वित्तायनी मे ऽसि तिक्तायनी मे ऽस्य् अवतान् मा नाथितम् अवतान् मा व्यथितम् । विदेर् अग्निर् नभो नाम । अग्ने अङ्गिरो यो ऽस्याम् पृथिव्याम् अस्य् आयुषा नाम्नेहि यत् ते ऽनाधृष्टं नाम यज्ञियं तेन त्वा दधे । अग्ने अङ्गिरो यो द्वितीयस्यां तृतीयस्याम् पृथिव्याम् अस्य् आयुषा नाम्नेहि यत् ते ऽनाधृष्टं नाम ॥ यज्ञियं तेन त्वाऽऽ दधे सिꣳहीर् असि महिषीर् असि । उरु प्रथस्वोरु ते यज्ञपतिः प्रथताम् । ध्रुवाऽसि देवेभ्यः शुन्धस्व देवेभ्यः शुम्भस्व । इन्द्रघोषस् त्वा वसुभिः पुरस्तात् पातु मनोजवास् त्वा पितृभिर् दक्षिणतः पातु प्रचेतास् त्वा रुद्रैः पश्चात् पातु विश्वकर्मा त्वाऽऽदित्यैर् उत्तरतः पातु सिꣳहीर् असि सपत्नसाही स्वाहा सिꣳहीर् असि सुप्रजावनिः स्वाहा सिꣳहीः ॥ असि रायस्पोषवनिः स्वाहा सिꣳहीर् अस्य् आदित्यवनिः स्वाहा सिꣳहीर् अस्य् आ वह देवान् देवयते यजमानाय स्वाहा भूतेभ्यस् त्वा विश्वायुर् असि पृथिवीं दृꣳह ध्रुवक्षिद् अस्य् अन्तरिक्षं दृꣳहाच्युतक्षिद् असि दिवं दृꣳह । अग्नेर् भस्मास्य् अग्नेः पुरीषम् असि ॥
vittāyanī me 'si tiktāyanī me 'sy avatān mā nāthitam avatān mā vyathitam | vider agnir nabho nāma | agne aṅgiro yo 'syām pṛthivyām asy āyuṣā nāmnehi yat te 'nādhṛṣṭaṃ nāma yajñiyaṃ tena tvā dadhe | agne aṅgiro yo dvitīyasyāṃ tṛtīyasyām pṛthivyām asy āyuṣā nāmnehi yat te 'nādhṛṣṭaṃ nāma || yajñiyaṃ tena tvā'' dadhe sim̐hīr asi mahiṣīr asi | uru prathasvoru te yajñapatiḥ prathatām | dhruvā'si devebhyaḥ śundhasva devebhyaḥ śumbhasva | indraghoṣas tvā vasubhiḥ purastāt pātu manojavās tvā pitṛbhir dakṣiṇataḥ pātu pracetās tvā rudraiḥ paścāt pātu viśvakarmā tvā''dityair uttarataḥ pātu sim̐hīr asi sapatnasāhī svāhā sim̐hīr asi suprajāvaniḥ svāhā sim̐hīḥ || asi rāyaspoṣavaniḥ svāhā sim̐hīr asy ādityavaniḥ svāhā sim̐hīr asy ā vaha devān devayate yajamānāya svāhā bhūtebhyas tvā viśvāyur asi pṛthivīṃ dṛm̐ha dhruvakṣid asy antarikṣaṃ dṛm̐hācyutakṣid asi divaṃ dṛm̐ha | agner bhasmāsy agneḥ purīṣam asi ||
Roman (IAST) transliteration rendered by HREEM from the edition's Devanagari; the Devanagari is the edition's own.
a Thou I art the abode of riches for me; thou art the resort of the afflicted for me; protect me when in want; protect me when afflicted. b May Agni, named Nabhas, know (thee). c Agni Angiras, thou who art in this earth, come with the name of Ayus. Whatsoever unapproached, holy name is thine, [1] therewith I take thee up. d Agni Angiras, thou who art in the second (the third) earth, come with the name of Ayus. Whatever inviolate, holy name is thine, therewith I take thee up. e Thou art a lioness; thou art a buffalo. f Extend wide; let the lord of the sacrifice extend wide for thee. g Thou art firm. h Be pure for the gods; be bright for the gods. i May the cry of Indra guard thee in front with the Vasus; may the swift of mind guard thee on the right with the Pitrs; may the wise one guard thee behind with the Rudras; may Viçvakarman guard thee on the left with the Adityas. k Thou art a lioness, overcoming rivals; hail! Thou art a lioness, bestowing fair offspring; hail! Thou art a lioness, [2] bestowing increase of wealth; hail! Thou art a lioness, winning (the favour of) the Adityas hail! Thou art a lioness; bring the gods to the pious sacrificer; hail! l To beings thee! m Thou containest all life, strengthen the earth; thou restest firm, strengthen the atmosphere; thou restest inviolable, strengthen the heaven. n Thou art the ashes of Agni; thou art the rubble of Agni.
Translated by Arthur Berriedale Keith (1914)