धूमेन च त्रयो लोका विनश्यन्ति वरानने । महोजनस्तपःसंज्ञाः सत्यलोको ऽपि सुव्रते
dhūmena ca trayo lokā vinaśyanti varānane / mahojanastapaḥsaṃjñāḥ satyaloko 'pi suvrate
Sanskrit only: no published translation is held for this verse.
Svacchandatantra 11
तिष्ठन्ति मोहितात्मानो निद्रया ते मृतोपमाः । एवं दग्द्घा जगत्सर्वं ज्वाला वक्त्रं विशेत् पुनः
tiṣṭhanti mohitātmāno nidrayā te mṛtopamāḥ / evaṃ dagdghā jagatsarvaṃ jvālā vaktraṃ viśet punaḥ
Sanskrit only: no published translation is held for this verse.
ततो वान्ति महावाता ब्रह्मनिःश्वाससम्भवाः । नाशयन्ति च तद्भस्म जगद्दाहोद्भवं प्रिये
tato vānti mahāvātā brahmaniḥśvāsasambhavāḥ / nāśayanti ca tadbhasma jagaddāhodbhavaṃ priye
Sanskrit only: no published translation is held for this verse.
ब्रह्मप्रस्वेदजं वारि तज्जगत् प्लावयेत् पुनः । तेनैव वारिणा देवि जगदेकार्णवं भवेत्
brahmaprasvedajaṃ vāri tajjagat plāvayet punaḥ / tenaiva vāriṇā devi jagadekārṇavaṃ bhavet
Sanskrit only: no published translation is held for this verse.
निशाक्षये पुनः स्थित्वा सुखदुःखफलोदये । कर्मतः सर्वलोकस्य ब्रह्मा लोकपितामहः
niśākṣaye punaḥ sthitvā sukhaduḥkhaphalodaye / karmataḥ sarvalokasya brahmā lokapitāmahaḥ
Sanskrit only: no published translation is held for this verse.
शून्यभूतां समालोक्य भगवान् प्रभुरिच्छया । षड्विधां कुरुते सृष्टिं यथापूर्वव्यवस्थया
śūnyabhūtāṃ samālokya bhagavān prabhuricchayā / ṣaḍvidhāṃ kurute sṛṣṭiṃ yathāpūrvavyavasthayā
Sanskrit only: no published translation is held for this verse.
प्रथमां तामसीं सृष्टिं करोति तमसोत्कटान् । नरकान् विविधाकारान् पशून् वै स्थावरान्तगान्
prathamāṃ tāmasīṃ sṛṣṭiṃ karoti tamasotkaṭān / narakān vividhākārān paśūn vai sthāvarāntagān
Sanskrit only: no published translation is held for this verse.
तमोरजःसमावेशान् मानवान् संसृजेत् पुनः । रजःसत्त्वसमाविष्टः सृजेन्मुनिवरेश्वरम्
tamorajaḥsamāveśān mānavān saṃsṛjet punaḥ / rajaḥsattvasamāviṣṭaḥ sṛjenmunivareśvaram
Sanskrit only: no published translation is held for this verse.
गतनिद्रः प्रबुद्धश्च सत्त्वनिष्ठो जगत्पतिः । सृजेद्देवान् सलोकांश्च पूर्वयैव व्यवस्थया
gatanidraḥ prabuddhaśca sattvaniṣṭho jagatpatiḥ / sṛjeddevān salokāṃśca pūrvayaiva vyavasthayā
Sanskrit only: no published translation is held for this verse.
ततो रुद्रेन्द्रसूर्येन्दु- नक्षत्राणि ग्रहेश्वराः । अधिकारं प्रकुर्वन्ति स्वे स्वे विषयगोचरे
tato rudrendrasūryendu- nakṣatrāṇi graheśvarāḥ / adhikāraṃ prakurvanti sve sve viṣayagocare
Sanskrit only: no published translation is held for this verse.
