इति श्रीमहाचार्यशान्तिकरगुणसंसिद्धिमाहात्म्यानुभावप्रकथनप्रवृत्तो नामाध्याय नवमः । दशम अध्यायः श्री धर्म्मधातुस्वयम्भूत्पत्तिधर्म्ममाहात्म्यसुभाषितसूत्रं नाम अथासौ भगवान् भूयो मैत्रेयं तं महामतिं । समालोक्य सभां चापि समामन्त्र्यैवमादिशत्
iti śrīmahācāryaśāntikaraguṇasaṃsiddhimāhātmyānubhāvaprakathanapravṛtto nāmādhyāya navamaḥ / daśama adhyāyaḥ śrī dharmmadhātusvayambhūtpattidharmmamāhātmyasubhāṣitasūtraṃ nāma athāsau bhagavān bhūyo maitreyaṃ taṃ mahāmatiṃ / samālokya sabhāṃ cāpi samāmantryaivamādiśat
Sanskrit only: no published translation is held for this verse.
शृणु मैत्रेय वक्ष्यामि मञ्जुश्रियो जगद्गुरोः । सद्धर्मगुणमाहात्म्यं संबोधिज्ञानदायकं
śṛṇu maitreya vakṣyāmi mañjuśriyo jagadguroḥ / saddharmaguṇamāhātmyaṃ saṃbodhijñānadāyakaṃ
Sanskrit only: no published translation is held for this verse.
यदियं भिक्षुणी चूडा सुशीला ब्रह्मचारिणी । इदं मञ्जुश्रियं श्चैत्यं श्रद्धया समुपाश्रिता
yadiyaṃ bhikṣuṇī cūḍā suśīlā brahmacāriṇī / idaṃ mañjuśriyaṃ ścaityaṃ śraddhayā samupāśritā
Sanskrit only: no published translation is held for this verse.
शुद्धोत्पलस्रजो नित्यं समभ्यर्च्य यथाविधि । स्मृत्वा ध्यात्वा समाराध्य सभक्त्या श्रद्धया सदा
śuddhotpalasrajo nityaṃ samabhyarcya yathāvidhi / smṛtvā dhyātvā samārādhya sabhaktyā śraddhayā sadā
Sanskrit only: no published translation is held for this verse.
आद्यां चले चुले वन्दे स्वाहेति नवमाक्षरं । धारणी परमाविद्यां पठन्ती भजने सदा
ādyāṃ cale cule vande svāheti navamākṣaraṃ / dhāraṇī paramāvidyāṃ paṭhantī bhajane sadā
Sanskrit only: no published translation is held for this verse.
एतन्पुण्यानुभावेन चूण्डेयं भिक्षुणी सती । पञ्चाभिज्ञावती वर्षैर्द्वादशभिर्भवेद् ध्रुवं
etanpuṇyānubhāvena cūṇḍeyaṃ bhikṣuṇī satī / pañcābhijñāvatī varṣairdvādaśabhirbhaved dhruvaṃ
Sanskrit only: no published translation is held for this verse.
ततश्चेयं महाभिज्ञा श्रीसमृद्धिगुणाश्रया । सर्वसत्त्वहितं कृत्वा प्रचरेद् बोधिसंवरं
tataśceyaṃ mahābhijñā śrīsamṛddhiguṇāśrayā / sarvasattvahitaṃ kṛtvā pracared bodhisaṃvaraṃ
Sanskrit only: no published translation is held for this verse.
ततो ऽर्हन्ती महाप्राज्ञा परिशुद्धत्रिमण्डला । त्रिविधां बोधिमासाद्य संबुद्धपदमाप्स्यति
tato 'rhantī mahāprājñā pariśuddhatrimaṇḍalā / trividhāṃ bodhimāsādya saṃbuddhapadamāpsyati
Sanskrit only: no published translation is held for this verse.
एवमन्येपि लोकाश्च चैत्यमञ्जुश्रियो त्रये । पठन्ती धारणीमेनां भजन्ति श्रद्धया सदा
evamanyepi lokāśca caityamañjuśriyo traye / paṭhantī dhāraṇīmenāṃ bhajanti śraddhayā sadā
Sanskrit only: no published translation is held for this verse.
ते ऽपि सर्वे विकल्माषाः परिशुद्धत्रिमण्डलाः । भद्रश्रीसद्गुणाधारा बोधिसत्त्वा जितेन्द्रियाः
te 'pi sarve vikalmāṣāḥ pariśuddhatrimaṇḍalāḥ / bhadraśrīsadguṇādhārā bodhisattvā jitendriyāḥ
Sanskrit only: no published translation is held for this verse.
पञ्चाभिज्ञपदप्राप्ताश्चतुर्ब्रह्मविहारिणः । सर्वसत्त्वहिताधारा चरेयुर्बोधिसम्बरं
pañcābhijñapadaprāptāścaturbrahmavihāriṇaḥ / sarvasattvahitādhārā careyurbodhisambaraṃ
Sanskrit only: no published translation is held for this verse.
ततस्ते बोधिसंभारं पूरयित्वा यथाक्रमं । जित्वा मारगणान् सर्वान् निःक्लेशा विमलेन्द्रियाः
tataste bodhisaṃbhāraṃ pūrayitvā yathākramaṃ / jitvā māragaṇān sarvān niḥkleśā vimalendriyāḥ
Sanskrit only: no published translation is held for this verse.
अर्हन्तो ऽपि महाभिज्ञाः संबोधिसाधनारताः । त्रिविधां बोधिमासाद्य संबुद्धपदमाप्नुयुः
arhanto 'pi mahābhijñāḥ saṃbodhisādhanāratāḥ / trividhāṃ bodhimāsādya saṃbuddhapadamāpnuyuḥ
Sanskrit only: no published translation is held for this verse.
