मैत्रेयादि समालोकाः सर्वे ऽपि संप्रसेदिरे । इति स्वयम्भूधर्मधातु समुत्पत्ति निदानकथा प्रथमो ऽध्यायः समाप्तः । द्वितीय अध्याय पूजाफलवर्णनो नाम अथ धीमान् महासत्त्वो मैत्रेयः स जिनात्मजः । भगवन्तं पुनर्नत्वा साञ्जलिरेवमब्रवीत्
maitreyādi samālokāḥ sarve 'pi saṃprasedire / iti svayambhūdharmadhātu samutpatti nidānakathā prathamo 'dhyāyaḥ samāptaḥ / dvitīya adhyāya pūjāphalavarṇano nāma atha dhīmān mahāsattvo maitreyaḥ sa jinātmajaḥ / bhagavantaṃ punarnatvā sāñjalirevamabravīt
Sanskrit only: no published translation is held for this verse.
भगवच्छ्रोतुमिच्छामि स्वयम्भूत्पत्ति सत्कथां । तद्भवान्समुपाख्यातुं लोकानां संप्रवोधने
bhagavacchrotumicchāmi svayambhūtpatti satkathāṃ / tadbhavānsamupākhyātuṃ lokānāṃ saṃpravodhane
Sanskrit only: no published translation is held for this verse.
इति संप्रार्थितं तेन मैत्रेयेण सुधीमता । भगवान्स्तान् सभालोकान् सम्पश्यन्नेवमादिशत्
iti saṃprārthitaṃ tena maitreyeṇa sudhīmatā / bhagavānstān sabhālokān sampaśyannevamādiśat
Sanskrit only: no published translation is held for this verse.
साधु मैत्रेय सर्वे ऽपि सभालोकाः समादरात् । शृणुध्वं संप्रवक्षामि स्वयम्भूत्पत्तिसत्कथां
sādhu maitreya sarve 'pi sabhālokāḥ samādarāt / śṛṇudhvaṃ saṃpravakṣāmi svayambhūtpattisatkathāṃ
Sanskrit only: no published translation is held for this verse.
तद्यथा निर्वृतिं याते विपश्विनि मुनीश्वरे । चिरकालान्तरेणात्र जगच्छास्ताभवत् पुनः
tadyathā nirvṛtiṃ yāte vipaśvini munīśvare / cirakālāntareṇātra jagacchāstābhavat punaḥ
Sanskrit only: no published translation is held for this verse.
शिखि नाम मुनीन्द्रो ऽर्हन् धर्मराजस्तथागतः । सर्वज्ञः सुगतः सर्वविद्याधिपो विनायकः
śikhi nāma munīndro 'rhan dharmarājastathāgataḥ / sarvajñaḥ sugataḥ sarvavidyādhipo vināyakaḥ
Sanskrit only: no published translation is held for this verse.
तदा सप्ततिवर्षाणां सहस्रार्युनृणामभूत् । अहं क्षेमंकरो नाम बोधिसत्त्वो भवं किल
tadā saptativarṣāṇāṃ sahasrāryunṛṇāmabhūt / ahaṃ kṣemaṃkaro nāma bodhisattvo bhavaṃ kila
Sanskrit only: no published translation is held for this verse.
यदा स भगवाञ्छास्ता शिखिधर्माधिपो जिनः । अरुणाख्यपुरोपान्ते व्यहरत् सौगताश्रमे
yadā sa bhagavāñchāstā śikhidharmādhipo jinaḥ / aruṇākhyapuropānte vyaharat saugatāśrame
Sanskrit only: no published translation is held for this verse.
तदा सर्वे महासत्त्वा बोधिसत्त्वा जिनात्मजाः । शिखिनस्तस्य शास्तुः संप्राभजन् समुपस्थिताः । अहमपि तथा तस्य शिखिनस्त्रिजगद्गुरोः
tadā sarve mahāsattvā bodhisattvā jinātmajāḥ / śikhinastasya śāstuḥ saṃprābhajan samupasthitāḥ / ahamapi tathā tasya śikhinastrijagadguroḥ
Sanskrit only: no published translation is held for this verse.
शरणे समुपस्थाय प्राभजं सर्वदा मुदा । तत्रैक समये सो ऽर्हन् भगवान् सर्वविच्छिखी
śaraṇe samupasthāya prābhajaṃ sarvadā mudā / tatraika samaye so 'rhan bhagavān sarvavicchikhī
Sanskrit only: no published translation is held for this verse.
सद्धर्म समुपादेष्टुं सभासने समाश्रयेत् । तद्वीक्ष्य भिक्षवः सर्वे श्रावका ब्रह्मचारिणः
saddharma samupādeṣṭuṃ sabhāsane samāśrayet / tadvīkṣya bhikṣavaḥ sarve śrāvakā brahmacāriṇaḥ
Sanskrit only: no published translation is held for this verse.
भिक्षुण्यो व्रतिनः सर्वे उपासका उपासिकाः । तत्सद्धर्मामृतं पातुं समुपागत्य तं मुनिं
bhikṣuṇyo vratinaḥ sarve upāsakā upāsikāḥ / tatsaddharmāmṛtaṃ pātuṃ samupāgatya taṃ muniṃ
Sanskrit only: no published translation is held for this verse.
नत्वा साञ्जलयस्तत्र परिवृत्य समाश्रयेत् । तदा ब्रह्मामरेन्द्रादि त्रिदशाः सर्वे आगताः
natvā sāñjalayastatra parivṛtya samāśrayet / tadā brahmāmarendrādi tridaśāḥ sarve āgatāḥ
Sanskrit only: no published translation is held for this verse.
सर्वे लोकाधिपाश्चापि धर्म श्रोतुं समागताः । सिद्धा विद्याधरा साध्या यक्षगन्धर्वकिन्नराः
sarve lokādhipāścāpi dharma śrotuṃ samāgatāḥ / siddhā vidyādharā sādhyā yakṣagandharvakinnarāḥ
Sanskrit only: no published translation is held for this verse.