दिने दिने सृजत्येवं संहरेच्च दिनक्षये । दिनमानं च यत्प्रोक्तं रात्रिसंख्या च तावती
dine dine sṛjatyevaṃ saṃharecca dinakṣaye / dinamānaṃ ca yatproktaṃ rātrisaṃkhyā ca tāvatī
Sanskrit only: no published translation is held for this verse.
अहोरात्रेण चानेन अब्दं वै पूर्ववत् स्मृतम् । अब्दानां तु शते पूर्णे महाकल्पः स उच्यते
ahorātreṇa cānena abdaṃ vai pūrvavat smṛtam / abdānāṃ tu śate pūrṇe mahākalpaḥ sa ucyate
Sanskrit only: no published translation is held for this verse.
ब्राह्मे वर्षशते देवि दिव्यान्यब्दानि मे शृणु । एकनवतिकोटिस्तु तथा लक्षाणि विंशतिः
brāhme varṣaśate devi divyānyabdāni me śṛṇu / ekanavatikoṭistu tathā lakṣāṇi viṃśatiḥ
Sanskrit only: no published translation is held for this verse.
तथा सप्तैव खर्वाणि निखर्वाष्टकमेव च । ब्राह्मं वर्षशतं चैतज् ज्ञातव्यं कालवेदिना
tathā saptaiva kharvāṇi nikharvāṣṭakameva ca / brāhmaṃ varṣaśataṃ caitaj jñātavyaṃ kālavedinā
Sanskrit only: no published translation is held for this verse.
दैविकेन तु मानेन मानमित्थं प्रकीर्तितम् । लौकिकेन तु मानेन पुनश्चैव निबोध मे
daivikena tu mānena mānamitthaṃ prakīrtitam / laukikena tu mānena punaścaiva nibodha me
Sanskrit only: no published translation is held for this verse.
द्वात्रिंशदब्दकोट्यस्तु तथा खर्वाष्टकं प्रिये । खर्वद्वयं च देवेशि निखर्वाः पञ्च एव तु
dvātriṃśadabdakoṭyastu tathā kharvāṣṭakaṃ priye / kharvadvayaṃ ca deveśi nikharvāḥ pañca eva tu
Sanskrit only: no published translation is held for this verse.
॥।थाब्दकोट्यस्तु एकं चैवार्बुदं प्रिये । खर्वाशीतस्तथा चैव निखर्वाणां च पञ्चकम् । चतुष्टयं च शङ्कूनां त्रिंशत्सागर एव च । एतद्देवि समाख्यातं ज्ञातव्यं च मुमुक्षुभिः
...thābdakoṭyastu ekaṃ caivārbudaṃ priye | kharvāśītastathā caiva nikharvāṇāṃ ca pañcakam | catuṣṭayaṃ ca śaṅkūnāṃ triṃśatsāgara eva ca | etaddevi samākhyātaṃ jñātavyaṃ ca mumukṣubhiḥ
Sanskrit only: no published translation is held for this verse.
एतल्लौकिकमानेन ब्राह्ममब्दशतं स्मृतम् । एकं दशगुणं पूर्वं शतं दशगुणं तु तत्
etallaukikamānena brāhmamabdaśataṃ smṛtam / ekaṃ daśaguṇaṃ pūrvaṃ śataṃ daśaguṇaṃ tu tat
Sanskrit only: no published translation is held for this verse.
शतं दशगुणं कृत्वा सहस्रं परिकीर्तितम् । सहस्रं दशगुणितम् अयुतं तद्धि कीर्तितम्
śataṃ daśaguṇaṃ kṛtvā sahasraṃ parikīrtitam / sahasraṃ daśaguṇitam ayutaṃ taddhi kīrtitam
Sanskrit only: no published translation is held for this verse.
