अमृतो नाम वै तत्र चन्द्रमाः परमः स्थितः । शुद्धस्फटिकसंकाशः श्रीमाञ्च्छुक्लाम्बरोद्वहः
amṛto nāma vai tatra candramāḥ paramaḥ sthitaḥ / śuddhasphaṭikasaṃkāśaḥ śrīmāñcchuklāmbarodvahaḥ
Sanskrit only: no published translation is held for this verse.
Svacchandatantra 10
कुण्डलैर्दीप्तिसंकाशैर् भूषितस्तु विराजते । दिव्यगन्धानुलिप्ताङ्गो दिव्याभरणभूषितः
kuṇḍalairdīptisaṃkāśair bhūṣitastu virājate / divyagandhānuliptāṅgo divyābharaṇabhūṣitaḥ
Sanskrit only: no published translation is held for this verse.
तत्र वै रश्मयो नाम्ना रश्मिव्यूहसमप्रभाः । दिव्याः सौम्यास्तु ते ज्ञेयाः सोमतेजः समुद्भवाः
tatra vai raśmayo nāmnā raśmivyūhasamaprabhāḥ / divyāḥ saumyāstu te jñeyāḥ somatejaḥ samudbhavāḥ
Sanskrit only: no published translation is held for this verse.
दशकोटिसहस्राणि तेषां वै सौम्यतेजसाम् । अत ऊर्ध्वं तु देवेशि प्राजेशां भुवनं महत्
daśakoṭisahasrāṇi teṣāṃ vai saumyatejasām / ata ūrdhvaṃ tu deveśi prājeśāṃ bhuvanaṃ mahat
Sanskrit only: no published translation is held for this verse.
तस्मिंस्तु भुवने दिव्ये प्रजेशस्त्वमितद्युतिः । विश्वरूपो विश्ववर्णो विश्वालंकारभूषितः
tasmiṃstu bhuvane divye prajeśastvamitadyutiḥ / viśvarūpo viśvavarṇo viśvālaṃkārabhūṣitaḥ
Sanskrit only: no published translation is held for this verse.
विश्वरूपपरैर्देवैर् विश्वात्मा परिवारितः । दशकोटिसहस्राणि विश्वानां भूरितेजसाम्
viśvarūpaparairdevair viśvātmā parivāritaḥ / daśakoṭisahasrāṇi viśvānāṃ bhūritejasām
Sanskrit only: no published translation is held for this verse.
परिवार्य महात्मानं शोभने पर्युपासते । ब्राह्मं चैवमतो ज्ञेयं शङ्खगोक्षीरसन्निभम्
parivārya mahātmānaṃ śobhane paryupāsate / brāhmaṃ caivamato jñeyaṃ śaṅkhagokṣīrasannibham
Sanskrit only: no published translation is held for this verse.
पितामहो यत्र देवः शुक्लपद्मस्थसौम्यदृक् । शुक्लाम्बरधरः श्रीमाञ् छुक्लमाल्यानुलेपनः
pitāmaho yatra devaḥ śuklapadmasthasaumyadṛk / śuklāmbaradharaḥ śrīmāñ chuklamālyānulepanaḥ
Sanskrit only: no published translation is held for this verse.
शुक्लयज्ञोपवीती च महाहारविभूषितः । दशकोटिसहस्रैस्तु चन्द्रबिम्बसमप्रभैः
śuklayajñopavītī ca mahāhāravibhūṣitaḥ / daśakoṭisahasraistu candrabimbasamaprabhaiḥ
Sanskrit only: no published translation is held for this verse.
ब्राह्मैर्देवैः परिवृतः शारदाभ्रैरिवांशुमान् । पैशाचं राक्षासं याक्षं गान्धर्वं त्वैन्द्रमेव च
brāhmairdevaiḥ parivṛtaḥ śāradābhrairivāṃśumān / paiśācaṃ rākṣāsaṃ yākṣaṃ gāndharvaṃ tvaindrameva ca
Sanskrit only: no published translation is held for this verse.
सौम्यं तथैव प्राजेशं ब्राह्मं वै भुवनं प्रिये । एतानि सुरयोनीनां स्थानान्येव पुराणि तु
saumyaṃ tathaiva prājeśaṃ brāhmaṃ vai bhuvanaṃ priye / etāni surayonīnāṃ sthānānyeva purāṇi tu
Sanskrit only: no published translation is held for this verse.
अवतीर्यात्मजन्मानं ध्यायन्तः संभवन्ति हि । परमेशनियोगाच्च चोद्यमानाश्च मायया
avatīryātmajanmānaṃ dhyāyantaḥ saṃbhavanti hi / parameśaniyogācca codyamānāśca māyayā
Sanskrit only: no published translation is held for this verse.
नियमिता नियत्या च ब्रह्मणो व्यक्तजन्मनः । व्यज्यन्ते ते च सर्गादौ नामरूपैरनेकधा
niyamitā niyatyā ca brahmaṇo vyaktajanmanaḥ / vyajyante te ca sargādau nāmarūpairanekadhā
Sanskrit only: no published translation is held for this verse.
अंशेनैव वरारोहे न त्यजन्ति निकेतनम् । पुर्यष्टकेन्द्रियैः सार्धम् आत्मा मन्त्रैर्विशोधयेत्
aṃśenaiva varārohe na tyajanti niketanam / puryaṣṭakendriyaiḥ sārdham ātmā mantrairviśodhayet
Sanskrit only: no published translation is held for this verse.