यूयमपिति मत्वात्र चैत्यमञ्जुश्रियस्तथा । पठन्तो धारणीमेनां भजध्वं बोधिमानसाः
yūyamapiti matvātra caityamañjuśriyastathā / paṭhanto dhāraṇīmenāṃ bhajadhvaṃ bodhimānasāḥ
Sanskrit only: no published translation is held for this verse.
एतत्पुण्याभिलिप्ता हि परिशुद्धत्रिमण्डलाः । यूयमपि तथा सर्वे भवेत सुगतात्मजाः
etatpuṇyābhiliptā hi pariśuddhatrimaṇḍalāḥ / yūyamapi tathā sarve bhaveta sugatātmajāḥ
Sanskrit only: no published translation is held for this verse.
बोधिसत्त्वा भद्रश्रीसद्गुणाश्रयाः । महाभिज्ञा जगन्नाथा भवेत भद्रचारिणः
bodhisattvā bhadraśrīsadguṇāśrayāḥ / mahābhijñā jagannāthā bhaveta bhadracāriṇaḥ
Sanskrit only: no published translation is held for this verse.
ततः संबोधिसंभारं पूरयित्वा यथाक्रमं । जित्वा मारगणान् सर्वाश्चतुर्ब्रह्मविहारिणः
tataḥ saṃbodhisaṃbhāraṃ pūrayitvā yathākramaṃ / jitvā māragaṇān sarvāścaturbrahmavihāriṇaḥ
Sanskrit only: no published translation is held for this verse.
अर्हन्तस्त्रिविधां बोधिं प्राप्य बुद्धा भविष्यथ । इति सत्यं परिज्ञाय यदि संबोधिमिच्छथ
arhantastrividhāṃ bodhiṃ prāpya buddhā bhaviṣyatha / iti satyaṃ parijñāya yadi saṃbodhimicchatha
Sanskrit only: no published translation is held for this verse.
अस्मिन् मञ्जुश्रियश्चैत्यं भजध्वं सर्वदा मुदा । इत्यादिष्टं मुनीन्द्रेण निशम्य ते ससांधिकाः
asmin mañjuśriyaścaityaṃ bhajadhvaṃ sarvadā mudā / ityādiṣṭaṃ munīndreṇa niśamya te sasāṃdhikāḥ
Sanskrit only: no published translation is held for this verse.
सर्वलोकास्तथेत्युक्त्वा प्राभ्यनन्दत् प्रबोधिताः । ततः सर्वे ऽपि ते लोका ब्रह्माशक्रादयो ऽमराः
sarvalokāstathetyuktvā prābhyanandat prabodhitāḥ / tataḥ sarve 'pi te lokā brahmāśakrādayo 'marāḥ
Sanskrit only: no published translation is held for this verse.
सर्वे लोकाधिपाश्चापि सार्द्धं परिजनैर्मुदा । भगवन्तं मुनीन्द्रं तं ससंघ संप्रसादिताः
sarve lokādhipāścāpi sārddhaṃ parijanairmudā / bhagavantaṃ munīndraṃ taṃ sasaṃgha saṃprasāditāḥ
Sanskrit only: no published translation is held for this verse.
नत्वा प्रदक्षिणी कृत्वा स्वस्वालयं मुदा ययुः । सर्वे मर्त्या नृपाद्याश्च समन्त्रिजनपौरिकाः
natvā pradakṣiṇī kṛtvā svasvālayaṃ mudā yayuḥ / sarve martyā nṛpādyāśca samantrijanapaurikāḥ
Sanskrit only: no published translation is held for this verse.
ससांधिकं मुनीन्द्रं तं नत्वा स्वस्वालयं ययुः । हारीति यक्षिणीशापि सात्मजा बौद्धरक्षणी
sasāṃdhikaṃ munīndraṃ taṃ natvā svasvālayaṃ yayuḥ / hārīti yakṣiṇīśāpi sātmajā bauddharakṣaṇī
Sanskrit only: no published translation is held for this verse.
त्रिरत्नभजनं कृत्वा धर्मधातोरूपाश्रयत् । ततः स भगवांश्चापि समुत्थाय ससांधिकः
triratnabhajanaṃ kṛtvā dharmadhātorūpāśrayat / tataḥ sa bhagavāṃścāpi samutthāya sasāṃdhikaḥ
Sanskrit only: no published translation is held for this verse.
प्रभासयञ्जगद्भासा जटोद्यानाश्रमे ययौ । तत्र स त्रिजगन्नाथो विहारे सहसांधिकैः
prabhāsayañjagadbhāsā jaṭodyānāśrame yayau / tatra sa trijagannātho vihāre sahasāṃdhikaiḥ
Sanskrit only: no published translation is held for this verse.
सद्धर्म्मसमुपादिश्य विजहार जगद्धिते । इति ते गुरुणादिष्टं श्रुतं मया तथोच्यते
saddharmmasamupādiśya vijahāra jagaddhite / iti te guruṇādiṣṭaṃ śrutaṃ mayā tathocyate
Sanskrit only: no published translation is held for this verse.
श्रुत्वाप्येतन्महाराजा श्रद्धयाभ्यनुमोदय । इति शास्त्रार्हतादिष्टं निशम्य स नराधिपः
śrutvāpyetanmahārājā śraddhayābhyanumodaya / iti śāstrārhatādiṣṭaṃ niśamya sa narādhipaḥ
Sanskrit only: no published translation is held for this verse.
प्रसादितस्तमर्हन्त नत्वा प्राहैवमादरात् । भदन्तोहं समिच्छामि संद्रष्टुं तं स्वयंभुवं
prasāditastamarhanta natvā prāhaivamādarāt / bhadantohaṃ samicchāmi saṃdraṣṭuṃ taṃ svayaṃbhuvaṃ
Sanskrit only: no published translation is held for this verse.