दशायुतानि लक्षं तु नियुतं दशतानि च । दश तानि च कोटिः स्याद् दश कोटिस्तथार्बुदम्
daśāyutāni lakṣaṃ tu niyutaṃ daśatāni ca / daśa tāni ca koṭiḥ syād daśa koṭistathārbudam
Sanskrit only: no published translation is held for this verse.
अर्बुदैर्दशभिर्वृन्दं खर्वं दशभिरेव तैः । दशभिस्तैर्निखर्वं तु शङ्कुः स्याद्दश तानि तु
arbudairdaśabhirvṛndaṃ kharvaṃ daśabhireva taiḥ / daśabhistairnikharvaṃ tu śaṅkuḥ syāddaśa tāni tu
Sanskrit only: no published translation is held for this verse.
शङ्कुभिर्दशभिः पद्मं दश पद्मानि सागरः । सागरैर्दशभिर्मध्यम् अन्त्यं तैर्दशभिः स्मृतम्
śaṅkubhirdaśabhiḥ padmaṃ daśa padmāni sāgaraḥ / sāgarairdaśabhirmadhyam antyaṃ tairdaśabhiḥ smṛtam
Sanskrit only: no published translation is held for this verse.
अन्त्यं दशाहतं कृत्वा परार्धं परिकीर्तितम् । एवमष्टादशैतानि स्थानानि गणितस्य तु
antyaṃ daśāhataṃ kṛtvā parārdhaṃ parikīrtitam / evamaṣṭādaśaitāni sthānāni gaṇitasya tu
Sanskrit only: no published translation is held for this verse.
महाकल्पस्य पर्यन्ते ब्रह्मा याति परे लयम् । विष्णोश्च तद्दिनं प्रोक्तं रात्रिर्वै तत्समा भवेत्
mahākalpasya paryante brahmā yāti pare layam / viṣṇośca taddinaṃ proktaṃ rātrirvai tatsamā bhavet
Sanskrit only: no published translation is held for this verse.
अनेन परिमाणेन तस्याब्दं तु विधीयते । वर्षाणां च शते पूर्णे सो ऽपि याति परे लयम्
anena parimāṇena tasyābdaṃ tu vidhīyate / varṣāṇāṃ ca śate pūrṇe so 'pi yāti pare layam
Sanskrit only: no published translation is held for this verse.
विष्णोरायुर्यदेवोक्तं रुद्रस्यैतद्दिनं भवेत् । दिने दिने सृजत्यन्यौ ब्रह्मविष्णू प्रजापती
viṣṇorāyuryadevoktaṃ rudrasyaitaddinaṃ bhavet / dine dine sṛjatyanyau brahmaviṣṇū prajāpatī
Sanskrit only: no published translation is held for this verse.
ब्राह्मी च वैष्णवी शक्तिर् अधिकारपदं गता । यं चाधितिष्ठत्यात्मानं तत्संज्ञां स प्रपद्यते
brāhmī ca vaiṣṇavī śaktir adhikārapadaṃ gatā / yaṃ cādhitiṣṭhatyātmānaṃ tatsaṃjñāṃ sa prapadyate
Sanskrit only: no published translation is held for this verse.
तदाधिकारं कुरुते इच्छया परमात्मनः । ब्रह्मविष्ण्विन्द्ररुद्राश्च विद्येशा ईश्वरस्तथा
tadādhikāraṃ kurute icchayā paramātmanaḥ / brahmaviṣṇvindrarudrāśca vidyeśā īśvarastathā
Sanskrit only: no published translation is held for this verse.
लोकाधिपाश्च देवेशि तथा च भुवनाधिपाः । ग्रहादिमातरो रुद्रा योगनक्षत्रराशयः
lokādhipāśca deveśi tathā ca bhuvanādhipāḥ / grahādimātaro rudrā yoganakṣatrarāśayaḥ
Sanskrit only: no published translation is held for this verse.