पञ्चाष्टकं मूर्तयो ऽष्टौ बुद्धितत्त्वमनुक्रमात् । विशोध्यैवं प्रयत्नेन क्रोधाष्टकमतः परम्
pañcāṣṭakaṃ mūrtayo 'ṣṭau buddhitattvamanukramāt / viśodhyaivaṃ prayatnena krodhāṣṭakamataḥ param
Sanskrit only: no published translation is held for this verse.
संवर्तस्त्वेकवीरश्च कृतान्तो जननाशकः । मृत्युहन्ता च रक्ताक्षो महाक्रोधश्च दुर्जयः
saṃvartastvekavīraśca kṛtānto jananāśakaḥ / mṛtyuhantā ca raktākṣo mahākrodhaśca durjayaḥ
Sanskrit only: no published translation is held for this verse.
नीलोत्पलदलाभानि तेषां वै भुवनानि तु । एकैकस्य परीवारः कोटिर्दशसहस्रकम्
nīlotpaladalābhāni teṣāṃ vai bhuvanāni tu / ekaikasya parīvāraḥ koṭirdaśasahasrakam
Sanskrit only: no published translation is held for this verse.
क्रोधेश्वराष्टकादूर्ध्वं स्थितं तेजोष्टकं महत् । बलाध्यक्षो गणाध्यक्षस् त्रिदशस्त्रिपुरान्तकः
krodheśvarāṣṭakādūrdhvaṃ sthitaṃ tejoṣṭakaṃ mahat / balādhyakṣo gaṇādhyakṣas tridaśastripurāntakaḥ
Sanskrit only: no published translation is held for this verse.
अग्निरुद्राः स्मृता ह्यते तेजसा कृष्णवर्णकाः । कूर्माकाराणि चित्राणि तेषां वै भुवनानि तु
agnirudrāḥ smṛtā hyate tejasā kṛṣṇavarṇakāḥ / kūrmākārāṇi citrāṇi teṣāṃ vai bhuvanāni tu
Sanskrit only: no published translation is held for this verse.
अत ऊर्ध्वं समाख्यातं योगाष्टकमनुत्तमम् । अकृतं च कृतं चैव रैभवं ब्राह्ममेव च
ata ūrdhvaṃ samākhyātaṃ yogāṣṭakamanuttamam / akṛtaṃ ca kṛtaṃ caiva raibhavaṃ brāhmameva ca
Sanskrit only: no published translation is held for this verse.
वैष्णवं त्वथ कौमारम् औमं श्रैकण्ठमेव च । क्रीडन्ति योगिनस्तत्र भुवनैः स्फटिकप्रभैः
vaiṣṇavaṃ tvatha kaumāram aumaṃ śraikaṇṭhameva ca / krīḍanti yoginastatra bhuvanaiḥ sphaṭikaprabhaiḥ
Sanskrit only: no published translation is held for this verse.
ततः साक्षाद्भगवती जगन्माता व्यवस्थिता । उमा त्वमेया विश्वस्य विश्वयोनिः स्वयम्भवा
tataḥ sākṣādbhagavatī jaganmātā vyavasthitā / umā tvameyā viśvasya viśvayoniḥ svayambhavā
Sanskrit only: no published translation is held for this verse.
तप्तजाम्बूनदनिभा ह्य् उदयादित्यसप्रभा । महापीठे मणिमये सिंहाष्टकयुते शुभे
taptajāmbūnadanibhā hy udayādityasaprabhā / mahāpīṭhe maṇimaye siṃhāṣṭakayute śubhe
Sanskrit only: no published translation is held for this verse.
शतयोजनविस्तीर्णे दिव्यस्रग्धामलालिते । दिव्यकुण्डलिनी देवी महाहारविभूषिता
śatayojanavistīrṇe divyasragdhāmalālite / divyakuṇḍalinī devī mahāhāravibhūṣitā
Sanskrit only: no published translation is held for this verse.
विजयाग्रे महाभागा श्रीरिवोत्तमरूपिणी । जया च पद्मगर्भाभा सर्वालंकारभूषिता
vijayāgre mahābhāgā śrīrivottamarūpiṇī / jayā ca padmagarbhābhā sarvālaṃkārabhūṣitā
Sanskrit only: no published translation is held for this verse.
नन्दा च पद्मपत्राक्षी हारकेयूरभूषिता । सर्वाभरणचित्राङ्गी सुनन्दा च मनोहरा
nandā ca padmapatrākṣī hārakeyūrabhūṣitā / sarvābharaṇacitrāṅgī sunandā ca manoharā
Sanskrit only: no published translation is held for this verse.
परिवार्य प्रतीहार्यः सर्वतः समुपस्थिताः । त्रिंशत्कोटिसहस्राणि त्रिंशत्कोटिशतानि च
parivārya pratīhāryaḥ sarvataḥ samupasthitāḥ / triṃśatkoṭisahasrāṇi triṃśatkoṭiśatāni ca
Sanskrit only: no published translation is held for this verse.
मानस्यो दिव्यनार्यस्तास् तां सदा पर्युपासते । विमानकोटिरेका च रुद्राणां भूरितेजसाम्
mānasyo divyanāryastās tāṃ sadā paryupāsate / vimānakoṭirekā ca rudrāṇāṃ bhūritejasām
Sanskrit only: no published translation is held for this verse.
औमा इति समाख्याताः वैमाना इति ते ऽन्यथा । उपासते तु तां देवीं मातरं तनया इव
aumā iti samākhyātāḥ vaimānā iti te 'nyathā / upāsate tu tāṃ devīṃ mātaraṃ tanayā iva
Sanskrit only: no published translation is held for this verse.
सावतीर्याण्डमध्ये तु मया सार्धं वरानने । अनुग्रहार्थं लोकानां प्रादुर्भूता सनातनी
sāvatīryāṇḍamadhye tu mayā sārdhaṃ varānane / anugrahārthaṃ lokānāṃ prādurbhūtā sanātanī
Sanskrit only: no published translation is held for this verse.