गरुडा राक्षसेन्द्राश्च दैत्या नागाधिपा अपि । ऋषयो ब्राह्मणाश्चापि तीर्थिकाश्चापि तपस्विनः
garuḍā rākṣasendrāśca daityā nāgādhipā api / ṛṣayo brāhmaṇāścāpi tīrthikāścāpi tapasvinaḥ
Sanskrit only: no published translation is held for this verse.
यतयो योगिनश्चापि निर्ग्रन्थाश्च दिगम्बराः । राजानो क्षत्रिया वैश्या अमात्या मन्त्रिणो जनाः
yatayo yoginaścāpi nirgranthāśca digambarāḥ / rājāno kṣatriyā vaiśyā amātyā mantriṇo janāḥ
Sanskrit only: no published translation is held for this verse.
शिल्पिनो वणिजः सार्थवाहादयो महाजनाः । पौरा जानपदा ग्राम्यास्तथान्यदेशवासिनः
śilpino vaṇijaḥ sārthavāhādayo mahājanāḥ / paurā jānapadā grāmyāstathānyadeśavāsinaḥ
Sanskrit only: no published translation is held for this verse.
तत्सद्धर्मामृतं पातुं संहर्षिताः समागताः । तत्र ते समुपागत्य समीक्ष्य तं मुनीश्वरं
tatsaddharmāmṛtaṃ pātuṃ saṃharṣitāḥ samāgatāḥ / tatra te samupāgatya samīkṣya taṃ munīśvaraṃ
Sanskrit only: no published translation is held for this verse.
यथाक्रमं समभ्यर्च्य कृत्वा चापि प्रदक्षिणां । कृत्वाञ्जलि पुटो नत्वा परिवृत्य समन्ततः
yathākramaṃ samabhyarcya kṛtvā cāpi pradakṣiṇāṃ / kṛtvāñjali puṭo natvā parivṛtya samantataḥ
Sanskrit only: no published translation is held for this verse.
पुरस्कृत्य समुद्वीक्ष्य समादरादुपाश्रयन् । तान् सर्वान् समुपासीनां दृष्ट्वा स भगवाञ्छिखी
puraskṛtya samudvīkṣya samādarādupāśrayan / tān sarvān samupāsīnāṃ dṛṣṭvā sa bhagavāñchikhī
Sanskrit only: no published translation is held for this verse.
आदिमध्यान्तकल्याणं सद्धर्म समुपादिशत् । तत्सद्धर्मामृतं पीत्वा सर्वे लोकाः प्रवोधिताः
ādimadhyāntakalyāṇaṃ saddharma samupādiśat / tatsaddharmāmṛtaṃ pītvā sarve lokāḥ pravodhitāḥ
Sanskrit only: no published translation is held for this verse.
सद्धर्मसाधनोद्युक्ता वभूवु बोधिभागिनः । तस्मिन्नेव समये तत्र पुण्यजलाश्रये ह्रदे
saddharmasādhanodyuktā vabhūvu bodhibhāginaḥ / tasminneva samaye tatra puṇyajalāśraye hrade
Sanskrit only: no published translation is held for this verse.
मणिनालं महद्दीप्तिहीरकेशरमुत्तम । पञ्चरत्नमयं दिव्यसरोजराजकर्ण्णिकं
maṇinālaṃ mahaddīptihīrakeśaramuttama / pañcaratnamayaṃ divyasarojarājakarṇṇikaṃ
Sanskrit only: no published translation is held for this verse.
प्रादुर्भूतं महापद्मं सहस्रदलकाशितं । तस्य रत्नसरोजस्य कर्ण्णिकामध्यमण्डले
prādurbhūtaṃ mahāpadmaṃ sahasradalakāśitaṃ / tasya ratnasarojasya karṇṇikāmadhyamaṇḍale
Sanskrit only: no published translation is held for this verse.
स्वयम्भूत्समुत्पन्नो धर्म्मधातुर्जिनालयः । एकहस्तप्रमाणांशुः शुभ्ररत्नमयोज्ज्वलः
svayambhūtsamutpanno dharmmadhāturjinālayaḥ / ekahastapramāṇāṃśuḥ śubhraratnamayojjvalaḥ
Sanskrit only: no published translation is held for this verse.
सम्बोधिश्रीगुणाधारः सर्वलक्षणमण्डितः । ज्योतिरूपो जगज्जेष्ठ पञ्चतथागताश्रयः
sambodhiśrīguṇādhāraḥ sarvalakṣaṇamaṇḍitaḥ / jyotirūpo jagajjeṣṭha pañcatathāgatāśrayaḥ
Sanskrit only: no published translation is held for this verse.
जगदीशो जगत् वन्द्यो जगत्पूज्यो जगत्प्रभुः । अनादिनिधनो ऽजीर्ण्णो मान्यः सर्वशुभार्थभृत्
jagadīśo jagat vandyo jagatpūjyo jagatprabhuḥ / anādinidhano 'jīrṇṇo mānyaḥ sarvaśubhārthabhṛt
Sanskrit only: no published translation is held for this verse.
समन्तभद्ररूपो ऽग्रः श्रेष्ठः सद्धर्मरत्नभृत् । त्रैलोक्यसद्गुणाधीशश्चतुर्वर्ग्गफलप्रदः
samantabhadrarūpo 'graḥ śreṣṭhaḥ saddharmaratnabhṛt / trailokyasadguṇādhīśaścaturvarggaphalapradaḥ
Sanskrit only: no published translation is held for this verse.
तस्मिंश्चैत्ये समुत्पन्ने साव्धिनगा रसाचलत्
tasmiṃścaitye samutpanne sāvdhinagā rasācalat
Sanskrit only: no published translation is held for this verse.