शक्तियुक्तास्तु ते सर्वे भवन्ति तदधिष्ठिताः । तत्पराक्रमवीर्यास्तु स्वकीये तु पदे स्थिताः
śaktiyuktāstu te sarve bhavanti tadadhiṣṭhitāḥ / tatparākramavīryāstu svakīye tu pade sthitāḥ
Sanskrit only: no published translation is held for this verse.
शिवस्यैका महाशक्तिः शिवश्चैको ह्यनादिमान् । सा शक्तिर्भिद्यते देवि भेदैरानन्त्यसम्भवैः
śivasyaikā mahāśaktiḥ śivaścaiko hyanādimān / sā śaktirbhidyate devi bhedairānantyasambhavaiḥ
Sanskrit only: no published translation is held for this verse.
एवं वै कुरुते सृष्टिं रुद्रश्चैव दिने दिने । संहारं च दिनान्ते वै रात्रिर्वै तत्समा भवेत्
evaṃ vai kurute sṛṣṭiṃ rudraścaiva dine dine / saṃhāraṃ ca dinānte vai rātrirvai tatsamā bhavet
Sanskrit only: no published translation is held for this verse.
दिनरात्रिप्रमाणेना- -नेन स्याद्वत्सरो ऽस्य च । वत्सराणां शते पूर्णे शतरुद्रदिनक्षयात्
dinarātripramāṇenā- -nena syādvatsaro 'sya ca / vatsarāṇāṃ śate pūrṇe śatarudradinakṣayāt
Sanskrit only: no published translation is held for this verse.
सो ऽपि याति परं स्थानं यद्गत्वा निष्कलो भवेत् । तस्मिन् स्थाने पुनश्चान्यस् तत्समश्च प्रभुर्भवेत्
so 'pi yāti paraṃ sthānaṃ yadgatvā niṣkalo bhavet / tasmin sthāne punaścānyas tatsamaśca prabhurbhavet
Sanskrit only: no published translation is held for this verse.
रौद्रशक्तिसमायोगाद् ब्रह्मविष्ण्विन्द्रनायकः । शतरुद्रास्तु देवेशि स्वाब्दानां तु शतक्षये
raudraśaktisamāyogād brahmaviṣṇvindranāyakaḥ / śatarudrāstu deveśi svābdānāṃ tu śatakṣaye
Sanskrit only: no published translation is held for this verse.
ते प्रयान्ति परं तत्त्वं ततो ऽण्डं तु विनश्यति । सर्वभूतगुणाधारं सर्वतत्त्वालयालयम्
te prayānti paraṃ tattvaṃ tato 'ṇḍaṃ tu vinaśyati / sarvabhūtaguṇādhāraṃ sarvatattvālayālayam
Sanskrit only: no published translation is held for this verse.
सपर्वतवनोद्यान- द्वीपसागरमण्डितम् । विमानमालाकुलितं ग्रहनक्षत्रमण्डितम्
saparvatavanodyāna- dvīpasāgaramaṇḍitam / vimānamālākulitaṃ grahanakṣatramaṇḍitam
Sanskrit only: no published translation is held for this verse.
देवदानवगन्धर्व- सिद्धविद्याधरोरगैः । ऋषिभिर्मानुषाद्यैश्च सप्तलोकनिवासिभिः
devadānavagandharva- siddhavidyādharoragaiḥ / ṛṣibhirmānuṣādyaiśca saptalokanivāsibhiḥ
Sanskrit only: no published translation is held for this verse.
नरकैश्चैव पातालैर् युक्तं भुवनमण्डितम् । अशेषभुवनाधार- मण्डमप्सु प्रलीयते
narakaiścaiva pātālair yuktaṃ bhuvanamaṇḍitam / aśeṣabhuvanādhāra- maṇḍamapsu pralīyate
Sanskrit only: no published translation is held for this verse.