कल्पे पूर्वे जगन्माता जगद्योनिर्द्वितीयके । तृतीये शाम्भवी नाम चतुर्थे विश्वरूपिणी
kalpe pūrve jaganmātā jagadyonirdvitīyake / tṛtīye śāmbhavī nāma caturthe viśvarūpiṇī
Sanskrit only: no published translation is held for this verse.
पञ्चमे नन्दिनी नाम षष्ठे चैव गणाम्बिका । विभूतिः सप्तमे कल्पे सुभूतिश्चाष्टमे तथा
pañcame nandinī nāma ṣaṣṭhe caiva gaṇāmbikā / vibhūtiḥ saptame kalpe subhūtiścāṣṭame tathā
Sanskrit only: no published translation is held for this verse.
आनन्दा नवमे कल्पे दशमे वामलोचना । एकादशे वरारोहा द्वादशे च सुमङ्गला
ānandā navame kalpe daśame vāmalocanā / ekādaśe varārohā dvādaśe ca sumaṅgalā
Sanskrit only: no published translation is held for this verse.
कल्पे त्रयोदशे देवि महातनुरुदाहृता । कल्पे चतुर्दशे चैव अनन्ता नाम कीर्तिता
kalpe trayodaśe devi mahātanurudāhṛtā / kalpe caturdaśe caiva anantā nāma kīrtitā
Sanskrit only: no published translation is held for this verse.
भूतमाता पञ्चदशे षोडशे चोत्तमा स्मृता । सहस्रधारा सप्तदशे सती चाष्टदशे पुरा
bhūtamātā pañcadaśe ṣoḍaśe cottamā smṛtā / sahasradhārā saptadaśe satī cāṣṭadaśe purā
Sanskrit only: no published translation is held for this verse.
चाक्षुषस्य मनोः कल्पे दक्षस्य दुहिता शुभा । अवमानाच्च दक्षस्य स्वां तनुं त्वजहाः पुरा
cākṣuṣasya manoḥ kalpe dakṣasya duhitā śubhā / avamānācca dakṣasya svāṃ tanuṃ tvajahāḥ purā
Sanskrit only: no published translation is held for this verse.
अमां कलां तु चन्द्रस्य पुनरापूर्य संस्थिता । पुनर्हिमवताराध्य दुहिता त्वात्मनः कृता
amāṃ kalāṃ tu candrasya punarāpūrya saṃsthitā / punarhimavatārādhya duhitā tvātmanaḥ kṛtā
Sanskrit only: no published translation is held for this verse.
त्वं देवि साद्भुतं तप्त्वा तपः परमदुश्चरम् । मां भर्तारं पुनः प्राप्य जातास्यङ्गरुहा प्रिये
tvaṃ devi sādbhutaṃ taptvā tapaḥ paramaduścaram / māṃ bhartāraṃ punaḥ prāpya jātāsyaṅgaruhā priye
Sanskrit only: no published translation is held for this verse.
कैलासनिलयश्चाहं त्वया सार्धं वरानने । त्वं तनुर्वामभागस्य मत्तो नैव वियुज्यसे
kailāsanilayaścāhaṃ tvayā sārdhaṃ varānane / tvaṃ tanurvāmabhāgasya matto naiva viyujyase
Sanskrit only: no published translation is held for this verse.
दक्षाध्वरे पुनर्जाता भद्रकालीति नामतः । एकानंशापरा मूर्तिः सतीशानाद्विनिःसृता
dakṣādhvare punarjātā bhadrakālīti nāmataḥ / ekānaṃśāparā mūrtiḥ satīśānādviniḥsṛtā
Sanskrit only: no published translation is held for this verse.
इदं चतुर्युगं प्राप्य द्वापरे विष्णुना सह । महिषस्य वधार्थाय उत्पन्ना कृष्णपिङ्गला
idaṃ caturyugaṃ prāpya dvāpare viṣṇunā saha / mahiṣasya vadhārthāya utpannā kṛṣṇapiṅgalā
Sanskrit only: no published translation is held for this verse.
कात्यायनीति दुर्गेति विविधैर्नामपर्ययैः । मनुष्याणां तु भक्तानां वरदा भक्तवत्सला
kātyāyanīti durgeti vividhairnāmaparyayaiḥ / manuṣyāṇāṃ tu bhaktānāṃ varadā bhaktavatsalā
Sanskrit only: no published translation is held for this verse.
पूर्वमवावतीर्णासि विन्ध्यपर्वतमूर्धनि । अत ऊर्ध्वं प्रवक्ष्यामि भुवनं वरवर्णिनि
pūrvamavāvatīrṇāsi vindhyaparvatamūrdhani / ata ūrdhvaṃ pravakṣyāmi bhuvanaṃ varavarṇini
Sanskrit only: no published translation is held for this verse.
सुचार्विति तु विख्यातं सहस्रादित्यकान्तिमत् । कैलासशिखराकारं शुद्धस्फटिकसप्रभम्
sucārviti tu vikhyātaṃ sahasrādityakāntimat / kailāsaśikharākāraṃ śuddhasphaṭikasaprabham
Sanskrit only: no published translation is held for this verse.
महाविमानकोटीभिर् आवृतं चक्रवर्तिनाम् । तस्मिंस्तु भुवने दिव्ये सूर्यकोटिसमद्युतिः
mahāvimānakoṭībhir āvṛtaṃ cakravartinām / tasmiṃstu bhuvane divye sūryakoṭisamadyutiḥ
Sanskrit only: no published translation is held for this verse.