दिव्यसुगन्धिपुष्पाणि संनिपेतुः सुरालयात् । सुरदुन्दुभयो नेदुः दिशः सर्वाः प्रसेदिरे
divyasugandhipuṣpāṇi saṃnipetuḥ surālayāt / suradundubhayo neduḥ diśaḥ sarvāḥ prasedire
Sanskrit only: no published translation is held for this verse.
वह्नयो दक्षिणावर्त्ता भद्राभाः संप्रजह्वलः । सुशीतलाः सुगन्ध्याद्या धीरं ववुः समीरणाः
vahnayo dakṣiṇāvarttā bhadrābhāḥ saṃprajahvalaḥ / suśītalāḥ sugandhyādyā dhīraṃ vavuḥ samīraṇāḥ
Sanskrit only: no published translation is held for this verse.
ववर्षुः सुरसाम्बूनि मेघा गम्भीरनिस्वनाः । ग्रह तारेन्दुचन्द्राभाः सभासिता विरेजिरे
vavarṣuḥ surasāmbūni meghā gambhīranisvanāḥ / graha tārenducandrābhāḥ sabhāsitā virejire
Sanskrit only: no published translation is held for this verse.
स्तुतिमङ्गलसंगीतिशब्दा व्योम्नि प्रचेरिरे । सर्वत्रापि सुमाङ्गल्यमहोत्साहं निरन्तरं
stutimaṅgalasaṃgītiśabdā vyomni pracerire / sarvatrāpi sumāṅgalyamahotsāhaṃ nirantaraṃ
Sanskrit only: no published translation is held for this verse.
सुभिक्षं श्रीगुणोर्भावं सद्धर्म भद्रसाधनं । निरुत्पातं शुभाचारं प्रावर्त्तत समन्ततः
subhikṣaṃ śrīguṇorbhāvaṃ saddharma bhadrasādhanaṃ / nirutpātaṃ śubhācāraṃ prāvarttata samantataḥ
Sanskrit only: no published translation is held for this verse.
तमेवं स्वयम्भूत्पन्नं धर्म्मधातुं जिनालयं । समीक्ष्येशादयः सर्वे आरुप्य भुवनाश्रिताः
tamevaṃ svayambhūtpannaṃ dharmmadhātuṃ jinālayaṃ / samīkṣyeśādayaḥ sarve ārupya bhuvanāśritāḥ
Sanskrit only: no published translation is held for this verse.
योगध्यान महानन्द सौख्ये ऽपि विरतोत्सवाः । स्वयम्भुवं तमीशानं वन्दितुं समुपाचरन्
yogadhyāna mahānanda saukhye 'pi viratotsavāḥ / svayambhuvaṃ tamīśānaṃ vandituṃ samupācaran
Sanskrit only: no published translation is held for this verse.
तथा ब्रह्मादयः सर्वे मुनयो ब्रह्मचारिणः । एवं स्वयम्भुवं द्रष्टुं मुदिता समुपाचरन्
tathā brahmādayaḥ sarve munayo brahmacāriṇaḥ / evaṃ svayambhuvaṃ draṣṭuṃ muditā samupācaran
Sanskrit only: no published translation is held for this verse.
एवं शक्रादयः सर्वे त्रिदशाः साप्सरो गणाः । पूजाङ्गानि समादाय द्रष्टुमेनं मुदा ययुः
evaṃ śakrādayaḥ sarve tridaśāḥ sāpsaro gaṇāḥ / pūjāṅgāni samādāya draṣṭumenaṃ mudā yayuḥ
Sanskrit only: no published translation is held for this verse.
तथाग्निधर्मराजो ऽपि नैऋतो वरुणो मरुत् । श्रीदो भूताधिपश्चैवं सर्वे लोकाधिपा अपि
tathāgnidharmarājo 'pi naiṛto varuṇo marut / śrīdo bhūtādhipaścaivaṃ sarve lokādhipā api
Sanskrit only: no published translation is held for this verse.
स्वस्वपरिजनैः सार्द्ध महोत्साहैः प्रमोदिताः । एवं स्वयम्भुवं चैत्यं संद्रष्टुं समुपाययुः
svasvaparijanaiḥ sārddha mahotsāhaiḥ pramoditāḥ / evaṃ svayambhuvaṃ caityaṃ saṃdraṣṭuṃ samupāyayuḥ
Sanskrit only: no published translation is held for this verse.
धृतराष्ट्रो महाराजो गन्धर्वैः सह मोदितः । संगीतिवादनोत्साहैः सहैनं द्रष्टुमाययुः
dhṛtarāṣṭro mahārājo gandharvaiḥ saha moditaḥ / saṃgītivādanotsāhaiḥ sahainaṃ draṣṭumāyayuḥ
Sanskrit only: no published translation is held for this verse.
विरुढको महाराजः कुम्भाण्डसहिता मुदा । स्वयम्भुवं तमालोक्य मुदा वन्दितुमाययुः
viruḍhako mahārājaḥ kumbhāṇḍasahitā mudā / svayambhuvaṃ tamālokya mudā vanditumāyayuḥ
Sanskrit only: no published translation is held for this verse.
विरुपाक्षो ऽपि नागेन्द्रैः सर्वै नागाधिपैः सह । रत्नपूजोपहाराणि धृत्वैनं द्रष्टुमाययुः
virupākṣo 'pi nāgendraiḥ sarvai nāgādhipaiḥ saha / ratnapūjopahārāṇi dhṛtvainaṃ draṣṭumāyayuḥ
Sanskrit only: no published translation is held for this verse.
कुवेरो यक्षराजो ऽपि यक्षणीभिः समन्वितः । नानाद्रव्योपहाराणि धृत्वैनं द्रष्टुमाययुः
kuvero yakṣarājo 'pi yakṣaṇībhiḥ samanvitaḥ / nānādravyopahārāṇi dhṛtvainaṃ draṣṭumāyayuḥ
Sanskrit only: no published translation is held for this verse.