तन्नैपाले प्रगच्छामि तदनुज्ञां प्रदेहि मे । इति संप्रार्थितं राज्ञा श्रुत्वा सोर्हन्यतिर्मुदा
tannaipāle pragacchāmi tadanujñāṃ pradehi me / iti saṃprārthitaṃ rājñā śrutvā sorhanyatirmudā
Sanskrit only: no published translation is held for this verse.
नृपतिं तं महासत्त्वं संपश्यन्नेवमादिश्यत् । साधु राजन् समिच्छा ते यद्यस्ति तं स्वयम्भुवं
nṛpatiṃ taṃ mahāsattvaṃ saṃpaśyannevamādiśyat / sādhu rājan samicchā te yadyasti taṃ svayambhuvaṃ
Sanskrit only: no published translation is held for this verse.
द्रष्टुं गच्छ समाराध्य भज श्रद्धासमन्वितः । सर्वतीर्थेषु च स्नात्वा दत्वा दानं यथेप्सितं
draṣṭuṃ gaccha samārādhya bhaja śraddhāsamanvitaḥ / sarvatīrtheṣu ca snātvā datvā dānaṃ yathepsitaṃ
Sanskrit only: no published translation is held for this verse.
वीतरागां समाराध्य समभ्यर्च्यभिजादरात् । धर्मोदयां महादेवीं खगाननां जिनेश्वरीं
vītarāgāṃ samārādhya samabhyarcyabhijādarāt / dharmodayāṃ mahādevīṃ khagānanāṃ jineśvarīṃ
Sanskrit only: no published translation is held for this verse.
श्रद्धया समुपाश्रित्य समभ्यर्च्य भजादरात् । पञ्चपुरास्थिताः पञ्च देवताश्च यथाविधि
śraddhayā samupāśritya samabhyarcya bhajādarāt / pañcapurāsthitāḥ pañca devatāśca yathāvidhi
Sanskrit only: no published translation is held for this verse.
समाराध्य समभ्यर्च्य भज भक्त्या समादरात् । मञ्जुदेवस्य चैत्यं च समालोक्य यथाविधि
samārādhya samabhyarcya bhaja bhaktyā samādarāt / mañjudevasya caityaṃ ca samālokya yathāvidhi
Sanskrit only: no published translation is held for this verse.
समाराध्य समभ्यर्च्य भजेनां धारणीं पठन् । आचार्य च गुहासीनं समाधिध्यानसंस्थितं
samārādhya samabhyarcya bhajenāṃ dhāraṇīṃ paṭhan / ācārya ca guhāsīnaṃ samādhidhyānasaṃsthitaṃ
Sanskrit only: no published translation is held for this verse.
ध्यात्वाराध्य समभ्यर्च्य नत्वा भज समादरात् । एवमन्यान् महासत्त्वान् धर्म्मधातोरूपासकान्
dhyātvārādhya samabhyarcya natvā bhaja samādarāt / evamanyān mahāsattvān dharmmadhātorūpāsakān
Sanskrit only: no published translation is held for this verse.
सर्वानपि समाराध्य समभ्यर्च्य प्रणामय । एतत्पुण्यविशुद्धात्मा भद्रश्री सद्गुणाश्रयः
sarvānapi samārādhya samabhyarcya praṇāmaya / etatpuṇyaviśuddhātmā bhadraśrī sadguṇāśrayaḥ
Sanskrit only: no published translation is held for this verse.
बोधिसत्त्वा महासत्त्वा जगद्भर्त्ता भवेदपि । ततः संबोधिसंभारं पूरयित्वा यथाक्रमं
bodhisattvā mahāsattvā jagadbharttā bhavedapi / tataḥ saṃbodhisaṃbhāraṃ pūrayitvā yathākramaṃ
Sanskrit only: no published translation is held for this verse.
अर्हन्संबोधिमासाद्य संबुद्धपदमाप्स्यसि । इति सत्यं परिज्ञाय संबोधि यदि वाञ्छसि
arhansaṃbodhimāsādya saṃbuddhapadamāpsyasi / iti satyaṃ parijñāya saṃbodhi yadi vāñchasi
Sanskrit only: no published translation is held for this verse.
गत्वा तत्र महोत्साहैर्धर्म्मधातुं विलोक्य तं । यथाविधि समाराध्य भजस्व समुपाश्रितः
gatvā tatra mahotsāhairdharmmadhātuṃ vilokya taṃ / yathāvidhi samārādhya bhajasva samupāśritaḥ
Sanskrit only: no published translation is held for this verse.
गच्छ ते मङ्गलं भुयात् सिध्यतु ते समीहितं । यथेच्छया समालोक्य समायाहि प्रमोदितः
gaccha te maṅgalaṃ bhuyāt sidhyatu te samīhitaṃ / yathecchayā samālokya samāyāhi pramoditaḥ
Sanskrit only: no published translation is held for this verse.
इति शास्त्रा समादिष्टं श्रुत्वा स नृपतिर्मुदा । तं गुरुं साञ्जलिर्नत्वा प्राप्यानुज्ञामनन्दतः
iti śāstrā samādiṣṭaṃ śrutvā sa nṛpatirmudā / taṃ guruṃ sāñjalirnatvā prāpyānujñāmanandataḥ
Sanskrit only: no published translation is held for this verse.
ततः स नृपती राजा समन्त्रिजनपौरिकाः । राजर्द्धि मंगलोत्साहैः संप्रस्थितो मुदाचरत्
tataḥ sa nṛpatī rājā samantrijanapaurikāḥ / rājarddhi maṃgalotsāhaiḥ saṃprasthito mudācarat
Sanskrit only: no published translation is held for this verse.
तत्र मार्गे स राजेन्द्रः सर्वान् लोकान् प्रसादयन् । महोत्साहैश्चरन्नाशु नैपालं समुपाययौ
tatra mārge sa rājendraḥ sarvān lokān prasādayan / mahotsāhaiścarannāśu naipālaṃ samupāyayau
Sanskrit only: no published translation is held for this verse.