सहस्रबाहुचरणः सहस्रवदनेक्षणः । उमापतिर्जगन्नाथः सर्वानुग्रहकृद्वरः
sahasrabāhucaraṇaḥ sahasravadanekṣaṇaḥ / umāpatirjagannāthaḥ sarvānugrahakṛdvaraḥ
Sanskrit only: no published translation is held for this verse.
भोगस्थानं समस्तं वै तत्रस्थं वामभागतः । शतयोजनविस्तीर्णे नानारत्नविभूषिते
bhogasthānaṃ samastaṃ vai tatrasthaṃ vāmabhāgataḥ / śatayojanavistīrṇe nānāratnavibhūṣite
Sanskrit only: no published translation is held for this verse.
दिव्यास्तरणसंछन्ने आदित्यशतसन्निभे । आसने परमे दिव्ये रत्नपद्मविचित्रिते
divyāstaraṇasaṃchanne ādityaśatasannibhe / āsane parame divye ratnapadmavicitrite
Sanskrit only: no published translation is held for this verse.
उपविष्टो महातेजा वृषभैरष्टभिर्वृतः । हेमचीनाम्बरधरो हारकेयूरभूषितः
upaviṣṭo mahātejā vṛṣabhairaṣṭabhirvṛtaḥ / hemacīnāmbaradharo hārakeyūrabhūṣitaḥ
Sanskrit only: no published translation is held for this verse.
धारयन्सुप्रदीप्ते च सूर्यमण्डलसन्निभे । स्फुरन्मयूखसंघाते कुण्डले रश्मिसंकुले
dhārayansupradīpte ca sūryamaṇḍalasannibhe / sphuranmayūkhasaṃghāte kuṇḍale raśmisaṃkule
Sanskrit only: no published translation is held for this verse.
धारयन्मकुटं मूर्ध्नि दिव्यरत्नविचित्रितम् । देदीप्यमानमत्युग्रं कैलासशिखरोपमम्
dhārayanmakuṭaṃ mūrdhni divyaratnavicitritam / dedīpyamānamatyugraṃ kailāsaśikharopamam
Sanskrit only: no published translation is held for this verse.
प्रलम्बो ऽस्य महाहारः प्रभवद्रश्मिसंकुलः । गाङ्गो हिमवतः शृङ्गात् पतितो निर्झरो यथा
pralambo 'sya mahāhāraḥ prabhavadraśmisaṃkulaḥ / gāṅgo himavataḥ śṛṅgāt patito nirjharo yathā
Sanskrit only: no published translation is held for this verse.
त्रिंशत्कोटिसहस्रैस्तु त्रिंशत्कोटिशतैस्तथा । शूलिभिर्जटिभिस्त्र्यक्षैर् दिव्याभरणभूषितैः
triṃśatkoṭisahasraistu triṃśatkoṭiśataistathā / śūlibhirjaṭibhistryakṣair divyābharaṇabhūṣitaiḥ
Sanskrit only: no published translation is held for this verse.
नानारूपधरैर् रुद्रैर् वृतो भूतगणैस्तथा । दिव्याभिर्मानसीभिश्च नारीभिः परिवारितः
nānārūpadharair rudrair vṛto bhūtagaṇaistathā / divyābhirmānasībhiśca nārībhiḥ parivāritaḥ
Sanskrit only: no published translation is held for this verse.
विमानशतकोटीभिर् आवृतः सर्व एव तु । मातरः सप्त रूपिण्यो नानालंकारभूषिताः
vimānaśatakoṭībhir āvṛtaḥ sarva eva tu / mātaraḥ sapta rūpiṇyo nānālaṃkārabhūṣitāḥ
Sanskrit only: no published translation is held for this verse.
परिवार्य महात्मानं समन्तात्पर्यवस्थिताः । ब्राह्मी कमलपत्राभा दिव्याभरणभूषिता
parivārya mahātmānaṃ samantātparyavasthitāḥ / brāhmī kamalapatrābhā divyābharaṇabhūṣitā
Sanskrit only: no published translation is held for this verse.
आग्नेय्यां दिशि देवेशि स्थिता वै श्रीरिवापरा । शङ्खगोक्षीरसंकाशा त्व् ऐशान्यां तु वरानने
āgneyyāṃ diśi deveśi sthitā vai śrīrivāparā / śaṅkhagokṣīrasaṃkāśā tv aiśānyāṃ tu varānane
Sanskrit only: no published translation is held for this verse.
माहेश्वरी महातेजास् तिष्ठते सुरपूजिता । कौमारी पद्मगर्भाभा हारकेयूरभूषिता
māheśvarī mahātejās tiṣṭhate surapūjitā / kaumārī padmagarbhābhā hārakeyūrabhūṣitā
Sanskrit only: no published translation is held for this verse.
दिश्युत्तरस्यां देवेशि कामिनीपर्युपासिता । स्निग्धनीलोत्पलनिभा हारकुण्डलमण्डैता
diśyuttarasyāṃ deveśi kāminīparyupāsitā / snigdhanīlotpalanibhā hārakuṇḍalamaṇḍaitā
Sanskrit only: no published translation is held for this verse.
दक्षिणस्यां दिशि तु सा उपास्ते परमेश्वरम् । वैष्णवीति च विख्याता शिवेन परमात्मना
dakṣiṇasyāṃ diśi tu sā upāste parameśvaram / vaiṣṇavīti ca vikhyātā śivena paramātmanā
Sanskrit only: no published translation is held for this verse.
नीलजीमूतसंकाशा सर्वाभरणभूषिता । वारुण्यां दिशि देवेशि वाराही पर्युपस्थिता
nīlajīmūtasaṃkāśā sarvābharaṇabhūṣitā / vāruṇyāṃ diśi deveśi vārāhī paryupasthitā
Sanskrit only: no published translation is held for this verse.