वज्रपाणिश्च गुह्येन्द्रसर्वगुह्यकसंयुतः । दिव्यभोग्यापहाराणि धृत्वैनं द्रष्टुमाययुः
vajrapāṇiśca guhyendrasarvaguhyakasaṃyutaḥ / divyabhogyāpahārāṇi dhṛtvainaṃ draṣṭumāyayuḥ
Sanskrit only: no published translation is held for this verse.
द्रुमः किन्नरराजो ऽपि सर्वैः सह ह्याननैः । तूर्यसंघोषणोत्साहैः सहिनं द्रष्टुमाययुः
drumaḥ kinnararājo 'pi sarvaiḥ saha hyānanaiḥ / tūryasaṃghoṣaṇotsāhaiḥ sahinaṃ draṣṭumāyayuḥ
Sanskrit only: no published translation is held for this verse.
तथा सर्वार्थसिद्धाख्यः सर्वविद्याधराधिपः । दिव्यपूजोपहाराणि धृत्वैनं द्रष्टुमाययुः
tathā sarvārthasiddhākhyaḥ sarvavidyādharādhipaḥ / divyapūjopahārāṇi dhṛtvainaṃ draṣṭumāyayuḥ
Sanskrit only: no published translation is held for this verse.
गरुडः पक्षिराजो ऽपि सर्वैः पक्षिगणैः सह । स्वस्वर्द्धिश्रीमहोत्साहैरेनं संद्रष्टुमाययुः
garuḍaḥ pakṣirājo 'pi sarvaiḥ pakṣigaṇaiḥ saha / svasvarddhiśrīmahotsāhairenaṃ saṃdraṣṭumāyayuḥ
Sanskrit only: no published translation is held for this verse.
एवं सिद्धाश्च साध्याश्च वसवश्च ग्रहा अपि । सर्वास्तारागनाश्चापि सर्वाश्चाप्यप्सरोगणाः
evaṃ siddhāśca sādhyāśca vasavaśca grahā api / sarvāstārāganāścāpi sarvāścāpyapsarogaṇāḥ
Sanskrit only: no published translation is held for this verse.
एवं दैत्याधिपाः सर्वे स्वस्वपरिजनैः सह । महासमृद्धिप्रात्साहैः सहसा समुपाचरन्
evaṃ daityādhipāḥ sarve svasvaparijanaiḥ saha / mahāsamṛddhiprātsāhaiḥ sahasā samupācaran
Sanskrit only: no published translation is held for this verse.
एवं लोकाधिपाः सर्वे दशदिक्षु व्यवस्थिताः । दृष्ट्वा तं स्वयम्भूत्पन्नं वन्दितुं सहसाचरन्
evaṃ lokādhipāḥ sarve daśadikṣu vyavasthitāḥ / dṛṣṭvā taṃ svayambhūtpannaṃ vandituṃ sahasācaran
Sanskrit only: no published translation is held for this verse.
सर्वे ऽपि ते समागत्य दृष्ट्वा तं जगदीश्वरं । संहर्षिताशया दूरात् प्रणत्वा समुपाचरन्
sarve 'pi te samāgatya dṛṣṭvā taṃ jagadīśvaraṃ / saṃharṣitāśayā dūrāt praṇatvā samupācaran
Sanskrit only: no published translation is held for this verse.
ततस्ते जगन्नाथ सर्वे ऽभ्यर्च्य यथाक्रमं । अष्टांगैः प्रणतिं कृत्वा प्राभजन्त समादरात्
tataste jagannātha sarve 'bhyarcya yathākramaṃ / aṣṭāṃgaiḥ praṇatiṃ kṛtvā prābhajanta samādarāt
Sanskrit only: no published translation is held for this verse.
केचिद्दव्यसुगन्धैस्तं प्राभिलिप्याभजन् मुदा । केचिन्नानाविधैः पुष्पैः केचिद्धूपैर्मनोहरैः
keciddavyasugandhaistaṃ prābhilipyābhajan mudā / kecinnānāvidhaiḥ puṣpaiḥ keciddhūpairmanoharaiḥ
Sanskrit only: no published translation is held for this verse.
केचिच्च पुष्पमालाभिः केचिच्च दिव्यचीवरैः । केचिच्च दीपमालाभिः केचिदारतिदीपनैः
kecicca puṣpamālābhiḥ kecicca divyacīvaraiḥ / kecicca dīpamālābhiḥ kecidāratidīpanaiḥ
Sanskrit only: no published translation is held for this verse.
केचिद्दिव्यामृतैः भोग्यैः केचिद्दिव्यौषधैरपि । केचिन्नानाविधैर्दिव्यरत्नालंकाराभूषणैः
keciddivyāmṛtaiḥ bhogyaiḥ keciddivyauṣadhairapi / kecinnānāvidhairdivyaratnālaṃkārābhūṣaṇaiḥ
Sanskrit only: no published translation is held for this verse.
केचिच्छत्रध्वजैवलिव्यजनैश्च वितानकैः । केचित् संगीतिसंवाद्यैर्मृदङ्गमुरजादिभिः
kecicchatradhvajaivalivyajanaiśca vitānakaiḥ / kecit saṃgītisaṃvādyairmṛdaṅgamurajādibhiḥ
Sanskrit only: no published translation is held for this verse.
केचित् तौर्यत्रिकै वंशैः शंखैः शृगैश्च केचन । काहारैश्च तथा केचित् वीणादीततवादनैः
kecit tauryatrikai vaṃśaiḥ śaṃkhaiḥ śṛgaiśca kecana / kāhāraiśca tathā kecit vīṇādītatavādanaiḥ
Sanskrit only: no published translation is held for this verse.