ततः कालाग्निरुद्रश्च कालतत्त्वे लयं व्रजेत् । अप्तत्त्वात्तु समारभ्य यावन्मायान्तगोचरम्
tataḥ kālāgnirudraśca kālatattve layaṃ vrajet / aptattvāttu samārabhya yāvanmāyāntagocaram
Sanskrit only: no published translation is held for this verse.
तत्सर्वं संहरेत् कालः स्वयमेव चराचरम् । तदूर्ध्वं शुद्धमध्वानं यावच्छक्त्यन्तगोचरम्
tatsarvaṃ saṃharet kālaḥ svayameva carācaram / tadūrdhvaṃ śuddhamadhvānaṃ yāvacchaktyantagocaram
Sanskrit only: no published translation is held for this verse.
तत्सर्वं संहरेद्घोरम् अघोरो घोरनाशनः । त्रिष्वेवं संस्थितो रुद्रः कालरूपी महेश्वरः
tatsarvaṃ saṃharedghoram aghoro ghoranāśanaḥ / triṣvevaṃ saṃsthito rudraḥ kālarūpī maheśvaraḥ
Sanskrit only: no published translation is held for this verse.
ततः संहरते तोयम् अमरेशशतात्यये । एवं भूताद्यावरण- पतयश्च शतात्यये
tataḥ saṃharate toyam amareśaśatātyaye / evaṃ bhūtādyāvaraṇa- patayaśca śatātyaye
Sanskrit only: no published translation is held for this verse.
संहरन्ति च देवेशि सृजन्ति च परस्परम् । क्षेमराज रेचोर्द्स् हेरे अनोथेर् रेअदिन्ग्: क्वचित्तु--- एवं भूतपतीनां तु प्राप्ते वर्षशतात्यये । यातैस्तैर्निष्कलस्थानं ततो भूतानि शाङ्करि । संहरन्ति च देवेशि सृजन्ति च परस्परम् । आपस्तेजसि लीयन्ते तत्तेजश्चानिले पुनः
saṃharanti ca deveśi sṛjanti ca parasparam / Kṣemarāja records here another reading: kvacittu--- evaṃ bhūtapatīnāṃ tu prāpte varṣaśatātyaye | yātaistairniṣkalasthānaṃ tato bhūtāni śāṅkari | saṃharanti ca deveśi sṛjanti ca parasparam | āpastejasi līyante tattejaścānile punaḥ
Sanskrit only: no published translation is held for this verse.
तथानिलो ऽम्बरं प्राप्य सह तेनैव लीयते । तन्मात्रेषु प्रलीयन्ते यथोत्पन्नानि च क्रमात्
tathānilo 'mbaraṃ prāpya saha tenaiva līyate / tanmātreṣu pralīyante yathotpannāni ca kramāt
Sanskrit only: no published translation is held for this verse.
तन्मात्राण्यप्यहङ्कारे सेन्द्रियाणि यथाक्रमम् । स बुद्धौ सा च गहने गुणसाम्ये प्रलीयते
tanmātrāṇyapyahaṅkāre sendriyāṇi yathākramam / sa buddhau sā ca gahane guṇasāmye pralīyate
Sanskrit only: no published translation is held for this verse.
गुणसाम्यमनिर्देश्यम् अप्रतर्क्यमनौपमम् । तस्मिन् जगदशेषं तु प्रसुप्तमिव तिष्ठति
guṇasāmyamanirdeśyam apratarkyamanaupamam / tasmin jagadaśeṣaṃ tu prasuptamiva tiṣṭhati
Sanskrit only: no published translation is held for this verse.
परमाणुप्रमाणेन लीनं संतिष्ठते जगत् । षड्विंशकस्य रुद्रस्य चैतद्दिनमिह स्मृतम्
paramāṇupramāṇena līnaṃ saṃtiṣṭhate jagat / ṣaḍviṃśakasya rudrasya caitaddinamiha smṛtam
Sanskrit only: no published translation is held for this verse.
