अग्ने गोभिर् न आ गहीन्दो पुष्ट्या जुषस्व नः । इन्द्रो धर्ता गृहेषु नः ॥ सविता यः सहस्रियः स नो गृहेषु रारणत् । आ पूषा एत्व् आ वसु ॥ धाता ददातु नो रयिम् ईशानो जगतस् पतिः । स नः पूर्णेन वावनत् ॥ त्वष्टा यो वृषभो वृषा स नो गृहेषु रारणत् । सहस्रेणायुतेन च ॥ येन देवा अमृतम् दीर्घꣳ श्रवो दिव्य् ऐरयन्त । रायस् पोष त्वम् अस्मभ्यं गवां कुल्मिं जीवस आ युवस्व ॥ अग्निर् गृहपतिः सोमो विश्ववनिः सविता सुमेधाः स्वाहा । अग्ने गृहपते यस् ते घृत्यो भागस् तेन सह ओज आक्रममाणाय धेहि श्रेष्ठ्यात् पथो मा योषं मूर्धा भूयासꣳ स्वाहा ॥
agne gobhir na ā gahīndo puṣṭyā juṣasva naḥ | indro dhartā gṛheṣu naḥ || savitā yaḥ sahasriyaḥ sa no gṛheṣu rāraṇat | ā pūṣā etv ā vasu || dhātā dadātu no rayim īśāno jagatas patiḥ | sa naḥ pūrṇena vāvanat || tvaṣṭā yo vṛṣabho vṛṣā sa no gṛheṣu rāraṇat | sahasreṇāyutena ca || yena devā amṛtam dīrgham̐ śravo divy airayanta | rāyas poṣa tvam asmabhyaṃ gavāṃ kulmiṃ jīvasa ā yuvasva || agnir gṛhapatiḥ somo viśvavaniḥ savitā sumedhāḥ svāhā | agne gṛhapate yas te ghṛtyo bhāgas tena saha oja ākramamāṇāya dhehi śreṣṭhyāt patho mā yoṣaṃ mūrdhā bhūyāsam̐ svāhā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.