तालादिघनवाद्यैश्च भेर्यानकमर्दलैः । तथा नानाविधैर्मड्डुर्डिण्डिमझर्झरादिभिः
tālādighanavādyaiśca bheryānakamardalaiḥ / tathā nānāvidhairmaḍḍurḍiṇḍimajharjharādibhiḥ
Sanskrit only: no published translation is held for this verse.
केचित्नृत्यैश्च गीतैश्च हाहाकारैश्च केचन । एवं नानाविधोत्साहैः प्राभजन्स्तं जिनालयं
kecitnṛtyaiśca gītaiśca hāhākāraiśca kecana / evaṃ nānāvidhotsāhaiḥ prābhajanstaṃ jinālayaṃ
Sanskrit only: no published translation is held for this verse.
केचित् प्रदक्षिणान्येव कृत्वा भजन् सहस्रशः । केचिच्च धारणीविद्याजपस्तोत्रादिभिर्मुदा
kecit pradakṣiṇānyeva kṛtvā bhajan sahasraśaḥ / kecicca dhāraṇīvidyājapastotrādibhirmudā
Sanskrit only: no published translation is held for this verse.
एवं नानाप्रकारैस्ते सर्वे लोका द्विजादयः । श्रद्धया समुपाश्रित्य प्राभजन्स्तं स्वयम्भुवं
evaṃ nānāprakāraiste sarve lokā dvijādayaḥ / śraddhayā samupāśritya prābhajanstaṃ svayambhuvaṃ
Sanskrit only: no published translation is held for this verse.
एतद्दिव्यमहोत्साहैः संप्रवृत्तिं प्रसारितां । श्रुत्वा सर्वे सभालोका विस्मयं समुपाययुः
etaddivyamahotsāhaiḥ saṃpravṛttiṃ prasāritāṃ / śrutvā sarve sabhālokā vismayaṃ samupāyayuḥ
Sanskrit only: no published translation is held for this verse.
तत् समीक्ष्य महासत्त्वा रत्नपाणिः पुरोगतः । शिखिनं तं मुनिं नत्वा साञ्जलिरेवमब्रवीत्
tat samīkṣya mahāsattvā ratnapāṇiḥ purogataḥ / śikhinaṃ taṃ muniṃ natvā sāñjalirevamabravīt
Sanskrit only: no published translation is held for this verse.
भगवन् यत्मही सर्वा कम्पिता दिव्यमुत्सवं । प्रसारितं च कस्येदं हेतु तत् समुपादिश
bhagavan yatmahī sarvā kampitā divyamutsavaṃ / prasāritaṃ ca kasyedaṃ hetu tat samupādiśa
Sanskrit only: no published translation is held for this verse.
इति संप्रार्थितं तेन सुधिया रत्नपाणिना । स शिखि भगवान् पश्यन् रत्नपाणिं तमब्रवीत्
iti saṃprārthitaṃ tena sudhiyā ratnapāṇinā / sa śikhi bhagavān paśyan ratnapāṇiṃ tamabravīt
Sanskrit only: no published translation is held for this verse.
साधु शृणु महासत्त्व यत् सर्वा चलिता मही । दिव्योत्साहैः प्रवृत्तं च तद्धेतुं संनिगद्यते
sādhu śṛṇu mahāsattva yat sarvā calitā mahī / divyotsāhaiḥ pravṛttaṃ ca taddhetuṃ saṃnigadyate
Sanskrit only: no published translation is held for this verse.
तद्यथात्रास्ति भूलोक उत्तरस्यां हिमालये । अष्टाङ्गगुणसम्पन्नपुण्यजलाश्रयो ह्रदः
tadyathātrāsti bhūloka uttarasyāṃ himālaye / aṣṭāṅgaguṇasampannapuṇyajalāśrayo hradaḥ
Sanskrit only: no published translation is held for this verse.
तत्र रत्नमये पद्मे सरोजराजकर्ण्णिके । स्वयमेव समुत्पन्नो धर्मधातुजिनालयः
tatra ratnamaye padme sarojarājakarṇṇike / svayameva samutpanno dharmadhātujinālayaḥ
Sanskrit only: no published translation is held for this verse.
तदुत्पन्ने मही सर्वा रचिता संप्रमोदिताः । सर्वत्रापि शुभोत्साहं प्राव्रर्त्तते भवालय
tadutpanne mahī sarvā racitā saṃpramoditāḥ / sarvatrāpi śubhotsāhaṃ prāvrarttate bhavālaya
Sanskrit only: no published translation is held for this verse.
तं समीक्ष्य महेशानब्रह्माशक्रादयो ऽमराः । ग्रहास्ताराश्च सिद्धाश्च साध्या विद्याधरा अपि
taṃ samīkṣya maheśānabrahmāśakrādayo 'marāḥ / grahāstārāśca siddhāśca sādhyā vidyādharā api
Sanskrit only: no published translation is held for this verse.
महर्षश्च सर्वे ऽपि सविस्मयप्रमोदिताः । सर्वे लोकाधिपाश्चापि दैत्या नागाः खगेश्वराः
maharṣaśca sarve 'pi savismayapramoditāḥ / sarve lokādhipāścāpi daityā nāgāḥ khageśvarāḥ
Sanskrit only: no published translation is held for this verse.
यक्षकिन्नरगन्धर्व्वगुह्यकराक्षसा अपिः । एतत्प्रभृतयः सर्वे समीक्ष्य तं स्वयंभुवं
yakṣakinnaragandharvvaguhyakarākṣasā apiḥ / etatprabhṛtayaḥ sarve samīkṣya taṃ svayaṃbhuvaṃ
Sanskrit only: no published translation is held for this verse.
संहर्षिताः समागत्य प्रभजन्ते महोत्सवैः । एतत्पूजामहोत्साहसंप्रवृत्तिः प्रसारित
saṃharṣitāḥ samāgatya prabhajante mahotsavaiḥ / etatpūjāmahotsāhasaṃpravṛttiḥ prasārita
Sanskrit only: no published translation is held for this verse.
