeśvarānato vakṣye pūrvādīśāntagānkramāt / anantaścaiva sūkṣmaśca tathā caiva śivottamaḥ

Sanskrit only: no published translation is held for this verse.

एकनेत्रैकरुद्रौ च त्रिनेत्रश्च प्रकीर्तितः । श्रीकण्ठश्च शिखण्डी च ज्ञेया विद्येश्वराः क्रमात्

ekanetraikarudrau ca trinetraśca prakīrtitaḥ / śrīkaṇṭhaśca śikhaṇḍī ca jñeyā vidyeśvarāḥ kramāt

Sanskrit only: no published translation is held for this verse.

अतो रूपमवस्थानं तत्र रुद्रान्निबोध मे । धर्मो ज्ञानं च वैराग्यम् ऐस्वर्यं च चतुर्थकम्

ato rūpamavasthānaṃ tatra rudrānnibodha me / dharmo jñānaṃ ca vairāgyam aisvaryaṃ ca caturthakam

Sanskrit only: no published translation is held for this verse.

सूक्ष्मावरणमूर्ध्वे ऽतः तत्र शक्तित्रयं विदुः । वामा ज्येष्ठा च रौद्री च शक्तयः समुदाहृताः

sūkṣmāvaraṇamūrdhve 'taḥ tatra śaktitrayaṃ viduḥ / vāmā jyeṣṭhā ca raudrī ca śaktayaḥ samudāhṛtāḥ

Sanskrit only: no published translation is held for this verse.

परिवारस्तु तासां वै कोट्यो ऽनेकास्तु सङ्ख्यया । सर्वे सर्वगता मन्त्राः सर्वज्ञाः सर्वकामदा

parivārastu tāsāṃ vai koṭyo 'nekāstu saṅkhyayā / sarve sarvagatā mantrāḥ sarvajñāḥ sarvakāmadā

Sanskrit only: no published translation is held for this verse.

शूद्धस्फटिकसङ्काशास् त्रिनेत्राः शूलपाणयः । सर्वलक्षणसंपन्नाः सर्वाभरणभूषिताः

śūddhasphaṭikasaṅkāśās trinetrāḥ śūlapāṇayaḥ / sarvalakṣaṇasaṃpannāḥ sarvābharaṇabhūṣitāḥ

Sanskrit only: no published translation is held for this verse.

सर्वैश्वर्यसुसम्पूर्णाश् चारुचन्द्रार्धशेखराः । शतपत्राब्जभाकारैः शुद्धहारेन्दुरश्मिभिः

sarvaiśvaryasusampūrṇāś cārucandrārdhaśekharāḥ / śatapatrābjabhākāraiḥ śuddhahārenduraśmibhiḥ

Sanskrit only: no published translation is held for this verse.

नानारत्नोज्ज्वलैश्चित्रैः प्राकारैस्तोरणाकुलैः । ईश्वरानुगताः सर्वे तिष्ठन्ति भुवनेषु ते

nānāratnojjvalaiścitraiḥ prākāraistoraṇākulaiḥ / īśvarānugatāḥ sarve tiṣṭhanti bhuvaneṣu te

Sanskrit only: no published translation is held for this verse.

तमाराधयितुं देवं पूज्यन्ते सर्वकर्मसु । व्रतं पाशुपतं दिव्यं ये चरन्ति जितेन्द्रियाः

tamārādhayituṃ devaṃ pūjyante sarvakarmasu / vrataṃ pāśupataṃ divyaṃ ye caranti jitendriyāḥ

Sanskrit only: no published translation is held for this verse.

भस्मनिष्ठा जपध्यानास् ते व्रजन्त्येश्वरं पदम् । तत्रेश्वरस्तु भगवान् देवदेवो निरञ्जनः

bhasmaniṣṭhā japadhyānās te vrajantyeśvaraṃ padam / tatreśvarastu bhagavān devadevo nirañjanaḥ

Sanskrit only: no published translation is held for this verse.

अधिकारं प्रकुरुते शिवेच्छाविधिचोदितः । दश पञ्च च शोध्यानि भुवनानीश्वरे क्रमात्

adhikāraṃ prakurute śivecchāvidhicoditaḥ / daśa pañca ca śodhyāni bhuvanānīśvare kramāt

Sanskrit only: no published translation is held for this verse.