शङ्खकुन्देन्दुधवला हारकुण्डलमण्डिता । ऐन्द्र्यां दिशि च सा देवी इन्द्राणी पर्युपस्थिता
śaṅkhakundendudhavalā hārakuṇḍalamaṇḍitā / aindryāṃ diśi ca sā devī indrāṇī paryupasthitā
Sanskrit only: no published translation is held for this verse.
करालवदना दीप्ता सर्वाभरणभूषिता । नैरृत्यां दिशि चामुण्डा उपास्ते परमेश्वरम्
karālavadanā dīptā sarvābharaṇabhūṣitā / nairṛtyāṃ diśi cāmuṇḍā upāste parameśvaram
Sanskrit only: no published translation is held for this verse.
न त्यजन्ति हि ता देवं सर्वभावसमन्वितम् । अंशेन मानुषं लोकं ब्रह्मणा चावतारिताः
na tyajanti hi tā devaṃ sarvabhāvasamanvitam / aṃśena mānuṣaṃ lokaṃ brahmaṇā cāvatāritāḥ
Sanskrit only: no published translation is held for this verse.
असुराणां वधार्थाय मनुष्याणां हिताय च । तपस्तप्त्वा महाघोरं ब्रह्मणा लोकधारिणा
asurāṇāṃ vadhārthāya manuṣyāṇāṃ hitāya ca / tapastaptvā mahāghoraṃ brahmaṇā lokadhāriṇā
Sanskrit only: no published translation is held for this verse.
रुरोश्चैव वधार्थाय मयापि त्ववतारिताः । स्वच्छन्दास्तु पराश्चान्याः परव्योम्नि व्यवस्थिताः
ruroścaiva vadhārthāya mayāpi tvavatāritāḥ / svacchandāstu parāścānyāḥ paravyomni vyavasthitāḥ
Sanskrit only: no published translation is held for this verse.
स्वच्छन्दं पर्युपासीनाः परापरविभागतः । उमैव सप्तधा भूत्वा नामरूपविपर्ययैः
svacchandaṃ paryupāsīnāḥ parāparavibhāgataḥ / umaiva saptadhā bhūtvā nāmarūpaviparyayaiḥ
Sanskrit only: no published translation is held for this verse.
एवं स भगवान्देवो मातृभिः परिवारितः । आस्ते परमया लक्ष्म्या तत्रस्थो द्योतयञ्जगत्
evaṃ sa bhagavāndevo mātṛbhiḥ parivāritaḥ / āste paramayā lakṣmyā tatrastho dyotayañjagat
Sanskrit only: no published translation is held for this verse.
अस्योपरि तथा चाष्टौ मूर्तयस्तस्य धीमतः । शर्वो भवश्च भगवान् रुद्रः पशुपतिस्तथा
asyopari tathā cāṣṭau mūrtayastasya dhīmataḥ / śarvo bhavaśca bhagavān rudraḥ paśupatistathā
Sanskrit only: no published translation is held for this verse.
ईशानश्चैव भीमश्च महादेवोग्र एव च । एताभिः कुरुते शर्वो मूर्तिभिः सृष्टिमुत्तमाम्
īśānaścaiva bhīmaśca mahādevogra eva ca / etābhiḥ kurute śarvo mūrtibhiḥ sṛṣṭimuttamām
Sanskrit only: no published translation is held for this verse.
भूमिरापो ऽनलो वायुर् आकाशं सूर्य एव च । सोमश्च यजमानश्चेत्य् अष्टौ सृष्टिरियं स्मृता
bhūmirāpo 'nalo vāyur ākāśaṃ sūrya eva ca / somaśca yajamānaścety aṣṭau sṛṣṭiriyaṃ smṛtā
Sanskrit only: no published translation is held for this verse.
सर्वात्मना तु ते तस्मिन्न् अन्यत्रैकांशतः स्थिताः । एवमस्मिन्स्थितो देवो ब्रह्मलोकोर्ध्वतस्तथा
sarvātmanā tu te tasminn anyatraikāṃśataḥ sthitāḥ / evamasminsthito devo brahmalokordhvatastathā
Sanskrit only: no published translation is held for this verse.
मेरोश्च मूर्धनीशानो योगाष्टकमथेष्यते । श्रीकण्ठ इति नाम्ना च कैलासनिलयस्तथा
merośca mūrdhanīśāno yogāṣṭakamatheṣyate / śrīkaṇṭha iti nāmnā ca kailāsanilayastathā
Sanskrit only: no published translation is held for this verse.
शर्वाद्याभिश्च तनुभिर् अष्टाभिर्व्याप्य तिष्ठति । ये तु माहेश्वरं योगं सगुणं पर्युपासते
śarvādyābhiśca tanubhir aṣṭābhirvyāpya tiṣṭhati / ye tu māheśvaraṃ yogaṃ saguṇaṃ paryupāsate
Sanskrit only: no published translation is held for this verse.
भक्त्या च ब्रह्मचर्येण सत्येन च दमेन च । दृष्ट्वा देहस्थमात्मानं ते ऽत्र यान्ति मनीषिणः
bhaktyā ca brahmacaryeṇa satyena ca damena ca / dṛṣṭvā dehasthamātmānaṃ te 'tra yānti manīṣiṇaḥ
Sanskrit only: no published translation is held for this verse.
दृष्ट्वा च मण्डलं तस्य भक्त्या च परया भृशम् । मुक्तद्वैता यतात्मानस् तत्र यान्ति मनीषिणः
dṛṣṭvā ca maṇḍalaṃ tasya bhaktyā ca parayā bhṛśam / muktadvaitā yatātmānas tatra yānti manīṣiṇaḥ
Sanskrit only: no published translation is held for this verse.