एतस्येदं महद्भनिमित्तं संप्रजायते । इत्यादिष्टं मुनीन्द्रेण शिखिना संनिसंम्य सः
etasyedaṃ mahadbhanimittaṃ saṃprajāyate / ityādiṣṭaṃ munīndreṇa śikhinā saṃnisaṃmya saḥ
Sanskrit only: no published translation is held for this verse.
रत्नपाणिमहासत्त्वाः सविस्मयप्रमोदितः । सुप्रबुद्धमुखाम्भोजा महासंहर्षिताशयः
ratnapāṇimahāsattvāḥ savismayapramoditaḥ / suprabuddhamukhāmbhojā mahāsaṃharṣitāśayaḥ
Sanskrit only: no published translation is held for this verse.
भूयस्तं शिखिनं नत्वा साञ्जलिरेवब्रवीत् । भगवन् तद्धिजानीयाद्यन्मनो मे समीच्छते
bhūyastaṃ śikhinaṃ natvā sāñjalirevabravīt / bhagavan taddhijānīyādyanmano me samīcchate
Sanskrit only: no published translation is held for this verse.
तदनुज्ञां प्रदत्वात्र संप्रसादयतुमर्हति ॥ अहमपि जगच्छास्तः स्वयम्भुवं तमीश्वरं
tadanujñāṃ pradatvātra saṃprasādayatumarhati // ahamapi jagacchāstaḥ svayambhuvaṃ tamīśvaraṃ
Sanskrit only: no published translation is held for this verse.
श्रद्धया समुपाश्रित्य प्रभजामि महोत्सवैः ॥ इति संप्रार्थिते तेन श्रुत्वा स भगवाञ्छिखि
śraddhayā samupāśritya prabhajāmi mahotsavaiḥ // iti saṃprārthite tena śrutvā sa bhagavāñchikhi
Sanskrit only: no published translation is held for this verse.
रत्नपाणिं महासत्त्वं संपश्यन्नेवमादिशत् ॥ कुलपुत्र प्रयाहि त्वं यद्याशु बोधिमिच्छसि
ratnapāṇiṃ mahāsattvaṃ saṃpaśyannevamādiśat // kulaputra prayāhi tvaṃ yadyāśu bodhimicchasi
Sanskrit only: no published translation is held for this verse.
श्रद्धया समुपाश्रित्य प्रभज तं जिनालयं । ये तत्र समुपाश्रित्य भजेयुः श्रद्धया मुदा
śraddhayā samupāśritya prabhaja taṃ jinālayaṃ / ye tatra samupāśritya bhajeyuḥ śraddhayā mudā
Sanskrit only: no published translation is held for this verse.
तेआशु प्राप्य संबोधिं सम्बुद्धपदमाप्नुयुः । इत्यादिष्टं मुनीन्द्रेण रत्नपाणि निशम्य सः
teāśu prāpya saṃbodhiṃ sambuddhapadamāpnuyuḥ / ityādiṣṭaṃ munīndreṇa ratnapāṇi niśamya saḥ
Sanskrit only: no published translation is held for this verse.
साञ्जलिस्तं मुनिं नत्वा मुदितः प्राचरत् ततः । ततस्तेन सहानेके बोधिसत्त्वा जिनात्मजाः
sāñjalistaṃ muniṃ natvā muditaḥ prācarat tataḥ / tatastena sahāneke bodhisattvā jinātmajāḥ
Sanskrit only: no published translation is held for this verse.
श्रावका भिक्षवश्चापि भिक्षुण्यश्चाप्युपासिकाः । उपासका भक्तिमन्तो व्रतिनः पुण्यलालसाः
śrāvakā bhikṣavaścāpi bhikṣuṇyaścāpyupāsikāḥ / upāsakā bhaktimanto vratinaḥ puṇyalālasāḥ
Sanskrit only: no published translation is held for this verse.
ऋषयो ब्राह्मणाश्चापि यतयो योगिनो ऽपि च । तीर्थिकास्तापसाश्चापि निर्ग्रन्था ब्रह्मचारिणः
ṛṣayo brāhmaṇāścāpi yatayo yogino 'pi ca / tīrthikāstāpasāścāpi nirgranthā brahmacāriṇaḥ
Sanskrit only: no published translation is held for this verse.
राजानः क्षत्रिया वैश्या अमात्या मन्त्रिणो जनाः । शिल्पिनो वणिजः सार्थवाहाश्चापि महाजनाः
rājānaḥ kṣatriyā vaiśyā amātyā mantriṇo janāḥ / śilpino vaṇijaḥ sārthavāhāścāpi mahājanāḥ
Sanskrit only: no published translation is held for this verse.
पौरा जानपदा ग्राम्यस्तथान्यदेशवासिनः । एवमन्येपि लोकाश्च सद्धर्मगुणवाञ्छिनः
paurā jānapadā grāmyastathānyadeśavāsinaḥ / evamanyepi lokāśca saddharmaguṇavāñchinaḥ
Sanskrit only: no published translation is held for this verse.
सर्वे तत्र महोत्साहैस्तेन सार्द्ध मुदा चरत् । एवं स रत्नपाणिस्तैः सर्वैः लोकै समन्वितः
sarve tatra mahotsāhaistena sārddha mudā carat / evaṃ sa ratnapāṇistaiḥ sarvaiḥ lokai samanvitaḥ
Sanskrit only: no published translation is held for this verse.
पूजाङ्गानि समादाय महोत्साहै मुदाचरत् । एवं स प्रवरञ्छ्रीमान् सर्वांल्लोकान् विनोदयन्
pūjāṅgāni samādāya mahotsāhai mudācarat / evaṃ sa pravarañchrīmān sarvāṃllokān vinodayan
Sanskrit only: no published translation is held for this verse.