तत्र प्राप्तः समालोक्य दूरात् तं श्रीस्वयंम्भुवं । साञ्जलि प्रणतिं कृत्वा प्रमनाः सहसा चरेत्
tatra prāptaḥ samālokya dūrāt taṃ śrīsvayaṃmbhuvaṃ / sāñjali praṇatiṃ kṛtvā pramanāḥ sahasā caret
Sanskrit only: no published translation is held for this verse.
तत्र सर्वत्र संवीक्ष्य शुभोत्साहप्रवर्त्तितं । विस्मयानन्दितान्सा स नृपतिः समुपासरेत्
tatra sarvatra saṃvīkṣya śubhotsāhapravarttitaṃ / vismayānanditānsā sa nṛpatiḥ samupāsaret
Sanskrit only: no published translation is held for this verse.
तत्र सर्वेषु तीर्थेषु क्रमेण स नराधिपः । स्नात्वार्थिभ्यो यथाकामं ददौ दानं चरन् व्रतं
tatra sarveṣu tīrtheṣu krameṇa sa narādhipaḥ / snātvārthibhyo yathākāmaṃ dadau dānaṃ caran vrataṃ
Sanskrit only: no published translation is held for this verse.
ततो ऽष्टौ वीतरागान् स नृपतिर्वीक्ष्य हर्षितः । यथाविधि समाराध्य भजत्यर्च्य यथाविधि
tato 'ṣṭau vītarāgān sa nṛpatirvīkṣya harṣitaḥ / yathāvidhi samārādhya bhajatyarcya yathāvidhi
Sanskrit only: no published translation is held for this verse.
ततो मुदाचरन् वीक्ष्य धर्म्मधातुं जिनालयं । यथाविधि समाराध्य समभ्यर्च्याभजन् क्रमात्
tato mudācaran vīkṣya dharmmadhātuṃ jinālayaṃ / yathāvidhi samārādhya samabhyarcyābhajan kramāt
Sanskrit only: no published translation is held for this verse.
ततो वायुपुरे वायुदेवतां सगणां मुदा । यथाविधि समाराध्य समभ्यच्यनितोभजत
tato vāyupure vāyudevatāṃ sagaṇāṃ mudā / yathāvidhi samārādhya samabhyacyanitobhajata
Sanskrit only: no published translation is held for this verse.
ततश्चाग्निपुरे वह्निदेवताः सगणामपि । यथाविधि समाराध्य संपूज्याभजदादरात्
tataścāgnipure vahnidevatāḥ sagaṇāmapi / yathāvidhi samārādhya saṃpūjyābhajadādarāt
Sanskrit only: no published translation is held for this verse.
ततो नागपुरे नागदेवताःसगणा अपि । यथाविधि समाराध्य समभ्यर्च्या मुदाभजत्
tato nāgapure nāgadevatāḥsagaṇā api / yathāvidhi samārādhya samabhyarcyā mudābhajat
Sanskrit only: no published translation is held for this verse.
ततो वसुपुरे देवीं सगणां श्रीवसुन्धरां । यथाविधि समाराध्य भजत्यर्च्य समादरात्
tato vasupure devīṃ sagaṇāṃ śrīvasundharāṃ / yathāvidhi samārādhya bhajatyarcya samādarāt
Sanskrit only: no published translation is held for this verse.
ततः शान्तिपुरे श्रीमत्सम्बरं सगणं तथा । यथाविधि समाराध्य समभ्यर्च्य मुदाभजत्
tataḥ śāntipure śrīmatsambaraṃ sagaṇaṃ tathā / yathāvidhi samārādhya samabhyarcya mudābhajat
Sanskrit only: no published translation is held for this verse.
ततः शान्तिकराचार्य समाधिध्यानसंस्थितं । ध्यात्वाराध्य समभ्यर्च्य प्राभजन् संप्रमोदितः
tataḥ śāntikarācārya samādhidhyānasaṃsthitaṃ / dhyātvārādhya samabhyarcya prābhajan saṃpramoditaḥ
Sanskrit only: no published translation is held for this verse.
ततो धर्म्मोदया देवी खगाननां महेश्वरीं । यथाविधि समाराध्य समभ्यर्च्य मुदाभजत्
tato dharmmodayā devī khagānanāṃ maheśvarīṃ / yathāvidhi samārādhya samabhyarcya mudābhajat
Sanskrit only: no published translation is held for this verse.
सम्बुद्धं पुण्डरीकाक्षं सर्वज्ञ करुणास्पदं । समन्तभद्रशास्तारं शाक्यसिंहं नमाम्यहं
sambuddhaṃ puṇḍarīkākṣaṃ sarvajña karuṇāspadaṃ / samantabhadraśāstāraṃ śākyasiṃhaṃ namāmyahaṃ
Sanskrit only: no published translation is held for this verse.
श्रीघनं श्रीमतिं श्रेष्ठं शीलराशिं शिवकरं । श्रीमन्तं श्रीकरं शान्तं शान्तिमूर्ति नमाम्यहम्
śrīghanaṃ śrīmatiṃ śreṣṭhaṃ śīlarāśiṃ śivakaraṃ / śrīmantaṃ śrīkaraṃ śāntaṃ śāntimūrti namāmyaham
Sanskrit only: no published translation is held for this verse.
नैरात्मवादिनं सिंहं निरवद्यं निराश्रवं । नीतिज्ञं निर्मलात्मानं निष्कलंकं नमाम्यहम्
nairātmavādinaṃ siṃhaṃ niravadyaṃ nirāśravaṃ / nītijñaṃ nirmalātmānaṃ niṣkalaṃkaṃ namāmyaham
Sanskrit only: no published translation is held for this verse.