तालुकोर्ध्वे विजानीयाद् दीक्षाकाले वरानने । शुद्धावरणमूर्ध्वं तु तस्मिञ्च्छक्तिद्वयं स्मृतम्

tālukordhve vijānīyād dīkṣākāle varānane / śuddhāvaraṇamūrdhvaṃ tu tasmiñcchaktidvayaṃ smṛtam

Sanskrit only: no published translation is held for this verse.

ज्ञानं क्रिया च विख्यातं द्वे विद्ये चाप्यतः परम् । भावसंज्ञाप्यभावाख्या तस्मिञ्च्छक्तिद्वये स्मृते

jñānaṃ kriyā ca vikhyātaṃ dve vidye cāpyataḥ param / bhāvasaṃjñāpyabhāvākhyā tasmiñcchaktidvaye smṛte

Sanskrit only: no published translation is held for this verse.

तेजेशश्च ध्रुवेशश्च प्रमाणानां परं पदम् । प्रमाणावरणे चोर्ध्वे कथयामि च मानतः

tejeśaśca dhruveśaśca pramāṇānāṃ paraṃ padam / pramāṇāvaraṇe cordhve kathayāmi ca mānataḥ

Sanskrit only: no published translation is held for this verse.

ब्रह्मा रुद्रः प्रतोदश्च अनन्तश्च चतुर्थकः । सुशुद्धावरणं चोर्ध्वे तत्र रुद्रत्रयं विदुः

brahmā rudraḥ pratodaśca anantaśca caturthakaḥ / suśuddhāvaraṇaṃ cordhve tatra rudratrayaṃ viduḥ

Sanskrit only: no published translation is held for this verse.

एकाक्षः पिङ्गलो हंसः कथितं तु समासतः । शिवावरणमूर्ध्वं तु तत्रैको ध्रुवसंज्ञकः

ekākṣaḥ piṅgalo haṃsaḥ kathitaṃ tu samāsataḥ / śivāvaraṇamūrdhvaṃ tu tatraiko dhruvasaṃjñakaḥ

Sanskrit only: no published translation is held for this verse.

संस्थितो रुद्रराजस्य मोक्षावरणमूर्ध्वतः । एकादशैव रुद्रांश्च कथयामि समासतः

saṃsthito rudrarājasya mokṣāvaraṇamūrdhvataḥ / ekādaśaiva rudrāṃśca kathayāmi samāsataḥ

Sanskrit only: no published translation is held for this verse.

ब्रह्मदन्किदिण्डिमुण्डाः सौरभश्च तथैवच । जन्ममृत्युहरश्चैव प्रणीतः सुखदुःखदः

brahmadankidiṇḍimuṇḍāḥ saurabhaśca tathaivaca / janmamṛtyuharaścaiva praṇītaḥ sukhaduḥkhadaḥ

Sanskrit only: no published translation is held for this verse.

विजृम्भितः समाख्याता स्तालूर्ध्वे तु व्यवस्थिताः । पुनरूर्ध्वे ध्रुवं ज्ञेयं निरञ्जनपदं शुभम्

vijṛmbhitaḥ samākhyātā stālūrdhve tu vyavasthitāḥ / punarūrdhve dhruvaṃ jñeyaṃ nirañjanapadaṃ śubham

Sanskrit only: no published translation is held for this verse.

ईशशक्तित्रयं मूर्ध्नि कथितं चानुपूर्वशः । इच्छाशक्त्यभिधानायाः अन्तर्भूताः प्रकीर्तिताः

īśaśaktitrayaṃ mūrdhni kathitaṃ cānupūrvaśaḥ / icchāśaktyabhidhānāyāḥ antarbhūtāḥ prakīrtitāḥ

Sanskrit only: no published translation is held for this verse.

प्रबुद्धावरणं चोर्ध्वे कथयामि समासतः । प्रीतः प्रमुदितश्चैव प्रमोदश्च प्रलम्बकः

prabuddhāvaraṇaṃ cordhve kathayāmi samāsataḥ / prītaḥ pramuditaścaiva pramodaśca pralambakaḥ

Sanskrit only: no published translation is held for this verse.

