अपश्याम युवतिमाचरन्तीं मृताय जीवां परिणीयमानाम् । अन्धेन या तमसा प्रावृताऽसि प्राचीमवाचीमवयन्नरिष्ट्यै, इति । मयैतां माꣳस्तां भ्रियमाणा देवी सती पितृलोकं यदैषि । विश्ववारा नभसा संव्ययन्त्युभौ नो लोकौ पयसाऽऽवृणीहि, इति । रयिष्ठामग्निं मधुमन्तमूर्मिणमूर्जः सन्तं त्वा पयसोपसꣳसदेम । सꣳ रय्या समु वर्चसा सचस्वा नः स्वस्तये, इति । ये जीवा ये च मृता ये जाता ये च जन्त्याः । तेभ्यो घृतस्य धारयितुं मधुधारा व्युन्दती, इति । माता रुद्राणां दुहिता वसूनाꣳ स्वसाऽऽदित्यानाममृतस्य नाभिः । प्र णु वोचं चिकितुषे जनाय मा गामनागामदितिं वधिष्ट, इति । पिबतूदकं तृणान्यत्तु । ओमुत्सृजत ( १) इति ।। वधिष्ट द्वे च ।। ॐ शान्तिः शान्तिः शान्तिः । हरिः ॐ ।
apaśyāma yuvatimācarantīṃ mṛtāya jīvāṃ pariṇīyamānām | andhena yā tamasā prāvṛtā'si prācīmavācīmavayannariṣṭyai, iti | mayaitāṃ mām̐stāṃ bhriyamāṇā devī satī pitṛlokaṃ yadaiṣi | viśvavārā nabhasā saṃvyayantyubhau no lokau payasā''vṛṇīhi, iti | rayiṣṭhāmagniṃ madhumantamūrmiṇamūrjaḥ santaṃ tvā payasopasam̐sadema | sam̐ rayyā samu varcasā sacasvā naḥ svastaye, iti | ye jīvā ye ca mṛtā ye jātā ye ca jantyāḥ | tebhyo ghṛtasya dhārayituṃ madhudhārā vyundatī, iti | mātā rudrāṇāṃ duhitā vasūnām̐ svasā''dityānāmamṛtasya nābhiḥ | pra ṇu vocaṃ cikituṣe janāya mā gāmanāgāmaditiṃ vadhiṣṭa, iti | pibatūdakaṃ tṛṇānyattu | omutsṛjata ( 1) iti || vadhiṣṭa dve ca || oṃ śāntiḥ śāntiḥ śāntiḥ | hariḥ oṃ |
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.