तेषां चैवोपरिष्टात्तु सुशिवा द्वादश स्थिताः । वामो भीमस्तथेशश्च शिवः शर्वस्तथैव च
teṣāṃ caivopariṣṭāttu suśivā dvādaśa sthitāḥ / vāmo bhīmastatheśaśca śivaḥ śarvastathaiva ca
Sanskrit only: no published translation is held for this verse.
विद्यानामधिपश्चैव एकवीरः प्रचण्डधृत् । ईशानश्चाप्युमाभर्ता अजेशो ऽनन्त एव च
vidyānāmadhipaścaiva ekavīraḥ pracaṇḍadhṛt / īśānaścāpyumābhartā ajeśo 'nanta eva ca
Sanskrit only: no published translation is held for this verse.
तथा एकशिवश्चापि सुशिवा द्वादश स्मृताः । सर्वे कुङ्कुमसंकाशाः सूर्यकोटिसमप्रभाः
tathā ekaśivaścāpi suśivā dvādaśa smṛtāḥ / sarve kuṅkumasaṃkāśāḥ sūryakoṭisamaprabhāḥ
Sanskrit only: no published translation is held for this verse.
भुवनेषु विचित्रेषु शङ्खाकारेषु संस्थिताः । अत ऊर्ध्वं वीरभद्रो मण्डलाधिपतिः प्रभुः
bhuvaneṣu vicitreṣu śaṅkhākāreṣu saṃsthitāḥ / ata ūrdhvaṃ vīrabhadro maṇḍalādhipatiḥ prabhuḥ
Sanskrit only: no published translation is held for this verse.
तत्सायुज्यमनुप्राप्य तेनैव सह मोदते । अत ऊर्ध्वं महादेवि महादेवाष्टकं विदुः
tatsāyujyamanuprāpya tenaiva saha modate / ata ūrdhvaṃ mahādevi mahādevāṣṭakaṃ viduḥ
Sanskrit only: no published translation is held for this verse.
महादेवो महातेजा वामदेवभवोद्भवौ । एकपिङ्गेक्षणेशानौ भुवनेशपुरःसराः
mahādevo mahātejā vāmadevabhavodbhavau / ekapiṅgekṣaṇeśānau bhuvaneśapuraḥsarāḥ
Sanskrit only: no published translation is held for this verse.
अङ्गुष्ठमात्रसहिता महादेवाष्टके शिवाः । मायाञ्जनविनिर्मुक्ताः परमेशानसंमताः
aṅguṣṭhamātrasahitā mahādevāṣṭake śivāḥ / māyāñjanavinirmuktāḥ parameśānasaṃmatāḥ
Sanskrit only: no published translation is held for this verse.
बुद्धितत्त्वे समासने भुवनेशा मयोदिताः । अथोर्ध्वं गुणतत्त्वं तु तस्मिंश्चैव व्यवस्थितम्
buddhitattve samāsane bhuvaneśā mayoditāḥ / athordhvaṃ guṇatattvaṃ tu tasmiṃścaiva vyavasthitam
Sanskrit only: no published translation is held for this verse.
गुरुपङ्क्तित्रयं दिव्यं गुणैरन्तरितं स्थितम् । प्रथमा तमसः पङ्क्तिर् उपरिष्टाद्व्यवस्थिता
gurupaṅktitrayaṃ divyaṃ guṇairantaritaṃ sthitam / prathamā tamasaḥ paṅktir upariṣṭādvyavasthitā
Sanskrit only: no published translation is held for this verse.
तेषां नामानि कथ्यन्ते यथावदनुपूर्वशः । शिवः प्रभुर्वामदेवश् चण्डश्चैव प्रतापवान्
teṣāṃ nāmāni kathyante yathāvadanupūrvaśaḥ / śivaḥ prabhurvāmadevaś caṇḍaścaiva pratāpavān
Sanskrit only: no published translation is held for this verse.
प्रह्लादश्चोत्तमो भीमः करालः पिङ्गलस्तथा । महेन्द्रो दिनकृच्चैव प्रतोदो दक्ष एव च
prahlādaścottamo bhīmaḥ karālaḥ piṅgalastathā / mahendro dinakṛccaiva pratodo dakṣa eva ca
Sanskrit only: no published translation is held for this verse.
कलेवरश्च विख्यातस् तथा चैव कटङ्कटः । अम्बुहर्ता च नारीशः श्वेत ऋग्वेद एव च
kalevaraśca vikhyātas tathā caiva kaṭaṅkaṭaḥ / ambuhartā ca nārīśaḥ śveta ṛgveda eva ca
Sanskrit only: no published translation is held for this verse.
यजुर्वेदः सामवेदस् त्व् अथर्वा सुशिवस्तथा । विरूपाक्षस्तथा ज्येष्ठो विप्रो नारायणस्तथा
yajurvedaḥ sāmavedas tv atharvā suśivastathā / virūpākṣastathā jyeṣṭho vipro nārāyaṇastathā
Sanskrit only: no published translation is held for this verse.
गण्डो नरो यमो माली गहनेशश्च पीडनः । प्रथमा पङ्क्तिरुद्दिष्टा रुद्रैर्द्वात्रिंशता स्मृता
gaṇḍo naro yamo mālī gahaneśaśca pīḍanaḥ / prathamā paṅktiruddiṣṭā rudrairdvātriṃśatā smṛtā
Sanskrit only: no published translation is held for this verse.
