युञ्जते मन उत युञ्जते धियः । विप्रा विप्रस्य बृहतो विपश्चितः । वि होत्रा दधे वयुनाविदेक इत् । मही देवस्य सवितुः परिष्टुतिः १ देवस्य त्वा सवितुः प्रसवे । अश्विनोर्बाहुभ्याम् । पूष्णो हस्ताभ्यामा ददे २ अभ्रिरसि नारिरसि । अध्वरकृद्देवेभ्यः ३ उत्तिष्ठ ब्रह्मणस्पते । देवयन्तस्त्वेमहे । उप प्र यन्तु मरुतः सुदानवः । इन्द्र प्राशूर्भवा सचा ४ प्रैतु ब्रह्मणस्पतिः । प्र देव्येतु सूनृता । अच्छा वीरं नर्यं पङ्क्तिराधसं । देवा यज्ञं नयन्तु नः ५ देवी द्यावापृथिवी अनु मे मँ साथाम् ६ ऋध्यासमद्य । मखस्य शिरः ७ मखाय त्वा । मखस्य त्वा शीर्ष्णे ८ इयत्यग्र आसीः ९ ऋध्यासमद्य । मखस्य शिरः । मखाय त्वा । मखस्य त्वा शीर्ष्णे १० देवीर्वम्रीरस्य भूतस्य प्रथमजा ऋतावरीः ११ ऋध्यासमद्य । मखस्य शिरः । मखाय त्वा । मखस्य त्वा शीर्ष्णे १२ इन्द्र स्यौजोसि । ऋध्यासमद्य । मखस्य शिरः । मखाय त्वा । मखस्य त्वा शीर्ष्णे १३ अग्निजा असि प्रजापते रेतः । ऋध्यासमद्य । मखस्य शिरः । मखाय त्वा । मखस्य त्वा शीर्ष्णे १४ आयुर्धेहि प्राणं धेहि । अपानं धेहि व्यानं धेहि । चक्षुर्धेहि श्रोत्रं धेहि । मनो धेहि वाचं धेहि । आत्मानं धेहि प्रतिष्ठां धेहि । मां धेहि मयि धेहि १५ मधु त्वा मधुला करोतु १६ मखस्य शिरोऽसि १७ यज्ञस्य पदे स्थः । गायत्रेण त्वा छन्दसा करोमि । त्रैष्टुभेन त्वा छन्दसा करोमि । जागतेन त्वा छन्दसा करोमि । मखस्य रास्नासि । अदितिस्ते बिलं गृह्णातु । पाङ्क्तेन छन्दसा । सूर्यस्य हरसा श्राय । मखोऽसि । पते शिरः ऋतावरीरृध्यासमद्य मखस्य शिरः शिरः शिरोऽसि नव च । इयति देवीरिन्द्र स्यौ जोऽस्यग्निजा अस्यायुर्धेहि प्राणं पञ्च
yuñjate mana uta yuñjate dhiyaḥ | viprā viprasya bṛhato vipaścitaḥ | vi hotrā dadhe vayunāvideka it | mahī devasya savituḥ pariṣṭutiḥ 1 devasya tvā savituḥ prasave | aśvinorbāhubhyām | pūṣṇo hastābhyāmā dade 2 abhrirasi nārirasi | adhvarakṛddevebhyaḥ 3 uttiṣṭha brahmaṇaspate | devayantastvemahe | upa pra yantu marutaḥ sudānavaḥ | indra prāśūrbhavā sacā 4 praitu brahmaṇaspatiḥ | pra devyetu sūnṛtā | acchā vīraṃ naryaṃ paṅktirādhasaṃ | devā yajñaṃ nayantu naḥ 5 devī dyāvāpṛthivī anu me ma~ sāthām 6 ṛdhyāsamadya | makhasya śiraḥ 7 makhāya tvā | makhasya tvā śīrṣṇe 8 iyatyagra āsīḥ 9 ṛdhyāsamadya | makhasya śiraḥ | makhāya tvā | makhasya tvā śīrṣṇe 10 devīrvamrīrasya bhūtasya prathamajā ṛtāvarīḥ 11 ṛdhyāsamadya | makhasya śiraḥ | makhāya tvā | makhasya tvā śīrṣṇe 12 indra syaujosi | ṛdhyāsamadya | makhasya śiraḥ | makhāya tvā | makhasya tvā śīrṣṇe 13 agnijā asi prajāpate retaḥ | ṛdhyāsamadya | makhasya śiraḥ | makhāya tvā | makhasya tvā śīrṣṇe 14 āyurdhehi prāṇaṃ dhehi | apānaṃ dhehi vyānaṃ dhehi | cakṣurdhehi śrotraṃ dhehi | mano dhehi vācaṃ dhehi | ātmānaṃ dhehi pratiṣṭhāṃ dhehi | māṃ dhehi mayi dhehi 15 madhu tvā madhulā karotu 16 makhasya śiro'si 17 yajñasya pade sthaḥ | gāyatreṇa tvā chandasā karomi | traiṣṭubhena tvā chandasā karomi | jāgatena tvā chandasā karomi | makhasya rāsnāsi | aditiste bilaṃ gṛhṇātu | pāṅktena chandasā | sūryasya harasā śrāya | makho'si | pate śiraḥ ṛtāvarīrṛdhyāsamadya makhasya śiraḥ śiraḥ śiro'si nava ca | iyati devīrindra syau jo'syagnijā asyāyurdhehi prāṇaṃ pañca
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.