आप उन्दन्तु जीवसे दीर्घायुत्वाय वर्चसे । ओषधे त्रायस्वैनम् । स्वधिते मैनꣳ हिꣳसीः । देवश्रूर् एतानि प्र वपे स्वस्त्य् उत्तराण्य् अशीय । आपो अस्मान् मातरः शुन्धन्तु घृतेन नो घृतपुवः पुनन्तु । विश्वम् अस्मत् प्र वहन्तु रिप्रम् उद् आभ्यः शुचिर् आ पूत एमि सोमस्य तनूर् असि तनुवम् मे पाहि महीनाम् पयो ऽसि वर्चोधा असि वर्चः मयि धेहि वृत्रस्य कनीनिकाऽसि चक्षुष्पा असि चक्षुर् मे पाहि चित्पतिस् त्वा पुनातु वाक्पतिस् त्वा पुनातु देवस् त्वा सविता पुनात्व् अच्छिद्रेण पवित्रेण वसोः सूर्यस्य रश्मिभि तस्य ते पवित्रपते पवित्रेण यस्मै कम् पुने तच्छकेयम् आ वो देवास ईमहे सत्यधर्माणो अध्वरे यद् वो देवास आगुरे यज्ञियासो हवामहे । इन्द्राग्नी द्यावापृथिवी आप ओषधीस् त्वं दीक्षाणाम् अधिपतिर् असीह मा सन्तम् पाहि ॥
āpa undantu jīvase dīrghāyutvāya varcase | oṣadhe trāyasvainam | svadhite mainam̐ him̐sīḥ | devaśrūr etāni pra vape svasty uttarāṇy aśīya | āpo asmān mātaraḥ śundhantu ghṛtena no ghṛtapuvaḥ punantu | viśvam asmat pra vahantu ripram ud ābhyaḥ śucir ā pūta emi somasya tanūr asi tanuvam me pāhi mahīnām payo 'si varcodhā asi varcaḥ mayi dhehi vṛtrasya kanīnikā'si cakṣuṣpā asi cakṣur me pāhi citpatis tvā punātu vākpatis tvā punātu devas tvā savitā punātv acchidreṇa pavitreṇa vasoḥ sūryasya raśmibhi tasya te pavitrapate pavitreṇa yasmai kam pune tacchakeyam ā vo devāsa īmahe satyadharmāṇo adhvare yad vo devāsa āgure yajñiyāso havāmahe | indrāgnī dyāvāpṛthivī āpa oṣadhīs tvaṃ dīkṣāṇām adhipatir asīha mā santam pāhi ||
Roman (IAST) transliteration rendered by HREEM from the edition's Devanagari; the Devanagari is the edition's own.
a May I the waters wet (thee) for life, For length of days, for glory. b O plant, protect him. c Axe, hurt him not. d Obedient to the gods I shear these. e With success may I reach further days. f Let the waters, the mothers, purify us, With ghee let those that purify our ghee purify us, Let them bear from us all pollution, Forth from these waters do I come bright, in purity. g Thou art the body of Soma, guard my body. h Thou art the milk of the great ones, thou art the giver of splendour; splendour [1] place in me. i Thou art the pupil of Vrtra's eye, thou art the guardian of the eye, guard my eye. k Let the lord of thought purify thee, let the lord of speech purify thee, let the god Savitr purify thee With the flawless purifier, With the rays of the bright sun. l O lord of the purifier, with thy purifier for whatsoever I purify myself, that may I have strength to accomplish. m We approach you, O gods, Ye that have true ordinances at the sacrifice What O gods ye can assent to, For that we ask you, O holy ones.' n Indra and Agni, heaven and earth, waters, plants. o Thou art the lord of consecrations, guard me that am here.
Translated by Arthur Berriedale Keith (1914)