नमो वाचे या चोदिता या चानुदिता तस्यै वाचे नमो नमो वाचे नमो वाचस्पतये नम ऋषिभ्यो मन्त्रकृद्भ्यो मन्त्रपतिभ्यो मा मामृषयो मन्त्रकृतो मन्त्रपतयः परा दुर्माहमृषीन्मन्त्रकृतो मन्त्रपतीन्परादाम् १ वैश्वदेवीं वाचमुद्यासँ शिवामदस्तां जुष्टां देवेभ्यः २ शर्म मे द्यौः शर्म पृथिवी शर्म विश्वमिदं जगत् शर्म चन्द्रश्च सूर्यश्च शर्म ब्रह्मप्रजापती ३ भूतं वदिष्ये भुवनं वदिष्ये तेजो वदिष्ये यशो वदिष्ये तपो वदिष्ये ब्रह्म वदिष्ये सत्यं वदिष्ये ४ तस्मा अहमिदमुपस्तरणमुपस्तृण उपस्तरणं मे प्रजायै पशूनां भूयादुपस्तरणमहं प्रजायै पशूनां भूयासम् ५ प्राणापानौ मृत्योर्मा पातं प्राणापानौ मा मा हासिष्टम् ६ मधु मनिष्ये मधु जनिष्ये मधु वक्ष्यामि मधु वदिष्यामि मधुमतीं देवेभ्यो वाचमुद्यासँ शुश्रूषेण्यां मनुष्येभ्यस्तं मा देवा अवन्तु शोभायै पितरोऽनु मदन्तु ७ ॐ शान्तिः शान्तिः शान्तिः ८ 4.1
namo vāce yā coditā yā cānuditā tasyai vāce namo namo vāce namo vācaspataye nama ṛṣibhyo mantrakṛdbhyo mantrapatibhyo mā māmṛṣayo mantrakṛto mantrapatayaḥ parā durmāhamṛṣīnmantrakṛto mantrapatīnparādām 1 vaiśvadevīṃ vācamudyāsa~ śivāmadastāṃ juṣṭāṃ devebhyaḥ 2 śarma me dyauḥ śarma pṛthivī śarma viśvamidaṃ jagat śarma candraśca sūryaśca śarma brahmaprajāpatī 3 bhūtaṃ vadiṣye bhuvanaṃ vadiṣye tejo vadiṣye yaśo vadiṣye tapo vadiṣye brahma vadiṣye satyaṃ vadiṣye 4 tasmā ahamidamupastaraṇamupastṛṇa upastaraṇaṃ me prajāyai paśūnāṃ bhūyādupastaraṇamahaṃ prajāyai paśūnāṃ bhūyāsam 5 prāṇāpānau mṛtyormā pātaṃ prāṇāpānau mā mā hāsiṣṭam 6 madhu maniṣye madhu janiṣye madhu vakṣyāmi madhu vadiṣyāmi madhumatīṃ devebhyo vācamudyāsa~ śuśrūṣeṇyāṃ manuṣyebhyastaṃ mā devā avantu śobhāyai pitaro'nu madantu 7 oṃ śāntiḥ śāntiḥ śāntiḥ 8 4.1
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.