सहसा तत्र प्रागत्य ददर्शेमं जिनालयं । दृष्ट्वैनं स महासत्त्वः मुदितः समुपासरन्
sahasā tatra prāgatya dadarśemaṃ jinālayaṃ / dṛṣṭvainaṃ sa mahāsattvaḥ muditaḥ samupāsaran
Sanskrit only: no published translation is held for this verse.
यथाविधि समभ्यर्च्य प्रणत्वा प्राभजन्मुदा । एवं सर्वे ऽपि ते लोकाः सहायास्तस्यमहर्षयः
yathāvidhi samabhyarcya praṇatvā prābhajanmudā / evaṃ sarve 'pi te lokāḥ sahāyāstasyamaharṣayaḥ
Sanskrit only: no published translation is held for this verse.
यथाविधि समभ्यर्च्य महोत्साहै मुदाभजन् । एवं ते सकला लोका स्तुत्वा जप्त्वा च धारणी
yathāvidhi samabhyarcya mahotsāhai mudābhajan / evaṃ te sakalā lokā stutvā japtvā ca dhāraṇī
Sanskrit only: no published translation is held for this verse.
प्रदक्षिणानि कृत्वोष्ट प्रणत्वा प्राभजन् मुदाः । एवमन्ये महासत्त्वा बोधिसत्त्वा जिनात्मजाः
pradakṣiṇāni kṛtvoṣṭa praṇatvā prābhajan mudāḥ / evamanye mahāsattvā bodhisattvā jinātmajāḥ
Sanskrit only: no published translation is held for this verse.
दशदिग्भ्यः समागत्य प्राभजन्निममीश्वरं । अहमपि तदा तेन सहेत्य रत्नपाणिना
daśadigbhyaḥ samāgatya prābhajannimamīśvaraṃ / ahamapi tadā tena sahetya ratnapāṇinā
Sanskrit only: no published translation is held for this verse.
श्रद्धया समुपाश्रित्य प्राभजनिममीश्वरं । एतत्पुण्यानुभावेन बोधिं प्राप्य कलावपि
śraddhayā samupāśritya prābhajanimamīśvaraṃ / etatpuṇyānubhāvena bodhiṃ prāpya kalāvapi
Sanskrit only: no published translation is held for this verse.
जित्वा मारगणान् सर्वान् धर्माधिपो भवाम्यहं ॥ ये येस्य समुपाश्रित्य भजेयुः श्रद्धया मुदा
jitvā māragaṇān sarvān dharmādhipo bhavāmyahaṃ // ye yesya samupāśritya bhajeyuḥ śraddhayā mudā
Sanskrit only: no published translation is held for this verse.
ते ते सर्वे ऽपि संबोधिं प्राप्य स्युः सुगता द्रुतं ॥ एवं महत्तरं पुण्यस्य सेवासमुद्भवं
te te sarve 'pi saṃbodhiṃ prāpya syuḥ sugatā drutaṃ // evaṃ mahattaraṃ puṇyasya sevāsamudbhavaṃ
Sanskrit only: no published translation is held for this verse.
भद्रश्रीसद्गुणापन्नं सम्बोधिज्ञानसाधनं । इति सर्वै मुनीन्द्रैश्च समाख्यातं समन्ततः
bhadraśrīsadguṇāpannaṃ sambodhijñānasādhanaṃ / iti sarvai munīndraiśca samākhyātaṃ samantataḥ
Sanskrit only: no published translation is held for this verse.
यूयमपि परिज्ञाय भजतास्य समादरात् । मुनीन्द्रा अपि सर्वे ऽस्य चतुःसन्ध्यं दिवानिशं
yūyamapi parijñāya bhajatāsya samādarāt / munīndrā api sarve 'sya catuḥsandhyaṃ divāniśaṃ
Sanskrit only: no published translation is held for this verse.
दृष्ट्वा ध्यात्वा स्मृतिं धृत्वा प्राभजन्तं समादरात् । भजन्ति साम्प्रतं सर्वे बुद्धाः सर्वे दिगाश्रिताः
dṛṣṭvā dhyātvā smṛtiṃ dhṛtvā prābhajantaṃ samādarāt / bhajanti sāmprataṃ sarve buddhāḥ sarve digāśritāḥ
Sanskrit only: no published translation is held for this verse.
अनागताश्च सर्वे ऽपि भजिष्यन्ति तथा सदा । अस्य दर्शनमात्रेण प्रदुष्टा अपि पापिनः
anāgatāśca sarve 'pi bhajiṣyanti tathā sadā / asya darśanamātreṇa praduṣṭā api pāpinaḥ
Sanskrit only: no published translation is held for this verse.
निर्मुक्त पातका ह्याशु भवेयु निर्मलेन्द्रियाः । ततस्ते निर्मलात्मानो निःक्लेशो ब्रह्मचारिणः
nirmukta pātakā hyāśu bhaveyu nirmalendriyāḥ / tataste nirmalātmāno niḥkleśo brahmacāriṇaḥ
Sanskrit only: no published translation is held for this verse.
दुर्गति नैव गच्छेयुः कुत्रापि हि कदाचन ॥ सङ्गतावेव संजाता भद्रश्रीसद्गुणाश्रयाः
durgati naiva gaccheyuḥ kutrāpi hi kadācana // saṅgatāveva saṃjātā bhadraśrīsadguṇāśrayāḥ
Sanskrit only: no published translation is held for this verse.
बोधिसत्त्वा महासत्त्वा भवेयुः सुगतात्मजाः । ततस्ते बोधिसम्भारं पूरयित्वा यथाक्रमं
bodhisattvā mahāsattvā bhaveyuḥ sugatātmajāḥ / tataste bodhisambhāraṃ pūrayitvā yathākramaṃ
Sanskrit only: no published translation is held for this verse.
त्रिविधां बोधिमासाद्य निर्वृतिं पदमाप्नुयुः । इति नत्वा सदाप्यस्य कृत्वा दर्शनमादरात्
trividhāṃ bodhimāsādya nirvṛtiṃ padamāpnuyuḥ / iti natvā sadāpyasya kṛtvā darśanamādarāt
Sanskrit only: no published translation is held for this verse.