विष्णुर्मदन एवाथ गहनः प्रथितस्तथा । रुद्राष्टकं समाख्यातं विज्ञेयं प्राग्दिशः क्रमात्

viṣṇurmadana evātha gahanaḥ prathitastathā / rudrāṣṭakaṃ samākhyātaṃ vijñeyaṃ prāgdiśaḥ kramāt

Sanskrit only: no published translation is held for this verse.

समयावरणं चोर्ध्वे कथयामि समासतः । प्रभवः समयः क्षुद्रो विमलश्च शिवस्तथा

samayāvaraṇaṃ cordhve kathayāmi samāsataḥ / prabhavaḥ samayaḥ kṣudro vimalaśca śivastathā

Sanskrit only: no published translation is held for this verse.

ततो घनः समाख्यातो निरञ्जनस्ततः परम् । रुद्रोङ्कारस्तु पञ्चैते तालूर्ध्वे तु विजानत

tato ghanaḥ samākhyāto nirañjanastataḥ param / rudroṅkārastu pañcaite tālūrdhve tu vijānata

Sanskrit only: no published translation is held for this verse.

एकोनषष्टिर्भुवनं ज्ञानशक्त्यादितः क्रमात् । रुद्रोङ्कारान्तमित्येतद् दीक्षाकाले विशोधयेत्

ekonaṣaṣṭirbhuvanaṃ jñānaśaktyāditaḥ kramāt / rudroṅkārāntamityetad dīkṣākāle viśodhayet

Sanskrit only: no published translation is held for this verse.

एकैकस्य परीवारः कोट्यो ऽनेकाः सहस्रशः । त्रिनेत्रा वरदाः सर्वे शुद्धसामर्थ्यविग्रहाः

ekaikasya parīvāraḥ koṭyo 'nekāḥ sahasraśaḥ / trinetrā varadāḥ sarve śuddhasāmarthyavigrahāḥ

Sanskrit only: no published translation is held for this verse.

शुद्धस्फटिकसङ्काशा दशबाह्विन्दुशेखराः । त्रिशूलपाणयः सर्वे जटामुकुटमण्डिताः

śuddhasphaṭikasaṅkāśā daśabāhvinduśekharāḥ / triśūlapāṇayaḥ sarve jaṭāmukuṭamaṇḍitāḥ

Sanskrit only: no published translation is held for this verse.

सर्वे सर्वगुणोपेताः सर्वज्ञाः सर्वदेश्वराः । सार्वलक्षणसंपूर्णाः सर्वाभरणभूषिताः

sarve sarvaguṇopetāḥ sarvajñāḥ sarvadeśvarāḥ / sārvalakṣaṇasaṃpūrṇāḥ sarvābharaṇabhūṣitāḥ

Sanskrit only: no published translation is held for this verse.

रुद्रकन्यासमाकीर्णा दिव्यैरूपैर्मनोहरैः । संक्रिडन्ते पुरवरैः शिवेच्छाविधिचोदिताः

rudrakanyāsamākīrṇā divyairūpairmanoharaiḥ / saṃkriḍante puravaraiḥ śivecchāvidhicoditāḥ

Sanskrit only: no published translation is held for this verse.

ईश्वरस्य तथोर्ध्वे तु अधश्चैव सदाशिवात् । सुशिवावरणं चोर्ध्वे तस्मिञ्ज्ञेयः सदाशिवः

īśvarasya tathordhve tu adhaścaiva sadāśivāt / suśivāvaraṇaṃ cordhve tasmiñjñeyaḥ sadāśivaḥ

Sanskrit only: no published translation is held for this verse.

त्रिपञ्चनयनो देवश् चन्द्रार्धकृतशेखरः । वक्त्रपञ्चकसंयुक्तो दशबाहुर्महाबलः

tripañcanayano devaś candrārdhakṛtaśekharaḥ / vaktrapañcakasaṃyukto daśabāhurmahābalaḥ

Sanskrit only: no published translation is held for this verse.

शुद्धस्फटिकसङ्काशः स्फुरन्वै दीप्ततेजसा । सिंहासनोपविष्टस्तु श्वेतपद्मासनस्थितः

śuddhasphaṭikasaṅkāśaḥ sphuranvai dīptatejasā / siṃhāsanopaviṣṭastu śvetapadmāsanasthitaḥ

Sanskrit only: no published translation is held for this verse.