निर्द्वन्द्वं निरहंकारं निर्विकल्पं तथागतं । निर्द्धूतनिखिलक्लेशं निष्प्रपंचं नमाम्यहं
nirdvandvaṃ nirahaṃkāraṃ nirvikalpaṃ tathāgataṃ / nirddhūtanikhilakleśaṃ niṣprapaṃcaṃ namāmyahaṃ
Sanskrit only: no published translation is held for this verse.
विश्वेश्वरं विशेषो ऽहं विश्वरूपं विनायकं । विश्वलक्षणसंपूर्ण्ण वीतरागं नमाम्यहं
viśveśvaraṃ viśeṣo 'haṃ viśvarūpaṃ vināyakaṃ / viśvalakṣaṇasaṃpūrṇṇa vītarāgaṃ namāmyahaṃ
Sanskrit only: no published translation is held for this verse.
विधावरेण संपन्नं विश्वेशम्विमलप्रभं । विनीतवेगं विमलं वीतमोहं नमाम्यहं
vidhāvareṇa saṃpannaṃ viśveśamvimalaprabhaṃ / vinītavegaṃ vimalaṃ vītamohaṃ namāmyahaṃ
Sanskrit only: no published translation is held for this verse.
दुदन्तिदमकं शान्तं शुद्धं पञ्चजिनालयं । सुगतिं सुश्रुतं सौम्यं शुभ्रकीर्त्ति नमाम्यहं
dudantidamakaṃ śāntaṃ śuddhaṃ pañcajinālayaṃ / sugatiṃ suśrutaṃ saumyaṃ śubhrakīrtti namāmyahaṃ
Sanskrit only: no published translation is held for this verse.
योगीश्वरं दशबलं लोकज्ञं लोकपूजितं । लोकाचार्य लोकमूर्तिं लोकानाथं नमाम्यहं
yogīśvaraṃ daśabalaṃ lokajñaṃ lokapūjitaṃ / lokācārya lokamūrtiṃ lokānāthaṃ namāmyahaṃ
Sanskrit only: no published translation is held for this verse.
कलंकमुक्तिं कामारिं सकलैकं कलाधरं । कान्तमूर्ति दयापात्रं कनकाभं नमाम्यहं
kalaṃkamuktiṃ kāmāriṃ sakalaikaṃ kalādharaṃ / kāntamūrti dayāpātraṃ kanakābhaṃ namāmyahaṃ
Sanskrit only: no published translation is held for this verse.
ततो मञ्जुश्रियश्चैत्यं धर्मधातुमुपाश्रयन् । यथाविधि समाराध्य समभ्यर्च्यानतोभजत्
tato mañjuśriyaścaityaṃ dharmadhātumupāśrayan / yathāvidhi samārādhya samabhyarcyānatobhajat
Sanskrit only: no published translation is held for this verse.
ततो मुदा चरन् वीक्ष्य धर्मधातुं जिनालयं । यथाविधि समाराध्य समभ्यर्च्याभजन् मुदा
tato mudā caran vīkṣya dharmadhātuṃ jinālayaṃ / yathāvidhi samārādhya samabhyarcyābhajan mudā
Sanskrit only: no published translation is held for this verse.
भक्त्या परमयास्तौषीजिनालयं स्वयंभुवं । ज्योतीरूपाय चैतन्यं रूपाय भवते नमः
bhaktyā paramayāstauṣījinālayaṃ svayaṃbhuvaṃ / jyotīrūpāya caitanyaṃ rūpāya bhavate namaḥ
Sanskrit only: no published translation is held for this verse.
मुरादिनिधनाय श्रीदात्रे प्रणवरुपिणे । विश्वतोमुखरुपाय भक्तवत्सल ते नमः
murādinidhanāya śrīdātre praṇavarupiṇe / viśvatomukharupāya bhaktavatsala te namaḥ
Sanskrit only: no published translation is held for this verse.
पृथ्व्यादिभूतनिर्मात्रे जगद्वंद्यायते नमः । जगत्स्रष्टे जगत्पात्रे जगद्धर्त्रे नमो नमः
pṛthvyādibhūtanirmātre jagadvaṃdyāyate namaḥ / jagatsraṣṭe jagatpātre jagaddhartre namo namaḥ
Sanskrit only: no published translation is held for this verse.
ध्यानगम्याय ध्येयाय चर्तुवर्गप्रदायिने । एवं स्तुत्वा अशोकः स पुनः क्षमापनं व्यधात्
dhyānagamyāya dhyeyāya cartuvargapradāyine / evaṃ stutvā aśokaḥ sa punaḥ kṣamāpanaṃ vyadhāt
Sanskrit only: no published translation is held for this verse.
एवं स नृपतिः सर्वान् धर्मधातोरुपासकान् । महासत्त्वान् समभ्यर्च्य सत्कृत्य समतोषयत्
evaṃ sa nṛpatiḥ sarvān dharmadhātorupāsakān / mahāsattvān samabhyarcya satkṛtya samatoṣayat
Sanskrit only: no published translation is held for this verse.
एवं स नृपराजः श्री धर्मधतोरूपाश्रितः । त्रिरत्नभजनं कृत्वा प्राचरद् बोधिसम्बरं
evaṃ sa nṛparājaḥ śrī dharmadhatorūpāśritaḥ / triratnabhajanaṃ kṛtvā prācarad bodhisambaraṃ
Sanskrit only: no published translation is held for this verse.
ततः स नन्दितो राजा समन्त्रिजनपौरिकः । नत्वा प्रदक्षिणीकृत्य धर्म्मधातुं मुदाचरत्
tataḥ sa nandito rājā samantrijanapaurikaḥ / natvā pradakṣiṇīkṛtya dharmmadhātuṃ mudācarat
Sanskrit only: no published translation is held for this verse.
ततश्चरन् स भूमीन्द्रो महोत्साहैः प्रमोदितः । सहसा पुरमासाद्य विहार समुपाचरत्
tataścaran sa bhūmīndro mahotsāhaiḥ pramoditaḥ / sahasā puramāsādya vihāra samupācarat
Sanskrit only: no published translation is held for this verse.
