एतास्ते स्वधा अमृताः करोमि यास्ते धानाः परिकिराम्यत्र । तास्ते यमः पितृभिः संविदानोऽत्र धेनूः कामदुघाः करोतु, इति । त्वामर्जुनौषधीनां पयो ब्रह्माण इद्विदुः । तासां त्वा मध्यादाददे चरुभ्यो अपिधातवे, इति । दूर्वाणाꣳ स्तम्बमाहरैतां प्रियतमां मम । इमां दिशं मनुष्याणां भूयिष्ठाऽनु विरोहतु इति । काशानाꣳ स्तम्बमाहर रक्षसामपहत्यै । य एतस्यै दिशः पराभवन्नघायवो यथा ते नाभवान्पुनः, इति । दर्भाणाꣳ स्तम्बमाहर पितृणामोषधीं प्रियाम् । अन्वस्यै मूलं जीवादनु काण्डमथो फलम्, इति । लोकं पृण ता अस्य सूददोहसः इति । शं वातः शꣳ हि ते घृणिः शमु ते सन्त्वोषधीः । कल्पन्तां ते दिशः सर्वाः, इति । इदमेव मेतोऽपरामार्तिमाराम कांचन । तथा तदश्विभ्यां कृतं मित्रेण वरुणेन च, इति । वरणो वारयादिदं देवो वनस्पतिः । आर्त्यै निर्ऋत्यै द्वेषाच्च वनस्पतिः, इति । विधृतिरसि विधारयास्मदघा द्वेषाꣳसि, इति । शमि शमयास्मदघा द्वेषाꣳसि, इति । यव यवयास्मदघा द्वेषाꣳसि, इति । पृथिवीं गच्छान्तरिक्षं गच्छ दिवं गच्छ दिशो गच्छ सुवर्गच्छ सुवर्गच्छ दिशो गच्छ दिवं गच्छान्तरिक्षं गच्छ पृथिवीं गच्छापो वा गच्छ यदि तत्र ते हितमोषधीषु प्रतितिष्ठा शरीरैः, इति । अश्मन्वती रेवतीर्यद्वै देवस्य सवितुः पवित्रं या राष्ट्रात्पन्नादुद्वयं तमसस्परि धाता पुनातु(२), इति ।। अथो फलं पुनातु ।।
etāste svadhā amṛtāḥ karomi yāste dhānāḥ parikirāmyatra | tāste yamaḥ pitṛbhiḥ saṃvidāno'tra dhenūḥ kāmadughāḥ karotu, iti | tvāmarjunauṣadhīnāṃ payo brahmāṇa idviduḥ | tāsāṃ tvā madhyādādade carubhyo apidhātave, iti | dūrvāṇām̐ stambamāharaitāṃ priyatamāṃ mama | imāṃ diśaṃ manuṣyāṇāṃ bhūyiṣṭhā'nu virohatu iti | kāśānām̐ stambamāhara rakṣasāmapahatyai | ya etasyai diśaḥ parābhavannaghāyavo yathā te nābhavānpunaḥ, iti | darbhāṇām̐ stambamāhara pitṛṇāmoṣadhīṃ priyām | anvasyai mūlaṃ jīvādanu kāṇḍamatho phalam, iti | lokaṃ pṛṇa tā asya sūdadohasaḥ iti | śaṃ vātaḥ śam̐ hi te ghṛṇiḥ śamu te santvoṣadhīḥ | kalpantāṃ te diśaḥ sarvāḥ, iti | idameva meto'parāmārtimārāma kāṃcana | tathā tadaśvibhyāṃ kṛtaṃ mitreṇa varuṇena ca, iti | varaṇo vārayādidaṃ devo vanaspatiḥ | ārtyai nirṛtyai dveṣācca vanaspatiḥ, iti | vidhṛtirasi vidhārayāsmadaghā dveṣām̐si, iti | śami śamayāsmadaghā dveṣām̐si, iti | yava yavayāsmadaghā dveṣām̐si, iti | pṛthivīṃ gacchāntarikṣaṃ gaccha divaṃ gaccha diśo gaccha suvargaccha suvargaccha diśo gaccha divaṃ gacchāntarikṣaṃ gaccha pṛthivīṃ gacchāpo vā gaccha yadi tatra te hitamoṣadhīṣu pratitiṣṭhā śarīraiḥ, iti | aśmanvatī revatīryadvai devasya savituḥ pavitraṃ yā rāṣṭrātpannādudvayaṃ tamasaspari dhātā punātu(2), iti || atho phalaṃ punātu ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.