अनुमत्यै पुरोडाशम् अष्टाकपालं निर्वपति धेनुर् दक्षिणा ये प्रत्यञ्चः शम्याया अवशीयन्ते तं नैर्ऋतम् एककपालं कृष्णं वासः कृष्णतूषं दक्षिणा वीहि स्वाहाऽऽहुतिं जुषाणः । एष ते निर्ऋते भागो भूते हविष्मत्य् असि मुञ्चेमम् अꣳहसः स्वाहा नमो य इदं चकार । ऽआदित्यं चरुं निर्वपति वरो दक्षिणा । आग्नावैष्णवम् एकादशकपालं वामनो वही दक्षिणा । अग्नीषोमीयम् एकादशकपालꣳ हिरण्यं दक्षिणा । ऐन्द्रम् एकादशकपालम् ऋषभो वही दक्षिणा । आग्नेयम् अष्टाकपालम् ऐन्द्रं दध्य् ऋषभो वही दक्षिणा । ऐन्द्राग्नं द्वादशकपालं वैश्वदेवं चरुम् प्रथमजो वत्सो दक्षिणा सौम्यꣳ श्यामाकं चरुं वासो दक्षिणा सरस्वते चरुम् मिथुनौ गावौ दक्षिणा ॥
anumatyai puroḍāśam aṣṭākapālaṃ nirvapati dhenur dakṣiṇā ye pratyañcaḥ śamyāyā avaśīyante taṃ nairṛtam ekakapālaṃ kṛṣṇaṃ vāsaḥ kṛṣṇatūṣaṃ dakṣiṇā vīhi svāhā''hutiṃ juṣāṇaḥ | eṣa te nirṛte bhāgo bhūte haviṣmaty asi muñcemam am̐hasaḥ svāhā namo ya idaṃ cakāra | 'ādityaṃ caruṃ nirvapati varo dakṣiṇā | āgnāvaiṣṇavam ekādaśakapālaṃ vāmano vahī dakṣiṇā | agnīṣomīyam ekādaśakapālam̐ hiraṇyaṃ dakṣiṇā | aindram ekādaśakapālam ṛṣabho vahī dakṣiṇā | āgneyam aṣṭākapālam aindraṃ dadhy ṛṣabho vahī dakṣiṇā | aindrāgnaṃ dvādaśakapālaṃ vaiśvadevaṃ carum prathamajo vatso dakṣiṇā saumyam̐ śyāmākaṃ caruṃ vāso dakṣiṇā sarasvate carum mithunau gāvau dakṣiṇā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.