प्रजाः प्रजानां पतयः पितरो मानवैः सह । साङ्ख्यज्ञानेन ये सिद्धाः वेदेन ब्रह्मवादिनः
prajāḥ prajānāṃ patayaḥ pitaro mānavaiḥ saha / sāṅkhyajñānena ye siddhāḥ vedena brahmavādinaḥ
Sanskrit only: no published translation is held for this verse.
छन्दः सामानि चोङ्कारो बुद्धिस्तद्देवताः प्रिये । अह्नि तिष्ठन्ति ते सर्वे परमेशस्य धीमतः
chandaḥ sāmāni coṅkāro buddhistaddevatāḥ priye / ahni tiṣṭhanti te sarve parameśasya dhīmataḥ
Sanskrit only: no published translation is held for this verse.
दिनान्ते तु प्रलीयन्ते रात्र्यन्ते विश्वसम्भवः । षट्त्रिंशत्तु सहस्राणि ब्रह्मणां प्रलयोद्भवाः
dinānte tu pralīyante rātryante viśvasambhavaḥ / ṣaṭtriṃśattu sahasrāṇi brahmaṇāṃ pralayodbhavāḥ
Sanskrit only: no published translation is held for this verse.
अव्यक्ते च दिनं प्रोक्तं रुद्राणां तन्निवासिनाम् । तस्मिन् संहरते सर्वं प्रधानस्य दिनक्षये
avyakte ca dinaṃ proktaṃ rudrāṇāṃ tannivāsinām / tasmin saṃharate sarvaṃ pradhānasya dinakṣaye
Sanskrit only: no published translation is held for this verse.
रात्र्यन्ते च सृजेद्भूयः श्रीकण्ठो विश्वनायकः । तस्याप्यनेन न्यायेन परिमाणस्थितिर्भवे
rātryante ca sṛjedbhūyaḥ śrīkaṇṭho viśvanāyakaḥ / tasyāpyanena nyāyena parimāṇasthitirbhave
Sanskrit only: no published translation is held for this verse.
यस्मात् प्रलयकोट्यश्च व्यतीताश्च सहस्रशः । ततो नियतिकालौ च रागो विद्या कला तथा
yasmāt pralayakoṭyaśca vyatītāśca sahasraśaḥ / tato niyatikālau ca rāgo vidyā kalā tathā
Sanskrit only: no published translation is held for this verse.
परस्परं लयं यान्ति क्रमात् सर्वे स्वमानतः । कलाद्यवनिपर्यन्तं गहनेशदिनक्षये
parasparaṃ layaṃ yānti kramāt sarve svamānataḥ / kalādyavaniparyantaṃ gahaneśadinakṣaye
Sanskrit only: no published translation is held for this verse.
नानाभुवनविन्यास- रचनादिविभूषितम् । सगुणाधारपर्यन्त- रुद्रक्षेत्रज्ञसङ्कुलम्
nānābhuvanavinyāsa- racanādivibhūṣitam / saguṇādhāraparyanta- rudrakṣetrajñasaṅkulam
Sanskrit only: no published translation is held for this verse.
गहनेशे लयं याति मूलप्रकृतिकारणे । रात्र्यन्ते जायते भूयो गहनेशप्रचोदनात्
gahaneśe layaṃ yāti mūlaprakṛtikāraṇe / rātryante jāyate bhūyo gahaneśapracodanāt
Sanskrit only: no published translation is held for this verse.
अहोरात्रस्त्वयं प्रोक्तः प्राकृतः परमेश्वरि । प्रलयश्च स एवोक्तो भूतानां परमेश्वरि
ahorātrastvayaṃ proktaḥ prākṛtaḥ parameśvari / pralayaśca sa evokto bhūtānāṃ parameśvari
Sanskrit only: no published translation is held for this verse.
प्राधानिकपरार्धेन दशधागुणितेन तु । माया संहरते सर्वं पुनश्चैव सृजेज्जगत्
prādhānikaparārdhena daśadhāguṇitena tu / māyā saṃharate sarvaṃ punaścaiva sṛjejjagat
Sanskrit only: no published translation is held for this verse.