अनुमोद्याभ्यनुस्मृत्वा ध्यात्वानुभाव्य सर्वदा । नामापि च समुच्चार्य श्रद्धया बोधिवाछिभिः
anumodyābhyanusmṛtvā dhyātvānubhāvya sarvadā / nāmāpi ca samuccārya śraddhayā bodhivāchibhiḥ
Sanskrit only: no published translation is held for this verse.
यथाशक्ति प्रकर्त्तव्या भक्तिसेवा सदादरात् । इत्यादिष्टं मुनीन्द्रेण श्रीघनेन निशम्यते
yathāśakti prakarttavyā bhaktisevā sadādarāt / ityādiṣṭaṃ munīndreṇa śrīghanena niśamyate
Sanskrit only: no published translation is held for this verse.
मैत्रेयप्रमुखाः सर्वे सभालोकाः प्रबोधिताः । तथेत्यभ्यनुमोदन्तो धर्म्मधातो स्वयम्भुवः
maitreyapramukhāḥ sarve sabhālokāḥ prabodhitāḥ / tathetyabhyanumodanto dharmmadhāto svayambhuvaḥ
Sanskrit only: no published translation is held for this verse.
श्रद्धया समुपाश्रित्य संभजितुं समीच्छिरे । अथ सर्व्वे सभालोका धर्म्मधातोः स्वयम्भुवः
śraddhayā samupāśritya saṃbhajituṃ samīcchire / atha sarvve sabhālokā dharmmadhātoḥ svayambhuvaḥ
Sanskrit only: no published translation is held for this verse.
पूजाफलविशेषाणि संश्रोतुं पुनरीच्छिरेः । तन्मत्वा स महासत्त्वो मैत्रेयः सुगतात्मज
pūjāphalaviśeṣāṇi saṃśrotuṃ punarīcchireḥ / tanmatvā sa mahāsattvo maitreyaḥ sugatātmaja
Sanskrit only: no published translation is held for this verse.
भगवन्तं मुनीन्द्रन्तं प्रार्थयदेवमानतः । भगवन्नस्य पूजाया विशेषफलविस्तरं
bhagavantaṃ munīndrantaṃ prārthayadevamānataḥ / bhagavannasya pūjāyā viśeṣaphalavistaraṃ
Sanskrit only: no published translation is held for this verse.
सर्व्वे इमे सभालोकाः श्रोतुमिच्छन्ति साम्प्रतं । तद्भगवान् समुपादिश्य पूजाफलविशेषतां
sarvve ime sabhālokāḥ śrotumicchanti sāmprataṃ / tadbhagavān samupādiśya pūjāphalaviśeṣatāṃ
Sanskrit only: no published translation is held for this verse.
इमां सर्वान् सभासीनां संबोधयितुमर्हति । इति संप्रार्थितं तेन मैत्रेयेण निशम्य सः
imāṃ sarvān sabhāsīnāṃ saṃbodhayitumarhati / iti saṃprārthitaṃ tena maitreyeṇa niśamya saḥ
Sanskrit only: no published translation is held for this verse.
भगवान्स्तान् सभालोकान् सम्पश्यनैवमादिशत् । शृणुध्वं सकला लोका अस्य पूजाफलं महत्
bhagavānstān sabhālokān sampaśyanaivamādiśat / śṛṇudhvaṃ sakalā lokā asya pūjāphalaṃ mahat
Sanskrit only: no published translation is held for this verse.
विशेषेण प्रवक्ष्यामि सर्वे लोकाभिबोधने । पञ्चामृतैः सहाम्भोभिः संशोभितसुनिर्म्मलैः
viśeṣeṇa pravakṣyāmi sarve lokābhibodhane / pañcāmṛtaiḥ sahāmbhobhiḥ saṃśobhitasunirmmalaiḥ
Sanskrit only: no published translation is held for this verse.
ये मुदा स्नापयन्तिमं धर्म्मधातुं जिनालयं । मन्दाकिन्यां सदा स्नात्वा ते विशुद्धत्रिमण्डलाः
ye mudā snāpayantimaṃ dharmmadhātuṃ jinālayaṃ / mandākinyāṃ sadā snātvā te viśuddhatrimaṇḍalāḥ
Sanskrit only: no published translation is held for this verse.
दिव्यसुखानि भुंजानो प्रान्ते यानि जिनालयं । सौरभ्य द्रव्यसंयुक्ति यत्र चैत्यै स्वयम्भुवि
divyasukhāni bhuṃjāno prānte yāni jinālayaṃ / saurabhya dravyasaṃyukti yatra caityai svayambhuvi
Sanskrit only: no published translation is held for this verse.
मोदयन्तो जगच्चित्तं धूपयन्ति मुदा सदाः । ते सुगंधितसौम्याङ्गा मान्या देवा सुरैरपि
modayanto jagaccittaṃ dhūpayanti mudā sadāḥ / te sugaṃdhitasaumyāṅgā mānyā devā surairapi
Sanskrit only: no published translation is held for this verse.
श्रीमन्तः सुस्वसंपन्ना भवन्ति रत्नसन्निभाः । पञ्चगन्धैर्मुदा यत्र धर्म्मधातो जिनालये
śrīmantaḥ susvasaṃpannā bhavanti ratnasannibhāḥ / pañcagandhairmudā yatra dharmmadhāto jinālaye
Sanskrit only: no published translation is held for this verse.
लिप्ताराध्य समाश्रित्य प्रभजन्ति सदादरात् । सप्तरत्नसमेतास्ते भद्रश्रीसद्गुणाश्रयाः
liptārādhya samāśritya prabhajanti sadādarāt / saptaratnasametāste bhadraśrīsadguṇāśrayāḥ
Sanskrit only: no published translation is held for this verse.