अग्नये ऽनीकवते पुरोडाशम् अष्टाकपालम् निर् वपति साकꣳ सूर्येणोद्यता मरुद्भ्यः सांतपनेभ्यो मध्यन्दिने चरुम् मरुद्भ्यो गृहमेधिभ्यः सर्वासां दुग्धे सायं चरुम् पूर्णा दर्वि परा पत सुपूर्णा पुनर् आ पत । वस्नेव वि क्रीणावहा इषमूर्जꣳ शतक्रतो ॥ देहि मे ददामि ते नि मे धेहि नि ते दधे । निहारम् इन् नि मे हरा निहारम् नि हरामि ते ॥ मरुद्भ्यः क्रीडिभ्यः पुरोडाशꣳ सप्तकपालं निर् वपति साकꣳ सूर्येणोद्यताग्नेयम् अष्टाकपालं निर् वपति सौम्यं चरुꣳ सावित्रं द्वादशकपालꣳ सारस्वतं चरुम् पौष्णं चरुम् ऐन्द्राग्नम् एकादशकपालम् ऐन्द्रं चरुं वैश्वकर्मणम् एककपालम् ॥ सायणभाष्यम्१
agnaye 'nīkavate puroḍāśam aṣṭākapālam nir vapati sākam̐ sūryeṇodyatā marudbhyaḥ sāṃtapanebhyo madhyandine carum marudbhyo gṛhamedhibhyaḥ sarvāsāṃ dugdhe sāyaṃ carum pūrṇā darvi parā pata supūrṇā punar ā pata | vasneva vi krīṇāvahā iṣamūrjam̐ śatakrato || dehi me dadāmi te ni me dhehi ni te dadhe | nihāram in ni me harā nihāram ni harāmi te || marudbhyaḥ krīḍibhyaḥ puroḍāśam̐ saptakapālaṃ nir vapati sākam̐ sūryeṇodyatāgneyam aṣṭākapālaṃ nir vapati saumyaṃ carum̐ sāvitraṃ dvādaśakapālam̐ sārasvataṃ carum pauṣṇaṃ carum aindrāgnam ekādaśakapālam aindraṃ caruṃ vaiśvakarmaṇam ekakapālam || sāyaṇabhāṣyam1
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.