तत्रोपेत्य तमर्हन्तमुपगुप्तससांधिकं । समीक्ष्य सञ्जलिर्नत्वा सभैकान्तं समाश्रयत्
tatropetya tamarhantamupaguptasasāṃdhikaṃ / samīkṣya sañjalirnatvā sabhaikāntaṃ samāśrayat
Sanskrit only: no published translation is held for this verse.
तं समायातमालोक्य सो ऽर्हे शास्ता प्रसन्नदृक् । स्वागतं कुशलं कच्चिन्नृपतिं पर्यपृच्छत
taṃ samāyātamālokya so 'rhe śāstā prasannadṛk / svāgataṃ kuśalaṃ kaccinnṛpatiṃ paryapṛcchata
Sanskrit only: no published translation is held for this verse.
तच्छुत्वा स महीपालः शास्तारं तं कृताञ्जलिः । प्रणत्वा सुप्रसन्नास्यः संपश्यन्नेवमब्रवीत्
tacchutvā sa mahīpālaḥ śāstāraṃ taṃ kṛtāñjaliḥ / praṇatvā suprasannāsyaḥ saṃpaśyannevamabravīt
Sanskrit only: no published translation is held for this verse.
समागतोस्म्यहं शास्तर्भवत्कृपानुभावतः । कुशलं मे कथं न स्यात् सर्वत्रापि सदापि हि
samāgatosmyahaṃ śāstarbhavatkṛpānubhāvataḥ / kuśalaṃ me kathaṃ na syāt sarvatrāpi sadāpi hi
Sanskrit only: no published translation is held for this verse.
भवत्कृपानुभावेन नेपाले ऽहं मुदाचरन् । दृष्ट्वा सर्वेषु तीर्थेषु स्नात्वा दानं यथेप्सितं
bhavatkṛpānubhāvena nepāle 'haṃ mudācaran / dṛṣṭvā sarveṣu tīrtheṣu snātvā dānaṃ yathepsitaṃ
Sanskrit only: no published translation is held for this verse.
तथाष्टौ वीतरागाश्च समालोक्य प्रमादितः । यथाविधि समाराध्य समभ्यर्च्यभिजं क्रमात्
tathāṣṭau vītarāgāśca samālokya pramāditaḥ / yathāvidhi samārādhya samabhyarcyabhijaṃ kramāt
Sanskrit only: no published translation is held for this verse.
ततः समीक्ष्य तं श्रीमद्धर्म्मधातुं स्वयंभुवं । यथाविधि समाराध्य समभ्यर्च्याभजन् मुदा
tataḥ samīkṣya taṃ śrīmaddharmmadhātuṃ svayaṃbhuvaṃ / yathāvidhi samārādhya samabhyarcyābhajan mudā
Sanskrit only: no published translation is held for this verse.
ततो वायुपुरे वायुदेवताभ्यर्च्चिता मया । ततश्चाग्निपुरे वह्निर्देवतापि मयार्च्चिता
tato vāyupure vāyudevatābhyarccitā mayā / tataścāgnipure vahnirdevatāpi mayārccitā
Sanskrit only: no published translation is held for this verse.
तथा नागपुरे नागराजांश्चापि मयार्च्चिता । तथा तथा वसुपुरे देवी वसुन्धरां समर्च्चिता
tathā nāgapure nāgarājāṃścāpi mayārccitā / tathā tathā vasupure devī vasundharāṃ samarccitā
Sanskrit only: no published translation is held for this verse.
ततः शान्तिपुरे श्रीमत्सम्बरश्च समर्च्चितः । ततः शान्तिकराचार्यः समालोक्य मयार्चितः
tataḥ śāntipure śrīmatsambaraśca samarccitaḥ / tataḥ śāntikarācāryaḥ samālokya mayārcitaḥ
Sanskrit only: no published translation is held for this verse.
देवीं खगाननां चापि समाराध्य समर्चिता । मञ्जुदेवस्य चैत्यं च यथाविधि समर्चितं
devīṃ khagānanāṃ cāpi samārādhya samarcitā / mañjudevasya caityaṃ ca yathāvidhi samarcitaṃ
Sanskrit only: no published translation is held for this verse.
एवं भदन्त तत्रोपच्छन्दोहे पुण्यभूतले । यथाविधि समाराध्य सर्वदेवा मयार्चिताः
evaṃ bhadanta tatropacchandohe puṇyabhūtale / yathāvidhi samārādhya sarvadevā mayārcitāḥ
Sanskrit only: no published translation is held for this verse.
एतत्पुण्यं मया लब्धं भवत्कृपानुभावतः । तदत्र जन्मसाफल्यं जीवितं चापि मे ऽधुना
etatpuṇyaṃ mayā labdhaṃ bhavatkṛpānubhāvataḥ / tadatra janmasāphalyaṃ jīvitaṃ cāpi me 'dhunā
Sanskrit only: no published translation is held for this verse.
तथात्र सर्वदा शास्त धर्मधातुं जिनालयं । स्मृत्वा नाम समुच्चार्य ध्यात्वा भजेय मा भवं
tathātra sarvadā śāsta dharmadhātuṃ jinālayaṃ / smṛtvā nāma samuccārya dhyātvā bhajeya mā bhavaṃ
Sanskrit only: no published translation is held for this verse.
इति राज्ञा समाख्यातं श्रुत्वा सो ऽर्ह प्रसादितः । नृपति तं समालोक्य पुनरेवं समादिशत्
iti rājñā samākhyātaṃ śrutvā so 'rha prasāditaḥ / nṛpati taṃ samālokya punarevaṃ samādiśat
Sanskrit only: no published translation is held for this verse.