रजसश्चोपरिष्टात्तु द्वितीया पङ्क्तिरुच्यते । शुक्लो दासः सुदासश्च लोकाक्षः सूर्य एव च
rajasaścopariṣṭāttu dvitīyā paṅktirucyate / śuklo dāsaḥ sudāsaśca lokākṣaḥ sūrya eva ca
Sanskrit only: no published translation is held for this verse.
सुहोत्र एकपादश्च गृहश्चैव शिवेश्वरः । गौतमश्चैव योगीशो दधिबाहुस्तथापरः
suhotra ekapādaśca gṛhaścaiva śiveśvaraḥ / gautamaścaiva yogīśo dadhibāhustathāparaḥ
Sanskrit only: no published translation is held for this verse.
ऋषभश्चैव गोकर्णो देवश्चैव महेश्वरः । गुह्येशानः शिखण्डी च जटी माली तथोग्रकः
ṛṣabhaścaiva gokarṇo devaścaiva maheśvaraḥ / guhyeśānaḥ śikhaṇḍī ca jaṭī mālī tathograkaḥ
Sanskrit only: no published translation is held for this verse.
भृगुः शिखि तथा शूली सुगतिश्च सुपालनः । अट्टहासो दारुकश्च लाङ्गलिश्चातिदण्डकः
bhṛguḥ śikhi tathā śūlī sugatiśca supālanaḥ / aṭṭahāso dārukaśca lāṅgaliścātidaṇḍakaḥ
Sanskrit only: no published translation is held for this verse.
भवनश्च तथा भव्यो लकुलेशस्तथैव च । त्रिंशद्रुद्राः समाख्याता द्वितीया पङ्क्तिरुत्तमा
bhavanaśca tathā bhavyo lakuleśastathaiva ca / triṃśadrudrāḥ samākhyātā dvitīyā paṅktiruttamā
Sanskrit only: no published translation is held for this verse.
सत्त्वस्य चोपरिष्टात्तु तृतीया पङ्क्तिरुच्यते । देवो ऽरुणो दीर्घबाहुर् अतिभूतिश्च स्थाणुकः
sattvasya copariṣṭāttu tṛtīyā paṅktirucyate / devo 'ruṇo dīrghabāhur atibhūtiśca sthāṇukaḥ
Sanskrit only: no published translation is held for this verse.
सद्योजातस्तथा झिण्ठि षण्मुखश्चतुराननः । चक्रपाणिश्च कूर्माख्यस् त्व् अर्धनारीश्वरस्तथा
sadyojātastathā jhiṇṭhi ṣaṇmukhaścaturānanaḥ / cakrapāṇiśca kūrmākhyas tv ardhanārīśvarastathā
Sanskrit only: no published translation is held for this verse.
कपाली भूर्भुवश्चैव वषट्कारस्तथैव च । वौषट्कारस्तथा स्वाहा स्वधा च परिकीर्तितः
kapālī bhūrbhuvaścaiva vaṣaṭkārastathaiva ca / vauṣaṭkārastathā svāhā svadhā ca parikīrtitaḥ
Sanskrit only: no published translation is held for this verse.
संवर्तकश्च भस्मेशः कामनाशन एव च । एकविंशतिरुद्रास्तु पङ्क्तिरेषा तृतीयका
saṃvartakaśca bhasmeśaḥ kāmanāśana eva ca / ekaviṃśatirudrāstu paṅktireṣā tṛtīyakā
Sanskrit only: no published translation is held for this verse.
ज्ञानयोगबलोपेताः क्रीडन्ते दैशिकोत्तमाः । संसारपाशनिर्मुक्ताः महामोहविवर्जिताः
jñānayogabalopetāḥ krīḍante daiśikottamāḥ / saṃsārapāśanirmuktāḥ mahāmohavivarjitāḥ
Sanskrit only: no published translation is held for this verse.
त्रिनेत्रा गुरवः सर्वे शुद्धस्फटिकनिर्मलाः । सर्वज्ञाः सर्वगाश्चैव लोकानुग्रहकारकाः
trinetrā guravaḥ sarve śuddhasphaṭikanirmalāḥ / sarvajñāḥ sarvagāścaiva lokānugrahakārakāḥ
Sanskrit only: no published translation is held for this verse.
गजाकाराणि दिव्यानि सर्वेषां भुवनानि तु । बुद्धेः प्रकृतिपर्यन्ते ये रुद्रास्तान्निबोध मे
gajākārāṇi divyāni sarveṣāṃ bhuvanāni tu / buddheḥ prakṛtiparyante ye rudrāstānnibodha me
Sanskrit only: no published translation is held for this verse.
शतद्वयं सप्तकं च भुवनानां वरानने । अन्तर्भूताः स्थिताश्चान्ये ये ते नोक्ता वरानने
śatadvayaṃ saptakaṃ ca bhuvanānāṃ varānane / antarbhūtāḥ sthitāścānye ye te noktā varānane
Sanskrit only: no published translation is held for this verse.
गुणानामुपरिष्टात्तु प्रधानं परिकीर्तितम् । तत्र ये संस्थिता रुद्राः कथयामि समासतः
guṇānāmupariṣṭāttu pradhānaṃ parikīrtitam / tatra ye saṃsthitā rudrāḥ kathayāmi samāsataḥ
Sanskrit only: no published translation is held for this verse.
क्रोधेश्वरश्च संवर्तो ज्योतिः पिङ्गलक्रूरदृक् । पञ्चान्तकैकवीरौ च शिखेदसहितेश्वराः
krodheśvaraśca saṃvarto jyotiḥ piṅgalakrūradṛk / pañcāntakaikavīrau ca śikhedasahiteśvarāḥ
Sanskrit only: no published translation is held for this verse.