पञ्चब्रह्माङ्गसहितः सकलाद्यैः समन्वितः । दशभिश्च शिवैर्युक्तो रुद्राष्टादशकान्वितः

pañcabrahmāṅgasahitaḥ sakalādyaiḥ samanvitaḥ / daśabhiśca śivairyukto rudrāṣṭādaśakānvitaḥ

Sanskrit only: no published translation is held for this verse.

सकलो निष्कलः शून्यः कलाढ्यः खमलङ्कृतः । क्षपणश्च क्षयान्तस्थः कण्ठ्यौष्ठ्यश्चाष्टमः स्मृतः

sakalo niṣkalaḥ śūnyaḥ kalāḍhyaḥ khamalaṅkṛtaḥ / kṣapaṇaśca kṣayāntasthaḥ kaṇṭhyauṣṭhyaścāṣṭamaḥ smṛtaḥ

Sanskrit only: no published translation is held for this verse.

भ्रुवोर्मध्ये तु विज्ञेयो देवदेवः सदाशिवः । सकलाद्यैर्वृतो देवः ॐकारेशादिभिः क्रमात्

bhruvormadhye tu vijñeyo devadevaḥ sadāśivaḥ / sakalādyairvṛto devaḥ oṃkāreśādibhiḥ kramāt

Sanskrit only: no published translation is held for this verse.

ॐकारेशः शिवो दीप्तः कारणेशो दशेशकः । सुशिवश्चैव कालेशः सूक्ष्मरूपः सुतेजसः

oṃkāreśaḥ śivo dīptaḥ kāraṇeśo daśeśakaḥ / suśivaścaiva kāleśaḥ sūkṣmarūpaḥ sutejasaḥ

Sanskrit only: no published translation is held for this verse.

शर्वश्च दशमः प्रोक्तः ऊर्ध्वान्तं संव्यवस्थिताः । रुद्राश्चाष्टादश बहिः तेषां नामानि वै शृणु

śarvaśca daśamaḥ proktaḥ ūrdhvāntaṃ saṃvyavasthitāḥ / rudrāścāṣṭādaśa bahiḥ teṣāṃ nāmāni vai śṛṇu

Sanskrit only: no published translation is held for this verse.

विजयस्त्वथ निःश्वासः स्वयम्भूश्चाग्निवीरराट् । रौरवो मुकुटो विसरश् चन्द्रो बिम्बः प्रगीतवान्

vijayastvatha niḥśvāsaḥ svayambhūścāgnivīrarāṭ / rauravo mukuṭo visaraś candro bimbaḥ pragītavān

Sanskrit only: no published translation is held for this verse.

ललितः सिद्धरुद्रश्च सन्तानः शर्व एव च । परश्च किरणश्चैव पारमेश्वर एव च

lalitaḥ siddharudraśca santānaḥ śarva eva ca / paraśca kiraṇaścaiva pārameśvara eva ca

Sanskrit only: no published translation is held for this verse.

सादाख्यस्तु समाख्यातः सकलो मन्त्रविग्रहः । सर्वकारणमध्यक्षः सृष्टिसंहारकारकः

sādākhyastu samākhyātaḥ sakalo mantravigrahaḥ / sarvakāraṇamadhyakṣaḥ sṛṣṭisaṃhārakārakaḥ

Sanskrit only: no published translation is held for this verse.

भुक्तिमुक्तिप्रदाता च साधकानां क्रियावताम् । कोटयः सप्तमन्त्राणाम् आसने तस्य संस्थिताः

bhuktimuktipradātā ca sādhakānāṃ kriyāvatām / koṭayaḥ saptamantrāṇām āsane tasya saṃsthitāḥ

Sanskrit only: no published translation is held for this verse.

आसनं लक्षपत्राढ्यं चन्द्रकोट्ययुतप्रभम् । वामाद्यैर्विभुपूर्वैश्च पञ्चवक्त्रैस्त्रिलोचनैः

āsanaṃ lakṣapatrāḍhyaṃ candrakoṭyayutaprabham / vāmādyairvibhupūrvaiśca pañcavaktraistrilocanaiḥ

Sanskrit only: no published translation is held for this verse.