मायाकालपरार्धस्य शतधागुणितस्य च । ईश्वरः कुरुते सृष्टिं पुनश्च संहरेज्जगत्
māyākālaparārdhasya śatadhāguṇitasya ca / īśvaraḥ kurute sṛṣṭiṃ punaśca saṃharejjagat
Sanskrit only: no published translation is held for this verse.
ततः सदाशिवो देवः स्वमानेन च संहरेत् । सृजते च पुनर्भूय आत्मीये देव्यहर्मुखे
tataḥ sadāśivo devaḥ svamānena ca saṃharet / sṛjate ca punarbhūya ātmīye devyaharmukhe
Sanskrit only: no published translation is held for this verse.
महाप्रलय एवोक्तः सादाख्ये तु दिनद्वये । बिन्दुतत्त्वे लयं याति पञ्चमन्त्रमहातनुः
mahāpralaya evoktaḥ sādākhye tu dinadvaye / bindutattve layaṃ yāti pañcamantramahātanuḥ
Sanskrit only: no published translation is held for this verse.
बिन्दुं चैवार्धचन्द्रं तु भित्त्वा चैव निरोधिकाम् । नादतत्त्वे लयं याति गृहीत्वा सचराचरम्
binduṃ caivārdhacandraṃ tu bhittvā caiva nirodhikām / nādatattve layaṃ yāti gṛhītvā sacarācaram
Sanskrit only: no published translation is held for this verse.
नादः सौषुम्नमार्गेण भित्त्वा ब्रह्मबिलं प्रिये । शक्तितत्त्वे लयं याति शक्तितत्त्वदिनक्षये
nādaḥ sauṣumnamārgeṇa bhittvā brahmabilaṃ priye / śaktitattve layaṃ yāti śaktitattvadinakṣaye
Sanskrit only: no published translation is held for this verse.
परार्धः स तु विज्ञेयः कालस्तु वरवर्णिनि । तच्च शिवतत्त्वस्थस्य व्यापीशस्याप्यहर्मुखम्
parārdhaḥ sa tu vijñeyaḥ kālastu varavarṇini / tacca śivatattvasthasya vyāpīśasyāpyaharmukham
Sanskrit only: no published translation is held for this verse.
ततश्च संसृजेद्भूयो व्यापी व्योमस्वरूपिणि । लीयते सो ऽप्यनन्तेशे सो ऽनाथे सो ऽप्यनाश्रिते
tataśca saṃsṛjedbhūyo vyāpī vyomasvarūpiṇi / līyate so 'pyananteśe so 'nāthe so 'pyanāśrite
Sanskrit only: no published translation is held for this verse.
शक्तिकालपरार्धस्य कोटिधागुणितस्य च । अनाश्रितस्य देवस्य दिनमेतत् प्रकीर्तितम्
śaktikālaparārdhasya koṭidhāguṇitasya ca / anāśritasya devasya dinametat prakīrtitam
Sanskrit only: no published translation is held for this verse.
अनेन परिमाणेन परार्धगुणितेन तु । सो ऽपि याति परं स्थानं कारणं स्वमनाश्रयम्
anena parimāṇena parārdhaguṇitena tu / so 'pi yāti paraṃ sthānaṃ kāraṇaṃ svamanāśrayam
Sanskrit only: no published translation is held for this verse.
स कालः साम्यसंज्ञश्च जन्ममृत्युभयापहः । ततो ऽप्यूर्ध्वममेयस्तु कालः स्यात् परमावधिः
sa kālaḥ sāmyasaṃjñaśca janmamṛtyubhayāpahaḥ / tato 'pyūrdhvamameyastu kālaḥ syāt paramāvadhiḥ
Sanskrit only: no published translation is held for this verse.