तत्त्वे तु प्राकृते रुद्र महावीर्याः प्रकीर्तिताः । गुणानां या पराकाष्ठा तत्प्रधानमिहोच्यते
tattve tu prākṛte rudra mahāvīryāḥ prakīrtitāḥ / guṇānāṃ yā parākāṣṭhā tatpradhānamihocyate
Sanskrit only: no published translation is held for this verse.
अतः पुरुषतत्त्वे तु भुवनानि निबोध मे । अम्बा च सलिला ओघा वृष्टिः सार्धं च तारया
ataḥ puruṣatattve tu bhuvanāni nibodha me / ambā ca salilā oghā vṛṣṭiḥ sārdhaṃ ca tārayā
Sanskrit only: no published translation is held for this verse.
सुतारा च सुनेत्रा च कुमारी च ततः परम् । उत्तमाम्भसिका चैव तुष्टयो नव कीर्तिताः
sutārā ca sunetrā ca kumārī ca tataḥ param / uttamāmbhasikā caiva tuṣṭayo nava kīrtitāḥ
Sanskrit only: no published translation is held for this verse.
तारा चैव सुतारा च तारयन्ती प्रमोदिका । प्रमोदिता मोदमाना रम्यका च ततः परम्
tārā caiva sutārā ca tārayantī pramodikā / pramoditā modamānā ramyakā ca tataḥ param
Sanskrit only: no published translation is held for this verse.
सदाप्रमुदिका चैव सिद्ध्यष्टकमुदाहृतम् । अणिमा लघिमा चैव महिमा प्राप्तिरेव च
sadāpramudikā caiva siddhyaṣṭakamudāhṛtam / aṇimā laghimā caiva mahimā prāptireva ca
Sanskrit only: no published translation is held for this verse.
प्राकाम्यं च तथेशित्वं वशित्वं यदुदाहृतम् । यत्रकामावसायित्वम् अणिमाद्यष्टकं स्मृतम्
prākāmyaṃ ca tatheśitvaṃ vaśitvaṃ yadudāhṛtam / yatrakāmāvasāyitvam aṇimādyaṣṭakaṃ smṛtam
Sanskrit only: no published translation is held for this verse.
अथोर्ध्वं गुरुशिष्याणां पङ्क्तित्रयमतः शृणु । मस्करी पूरणः कृत्स्नः कपिलः काश एवच
athordhvaṃ guruśiṣyāṇāṃ paṅktitrayamataḥ śṛṇu / maskarī pūraṇaḥ kṛtsnaḥ kapilaḥ kāśa evaca
Sanskrit only: no published translation is held for this verse.
सनत्कुमारगौतमव् असिष्ठाद्यांशकास्तथा । कश्यपो नासिकेतुश्च गालवो भौतिकस्तथा
sanatkumāragautamav asiṣṭhādyāṃśakāstathā / kaśyapo nāsiketuśca gālavo bhautikastathā
Sanskrit only: no published translation is held for this verse.
शाकल्यश्च समाख्यातो दुर्वासाः परमस् त्व् ऋषिः । वाल्मीकिश्च गुरुश्रेष्ठः सपराशरगालवः
śākalyaśca samākhyāto durvāsāḥ paramas tv ṛṣiḥ / vālmīkiśca guruśreṣṭhaḥ saparāśaragālavaḥ
Sanskrit only: no published translation is held for this verse.
पिप्पलादाश्च सौमित्रिर् वायुपुत्रो भदन्तकः । मस्कर्यादिभदन्तान्ता दृष्टादृष्टस्य वादिनः
pippalādāśca saumitrir vāyuputro bhadantakaḥ / maskaryādibhadantāntā dṛṣṭādṛṣṭasya vādinaḥ
Sanskrit only: no published translation is held for this verse.
द्वाविंशतिर्गुरुवराः प्रथमा पङ्क्तिरिष्यते । जह्नुश्च तृणबिन्दुश्च मुनिस्तार्क्ष्यस्तथैव च
dvāviṃśatirguruvarāḥ prathamā paṅktiriṣyate / jahnuśca tṛṇabinduśca munistārkṣyastathaiva ca
Sanskrit only: no published translation is held for this verse.
ध्यानाश्रयो ऽथ दीर्घश्च होता जागर एव च । अगस्त्यो वसुभौमश्च उपाध्यायश्च कीर्तितः
dhyānāśrayo 'tha dīrghaśca hotā jāgara eva ca / agastyo vasubhaumaśca upādhyāyaśca kīrtitaḥ
Sanskrit only: no published translation is held for this verse.
शुक्रो भृग्वगिरा रामो जमदग्निसुतो ऽध्वगः । स्थूलशिरा बालखिल्यो मनुश्चेति प्रकीर्तितः
śukro bhṛgvagirā rāmo jamadagnisuto 'dhvagaḥ / sthūlaśirā bālakhilyo manuśceti prakīrtitaḥ
Sanskrit only: no published translation is held for this verse.
वज्रात्रेयो विशुद्धश्च शिवश्चारुरथानुगः । जह्न्वादिचारुपर्यन्ता द्वितीया पङ्क्तिरिष्यते
vajrātreyo viśuddhaśca śivaścārurathānugaḥ / jahnvādicāruparyantā dvitīyā paṅktiriṣyate
Sanskrit only: no published translation is held for this verse.
हरो झिण्ठी प्रतोदश्च अमरेशश्चतुर्थकः । कृष्णपिङ्गेशरुद्रश्च इन्द्रजिद्वृषकः शिवः
haro jhiṇṭhī pratodaśca amareśaścaturthakaḥ / kṛṣṇapiṅgeśarudraśca indrajidvṛṣakaḥ śivaḥ
Sanskrit only: no published translation is held for this verse.