सविता भूत्वा प्रथमेऽहन्प्र वृज्यते । तेन कामाꣳ एति । यद्द्वितीयेऽहन्प्रवृज्यते । अग्निर्भूत्वा देवानेति । यत्तृतीयेऽहन्प्रवृज्यते । वायुर्भूत्वा प्राणानेति । यच्चतुर्थेऽहन्प्रवृज्यते । आदित्यो भूत्वा रश्मीनेति । यत्पञ्चमे हन्प्रवृज्यते । चन्द्रमा भूत्वा नक्षत्राण्येति १ यत्षष्ठेऽहन्प्रवृज्यते । ऋतुर्भूत्वा संवत्सरमेति । यत्सप्तमेऽहन्प्रवृज्यते । धाता भूत्वा शक्वरीमेति । यदष्ठमेऽहन्प्रवृज्यते । बृहस्पतिर्भूत्वा गायत्रीमेति । यन्नवमेऽहन्प्रवृज्यते । मित्रो भूत्वा त्रिवृत इमाꣳ लोकानेति । यद्दशमेऽहन्प्रवृज्यते । वरुणो भूत्वा विराजमेति २ यदेकादशेऽहन्प्रवृज्यते । इन्द्रो भूत्वा त्रिष्टुभमेति । यद्द्वादशेऽहन्प्रवृज्यते । सोमो भूत्वा सुत्यामेति । यत्पुरस्तादुपसदां प्रवृज्यते । तस्मादितः पराङ् अमूꣳ लोकाꣳस्तपन्नेति । यदुपरिष्टादुपसदां प्रवृज्यते । तस्मादमुतोऽर्वाङ् इमाङ् लोकाꣳस्तपन्नेति । य एवं वेद । ऐव तपति ३ नक्षत्राण्येति विराजमेति तपति शं नः तन्नो मा हासीत् ॐ शान्तिः शान्तिः शान्तिः
savitā bhūtvā prathame'hanpra vṛjyate | tena kāmām̐ eti | yaddvitīye'hanpravṛjyate | agnirbhūtvā devāneti | yattṛtīye'hanpravṛjyate | vāyurbhūtvā prāṇāneti | yaccaturthe'hanpravṛjyate | ādityo bhūtvā raśmīneti | yatpañcame hanpravṛjyate | candramā bhūtvā nakṣatrāṇyeti 1 yatṣaṣṭhe'hanpravṛjyate | ṛturbhūtvā saṃvatsarameti | yatsaptame'hanpravṛjyate | dhātā bhūtvā śakvarīmeti | yadaṣṭhame'hanpravṛjyate | bṛhaspatirbhūtvā gāyatrīmeti | yannavame'hanpravṛjyate | mitro bhūtvā trivṛta imām̐ lokāneti | yaddaśame'hanpravṛjyate | varuṇo bhūtvā virājameti 2 yadekādaśe'hanpravṛjyate | indro bhūtvā triṣṭubhameti | yaddvādaśe'hanpravṛjyate | somo bhūtvā sutyāmeti | yatpurastādupasadāṃ pravṛjyate | tasmāditaḥ parāṅ amūm̐ lokām̐stapanneti | yadupariṣṭādupasadāṃ pravṛjyate | tasmādamuto'rvāṅ imāṅ lokām̐stapanneti | ya evaṃ veda | aiva tapati 3 nakṣatrāṇyeti virājameti tapati śaṃ naḥ tanno mā hāsīt oṃ śāntiḥ śāntiḥ śāntiḥ
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.