नित्यो नित्योदितो देवि अकल्यश्च न कल्यते । स चाधः कलयेत् सर्वं व्यापिन्यादिं धरावधिम्
nityo nityodito devi akalyaśca na kalyate / sa cādhaḥ kalayet sarvaṃ vyāpinyādiṃ dharāvadhim
Sanskrit only: no published translation is held for this verse.
तुट्यादिभिः कलाभिश्च देव्यध्वानं चराचरम् । ऊर्ध्वमुन्मनसो यच्च तत्र कालो न विद्यते
tuṭyādibhiḥ kalābhiśca devyadhvānaṃ carācaram / ūrdhvamunmanaso yacca tatra kālo na vidyate
Sanskrit only: no published translation is held for this verse.
न कल्यः कल्यते कश्चिन् निष्कलः कालवर्जितः । यः शाङ्कर्युन्मनातीतः स नित्यो व्यापको ऽव्ययः
na kalyaḥ kalyate kaścin niṣkalaḥ kālavarjitaḥ / yaḥ śāṅkaryunmanātītaḥ sa nityo vyāpako 'vyayaḥ
Sanskrit only: no published translation is held for this verse.
तस्यादौ यादृशं रूपं कल्पान्ते चैव तादृशम् । अरूपा रूपनिर्मुक्तः सो ऽनादिर्भववर्जितः
tasyādau yādṛśaṃ rūpaṃ kalpānte caiva tādṛśam / arūpā rūpanirmuktaḥ so 'nādirbhavavarjitaḥ
Sanskrit only: no published translation is held for this verse.
सर्वज्ञः सर्वकर्ता च दानादिगुणवर्जितः । स एवापररूपेण उन्मन्या मूर्ध्नि संस्थितः
sarvajñaḥ sarvakartā ca dānādiguṇavarjitaḥ / sa evāpararūpeṇa unmanyā mūrdhni saṃsthitaḥ
Sanskrit only: no published translation is held for this verse.
देवदेवो जगन्नाथः परमात्मा शिवो ऽव्ययः । पर्यानुक्रमयोगेन सो ऽकामात् सृजते जगत्
devadevo jagannāthaḥ paramātmā śivo 'vyayaḥ / paryānukramayogena so 'kāmāt sṛjate jagat
Sanskrit only: no published translation is held for this verse.
देव्युवाच अकामस्य क्रिया नास्ति निष्क्रियश्च सृजेत् कथम् । एवं प्रश्नवरं गुह्यं कथयस्व प्रसादतः
devyuvāca akāmasya kriyā nāsti niṣkriyaśca sṛjet katham / evaṃ praśnavaraṃ guhyaṃ kathayasva prasādataḥ
Sanskrit only: no published translation is held for this verse.
भैरव उवाच आदित्यस्य मणेर्यद्वत् तापिताद्रविरश्मिभिः । वह्निः संजायते तस्माद् रवेस्तत्र न कामिता
bhairava uvāca ādityasya maṇeryadvat tāpitādraviraśmibhiḥ / vahniḥ saṃjāyate tasmād ravestatra na kāmitā
Sanskrit only: no published translation is held for this verse.
मणेरपि न कामित्वं तद्वद्देवस्य चेष्टितम् । आदित्यवच्छिवो ज्ञेयः शक्तिर्मणिरिव स्थिता
maṇerapi na kāmitvaṃ tadvaddevasya ceṣṭitam / ādityavacchivo jñeyaḥ śaktirmaṇiriva sthitā
Sanskrit only: no published translation is held for this verse.
ऋतुकालमिताद्वृक्षात् कालो ऽङ्कुरनियोजकः । यद्वच्छिवसमायोगात् तद्वच्छक्तेर्जगत्स्थितिः
ṛtukālamitādvṛkṣāt kālo 'ṅkuraniyojakaḥ / yadvacchivasamāyogāt tadvacchakterjagatsthitiḥ
Sanskrit only: no published translation is held for this verse.