स्वाद्वीं त्वा स्वादुना तीव्रां तीव्रेणामृताम् अमृतेन सृजामि सꣳ सोमेन सोमो ऽस्य् अश्विभ्याम् पच्यस्व सरस्वत्यै पच्यस्वेन्द्राय सुत्राम्णे पच्यस्व पुनातु ते परिस्रुतꣳ सोमꣳ सूर्यस्य दुहिता । वारेण शश्वता तना ॥ वायुः पूतः पवित्रेण प्रत्यङ्क् सोमो अतिद्रुतः । इन्द्रस्य युज्यः सखा ॥ कुविद् अङ्ग यवमन्तो यवं चिद् यथा दान्त्य् अनुपूर्वं वियूय । इहेहैषां कृणुत भोजनानि ये बर्हिषो नमोवृक्तिं न जग्मुः ॥ आश्विनं धूम्रम् आ लभते सारस्वतम् मेषम् ऐन्द्रम् ऋषभम् ऐन्द्रम् एकादशकपालं निर् वपति सावित्रं द्वादशकपालं वारुणं दशकपालम् । सोमप्रतीकाः पितरस् तृप्णुत वडबा दक्षिणा ॥
svādvīṃ tvā svādunā tīvrāṃ tīvreṇāmṛtām amṛtena sṛjāmi sam̐ somena somo 'sy aśvibhyām pacyasva sarasvatyai pacyasvendrāya sutrāmṇe pacyasva punātu te parisrutam̐ somam̐ sūryasya duhitā | vāreṇa śaśvatā tanā || vāyuḥ pūtaḥ pavitreṇa pratyaṅk somo atidrutaḥ | indrasya yujyaḥ sakhā || kuvid aṅga yavamanto yavaṃ cid yathā dānty anupūrvaṃ viyūya | ihehaiṣāṃ kṛṇuta bhojanāni ye barhiṣo namovṛktiṃ na jagmuḥ || āśvinaṃ dhūmram ā labhate sārasvatam meṣam aindram ṛṣabham aindram ekādaśakapālaṃ nir vapati sāvitraṃ dvādaśakapālaṃ vāruṇaṃ daśakapālam | somapratīkāḥ pitaras tṛpṇuta vaḍabā dakṣiṇā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.