धन्यो ऽसि यत्महाराजधर्मधातुं जिनालयं । स्मृत्वा ध्यात्वापि संभक्तुंमिच्छसे ऽत्र सदा भज
dhanyo 'si yatmahārājadharmadhātuṃ jinālayaṃ / smṛtvā dhyātvāpi saṃbhaktuṃmicchase 'tra sadā bhaja
Sanskrit only: no published translation is held for this verse.
एतत्पुण्यविशुद्धात्मा भद्रश्रीसद्गुणाश्रयः । बोधिसत्त्वो महासत्त्वः सर्वधर्माधिपो भवेः
etatpuṇyaviśuddhātmā bhadraśrīsadguṇāśrayaḥ / bodhisattvo mahāsattvaḥ sarvadharmādhipo bhaveḥ
Sanskrit only: no published translation is held for this verse.
ततः संबोधिसंभारं पूरयित्वा यथाक्रमं । अर्हन्स्त्रिबोधिमासाद्य ध्रुवं बुद्धपदं लभेः
tataḥ saṃbodhisaṃbhāraṃ pūrayitvā yathākramaṃ / arhanstribodhimāsādya dhruvaṃ buddhapadaṃ labheḥ
Sanskrit only: no published translation is held for this verse.
समुत्पत्तिकथां तस्य धर्मधातोः स्वयंभुवः । श्रुत्वापि यत्महत्पुण्यं संबोधिसाधनं लभेत्
samutpattikathāṃ tasya dharmadhātoḥ svayaṃbhuvaḥ / śrutvāpi yatmahatpuṇyaṃ saṃbodhisādhanaṃ labhet
Sanskrit only: no published translation is held for this verse.
इति मत्वा समुत्पत्तिकथां तस्य स्वयंभुवः । सत्कृत्य श्रद्धया मर्त्याः श्रोतुमर्हन्ति सर्वथा
iti matvā samutpattikathāṃ tasya svayaṃbhuvaḥ / satkṛtya śraddhayā martyāḥ śrotumarhanti sarvathā
Sanskrit only: no published translation is held for this verse.
समुत्पत्तिकथां तस्य धर्मधातोः स्वयंभुवः । शृण्वन्ति ये नरा भक्त्या सत्कृत्य श्रद्धया मुदा
samutpattikathāṃ tasya dharmadhātoḥ svayaṃbhuvaḥ / śṛṇvanti ye narā bhaktyā satkṛtya śraddhayā mudā
Sanskrit only: no published translation is held for this verse.
दुर्गतिं ते न गच्छन्ति कुत्रापि हि कदाचन् । सदा सद्गतिसंजाता भद्रश्रीसद्गुणाश्रयाः
durgatiṃ te na gacchanti kutrāpi hi kadācan / sadā sadgatisaṃjātā bhadraśrīsadguṇāśrayāḥ
Sanskrit only: no published translation is held for this verse.
सर्वसत्त्वहिताधानबोधिचर्याव्रतारताः । महाभिज्ञा जगन्नाथा भवेयुः सुगतात्मजाः
sarvasattvahitādhānabodhicaryāvratāratāḥ / mahābhijñā jagannāthā bhaveyuḥ sugatātmajāḥ
Sanskrit only: no published translation is held for this verse.
क्रमेण बोधिसम्भारं पूरयित्वा जगद्धिते । अर्हन्तत्रिविधां बोधिं प्राप्येयुः सौगतं पदं
krameṇa bodhisambhāraṃ pūrayitvā jagaddhite / arhantatrividhāṃ bodhiṃ prāpyeyuḥ saugataṃ padaṃ
Sanskrit only: no published translation is held for this verse.
इति मत्वा महाराज श्रोतव्यं श्रद्धयादरात् । स्वयम्भूगुणमाहात्म्यं दुर्ल्लभं बोधिवाञ्छिभिः
iti matvā mahārāja śrotavyaṃ śraddhayādarāt / svayambhūguṇamāhātmyaṃ durllabhaṃ bodhivāñchibhiḥ
Sanskrit only: no published translation is held for this verse.
शृण्वन्ति ये नरा भक्त्या सत्कृत्य श्रद्धया मुदा । स्वयंभूगुणमाहात्म्यसद्धर्मश्रीगुणार्थदं
śṛṇvanti ye narā bhaktyā satkṛtya śraddhayā mudā / svayaṃbhūguṇamāhātmyasaddharmaśrīguṇārthadaṃ
Sanskrit only: no published translation is held for this verse.
ते ऽपि न दुर्गतिं यायुः सदासद्गतिसंगताः । भद्रश्रीसद्गुणाधारा भवेयुर्बोधिलाभिनः
te 'pi na durgatiṃ yāyuḥ sadāsadgatisaṃgatāḥ / bhadraśrīsadguṇādhārā bhaveyurbodhilābhinaḥ
Sanskrit only: no published translation is held for this verse.
तस्मादेतत्महत्पुण्यं श्रुत्वा ध्यात्वा सदादरात् । स्मृत्वा नाम समुच्चार्य संभक्तव्यं स्वयंभुवं
tasmādetatmahatpuṇyaṃ śrutvā dhyātvā sadādarāt / smṛtvā nāma samuccārya saṃbhaktavyaṃ svayaṃbhuvaṃ
Sanskrit only: no published translation is held for this verse.
अहमपि पुरा राजन् धर्म्मधातोः स्वयंभुवः । श्रुत्वा सद्गुणसांकथ्यं बभूव संप्रमोदितः
ahamapi purā rājan dharmmadhātoḥ svayaṃbhuvaḥ / śrutvā sadguṇasāṃkathyaṃ babhūva saṃpramoditaḥ
Sanskrit only: no published translation is held for this verse.
ततो ऽहं सहसा तत्र नेपाले समुपाचरंत् । स्नात्वा सर्वेषु तीर्थेषु ददौ दानं यथेप्सितं
tato 'haṃ sahasā tatra nepāle samupācaraṃt / snātvā sarveṣu tīrtheṣu dadau dānaṃ yathepsitaṃ
Sanskrit only: no published translation is held for this verse.
अष्टौ तान् वीतरागांश्च समाराध्य मयार्चिताः । देवीं खगाननां चापि समाराध्य समर्चिता
aṣṭau tān vītarāgāṃśca samārādhya mayārcitāḥ / devīṃ khagānanāṃ cāpi samārādhya samarcitā
Sanskrit only: no published translation is held for this verse.
मञ्जुदेवस्य चैत्यं च समाराध्य समर्चितं । पञ्च पुरा स्थिता पञ्च देवताश्च समर्चिताः
mañjudevasya caityaṃ ca samārādhya samarcitaṃ / pañca purā sthitā pañca devatāśca samarcitāḥ
Sanskrit only: no published translation is held for this verse.
तथा शान्तिकराचार्यः समालोक्य समर्चितः । ततःशरणमाश्रित्य धर्मधातो स्वयंभुवः
tathā śāntikarācāryaḥ samālokya samarcitaḥ / tataḥśaraṇamāśritya dharmadhāto svayaṃbhuvaḥ
Sanskrit only: no published translation is held for this verse.
सत्कृत्य श्रद्धया नित्यं समाराध्य मुदा भजं । एवं तत्र सदाश्रित्य धर्मधातोरूपासकः
satkṛtya śraddhayā nityaṃ samārādhya mudā bhajaṃ / evaṃ tatra sadāśritya dharmadhātorūpāsakaḥ
Sanskrit only: no published translation is held for this verse.
त्रिरत्नभजनं कृत्वा प्राचरन् बोधिसंबरं । एतत्पुण्यविशुद्धात्मा परिशुद्धत्रिमण्डलः
triratnabhajanaṃ kṛtvā prācaran bodhisaṃbaraṃ / etatpuṇyaviśuddhātmā pariśuddhatrimaṇḍalaḥ
Sanskrit only: no published translation is held for this verse.
अहं बोधिं समासाद्य जिनात्मजा भवे ऽधुना । इति विज्ञाय मानुष्या वाञ्छन्ति ये सुनिर्वृतिं
ahaṃ bodhiṃ samāsādya jinātmajā bhave 'dhunā / iti vijñāya mānuṣyā vāñchanti ye sunirvṛtiṃ
Sanskrit only: no published translation is held for this verse.
धर्मधातुं समाराध्य भजन्तु ते सदा मुदा । स्मृत्वा ध्यात्वा च नामापि समुच्चार्य समादरात्
dharmadhātuṃ samārādhya bhajantu te sadā mudā / smṛtvā dhyātvā ca nāmāpi samuccārya samādarāt
Sanskrit only: no published translation is held for this verse.
समालोक्य प्रणत्वापि भजन्तु तं जिनालयं । ये भजन्ति सदा स्मृत्वा ध्यात्वा नत्वा जिनालयं
samālokya praṇatvāpi bhajantu taṃ jinālayaṃ / ye bhajanti sadā smṛtvā dhyātvā natvā jinālayaṃ
Sanskrit only: no published translation is held for this verse.
द्रुतं संबोधिमासाद्य संबुद्धपदमाप्नुयुः । इति सत्यं समाख्यातं सर्वैरपि मुनीश्वरैः
drutaṃ saṃbodhimāsādya saṃbuddhapadamāpnuyuḥ / iti satyaṃ samākhyātaṃ sarvairapi munīśvaraiḥ
Sanskrit only: no published translation is held for this verse.
श्रुत्वानुमोद्य तं धर्मधातुं स्मृत्वा भजन्त्वलं । सुभाषितमिदं येपि श्रुत्वानुमोदिताशयाः
śrutvānumodya taṃ dharmadhātuṃ smṛtvā bhajantvalaṃ / subhāṣitamidaṃ yepi śrutvānumoditāśayāḥ
Sanskrit only: no published translation is held for this verse.
धर्मधातुमनुस्मृत्वा ध्यात्वा भजन्ति सर्वदा । ते ऽपि चैतत्महत्पुण्यपरिशुद्धत्रिमण्डलाः
dharmadhātumanusmṛtvā dhyātvā bhajanti sarvadā / te 'pi caitatmahatpuṇyapariśuddhatrimaṇḍalāḥ
Sanskrit only: no published translation is held for this verse.
भद्रश्रीसद्गुणाधाराश्चतुर्ब्रह्मविहारिणः । बोधिसत्त्वा महासत्त्वा महाभिज्ञाः शुभेन्द्रियाः
bhadraśrīsadguṇādhārāścaturbrahmavihāriṇaḥ / bodhisattvā mahāsattvā mahābhijñāḥ śubhendriyāḥ
Sanskrit only: no published translation is held for this verse.
द्रुतं संबोधिमासाद्य संबुद्धपदमाप्नुयुः । इति मे गुरुणादिष्टं श्रुतं मया तथोच्यते
drutaṃ saṃbodhimāsādya saṃbuddhapadamāpnuyuḥ / iti me guruṇādiṣṭaṃ śrutaṃ mayā tathocyate
Sanskrit only: no published translation is held for this verse.
त्वमपीदं सदा लोका श्रावयित्वानुमोदय । एतत्पुण्यानुभावेन सर्वत्र सर्वदापि ते
tvamapīdaṃ sadā lokā śrāvayitvānumodaya / etatpuṇyānubhāvena sarvatra sarvadāpi te
Sanskrit only: no published translation is held for this verse.
निरुत्पातं शुभोत्साहं भवेन्नूनं नराधिपः । इति तेनार्हतादिष्टं श्रुत्वाशोको नृपो मुदा
nirutpātaṃ śubhotsāhaṃ bhavennūnaṃ narādhipaḥ / iti tenārhatādiṣṭaṃ śrutvāśoko nṛpo mudā
Sanskrit only: no published translation is held for this verse.